inghiongg lo -3
Bunchhai huan'ik
The Vision Quest
JAUXCUE DONGRCATLIK
m si duicue quewdingg ee tongwkow, si did diyc kexgno sii ee hixqongg.
------- J.CAMPBELL --------
1929 nii jap-guec CAMPBELL likuix Aujiux, dngw laii NEW YORK, byy gigo jiacc dngw laii nng lexvair, WALL STREET qoxci suacc dua vangvuaa. CAMPBELL byy hxuad cue diyc qangjog, marr byy guanrir qewsiok tak poksu, hitt nii ix zi-jap-go huer, ui' ving'iuw hiax jox jit qingx siyw cur unxqux dirr WOODSTOCK, juansimx tagceh. Siyw mue ALICE (USSR diausokqax A.ARCHIPENKO ee hagsingx) ham' ix druar jywhuew. Qycc laii ee nng~ snax dxangx jitt xee byy qinggiam ee siauwlenn jokjiaw duarliong knuar ceh, qycc ciwsiaw congwjy siyxsuad, vingrr byy singqongx, CAMPBELL anne qongw jurqiw.
1931 nii, CAMPBELL sraiw maxmah hitt daii T-hxingg FORD qiauciax, ui' NEW YORK qaur Qajiux cue taulo. Tauwquer ving'iuw ADELLE DAVIS luxsu (siauwlenn ingiongw hagqax) ee inxqenr, ham' JOHN STEINBECK/ singbut hagqax ED RICKETTS siy' bad, jaiww crur diamw dyc RICKETTS duiww sinuerhak/ singbuthak quanhe ee hingwtauu. CAMPBELL/ RICKETTS nng langg jre junn en' sehnua jit lo qaur ALASKA, siujip vaxlauu/ kyxlauu qranx singjunn ee singbut, CAMPBELL ham' jit xui USSR qimx kongwqangx dnuaa BALALAIKA.
1933 nii, CAMPBELL jiapsiu CANTERBURY irvikyx lau haurdniuw iaucniaw, dngw kir buxhau qar, vutqyr qandna' quer jit hagqii dyrr sijid, “dngw kir qingjer dua hibii” ix anne qongw. Suxx langg iwgua :ee, siaw ee dew pnix siyxsuad <STRICTLY PLATONIC>, u langg cud snax-vah kox Bixqimx brew .kir. U liauw jitt snax-vah kox, qycc dngw kir WOODSTOCK unxqux, jurgno hongwzim ee sing'uac quer liauw nng nii gua. Jitt qiqanx, ix siongser tak liauw dirr Aujiux sii dyrr jin' himmo jokqax ee duwjog: JOYCE/ SPENGLER/ MANN/ FREUD/ JUNG/ J.G.FRAZER/ L.FROBENIUS. 1934 nii cxunx, SARAH LAWRENCE hagngi laii iaucniaw, ix sui' jiapsiu jitt xee qangjog, jit jyr snax-jap-veh dxangx, kuix kxyr vixqaur bunhak/ vixqaur sinue, huisiongg sriu huangingg.
UNXQUX TAGCEH KIR
Campbell : guaw sniu, ui' Aujiux dngw laii au, si guaw siongrr diongriaur jit dnxua hagsip/ jyr hagbun ee suewguat. Dngw laii Bixqog iokk nng lexvair au, WALL STREET dua vairci, dongsii juann sewqair dy' byy kyxlingg cue diyc jit hxun qangjog, dngw kir COLUMBIA dairhak, sniu beh qewsiok tak pogsu, guaw duiww inx qongw, “jingxqyy sewqair dy' uirr guaw packuix ar.”
“ar! M hyw,” inx qongw “liw mair yc hitt tyr, jiauww liw kir Aujiux ixjingg ee ngiu jyr genxqiur dyrr hyw.”
“ qu honghuad? Byy kyxlingg.” guaw anne qongw.
Vaxvah soxu ee liabjig dy' byy ar, guaw qycc u jit quaw, hex si dirr JAZZ gagdui enxjaur quixarr nii kiam :ee. Kyr jiaxee jnii, guaw cangr zip kir WOODSTOCK ciurnaa-lai, sniaw dy' byy jyr, qandna' tagceh, tagche, tagceh..., jongxqiong go dxangx, byy qangjog/ byy jnii. Jitt dnxua qinggiam hro guaw bingvik, jit xee byy qadingg kuawlu ee siauwlenlangg qinvunw benw iong diyc jnii.
Dirr qingjer dua siaudiauu hitt dnxua qiqanx, uirr jurqiw dring liauw jit xee qangjokviyw. Narr byy taulo/ byy langg qra liw qongw qaix jyr sniaw ee sii, dyrr kyr jurqiw quanxliw. Jit zit hunx sir dnxua/ jit dnxua sir diamxjingx/ qidiongx snax dnxua knuar ceh, lauu jit dnxua juriuu siqanx.
Dagg zit veh diamw kixcngg, jingxliw vangqingx/ junxvi jaxdngr, qauw diamw jre lyc laii kaisiw knuar ceh snax diamxjingx.
Diongdauwdngr jit diamxjingx, lingrgua snax diamxjingx knuar ceh. Suar lyc laii guaw erdangr juriuu suanw, knuar ceh iacc si juriuu siqanx, ciangjai si jit diamxjingx amwdngr, snax diamxjingx knuar ceh. Derr sir dnxua ee sir diamxjingx uanjuann si juriuu siqanx lor. Amwsii jap-zi diamw junxsii hiywkunr lor. Narr duw diyc ham' langg iog/ jiuxhue ji' lui, rair cut mngg sii, ingsinx siqanx driaur laii ervox, amwsii jitt dnxua jiacc knuar ceh.
Jitt xee kywdingviyw duiww guaw jin' u loriong, hro guaw dagg zit u uanjingw ee qauw diamxjingx knuar ceh. Anne ee sing'uac qewsiok go dxangx, guaw tak liauw jin' je ee ceh. Kir S. LAWRENCE qar ceh/ kaisiw siaxjog au, suibongw byy hxuad dagg zit knuar ceh, jixiaur vaiwlak/ byy guarcud, dyrr e jiauww qangrkuanw ee siqanviyw.
Jex si guaw jurgnow qauwiok ee honghuad : tak jurqiw sniu beh knuar ee ceh, jit vunw suar jit vunw. E anne qenwgi hagsingx, zuqyw linw qamxqag mow xee jokjiaw kip'inw liw, dyrr qra ix ee jokpinw juanvo tak quer jit vxenr, jiacc jinr jit vo kir tak ingxhiongw hitt xee jokqax ee ceh/ qitnax siongquanx langg ee ceh, anne erdangr liauxqaiw kacc cimx, ngiaa quer dangx knuar .jit .xe, saix henx .jit .xe. liw ee sewqair dyrr e ixx jit xee iuxqix hongsid qenwqor kixjy. Jitmaw dairhak qauwiok hongsid ham' jex dywvingw, inx kacc hibang liw jaix ee si, KEAT ee jap-sir jua six si dirsii cutvanw, m si six ee lueriongg.
Dirr S.LAWRENCE siqanx, ham' luw hagsingx ee puewhap, tetdew pacpuar jitt jiongw hagngipair qauwhak hongsid.
Hex si jit dnxua jin' janw ee qinggiam, qamm diyc damrvyc qinxdiux! E qir .did u jit vaiw tuah-aw tuah kuix, cunx jit dniux jit kox juaxpiyr, guaw jaix, jixiaur u jit kox, dyrr byy bunrdee. Kir qar ceh jingg jit nii, guaw ter druar dirr WOODSTOCK ee jit kauxjaur qor jit jiah qxauw, texhingg u quniongrgauw/ Dikqog lahqauw jiqanx hiacc dua, hyrjyr FRITZ, guaw ham' ix dauwdin jit dxangx, yc liauw jerje qxauw iuxquanx ee dairjir. Ix air diyc lo-vnix jit jiah niaux, guaw sniu jin vorsor beh qra qaixvenr, itcer dy' byy hau, jixiaur guaw srid qakcad .jit .xe, dyrr liux cud kir cue hitt jiah niaux.
Jex si jit xee byy jnii/ iuguann hnuahiw quer zidjiw ee sing'uac.
BYY POGSU HAG'UI
Tarnas : guaw sniu beh tniax liw qongw byy poksu hag'ui u sniaw hyxcur? [ciyr]
Campbell : jitt xee maar, byy hag'ui byy sniaw hyxcur, vutqyr, byy kir tec u jit xee hyxcur. Hitt sii sewqair mngtangx ixqingx uirr guaw packuix, siongrr qaix jyr :ee, si jin lat jiapqin sinx susiongw/ surbut ee sii, m si tauu siah jiamx ~, jngr zip kir ec ~ ee pang, qra jurqiw he dirr jit xui qauwsiu ee qamwquanw-ha. Ix hibang liw kir genxqiur :ee, si ix quixarr jap nii jingg hro ix qigdong .quer ee kywdee/ ix siongrr quansimx :ee, si liw ee juwqaiw qamxx u qraur jiujuann. Hex si bre mia ee qangjog!
Incuw, guaw u jit xee lixlun: dirr mow quaw lingxhik, poksu hag'ui si u iwgi :ee, danrsi, bunkyx/ bunhuar lingxhik, poksu si bulingg ee viauxhen. [ciyr]
jex si guaw ee simqnua'ue. Dng' liw qaix huatdenw cud jurqiw ee susiongw, henkuix jit xee sinx sewqair sii, inx kiokk giaa voxtauu qra itcer jamw driau.
COLUMBIA dairhak ee RAYMOND WEAVER, si jit xui jin' janw ee laursux, si zi-jap nidai siongrr dairsingx dingsinx huathen MELVILLE qewdat ee langg, jaiww venx quer ix ee jokpinw, WEAVER byy poksu hag'ui. Dng' guaw qra qongw, guaw junxvi beh tak poksu sii, ix qongw “or! Tak poksu? Kacc sewzi lehh, inx e qra liw keh dax .kir!” aurlaii, guaw u jit xee qihue kir diongsevo qar ceh, ix jaix ixau, qycc qongw “zuqyw tak poksu be qra liw jnrix dax, hitt xee qangjog itding e.”
TAGCEH JYR VITQIR
Campbell : incuw guaw hongwkir tak poksu, inx qinvunw dyrr byy sniu beh tniax liw qongw SANSKRIT/ henrdai gersut, ui'id sniu beh tniax :ee, si CELTIC sinue/ ARTHUR tuanqii ee quanhe. Danrsi guaw qamxqag guaw ixqingx genxqiur uann ar.
Byy langg qar guaw rair tak sniaw ceh, dyrr qaqi bongx, jitt xee siqii, guaw huathen liauw O.SPENGLER ee <THE DECLINE OF THE WEST>/ L.FROBENIUS sinvir ywbiau ee jokpinw, duiww damlun ligsuw hingsid, ham' JUNG/FREUD/ MANN/ JOYCE ee jokpinw dy' sna' kanlenn, dirr Qajiux qycc huathen liauw R.JEFFERS, inx longxx si guaw uixdai ee kexbongjiaw. Hitt sii guaw byy siaw lunrbunn/ byy zimrhyy qitnax ee aplik, ui'id rair jyr :ee, jixsirr dirr ceh-lai diongriaur zirqur uersnuar/ jyr vitqir, jex si jin' cuwbi ee dairjir, qaur dnaxx guaw jyr liauw sir-jap dxangx ee vitqir, jongxqiong u jap-sir qxui dongwanr, muixx jit xee tuah-aw buanw ~ jit tac qycc jit tac. Guaw soxu ee sniurhuad/ jokpinw, dy' si ui' jitt lairbin cud laii.
Dng' liw benw qangjog qycc erdangr tak jurqiw sniu beh tak ee ceh sii, jin' iong'i sanxsingx jin' cimx ee simliw bunrdee, cimx qaxx cniurr jit xee sewhanr ginxaw u ee bunrdee. Guaw vunxlaii sniu qongxx guaw byy air qangjog, vutqyr, S, KAWRENCE Hagngi, jit laii iaucniaw, guaw qycc knuar diyc hiax u hiacc je suiw jabow hagsingx, taiwdo jit-vah veh-jap dxo juanxvenr. Driyc! Guaw sniu beh qangjog. Kir qar ceh au, guaw ee simliw bunrdee juann byy .kir ar! Sidjai cuwbi!
VYXCII DIRR SNEWMIARLAT EE GENXQIUR
Brown: dirr jex jinwjingg, qamxx u anwsngr jionglaii jniajyr laursux?
Campbell : duliauu hnuahiw knuar ceh/ jyr sniu beh jyr ee dairjir ixgua, taukag-lai byy zimrhyy sniurhuad/ byy zimrhyy bogdig, jixsirr knuar ceh, duer ceh qniaa, ceh cua guaw kir dyhh, guaw dyrr kir dyhh. U jit zit, kiokk dirr puesinwsniux knuar diyc SARAH LAWRENCE Hagngi laii ee puex, iaucniaw guaw kir inx haghau jyr laursux. Si COLUMBIA ee laursux W.W.LAWRENCE, snax nii jingg dyrr qra haghau qongw .quer, narr beh cue laursux, guaw si sikhap ee zinsuanw.
Jurlaii byy jiac quer taulo, C.WARREN haurdniuw mng guaw,
“CAMPBELL sensnix, liw hibang sinsuiw zuarr je?”
“oor! Guaw m jaix, nng-cingx Bixqimx qamxx ersaih tihh?”
"gunw ee sinsuiw byy hiacc jiyw.” haurdniuw rinr.
Qetqyw si nng-cingx nng-vah kox. Jitmaw guaw narr tniax diyc duxx cutgiap :ee, iauqiuu hiacc quann ee sinsuiw, e sniu diyc jurqiw dongnii cuwbi ee dairjir.
S.LAWRENCE Hagngi singrr janw ee soxjai --- marr si guaw jiapsiu jitt hxun qangjog jinjniar lixliuu --- ix si quiw nii jingg jiacc qenwlip ee luxjuw hagngi, sinx kiw :ee byy jit tyr qu quiding rair guaw kir sik'ingr. Dyrr si qongw, guaw erdangr jiauww guaw soxx qac'ir :ee, air qar sniaw dyrr qar sniaw, anxjnuaw qar jairr guaw. Congwvan ee lixliam si jiauwqor luxsingr hagsingx su'iaur, m si cniurr itvnuax ixx lamsingrr jyr juxiaur ee kywdingg anvaii.
---------------------
jiax ee qauwjitguann, si suxx langg janwtanr ee uanbiw johap, lamluw laursux dy' siangdongx siglen, jaix qaix zuhyy puewhap hagsingx ee cuwbi, qra inx cua zip zinbunhak ee juxliuu.
Jitt qingx haghau ee jongjiw si: qauwhak rair puewhap hagsingx ee hingwcur. Hex si jit xee qik u iwsur ee nidai. Dongsii siangdongx je ee hagsut juanjaii dirr sitgiap jongrtair, inx dy' laijurr DiongAux, HITLER ee enqor liubongg laii Bixqog :ee. qauwjitguann ee johap si ho'ngg jin' e ylyw tihh, lamluw laursux jin' lauxlen, jaix rair jnuaxngiu puewhap hagsingx ee hingwcur qauwhak, cuarniaw inx jinwzip zinbunhak ee juxliuu.
Byy zuarr quw, jit xee kuriuw congwjyrsingr ee zinbunn laursux tuandui dyrr qenwlip ar. Dirr hitt xee nidai, zuqyw liw dirr ixx lamsingr diongsimx ee dairhak tak gersut, tak diyc :ee jixsirr gersudsuw, gunw jiax si gersut qangjoksig. Liw sniu beh tiauwbuw, M.GRAHAM dirr jiax qar! Hex si jit qingx ho'ngg ylyw qaxx e dag jic ee haghau. Guaw erdangr dirr hiax qar, qra guaw go nii soxx tak/ texzin diyc :ee, jinjniar kuriuw diongriauwsingr ee mic qar hro siauwlenlangg, si guaw ee qongcaiw inghing.
Jiapsiu jitt xee qangjog, jit qar snax-jap-veh dxangx, zuxx qar zuxx qamxsiu jurqiw sriu lxi. Guaw qandna' erdangr qar itding sowbok ee hagsingx, jixu quann niqib, benw liauw qingw hagsingx ee mahuann. Quiding jurqiw muixx nng lexvair rair ham' muixx xee hagsingx dandok binrdamm jit vaiw, anne dyrr byy hxuad ciauquer zi-jap xee hagsingx(jurlaii m bad si duarvanx :ee). Huerdamm sii, guaw erdangr liauxqaiw inx ui' guaw ee qauwhak yc diyc zuarr je.
Guaw si javox, duiww sinue ee genxqiur jurzenn e kacc pendiong lamsingr hingwcur hongbin. Mrqyxx qar ceh ee sii, m na rair jinrliong puewhap hagsingx ee cuwbi, marr rair cue cud inx soxx iwsinn :ee. Ham' muixx jit xee hagsingx qywvet dam'ue (iokk vnuer diamxjingx ~ sir-jap-go hunjingx), e liauxqaiw inx did diyc sniaw, sniu beh jaix sniaw. Inx longxx si jabow :ee, vig guaw rair ui' luxsingr qakdo qycjaiww simxcad guaw ee qauwjaii. Soxui luxsingr qakdo, iwbi diyc guaw diyh'air mng jurqiw anne ee bunrdee : jiaxee jailiau duiww snewmia u sniaw iwgi? Duiww guaw ee iwgi? Jit xee sinue uirjnuaxngiu cuthen dirr hiax, m si dirr jiax ee hagsut bunrdee, dyrr byy hiacc diongriaur ar. Sniu beh jaix :ee si, duiww guaw ee iwgi dirr dyhh.
Guaw ee hagsingx cavutdyx si qidokdoo/ iutaiwqauwdoo duiwvnuar, camx quiw xee vudqauwdoo/ vaiwhuexqaur (ZOROASTRIAN)/ qitnax sinwgiongw :ee. Siongrr dairsingx ee sniurhuad si, rair hro inx tiaur cud jurqiw ee jongqaur, danrsi jin' qinw huathen suacc dendywvingw, qinvunw byy su'iaur anne jyr, ui' qauwhak lueriongg inx jurzenn e u jit duir juann sinx ee bagjiux knuar inx ee jongqaur. Jitmaw guaw narr duw diyc quewkir sir-jap nii laii qar quer ee hagsingx (inx longxx jyr maxmah ar!) ciangjai e tniax diyc inx qra guaw qongw, guaw duiww sinue ee kuitiah, packuix inx ee ganxqair, hex si zuarr janw lehh! Jex be hro liw sitkir liw ee jongqaur, liw sinwgiongw :ee iuguann dirr hiax, jixvutqyr, inx e iong guanlaii gixgenn qongw, hex si jit kixtauu virr sinjid zinguann ziakamr ar.
Guaw cue diyc jurqiw susiongw bingkag honghiongr, rair qamxsia guaw ee hagsingx. Inx hro guaw byy penlii quixdy, itdit qra genxqiur honghiongr jiangxag dirr snewmia ee dairjir.
Guaw qamxqag, jitmaw siqniaa byy hunx lamluw vutjiw aw uiham, jex duiww zinlui sing'uac kuriuw quanqenwsingr, kiokk virr buah siaux driau, itcer ee hunvet virr crid driau. Jixiaur liw jojid jit xee sunn lamsingr/ luxsingr ee len'girhue, dyrr u langg e pruex/ u jinggi cud laii. Itcer juxdniux jixiaur knuar kiw laii si jewjy hunvet, qongw si “jingingx juxgi”, dy' byy sriu huangingg.
Hueqor quewkir, erdangr unxqux tak ceh go nii, ixx snewmiarlat kywdee qauwdy luxhagsingx snax-jap-veh dxangx, jinjniar qibiau! Taiww suiw lehh!
TNIAX JIT KXYR TENDONGG EE QANGXENW
Arrien : qar luxhagsingx hiacc je nii, liw ingwqaix duiww luxsingr jin' u genxqiur?
Campbell : suibongw snax-jap-veh nii longxx qar luxhagsingx, iuguann m qnaw qongw guaw liauxqaiw luxsingr!
Arrien : guaw knuar, dirr jitt xee derqiuu-dingw/ jitt xee bunhuar, qar jabow hagsingx snax-jap-veh dxangx ee laursux cue byy quiw xee.
Campbell : guaw yc diyc :ee viw qar :ee kacc je, mrqyxx m si luxsingr ee dairjir.
Arrien : hex si quanhe sniaw neh?
Campbell : si iuxquanx qauwhak :ee. Inx ee taiwdo ham' guaw u jin' dua cavet, zuqyw guaw ee jokpinw u loriong qycc diongriaur, qonglyy si jiaxee qoniuu.
Brown : liw qamxx u su'iaur cuxliw laijurr luxhagsingx ee simliw dausia?
Campbell : guaw liauxqaiw dausia si sniaw, jaix inx ee dausia, ham' guaw byy quanx, marr ham' inx jurqiw byy quanhe. Hex jixsirr jit jiongw ciangjai dy' e dirr liw lairbin qiauc .jit .xe. guaw ithiongr dy' ixx sner laii cinghox inx, itdit qaur jurzin ixqingx sringx jyr a'qongx qxib, jiacc qiyr inx ee miaa. Jitt xee honghuad erdangr hro gunw vyxcii qirlii.
Dongzenn, marr duw .quer cniurr M.Monroe hiacc belangg ee hagsingx, inx dyrr si u hitt jiongw jyr ngiaxcnex ee qewser, qra zimrhylangg ee simx sraiw dinxdang. Guaw u sir xee hagsingx, dagg vaiw qniaa zip guaw ee vanrqongsig, guaw rair qinw qra simx siux hyxser, narr byy qukax e syy cud laii. Liw qamxx jaix? Knuar diyc inx cuthen, cavutdyx e qamxqag si jit jiongw sinsingwbut ee henxhen. Duiww laursux laii qongw, hex si jxiur.
Brown : JOE, guaw jaix u jit xee liw ee hagsingx, jitmaw ixqingx sir-jap gua huer ar, ix jiuwjua jurlaii air liw ciauquer zimrhylangg --- suibongw ix qethunx .quer snax vaiw.
Campbell : ix jin' qoxjuix.
Brown : ix qongw, duw .quer :ee dy' si be baiw ee javolangg, danrsi qamxqag inx byy hxuad ham' J.CAMPBELL sna' viw. Jitt diamw liw u sniaw sniurhuad?
Campbell : qauwdy jabow hagsingx ee siongrr dua tiaujenr, si bersaih qra inx cua duiww hagsut vniqag .kir. Inx ciangjai iauqiuu guaw qauwhak lueriongg ham' inx sing'uac sna' ngaqab. Guaw jokpinw e u tongsiok jit bin, uanjuann si inx hro guaw ee hunwlen, inx duiww guaw ee vangjan sidjai jin' qibiau.
Brown : liw si jnuaxngiu u vaxag inx jiapsiu diyc sinue ee sinwsid?
Campbell : guaw ee ving'iuw H.Zimmer qongw .quer “WOB (Vuddyy ee diwhui) denrdaii zi-jap-sir diamxjingx hongwsangr, mrqyxx rair u jit xee jiapsiukir jiacc ersaih tihh, narr byy, si siux be diyc sinwhy ee.” Vudhuad/ hiauxgno si byy hxuad qar ee, ui'id jyr :ee jixsirr teqiongx qokk jiongw snuawsyh. Jit xee langg zuqyw m kingw qyr ix jurqiw ee qovangg-junn, dyrr benw quer hyy lor.
U quaw langg dyrr si sen' marr byy hxuad jriab diyc denrpyx, jiwjiyw inx ersaih tniax enxqangw. Naxjunxx O.WILDE anne qongw .qeur, zuqyw hro jit xee Bixqoklangg jyr suanxdik, si beh jnriu tendongg? Iacc si tniax jit dniuu iuxquanx tendongg ee qangxenw? Inx itding e suanw tniax enxqangw. Vutqyr, berdangr kir tendongg, tniax jit dniuu quanhe tendongg ee qangxenw si be baiw ee suanxdik, byy itding anne qiur liauw liw.
U langg qongw, liw kyxiw qra jit xee jaboxginxaw cua zip kir VASSAR hagngi (1861 singlip,dirr NEW YORK Ci.), mrqyxx benw sniu beh qra qar e sukyw! Jitt jiongw ue, byy langg qnaw duiww S. LAWRENCE hagngi qongw.
MAIR QNIAX LIW E VENWJNIAA (VENR JNIAA) JNUAXNGIU EE LANGG
Jamake Highwater : liw ee duwjog u qongw .diyc, zinruii dirr jin' uanxqow hitt sii, zinlui sursit si sing'uac dirr bang jongrtair, dy' huaipy jin' dua junqingr gersut sewqair, mrqyxx jin' uiham, dnaxx itdit virr lanw kiwsag qra he dirr derr zi kxamw. guaw siongsinr, liw jurlaii loxlik ee bogviaux si beh qra kngr dngw kir hitt xee derr id xui. Qaur dnaxx ILIAD/ ODYSSEY iuguann u qraur vaxjiog ee uahlat, qamxx m si inx soxx kuriuw ee derr id singr? Suibongw jiaxee ligsuw dngsix suxiong ee siongrdingx/ iwsiong kyxlingg quewsii, inx vuerau ee dongrlik iuguann dirr lanw srinx-siong.
Campbell：gisid soxx binrduir ee qivunw bunrdee, si pacpuar iwsig cingcnew jongrtai, jinwzip bang-iwsig (DREAM CONSCIOUSNESS) lingxhik.
------------------------
Qetlun si, binqanx qowsu/ sinue hiaxee “quaiwqii/ huilixsingr/ byy hac jurzenn ee juxdee”, si ui' lanw bang/ dongrcatlik ee vyxkor kib cud. Dirr bang ee jancur, jiaxee iwsiong dairviauw bangrjiaw qywzinn simlingg jongrtair jongxtew. Tauwquer sizinn/ sendix/ ganxqair hyw ee langg duiww ut'auw zinsingr dingcingx qapp cimhuar, hro inx jniajyr bisiyw uxdiu (MAN THE MICROCOSM) lingsingr quihuan ee siongrdingx, inx iuguann laijurr iwsiong gixgenn ee uerqur, ciaubudjid/ simlixhak/ siarhuerhak ee jinliw viauxsuad.
----- J.Campbell, duiww <GRIMAN'S FAIRY TALES> jyr ee pinglun -----
Guaw e anne qongw, qisid juxiaur qonglingg, qra langg cua qaur bang-iwsig --- congwjy sanxliong siongrr je ee iwsig jancur, qinqir <UPANISADS> ee qaixsueh, sriok AUM ee derr zi jann; cnew-iwsig si puepnuawsingr :ee, inx si uanjuann byy qang ee logic.
Dirr bang-diongx, liw dyrr si bang vunxsinx.
Sewqair henrjunn siongrr guansiw/ decbecc bedjuat ee binjok, Lamhuix ee BUSHMAN, inx druar dirr dua cauxvox/ si paclac :ee, amwsii ee uahdang ciangjai si tiauwbuw, Javox uii jyr jit xee ngii tiauwbuw, luxsingr jre dirr ngiko'aw-lai, qra javox pah pok-aw hro inx jetjaur, tiauwbuw :ee sinkux kia tringg ~ itdit tiaur itdit tiaur, qitai sinn .kir jongrtair, inx qidiongx jit quaw langg, qik iong'i tauwquer tiauwbuw jinwzip jitt jiongw virr qongw si SHAMAN guiqix, hex sursit si jinwzip amwiwsig jongrtair.
Ui' jiaxee langg su au qongxhuad, erdangr jaix inx sinn .kir jongrtair soxx knuar diyc ee surbut --- vixzu, knuar diyc jurqiw an' zidtauu dui lyc laii ee syh vreh kiw kir tnix --- uanjuann si sinue-sid. BUSHMAN juanvo sinue, si laijurr jitt jiongw luerjai texgiam, aurlaii, kokdua jyr qui' jok ee sinue. Vingrr m si muixx jit xee BUSHMAN javox dy' erdangr jinwzup jitt jiongw jongrtair, danrsi hiaxee byy jinwzup jitt jiongw jongrtair :ee kiokk erdangr ui' jinwzip .quer :ee did diyc sinwsid.
Jitt jiongw texgiam, dirr SIBERIA/ Lambixjiu ee langg dy' cue e diyc, inx u jit xee qiongrtongx diamw, qongw inx e jniajyr dangqix, si dng' inx qniaa quer haixhnua iacc si ciurnaa sii, hionghiongg tniax diyc jit siuw quax hro inx sinhunn li tew, sui' liac diauu inx ee simx.
Guaw bad dirr jit vunw qiwliam Qurqimsnuax jingsinn isux JOSEPH HENDERSON ee bunjip-lai, tak quer jit pnix cuwbi ee bunjiux <THE SHAMAN FROM ELKO>, si tamwtyw jit xee druar dirr W. VIRGINA tnuawkongr kux jit xui uaxqin cid-jap huer luxsingr ee simliw henrsiong, ix u qik cimx ee samwdam: qamxqag sitkir ix ee zinsingx/ jitt sxir m bad jinjniar uac .quer/ hng ~ jit xee m jaix ee soxjai sriok ix, ix kiokk m bad dro quer zinsingx. Uirr soxx jinwhingg simliw hunsig ee quewdingg, jokjiaw huathen, jitt xui luxsingr dirr iokk jap-snax huer sii bad u jit vaiw quaiwqii ee jyrgu : dng' ix qniaa quer ciurnaa sii, tniax diyc jit jiongw jin' qiquair ee imgak, jit siuw jin' quair ee quax. Danrsi ix ee bunhuar byy qar ix jnuaxngiu hue'ingr jitt jiongw dairjir, cywsit jitt xee qihue. Cuxau, itsingx dy' qamxqag jurqiw byy uac .quer. SHAMAN-sid jingsinn guiqix ee diongrdiamw si, zuqyw jit xee langg tniax diyc hitt siuw sriok ix ee quax kiokk byy duisuii, ix e siw .kir, jniawqangw e siw .kir.
Jex si jit xee jin' qibiau ee simliw henrsiong.
Stanislav Grof : dirr lanw siarhue, jerje jitt lui SHAMAN-sid texgiam, dy' e virr quilui jyr simlixvne. Mrqyxx jerje SHAMAN dangqix inx jniajyr dangqix, si inx qinglik .quer jit quaw qionglet ee texgiam, hex ham' vingsiongg sii byy qang ee iwsig jongrtair, inx knuar diyc jurqiw lyc qaur dergak/ sriu diyc qongqig/ sitkir qiwig/ jaiww huehok qiwdii/ uanjuann ngua liauw jit xee langg, sringx quann qaur tniqair. Lanw ee bunhaur qra jitt lui texgiam dacsiong vnewtair viauhy, anne dyrr jin' kyxlingg byy hxuad uansingg ix ee juanxhuar.
Highwater : anne ee diwsig rair jnuaxngiu jiacc erdangr sik'ingr dirr lanw jitt xee juanbunn beh jipuer langg ee siarhue? Rair anxjnuaw jiacc erdangr ingwiong dirr lanw jitmaw ee sing'uac?
Campbell : guaw sniu dirr lanw ee siarhue u jerje anne ee le, liw e knuar diyc jit quaw jin' u honghiongwqamw ee siauwlenlangg, jin' hibang erdangr duiqiuu jurqiw lixsiongw, inx vahvah kiokk qongw “liw siongrhyw kir tak huatlut, hex tanr kacc je jnii.”
Guaw m si qunxsngxciyr. Jex jinjniar si cywsid .kir jurqiw ee quax. Zuqyw liw ixau duw diyc jiaxee langg, liw e huathen, inx suibongw dy' vreh kiw kir lautuix siongrr quann janr, mrqyxx inx ee lautuix kiokk kyr dirr m driyc ee viah, naxx byy uac .quer lehh.
Highwater : Gunw INDIANS u jit qxur ue, iwsur ham' liw qongw :ee uanjuann qang “mair qniax liw e venwjniaa jnuaxngiu ee langg.”
Campbell : driyc, qaix anne jiacc driyc!
DUER DIYC LUERJAI DIDQAG, HIXLOK HIONGR JINGG QNIAA
Bette Andresen : Liw qongw, jit xee langg dirr siauwlenn sii qinglik simliw guiqix, dyrr qaix jiauww luersimx didqag ee hixlok/ quasniax soxx tuann cud ee sinwsid qniaa. Zuqyw hitt sii byy iongxkir, e u sniaw hiyrqyw? Si m si qaur liauw dionglenn, e u dionglenn quiqix? Jitt xee langg si m si dirr snax-jap-go heur jingg cywsid, e ingxuanw byy qihue hnor?
Campbell : hok'imsux zinruii, u simx suqiuu qiuwsiok, ingxuanw byy hiamm nguar! liw mng liauw jit xee hyw bunrdee.
Arrien : jinjniar si anne, vutjixsirr hyw bunrdee, marr dag diyc lanw jerje langg u qangrkuanw simliw quiqix ee simqnuax.
Campbell : uanjuann jingwkag.
Andressen : quiw nii jingg, guaw bad ee quixarr xee ving'iuw dy' duw diyc anne ee jongrhongw. Inx su'iaur :ee, si kingxding qra jurqiw qongw, qinsuii luersimx didqag ee hixlok qniaa. Vutqyr, e qir .did sewhamr sii juxzidyc ee laursux qongw .quer, zuqyw liw huathen liw dng' decc qniaa jit diauu qanlann kamxket/ hro liw qamxqag tongwkow ee lo, hex viauxsi qniaa dirr jingwkag ee lo-siong.
Campbell : Hex si jit diauu cywgno ee lo.
Andressen : si cywgno :ee? Qamxx qongw hro liw tongwkow?
Campbell : jitt diamw, guaw si ui' SANSKRIT SAT-CHIT-ANANDA did diyc ee jit xee quanliam, ciauuadjiaw si ciauuat :ee. SAT is jun'iuw, CHIT si iwsig, ANANDA si hixlok, jitt snax xee jixu hixlok si liw erdangr texgno ee. Jixu duer hixlok qniaa, itcer landee dyrr e jin' qanxdanx qaixquad, suibongw dongsii liw huaigii e qniaa be tongx; duer ix qniaa, liw e banrsu dairqed.
Andressen : jitt diamw, guaw ee texgiam zuxx laii zuxx cimx. Sun diyc hixlok ee lo hiongr jingg qniaa ee sii, e huathen jerje dairsingx byy knuar diyc ee mngg dirr guaw ganxjingg packuix.
Campbell : jinjniar si anne, mngg e uirr liw laii packuix.
Andressen : jerje langg e dirr snax-jap huer gua, snax-jap-go huer jingau, qamxsiu diyc guiqix, jex si m si viauxsi inx bingliauu diyc inx ee tuix si kyr dirr m driyc vingg ee viah bin, qamxx u kyxlingg si juewau cuiciauu ee qihue?
Campbell : guaw sniu u kyxlingg. Dionglenn guiqix dyrr cniurr qitnax kacc nguar ee zinsingx guiqix qang, si in'ui jit jo sing'uac hertongw hionghiongg qaixtew, liw dyrr sui' jriab lingrgua jit jo byy qang ee sing'uac hertongw, horngua jiqanx soxx jyrsingg ee bunrdee. Zuqyw qu hertongw tudzenn uaxqaiw, qycc byy sinx ee diongrsimx, e uanjuann sitkir honghiongr.
Guaw sniu, jex si tewhiux au duw diyc siongrr dua bunrdee. Jitmaw lanw tewhiux lenlingg zuxx laii zuxx tejaw, jitt xee bunrdee marr venr qaxx zuxx laii zuxx giamdiong, je nii laii juansimx dauzip ee sing'uac hutzenn byy .kir .ar, anne e u sniaw hiyrqyw? U langg qra guaw qongw, qanglangg qaiqib tewhiux au ee vingqinx huewsiu iokk go dxangx. Jex viauxsi, inx sintew anne qongw “qiwzenn liw ixqingx byy dairjir hro guaw jyr, guaw dyrr ham' liw qongw BYE-BYE ar.”
Duisuii luersimx didqag hixlok uac, si quer jit jiongw “virr sinue jingsinn soxx qikhuad ee sing'uac” (MYTHOLOGICALLY INSPIRED LIFE). Qawceh je nii, u sii e knuar diyc mow xee luxhagsingx dirr guaw qauwdy-ha, tudzenn qakcnew, jex si qauwiok qangjog jin' bixle ee sijun. Vutqyr, inx u langg e tetdew jyr qaxx qaur, u langg e dngw kir qu ngiu, dirr go nii/ jap nii/ zi-jap nii au ee hauriuxhue jaiww crur knuar diyc inx ee sii, erdangr binghenw hunvet cud jit xee duisuii jurqiw hitt liap cnxex, qapp jit xee quer diyc tuantongw qethunx cri qniaw ee sing'uac, uanjuann tuatli guanvunw u lixsiongxsingr ee luxhagsingx. Bagjiux jit knuar dyrr jin' cingcyw, in'ui inx henxhen cud ee snewmiarlat si dua byy qang :ee, hiaxee hyxzirun erdangr jniajyr gersut qangjog/ jiongsu su'iaur u siongxsiongrlat qangjog ee hagsingx, jiurr guaw soxx qamxqag, inx si uac liauw siongrr jurjai ee jitt qrunn. Vutqyr jex byy viauxsi quer hingrhog sing'uac ee ui'id lorqingr.
Arrien : liw qongw ee jitt diamw jin' diongriaur, jerje langg dy' byy dirr zinsingx byy qang qaidnua duisuii sriok inx ee quax. Ix u sniu beh anne jyr kiokk ongxongw kuthok dirr siarhue ee aplik-ha.
Campbell : siarhue aplik si lanw ee dua duiwdik! Jitt jiongw le guaw knuar je ar. Zuqyw jit xee langg jongxsi jiauww siarhue ee huanhur, qycc e u sniaw qiawbang cue cud sriok jurqiw ee lo? Guaw bad dirr jit qingx irvirkyx haghau qar quer jit dxangx, knuar quer jitt qrunn iwjir qenquad an' jurqiw ee zedsingg/ luerjai didqag, hixlok quer inx sing'uac ee siauwlenlangg, aurlaii u quaw jurqiw jiphingg tetdew :ee, qetqyw dyrr erdangr quer diyc qysiongw/ bixhyw sing'uac. Marr u jit quaw tniax vaxvah ee ue suanxdik jit diauu anjuann ee lo, kyxsiyh byy jyr tauwdew, hex si qywzinn dua vuthing.
ZINSINGX SOXX IAUQIUU LIW :EE, CIAUQUER LIW GUANRIR HUWCUD :EE
Campbell : guaw sniu .diyc ee iwsiong si pah qxunn vixsair. Sewbin baiw sii, hibang ling'aw sniax qinw dann; kia quann srer ee langg si be kir sniu ling'aw sniax ee. Liw qamxx u uahlat/ iongxkir binrduir zinsingx? Zinsingx iauqiuu narr je quer liw ee linglik, liw qamxx guanrir huwcud? Liw jin' iong'i qongw “snewmia si vutqaix huatsingx .quer ee mic (dirr ji'id SCHOPENHAUER qongw .quer), guaw byy anwsngr qewsiok vixsair ar, guaw beh sniu kacc jinx .quaw, junxvi huah tingg ar.”
Duiww zinsingx, u snax xee kyxlingg libdniuu. Jit xee si binrduir, m quanw sux-ngiaa, ui' tauu qaur buew qra vixsair viw uann; jit xee si qirjuat, qongw “guaw byy sniu jaiww camqax jitt jiongw qxauw qa qxauw ee vaxhir.” jex juadduir cutqiok; derr snax :ee anne qongw “zinsingx si sxen-og hunwhabtew, guaw kia dirr sxen jitt bin, guanrir u diauqnia jiapsiu jitt xee sewqair.” jex kyxlingg si guaw qac'ir ee taiwdo, Guaw zinruii, jitt hxang duiww guaw/ guaw ee ving'iuw dy' u hyxcur. Duiww zinsingx jixu jitt snax jiongw kiarkadiamw.
Sewhanr sii, knuar quer jit jiah pxangx qra nxng vangr dirr jit buew ciwmotangg sinkux-dingw, danw nxng vu cud iuwtangg au, dyrr qra ciwmotangg dongwjyr jiahmic, jit diamw jit diamw aw qra jiac driau.
Jex dyrr si jurzenn dy.
Zuqyw lanw erdangr qra jurqiw he dirr snewmia jitt vingg, m si vyxho hitt vingg, jiong' e cuthen juanzenn sinx kiwsiong. Dng' lanw jipquad snewmia soxu vyxhorsingr quanliam uaxqaiw au, dyrr e liauxqaiw snewmia si zuarr kiongxvor lehh! Jinr jit vo texhue diyc lanw dyrr si jitt snewmia vunxsinx. Jex si GREEK viqiok duar laii hixqongg ee guan'inx, huathuix liauw ARISTOTLE soxx qongw jingrhuar haurqyw. “jingrhuar” si gisid iongrgiw, jok'iong si siauduu ec ee qywzinn quandiamw/ buah driau jurgnow hertongw/ crid kir lixsingr qetqor, jringx cruir jex itcer, snex cud sinx snewmia. DIONGSUS-sid ee siauxqongg huanlok dyrr si pacpuar itdit sing'uac-diongx hitt xee qewdat pnuawduan hertongw.
Jitt sii, sinx iwsig quanliam e kaisiw puu kiw laii, sanxsingx juanbinrsingr ee quanjiaur. Dirr lanw iwsig siongrr cimdimm ee soxjai, langg-guaw si ittew :ee, zircniaw lanw marr si ham' juantew hab'id ee, si jit xee amwcangr juandijiaw. Mrqyxx lanw taukag kiokk qra lanw vak hiongr jitt sii jitt de, hro lanw sing'uac hanrjer dirr digding sikongx-diongx. Nauw si jit xee siusokjiaw, sokvak lanw ee diwsig. Vutqyr, itdanr nauw virr behuanwiyc (LSD) jilui :ee dua cuiciauu .quer, hiaxee qimwqor :ee dyrr siausid lor!
Suibongw lanw uac dirr jitt sii jitt de, virr han dirr digvet ee quandiamw-lai, zuqyw lanw sniu beh jniajyr cniurr MANN/ JOYCE/ KLEE/PICASSO hitt ngiu ee gersudqax, rair erdangr jinwzip qitnax quandiamw/ kyxlingsingr, qniaa zip juantew ee juanhokde, hex si jin' cim'uanw ee tiaujenr.
Zuqyw jiaxee langg m si kuriuw hro snewmia dua dinxdang ee cimdo, qycc jnuaxngiu e jin jidsiwlangg ee kuiwlat kir gniajih jitt jiongw tiaujenr? Jex si gersut qapp sing'uac ee quanhe bunrdee.
Snewmia si satciuw? Iacc si ciokjinwjiaw? Si ciokjinwjaiw!!
SNEWMIA VUNXSINX VAUHAMM KOW
Campbell : quanhe qiongrsanxdongw dinwab TIBET jitt jann, marr jin' daddid lanw cimsux. Guaw u snax nii siqanx vangjan jit xee TIBET ving'iuw ( jriw RATO KHYONGLA NAWANG LOSANG) siaw jurduan. Dng' qiongrsanxdongw iaucniaw DALAI LAMA qaur inx ee qunngiaa, iwdoo beh qra kauwab sii, guaw ee ving'iuw marr dirr LASA. Hitt sii, DALAI duxx tongquer IHARAMPA (ersaih qongw si poksu) kyxcir, guaw ee ving'iuw si qidiongx jit xui kyxcir laursux. DALAI LAMA druar dirr NORBULINKA, li LASA iokk diamw-vnuar diamxjingx lortauu. Dng' LASA ee jurbinn jaix qiongrsanxdongw iaucniaw DALAI LAMA kir qunngiaa ee dairjir au, dyrr jauw cud laii dongr lo, hongjiw DALAI LAMA kir.
Qisit, dongsii DALAI LAMA ixqingx decc dybongg ar, qiongrsanxdongw huathen au, dyrr qongqig NORBULINKA, qycc laii si 1959 nii dua apjer hingdong, inxkiw dairliong jurbinn dyy cud TIBET.
Guanw ving'iuw ee sirbiy suibongw virr huiw driau, suhu virr lingdi qaur siw, mrqyxx guaw jurlaii m bad tniax quer ix uanwcueh Diongqoklangg/ soxx huatsingx ee dairjir. Jex dyrr si vudsimx. Huatsingx dirr TIBET ee dairjir hro guaw qamxqag tongwkow, marr hro ix sriu kow, snewmia vunxsinx vauhamm koxcow, liw berdangr duiww snewmia qongw “byy air”.
Jex si jin' vutdikliauw ee taiwdo.
Jitt diamw hro guaw zinrbad diyc sniaw hyrjyr jongqaur. Sigsai ix cid~ veh dxangx ar, m bad tniax quer ix u jit qxur uanwhin.
NGIAA JIN' JANW! SUX MARR SNGR NGIAA!
tniajiongr : zuqyw lanw jiapsiu voglik, qamxx m si zinrdongg qahairjiaw? Siurhairjiaw neh?
Campbell : m si anne, liw rair dongsii zinrdongg inx sianghongx, narr si uerdoo/ siaxjog, dyrr qaix u jitt jiongw taiwdo. Danrsi liw qniaa dirr lo-siong, knuar diyc mow og langg kihu langg sii, guaw byy huanxduir liw uaw kir ham' og langg siypah. Jex si gersudqax qapp qywzinn libdniuu ee hunvet.
Guaw sniu diyc luirsu pah bangrqiuu, liw qandna' erdangr kia dirr qidiongx jit vingg, jin juanlik qra duiwhongx pacvai, narr m si, qinvunw byy su'iaur pah. Danrsi caipnuar kiokk vutqaix quawir sniaw su'ngiaa. Dirr liw snewmia ee qitnax hongbin, dyrr qaix u jitt jiongw taiwdo. Jex si jinjniar texiok jingsinn. Liw jinrliong qriuu singwli, mrqyxx narr sux neh?
ESKIMO u jit qxur ganrgiw “ ngiaa jit dniuu qxauw tuax secciax ee vixsair, jin' janw! Narr sux, qangrkuanw janw!” jex si vixsair jinjniar iwgi. Zinsingx cniurr vixsair, liw u kyxlingg ngiaa :ee, marr u kyxlingg si sux :ee. Zuqyw ngiaa duiwciuw, qamxqag jurqiw jin' jnialangg, sux sii, kiokk zinrding jurqiw m jnialangg, jex qamxx m si jin' kyxciyr? Lanw dy' qongw NAZIS si okmoo, kiokk dirr Zidvunw danr nng liap guanjuxdnuaa --- lyc dirr NAGASAKI hitt liap qra qui' xee sniaci juanvo pywhai!
GERSUT QAMXX UI' HUANWQAG QINGGIAM?
Grof : guaw sniu beh jiyh jit xee kacc byy qang lingxhik ee jailiau laii dramm lanw bunrdee. Guaw si jingsinkyx isux, itdit u cuwbi byy qaiww jingwsiongg ee iwsig jongrtair, qidiongx ji' id si be'iyc jyrsingg huanwqingw, e knuar diyc jerje qixhyy/ tiusiong ee iwsiong, u sii vutjiw qanxdanx, u sii qycc siongdongx hogjap, cniurr MUSLIM sxi/ GOTHIC qauwdngg hiacc hogjap ee huezi/ guarkuanw.
Zuqyw dongsurjiaw cimhuar huanwqag, e qinggiam diyc cutsir/ duiwkongr sixbongg/ siw .kir ee quewdingg, jex ham' duxx aw JOSEPH qongw diyc Ywjiux guanjurbinn dirr Tongquer Gisid (RITES OF PASSAGE) soxx qinglik ee texgiam, duxx hyw dendywvingg. Vutqyr suar laii, jiac be'iyc :ee e huanxngiar cud kuah bongxbongw simlingg texgiam: sinue jingqingw. Suxx langg qniax :ee m si inx texgiam sinue jingqingw, si inx soxx qinggiam .diyc ee sinue jingqingw, u sii si pacpuar bunhuar qaiwhan. Vixzu, Iutaiwqauwdoo/ qidokqauwdoo, u sii marr u kyxlingg qinggiam diyc COLUMBIAN siqii ee sinue.
-------------------------
guaw ui' LOSANG srinx-siong , yc liauw siongrr cimkig ee jit kxyr, bingvik sniaw si Vuddyy qauwsi ee zinsingx.
-------- Campbell <MY LIFE AND LIVES> --------
Campbell : u langg qra guaw qongw, inx jiac quer Diongbixjiux hitt jiongw e drir huanwqag jok'iong ee siongqox au, knuar diyc luirsu AZTEC sinbingg ee hingsiong. Linw qamxx u tniax .quer?
Highwater : guaw bad tniax .quer.
Campbell : dongzenn, guaw jurqiw byy jiac .quer, m qnaw qongw e u hitt jiongw huanwsiong.
Highwater : guaw bad tniax .quer, danrsi guaw huaigii si m si qamm u mow quaw amwsi singhun.
Campbell : mrqyxx qra guaw qongw :ee si siongdongx giamsiog, si be'iyc (LSD) ee habsingjiaw ALBERT HOFMANN. TOLTEC ee sinbingg jyrhingg huisiongg digvet, hro langg jin' lann siongsinr. Vutqyr qiwzenn si jit xui bing'u kuan'uix qongw :ee, guaw berdangr byy sinr tihh. Itdit u sniu beh qra liw soxx qongw :ee ham' huanxsiong lenjiab kiw laii : mow quaw LSD kyxiw inxkiw jitt jiongw ngiaxsiong, lingrgua jit quaw be'iyc e sanxsingx hitt jiongw ngiaxsiong.
Vixzu, dirr HUICHOL jok INDIANS, zinruii PEYOTE senzincauw e inxkiw hyw ee huanwqag, JIMSONWEED inxlaii hurbin, si baiw ee iyhcauw. Jex itding si ham' iyc soxx cua cud laii byy qang ngiaxsiong iuxquanx.
Roger Guillemen : genxqiur huanwqag qinggiam, ligdee naxjunxx marr daddid lanw liu'ir, ix vauhamm CAFFEINE luirsu hingwhunwjex singhun, duiww zintew qonglingg sanxsingx jin' dua ingxhiongw, si jiongww langg jaix ee.
Zidvunw hagsingx hiacc iuxsiur, qamxx e ham' limx ligdee u quanhe? Suibongw jin' lann duanrdng, danrsi gulingx/ kiwjuiw byy anne ee haurqyw, si kingxding :ee.
Highwater : guaw jingg soxx qongw :ee, jixsirr sniu beh viauxsi, Diongbiw/ Lambixjiux e u hiacc je qihingg-quaiwjong ee sinbingg, kyxlingg ham' inx iyhcauw bunhuar kinghiongr u jin' dua quanhe.
Campbell : driyc! Jiaxee bunhuar jinjniar u iyhpiah kinghongr ee.
Highwater : incuw guaw sniu, inx ee gersut, kyxlingg u jit quaw si inx jiac liauw be'iyc au ee huanwqag ginggiam sanxsingx ee. Mrqyxx huaigii qamxx anne dyrr zinrding, FREUD ee quanliam, getsut si simliw beluan ee hxur-sanxpinw, si driyc :ee.
Guaw qamxqag, gersut erdangr junjai dirr jibdiongngiaa, jitt diamw, huanxngiar cud gersut duiww zinlui si jin' qinvunw :ee, vingrr m si sniaw simliw beluan soxx erdangr qaixsuad ee, u langg dirr jibdiongngiaa siaw cud imgak/ OPERA. Lanw ciangjai e zinruii jitt lui mic, qandna' e cuthen dirr jit xee u jnii/ u ingg ee siarhue jingingx qaiqib, danrsi jibdiongngiaa ee le ersaih jyr huanxjingr. Liw duxx aw qongw :ee, gersut si qivunw zinlui viauxdat hongsid ji' id, incuw, gersut ee junjai, ham' jiac JIMSONWEED buquanx. Be'iyc duiww moxjiongw gersut qinggiam kyxlingg si qudliujex, mrqyxx ui' jingxtew gersut, m quanw si simlixhak/ singbudhak ee qakdo, dy' si dairsingx huanwqag qinggiam.
Campbell : guaw marr zinruii si anne. Sursit-siong, duarvorhun gersudqax dy' si byy jiac be'iyc ee. E jiac iyc ee gersudqax, erdangr ui' inx ee jokpinw knuar cud hunziah, in'ui iyhbut duiww congwjy si u digding honghiongr ee ingxhiongxlat. Dirr Ingqog bunhak, COLERIDGE si jit xee le, ix kaisiw suh a'penr au, qingquer jit dnxua duarliong siaxjog siqii, au .laii, dy' qodax .kir ar.
Guillemen : ARTHUR RIMBAUD knuar .kiw .laii marr si anne.
Campbell : uanjuann qangrkuanw.
Guillemen : lanw itdit decc dramm, soxui gersut dirr siongrr kixtauu si jnuaxngiu huatsingx ee. Jitt xee siongrr jaw kaisiw, simrjiw viw zinlui hingsingg vorlok sing'uac qyckacc jaw jerje. Guaw qywzinn byy uanjuann huanxduir jit xee sunzenn qinggiam juxgi ee quandiamw, dyrr si qongw, mow langg dirr jiac liauw moxjiognw drir huanwqag ee jingxjiw au, e rue cud moxjiongw vadd langg byy rue .quer ee mic, jitt jiongw congwsinx, aurlaii jniajyr inx bunhuar ee jit vorhun.
Itdanr u jitt xee kaisiw, zid'au qitnax langg narr byy kixdang qangrkuanw qijer, iuguann erdangr jyr cud qokk jiongw gersut congwsinx, in'ui dongrqix kyxiw ui' kuanqingw amwsi laii.
Soxiw, guaw knuar be cud, uirsniaxmic jit kaisiw, gersut berdangr ui' huanwqag qinggiam sanxsingx.
ZINLUI GISID JINGWQIR
Campbell : Bogjingg siongrr jaw iuxquanx zinlui gisid sing'uac jingwqir laijurr NEANDERTHAL siqii, siqanx iokk dirr qongguann jingg go-jap-bxan ~ jap-go-bxan nii jiqanx, henxsi dirr nng hongbin. Jit xee si lyhjongr, lanw derr id vaiw knuar diyc jongrlew junjai ee jingwqir, bong-lai cue diyc jit quaw vuedaii ee mic/ jiyhkir, binghenw viauxsi, sixbongg quanliam ixqingx dirr langg simlai cuthen, soxx duw .diyc ee bunrdee si, moxlangg bingbingg si e qniaa e jauw/ sinkux siyhyx, aurlaii kiokk dyw .lyc .kir/ venr lingw .kir/ byy qycc dinxdang ar. Ix dauwdew kir dyhh lehh? “kir dyc'ui?” jitt xee sniurhuad si tonghiongr sinue su'uii ee derr id snuawsyh.
Xe jit qaidnua diongriaur jingwqir laijurr FRANCE selamvo/ SPAIN vakvo ee CRO-MAGHON/ u nng lui gersudpinw. Jit lui si diaukig :ee, siongrr kuriuw dairviauw :ee, si jit jiongw siyw ~ ee luxsingr-siongr, lortew/ kia hxingg/ byy gnoxquanx/ byy kax. Qidiongx u jit quaw si dirr sinkamx huathen, knuar laii si ham' qadingg sing'uac iuxquanx ee luxsinn.
Qycc laii si hiaxee uixdai dongrhet. Jairjy :ee qamxx u langg zip .kir .quer?
Byy langg quanrir druar dirr jiaxee snuadong, lairbin qnualingw/ oamr qycc guihiamw. E qir .did guaw dirr FRANCE ee PECH-MERLE camquanx sii, dyriuu cir qra ciuxden-aw qnuai driau, gunw sui' hamrzip iuxsingx ixall siongrr qaiww oamr-diongx, uanjuann sitkir honghiongwqamw, jingxqyy iwsig suacc kangx .kir. Jiaxee snuadong si hiaxee suxjingg sidai dongrbut dohingg cuthen ee soxjai. Lanw erdangr pnuawduan, soxu dongrbut-hxingg m si jabluan rue/ u dedsu ee, qidiongx jit quaw si dairviauw moxjiongw lat/ cavutdyx erdangr kingxding ham' lamsingr singlenlew iuxquanx. Dirr jitt lairbin, camqax singlenlew ee siauwlenn vutjixsirr yc erhiauw jnuaxngiu hiongrr hiaxee virr inx jiac driau ee dongrbut qidyw, marr jiong' yc e jnuaxngiu ui' ginxaw venwsingg lamzinn. Dongzenn dirr jiacc kiongxvor ee snuadong jiapsiu singlenlew ee caulen, juadduir si jin' sinkow ee.
Qidiongx jit xee suxjingg dongrhet --- dirr PYRENCES ee LES TROIS-FRERES --- diyh'air pag lyc laii/ vee quer jit diauu iokk jit-vah bxew dngg, naxx cauwjuiw qxongw ee snuaqaux, jiacc erdangr jinr zip juxiaur dongrhet. Anne ee dairjir guaw jyr be laii/ guaw siongrr qniax jitt jiongw gua kuanqingw gne viangr ~ ee hanrjer/ m qnaw siongxsiong srinx jairr qidiongx si sniaw qamxqag. Danrsi HERBERT KUHN qapp lingrgua jit xee ving'iuw vee .zip .kir. Inx anne hing'iongg, hex si jit xee qik dua ee snuadong, siwbin jiyhviah rue qaxx buanw ~ ~ sxor vah jiah qokk jiongw dongrbut hingdoo/ jniawdionghngx jit jiah tiauwbuw :ee, hyrjyr “SORCERER OF LES TROIS GRERES”, u jit duir lok qag/ amwqongjiauw bagjiux/ sraix srinx. Jiaxee dongrbut ham' sixbongg/ snewmia jiac snewmia ee ywvir iuxquanx, inx sriu junqingr/ virr zinrding iong'iuw ciauuat zinlui ee linglik.
Guillemen : JOSEPH, liw si m si zinruii jiaxee dy' si sinue ee guantauu, jiwjiyw si zinlui iwsig diyc sinue hitt xee binrsiongr ee kaiduanx? anne mng, si qinqir JUNG-pair quandiamw, sinue ham' sidsiongr horsiong qaujid jywhuew, iacc si mow xee iwgi-siong si singx sidsiongr :ee, m si ui' zinlui ee qinggiam-diongx tiux cud laii ee.
Campbell : guaw qandna' e duisuii dethagqax qaur inx ee kajingxtauu-aw iauxx bue li too jingg hitt sii uijiw. [ciyr]
Guaw soxx dramm :ee si siongrr jaw ee jingwqir. Qycc u jit ser qnia kacc jaw ee jingwqir, laijurr HOMO ERECTUS siqii (viw HOMO SAPIENS/ NEANDERTHAL kacc jaw), iokk qongguann jingg go-jap-bxan nii/ derdiamw dirr THAMES Hyy, jit qix vner jin' dngg ee ciuw-voxtauu, hingtew huisiongg suiw, danrsi vner dngg qaxx byy sid'iong.
Jitt hxang soxx viauxhen cud :ee, si ROBINSON JEFFERS soxx qongw “buanw ~ ~ singsinr ee suiw (DIVINELY SUPERFLUOUS BEAUTY)”, si lanw soxx jaix derr id qnia zinlui m si uirr sid'iong bogdig jy ee qangqu, kiokk si jit qnia huisiongg bixle ee jiyhtauu kiwbut. Dongrbut si berhiauw jewjy anne ee mic, jex ee iongrdoo qik u kyxlingg si ham' gisid iuxquanx, byy itding ham' satsingx henwjer gisid iuxquanx.
KYHAK NAXX OPERA
Guillemen : Guaw jin' uiham ee jit qnia su, si liw qongw diyc gersut snewmia iwhamm hitt jiongw vutvinghuann ee suiw, qangrkuanw erdangr dirr henrdai kyhak tuiliw cue .diyc, kiokk jin' jiyw langg e zinrbad .diyc. Cniurr uerdoo/ siaw six/ jyr kxig/ tniax imgak ... jiaxee uahdang e duar laii hixlok, kyhak tuiliw marr si anne, kaksit e duar hro lanw huisiongg digvet ee hixet.
Kyhak ee tuiliw/ congwjy cua cud ee qongcaiw, jit diamw aw byy sux gersut congwjy. Guaw qongw diyc jex, si hibang siongrjiyw kyxiw hro hiaxee ixau jiapciog diyc lanw qin'axzit damue qiwlok ee langg, erdangr jaix jitt diamw.
Brown : u jit mee, GUILEMEN laii cue guaw, qra guaw cua kir ix dirr SALK genxqiur diongsimx ee sidgiamrsig. Knuar ix jyr sidgiam sii, qandna' qamxqag naxx tniax diyc SUTHERLAND/ CALLAS decc cniur quax. Qra guaw qaixsueh ix dng' decc jyr sniaw ee sii, marr qamxqag cniurr decc quansiongw jit cud opera. Hex jinjniar si jit jiongw jin' suiw ee gersut hingsid.
Guilemen : tniax liw anne qongw, hro guaw jin' songxkuair.
DONGDAI BUNHAK PUEPINGG EE DUA BUNRDEE
Kennard : kyhak qamxx u kyxlingg huatdenw cud jurqiw ee sinue? --- cniurr qoxjaw sinue qangrkuanw u lat/ e kamdid jo lanw qniaa quer zinsingx qokk qaidnua?
Guilemen : jex si jin' cuwbi ee bunrdee, sui' hro guaw sniu diyc “ircig” jitt zri. Kyhak u huatdo ircig dairjir, sinue qamxx ersaih tihh?
Campbell : guaw zinruii e ing tihh. Sinue erdangr didquanx qaur iuxqitew snewmia quewdingg, ircig liw e venr lau/ u jit zit liw e siw.
Guilemen : jex byy qongvnee! [ciyr] byy qongvnee lar!
Highwater : DOSTOYEVSKY qamxx m si huathen liauw amwiwsig? Gersudqax erdangr ircig dairjir ee le marr jin' je. Libtexjuxgirjiaw duiww surbut knuawhuad, qamxx m si ham' dongdai budlixhagqax ee qenwqaiw siyqang?
Guilemen : guaw sniu, inx qang ee jit diamw, si zinruii surbut m si cniurr hipsiongwqix jiyr cud laii hitt ngiu jixu jit kuanw, lanw knuar qang jit hxang sursut, erdangr u jerje jiongw byy qang hongsid.
Campbell : jaxqii qoxdenw biyruw si virr dongwjyr sinkux ee ngiu qenwqor ee, duiwdiong guarhingg henxsi cud ee qngngiaw, luervo byy sniaw tangx qongw :ee. Inx si dyuxdiu quanliam, cniurr HIGHWATE soxx qongw, ham' Bixqog INDIAN qang.
Danrsi GREEK/ ROMAN ee kyhak jurlaii m bad likuix sinkux jitt xee iwsiong, guanjuw cniurr jit der ser ~ ee dairlixjiyc/ siongrr quann ee gersut hingsid si ciacsinx kia lehh / inx siongxsiong dewqog si jit xee duarhanwlangg sinkux. SPENGLER bad vixqaur .quer jitt jiongw bunhuar/ GOTHIC duarqauwdngg/ lanw bunhuar vuerau quanliam ee byy qang soxjai. Dnaxx guanjuw virr knuawjyr jit jiongw lingliong, ham' lanw taiwkongx tamwhiamw dy' si qo'kiavingg iwsig qetqor viauxhen, gersut/ kyhak qokk viauxdat cud inx jurqiw ee hingtair.
Zuqyw cniurr CEZANNE soxx qongw, gersut ham' jurzenn u qiongrtongsingr ee hyhaii, anne quancad jurzenn soxx duar laii lingsingr ee hyxcur, byy sux duiww gersut genxqiur. Zuqyw jit xee langg luersimx didqag hixlok si dirr kyhak hongbin (jerje siauwlenn hagsingx si anne :ee), hex kyhak tamwqiur itding e hro lingsingr did lxi. Tak irvirkyx sii, singbut si siongrr iwair ee kybak, dnaxx guaw zinruii sinue si langg singbut qowjy jit xee hamsor, si ui' jiax (jriw simjong) laii ee, m si ui' taukag sniu cud laii :ee. Simx/ taukag laii ee mic, si uanjuann byy qang :ee.
Guaw jiacc e duiww liw duxx aw iuxquanx kyhak :ee viauxsi zinrdongg, qamxqag dongdai bunhuar puepingg ee jit dua jaieh, si qra kyhak/ gersut knuawjyr uanjuann hunli ee nng xee sewqair.
Grof: qycc u qitnax soxjai, kyhak/ gersut u luirsu diamw. Qowjy jit xee kyhak qaxsed sii, u kyxlingg su'iaur jiyh sinue hingsid sna' hiabjo, enxhuar quanliam dyrr si. Jerje kyhak diongrdua huathen, dy' si dirr cniurr bangrqingw jongrtair-diongx did diyc ee. Jerje sihau, kyhagqax decc jyr jerje quancad, siujip jerje juliau/ jinwhingg qokk jiongw hunsig ixau, iuguann cue byy dab, u jit zit, kiokk dirr bang-diongx/ iacc si tauwjaw jingsinn sii/ kyxlingg puawvne huad siyx sii, hionghiongg jauw cud dap'anr. Dng' soxu lixsingr hingsid dy' pah be kuix sii, sinue tudpuar kunwqingw.
Arrien : byy itding, dirr kyhak qongxx si ircig :ee, sinue qongxx si sinn lring.
Guillemen : sinue ircig linglik u zuarr dua? Ircig ee dairjir qamxx itding e huatsingx? Qamxx u jitt hongbin ee tongxqer sowzi?
Highwate : liw qamxx e iong qethunx qe'nngrqyx kiw jit qingx ciaux quann duarlauu? [ciyr] jex si uanjuann qangrkuanw ee bunrdee.
Guillemen : dongzenn si be ing tihh ar.
Highwate : liw ee bunrdee, uanjuann be sngxhai diyc sinue ee qicow. Ui' qinggiam janbin knuar, liw ee jitgii si uanjuann singlip, danrsi sinue soxx kansiap .diyc ee lingxhik, byy hxuad hing'iongg/ cig be cud/ hangkongx dongrlighak cuxliw byy lo laii. Zuqyw sinue lingxhik erdangr iong qinggiamrsingr/ sid'iongrsingr ee hongsid cuxliw, hex qinvunw dyrr byy lanw jitmaw ee tyxlun lor!
Campbell : zinlui taiwkongx tamwhiamw surgiap itdit jin' kip'inw guaw, ui' jit kaisiw dyrr qra guaw kib diauu ~.
Be qir did si dycc jit vaiw taiwkongx zinrbu, qandna' e qir .did si ARMSTRONG dahsiong guehqiuu ee jingg jit huee, dng' quiw xee taiwkongzinn likuix taiwkongcngx au, HOUSTON derbin kongwjer diongsimx mng “ jitmaw sniaw decc sraiw?”
Tuann dngw laii ee sniax qongw “NEWTON”.
Jitt xee dab hro guaw qionglet qamxsiu, sui' sniu kiw KANT <PROLOGEMENA TO METAPHYSICS> anne qongw “lanw vin' sniaw erdnagr kakding, dirr jitt xee jingqingw soxx jyr cud ee suecbingg, ersaih sik'iong dirr hitt xee jingqingw?”
Taiwkongcngx qapp derbin diongsimx ee tong'ue, uanjuann inwjingr liauw lanw u jitt jiognw linglik. ARMSTRONG dac zip gueqiuu viauxbin sii, ix ee kax e ham zip too-lai zuarr cimx, lanw byy hxuad singx jaix, rair sidjer huatsingx au, tauwquer qinggiam did .diyc. Mrqyxx kyhagqax kiokk u huatdo ircig huexjnir ui' derqiuu sag qaur guehqiuu, rair zuarr je lingliong/ dngw laii sii, diyh'air jnuaxngiu vuex jiacc e lyc dirr Taiwvingg Xngiuu, li irding derdiamw be ciauquer jit ingliw.
Taiwkongx dingrlut bingbingg si taukag sniu cud laii :ee, kiokk jin' hah'iong, jinjniar sinqii.
Qongw .laii, mow xee iwgi, lanw dy' si taiwkongx qniaxzii, zircniaw si laijurr taiwkongx ee jit qnia sanxpinw --- derqiuu, duer diyc taiwiongg sec, lanw dyrr si derqiuu, derqiuu ee hi/ bagjiux ... jitt lui. Taiwkongx tamwhiamw duar hro lanw huisiongg diongriaur lingxgo/ zinrbad.
Qongw diyc taiwkongx, iauxx u jit qnia su daddid qongw .jit .xe. iokk nii-vnuar jingg, ham' taiwkongzinn RUSSEL SCHWEICKART jywhuew kia dirr huatsiardaii, qra guaw qongw, u jit vaiw, virr pair cud kir taiwkongcngx-gua jinwhingg hipsiongr ji' lui zimrbu. Cing juann tyr taiwkongsnax, jit diauu naxx dorjaii qxongw ham' taiwkongcngx snalenn. Hionghiongg m jaix dyc'ui gikir cud movne, hro ix jiokjiog go hunjingx byy dairjir jyr, gongrgong dirr taiwkongcngx-gua.
Jit xee langg dirr taiqkongx, ixx jit diamxjingx jit-bxan cid-cingx ingliw ee sokdo vuex, siwjiuuii diam ~ ~, lenrr cuanxkuiwsniax dyrr byy: derqiuu dirr dingxbin/ guehqiuu dirr srinx-vnix.
Qokk xui ersaih qra nng vingg hi amx .kiw .laii jit hunjingx, siongxsiong dongsii ee qamxqag.
”zenau”, SCHWEICKART qewsiok qongw “guaw jitt sxer u liauw sniaw jikdig, hro guaw hiangxsiu jitt jiongw qinggiam?”
ODYSSEUS tniax liauw SIRENS ee quasniax, itding u jitt jiongw qamxqag. Huee qaur taiwkongcngx-lai au, kaix jerje kuiwlat jiacc qra simsinn siux dngw laii, juanjur ee jingsinn qangjog. Jex si itding :ee, ix duxx qinggiam diyc :ee, ham' zidsiongg sing'uac/ qongjog, si uanjuann byy qang ee lingxhik, si horsiong ciongtut :ee, nng xee qik byy qang ee sewqair, huisiongg ~ byy qang :ee.