Rlut
1 Dng' sursux vran jingwsu ee sii, hitt xee de duw diyc qihngx. Dirr Judah ee Betlehem u jit xee langg qapp ix ee bow nng xee qniaw cutgua kir Moab-de.
2 Hitt langg miaa qiyr Elimelec, ix ee bow miaa qiyr Naomi, ix nng xee qniaw miaa Mahlon, Qilion, longxx si Judah Betlehem ee Eflatlangg. Inx qaur Moab-de, dyrr dirr hiax kiarkiw.
3 Au .laii Naomi ee diongrhux Elimelec siw, vangr ix qapp ix nng xee qniaw.
4 Nng xee qniaw crua Moab ee jaboxqniaw juer bow, jit xee miaa qiyr Orpah, jit xee miaa qiyr Rlut; diamr dirr hiax iokliok jap nii.
5 Malhon qapp Qilion nng langg iarr siw, cunx hitt xee hurzinlangg byy diongrhux, iarr byy qniaw.
6 Ix dyrr qapp nng xee simvu kiw .laii, beh dui' Moab-de dyr .kir; in'ui ix dirr Moab-de tniax qnir Jehovah quanwqor Ix ee vecsnir, sniuxsur inx bixniuu.
7 Ix dyrr dui' ix kiarkiw ee soxjai cud .kir, nng xee simvu qapp ix kir, inx qnialo beh dyr kir Judah-de.
8 Naomi qra nng xee simvu qongw, "Linw kir ar, dag'ee dyr kir laurbuw ee cur;
9 Guan Jehovah hyw kuanxtai linw, cincniu linw kuanxtai ixqing’ siw ee langg qapp guaw jidngiu; guan Jehovah sniuxsur linw dagg langg dirr diongrhux ee qrex did diyc ving'anx." Dyrr qapp inx jimx cuir; inx dyrr cud sniax tikaur, qra ix qongw,
10 "M ar, guanw beh qapp liw snaqab dyr kir liw ee vecsnir hiax."
11 Naomi qongw, "Guaw ee jaboxqniaw ar, dyr .kir ar; sniaw su beh qapp guaw kir ar? Guaw iauxx e huaitaix snix qniaw laii juer linw ee diongrhux mah?
12 Guaw ee jaboxqniaw ar, dyr .kir ar, kir .ar. Guaw ixqing’ nilau, be e qycc u diongrhux. Guaw narr qongw, guaw iauxx u ngwbang, guaw qimmii narr u diongrhux iarr e snix qniaw,
13 Linw qamxx e tingwhau inx duarhanr mah? Linw qamxx e qaqi siuw, byy qer .langg mah? Guaw ee jaboxqniaw ar, byc did anxnix; guaw uirdiyhh linw jinrjai iukow; in'ui Jehovah crunx ciuw qongqig guaw."
14 Inx qycc cud sniax kaur. Orpah qapp daqex jimx cuir; dogdok Rlut qapp ix vangr be li.
15 Ix qongw, "Knuar ar, liw ee dangsai ixqing’ dyr kir ix ee vecsnir, ix ee siongrder hiax, liw iarr diyhh duer liw ee dangsai dyr .kir."
16 Rlut qongw, "Byc did krngr guaw lirkuix liw, dyr kir byy duer liw; in'ui liw kir hiax, guaw iarr beh kir hiax; liw hiyh dirr hiax, guaw iarr beh hiyh hiax; liw ee vecsnir beh juer guaw ee vecsnir; liw ee Siongrder iarr beh juer guaw ee Siongrder;
17 Liw siw dirr hiax, guaw iarr siw dirr hiax, baijongr dirr hiax; druu siw ixgua, narr u simxmih hro liw guaw sna' li, guan Jehovah qavue jikhuat guaw."
18 Ix knuar qnir ix quat'ir beh qapp ix kir, dyrr byy qycc duiww ix qongw kiw.
19 Dui' anxnix nng langg snaqab qniaa, laii qaur Betlehem. Inx qaur Betlehem, tong' sniaa uirdiyhh inx longxx juah .kiw .laii; hiaxee hurzinlangg qongw, "Jex si Naomi mah?"
20 Ix rinr qongxx, "Byc did qiyr guaw Naomi, diyhh qiyr guaw Malah, in'ui Juanlingg :ee kuanxtai guaw jin' qankow;
21 Guaw cud .kir ee sii muaxjiog, Jehovah hro guaw kangx kangx dyr .laii. Jehovah ixqing’ jikvi guaw laii jingwbingg guaw, Juanlingg :ee ixqing’ koxcow guaw, linw sniaw su qiyr guaw Naomi ar?"
22 Anxnix Naomi dyr .laii, ix ee simvu, Moab ee jaboxqniaw Rlut, dui' Moab-de dyr .laii .ee, iarr qapp ix laii. Inx qaur Betlehem, duxaxx si kiw ciuw quah duarbec ee sii.
2 Naomi u ix ee diongrhux ee cinlangg, dyrr si Elimelec ee qaicinx, u jit langg miaa qiyr Boaz, si dua hyxgiac ee langg.
2 Moab ee jaboxqniaw Rlut qra Naomi qongw, "Hro guaw kir hngg nirr, guaw narr did diyc undenw dirr simxmih langg ee binrjingg, dyrr tangx dirr hitt langg ee aurbin kiyh behseh." Ix qra ix qongw, "Guaw ee jaboxqniaw ar, jueww liw kir."
3 Ix dyrr kir. Ixqing’ qaur, dyrr duer quah bec ee langg dirr hngg ninrr kiyh behsed. Ix cauwkamw qaur Elimelec ee qaicinx Boaz ee jit kux hngg.
4 Boaz dui' Betlehem laii, duiww quah bec ee langg qongw, "Guan Jehovah qapp linw dilehh." Inx rinr qongxx, "Guan Jehovah suwhog liw."
5 Boaz mng ix soxx pair quah bec ee taulangg qongxx, "Hitt xee si simxmih langg ee jaboxqniaw?"
6 Quah bec ee taulangg rinr qongxx, "Jitt xee si Moab ee jaboxqniaw, qapp Naomi dui' Moab-de dyr .laii .ee.
7 Ix qongw, 'Cniaw liw jrunw guaw kiyh behseh, dirr quah bec :ee ee aurbin, dirr qui' kunw diongx kiyh inx.' Ix dyrr laii, dui' jaxkiw qaur dnaxx, dniardnia druar jiax; jixu hiyh dirr cur-lai diap aw quw."
8 Boaz qra Rlut qongw, "Guaw ee jaboxqniaw ar, liw diyhh tniax; byc did kir vadd kux hngg kiyh behseh, iarr byc did lirkuix jiax, diyhh anxnix qapp guaw jiaxee luxvi juewdin.
9 Liw diyhh knuar inx dirr dyclyc jit kux decc siuquah, dyrr duer inx kir. Guaw e huanhur hiaxee siauwlenlangg m tangx bongx diyc liw. Liw narr cuiwdax, dyrr kir hiaxee kiwqu hiax, limx siauwlenlangg soxx cnriu :ee."
10 Ix dyrr pag dirr de nirr vair ix, qra ix qongw, "Guaw si guarqoklangg, jnaixngiu e did diyc undenw dirr liw ee binrjingg, anxnix knuawqor guaw ar?"
11 Boaz rinr qongxx, "Dui' liw ee diongrhux siw liauxau, qniww liw kuanxtai daqex ee su, qycc liw lirkuix verbuw qapp liw cutsir ee soxjai, laii qaur liw vingsor m bad ee vecsnir jiax, langg longxx u qra guaw qongw bingg lar.
12 Guan Jehovah vywdab liw ee soxx juer. Liw laii hiyh dirr Jehovah, Islael ee Siongrder ee sxit-xe, guan liw did diyc Ix ee dua sniuxsur."
13 Ix qongw, "Guaw ee jruw ar, guan guaw did diyc undenw dirr liw ee binrjingg. Guaw suizenn be viw did liw ee luxvi ee jit xee, liw iauxquxx an'uir guaw, duiww liw ee luxvi qongw hyw ue."
14 Jiac ee sii, Boaz qra ix qongw, "Liw laii jiax jiac vniaw, ing liw hitt der unr cor." Ix dyrr jre dirr quah bec ee langg ee vnitauu; inx tec hangx ee behsui hro ix; ix jiac vaw iauxx u cunx. Ix kiw laii kir kiyh behseh.
15 Boaz huanhur siauwlenlangg qongxx, "Ix dyrr narr dirr qui' kunw ee diongqanx kiyh behseh iarr diyhh iong'unw ix, m tangx hro ix qenwsiaur;
16 Iarr diyhh dui' qui' kunw :ee tiux damrvyc, vangr dirr de nirr hro ix kiyh, m tangx huah ix."
17 Anxnix dirr hngg nirr kiyh behseh, qaur ehngx, dyrr pah ix soxx kiyh :ee, iokliok jit efah ee duarbec.
18 Ix duar ix soxx kiyh :ee zip sniaa, hro ix ee daqex knuar; iarr jiong' ix jiac vaw soxx cunx :ee tec cud laii hro ix.
19 Daqex mng ix qongxx, "Liw qinaxzit dirr dyclyc kiyh behseh? Dirr dyclyc juewqangx ar? Guan hitt xee knuawqor liw :ee did diyc hokkir." Ix dyrr qra daqex qongw, ix dirr dyclyc juewqangx, qongw, "Qinaxzit guaw juewqangx dirr hiax, hitt langg miaa qiyr Boaz."
20 Naomi qra ix ee simvu qongw, "Guan ix did diyc Jehovah suwhog, dyrr si six xunx hro uahlangg sixlangg byy suah :ee." Naomi qycc qongw, "Hitt langg si lanw ee cinlangg, si lanw qaicinx ee jit xee, tangx sioghuee lanw ee sanxgiap."
21 Moab ee jaboxqniaw Rlut qongw, "Ix iarr u qra guaw qongw, 'Liw diyhh qinduer guaw hiaxee siauwlenlangg, didqaur inx qra guaw siuquah bingvik.'"
22 Naomi qra ix ee simvu Rlut qongw, "Guaw ee jaboxqniaw ar, liw qapp ix ee luxvi cud .kir, si hyw; byy hro langg knuar qnir liw dirr vadd langg ee hngg."
23 Dui' anxnix ix qapp Boaz ee luxvi juewdin kiyh behseh, qaur duarbec siyxbec siux bingvik; ix iuguan qapp daqex snaqab druar.
3 Ix ee daqex Naomi qra ix qongw, "Guaw ee jaboxqniaw ar, guaw qamxx m diyhh qra liw cue jit xee ansinx ee soxjai, hro liw hiongxhog mah?
2 Liw qapp Boaz ee luxvi juewdin. Boaz, ix qamxx m si lanw ee qaicinx mah? Knuar ar, ix qimmii vuar duarbec dirr gorqakdniuu.
3 Liw diyhh sew sinkux, buah iuu, ngua snxax, lyc kir qaur gorqakdniuu; danrsi m tangx hro hitt langg zin diyc liw, tingwhau ix limjiac bingvik.
4 Qaur ix dyw lehh ee sii, liw diyhh jimjiog knuar ix dyw ee soxjai, dyrr zip kir henx ix ee kax soxx qah :ee, dyw dirr hiax; ix beh qra liw qongw, liw soxx diyhh qniaa :ee."
5 Ix dyrr qongw, "Liw soxx huanhur :ee guaw longxx beh qniaa ix."
6 Ix dyrr lyc kir qaur gorqakdniuu, longxx jiauww ix ee daqex soxx huanhur :ee qniaa.
7 Boaz limjiac bingvik, simx hnuahiw, dyrr kir dyw dirr behduix ee vnitau. Ix dyrr liamx kax zip .kir, henx kuix ix ee kax soxx qah :ee, dyw dirr hiax.
8 Qaur vnuawmii hitt langg diyhqniax, huanx srinx; byy pacsngr, u jaboxginxaw dyw dirr ix ee kax hiax.
9 Ix dyrr qongw, "Liw simxmih langg?" Rinr qongxx, "Guaw si liw ee luxvi Rlut; cniaw liw ing liw ee sna'axqix laii kamr liw ee luxvi, in'ui liw si guaw ee qaicinx."
10 Ix qongw, "Guaw ee jaboxqniaw ar, guan liw did diyc Jehovah suwhok; liw jitt lorbuew ee unjingg viw jingg:a :ee kacc dua; in'ui siauwlenlangg, bylun songwhiongx hyxgiac, liw longxx byy duer ix.
11 Guaw ee jaboxqniaw ar, dnaxx liw mrbenw qniax; qniwnarr liw soxx qongw :ee, guaw beh qra liw qniaa, in'ui guaw vunxsniaa ee vecsnir longxx jaix liw si hyw dikhing ee luxjuw.
12 Guaw sidjai si liw ee qaicinx ee jit xee; danrsi iauxx u jit xee viw guaw qyckacc cinx.
13 Liw qimmii hiyh jiax; binaxjaxkiw ix narr kingw qra liw jin qaicinx ee vunxhun, dyrr hyw, hro ix jin qaicinx ee vunxhun; ix narr m kingw qra liw jin qaicinx ee vunxhun, guaw qiw ingxuac ee Jehovah laii jiuwjua, guaw beh qra liw jin qaicinx ee vunxhun; liw tangx dyw jiax qaur tnix qngx."
14 Ix dyrr dyw dirr ix ee kax-xe qaur tnix qngx, langg be zin .did ee sii, dyrr kiw .laii. Boaz qongw, "M tangx hro langg jaix u jaboxginxaw qaur gorqakdniuu nirr."
15 Qycc qongw, "Liw tec liw soxx cing ee guarsnax, ing ciuw kanx ix." Ix dyrr kanx ix. Hitt langg dyrr nriuu duarbec lak xee, hro ix vue .kir; ix dyrr zip sniaa.
16 Ix qaur ix ee daqex hiax. Daqex qongw, "Guaw ee jaboxqniaw ar, liw dnaxx jnaixngiu ar?" Ix dyrr jiong' hitt langg duiww ix soxx qniaa :ee longxx qra ix qongw.
17 Qycc qongw, "Hitt langg ing jiaxee duarbec lak xee hro guaw, qra guaw qongw, 'Liw m tangx kangx ciuw dyw kir linw daqex hiax.'"
18 Ix dyrr qongw, "Guaw ee jaboxqniaw ar, liw tangx ansimx jre lehh, tingwhau jaix jex su jnaixngiu jniaa; in'ui hitt langg qinaxzit byy juewjniaa jitt xee su, dikkag byy suah.
4 Boaz jnriu qaur sniamngg, jre dirr hiax; duxdng Boaz soxx qongw hitt xee qaicinx dui' hiax quer. Ix dyrr duiww ix qongw, "Boxlangg ar, cniaw liw uad laii jiax jre." Ix dyrr uad kir jre.
2 Boaz qycc duiww vunxsniaa ee diongxlyw diongx qiyr jap langg laii, qra inx qongw, "Cniaw linw jre diamr jiax." Inx dyrr jre.
3 Boaz duiww hitt xee jiwcinx :ee qongw, "Dui' Moab-de dyr .laii ee Naomi, dnaxx bre ix hitt hxun ee hngg, si vunw sriok lanw ee hniax Elimelec :ee.
4 Guaw iwsur beh tongdix liw qongxx, diyhh dirr jiaxee jre lehh ee langg ee binrjingg qapp guaw ee vecsnir ee diongxlyw ee binrjingg, brew ix. Liw narr beh siok, dyrr siok ix; narr m siok ix, dyrr bingg bingg qongw hro guaw jiax; in'ui liw ixgua byy vadd langg tangx siok ix, derr zi dyrr si guaw." Ix rinr qongxx, "Guaw beh siok ix."
5 Boaz qongw, "Liw dui' Naomi ee ciuw brew hitt hxun hngg ee zit, iarr diyhh dui' sixlangg ee bow, Moab ee jaboxqniaw Rlut, brew ix, laii qenwlip sixlangg ee miaa dirr ix ee giap."
6 Hitt xee jiwcinx qongw, "Guaw be e uirr qaqi siok ix, qniaa guaw gai diyc qaqi ee giap; guaw siok giap ee qxuann liw tangx uirr qaqi jiangw ix; in'ui guaw be e siok ix."
7 Jingg dirr Islael diongx beh quatding simxmih su, higsi sioghuee, higsi qau'ngua, jitt langg diyhh trngr ree hro hitt langg; Islaellangg longxx ing jitt xee laii juer jingwqir ee le.
8 Hitt xee jiwcinx duiww Boaz qongw, "Liw uirr qaqi brew ix." Ix dyrr trngr qaqi ee ree.
9 Boaz qra diongxlyw qapp jiongww vecsnir qongw, "Linw qinaxzit juer qanjingr, qniwnarr sriok Elimelec, qniwnarr sriok Qilion Mahlon :ee, guaw longxx dui' Naomi ee ciuw brew .laii;
10 Qycc brew Mahlon ee bow, Moab ee jaboxqniaw, Rlut juer guaw ee bow, tangx qenwlip sixlangg ee miaa dirr ix ee giap, hro sixlangg ee miaa byy juat dirr ix ee hniadi diongx, qapp ix ee vunxsniaa; linw qinaxzit juer qanjingr."
11 Dirr sniamngg decc jre hiaxee jiongww vecsnir qapp dniuxlyw qongw, "Guanw juer qanjingr; guan Jehovah hro zip liw ee qrex ee hurzinlangg cincniu qenwlip Islael-qrex Rlaqel qapp Leah nng langg jidngiu; qycc guan liw dirr Eflat juer hyqet, dirr Betlehem juer u miasniax :ee;
12 Iarr guan liw ee qrex dui' Jehovah ing jitt xee jaboxqniaw soxx beh sniuxsur liw ee horer, jniaa juer cincniu Pelez ee qrex, dyrr si Tamar qapp Judah soxx snix :ee."
13 Dui' anxnix, Boaz crua Rlut juer bow; ixqing’ qapp ix dangvangg, Jehovah hro ix huai'in snix jit xee qniaw.
14 Hiaxee hurzinlangg duiww Naomi qongw, "Jehovah si ingqaix ylyw :ee; in'ui Ix qinaxzit byy vangwsag liw, laii drir qaur liw byy jiwcinx. Guan jitt xee ginxaw dirr Islael diongx did diyc miasniax.
15 Ix beh hogdyr liw ee jing'ingx, hongriong liw ee nilau; in'ui snix ix :ee, dyrr si liw hitt xee tniar liw ee simvu, duiwdirr liw viw cid xee qniaw iauxx kacc hyw :ee."
16 Naomi py hitt xee ginxaw, he dirr ix ee hxingx-jingg, iyx ix cincniu laurbuw.
17 Cuwvnix hiaxee hurzinlangg dyrr qra ix hy miaa, qongw, "Naomi u did diyc ginxaw lar"; dyrr qiyr ix ee miaa Obed; ix si Jesse ee laurve, Jesse si David ee laurve.
18 Pelez ee horer qir dirr erdew;
19 Pelez snix Hezlon; Hezlon snix Rlam, Rlam snix Amminadab;
20 Amminadab snix Nahson, Nahson snix Salmon;
21 Salmon snix Boaz, Boaz snix Obed;
22 Obed snix Jesse, Jesse snix David.