Síldarflutningar
2. Kafli

Alþýðublaðið - 30. mars 1960

41. árgangur 1960, 74. Tölublað, Blaðsíða 1

FJARLÖG ársins 1960 voru samþykkt af Sameinuðu alþingi síðdegis í gær. Atkvæðagreiðsla stóð mestallan daginn, enda fram kominn mikill sandur af breytingatillögum, stórum sem smáum, frá stjórnarandstöðunni og tíðum krafizt nafnakalla, sem eru tímafrek. Athyglisverðást var þó, að Framsóknarflokkurinn og kommúnistar stóðu saman að tilraunum til að fá uppbótarkerfið innleitt á nýjan leik með því að fá uppteknar sérstakar bætur á smáfisk. Stjórnarliðið felldi þó allar slíkar tillögur. Meðal tillagna, sem samþykktar voru, má nefna heimild stjórnarinnar til að ábyrgjast lán til síldarverksmiðjanna í Krossanesi og á Hjalteyri til að leigja skip til síldarflutninga til sín; heimild fyrir ábyrgð til dráttarbrautar á Ísafirði, heimild til að verja 3.5 milljónum af andvirði fiskiðjuversins til að kaupa tæki til rannsóknarstofnana sjávarútvegsins og heimild til ábyrgðar fyrir Sölumiðstöðina vegna hraðfrystistöðvar í Hollandi………………………………

 Meðan síldin er fyrir austan land, mun ferðin frá síldarverksmiðjunum eftir síldinni alltaf taka þrjá sólarhringa, jafnvel þó flutningaskipin fái strax fullfermi er á miðin er komið.

Aðeins komin 14500 mál

Til samanburðar má geta þess að afköst Hjalteyrar verksmiðjunnar eru 9000 mál á sólarhring, ef allar vélar eru í gangi, og full afköst Krossanesverksmiðjunnar upp undir 5000 mál á sólarhring. Í sumar er Hjalteyrarverksmiðjan þó aðeins búin að fá 14600 mál síldar.
Á báðum skipunum verða norskar áhafnir, en Finnur Daníelsson, skipstjóri, er um borð í „Aska“ og sér um afgreiðsluna.
***********************************************

Tíminn - 03. ágúst 1960

44. árgangur 1960, 170. tölublað, Blaðsíða 15

Flytur síld að austan

Á sunnudag kom til Hjalteyrar norskt leiguskip, Aska, sem síldarverksmiðjurnar þar og í Krossanesi hafa tekið á leigu til síldarflutninga. Skipið hélt þaðan á mánudag og var væntanlegt til Seyðisfjarðar í gærkvöldi, og var líklegt að það fengi farm þar, en það ber tæplega 4000 mál. Síldarverksmiðjurnar á Hjalteyri og Krossanesi fengu tals verða síld i júní í sumar, en ekki síðan, svo að heitið geti.

Er því hagsmunamál fyrir verksmiðjurnar að geta flutt til sín síld af fjarlægari miðum og ætti að koma sér vel nú þegar allar Austfjarðahafnir eru fullar af síld. Skipið er fengið hingað í tilraunaskyni og með styrk úr Fiskimálasjóði, en sams konar flutningar eru all tíðir i Noregi og hafa gefizt vel. — Áhöfn skipsins er öll norsk og skipstjóri norskur, en íslenzkur leiðsögumaður, Finnur Daníelsson, er með í förinni  
***********************************************************
Dagur - 04. ágúst 1960

43. árgangur 1960, 35. tölublað, Blaðsíða 1

Síldarflutningaskipið á leiðinni að austan með fullfermi frá nokkrum skipum Um það leyti er blaðið var að fara í pressuna kom norska síldarflutningaskipið Aska, sem verksmiðjurnar í Krossanesi og Hjalteyri hafa leigt til síldarflutninga, inn fjörðinn með fullfermi af síld til bræðslu. Skipið tók síldina úr nokkrum bátum á Seyðisfirði og mun það bera um 3500 mál. Farminum verður skipt milli verksmiðjanna. Basto, annað norskt síldarflutningaskip, sem einnig á að taka bræðslusíld úr bátum á miðunum, mun vera lagt af stað hingað, einnig leigt af sömu síldarverksmiðjum. Á skipunum eru norskar áhafnir, en Finnur Daníelsson, Akureyri, er leiðsögumaður í þessari fyrstu ferð.
************************************

Veitir enda ekki af þar sem tveggja til þriggja sólarhringa löndunarbið er nú á öllum Austurlandshöfnum og ætti að koma sér vel að létta á þeim.

Það leiguskipið, sem komið er nefnist Aska, en Basto kemur á sunnudag. Aska losaði síldarfarm inn á Eyjafjarðarhöfnum í gær, og heldur síðan þegar aftur til Seyðisfjarðar. Gengu þessir fyrstu flutningar mjög vel. — Síldarverksmiðjan í Krossanesi hefur nú tekið við 18 þús. málum síldar, en Hjalteyrarverksmiðjan við 16 þús. málum. Verksmiðjurnar njóta styrks úr ríkissjóði og úr Fiskimálasjóði til síldarflutninganna.

Verksmiðjustjóri í Hjalteyrar verksmiðjunni er Vésteinn Guð mundsson en í Krossanesi Jón M. Árnason. Þeir Vésteinn og Guðmundur Guðlaugsson, framkvæmdastjóri Krossanesverksmiðjunnar, önnuðust samninga um leigu á flutningaskipunum.

E.D.
**************************************** 

25. árgangur 1960, 172. tölublað, Blaðsíða 12

Norsk skip í síldarflutningum til Krossaness og Hjalteyrar

Akureyri í gær. Frá fréttaritara Þjóðviljans.

Norska síldarflutningaskipið Aska landaði í dag í Krossanesi 1500 málum síldar og hafið áður landað í gærkvöld (fimmtudag) á Hjalteyri álíka magni. Síldin var tekin af síldveiðiskipum í Seyðisfjarðarhöfn.

Aska er leigð af síldarverksmiðjunum í Krossanesi og á Hjalteyri til flutninganna. Ennfremur hafa verksmiðjurnar tekið annað norskt flutningaskip á leigu, vs. Basto, og er það væntanlegt til Seyðisfjarðar á sunnudag. Hafa nokkur skip nú þegar tilkynnt losun í það. þar sem nú er yfirleitt um tveggja daga bið á losun eystra að ræða. Verksmiðjan í Krossanesi hefur nú alls tekið á móti 18 þúsund málum síldar. Er þessi löndun úr norska flutningaskipinu hin fyrsta hjá verksmiðjunni um 2ja vikna skeið. Forráðamenn síldarverksmiðjanna á Hjalteyri og í Krossanesi vænta þess að með leigu flutningaskipanna megi vænta nokkurs síldarmagns til vinnslu, verði um áframhaldandi veiði að ræða.
****************************************
Morgunblaðið - 09. ágúst 1960

47. árg., 1960, 178. tölublað, Blaðsíða 2

Forráðamenn verksmiðjanna taka á móti síldarflutningaskipinu Aska á Hjalteyri: Jón M. Jónsson, verksm.stj. í Krossanesi, Guðm. Guðlaugsson, form. verksmiðjustj., Thor R. Thors, framkvæmdastjóri á Hjalteyri og Vésteinn Guðmundsson, verksmiðjustjóri. —

Síld flutt á tveimur skipum vestur

NORSKU síldarflutningaskipin tvö, Aska og Basto, eru nú í síldarflutningum frá Austfjörðum. Voru þau bæði 1 gær með fullfermi á leið til Hjalteyrar og Krossanesverksmiðjanna. Hafa skipin komið á mjög hentugum tíma, því löndunarstöðvun var orðin fyrir austan vegna lítilla afkasta verksmiðjanna þar, og taka því síldarflutningaskipin viðstöðulaust við síld af bátunum eftir að þau koma til Seyðisfjarðar. — Aska kom með fyrsta síldarfarminn til Hjalteyrar sl. fimmtudag og voru þá meðfylgjandi myndir teknar. í gærkvöldi kom svo Basto með sinn fyrsta farm, um 3100 mál, en skipið kom beint til Seyðisfjarðar frá Noregi kl. 3 á laugardag. Um 2 leytið í gær var Aska aftur búin að fá fullfermi og hélt af stað til verksmiðjanna með um 3200 mál. Síldarförmunum er skipt milli verksmiðjanna á Hjalteyri og Krossanesi, og hefur fyrsti farmur Aska þegar verið bræddur.
**************************************
Dagur - 10. ágúst 1960

43. árgangur 1960, 36. tölublað, Blaðsíða 2

Nýjungar á norðlensku síldarvertíðinni

Flutningaskip leigð til að sækja síld á miðin og flytja til síldarverksmiðjanna á Hjalteyri og í Krossanesi

Hinn dásamlegi, silfraði dutlungafiskur, sem menn eltast við á sumrin úti fyrir Norður- og Austurlandi og allt snýst um, svo að menn jafnvel gleyma blessuðum þorskinum, hefur verið erfiður viðfangs síðasta hálfan annan áratug, eða vel það, og svo er enn.

Á þessum tíma hafa síldargöngurnar líka breytzt og veiðist nú meira fyrir austan land en áður var. Og auðvitað elta menn síldina á miðunum, hvar sem hana er að finna. En það gengur erfiðlega að flytja heilar síldarverksmiðjur milli landshluta eftir göngum þessa nytjafiskar. Þó hefur þetta verið gert á síðustu árum. Kannski verða þær aftur fluttar vestur á bóginn, ef síldinni þóknast að færa sig á fornar slóðir. Síldveiðarnar hér við land eru miðaðar við þær frumstæðu og gamaldags verkunaraðferðir, að síldin er söltuð í tunnur til útflutnings eða þrædd til framleiðslu lýsis og mjöls, nákvæmlega á sama hátt og gert hefur verið allt frá þeim tíma að íslendingar lærðu af Norðmönnum að veiða síld. Síldarskipin. eru vel útbúin til síldveiða, m. a. gera hin fullkomnu leitartæki mögulegt að finna síld og veiða á nokkru dýpi. En það er til hinnar mestu vanvirðu á þessum framfaratímum og með reynslu annarra þjóða fyrir augunum, að treysta ár eftir ár á mokveiðina eina saman í stað þess að reyna að margfalda útflutningsverðmæti hráefnisins með fullkomnum síldariðnaði í Iandinu. Á meðan helmingur mannkyns er vannærður, ætti engri þjóð að leyfast að veiða næringarríkasta og ljúffengasta nytjafisk hafsins í mjög stórum stíl, ýlda hann um borð og í síldarþróm og vinna síðan úr honum vörur til iðnaðar og skepnufóðurs, í stað þess að framleiða hina eftirsóttu rétti til manneldis, sem aðrar þjóðir gera og selja um víða veröld í snyrtilegum umbúðum undir merkinu Íslandssíld.

En á meðan mikill hluti síldarinnar er bræddur, svo sem nú er, þarf síldarverksmiðjur. Nú veiðist síldin fyrir austan land. Þótt veiðin sé sáralítil hafa verksmiðjurnar þar ekki undan að bræða og skipin bíða löndunar. Á sama tíma standa verksmiðjurnar á Norðurlandi auðar og tómar.

Merk tilraun.

Tilraun sú, sem síldarverksmiðjurnar í Krossanesi og á Hjalteyri eru nú að gera með hinum norsku flutningaskipum, sem sækja síldina á miðin til síldveiðiskipanna, á að miðla aflanum, flytja síldina að austan, þegar of mikið berst þar að og flytja síldina austur, ef svo mikið veiðist hér fyrir Norðurlandi, að hinar norðlenzku verksmiðjur hafa ekki undan.

Þessir síldarflutningar ættu a5 draga úr því öngþveiti, sem myndast þegar allt ætlar á annan endann við það að síldin veiðist í einn tíma öll fyrir austan land, en í annan öll fyrir norðan. Þetta ætti að vera hagkvæmt hér ekki síður en t. d. í Noregi. Ríkissjóður og Fiskveiðisjóður styrkja þessa tilraun hinná eyfirzku verksmiðja, en allan. undirbúning og framtak ber að þakka Vésteini Guðmundssyni, framkvæmdastjóra Hjalteyrarverksmiðjunnar, og þeim Guðmundi Guðlaugssyni framkvæmdastjóra Krossanesverksmiðjunnar og Jóni M. Árnasyni verksmiðjustjóra.

Stærri verkefni framundan.

Að sjálfsögðu ber að viðurkenna allar þær nýungar, sem til bóta horfa og virða allar vel hugsaðar tilraunir í framfaraátt, viðkomandi síldveiðum. En við verðum þó sem allra fyrst að snúa okkur að stærri viðfangsefnum — gjörbylta síldariðnaðinum og láta síldarverksmiðjunum aðeins eftir hausa og slóg. — Hráefnasjónarmiðin verða að víkja. Fimmtán ára „síldarleysi“ ættti að hafa opnað augu manna fyrir þeirri einu opnu leið í síldarútveginum, að margfalda verðmæti síldarinnar með nýtízku iðntækni.
*******************************************

Vísir - 10. ágúst 1960

50. árgangur 1960, 177. Tölublað, Blaðsíða 12

Síldarflutningaskipin norsku eiga annríkt.

Dæla síld úr bátum fyrir Austurlandi og flytja til Eyjafjarðar.

Akureyri í gær.
Síldarflutningaskipin tvö sem síldarverksmiðjurnar á Hjalteyri og Krossanesi tóku á leigu í Noregi í sumar eru nú í síldarflutningum frá Austurlandi til Eyjafjarðar og taka 3200 mál hvort í ferð.

Verksmiðjurnar höfðu áður samið um leigu skips í Noregi til slíkra flutninga og átti það samkvæmt samningum að vera tilbúið í júnímánaðarlok. 

En þegar ekkert bólaði á skipinu um miðjan júlí og engin svör bárust um það hvenær vænta mætti skipsins, sendu verksmiðjurnar menn utan til nýrra samninga með þeim árangri að þeir sömdu um leigu á tveim skipum Aska og Basto og það fyrra kom til landsins 30. júlí s.l. Fór það strax austur á Seyðisfjörð og tók síld úr nokkurum bátum er biðu þar löndunar og fór með fullermi til Eyjafjarðarhafna. Þau eru nú aftur bæði tvö á leiðinni að austan með fullfermi síldar. og fylla sig á einum sólarhring.

Aðferð sem þessi hefur ekki verið reynd hérlendis áður, en með þessarri tilraun sem nú er gerð fæst reynsla á því hve happadrjúg hún er. Eyjafljarðarverksmiðjurnar hafa þegar tekið við röskum 34 þúsund málum síldar til bræðslu. Hjalteyrarverksmiðjan hefur brætt 16200 mál og Krossanessverksmiðjan um 18 þúsund mál.
*******************************************************

Ath. sk. Rauða merkingin hér ofar er mín vegna, undrunar  minnar á setningunni: „Dæla síldinni úr bátunum“
Þar sem fyrst er þessir flutningar hófust, með sömu skipum, þá er því lýst að notaðir séu séstakti krabbar við losun bátanna." „Morgunblaðið - 03. ágúst 1960“
Sennileg tekur fréttamaður svona til orða, samber orðatækið „Látum dæluna ganga“ en þarna koma "dælur" hvergi við sögu, heldur eitthvað verk í gangi, sennilega krabbar, svona eins og algengt er í landi, svo og við löndunarbryggjur SR á Siglufirði ???
*******************************************
Alþýðumaðurinn - 16. ágúst 1960

30. Árgangur 1960, 24. Tölublað, Blaðsíða 4

Leiga síldarflutningaskipanna gefur góða raun

Eins og kunnugt er af fréttum hafa síldarverksmiðjurnar í Krossanesi og á Hjalteyri leigt í félagi tvö flutningaskip frá Noregi, Ösku og Basto, er tekið hafa síld úr veiðiskipum á Austfjörðum og flutt til verksmiðjanna. Taka skipin um 3.200 mál hvort í ferð og höfðu um sl. helgi flutt um 7000 mál síldar til hvorrar verksmiðjunnar, og flutningar gengið prýðilega.

Sökum þess hve síldin hefir legið mikið austur, en verksmiðjukostur tiltölulega lítill þar miðað við á Norðurlandi, hafa þessir síldarflutningar auðveldað veiðiskipum að losna við afla sinn, og sýnist hér farið inn á miklu hagfelldari og skynsamari leið að flytja síldina til verksmiðja, sem til eru, fremur en byggja nýjar og nýjar, eftir því sem síldin hleypur til þetta árið eða hitt. Það eru framkvæmdarstjórar verksmiðjanna á Hjalteyri og í Krossanesi, þeir Vésteinn Guðmundsson og Guðmundur Guðlaugsson, sem hafa haft forgöngu um þessi nýmæli, og eiga þeir vissulega hrós skilið fyrir.
***************************************************

Eyjablaðið - 05. nóvember 1960

21. árgangur 1960, 11. tölublað, Blaðsíða 4

Vélskipið Helgi Helgason í síldarflutningum.
Vigfús Friðjónsson frá Siglufirði hefur nú tekið Helga Helgason á leigu til að flytja ísaða síld frá Faxaflóahöfnum á ''markað“ í Vestur-Þýzkalandi.
**********************************
Vísir - 05. nóvember 1960

50. árgangur 1960, 251. Tölublað, Blaðsíða 1

Lélegar sölur á ísaðri síld í Þýzkalandi.

Kunnugir telja betri horfur er líður á vetur.

Talsvert magn hefur verið flutt út af ísaðri síld í haust til Þýzkalands. Hafa stórir vélbátar annað hvort tekið síld sem hluta af farmi eða farið eingöngu með ísaða síld. Hafa þessir síldarflutningar í haust ekki gefið eins góða. raun og menn væntu og mun lægra verð hefur fengizt fyrir síldina en gera mátti ráð fyrir, þegar haft er i huga það verð sem fékkst fyrir ísaða síld á þýzkum markaði í desember í fyrra.

Síldin sem Narfi flutti út fyrir nokkru seldist fyrir lítið verð enda fór mikiil hluti hennar í úrgang. Nýlega fór v.b. Margrét  með síld ásamtfiski.
Síld Margrétar- seldist fyrir 11.500 mörk, 45 lestir. Þá seldi Runólfur frá Grundárfirði 50,5- tunnur fyrir 15.500 mörk.
Verður hvorttveggja að teljast mjög lítið verð. Að því er kunnugir telja mun verða framhald á útflutningi ísaðrar síldar í haust og eru líkur fyrir betri sölum er líður nokkuð á. Það virðist helzt skorta á að síldin þykir ekki nægilega góð markaðsvara og þá heizt fyrir það að hún er mjög -misstór að stærð, en slíkt dregur úr sölumöguleikum. Þá mun einnig hafa borið á því að síldin var ekki nógu mikið ísuð eða ísuð of seint og ekki í kassa, en hinn viðkvæmi fiskur þolir illa þrýsting eða hnjask. Nú er verið að ísa síld í Helga Helgason í Keflavík. Var báturinn búinn að fá um það bil 40 tonn í gær, en afli var enginn í nótt vegna veðurs.
******************************************

Árið 1961

Þjóðviljinn - 26. mars 1961

26. árgangur 1961, 73. tölublað, Blaðsíða 12

Lagarfoss galtómur
Fyrir nokkru kom Lagarfoss galtómur frá útlöndum. Var borið við að heimferð skipsins hefði verið hraðað til að koma því í síldarflutninga og því engar vörur teknar með heim, en sannleikurinn var sá að nær engar vörur biðu flutnings.

Sölutregðan og minnkandi innflutningur hefur höggvið stærst. skarð í flutninga Eimskip, og auðvitað hefur þessi samdráttur í för með sér minnkandi vinnu hjá hafnarverkamönnum. Hafa þeir í flimtingum þegar skip koma, að Þau komi kannski ekki með svo mikið vörum, en það bæti þó úr skák að því meira komi Þau með af blessaðri viðreisninni. Fyrsta spurningin við skipkomu er nú orðið, hvað mikið skipið flytji af vörum og hvað mikið af viðreisn.

**********************************************

Þjóðviljinn - 28. apríl 1961

26. árgangur 1961, 96. tölublað, Blaðsíða 2

Seldu síld í V-Þýzkalandi í gær

Í gær seldu tvö íslenzk togskip síld í Bremerhaven í Vestur-Þýzkalandi. Jón Trausti seldi 88 lestir fyrir 35 þús. mörk og Bjarnarey seldi um 96 lestir fyrir 40 þús. mörk. Togskip þessi höfðu útgerðir og áhafnir síldveiðibátanna Heiðrúnar og Guðmundar Þórðarsonar tekið á leigu til síldarflutninganna.  N.k. þriðjudag selur togarinn Sigurður rúmlega 400 lestir af síld í Vestur-Þýzkalandi.
*******************************************

Tíminn - 24. júní 1961

45. árgangur 1961, 140. tölublað, Blaðsíða 3

Tvö norsk skip leigð til síldarflutninga Síldarverksmiðjurnar i Krossanesi og á Hjalteyri taka skipin á leigu.

Frá fréttaritara Tímans á Akureyri. Síldarverksmiðjurnar í Krossanesi og á Hjalteyri við Eyjafjörð hafa tekið á leigu tvö norsk flutningaskip, sem höfð munu í síldarflutningum í sumar. Munu skipin taka síld úr síldarbátum á fjarlægum miðum og flytja hana til hafnar. Er þetta mjög athyglisverð ráðstöfun, því að auðsætt er, hve mikill hægðarauki getur verið af slíkum flutningum, sérstaklega ef vel veiðist. Geta síldarbátarnir þannig losað sig við aflann á miðunum sjálfum og hafið strax veiðar á nýjan leik, en þurfa ekki að eyða tíma í siglingu til hafnar og affermingu þar.

Tilraun var gerð með slíka flutninga í fyrrasumar, og gáfust þeir vel, þótt gildi þeirra komi ekki fyllilega í ljós, nema mikil veiði sé. Var það norska skipið Aska, sem stundaði þá flutninga, og er það annað skipanna, sem nú hafa verið tekin á leigu. Hitt skipið heitir Talis, og ber það um 5 þúsund mál síldar. Aska er nokkru minna skip, tekur um 3 þúsund og 200 mál. Munu bæði skipin verða komin til landsins í dag, og mun Talis þá halda strax á miðin, svo framarlega sem einhver síld veiðist og skipsins verður þörf. Aska mun fyrst um sinn annast tunnuflutninga, en að sjálfsögðu fara í síldarflutninga strax og þörf krefur. Þessi skip munu fyrst og fremst flytja bræðslusíld til Hjalteyrar og Krossaness, en að sjálfsögðu geta fleiri hafnir komið til greina. Sömuleiðis munu þau taka saltsíld til flutninga, ef þess er óskað. Þess má að lokum geta, að fyrsta saltsíldin kom til Hjalteyrar í gær, en þar mun síldarsöltun verða stunduð í sumar, auk bræðslunnar.
Var það Gylfi II. frá Akureyri, sem kom með 750 tunnur síldar.
Síldarverksmiðjan á Hjalteyri er nú búin að bræða um 1800 mál síldar, sem bárust fyrir nokkru. E.D.
********************************************

Vísir - 26. júní 1961

51. árgangur 1961, 142. Tölublað, Blaðsíða 16

Tvö skip leigð til að flytja síld af miðum til verksmiðja.

Þau geta samtals borið 7000 mál í einni ferð.

Síldarverksmiðjan á Hjalteyri og Krossanesverksmiðjan hafa nú leigt tvö skip til síldarflutninga. Var byrjað á að flytja síld til verksmiðjanna í fyrra með flutningaskipum, og gafst það vel. Er annað skipið Aska, sem var í síldarflutningum í fyrra, en hitt heitir Tarin og er einnig norskt. Tarin getur borið 5000 mál, en Aska 2000. Aska er í flutningum með sement og tunnur og annan varning, en Tarin liggur nú á Húnaflóa og bíður eftir því að fá síld. Skipin hafa bæði krabba til að losa síldina úr bátunum. 1)
Er ekki hægt að losa síld úr bátum nema í landvari, og munu skipin því liggja við land eða inni á fjörðum, eins nærri síldarmiðum og kostur er.

Til er önnur leið að losa síld úr bátum, en það er með dælu. Slíkt myndi að líkindum vera heppilegra, þar eð dæla mætti síld (inni úr bátunum úti í rúmsjó, en dælurnar eru langtum dýrari en krabbarnir, og var ekki því horfið að því ráði að fá þær að því að sinni.

Hjalteyrarverksmiðjan er búin að taka á móti 2000 málum, en til Krossaness hafa borizt um 600 mál. Nokkuð hefur verið saltað á báðum stöðum.   (1) Áhersla mín, sk)
***************************************

Alþýðublaðið - 28. júní 1961

42. árgangur 1961, 142. Tölublað, Blaðsíða 2

Flytja síld af miðunum

Akureyri, 26. júní. Búið er að taka á leigu tvö skip, sem annast munu síldarflutninga af miðunum til verk smiðjanna. Eru það Síldarverksmiðjan á Hjalteyri og Krossanesverksmiðjan, sem taka skipin á leigu.
Er hér um að ræða tvö norsk skip, Aska og Tarin. Aska var í síldarflutningum á vegum fyrrgreindra verkverksmiðja um skeið í fyrrasumar og þótti gefast vel. Ber skipið 2000 mál, en nú er það í flutningum á sementi og á tunnum. Tarin, sem getur borið 5000 mál, liggur inni á Húnaflóa og bíður síldar.

Bæði hafa skipin krabba til að losa síldina. úr bátunum, sem er mun ódýrari aðferð en að nota dælu. Um 2000 mál hafa nú borizt til Hjalteyrar, en um 600 mál til Krossaness. Eitthvað hefur þegar verið saltað á Hjalteyri.
G. St.
******************************************

Morgunblaðið - 28. júní 1961

48. árg., 1961, 141. tölublað, Blaðsíða 12

Norsk síldarflutningaskip tekin á leigu

AKUREYRI, 26. júní. Hjalteyrar og Krossanes síldarverksmiðjurnar hafa ákveðið að hafa sama hátt á í sumar og s.l. sumar með flutning á síld til verksmiðjanna af miðunum. Hafa þær leigt til flutninganna tvö norsk skip, og eru þau bæði komin til landsins. Talis kom til Hjalteyrar á föstudagskvöld. Það heldur sig í Reykjarfjarðarálnum. Um borð í því er íslendingur, trúnaðarmaður verksmiðjanna, Jón Sigurðsson, gamalþekktur togaraskipstjóri, sem var m.a. lengi með Hilmi o. fl. togara. Skip þetta lestar 5000 mál síldar. Aska kom á laugardag til Hjalteyrar. Það skip ber um 3200 mál.

Eins og sakir standa er það í flutningum á ströndinni, flytur tunnur og sement, en mun hefja síldarflutninga strax og ástæða þykir til. í fyrra var gerð tilraun af hálfu verksmiðjanna með slíka flutninga, og hlutu þær nokkurn styrk úr. ríkissjóði til þess. Sú tilraun gafst svo vel, að verksmiðjurnar hafa nú lagt í þetta á eigin spýtur og hljóta engan stuðning frá hinu opinbera á þessu ári. Til Hjalteyrar hafa borizt 2 þús. mál til bræðslu og 220 tunnur í salt. Lítið hefur borizt til Krossaness ,eitthvað um 600 mál og eitthvað í salt. —
St. E. Sig.
*********************************************

Morgunblaðið - 02. júlí 1961

48. árg., 1961, 145. tölublað, Blaðsíða 23

Síldarflutningaskipin tekin til starfa

NORSKA síldarflutningaskipið Talis tók síld á Ólafsfirði, og landaði henni í gær í bræðslu á Krossanesi.

Voru þetta afgangar, sem ekki fóru í söltun á Ólafsfirði, en síldarverksmiðjan þar er ekki í gangi. Síldarverksmiðjurnar á Hjalteyri og Krossanesi hafa tekið á leigu tvö norsk skip eins og áður er sagt til að taka við síld í sumar af skipunum á miðunum og flytja hana til verksmiðjanna. í fyrra var gerð tilraun með þetta, og gafst hún vel, en þá komi skipin full seint á síldarvertíðinni. Þá var tilraunin styrkt af ríki og Fiskimálasjóði, en nú hafa verksmiðjurnar tvær skipin á leigu alveg á eigin kostnað. 

Munu þær kaupa síldina á miðunum fyrir 10 kr. lægra verð málið en í landi, og þá reiknað með að verksmiðjurnar beri sjálfar ekki minni kostnað af flutningnum en bátamir. Þetta fyrirkomulag getur sparað síldveiðiskipunum langa siglingu með aflann í land, og þá skiptir ekki eins miklu máli þó síldin veiðist ekki alveg í næsta nágrenni við stóru verksmiðjurnar. Skv. reynslunni í fyrra var ákveðið að taka nú annað skipið stærra. Talis ber 5000 mál, en Aska 3200, eins og bæði skipin í fyrra. Skipin eru komin hingað fyrir nokkru, Talis komið í síldarflutninga, en Aska er að flytja tunnur frá Siglufirði til Raufarhafnar, en verður einnig sett í síldarflutninga, um leið og ástæða þykir til.
*********************************************
Tíminn - 13. júlí 1961

45. árgangur 1961, 156. tölublað, Blaðsíða 2

Nú vantar síldarflutningaskipin
Þau eru nú í tunnuflutningum frá Noregi

Í vor tóku síldarverksmiðjurnar í Krossanesi og á Hjalteyri við Eyjafjörð tvo norsk skip á leigu til þess að annast síldarflutninga af miðunum til verksmiðjanna. Enn sem komið er, hafa skip þessi enga síld flutt til lands, en fyrir austan þykir nú mörgum hart, að þessi skip skuli ekki vera þar til þess að taka við síld, þegar löndunarbið eða löndunarstöðvun er þar á mörgum höfnum. i Síldarflutningar þessir voru fyrst reyndir i fyrra, og var þá veitt af almannafé til þessarar tilraunar. í sumar skyldi haldið áfram á sömu braut. Það hefur hins vegar staðið þessari starfsemi fyrir þrifum i sumar, að nær öll síldin, sem veiðzt hefur, hefur verið söltunarhæf, og hefur ekkert verið með skipin að gera þar til nú vegna hinnar miklu veiði fyrir austan.

Leigð til flutninga — komu með tunnur Þegar ekkert var með skipin að gera , fyrir norðan, tóku síldarverksmiðjurnar í Krossanesi og á Hjalteyri það til bragðs að leigja skipin. Síldarútvegsnefnd tók skipin á leigu til hvers konar flutninga, og er nú annað þeirra á leiðinni heim frá Noregi með tómar tunnur, og kemur það væntanlega strax eftir helgina, en hitt er að lesta og kemur eitthvað síðar.
Alls flytja skipin í þessari ferð 12 þúsund tunnur.

Eins og áður hefur verið skýrt frá í fréttum, er hér um að ræða norsk skip, sem heita Aska og Talis, og komu þau hingað um miðjan júní
Ber Aska 3200 mál síldar, en Talis 5000. Skipin myndu sannarlega hafa komið í góðar þarfir með því að flytja síld af miðunum fyrir austan í þeirri hrotu, sen nú stendur yfir.
*************************************

Dagur - 15. júlí 1961

44. árgangur 1961, 35. tölublað, Blaðsíða 1

LÖNDUNARBIÐ HAMLAR SÍLDVEIÐUM

Síldarleitin á Raufarhöfn kl. 9 í gærmorgun.
Frá kl. 7 í gærmorgun til kl. 7 í morgun hafa 57 skip með 49 þúsund mál og tunnur meldað sig á Raufarhöfn. Til Seyðisfjarðar á sama tíma 19 skip með 11—12 þúsund mál og tunnur. Síldin veiddist mest á norðanverðu austursvæðinu eða í Bakkaflóadýpi og út af Bjarnarey. Kl. 6 í morgun biðu 19 skip á Raufarhöfn með 10—11 þús. mál. Mörg skip eru á leið til Siglufjarðar og Eyjafjarðarhafna.

Lítilsháttar hefur verið saltað en mest farið í bræðslu. Síldarleitarskipið Fanney hefur leitað á vestursvæðinu í nótt, en ekkert orðið síldar vör. Veiðiveður er mjög gott á miðunum. Síldarleitarflugvélin leitaði vestursvæðið í gærkveldi og varð ekki síldar vör.

Raufarhöfn í gær.

Nú er landburður af síld. Síldin hefur fært sig nær landi og veiðist á Bakkafjarðardýpi, frá Langanesi og suður á móts við Digranes. Búið er að salta um 40 þús. tunnur og 90—100 þús. mál eru komin í land. Þróarpláss er 65 —70 þús. mál. Allt er fullt og 20 skip bíða löndunar. Afköst bræðslunnar eru 4 þús. mál á sólarhring. Torfurnar eru svo stórar, að flest skip fá fullfermi í einu kasti. Hér var saltað í gær, nótt og í dag, en nú er nær tunnulaust. Á Austurlandi er tunnuskortur tilfinnanlegur og hvarvetna bið á löndunum. í nótt var ofurlítil bræla, en nú er ágætt veður um allan sjó.

Húsavík.

Í dag eru þessir bátar á leiðinni til Húsavíkur, sagði fréttaritari blaðsins þar í gær: Héðinn og Pétur Jónsson, um afla þeirra er ekki kunnugt og Halldór Jónsson, Ólafsvík, með 1100 tunnur. Búið var í gær að salta í nær 9500 tunnur. Eins og blaðið skýrði frá síðast, var síldaraflinn um síðustu helgi orðinn 351.866 mál og tunnur, miðað við laugardagskvöldið 8. júlí. Á sunnudag og mánudag veiddust um 90 þús., á þriðjudag 65 þús., miðvikudaginn 58 þús., fimmtudag og í gær um hádegi, föstudag, var vitað um 78 skip með um 60 þúsund mál og tunnur. Heildaraflinn ætti því að vera um 625 þúsund mál og tunnur.

Um 9 þús. mál eru komin í bræðslu á Hjalteyri og 3560 tunnur í salt. Aska og Talis, leiguskip Hjalteyrar- og Krossanesverksmiðja eru á leið frá Noregi til íslands með 12 þúsund tómar tunnur. Þessi skip eru nú illa fjarri, því loks kom verkefni fyrir þau, þ. e. síldarflutningar af miðunum til síldarverksmiðjanna við Eyjafjörð. Söltun er mikil á Austfjarðahöfnum: Fáskrúðsfirði 1048 tn., Seyðisfirði 2299, Vopnafirði 4851, Þórshöfn 1463 og Neskaupstað 4500 tunnur. Átta þúsund mál bíða löndunar á Eskifirði (í gærmorgun). Þar er búið að salta 2600 tn.

Til Dalvíkur kom í gær: Björgvin með 1300 mál. Saltaðar voru um 200 tunnur. Baldur kom líka með 900 tunnur og er saltað eitthvað af síldinni, en hitt fer til Hjalteyrar. Baldvin Þorvaldsson fór til Grímseyjar með 8—900 tunnur og verður saltað þar, það sem söltunarhæft er. Krossanesverksmiðjan hefur tekið á móti 5500 málum, auk nokkurs magn millisíldar og haf síldar, sem veiðzt hefur á Pollinum undanfarið. Súlan kom til Krossaness í fyrrinótt með 1240 mál, Gunnar frá Reyðarfirði með 1030 og Björgvin frá Dalvík með 1114 mál.
*****************************************

Alþýðublaðið - 16. júlí 1961

42. árgangur 1961, 156. Tölublað, Blaðsíða 2

Endir á ritstjórnargrein:
………………. Svo mikil síld hefur borizt á land á Austurlandi undanfarið, að löndunarstöðvun hefur orðið. — Skipin verða að bíða dögum saman eftir losun. Ef fengin væru skip til þess að flytja síldina úr veiðiskipunum til Raufarhafnar og Siglufjarðar, gætu veiðarnar gengið mun betur en ella.
Alþýðyblaðið varpaði fram þeirri hugmynd í gær, að einhverjir af togurunum væru notaðir til síldar flutninga í stað þess að láta þá liggja aðgerðalausa í Reykjavík og Hafnarfirði, en nokkrir togarar liggja nú bundnir. Það er vissulega hörmulegt að ! horfa upp á hin stórvirku atvinnutæki stöðvuð. :
Togararnir eru alltof dýrir til þess að unnt sé að láta þá liggja stöðvaða.
Síldarverksmiðjur ríkisins ættu að taka nokkra þeirra á leigu og nota þá til síldarflutninga. Það ríður á að síldveiðin geti gengið eins vel og frekast er unnt. Ef unnt er með betri skipulagningu að tryggja örari landanir, ber hiklaust að koma slíkri skipulagningu á.
*******************************************

Þjóðviljinn - 19. júlí 1961

26. árgangur 1961, 161. tölublað, Blaðsíða 1

Hluti fréttar:

……….Þjóðviljinn skýrði í gær írá kröfu síldarsaltenda, fyrir norðan og austan að fá að halda áfram að salta. Ekkert orð hefur heyrzt frá ríkisstjórninni. Enda þótt söltun yrði leyfð, sem sjálfsagt er, þá er svo ástatt, að algert tunnuleysi ríkir á söltunarstöðvum, og sjómenn og síldarstúlkur sem og öll þjóðin verður næstu daga að sjá landburð af góðri söltunarsíld fara í bræðslu vegna sofandaháttar ríkisstjórnarinnar. Ríkisstjórnin hafði tekið norsk flutningaskip á leigu til síldarflutninga en aðeins eitt þeirra er komið til landsins, enda þótt síldveiðarnar séu langt komnar. Sagt er að þessi skip séu að taka tunnur í Noregi og því seinki þeim. Þannig er silakeppsháttur núverandi ríkisstjórnar gagnvart helzta útflutningsatvinnuvegi okkar……………………………
*******************************************

Alþýðublaðið - 20. júlí 1961

42. árgangur 1961, 158. Tölublað, Blaðsíða 5

Síldarflutningaskipin nær tilbúin NORSKU síldarflutningaskipin tvö eru nú komin aftur hingað til lands, og hafa þau verið að losa tunnufarm, er. þau komu með frá Noregi. Annað skipið, Aska, lá á Seyðisfirði í gær, og var að losa þar tunnur. í nótt sem leið var unnið að því að gera það „klárt'* fyrir síldarflutningana, og talið öruggt, að það gæti haldið á miðin fyrir hádegi í dag.
Hitt skipið er við Austfirði og losar þar tunnur. Því mun ljúka í dag, og verður þá strax byrjað að breyta því fyrir flutningana. Aska tekur um 4000 mál og hitt eitthvað meira.
******************************************

Morgunblaðið - 20. júlí 1961

48. árg., 1961, 160. tölublað, Blaðsíða 2

Veitt í svarta þoku eystra

Í G Æ R var þoka á síldarmiðunum fyrir austan. Síðari hluta dags fann Fanney mikla síld um 48 mílur SA af Glettinganesi og hélt flotinn þangað. Skipin eru búin radar og kasta eftir fisksjá, svo þokan hindrar ekki veiðarnar. í gærkvöldi var síldarleitin búin að frétta af nokkrum bátum, sem höfðu fengið einhverja síld, t.d. Sæfugli, Friðbert Guðmundssyni, Guðfinni, Ólafi Tryggvasyni og Jökli og Héðinn var á leið í land með 400 tunnur. Síldarflugvélin sá í gærkvöldi nokkuð af „augum“ NA af Kolbeinsey. Á Austfjarðahöfnum er nú talsverð löndunarbið, svo mikið af skipum fer norður fyrir til Raufarhafnar þar sem löndunarbið er nú ekki meiri en sólarhringur, eða þá alla leið til Siglufjarðar, 14—20 tíma siglingu, en þar er engin bið.

Tunnur berast.
Flutningaskipin norsku eru nú að koma í síldarflutningana. — Aska losaði tunnur á Seyðisfirði í fyrrinótt og í gær var verið að koma fyrir skilrúmum til síldarflutninganna og var búizt við að skipið gæti farið að taka við síld, 3200 málum, í nótt. Hitt skipið Talis losaði tunnur á Vopnafirði í gær, fer með fleiri tunnur til Raufarhafnar og kemur svo einnig í síldarflutninga til Eyjafjarðarhafna. Skipið tekur 5000 mál…..

Fréttin er lengri, en hún segir frá afla skipa og fleiru, sem ekki tengist síldarflutningum. Sk

Tíminn - 28. júlí 1961

Skipið mannlaust

Slagsíðan á Talis fór vaxandi, og um klukkan 6 í gærmorgun taldi skipshöfnin sér ekki vært lengur um borð og fór yfir í Jón Gunnlaugs.
Áhöfn Talis er 10 útlendingar, Norðmenn, en með þeim er einn íslendingur, Jón Sigurðsson! að nafni, og er hann leiðsögumaður.
Flaut nú Talis stjórnlaust flatt fyrir vindi, og óx slagsíðan. Ekki gekk talstöðvarsambandið milli Talis og Ægis snuðrulaust með öllu, en eftir að Ægir fékk þá ábendingu hjá Víði II, að íslenzkur maður væri um borð í Talis, gekk betur. Skildu menn í fyrstu ekki hvorir aðra til fulls.

Tók skipið í drátt

Rétt í því, að áhöfnin hafði forðað sér í skipsbátnum yfir í Jón Gunnlaugs, bar Ægi að. Sendi hann þegar 5 menn í lífbáti sínum yfir í mannlaust skipið, tók; það í tog, og dró það inn til Vopna j fjarðar.
Eftir að þeim tókst að snúa skipinu undan og þeir voru á leið til lands, jókst ekki slagsíðan, og skipið varð sæmilega stöðugt

Til Vopnafjarðar komust þeir heilu og höldnu klukkan hálf eitt í gærdag, en áhöfn skipsins kom í humáttina á eftir um borð í Jóni Gunnlaugs.

Á Vopnafirði mun svo hafa verið unnið að því að rétta skipið við og festa skilrúm. svo sigla mætti því áfram með eitt hvað af farminum til Eyjafjarðar, en líklegt er, að einhverju af síld inni hafi verið landað á Vopnafirði. svo að viðgerð á skilrúmum hafi farið fram.
*****************************************

Alþýðublaðið - 29. júlí 1961

SÍLDIN TALSVERT MIKIÐ SKEMD

EINS og kom' fram í fréttum í gær, lenti síldarflutningaskipið Talis í nokkrum hrakningum, er síldarfarmur í lest skipsins rann til og hafði nærri hvolft því. Skipið kom inn til Vopnafjarðar í fyrrakvöld og lagðist þar að bryggju.

í gærmorgun kom svo hitt síldarflutningaskipið, Aska, og var ætlunin, að það tæki. nokkurn hluta síldarfarmsins úr Talis, en er til kom vildi skipstjórinn á Aska ekki taka síldina saman við sinn farm. Taldi síldina of skemmda. Síldin í Talis er orðinn að einum graut, og því mikið skemmd 

Í gær var ætlunin, að síldin úr skipinu yrði flutt í síldarbræðsluna á Vopnafirði og hún unnin þar ef hægt væn. Í Talis eru um 4000 mál.

Ekki er vitað raunverulega með hvaða hætti síldin í Talis hefur runnið til, en í ljós hefur komið, að ekkert skilrúmanna hefur brotnað. Þó má benda á, að síldin var orðin fremur í „vökvaformi" en hitt, og þannig rennur hún auðveldlega til.

Nú hefur bræðslan á Vopnafirði tekið á móti og brætt 7 þúsund mál, og þar hefur verið saltað í 9000 tunnur.
**********************************************

Alþýðublaðið - 174. Tölublað (09.08.1961)

BRÆÐSLUSÍLD SELD ER TIL NOREGS

ÞRJÚ norsk flutningaskip lesta nú síld á Seyðisfirði og Norðfirði sem fara á til Álasunds í bræðslu. Þau taka 8 —10 þúsund mál, sem Síldarverksmiðjur ríkisins selja þeim, þar sem síldin liggur undir skemmdum í mörgum bátum og ekki hægt að koma henni til verksmiðjanna á vestursvæðinu.

Um helgina lágu margir bátar á Austfjarðarhöfnum með síld. Vegna mikillar brælu gátu bátarnir ekki siglt með síldina vestur og leiguskip SR hafa ekki haft undan að flytja. Landað er úr bátunum eftir röð. Síldarflutningaskipin taka því ekki nýjustu síldina, enda hefur hún verið mjög slæm þegar hún hefur komið til Siglufjarðar.

Norsk flutningaskip, sem flutt hafa síld til Noregs úr norsku bátunum hér leituðu inn til Seyðisfjarðar og Norðfjarðar vegna veðursins um helgina. Þau buðust til að kaupa síld til að flytja til Noregs.

Stjórn Síldarverksmiðja ríkisins reyndi fyrst að fá þau til að flytja síld fyrir sig á vestursvæðið, en því var hafnað.

Stjórn SR fékk því leyfi í þetta skipti, til að selja Norðmönnum nokkuð af síldinni sem legið hefur undir skemmdum til að grynna á henni úr bátunum á Austfjörðum.

SR kaupir síldina af bátunum og endurselur í flutningaskipin. Verðið hefur verið ákveðið 116 krónur á málið til bráðabirgða. í Sem fyrr segir munu þessi þrjú skip taka samtals 8—10 þúsund mál.

**********************************************
Alþýðublaðið - 10. ágúst 1961

42. árgangur 1961, 175. Tölublað, Blaðsíða 16

NORÐMÖNNUM SELD 10.000 MÁL

SÖLU bræðslusíldar til Norðmanna er lokið, að því er Fiskifélagið skýrði blaðinu þeim  í gær.
Var fyrirfram ætlunin að selja þeim 10.000 rnál og bjarga þannig afla, sem ókleift var að koma til verksmiðjanna á Norðurlandi, og hefði því getað skemmzt. Þrjú norsk skip fylltu sig og fjórða tók slatta, og er umskipun þegar lokið á Seyðisfirði.

Emil Jónsson sjávarútvegsmálaráðherra skýrði blaðinu svo frá í gær, að þessi sala til Norð manna hefði eingöngu verið til þess gerð að bjarga hráefni, sem annars mundi eyðileggjast.
Mundi engin síld verða seld úr landi, sem mögulegt er að vinna í landinu sjálfu. Emil sagði, að norsk flutningaskip hefðu verið send til íslandsmiða til að taka síld úr norskum fiskiskipum. Hefði verið gerð tilraun til að fá þessi skip leigð í stuttan tíma til síldarflutninga fyrir íslendinga, en því hefði verið hafnað. Var þá gripið til þess ráðs að leyfa takmarkaða sölu á bræðslusíld til Norðmanna Nú eru fjögur skip í síldarflutningum frá Austurlandi til til verksmiðjanna á Norðurlandi, og hefði því getað skemmzt. Þrjú norsk skip fylltu sig og fjórða tók slatta, og er umskipun þegar lokið á Seyðisfirði.

Emil Jónsson sjávarútvegsmálaráðherra skýrði blaðinu svo frá í gær, að þessi sala til Norð manna hefði eingöngu verið til þess gerð að bjarga hráefni, sem annars mundi eyðileggjast. Mundi engin síld verða seld úr landi, sem mögulegt er að vinna í landinu sjálfu.

Emil sagði, að norsk flutningaskip hefðu verið send til íslandsmiða til að taka síld úr norskum fiskiskipum. Hefði verið gerð tilraun til að fá þessi skip leigð í stuttan tíma til síldarflutninga fyrir íslendinga, en því hefði verið hafnað. Var þá gripið til þess ráðs að leyfa takmarkaða sölu á bræðslusíld til Norðmanna

Nú eru fjögur skip í síldarflutningum frá Austurlandi til Norðurlands, hélt Emil áfram. Skip í slíkum flutningum þurfa að .hafa tæki til umskipunar á síldinni, en það hafa togarar ekki. Væri talið, að 4—5 skip ættu að duga, nema þegar allra mest berst til lands af síld, en veruleg fjárhagsleg áhætta að leigja mörg skip til viðbótar. Slíkir síldarflutningar voru í fyrra reknir með verulegu tapi

Að lokum sagði Emil, að allir viðkomandi aðilar hefðu gert þær ráðstafanir, sem unnt hefði verið til að tryggja sem bezta hagnýtingu síldaraflans. Væri vafasamt, að síldveiði hefði nokkru sinni verið hagnýtt eins vel og nú. Hins vegar er ógerningur að vera við öllu búinn, þegar aldrei er vitað fyrirfram hvar síldin veiðist né hve mikið Þjóðin hefði fjárfest hundruð milljóna í síldarverksmiðjum og annarri aðstöðu til síldarvinnslu, og væru þessi tæki nú hagnýtt eins vel og unnt er.

************************************************
Austurland - 11. ágúst 1961

11. árgangur 1961, 31. tölublað, Blaðsíða 1

Málgagn sósíalista á Austurlandi.
Ath. Efni greinar á forsíðu blaðsins fjallar aðalega um síldarflutninga og gagnrýni á alla sem stjórna síldarflutningunum.
Þar sem ekkert er rétt gert og allt ómögulegt en ekki nefnt sem betur hefði mátt gera.

Semsé, að mínu mati, kommúnistaáróður frá A-Ö. Og því ekki birt hér á síðu minni. en þeir sem vilja lesa, smella á tengilinn til blaðsins hér fyrir ofan. SK

Árið 1962

Vísir - 23. júlí 1962

52. árgangur 1962, 166. Tölublað, Blaðsíða 1

Togarar flytja Austurlandssíld til Reykjavíkur Nú er svo komið, að Norður- og Austurlands síld er eigi aðeins brædd í öllum verksmiðjum í þeim landsfjórðungum, heldur og hafnir flutningar á henni til bræðslu í Síldar- og fiskimjölsverksmiðjunni á Kletti hér í Reykjavík í samráði við Síldarverksmiðjur ríkisins. Tveir togarar eru þegar komnir til Seyðisfjarðar að taka síld, Geir, eign síldarverksmiðjunnar á Kletti, og Freyr, Ingvars Vilhjálmssonar. Verksmiðjan á Kletti getur brætt 4000 mál á sólarhring.

Framkvæmdastjóri verksmiðjunnar sagði í viðtali við Vísi í morgun, að hann hefði til taks tvo togara í viðbót til þess að sækja síld að landi sökum þess að megnið af flotanum er fyrir norðan. Það munu þó jafnan verða einhver skip fyrir austan, þar sem allt er að fyllast af síld fyrir norðan. Síldarflutningaskipin frá Seyðisfirði hafa yfirleitt siglt beint norður til Skagastrandarverksmiðjunnar síðustu dagana, en jafnvel þar gæti fljótt fyllzt þar eð mest síldveiði var í nótt í Húnaflóa, eins og getið er um annars staðar í blaðinu. Þriðji togarinn er kominn í síldarflutninga frá Seyðisfirði. Það er Pétur Halldórsson, sem flytur síld til Norðurlands fyrir Síldarverksmiðjur ríkisins.

Vísir - 23. júlí 1962

SIGLUFJÖRÐUR: Aldrei meiri síld í sögunni en þrjá síðast liðnu sólarhringa  (1962)

Fréttaritari Vísis á Siglufirði sagði í morgun þær gleðilegu fréttir, að f þessum mesta síldarbæ landsins hefði, að því er hann bezt vissi, aldrei borizt jafnmikil síld að landi og þrjá síðustu sólarhringana.

DREKKHLAÐIN SKIP.  Hann sagði, að skipin hefðu stöðugt verið að streyma inn undanfarin dægur, svo drekkhlaðin að þau hefðu rétt aðeins flotið í blíðviðrinu. Saltað hefur verið á öllum stöðvum, en þær eru 22 í kaupstaðnum, á meðan fólk hefur getað staðið á fótunum.

FULL AFKÖST. Auk þess hafa allar verksmiðjurnar brætt nótt og dag með fyllstu afköstum og ekki orðið nein töf. Löndunartækin hafa hvergi nærri haft undan og bíða nú mörg skip losunar á Siglufirði.
Þrær verksmiðjunnar Rauðku eru fleytifullar og hafa skip, sem ætluðu til þeirrar verksmiðju, orðið að landa hjá ríkisverksmiðjunum.

SKAGASTRÖND LÉTTIR Á. Miklu hefur þó létt af Siglufirði, þar eð Skagastrandarverksmiðjan er farin í gang og vinnur ágætlega. Þangað fara nú síldarflutningaskipin að austan. Einnig hefur verið saltað á Skagaströnd, svo og í Ólafsfirði og yfirleitt er vinnuafl og verksmiðjuafl hagnýtt hvarvetna til hins ýtrasta.

30 SKIP.  Fréttaritarinn á Siglufirði sagði í dag að 30 skip hefðu fengið samtals 40 þúsund mál og tunnur á Húnaflóa í nótt og fara þau eflaust til Skagastrandar og Siglufjarðar. Aftur á móti fékk ekki nema eitt skip síld á Kolbeinseyjarsvæðinu í nótt. Þar mælist þó gífurlega mikið af síld, en hún stendur of djúpt í svipinn.

Myndin hér sýnir samsvarandi atburð og árinu áður, sem tengist góðri síldveiði.   Sumarið 1961. 

Fremst á myndinni er síldarverksmiðjan Rauðka sem var í eigu Siglufjarðarkaupstaðar, þar fjær: SRN – SR30 – SR46 og SRP. 

Allar á fullri ferð í bræðslu síldar. Myndin tengist að sjálfsögðu ekki fréttinni hér ofar, en sett hér  inn til að sýna ástandið sem var svipað og árið 1962 –Rauðka og SR verksmiðjur á fullu við bræðslu síldar  1961 - Þessi mynd er söguleg að því leiti að þarna rýkur úr 5 síldarverksmiðjum, þ.e.. Rauðku verksmiðju Siglufjarðarkaupstaðar (næst á myndinni) , SRN,  SR30, SR46 og SRP verksmiðjum Síldarverksmiðja ríkisins sem hefur aðeins gerst þetta ár, þ,e. 1961

Ljósmynd Steingrímur Kristinsson

Morgunblaðið - 24. júlí 1962

49. árg., 1962, 166. tölublað, Blaðsíða 20

Togararnir í síldarflutninga til Rvíkur

Síldarflutningar eru nú að hefjast með togurunum að austan til Síldar og fiskimjölsverksmiðjunnar á Kletti í Reykjavík. Fóru togararnir Geir og Freyr Ingvars Vilhjálmssonar austur um helgina og eru komnir til Seyðisfjarðar til að taka síld. Jónas Jónsson, frkvstj. á Kletti tjáði blaðinu í gær, að ætlunin hefði verið að senda 3 af 4 togurum Síldar- og fiskimjölsverksmiðjunnar í þessa flutninga og einnig togarann Sigurð Einars Sigurðssonar, og einn togara frá Bæjarútgerðinni en Síldarverksmiðjurnar teldu að löndunartækin fyrir austan gætu ekki afgreitt svo marga togara til viðbótar við síldarflutningaskipin og mundu því aðeins 4 togarar fara í síldarflutningana, Geir, Freyr, Sigurður, og togari frá Bæjarútgerðinni. Einn af Bæjarútgerðartogurunum, Pétur Halldórsson, hefur verið leigður Síldarverksmiðjum ríkisins í síldarflutninga og er farinn til að flytja síld til verksmiðja þeirra fyrir norðan. Er áætlað að minni togararnir taki 3—4 þús. mál, en þeir stærri, Freyr og Sigurður 7—9 þús. mál.
*********************************************

Siglfirðingur - 17. ágúst 1962

35. árgangur 1962, 12. tölublað, Blaðsíða 1

Er hægt að flytja síld til Siglufjarðar allt árið?

Reynsla síðustu ára sýnir, að síldin veiðist allt árið einhversstaðar fyrir ströndum landsins.
Þjóðhagslega séð er viturlegra að nýta verksmiðjur, sem fyrir eru í landinu með síldarflutningum en byggja nýjar.

Frá Seyðisfirði til Reykjavíkur

Blaðafregnir þess efnis, að sex togarar séu nú í förum milli austurlandshafna og Reykjavíkur, flytjandi síld til vinnslu í höfuðstaðnum, hljóta að vekja þá spurn á vörum Siglfirðinga, hvort ekki sé hægt að flytja síld af vetrarvertíð syðra til vinnslu í Siglufirði.

Reynsla síðustu ára af hegðun síldarinnar og hinni nýju veiðitækni, sýnir, að síldin veiðist nær allt árið, fyrir norður, austur eða suðvesturlandi. Og það er þjóðhagslega séð mun viturlegra að nýta þær dýru verksmiðjur, sem til eru í landinu fyrir, með síldarflutningum, en byggja hér og þar nýjar, óhemju dýrar verksmiðjur, sem enginn veit hve lengi liggja vel við síldveiði. Síld til Siglufjarðar allt árið Síldarverksmiðjur ríkisins eiga verksmiðjur margar hér norðan og austanlands. 

Ríkið hefur neyðzt til að yfirtaka ófáa togara, sem komizt hafa undir hamarinn. Væri óhugsandi, að þessi skip væra sett í síldarflutninga að austan og síðar frá suðvesturlandi til Siglufjarðar og fleiri verksmiðja hér norðanlands og þann veg hvorttveggja nýtt, skipin og verksmiðjunar? Ef það borgar sig fyrir fiskiverksmiðjuna Klett í Reykjavík að flytja síld frá austurlandshöfnum til Reykjavíkur nú, borgar sig þá ekki fyrir S.R. og Rauðku að leigja síldarflutningaskip til hráefnisflutninga frá suðvesturlandi til Siglufjarðar á haust og vetrarvertíðinni, sem Devold hinn norski spáir sérlega góðri á komandi hausti ?

Mál, sem er vert athugunar. „Siglfirðingur“ getur að sjálfsögðu ekkert fullyrt í þessum efnum. Hinsvegar virðist blaðinu, að hér sé um svo stórt mál fyrir Siglufjörð og þjóðarbúið að ræða, að vert sé að láta nú þegar fara fram gaumgæfilega athugun á, hvort slíkir síldarflutningar séu ekki framkvæmanlegir og hagstæðir fyrir alla aðila.

Og það hlýtur reyndar að vera þjóðhagslega mun skynsamlegra að nýta þær verksmiðjur sem fyrir eru með síldarflutningum, en leggja út í ófyrirséðan kostnað á byggingu fjölda nýrra verksmiðja, meðan aðrar standa ónýttar; nýrra verksmiðja, sem verða myndu jafn háðar duttlungum síldarinnar og þær, sem fyrir eru. Hér er máli hreyft, sem forystumenn síldariðnaðarins í landinu ættu að vinda bráðan bug að athuga ofan í kjölinn.
********************************************

Morgunblaðið - 31. ágúst 1962

49. árg., 1962, 198. tölublað, Blaðsíða 3

Síldarflutningar fara illa með lestar togaranna
Verið að hreinsa lestar R.víkurtogaranna

TOGARARNIR, sem þátt tóku í síldarflutningum frá Austurlandi í sumar, eru nú allir hættir síldarflutningum, sá síðasti, Pétur Halldórsson kom á fimmtudag. Liggja þeir nú í Reykjavíkurhöfn og er verið að þrífa lestarnar.
Lestar togara fara alltaf illa í síldarflutningum og á togurunum, sem byrjað er að hreinsa, hefur orðið að fjarlægja nokkuð af einangrun í farmrými og setja nýja í staðinn.
Hér áður fyrr, þegar togarar voru á síldveiðum, var alltaf erfitt verk að hreinsa lestarnar. Fóru þeir stundum á saltfiskveiðar fyrstu túrana á eftir, en þetta kemur ekki eins að sök, þar sem lestar eru aluminiumklæddar, eins Og á nýju togurunum Aluminium virðist ekki hafa skemmzt neitt af síldinni, en hinsvegar hefur vessi og lýsi úr síldinni sums staðar gengið út í einangrunina. Síldarflutningarnir frá Austurlandi í sumar hafa verið ákaflega mikilvægir og hafa verið flutt frá Seyðisfirði 225 þús. mál af síld, að miklu leyti af togurunum, en það er að verðmæti um 35 millj. upp úr sjó eða um 50 millj. að útflutningsverðmæti. Hafa síldarflutningarnir bjargað
***************************************

Alþýðublaðið - 21. nóvember 1962

43. árgangur 1962, 257. Tölublað, Blaðsíða 16

Síldarflutningar að hefjast til Þýzkalands

Í GÆRDAG var verið að ferma bv. Mána með  síld úr 2 skipum og átti Máni að sigla með síldina til Þýzkalands.

Einnig var í gær verið að lesta togskipið Margréti með síld Þýzkalands. Síldveiði var annars fremur lítil síðastliðinn sólarhring, enda bræla á miðunum.
Eftirfarandi skip komu með síld til Reykjavíkur í gær; (aflamark er ágizkun)
Bv. Hallveig Fróðadóttir,468 tunnur, Sæfari 500, Steinunn 6-700 tunnur, Seley 250 tunnur, Stapafell 350 tunnur.
Síldinni úr Hallveigu Fróðadóttur og Halldóri Jónssyni var skipað um borð í Mána sem síðar siglir með hana til Þýszkalands

MikiII skortur hefur verið á síld á Þýzkalandsmarkaðnum að undanförnu og er verðið á henni þess vegna mjög hátt, 7-8 krónur fyrir kílóið. Togskipið Margrét átti og að lesta síld til útflutnings í gærdag. Verið er að búa togarann Úranus undir síldarflutninga til Þýzkalands.

Síldin sem framangreind skip fengu var öll veidd undan jökli Ekki barst mikil síld Akraness gær. Orsökin til þess var m.a. hið slæma veður á miðunum nóttina áður. Sigurður AK kom með um 250 tunnur. Tvö skip komu með smáslatta og rifnar nætur, annað þeirra var Ólafur Magnússon, sem landaði um 100 tunnum. Allir Akranesbátar fóru út aftur í gær og svo var einnig um bátana sem lönduðu í Reykjavík, Batnandi veður var á miðunum. 

Árið 1963

Tíminn - 24. janúar 1963

47. árgangur 1963, 20. Tölublað, Blaðsíða 15

Staldrað við á fréttamiðstöð Suðurlandssíldveiðanna

GRANDA RADIO

Heldur þú að hægt sé að veiða síld allt árið hér við Suðurland? —

Ég veit ekki hvað ég á að segja. í fyrra veiddu þeir síld næstum óslitið fram í maí. Það er áreiðanlega síld hér við Suðurland á sumrin, hvort hún er nógu þétt til að veiða hana veit ég ekki. — Þessi síld hérna í vetur hefur bjargað togurunum ákaflega mikið. Þeir kaupa síldina fyrir eina krónu fimmtíu og fjóra aura kílóið, en algengt verð úti er 30 pfenningar fyrir pundið. Þessir síldarflutningar eru því allavega mikil búbót fyrir togarana.
**************************************

Árið 1964

Þjóðviljinn - 08. janúar 1964

29. árgangur 1964, 5. tölublað, Blaðsíða 1

Togari til síldarflutninga? Á fundi útgerðarráðs Bæjarútgerðar Hafnarfjarðar i fyrradag skýrði framkvæmdastjórinn frá að beiðni hefði borizt frá Lýsi og Mjöl h.f. um leigu á togara til síldarflutninga. Var framkvæmdastjóranum heimilað að leigja eitt af skipum útgerðarinnar i þessu skyni ef hagkvæmir leigusamningar fengjust.
***************************************
Þjóðviljinn - 26. júní 1964

29. árgangur 1964, 140. tölublað, Blaðsíða 12

Askja verður í síldarflutningum
Akureyri 25/6
Krossanesverksmiðjan hefur nú tekið á móti 45 þúsund málum og gengur bræðslan þar vel.
Hjalteyrarverksmiðjan hefur tekið á móti 23 þúsund málum og er sömu sögu að segja af bræðslunni.

Flutningaskipin Askja er nú komin til Austurlands og mun hefja síldarflutningar af miðunum þaðan.
****************************************
Morgunblaðið - 28. júní 1964

51. árg., 1964, 143. tölublað, Blaðsíða 26

32,000 mál komin í verksmiðjuna á Seyðisfirði

Viðtal við framkvæmdastjóra SR  (Tæknilegan framkvæmdastjóra)

Seyðisfirði, 26. júní.
SÍLDARVERKSMIÐJAN á Seyðisfirði hefur tekið á móti 32.000 málum af síld. Er það mun minna magn, en við hefði mátt búast hjá jafn stórri verksmiðju.
— Af þessu tilefni sneri fréttaritari Mbl. á Seyðisfirði sér til Vilhjálms Guðmundssonar, verkfræðings, framkvæmdastjóra SR, sem staddur er nú á Seyðisfirði. Skv. upplýsingum hans barst fyrsta síldin til verksmiðjunnar 15. júní, og þann 20. voru þrærnar fullar, en þær rúma 22.000 mál.

Fyrstu dagana barst lítið magn að, en 18.—20. júní barst mjög ört að, svo að þrærnar fylltust. Þegar fyrsta síldin barst, var hafizt handa um að kalla saman starfsliðið, sem að miklu leyti er aðkomufólk,- búsett víðsvegar á landinu.

Um síðustu helgi hófst svo bræðsla í verksmiðjunni. — Vinnsla gekk mjög erfiðlega í upphafi, bæði vegna þess að mikið var af óvönum mönnum í verksmiðjunni, og síldin erfið í vinnslu. Það, sem olli þó sérstaklega vinnslutöfum í byrjun, var, að tekin var í notkun ný pressusamstæða. Var ekki lokið við að raftengja hana, fyrr en 23. júní. þess má geta, að pressumótor var pantaður í nóvember síðastliðnum og afgreiðslu heitið í febrúar, en hins vegar kom mótorinn ekki fyrr en 18. júní, þrátt fyrir margítrekaðan eftirrekstur.

Þessa erfiðleika þekkja sjómenn og útgerðarmenn vel af eigin reynslu, þar sem algengar eru tafir á afgreiðslu hluta til skipanna, og mættu þeir stundum minnast þess, . þegar þeir eru að senda okkur tóninn í talstöðvarnar, sagði Vilhjálmur Guðmundsson.

— Hvernig gengur vinnslan núna? spurði fréttamaður Vilhjálm.

— Nú er verið að vinna verstu síldina, sem beið lengst í skipunum, og eru afköstin um 4000 mál á sólarhring. Vonir standa til, að fullum afköstum verði náð nú um helgina,  þegar starfsliðið, síldin og vélarnar verða komin á sömu bylgjulengd.

— Hvernig hefur löndun gengið? — Hún hefur gengið greiðlega, að undanskildu því óhappi, að lestarborð úr einu skipinu lenti í öðru löndunartækinu og olli slíkum skemmdum, að tekið hefur tvo sólarhringa að gera við það. Bilanir í síldarverksmiðjum eru allt of tíðar vegna alls konar lausadóts, sem berst í löndunartækin.

— Stóð ekki til að stækka síldargeyma verksmiðjunnar?

— Á s.l. hausti voru fyrirhugaðar ýmsar framkvæmdir, svo sem stækkun þróarrýmis um 25.000 mál, bygging lýsisgeymis, mjölhúss o.fl. Úr þessum framkvæmdum gat ekki orðið vegna lánsfjárskorts. Þessar framkvæmdir hefðu bætt rekstraraðstöðu verksmiðjunnar til muna, einkum stækkun þróarrýmisins, enda liggur í augum uppi, að óhagstætt er að hafa ekki geyma fyrir síld, nema til fjögurra eða fimm sólarhringa vinnslu. Í því sambandi má benda á, að í verksmiðju SR á Raufarhöfn, sem er af svipaðri stærð og Seyðisfjarðar verksmiðjan, er um 60 þús. mála þróarrými.

— Hvað líður flutningum á síld norður til Siglufjarðar?

— SR hafa tekið á leigu tvö skip, sem væntanleg eru til Seyðisfjarðar í fyrstu viku júlí. Einnig hafa verkmiðjurnar á Hjalteyri og Krossanesi, a.m.k. eitt skip á leigu til síldarflutninga.
********************************************
Alþýðublaðið - 05. júlí 1964

45. árgangur 1964, 149. Tölublað, Blaðsíða 1

Lítil afköst valda reiði
Reykjavík, 4. júlí – OG
Söltunarstöðin Ströndin á Seyðisf. hefur nú saltað í um 1000 tunnur, en engin önnur stöð hefur tekið til starfa ennþá og ekki er von á að nein byrji fyrr en á mánudag, þriðjudag. Fjöldi skipa bíður löndunar á Seyðisfirði, eitt og eitt skip fær löndun, skreppur út og kemur inn fullhlaðið á sama sólarhring. Seyðfirðingar segja að 20.000 mála verksmiðja væri miklu nær sanni, en núverandi 5000 mála verksmiðja, sem loksins er farin að vinna með fullum afköstum. Þróarrými er á Seyðisfirði fyrir um 12000 mál.
Brýnasta verkefnið þessa dagana er að útvega fleiri flutningaskip til síldarflutninga norður og vestur um. Gamall innrásarprammi, sem notaður hefur verið til umskipunar, liggur ónotaður á Seyðisfirði og líkar þar byggjum sú ráðstöfun illa.   (áhersla mín, sk)
*******************************************

Vísir - 16. júlí 1964

54. árgangur 1964, 160. Tölublað, Blaðsíða 1

5 SKIP VERÐA NÚ Í SÍLDARFLUTNINGUM
- Milli Seyðisfjarðar og Siglufjarðar

Síldarverksmiðjur ríkisins hafa nú tekið á leigu enn eitt síldarflutningaskip, CamilIa frá Noregi og eru nú 5 skip í síldarflutningum milli Seyðisfjarðar og Siglufjarðar. Hafa aldrei verið jafn mörg skip í þeim flutningum.

Síldarverksmiðjurnar hafa í sumar haft 3 föst skip í ferðum milli Austur- og Norðurlands.
Eru það skipin West Bay, Hildur og ýmist West Golf og Basto.
Tvö þau síðastnefndu eru mjög lítil.

Þá hafa verið höfð not af tveim norskum flutningaskipum, Joika og Guila, sem ella fylgja norska flotanum.
Eru það einnig mjög lítil skip. Eru af þeim tiltölulega Iítil not, enda sigla flest norsku síldarskipanna sjálf með afla sinn til Noregs þegar á þarf að halda. Er það um þriggja sólarhringa sigling. Norsk síldveiðiskip eru um 40 — 50 hér við strendur, og hefur þeim gengið mun verr við veiðarnar í sumar en þeim íslenzku.

Hið nýja flutningaskip, Camilla er væntanlegt á laugardaginn.

Stöðugir síldarflutningar eru nú milli Seyðisfjarðar og Siglufjarðar. Er það nauðsynlegt, eftir að síldin veiðist eingöngu úti fyrir Austfjörðum, til þess að nýta verksmiðjurnar á Siglufirði
*******************************************

Þá hefur Landssmiðjan einnig smíðað snigil sem verður um borð í Þyrli og mun taka við síldinni úr dælunum og flytja hana í geyma skipsins. Hér verður að sjálfsögðu eingöngu um flutninga á bræðslusíld að ræða.
Ef tilraun þessi heppnast vel, sem vonandi verður, er hér um mikla framför að ræða, og ætli að þessu að verða mikill tíma- og vinnusparnaður. Eins og áður segir, þá er það Síldar- og fiskimjölsverksmiðja Einars Guðfinnssonar h. f. í Bolungavík sem hefur með höndum tilraun þessa, og ber af henni allan kostnað.

Samþykki ríkisstjórnarinnar fékkst til að Skipaútgerð ríkisins lánaði Þyril til tilraunarinnar, en Skipaútgerðin hefur að öðru leyti engin afskipti af þessu. Þyrill er byggður í Bandaríkjunum árið 1943, en var keyptur hingað til lands árið 1947. Hann er 809 brúttólestir að stærð.

***********************************************
Þjóðviljinn - 07. ágúst 1964

29. árgangur 1964, 175. tölublað, Blaðsíða 12

Síldveiði var lítil í gær
Merk tilraun í síldarflutningi
Byrjað hefur verið á fróðlegri tilraun í síldarflutningum: Með sérstökum útbúnaði er síldinni dælt beint úr skipunum í flutningaskip og voru í gær um 4600 mál komin í olíuflutningaskipið Þyril með þessum hætti.

Tilraun þessi hefur tekizt ágætlega og eru afköst um 300 mál á klukkustund og er það nokkru meira en hin sjálfvirku löndunartæki verksmiðjanna afkasta. Auk þess fylgir aðferðinni það hagræði, að hægt verður að losa skip með þessu móti úti á hafi. Það er síldarverksmiðja Einars Guðfinnssonar í Bolungarvík sem hefur staðið fyrir þessari tilraun og leigt Þyril til flutninganna og mun síldin losuð í verksmiðjuna með hliðstæðum útbúnaði.

Verkfræðingarnir Haraldur Ásgeirsson og Hjalti Einarsson hafa séð um smíði dæluútbúnaðarins. Síldveiði var fremur lítil síðasta sólarhring — í gærkvöld var kunnugt um 23 skip sem höfðu fengið samtals 11600 mál. Lítil sem engin veiði var fram eftir degi, en undir kvöld voru skipin farin að kasta 73 sjómílur austnorðaustur af Dalatanga. Þar hafði Snæfell fengið 1700 mál og Loftur Baldvinsson var á góðum vegi með að fylla sig.
Það óhapp henti Sigfús Bergmann er skipið var á síldveiðum i fyrrinótt að nótin flæktist í skrúfu skipsins. Nærstatt skip kom á vettvang og dró skipið til Seyðisfjarðar. Þar fóru fram sjóréttarhöld í gær og úrskurðað að hér hefði verið um björgun að ræða.
*******************************************

Rjómalogn var á þeim slóðum sem lekinn kom að Hildi, en lekinn var þó það mikill að skipstjórinn lét setja út björgunarbáti til vonar og vara og þegar Grótta RE 182 kom til Hildar í nánd við Bjarnarey voru kona skipstjórans á Hildi og 3 börn, sem með skipinn höfðu verið, flutt yfir í Gróttu Skipin héldu síðan áfram til Vopnafjarðar og nokkru áður, en þangað kom varðskipið Þór til aðstoðar Hildi, og fylgdi henni höfn á Vopnafirði en þangað var komið um 11 leytið í morgun.

Á Vopnafirði var hafizt handa um að losa síldarfarminn úr Hildi og dæla úr henni sjó, og þar sem lekinn mun vera ofarlega og framarlega á skipinu var það að mestu hætt að leka í kvöld eftir að það hafði verið tæmt. Hildur var í fyrrasumar í síldarflutningum milli Austfjarða og Norðurlands hafna, en þetta var fyrsta ferð skipsins á þessu sumri. Hildur er 366 lesta skip smíðað úr eik og furu í Lowestoft 1943 Það hefur áður borið nöfnin Baldur og Pólstjarnan og var í upphafi tundurduflaslæðari.

Það er í eigu Kristjáns Eiríkssonar lögfræðings í Reykjavik, en skipstjórinn er Rafn Karlsson og hefur hann verið með skipið á annað ár Hildur er sams konar skip og Straumey sem sökk fyrir nokkrum árum í nánd við Vestmannaeyjar þá með sementsfarm. Í kvöld var ið. að Þór myndi fylgja Hildi frá Vopnafirði. en ákvörðunarstaður hafði enn ekki verið ákveðinn.
*******************************************
Morgunblaðið - 09. ágúst 1964

51. árg., 1964, 184. tölublað, Blaðsíða 13

Síldardælan - merkileg nýjung
Í síðustu viku var gerð tilraun með merkilega nýjung í íslenzkum síldarflutningum. Var það Einar Guðfinnsson, útgerðarmaður í Bolungarvík, sem gekkst fyrir þessari tilraun. Er hún í því fólgin að síld er dælt upp úr skipi í gegn um gilda gúmmíslöngu yfir í flutningaskip, sem síðan er ætlað að flytja síldina alla leið frá Austfjarðamiðum vestur til síldarverksmiðju, sem Einar Guðfinnsson og fyrirtæki hans byggðu af stórhug og snarræði á sl. sumri.

Þessi merka tilraun, með að dæla síldinni upp úr veiðiskipi yfir í síldarflutningaskip er talin hafa tekizt mjög vel og spá góðu um möguleika síldarflutninga milli landshluta í Stórum stíl. Eins og kunnugt er hefir svo að segja öll síldveiðin í sumar verið fyrir austan Langanes. Engin síld hefir gengið á miðin fyrir Norðurlandi.

Sumar verksmiðjurnar þar hafa því staðið auðar og óstarfræktar, en aðrar fengið miklu minna hráefni en þær geta afkastað vinnslu á. í góðu veðri mun það vera hugmynd þeirra manna, sem fengið hafa hina nýju síldardælu hingað til lands að síldinni verði jafnvel dælt upp úr veiðiskipunum úti á miðum yfir í flutninga6kip. Gæti þetta haft í för með 6ér stórbætta hagnýtingu þess verksmiðjukosts, sem þjóðin hefir á undanförnum áratugum verið að byggja upp.

Það eru tveir ungir verkfræðingar, sem aðallega hafa unnið að þessari merku nýjung, á vegum Einars Guðfinnssonar, þeir Haraldur Ásgeirsson og Hjalti Einarsson. Er ástæða til þess að fagna framtaki þeirra. Er vonandi að hin nýja síldardæla geti orðið síldarútvegi og síldariðnaði landsmanna að verulegu gagni í framtíðinni. Síldveiðin hefir annars gengið fremur skrykkjótt undanfarið. Mjög hefur dregið úr henni á köflum, en afli síðan glæðast á ný. Þannig gengur þetta oft, ekki sízt á síldveiðum. Það sem hefir einkennt síldargöngurnar, það sem af er þessu sumri, er hversu djúpt síldin hefir oft staðið.

— Dæmi eru til þess að síldveiðiskip hafa sótt afla sinn allt að 310 mílur út í haf. Sókn síldarskipa á slík djúpmið hefði verið ómöguleg fyrir tiltölulega fáum árum meðan skipin voru ennþá lítil og ófullkomin að tækjum. Nú er meginhluti síldveiðiflotans stór og glæsileg skip, búin fullkomnustu tækni, sem síldveiðifloti nokkurrar þjóðar hefir á að skipa. Það þótti í frásögur færandi fyrr á árum, ef síldveiðiskip sóttu 40—50 mílur frá landi.

Engin ástæða er til svartsýni á niðurstöðu síldarvertíðarinnar á þessu sumri, enda þótt hún hafi gengið nokkur bylgjótt. Á sl. sumri, þegar síldaraflinn varð rúmlega 2 milljónir mál og tunnur, fékkst megin aflamagnið í ágústmánuði. Þegar þetta er ritað er aðeins liðin ein vika af ágústmánuði en heildar aflamagnið er komið upp í 1,6 miljónir mál og tunnur. Búið er að selja hátt á fjórða hundrað þúsund tunnur af saltsíld við skaplegu verði og góður markaður er fyrir lýsi og mjöl. Afli síldveiðiskipanna er að vísu ákaflega misjafn og afkoma margra útvegsmanna og sjómanna á vertíðinni því tvísýn. En margt bendir til þess að gjaldeyristekjur þjóðarinnar af síldarafurðum verði í ár miklar og vaxandi.
**********************************************

Tíminn - 12. ágúst 1964

48. árgangur 1964, 180. Tölublað, Blaðsíða 1

Vilja fá sína síld

FB—Reykjavík, 11. ágúst

Menn líta misjöfnum augum á síldarflutningana, sem nú eru hafnir til Bolungarvíkur og blaðið skýrði frá í dag. Á Vopnafirði og Reyðarfirði hafa bræðslurnar getað tekið á móti meiri síld, en þeim hefur borizt að undanförnu, og þykir mönnum þar undarlegt, að skip skuli hafa verið fengið til þess að flytja síldina alla leið til Bolungarvíkur til bræðslu. Á Vopnafirði er nú nóg þróarrými. og þar þykir mönnum kjánalegt, að síldinni skuli ekki fremur vera landað fyrir austan. en að flytja hana hina löngu leið til Bolungarvíkur. Vopnfirðingar segjast geta tekið á móti miklu fleiri síldarskipum en þeir hafa fengið að sjá síðustu dagana. og eru því heklur óánægðir. Á Reyðarfirði er svipað hljóðið. Þar er þróarrými fyrir tíu þúsund mál og síldarbræðsluna vantar hráefni til þess að vinna úr, og horfa menn því ókátir á eftir síldinni, sem flutt er vestur fyrir. Síldarbræðslan á Reyðarfirði er búin að taka á móti 75 þúsund málum í sumar. Á Vopnafirði er búið að taka á móti um 170 þúsund málum í sumar.
**********************************************
Morgunblaðið - 14. ágúst 1964

51. árg., 1964, 188. tölublað, Blaðsíða 23

SIGLUFIRÐI, 13. ágúst —

Um kl. 14 kom norska síldarflutninga skipið Vestby hingað austan frá Seyðisfirði með 4.020 mál, og er nú unnið að losun þess. Það er eina síldin, sem við fáum í þessari viku, en von er á öðru skipi um helgina.

— S.K.
**********************************************

Ennfremur beindust lagfæringar sérstaklega að því, að gera tækið þannig úr garði. að það skilaði síldinni og öðrum smáfiski gersamlega óskaddaðri í land, svo það hæfði sem bezt niðurlagningar- og niðursuðuverksmiðjum.

Er nú tækið í notkun hjá öllum stærstu fiskniðaðsuðuverksmiðjum Bandaríkjanna, svo sem, StarKist, Van Camp og Cal. Pack, svo nokkur séu nefnd, og hefur allstaðar reynzt með ágætum. Þá hafa tækin verið í notkun nokkur undanfarin ár í Suður Afriku, Perú og Chile, og allstaðar reynzt mjög vel. Er eftirspurn nú svo mikil, að verksmiðjan hefur vart undan að anna þeim. Fjöldi fyrirspurna hafa þegar borizt frá Noregi, eftir að blöð hér höfðu skýrt frá árangri tilraunarinnar með löndunartækið. Hyggjast Norðmenn setja tækin í stór flutningaskip, er flutt geti síldina af Íslandsmiðum til norskra verksmiðja, Virðast Norðmenn hafa hug á að missa nú eigi af strætisvagninum, eins og var í byrjun um kraftblökkina.

Frjáls þjóð - 04. desember 1964

13. árgangur 1964, 45. Tölublað, Blaðsíða 1

SILDARFLUTNINGAR
Lausnin á hinu alvarlega atvinnuástandi norðanlands?

Á sl. sumri voru gerðar nokkrar tilraunir með síldarflutninga beint af miðunum fyrir austan. Var síldinni dælt úr síldarbátunum yfir í tankskipið Þyril og síðan flutt til Bolungarvíkur til bræðslu í verksmiðjunni þar. Þessi tilraun, þótt í smáum stíl væri, gafst vel. Blaðinu er að vísu ekki kunnugt um reikningslega útkomu þessarar tilraunar, enda vart fengin fullnaðarmynd, meðan þetta er í svo smáum stíl gert.

Hér er hinsvegar um svo stórfellt hagsmunamál þjóðarinnar að ræða, að tómlæti ríkisvaldsins og Síldarverksmiðja ríkisins um þessi mál er með öllu óskiljanlegt og óverjandi.

Á s.l. sumri voru verksmiðjur og söltunarstöðvar á Norðurlandi mikils til aðgerðarlausar og vinnuafl þúsunda ónotað á sama tíma og skipin fyrir austan urðu að bíða sólarhringum saman eftir löndun. Eftir sumarið er ástandið víða á Norðurlandi svo slæmt, að liggur við landauðn, ef ekkert er að gert.

SÍLDARFLUTNINGAR LAUSNIN? Það var Einar Guðfinnsson útgerðarmaður í Bolungarvík, sem frumkvæði átti að tilrauninni sl. sumar. Það er hinsvegar augljóst, að einstökum útgerðarmönnum er ofviða að standa undir umfangsmiklum tilraunum á þessu sviði, svo að endanlega verði úr því skorið. hvort slíkir flutningar borgi sig. Hér dugir þó ekki að einblína á bók haldslega útkomu. Hér er í húfi mörg hundruð milljóna króna fjárfesting í verksmiðjum og söltunarstöðvum norðanlands og lífsafkoma búsunda fólks í þessum bæjum.

RÆKILEGAR  ATHUGANIR HAFNAR í þessu máli þarf margt athugunar við, og það tafarlaust, svo að hagnýta megi niðurstöður þeirra athugana, þegar á næstu vertíð. Athuga þarf, hvaða stærð tankskipa væri hentugust til þessara flutninga. Ennfremur þarf athugunar við, hvort tankskip gæti ekki dælt síldinni beint úr nótinni, geymt síldina síðan í sjó í tönkunum og komið henni söltunarhæfri á hafnir norðanlands.
Ef það er unnt, gerbreytir það fjárhagsgrundvelli slíkra flutninga. Þá þarf að athuga, hvort ekki megi koma við afkastameiri dælum, en notaðar voru í sumar

VERKEFNI FYRIR HAMRAFELL?

Nú að undanförnu hefir mikið verið um það rætt, að Hamrafell, stærsta olíuflutningaskip íslendinga, verði selt úr landi sökum verkefnaleysis. Gæti ekki hugsazt að hér sé verkefni fyrir það?

Þetta þyrfti að hugleiða gaumgæfilega, áður en til þess óyndisúrræðis yrði gripið að selja Hamrafellið útlendingum fyrir eitthvað lítilræði.
***********************************************

Alþýðublaðið - 09. desember 1964

45. árgangur 1964, 273. Tölublað, Blaðsíða 13

TOGARI FLYTUR SILDINA SUÐUR

Reykjavík, 8. des. – EG

BÆJARÚTGERD Reykjavíkur hyggst gera tilraun með að flytja síld að austan til vinnslu í Fiskiðjuveri sínu hér í Reykjavík, og mun bv. Pétur Halldórsson flytja síldina hingað suður. Þá munu bátar Haraldar Böðvarssonar á Akranesi og einn Hafnarfjarðarbátur, hafa farið með ís austur og munu flytja síld suður til vinnslu. Alls munu nú hafa verið saltaðar tæplega 40 þúsund tunnur, en samið hefur verið um sölu á rúmlega 160 þúsund tunnum á Suðurlandssíld.

Marteinn Jónasson, framkvæmdastjóri Bæjarútgerðarinnar, gaf blaðinu þær upplýsingar í kvöld, að togarinn Pétur Halldórsson, sem nú er á leiðinni úr söluferð í Englandi, mundi verða látinn koma við á Norðfirði og taka þar síld og flytja suður til vinnslu í  Fiskiðjuveri BÚR. Marteinn kvaðst | búast við, að Pétur mundi taka um 3000 mál, ef nóg framboð yrði af síld, þegar hann kæmi til Norðfjarðar á föstudagsmorgun eins og i ráðgert væri. Bjóst Marteinn við að sú síld, sem sett yrði í afturlestina á Pétri yrði ísuð og söltuð, og síðan yrði hún söltuð er suður kæmi.

Í forlestinni yrði síldin hinsvegar eingöngu ísuð og mundi hún þá væntanlega fara í frystingu. Bátar Haraldar Böðvarssonar af Akranesi og Eldborgin úr Hafnarfirði munu hafa farið með ís austur og hyggjast flytja síldina til vinnslu hér syðra. Blaðið náði tali af Gunnari Flóvenz, framkvæmdastjóra Síldarútvegsnefndar í kvöld, og taldi hann, að hér syðra mundi nú búið salta 35 þúsund tunnur, en eystra væri sennilega búið að salta 4-5 þúsund tunnur upp í Suðurlandssamninga.

Væri þannig alls búið að salta um 40 þúsund tunnur, en samningar hafa þegar verið gerðir um sölu á 160 þúsund tunnum af Suðurlandssíld. Gunnar Flóvenz sagði, að í þessum efnum ríkti nú hálfgert vandræðaástand, því verkunarstöðvar hér biðu með fullan mannskap, en engin síld kæmi. Tilraunir hefðu verið gerðar undanfarið á rannsóknarstofu Fiskifélags íslands með síldarflutninga, og sagði Gunnar, að þær gæfu ástæðu til bjartsýni um að síldarflutningar að austan mundu takast betur en ætlað hefði verið áður. Þótt ástandið væri nú ekki gott, sagði hann að lokum, að úr því gæti þó rætzt, ef veiði glæddist að mun, þar eð salta mætti upp í flesta samninga, sem gerðir hafa verið, allt til loka janúarmánaðar.

Með tilkomu síldardælunnar opnuðust möguleikar til aðstoðar sem minni skipunum er svo nauðsynleg. Ef hægt er að losa þessi minni skip við siglinguna af og á miðin í hvert sinn er þau fá síld opnast þeim leið til þess að hafa stærri nætur en það er eitt af því sem þau geta ekki ef þau þurfa að sigla langa leið með fullfermi. Ef hægt reynist að koma flutningunum í það horf að það fullnægi að minnsta kosti minnstu skipunum er enginn vafi að enn um sinn verður hægt að nota þessi skip til veiðanna. sem annars verða að hætta (þessum veiðum) og ekki svo auðvelt að finna þeim annað verkefni.

Ef af þessum síldarflutningum yrði þarf að undirbúa þá svo vel að ekki bregðist þeir þegar verst gegni. Öll sildarflutningaskip þyrftu í framtíðinni að vera útbúin með dælum, og auðveldar það geysilega losun og lestun því þau verða ekki eins háð bryggjuplássi þegar hægt er að leiða um langan veg losunarbarka, og ætti það að gefa meiri möguleika til þess að fá skip til flutninganna, heldur en ef að þurft hefði að notast við ákveðnar stærðir skipa. Augljóst er að aflamagnið hlýtur að aukast að miklum mun við það að skipin þurfa ekki að yfirgefa veiði svæðið og er ekki gott að gera sér fulla grein fyrir því að óreyndu. Oft hefur komið fyrir að skipin, sérstaklega þau minni i hafa átt í erfiðleikum þegar um stór köst er um að ræða, en þegar flutningaskipin eru á miðunum geta þau iðulega hjálpað til við stór köst og þannig bjargað miklum verðmætum. 

Auðséð er að um geysilegan olíusparnað verður að ræða hjá flotanum við það að þau geta haldið sig á miðunum en ekki verið á sífelldu ferðalagi fram og aftur. Þegar síldarflutningar eru komnir í gott lag verður auðvelt að beina löndun síldarinnar þangað sem síldar er þörf hverju sinni en láta skipin ekki verða fyrir löndunarstöðvunum af þeim sökum að löndunin beinist aðallega á þær hafnir er liggja næst miðunum. Skip, sem getur flutt 10.000 mál eða meira í einu, skiptir ekki miklu hvort það siglir heldur á Siglufjörð eða til dæmis Skagaströnd og geta því flutningarnir jafnvel stuðlað að því að fólkið haldist á þessum stöðum. Talið er, að hægt sé að geyma síldina í kældum sjó 4 til 6 daga og hægt sé að salta hana, þó að henni sé landað með dælu. Ef þetta reynist rétt, eru miklir möguleikar fyrir því að hægt sé að salta síld á hinum ólíklegustu stöðum, svo að möguleiki er að salta meira magn en hægt hefur verið hingað til, þegar vinnan fer fram á fáum söltunarstöðvum.

Afkastageta verksmiðjanna norðanlands og austan er 66.500 mál síldar á sólarhring og ef síldin kemur jafnt til verksmiðjanna er um að ræða tvær milljónir mála á mánuði hjá þeim öllum, svo að auðséð er, að það eru ekki nýjar verksmiðjur, sem þarf að byggja, heldur þarf að skipuleggja síldarflutningana. Flest þessara minni skipa munu hafa olíu og vatn til viku útivistar en varla öllu lengur. Þess vegna þarf að sjá þeim fyrir nauðsynjum. Í flestum tilfellum geta flutningaskipin séð um þessa þjónustu en ef það þykir ekki hagkvæmt þá er ekki um annað að gera en að hafa sérstök birgðaskip, því að helzt eiga skipin ekki að þurfa að fara inn nema undan veðri. Ýmislegt mun koma i ljós við skipulagningu þessara mála, svo sem viðgerðarþjónusta á síldarleit artækjum og jafnvel minniháttar vélaviðgerðir. Þótt aðallega sé rætt um minni skip er auðvitað nauðsynlegt að athuga um flutninga fyrir stærri skipin einnig, því auðséð er að hægt er að auka veiðarnar að miklum mun með nægum flutningaskipakosti. Gaman væri ef einhver sem hefur verið með skip að stærð 70 til 120 rúmlestir léti í ljós álit sitt um þetta fyrirkomulag.

IS

Alþýðublaðið - 12. desember 1964

45. árgangur 1964, 276. Tölublað, Blaðsíða 2

SÍLDARFLUTNINGAR :

UM ÞESSAR mundir er fádæma síldveiði fyrir Austfjörðum og jafnast næstum á við, þegar bezt gekk síðastliðið sumar. Er þetta einsdæmi, þar sem áður hefur ekki veiðzt síld á þessum miðum um þetta leyti árs. Eystra er ekki aðstaða- né mannafli til fullnýtingar aflans og munu því talsverð verðmæti fara forgörðum af þeim ástæðum.

Hér syðra hefur vetrarsíldveiðin hins vegar brugðizt gjörsamlega, og mun lítil von að úr rætist, úr því sem komið er. Hefur af þessu hlotizt margvíslegt tjón, þar eð verkunarstöðvar höfðu búið sig undir síldarmóttöku og ráðið til sín starfsfólk á þeim grundvelli. Vandamálið, sem nú blasir við er því að koma síldinni að austan hingað suður, þar sem meiri mannafli og tækjakostur er fyrir hendi til að nýta hana. Bæjarútgerð Reykjavíkur er um þessar mundir að gera athyglisverða tilraun.

Einn af togurum hennar mun flytja síld að austan, sem ætlunin er að salta og frysta hér syðra, ef vel tekst til um flutningana. Þótt ísvarin síld hafi verið flutt héðan á erlenda markaði og þar tekizt að gera úr henni fyrsta flokks fæðu, höfum við íslendingar til þessa aðeins flutt bræðslusíld milli hafna með stærri skipum. Vonandi er, að umrædd tilraun gefi góða raun, og verði upphaf þess, að unnt verði að flytja síld í togurum eða flutningaskipum milli hafna og fullvinna hana þar sem beztar aðstæður eru hverju sinni.

Það kom mæta vel í Ijós á síðastliðnu sumri, að tækni við síldarflutninga hér er enn á frumstigi, þrátt fyrir það, að gerðar hafa verið ýmsar athyglisverðar tilraunir, sem full ástæða er til að halda áfram. Síldarflutningarnir eru vandamál, sem við verðum að grípa föstum tökum og reyna að finna lausn á. Það er dýrt spaug, að hafa ekki önnur ráð en að byggja nýjar verksmiðjur eftir því hvar síldinni þóknast að halda sig það og það árið. Framfarir í flutningatækni og kælitækni hafa verið örar síðustu árin og vafalítið má finna lausn á þeim vanda, sem við nú glímum við og væntanlega munu íslenzkir sérfræðingar manna hæfastir til þess.

Nú er svo komið, að ævinlega standa fjölmargar síldarverksmiðjur einhvers staðar á landinu auðar talsverðan hluta ársins, meðan aðrar hafa ekki undan. Þess vegna hlýtur nú að verða að leggja megináherzlu á að fullkomna síldarflutninga á sjó, þannig að fullnýta megi þann verksmiðjukost og þau verkunartæki, sem fyrir eru í landinu.
**********************************************
Ægir - 1964

57. Árgangur 1964, 22. Tölublað, Blaðsíða 439 -  Löng og ítarleg grein

Tilraunir með síldardælu og síldarflutninga Eftir Harald Ásgeirsson, verkfræðing og Hjalta Einarsson, verkfræðing.

https://timarit.is/page/4870461?iabr=on#page/n51/mode/2up/search/Siglufir%C3%B0i%20+s%C3%ADldarflutninga/inflections/true 

Tíminn - 15. desember 1964

48. árgangur 1964, 256. Tölublað, Blaðsíða 5 - Ingvar Gíslason

Vísir - 15. desember 1964

54. árgangur 1964, 278. Tölublað, Blaðsíða 6

Austfjarðasíld söltuð af kappi í Reykjavík

Í morgun unnu um 50 söltunarstúlkur af kappi við að salta Austfjarðasíld í Fiskverkunarstöð Bæjarútgerðar Reykjavíkur, þegar ljósmyndari Vísis kom þar við
Það var togarinn Pétur Halldórsson, sem flutti 3600 tunnur af síld í ís og salti frá Norðfirði til Reykjavíkur, en það er um 30 stunda ferð.

Marteinn Jónsson framkvæmdastjóri Bæjarútgerðarinnar sagði blaðinu, að síldin úr Pétri færi til helminga í salt og frystingu, en töluvert gengi úr henni bæði vegna hnjasks og smæðar
Í gær unnu yfir 100 manns hjá Fiskverkunarstöðinni við að vinna aflann, þar af yfir 40 söltunarstúlkur, og var lokið við að t vinna helminginn þá um kvöldið.
Er reiknað með, að vinnslunni ljúki í kvöld. Marteinn sagði, að gæði síldarinnar hefðu verið eftir vonum. Ekki er gert ráð fyrir meiri síldarflutningum með togurum að austan að sinni.

Ráðg. hafði verið, að Haukur tæki síld á Norðfirði á heimleið úr söluferð,  en vegna gæftaleysis eystra, var hann sendur tómur suður Í morgun, eftir tveggja daga bið á Norðfirði
**********************************************
Vísir - 16. desember 1964

54. árgangur 1964, 279. Tölublað, Blaðsíða 1

Klettur leitar hófanna um kaup á 3500 tonna olíuskipi til síldarflutninga
Blaðið hefur frétt, að Sildar- og fiskimjölsverksmiðjan a Kletti sé að leita fyrir sér um kaup á 3500 tonna olíuskipi til síldarflutninga. Er maður frá Kletti erlendis um þessar mundir til að semja um kaupin, en ekki hefur verið gengið frá nauðsynlegum fyrirgreiðslum. Síldarflutningar eru nú mjög ofarlega á dagskrá, þar sem síldarvinnslustöðvar eru allt í kringum landið, en síldin aðeins fyrir austan land. f sumar var talsvert af bræðslusíld flutt til hafna norðanlands, en þá í venjulegum flutningaskipum.

Þá gerði Einar Guðfinnsson í Bolungarvík athyglisverða og vel heppnaða tilraun til að nota olíuskip og síldardælur til slíkra flutninga. Tók olíuskipið Þyrill síld úr síldarbátum úti á rúmsjó og flutti til Bolungarvíkur. Nú í haust, þegar Suðurlandsvertíðin | brást, en allar síldarverksmiðjur tilbúnar að taka á móti síld hefur áhugi á síldarflutningum aukizt enn. Síldar. og fiskimjölsverksmiðjan ; hefur eins og kunnugt er mikla afkastagetu eftir stækkun verksmiðjunnar og kaupin á Faxaverksmiðjunni og hafa forráðamenn hennar | mikinn áhuga á að tryggja jafna og örugga síldarflutninga. Hafa þeir því leitað hófanna um kaup á 3500 tonna olíuskipi til síldarflutninga, fáist nauðsynlegar fyrir greiðslur af hálfu hins opinbera. Þótt af kaupunum verði, komast þeir flutningar ekki til framkvæmda á þessari vertíð, en skipið ætti að vera tilbúið fyrir næstu sumarvertíð.
**********************************************

Alþýðumaðurinn - 17. desember 1964

34. Árgangur 1964, 39. Tölublað, Blaðsíða 8

Síldarflutningar

Stöðugt berast fréttir af síldveiði við Austurland. Verksmiðjurnar yfirfullar, lítið hægt að salta, og síldinni ekið í hauga á frosna jörð. Nýstárlegar fréttir á vetrardegi. En samtímis heyrist einnig, að framtakssamir menn suður við Faxaflóa séu teknir að sækja síld til Austurlands og flytja hana ísaða vestur til Faxaflóahafna og salta hana þar. Breyta henni í vermikla vöru í stað þess að láta hana grotna niður á túnum Austfirðinga. Þá hefur einnig borizt frétt um, að ríkisstjórnin hafi heitið stuðningi við að búa togara til síldarflutninga. En hvað gerum við hér á Akureyri? Bíðum og vonum, að einhvern góðan veðurdag komi síldin sjálf vaðandi upp í landsteina, eða hvað? Ekki þarf að eyða orðum að því, að hér eru togarar, sem erfiðlega hefur  gengið með rekstur á. Hér eru einnig möguleikar á að taka á móti síld til hvers konar vinnslu. 

Hefur engum dottið í hug að reyna þann möguleika að láta togarana sækja síld austur og vinna hana hér? Slá tvær flugur í einu höggi, láta skipin fá viðfangsefni og skapa atvinnu, sem nú kvað vera af skornum skammti í bænum. Þegar vér heyrum af ýmsum leiðum, sem farnar eru annarsstaðar á landinu til atvinnu- og framleiðsluaukningar, og berum það saman við það, sem hér gerist, fer ekki hjá því, að manni detti Þyrnirósa ævintýrisins í hug. Hér er sofið og beðið innan þyrnigerðisins eftir því að einhver utanaðkomandi prins komi og leysi hina sofandi mey úr álögum. Þess er að vænta, að ráðamenn bæjarins og útgerðarinnar setji nú rögg á sig og rannsaki alla möguleika, sem hér eru fyrir hendi. Þótt ef til vill of seint sé orðið að hefjast handa á þessum vetri, þá er sumarið framundan, og haldi svo fram síldveiðunum, sem verið hefur undanfarin ár er ljóst, að síldarflutningar eru eina leiðin til að skapa Norðurlandshöfnunum hlutdeild í þeirri framleiðslu. Þar ættu Akureyringar að hafa forystuna.

 Neisti - 21. desember 1964

32. árgangur 1964, 4. tölublað, Blaðsíða 8

Síldarflutningar
Að undanförnu hafa farið fram miklar umræður um það á hvern hátt hinar miklu síldveiðar fyrir Austurlandi verði sem bezt hagnýttar fyrir þjóðarbúskapinn. Sýnt þykir nú, að síldarverksmiðjurnar á Austurlandi geta hvergi nærri tekið á móti því síldarmagni, sem þar veiðist, en á sama tíma er hinn mikli verksmiðjukostur á Norðurlandi ónothæfur. Mannekla við verksmiðjurnar fyrir austan kemur nú veg fyrir full afköst þeirra, en hér norðanlands, t.d. á Siglufirði, er nægilegt vinnuafl fyrir hendi, til þess að fullnýta verksmiðjurnar hér, hvort sem um er að ræða yfir sumar- eða haustmánuðina.

Árið 1965

Vísir - 07. janúar 1965

55. árgangur 1965, 5. Tölublað, Blaðsíða 1

SEX OLÍUSKIP I SÍLDARFLUTNINGUM TIL VESTURLANDS Á NÆSTA SUMRI?

Sjö verksmiðjur eru að semja um kaup eða leigu á olíuskipum

Allar horfur eru á því, að næsta sumar verði kominn hingað talsverður floti olíuskipa til síldarflutninga. Tilraun Einars Guðfinnssonar f Bolungarvík í sumar með olíuskipið Þyril gekk svo vel, að sjö aðilar á vesturhluta landsins eru að hugsa um að fá olíuskip með síldardælum til síldarflutningar i heimaverksmiðjurnar á vertíðinni í sumar. Vísir hefur áður sagt frá samningum Síldar- og fiskimjölsverksmiðjunnar á Kletti um kaup á 3500 tonna olíuskipi, en þeir samningar eru langt komnir. 

Þá hefur Einar Guðfinnsson i Bolungarvík Ieitað tilboða um kaup á olíuskipi i sama skyni, en einnig getur verið, að hann taki olíuskip á leigu, Þá hafa fimm verksmiðjur á Suðvesturlandi slegið sig saman um leigu á allt að fjórum olíuskipum. Eru þetta verksmiðjumar á Akranesi, Hafnarfirði, Njarðvíkum, Keflavík og Sandgerði. — Samningar um þessa Ieigu eru þegar hafnir, og eru miklar líkur fyrir því, að næsta sumar sigli sex olíuskip með síld frá Austfjarðamiðum til Vesturlands. Einar Guðfinnsson í Bolungarvík sagði Vísi í morgun, að tilraunin með Þyril í sumar hefði gefizt afar vel, þótt hvorki skipið né dæluútbúnaðurinn hefði verið ákjósanlegur. En við fengum þá reynslu í sumar, sagði Einar, sem þarf til að velja rétt olíuskip og útbúnað í næsta skipti. — 

Í sumar, sem leið, fengum við síldina ekki ódýrar en við löndun, en ég reikna með því, að það breytist næsta sumar, því bátarnir spara sér óhemju mikinn tíma með því að Iosa beint úti á miðunum. Við höfum verið að leita tilboða um kaup á olíuskipi, en það getur verið, að við förum heldur út í leigu vegna fjárskorts. Það eru því allar horfur á því, að síldarverksmiðjur landsins nýtist vel á næstu sumarsíld. Verksmiðjurnar vestanlands hafa gert ráðstafanir um útvegun olíuskipa og Síldarverksmiðjur ríkisins munu halda áfram þeim síldarflutningum til Norðurlandsverksmiðjanna, sem þær hafa haldið uppi með farmskipum undanfarin sumur.

— Tilraunin hjá Einari Guðfinnssyni með olíuskipið Þyril í sumar gekk vel og með ýmsum nauðsynlegum endurbótum, er þetta framtíðin í síldveiðunum. Síldarflutningar Þyrils mörkuðu tímamót

— Einn af bátunum mínum losaði einu sinni í sumar fullfermi af síld yfir í Þyril. Það tók fjóra tíma að losa og eftir aðra fjóra tíma var báturinn kominn aftur með fullfermi. Hann sparaði sér tólf tíma siglingu í land, langa löndunarbið, seinlega losun og aðra tólf tíma siglingu út á miðin. Með því að losa með dælum úr bátunum yfir í olíuskip úti á miðunum, spara bátarnir sér mikinn tíma og geta fyllt sig tvisvar til þrisvar fyrir hverja eina ferð áður. 

— Sjáðu til, þá geta litlu bátarnir, 70—100 tonna, líka látið til sín taka á síldveiðunum Þeir bera svo lítið, að þeir hafa ekki getað verið með, þegar siglingin í land er orðin 80—100 mílur. Með því að dæla síldinni i flutningaskip úti á miðunum, er hægt að gera litlu bátana út á síld, þannig að sjómenn fáist á þá.

— Við tilkomu olíuskipanna í síldarflutningana og þátttöku síldarveksmiðja utan Austurlands í sumar síldarbræðslunni, eykst afkastageta flotans mjög mikið. Þeir geta fyllt sig tvisvar til þrisvar fyrir hvert eitt sinn áður og smærri bátar en áður I geta tekið þátt í veiðunum. Og síldin er nóg þarna fyrir austan. 

— Við höfum ekki endanlega ákveðið að taka fjögur olíuskip á Ieigu og þetta er enn allt á undirbúningsstigi. En ég geri ráð fyrir að áætlun okkar gangi vel og vona að við höfum fjögur olíuskip á okkar höndum á næstu sumarvertíð.
****************************************

Tíminn - 10. janúar 1965
49. árgangur 1965, 7. Tölublað, Blaðsíða 16

Olíuskipin fengin í síldarflutninga
KJ—Reykjavík, 9. janúar.

Unnið er að því um þessar mundir að fá leigð olíuskip til síldarflutninga fyrir næstu vertíð. Eru það síldar- og fiskimjölsverksmiðjur hér við Faxaflóa, sem hafa lagt drög að því að fá síldarflutningaskip til flutninga frá fjarlægum miðum.

Hjörtur Hjartar, framkvæmdastjóri Skipadeildar SÍS hefur með höndum útvegun þessara skipa fyrir síldarverksmiðjurnar, og hafði Tíminn tal af honum í dag. Hjörtur sagði, að í fyrstu yrði lögð á það áherzla að fá skipin leigð, þar eð ekki væri komin fullnaðarreynsla á flutninga síldar með olíuskipum. Seinna meir, ef góð reynsla fengist af þessu, mætti vel hugsa sér að fest yrðu kaup skipum til síldarflutninga, en sem sagt ekki fyrr en fullnaðar reynsla væri fengin. Hjörtur kvaðst standa í sambandi við erlenda aðila, sem hefðu heppileg skip á boðstólum til þessara nota. ***********************************************
Vesturland - 12. janúar 1965

42. Árgangur 1965, 1.-2. Tölublað, Blaðsíða 3

SIGURÐUR BJARNASON FRÁ VIGUR: —

Horft mót nýju ári   (grein, ma um Einar Guðfinnsson)

https://timarit.is/page/5013597?iabr=on#page/n1/mode/2up/search/Siglufir%C3%B0i%20+s%C3%ADldarflutninga/inflections/true 

***********************************************

Sú til raun þótti ekki gefast vel og telja verkfræðingarnir að afköstin geti „varla keppt við hina miklu háfunartækni, sem flotinn býr yfir.“ Á síðasta sumri var hins vegar gerð tilraun til að dæla síld úr veiðiskipum yfir í olíuflutningaskipið Þyril, sem flutti síldina að austan til Bolungarvíkur. Þyrill fór þrjár ferðir með síld og flutti alls um 20 þús. mál til Bolungarvíkur. í fyrstu ferðinni virtist hann hafa tekið mest af síldinni úr skipum á Seyðisfirði, en einnig nokkuð úr skipi, sem hann hitti á Þistilfirði á vesturleið. Farmur Þyrils var þá rúmlega 6 þús. mál og talinn fullfermi. 

Í annarri ferð voru tekin 2 þús. mál á á miðunum. í þriðju ferðinni fylgdi Þyrill síldveiðiflotanum út, eftir ótíðarkafla. Var síldinni dælt milli skipa 80 sjómílur á hafi úti, austur af Langanesi og tók það 23 klst. að fylla skipið. í síðustu ferðinni var síldin tekin 30 mílur austur af Dalatanga og í mynni Seyðisfjarðar og henni dælt úr veiði« skipum. Þessar tilraunir stóðu yfir í 46 daga. Sá tími skiptist þannig, að 19 daga lá skipið um kyrrt vegna ills veðurs, í 6 daga var unnið að því að koma síld milli skipa, siglt í 11 daga og unnið að löndum í 10 daga. 

Verkfræðingarnir telja ganghraða og burðarmagn Þyrils of lítið til flutninganna, segja löndunartímann á Bolungarvík lengri en þyrfti að vera og að veðurtafir hafa verið meiri á tilraunatímanum en ástæða sé til að gera ráð fyrir að jafnaði. Þeir gera ráð fyrir, að kostnaður við rekstur skipsins og tækjanna sé 25 þús. kr. á sólarhring í sumar var gert. Og minna myndi það kosta, að flytja síld þá, sem fyrir austan veiðist, til Krossaness eða annarra Eyjafjarðarhafna. v í grein þessari er nokkuð rætt um sjókælingu á fiski, þ. á. m. síld. Um það segja þeir: „Okkur er ekki kunnugt um, að reynt hafi verið að geyma síld í kældum sjó hérlendis, en tilraunir hafa verið gerðar í Hollandi og hefur árangur verið athyglisverður. 

Tilraun með sjókælingu í tankskipi getur verið tiltölulega einföld. Hægt er að setja nokkurt magn af sjó í einn tank skipsins, fylla síðan með ís, sem þá myndar krapa. Sjónum má síðan hringrása um annan tanka, þar sem síldin verður geymd. Er þá notazt við bræðsluvarma íssins (80 kal. á kg), sem kuldagjafa. Með þessu móti ætti að vera hægt að lækka hitastig síldarinnar um 5—7 stig á skömmum tíma, og má ætla, að það megi framlengja stórlega geymsluþol síldarinnar." Allt er þetta athyglisvert, og ekki óhugsandi, að þarna sé að opnast möguleiki á langflutningi söltunarsíldar.

***********************************************

Morgunblaðið - 14. janúar 1965

52. árg., 1965, 10. tölublað, Blaðsíða 24

Kaup síldarflutningaskips ákveðin
Mun dæla síldinni úr bátunum á miðum úti og flytja til Reykjavíkur

SKÝRT hefur verið frá því áður í Morgunblaðinu, að Síldar- og fiskimjölsverksmiðjan hf. í Rvík. hefði í hyggju að kaupa 3.500 tonna norskt olíuskip til síldarflutninga. Samningar um kaup þessi voru undirskrifaðir mánudag, þó með þeim fyrirvara, að skipið verði tilbúið til afhendingar í tæka tíð fyrir sumarsíldveiðarnar, en það er nú í leigusiglingum um Karibahaf. 

Jónas Jónsson, forstjóri Síldar- og fiskimjölsverksmiðjunnar, skýrði Morgunblaðinu svo frá i gær, að ætlunin, væri að nota skip þetta til síldarflutninga, þannig að það dæli síldinni úr bátunum úti á miðunum með dælum, eins og tilraunir voru gerðar með um borð í Þyrli síðastliðið sumar, og flytji hana síðan til Reykjavíkur. Hann kvað mikið harðæri hafa verið í verksmiðjunum hér í Reykjavík, þar sem 3 vertíðir hefðu brugðizt, fyrst haustvertíðin í fyrra, þá vorvertíðin síðasta og loks hefði haustvertíðin brugðizt gersamlega. Afkastageta beggja verksmiðja fyrirtækis Jónasar er um 9000 mál á sólarhring.
Að lokum kvaðst Jónas harma það mjög, að loks þegar einhver síld virðist vera komin, skulu vera harðindi af mannavöldum og Reykjavíkurflotinn bundinn við bryggjur.
***********************************************
Vísir - 14. janúar 1965

55. árgangur 1965, 11. Tölublað, Blaðsíða 1

Klettur hefur fest kaup á síldarflutningaskipinu

Síldar- og fiskimjölsverksmiðjan að Kletti hefur nú endanlega fest kaup á olíuskipinu, sem Vísir hefur sagt frá, að staðið hafi til að kaupa. Þetta er 3500 lesta olíuskip frá Bergen i Noregi og á að nota Það til sildarflutninga til nýju Faxaverksmiðjunnar. Kaupendur undirrita samninga með þeim fyrirvara, að skipið verði afhent á þeim tíma, sem verksmiðjan getur sætt sig við, en reiknað er með, að skipið verði tilbúið fyrir næstu sumarvertíð á síld. Skipið heitir nú Hertha, tíu ára gamalt og smíðað í Skotlandi. Það hefur verið í olíuflutningum í Karabiska hafinu en hefur einu sinni komið til íslands að sækja lýsi. Áður en skipið kemur hingað í síldarflutningana, verður það tekið í þurrkví, þar sem gerðar verða á því ýmsar lagfæringar, auk þess sem settur verður í það dæluútbúnaður, sem á að dæla síldinni um borð og frá borði. Koma þessa skips hefur mikið gildi fyrir nýtingu hinnar endurnýjuðu Faxaverksmiðju og gerir kleift að starfrækja hana mestan hluta ársins.
***********************************************
 Vísir - 23. janúar 1965

55. árgangur 1965, 19. Tölublað, Blaðsíða 6

Stöðugt reynt að útvega olíuskipin

 — Skip KIett verksmiðjunnar kostur 14 milljónir króna.

Lánsábyrgðir eru þegar fengnar.

Fimm síldar- og fiskimjölsverksmiðjur á Suðvesturlandi eru að fá sér sameiginlega á leigu allt að fjórum olíuskipum til sildarflutninga, eins og Vísir skýrði frá fyrir stuttu. Er miðað við, að skip þessi verði komin hingað fyrir síldarvertíðina í sumar. Vísir fékk þær upplýsingar í gær, að ekki hefði enn verið gengið frá leigu á neinu skipi í þessu skyni, en umleitanir fara stöðugt fram. Erlendis eru mörg ónotuð olíuskip af stærðinni 3500—5000 tonn, sem eru ósamkeppnisfær í olíuflutningum, en henta vel til síldarflutninga hér, þegar gerðar hafa verið á þeim nauðsynlegar breytingar. Þær breytingar eru fyrst og fremst dæluútbúnaðurinn, en fyrirhugað er að dæla síldinni í tankana og úr þeim á svipaðan hátt og gert var á Þyrli í sumar og gafst vel. 

Þá hefur borgarráð samþykkt að taka sinn hluta af ábyrgð á láni, sem Landsbankinn veitir Síldar og fiskimjölsverksmiðjunni á Kletti til kaupa á 3500 lesta olíuskipi frá Noregi til sömu nota. Skip þetta tekur um 20 þúsund mál síldar og kostar um 14 milljónir króna. Þá er eftir að útbúa skipið með dælum og öðru til síldarflutninga og er áætlað, að það kosti um 10 milljónir króna. Alls kostar skipið sem síldarflutningaskip því um 24 milljónir króna. Aðaleigendur að Klettsverksmiðjunni eru fjórir og hafa þeir nú hver um sig gengið í einfalda ábyrgð fyrir allt að tveimur milljónum króna. Skipið hefur þegar verið keypt og er nú verið að undirbúa breytingarnar, sem verða framkvæmdar í Noregi.

Þá stendur Einar Guðfinnsson, útgerðarmaður í Bolungarvík, enn í samningum um kaup eða leigu á olíuskipi til síldarflutninga, en það var Einar, sem stóð fyrir hinum vel heppnuðu síldarflutningum með olíuskipinu Þyrli í sumar.

***********************************************

Ath. Mjög mikið á þessum tíma, byrjun árs og síðar, var skrifað um sildarflutninga í dagblöð og tímarit. Þar var aðalega skrifað um, hvað hefði skeð, raunar um atburði sem sagt hafði áður komið fram í fréttum blaða, flest birt hér ásamt athyglisverðum frásögnum. 

En miklu sleppt, þó einstaka tengla í „langlokur, og gagnrýni“ (mitt mat að sjálfsögðu, hvað ég endurbirti hér)

***********************************************

Austurland - 05. febrúar 1965

15. árgangur 1965, 5. tölublað, Blaðsíða 1

Síldarflutningarnir enn.

Ekki linnir áróðrinum fyrir því, að flytja síldina af Austfjarðarmiðum í aðra landshluta í stað þess að efla svo síldarvinnsluna á Austfjörðum, að sem minnst af aflanum þyrfti   að flytja í burtu. Það er ákaflega erfitt fyrir þá, sem ekki hafa turnazt í öllum þessum áróðri, að skilja að hagkvæmara sé fyrir þjóðardeildina að flytja hráefnið til vinnslu um langan veg, en að vinna úr því í næsta nágrenni við veiðislóðirnar.

Í nýútkomnum Ægi taka tveir verkfræðingar, sem stjórnuðu síldarflutningunum með Þyrli til Bolungarvíkur í fyrrasumar, undir áróðurinn. Telja þeir árangurinn mjög góðan, enda er það einn þátturinn í áróðrinum, en neyðast þó til að viðurkenna, að kostnaður hafi verið mikill. Verkfræðingarnir segja: ,,Frá þjóðhagslegu sjónarmiði hafa flutningaskipin kosti til að bera fram yfir nýjar verksmiðjur. Í fyrsta lagi má spara stórlega fé í fjárfestingu í nýjum verksmiðjum ... í öðru lagi getur aðferðin haft mikil áhrif í þeim byggðarlögum, sem liggja alllangt frá veiðisvæðunum... Í þriðja lagi mun hún auka það aflamagn, sem að landi berst. Fjárfesting í slíkum flutningatækjum er því hagkvæmari nú, en fjárfesting í nýjum verksmiðjum“

Þeirri staðhæfingu, að hagkvæmara sé að kaupa og reka síldarflutningaskip en byggja verksmiðjur, er erfitt að kyngja, svo og því, að það mundi spara stórfé í fjárfestingu. Halda menn kannski að það kosti ekkert að kaupa tankskip?

Ætli kostnaðurinn við það yrði minni en að flytja verksmiðjuna í Bolungarvík austur? Og mér er til efs, að það kosti meira að reisa nýja verksmiðju, sem afkastar jafnmiklu og sú verksmiðja, en að kaupa tankskip til að mata hana á Austurlandssíld. Og verð á þeirri síld, sem síldarskipin flytja sjálf að landi, getur verið hærra, en á þeirri síld, sem flutt er um langan veg til vinnslu.

Það sem fyrir verkfræðingunum vakir, er að vinna gegn byggingu nýrra verksmiðja til þess að þær verksmiðjur, sm eru staðsettar fjarri veiðisvæðinu, fái eitthvað að gera. Verkfræðingarnir eru því áróðursmenn fyrir sérstöku sjónarmiði. Þá hygg ég, að ofmetin sé þýðing síldarflutninganna fyrir þau byggðarlög, sem fjarri liggja veiðisvæðinu.

Flutningarnir draga úr viðleitni fólksins til að afla þeirra atvinnutækja, sem við eiga. Þá er það augljós fásin og fjarstæða, sem í einu vettvangi strýkur alla vísindamennsku af skrifum verkfræðinganna, að síldarflutningarnir auki aflamagnið meir en nýjar verksmiðjur. Þá firru ætti ekki að þurfa að ræða frekar. Því verður auðvitað ekki neitað, að verksmiðjurnar á Austurlandi, sem allar eru litlar, geta ekki annað vinnslu afla þess, sem veiðist á Austfjarðamiðum. Á meðan svo er, er alveg sjálfsagt að reyna að flytja síldina á milli landshluta, eftir því, sem með þarf, til þess að veiðiskipin þurfi ekki að tefjast á veiðum umfram brýnustu nauðsyn.

En „frá þjóðhagslegu sjónarmiði“ er áreiðanlega skynsamlegra, að auk afköst verksmiðjanna á Austfjörðum með byggingu nýrra verksmiðja, eða flutningi verksmiðja úr öðrum landshlutum til Austurlands. Sjálft Alþingi hefur lagt sitt af mörkum til að stuðla að síldarflutningum og er ekki annað að sjá, en þorri þingmanna hafi blindazt af áróðrinum fyrir síldarflutningunum og sjái ekki annað ráð til að nýta þessi auðæfi hafsins, en að flytja aflann langa leið til vinnslu í stað þess vinna hann sem næst fiskimiðunum.

Á 22. gr. fjárlaga er ríkisstjórninni heimilað að ábyrgjast fyrir Síldar- og fiskimjöls verksmiðjuna hf. 80% af kostnaði við kaup og breytingu á tankskipi til síldarflutninga. Sök sér er það, að flytja síld að austan til Norðurlandshafna til vinnslu þar, en það er að bíta höfuðið af skömminni, ef sjálft ríkisvaldið aðstoðar við að flytja hráefnið utan af landi til Reykjavíkur og annarra Suðurlandshafna, sem eru við gjöfulustu fiskimið veraldar. En ríkisvaldið gerir betur. Á sömu fjárlagagrein er ríkisstjórninni heimilað að ábyrgjast 90 millj. kr. lán til byggingar og endurbóta á síldarverksmiðjum, síldarflutningaskipum og síldar umhleðslustöðvum.

Þegar í huga er höfð tregða stjórnarinnar til fyrirgreiðslu við byggingar verksmiðja, er ljóst, að meginhluti ábyrgðarinnar á að fara til flutningaskipa og aðstöðu til að auðvelda flutningana. Það er mál til komið, að síldarflutningaáróðrinum linni. Væri annars ekki tilvalið fyrir frystihúsin á Norður-, Austur og Vesturlandi, að ráða í sína þjónustu sérfræðinga, er fengju það verkefni að sanna, að frá „þjóðhagslegu sjónarmiði“ væri hagstætt að flytja þorskinn, sem veiðist við Suðurland, austur, norður og vestur?
***************************************
Austurland - 12. febrúar 1965

15. árgangur 1965, 6. tölublað, Blaðsíða 1(Löng grein, á móti síldarflutningum, og Þjóðviljinn nánast endurtók megnið af greininni „málstaðnum“ til staðfestingar - sk.) Þjóðviljinn - 19. febrúar 1965

Síldarflutningarnir eru fjárhagslega mjög óhagstæðir

https://timarit.is/page/5380855?iabr=on#page/n0/mode/2up/search/Siglufir%C3%B0i%20+s%C3%ADldarflutninga/inflections/true
*****************************************
Vísir - 16. febrúar 1965

55. árgangur 1965, 39. Tölublað, Blaðsíða 8

Aherzla lögð á síldarflutninga og nýjar geymsluaðferðir á síld
Síldarflutningar eru ein helzta leiðin til að nýta vel bunar síldarverkunarstöðvar og síldar verksmiðjur og staðbundinn mannafla þessara stöðva, þannig að skynsamlegt sé. Þetta álit Sveins Benediktssonar, for manns Síldarverksmiðja ríkisins og Erlendar Þorsteinssonar, for manns Síldarútvegsnefndar kom fram í yfirlitsgreinum í nýútkomnum Ægi. 

Erlendur segir m.a., að gerðir hafi verið fyrirframsamningar um sölu á 588 þúsund tunnum saltsíldar á árinu, sem samsvari um 1 milljón uppmældra tunna. Þá hafi nefndin getað gert meiri samninga, en hún hafi kippt að sér hendinni, er ljóst varð, að aflabrestur yrði. Síldveiði brást með öllu fyrir Norðurlandi og í Faxaflóa, en á þessum svæðum eru margar söltunarstöðvar vel búnar tækjum og með þjálfaðan mannafla til síldarsöltunar. Erlendur seg ir, að það hljóti að vera aðalviðfangsefni síldarsaltenda að finna úrræði til þess að nýta þessar síldarverkunarstöðvar á þeim stöðum, sem nú liggja svo fjarri síldveiðisvæðunum, að síldin verður ekki nýtt til söltunar á venjulegan hátt. Verði vart komið auga á aðra Ieið en flutning síldarinnar og geymslu hennar um lengri tíma en áður hefur verið tíðkað. Nokkrar tilraunir hafa verið gerðar f þeim efnum og má m. a. nefna sjókælingartilraunir, sem farið hafa fram á vegum Fiskifélagsins. 

Sveinn segir m.a. í sinni grein, að aukning afkasta síldarverksmiðjanna á Austfjörðum og Raufarhöfn, aukið þróarrými, auknar afurðageymslur og auknir síldarflutningar verði að fylgjast að. Þá segir Sveinn, að takist flutningarnir vel, mundi heildarafli síldveiðiflotans stór aukast og þörfin fyrir greiða af greiðslu í höfnum, sem liggja næst miðunum, ekki minnka að neinu ráði frá því, sem verið hefur. Afköst verksmiðjanna fyrir austan eru samtals 26.000 mál á sólarhring en burðarmagn síldveiðiflotans f einni veiðiferð um 300.000 mál, og er þar mikill munur á. Sveinn telur ekki næga reynslu fengna um kostnað né notagildi tankskipa til síldarflutninga, en sjálfsagt sé ,að halda áfram þessum flutningum á komandi sumri. Hann segir, að mjög hafi verið vanrækt að reyna að kæla síldina nýháfaða um borð í síldveiðiskipunum með skelís, svo hún þoli flutning í stórum stíl til fjarlægra staða.

*****************************************

Tíminn - 02. mars 1965

49. árgangur 1965, 50. Tölublað, Blaðsíða 5  - Jón Kjartansson

Þjóðviljinn - 23. mars 1965

30. árgangur 1965, 68. tölublað, Blaðsíða 9

FISKIMÁL -
Eftir Jóhann J. E. Kúld

Síldarflutninga þarf að undirbúa fyrir sumarið
…………………. Hvernig sem á mál þetta er litið, þá verður niðurstaðan þessi: Síldarflutningar þegar þeirra þarf með, eru sjálfsagðir í nútíma þjóðfélagi. Niðurlagsorð Það er hreinn molbúaháttur sem ekki á að þolast að síldarskip séu látin bíða eftir losun dögum saman á höfnum í nánd við miðin, sökum þess að vinnslustöðvarnar anna ekki verkefnunum.

En á sama tíma standa söltunarstöðvar og síldarbræðslur ónotaðar eða í hæsta máta hálf nýttar í nokkurri fjarlægð. Þetta er óstjórn sem hvergi þekkist nú nema hér, og sem verður að hverfa. Þetta ástand var afsakanlegt hér á árum áður, á meðan vinnslustöðvar voru einungis til á Norðurlandi og ekki f annað hús að venda með síldina þegar miklar síldarhrotur komu. Í dag er þetta ómenningarástand sem undirstrikar svo lengi sem það varir, að þeir sem með þessi mál eiga að fara valda ekki verkefninu…………………….  Alla greinina má lesa hér frá tengli

https://timarit.is/page/2805783?iabr=on#page/n1/mode/2up/search/Siglufir%C3%B0i%20+s%C3%ADldarflutninga/inflections/true
*******************************************
 

Siglfirðingur - 26. mars 1965   <<< Tengill til skrifanna

38. árgangur 1965, 2. tölublað, Blaðsíða 6
Síldarflutningar og sócialism

 Tíminn - 31. mars 1965

49. árgangur 1965, 75. Tölublað, Blaðsíða 1

Vísir - 06. apríl 1965

55. árgangur 1965, 81. Tölublað, Blaðsíða 1

Fjögur tankskip í síldarflutningana

Útkoman á umleitunum síldarverksmiðjanna á vestanverðu landinu um tankskip til sildarflutninga verður að öllum líkindum sú, að fjögur tankskip verða í síldarflutningum í sumar frá Austfjarðamiðum vestur fyrir land.

Einar Guðfinnsson í Bolungarvík hefur ásamt síldarverksmiðjunni á Ísafirði keypt olíuskipið Þyril til síldarflutninga í sumar og Klettsverksmiðjan í Reykjavík hefur keypt erlent tankskip, Hertha, sem á að vera komið til landsins fyrir næstu sumarvertíð. Þá eru síldarverksmiðjumar fimm á Suðvesturlandi, aðrar en Klettur, að reyna að fá leigð tvö hentug tankskip til síldarflutninga í sumar. Þetta eru verksmiðjurnar í Sandgerði, Keflavik, Njarðvíkum, Hafnarfirði og Akranesi sem hafa slegið sér saman um þetta mál. Leitin að hentugum skipum hefur enn ekki borið þann árangur, að af samningum hafi orðið, en þessar síldarverksmiðjur eru staðráðnar í að láta verða af því fyrir vertíðina.

Austurland - 09. apríl 1965

15. árgangur 1965, 14. tölublað, Blaðsíða 2 -  Ingvar Gíslason

 Morgunblaðið - 15. apríl 1965

52. árg., 1965, 89. tölublað, Blaðsíða 17

Dælan í Víking komin
Akranesi 13. apríl.

SÍLDARDÆLA ein mikil er komin hingað til lands og á að fara í togarann Víking. Stjórn Síldar og fiskimjölsverksmiðjunnar hér er ráðin í að láta togarann annast síldarflutninga af austurmiðum og hingað, er síldin fer að veiðast í sumar.

Á þá að nota hina mikilvirku dælu togarans.

*****************************************

Morgunblaðið - 07. maí 1965

52. árg., 1965, 102. tölublað, Blaðsíða 2   (Myndin hér neðar fylgdi fréttinni, en er frá fyrra ári)

Einar Guðfinnsson og Fiskimjöl á Ísafirði kaupa Þyril

Samtal við Jónatan Einarsson, framkvæmdastjóra um síldarflutninga

BOLVÍKINGAR og Ísfirðingar hafa myndað með sér samtök um kaup á olíuskipinu Þyrli til síldarflutninga. —
Morgunblaðið fékk þessa frétt í gær hjá Brynjólfi Ingólfssyni ráðuneytisstjóra. — Kvað hann skipið hafa verið selt fyrir 5 milljónir króna, og væru 4 milljónir króna af söluverðinu lánaðar til 7 ára en ein millj. kr. borguð út.
Brynjólfur Ingólfsson sagði að Einar Guðfinnsson, útgerðarmaður í Bolungarvík, hefði tekið Þyril á leigu síðastliðið sumar. Voru þá gerðar tilraunir með síldarflutninga frá Austfjarðamiðum til Bolungarvíkur og dælingu á síld úr veiðiskipum á hafi úti.

Einar Guðfinnsson bauð ríkissjóði í fyrrahaust að selja honum síldardælu og annan útbúnað, sem settur hafði verið í Þyril, eða í öðru lagi að ríkissjóður seldi honum skipið. Varð sú niðurstaðan. Skipið var metið af skipaskoðunarstjóra ríkisins, og selt Einari Guðfinnssyni samkvæmt mati hans, sagði ráðuneytisstjórinn.
Morgunblaðið hringdi í gær til Jónatans Einarssonar, framkvæmdastjóra, og innti hann nánar eftir tíðindum af þessum skipakaupum og fyrirhugaðri notkun Þyrils. — Um þessi kaup á Þyrli hefur verið stofnað nýtt hlutafélag fyrir vestan, segir Jónatan Einarsson. Heitir það „Dagstjarnan hf.“ í Bolungarvík. Jafnframt var nafni skipsins breytt, og heitir það nú Dagstjarnan, og eru aðal eigendur þess Einar Guðfinnsson hf. í Bolungarvík og Fiskimjöl hf. á Ísafirði. Í stjórn hins nýja fyrirtækis eiga sæti þeir Guðfinnur Einarsson, útgerðarmaður, Bolungarvík, sem er formaður stjórnarinnar, en auk hans eru í stjórninni þeir Ólafur Guðmundsson, forstjóri, Ísafirði, Jóhann Bjarnason, kaupfélagsstjóri, Ísafirði, Guðmundur Páll Einarsson, verkstjóri í Bolungarvík, og Jónatan Einarsson, Bolungarvík. Framkvæmdastjóri félagsins er Jónatan Einarsson. —

Skipstjóri á „Dagstjörnunni" verður Sigurður Þorsteinsson. Þyrill var byggður í Bandaríkjunum árið 1943 og er 900 tonn dw. að stærð. Skipið fór í gær áleiðis til Þýzkalands með lýsisfarm, en þar verða gerðar endurbætur á því og settar í það tvær síldardælur og annar útbúnaður. Það verk hafa undirbúið fjórir verkfræðingar, þeir Haraldur Ásgeirsson, Hjalti Einarsson, Óttar Karlsson og Einar Guðmundsson. í fyrrasumar var aðeins ein síldardæla í skipinu. En nú verða þær tvær, eins og áður er sagt. Er þetta gert til þess að auka afköst skipsins. Áformað er að gera í sumar jafnframt tilraunir með að flytja síld með skipinu í sjókælingu í einum geymi þess, sem verður sérstaklega einangraður í því skyni. —

Ert þú bjartsýnn á fyrirhugaða síldarflutninga? —

Tilraunirnar á síðastliðnu sumri, segir Jónatan Einarsson, sem fyrirtæki okkar hafði frumkvæði um, undir stjórn verkfræðinganna Haraldar Ásgeirssonar og Hjalta Einarssonar, voru að sjálfsögðu brautryðjendastarf á þessu sviði. Má því segja að naumast sé ráðlegt að hefjast strax handa um síldarflutninga í stórum stíl. Hinsvegar er það skoðun mín, að það muni verða þjóðhagslega hagkvæmt að koma síldarflutningum milli Iandshluta á öruggan grundvöll,- ekki sízt ef það reynist framkvæmanlegt að flytja síld af miðunum í sérstökum flutningaskipum, bæði til bræðslu, söltunar og frystingar. Gæti það beinlínis haft í för með sér stórfellda verðmætaaukningu á síldaraflanum fyrir þjóðarbúið. —

Hvernig gengur rekstur hinnar nýju síldarverksmiðju ykkar i Bolungarvík? —

Verksmiðjan tók til starfa á síðastliðnu ári, og vann úr 30 þúsund málum af síld, en auk þess úr 4000 tonnum af fiskúrgangi. Síðan frá áramótum hefur verksmiðjan tekið á móti rúmlega 20 þúsund tunnum af loðnu. Eru taldar líkur á því að hér sé um að ræða nokkuð árvissan afla. En hann veiddist á svæðinu frá Breiðafirði að Djúpi. Ennfremur höfum við nú, aðallega síðustu daga, tekið á móti 5 þúsund tunnum af smásíld og millisíld, sem veiðzt hefur inni í Ísafjarðardjúpi. Það sem fyrir okkur vakir, bæði með verksmiðjunni og síldarflutningunum, er að skapa byggðarlaginu aukið atvinnuöryggi. Mundi því takmarki ekki sizt verða náð, ef mögulegt reyndist að flytja síld milli landshluta til frystingar og söltunar. Fjöldi annara byggðarlaga víðsvegar um land hlyti að hafa gagn af því, ef vel tækist til, ekki síður en við Vestfirðingar, sagði Jónatan Einarsson að lokum.

Brautin - 19. maí 1965

20. árgangur 1965, 10. tölublað, Blaðsíða 2

AUSTFIRÐINGAR RÆDA SÍLDARFLUTNINGA
Fimmtudaginn 13. maí s. 1. var fundur haldinn með fulltrúum söltunarstöðva og síldarverksmiðja í einkaeign á Austurlandi. Fundarboðendur voru þeir Hjalti Gunnarsson, Reyðarfirði, Bjarni Þórðarson, Neskaupstað, Páll Guðmundsson, Breiðdal, og Sveinn Guðmundsson, Seyðisfirði. Fundarstjóri var kjörinn Sveinn Guðmundsson. Bjarni Þórðarson flutti framsögu um dagskrármálefni fundarins: Síldarflutningar af Austfjarðarmiðum. Alls sóttu fundinn fulltrúar frá 26 síldariðnfyrirtækjum. Fundurinn samþykkti eftirfarandi ályktun: í tilefni af fyrirætlunum, sem uppi eru um stórfellda síldarflutninga frá Austfjarðarmiðum til vinnslu í öðrum landshlutum, vill fundurinn leggja áherzlu á eftirfarandi meginatriði.

1. Síldarflutningar að vissu marki eru eðlilegir og sjálfsagðir. Þá síld, sem ekki er hægt að veita viðtöku til vinnslu á Austfjarðarhöfnum, er eðlilegt að flytja til vinnslu annars staðar. Jafnframt bendir fundurinn á, að svo getur farið, að síldarvinnslustöðvar á Austfjörðum skorti hráefni þótt góð veiði sé á Austfjarðarmiðum, ef um stórfellda flutninga verður að ræða. Þess vegna ber að takmarka flutninga þannig, að hagur austfirskra síldar iðnaðarfyrirtækja sé tryggður í hvívetna.

2. Síldarflutningar í stórum stíl hljóta að hafa áhrif á hráefnisverð til lækkunar, vegna mikils stofnkostnaðar við flutningaskip og umhleðslustöðvar, svo og vegna reksturskostnaðar og afskrifta. Þess vegna ber að takmarka þá sem kostur er, en leggja í þess stað áherzlu á öra uppbyggingu fjölbreytts síldariðnaðar á Austurlandi. Þá telur fundurinn, að þá síld, sem flutt verður af Austfjarðarmiðum til vinnslu í öðrum landshlutum, eigi að flytja til norðlenzku verksmiðjubæjanna, en ekki til Suðvesturlands, þar sem hráefnisflutningar þangað utan af landi hljóta að auka á jafnvægisleysið í byggð landsins.

3. Fundurinn tekur fram, og leggur á það ríka áherzlu, að síldarverksmiðjur og söltunarstöðvar á Austurlandi og í eign Austfirðinga taki undir engum kringumstæðum um þátt í kostnaði við flutninga síldar af Austfjarðarmiðum til annarra landshluta, hvorki með verðjöfnunargjaldi né á annan hátt.
Fundurinn beinir þeirri eindregnu ósk til þingmanna kjördæmisins, að þeir séu vel á verði um allt, er að þessum málum lýtur og standi vörð um hagsmuni Austfirðinga.

F.h. fundarins. K. Ingólfsson, Gunnar Hjaltason”. (Fréttatilkynning.)
************************************************

Vísir - 26. maí 1965

55. árgangur 1965, 118. Tölublað, Blaðsíða 1

Síldarflutníngaskipin tvö tilbúin.
  Dælur settar í Þyril í Þýzkalandi og Klettsskipið er á leið til Þrándheims Þyrill, sem keyptur hefur verið til síldarflutninga hefur nú hlotið nafnið Dagstjarnan og er um þessar mundir í Þýzkalandi, þar sem allmiklar breytingar eru gerðar á skipinu m. ?.. sett í það önnur síldardæla og sérstök aflvél fyrir síldardælurnar. —

Þá sagði Jónas Jónsson forstjóri Síldar og fiskimjölsverksmiðjunnar í stuttu viðtali við Vísi í morgun, að skip það sem fyrirtækið festi nýlega kaup á kæmi hingað sennilega um miðjan júlímánuð og færi þá beint í síldarflutninga.

Samkvæmt upplýsingum sem Vísir hefur fengið hjá Guðfinni Einarssyni í Bolungarvík er Dagstjarnan eign Bolvíkinga að 2/3 hlutum og Ísfirðinga að 1/3 hluta. Sagði Guðfinnur að gert væri ráð fyrir að Dagstjarnan yrði komin á miðin um miðjan júní. Eins og fyrr segir verður sett í skipið önnur síldardæla til viðbótar við þá, sem sett var í það í fyrra og með tilkomu nýju dælunnar er gert ráð fyrir, að hægt verði að dæla um borð 100 tonnum á klukkustund, en í fyrra var hægt að dæla um 75 tonnum. Þá er einnig verið að útbúa skipið þannig að löndun geti gengið mun betur, en í fyrra. Dagstjarnan verður þannig útbúin að hægt er að setja skipið svo að segja fyrirvaralaust í lýsisflutninga og einnig er fyrirhugað að gera tilraun með að flytja í því sjókælda síld, þannig að hægt sé að setja síldina í frystingu og ef til vill söltun.

Vísir hafði einnig samband við Jónas Jónsson forstjóra Síldar- og fiskimjölsverksmiðjunnar og spurðist fyrir um skip bað sem fyrirtækið hefur nýlega fest kaup á til síldarflutninga. Skipið sem er um 3500 tonn að stærð hefur að undanförnu verið í flutningum á Karibahafi. Sagði Jónas, að ráðgert væri að það kæmi til Þrándheims 5-6. júní, þar sem dælur og annar útbúnaður verður settur í skipið, en síðan er áætlað að skipið verði komið hingað í síldarflutninga um miðjan júlí.
Ekki hefur mér enn tekist að finna nafnið á sem nefnd eru kaup á hér fyrir ofan, sk
*********************************************

Vísir - 29. maí 1965

55. árgangur 1965, 120. Tölublað, Blaðsíða 7
Niðurlag frá langri grein um síldveiðar og fleira eftir J.Kr.

Tankskipin eru bylting ársins Þetta sumar verður ekki sumar tæknilegra byltinga í síldveiðum eins og svo mörg önnur sumur hafa verið. Hins vegar verður þetta sumar síldarflutninganna. Undanfarin sumur hafa síldarverksmiðjunnar fyrir norðan látið flytja síld til sín í flutningaskipum, sem oftast hafa verið leigð frá Noregi.
Í fyrra var gerð tilraun til síldarflutninga í olíuskipi og til síldardælingar í stað háfunar. Tilraunin var gerð á Þyrli og þeir, sem að tilrauninni stóðu eru svo ánægðir með árangurinn, að þeir hafa nú keypt skipið. Þyrill er nú úti í Þýzkalandi, þar sem verið er að setja síldardælur og annan nauðsynlegan útbúnað um borð I hann. Þyrill verður ekki eina tankskipið f síldarflutningunum. —

Klettsverksmiðjan hefur fest kaup á 3500 tonna olíuskipi til síldarflutninga og er það skip nú á leið til Þrándheims, þar sem gerðar verða á. því nauðsynlegar breytingar. Það skip verður tilbúið í flutningana um miðjan júlí, en Þyrill, sem nú heitir raunar Dagstjarnan, á að verða tilbúinn um miðjan júní. Þá hafa allar síldarverksmiðjurnar á Suðvesturlandi, aðrar en Klettur, slegið sér saman um leigu á tveimur tankskipum til síldarflutninga. Síldarflutningar eru nú ekki bara nauðsyn fyrir verksmiðjurnar, sem svelta fyrir norðan heldur einnig fyrir verksmiðjurnar suðvestanlands. Vertíðin þar hefur brugðizt að mestu og eigendur þessara verksmiðja, sem flestar eru nýjar af nálinni, telja síldarflutninga einu bjargarvonina. Það eru því miklar líkur fyrir því að Austfjarðasíldinni verði ekki aðeins landað á svæðinu frá Raufarhöfn suður til Djúpavogs, heldur komi hún einnig á land í flestum höfnum suðvestanlands, í Bolungarvík og Ísafirði fyrir vestan, og í hafnir ríkisverksmiðjanna fyrir norðan. Þannig mun síldin færa tekjur til manna um allt land, þótt mest af tekjunum renni i austfirzka vasa.
*******************************************

TANKSKIP KOMIÐ TIL KROSSANESS í SÍLDARFLUTNINGA

Síldarveksmiðja Krossanesi hefur tekið á leigu sænskt skip til síldarflutninga í sumar. Hér er um að ræða enn eitt tankskipið til sildarflutninga og er verið að ganga frá dælubúnaði þess í Krossanesi þessa dagana.

Áætlað er að skipið taki síld beint af miðunum og flytji eingöngu til verksmiðjunnar í Krossanesi. Skipið er aðeins árs gamalt, 1100 smálestir að stærð, og heitir Pólana og er frá Gautaborg. Ber það milli 7 og 8 þús. mál af síld. Pólana kom til Krossaness fyrir 4 dögum og er nú verið að ganga frá fullkominni dælu í það sem Krossanes verksmiðjan sjálf á.

Að því verki loknu er skipið tilbúið til þess að fara á miðin.

11 manna áhöfn er á skipinu og er hún öll sænsk. Eins og áður hefur komið fram í fréttum hafa Bolvíkingar og Ísfirðingar keypt Þyril til sildarflutninga og einnig hefur síldarverksmiðjan Klettur keypt hingað stórt síldarflutningaskip.

Þá hafa aðrar síldarverksmiðjur hér sunnanlands tekið á leigu í sumar tvö erlend skip til síldarflutninga að norðan og austan.
****************************************************

Eyjafjörð, Krossaness og Hjalteyrar, miðað við að aðalsíldveiðisvæðin verði á svipuðum slóðum og tvö síðustu ár.
Þessar verksmiðjur hófu sameiginlega þessa flutninga með leiguskipum og var það happasæl nýjung.

Enn munu síldarverksmiðjurnar hafa vinsamlega samvinnu, en hafa nú, hvor fyrir sig, leigt sér síldarflutningaskip. Annað þeirra er komið, sænska skipið Polana, sem á að geta flutt allt að sjö þús. málum.

Samkvæmt viðtali við Guðmund Guðlaugsson verksmiðjustjóra Krossanesverksmiðjunnar, kom skipið hingað s.l. sunnudagskvöld og liggur við verksmiðjubryggjuna.
Þar er unnið að því að setja nýja, ameríska síldardælu niður í skipið og verður því verki sennilega lokið í næstu viku og er skipið þá tilbúið til síldarflutninganna. Krossanesverksmiðjan hóf bræðslu í fyrradag.
En hún fékk fyrst 170 mál úr Snæfelli, og á fimmtudagsnótt 2200 mál úr Jörundi III. Síldarsöltun er tilbúin við Krossanesverksmiðju og kemur hún væntanlega að góðu gagni ef síld veiðist fyrir Norðurlandi.

Blaðið spurðist einnig fyrir um leiguskip Hjalteyrarverksmiðju og fékk þær upplýsingar þar, að norskt síldarflutningaskip hefði verið tekið á leigu, Askit að nafni og ætti það að geta flutt allt að 6500 málum.

Þá hefur verksmiðjan keypt norska síldardælu, sem kemur á staðinn eftir fáa daga og verður sett í skipið strax og það kemur, eða um miðjan mánuðinn. Hjalteyrarverksmiðjan hefur ekki tekið á móti síld ennþá, en hún er tilbúin að hefja móttöku síldar. Og þar er allstór söltunarstöð. Verið er að endurbæta hafskipabryggjuna á Hjalteyri um þessar mundir.

**************************************************
Þjóðviljinn - 09. júní 1965 <<<< Tengill til greinarinnar

30. árgangur 1965, 126. tölublað, Blaðsíða 7

Grein eftir Bjarna Þórðarson, bæjarstjóra í Neskaupstað
Síldarflutningarnir

****************************************************
Alþýðublaðið - 10. júní 1965

45. árgangur 1965, 127. Tölublað, Blaðsíða 15

DAGSTJARNAN VÆNTANLEG HINGAÐ UM HELGINA

Bolungavík. — ÍS.-GO.
GERT er ráð fyrir að síldardæluskipið Dagstjarnan fari frá Þýzkalandi um næstu helgi og beint á miðin. Jónatan Einarsson framkvæmdastjóri hefur verið í Þýzkalandi undanfarið til að fylgjast með breytingunni á skipinu.

Sett verður sterkari dæla í skipið, en sú sem var sett í það í fyrra til reynslu og einnig sjókælivélar í einn tankinn og er ætlunin að flytja sjókælda síld til söltunar af miðunum. Ef þessi merka tilraun heppnast getur hún haft mjög mikla þýðingu fyrir hagnýtingu síldaraflans og atvinnulífið í heild. Upphafsmaður að tilrauninni er hinn kunni framkvæmdamaður og brautryðjandi, Einar Guðfinnsson ásamt sonum sínum og tengdasyni, Haraldi Ásgeirssyni verkfræðingi.

Að breytingunum loknum er gert ráð fyrir að Dagstjarnan geti flutt 9000-10000 tunnur. Dagstjarnan hf. á Bolungarvík gerir skipið út. Hluthafar eru Einar Guðfinnsson hf. að tveimur þriðju hlutum og Fiskimjöl hf. á Ísafirði að einum þriðja.

Skipstjóri verður Sigurður Þorsteinsson, Guðmundur Arason, 1. stýrimaður og Sigurvin Hannibalsson 1. vélstjóri.

Afköst síldarverksmiðjunnar á Bolungarvík eru 1500 mál á sólarhring. Starfræksla síldarverksmiðjunnar og síldarflutningarnir eru mikið hagsmunamál fyrir Bolvíkinga. Einar Guðfinnsson gerir eftirtalda báta út á síld: Hugrúnu, Hafrúnu, Dagrúnu, Sólrúnu, Heiðrúnu, Guðmund Péturs og Einar Hálfdáns. Útgerðarfélagið Græðir gerir út Pál Pálsson GK 360, en framkvæmdastjóri þess fyrirtækis er Benedikt Bjarnason.
*******************************************
Vesturland - 03. júlí 1965

42. Árgangur 1965, 20.-21. Tölublað, Blaðsíða 8

Dagstjarnan (áður Þyrill), sem mun verða í síldarflutningum fyrir síldarverksmiðjuna í Bolungarvík, er nú að flytja olíu til Bolungarvíkur, Súðavíkur og Hnífsdals, en fer síðan aftur til Reykjavíkur og tekur þar olíu til Austfjarðahafna, en fer þaðan út á miðin til að hefja síldarflutningana
******************************************
Tíminn - 03. júlí 1965

49. árgangur 1965, 146. Tölublað, Blaðsíða 1

Flvtja síldina suður
IH—Seyðisfirði, föstudag.
Norska síldarflutningaskipið Rubistar, sem tekið hefur verið á leigu til þess að flytja síld af miðunum hér fyrir austan og norðan land og suður til Faxaflóahafna fór út á miðin í kvöld til að byrja að taka þar síld úr veiðiskipunum.

Skipið hefur legið hér inni að undanförnu, en unnið hefur verið að því að koma fyrir í því síldardælu, sem notuð verður til þess að dæla síldinni úr síldarskipunum á hafi úti og yfir í flutningaskipið. Þá er komið hingað annað erlent síldarflutningaskip. danskt skip, sem er töluvert stærra en Rubistar, og er það einnig ætlað til síldarflutninga til Faxaflóahafna. Ekki hefur verið sett síldardæla í danska Skipið, og verður nú hafizt handa um það verk, áður en i skipið getur hafið flutningana. og er búizt við, að það muni taka um eina viku. Það er Ólafur Jónsson útgerðarmaður í Sandgerði. sem tekið hefur þessi skip á leigu fyrir hönd fyrirtækisins Miðness.
*****************************************

Tíminn - 15. júlí 1965

49. árgangur 1965, 156. Tölublað, Blaðsíða 14

SÍLD FLUTT TIL BOLUNGARVÍKUR 

Krjúl-Bolungarvík, miðvikudag.

Dagstjarnan, sem áður hét Kyndill, kom hingað í nótt með 6500 mál síldar af miðunum fyrir austan og er unnið að löndun hér í dag með öðru löndunartæki síldarverksmiðjunnar, en verið er að lagfæra hitt tækið. Er reiknað með að skipið komist út aftur aðra nótt. Skipið er sem kunnugt er að miklu leyti eign Einars Guðfinnssonar sem á síldarverksmiðjuna hér og er þetta fyrsti farmurinn sem skipið kemur með hingað í sumar. Skipið tók síldina úr tíu skipum úti á rúmsjó og gekk það mjög vel, og skömmu eftir að skipin voru búin að losa sig voru þau að nýju búin að fá afla. Dagstjarnan er útbúin sérstökum olíutanki og vatnstanki, og flytur skipunum olíu og vatn út á miðin og sparar þeim því alger lega ferðir í land, þegar einnig verður farið að flytja mat til skip anna en það er í bígerð.
************************************************
Þjóðviljinn - 15. júlí 1965

30. árgangur 1965, 155. tölublað, Blaðsíða 10

Fjörugir síldarflutningar
Mikið fjör er í síldarflutningum um þessar mundir og lönduðu flutningaskip á þrem stöðum í gær: á Bolungarvík, Keflavík og Krossanesi. Fjögur skip annast þessa flutninga, Dagstjarnan (sem áður var Þyrill) og þrjú erlend leiguskip og eru tvö þeirra á vegum verksmiðja við Faxaflóa. Þá er 5. skipið að bætast við — og er það verksmiðjan Klettur sem er að kaupa sér skip erlendis er getur tekið 20 þúsund mál.
************************************************
Morgunblaðið - 17. júlí 1965

52. árg., 1965, 159. tölublað, Blaðsíða 24

Dælurnar náðu ekki síldinni úr skipinu.

Keflavík, 16 júlí
NORSKA síldarflutningaskipið Rubistar liggur nú hér í höfninni með 9 þúsund mál síldar af Austurlandsmiðum, sem það flytur hingað fyrir Síldarflutninga sf., sem er flutningafyrirtæki síldarveksmiðja á Suðvesturlandi.

Þegar byrja átti að dæla síldinni í land úr Rubistar aðfaranótt fimmtudags reyndist dæluútbúnaðurinn ekki í lagi. Hafa aðeins 1200 tunnur náðzt í land á tveim sólarhringum. Dælurnar voru settar í skipið á Seyðisfirði og gekk vel að dæla síldinni um borð úr. síldveiðiskipunum. Talið er, að dælurnar taki illa síldina þegar hún hefur legið um tíma í skipinu. Síldarflutningar s.f. leigja skipið af norskum eigendum.

Er sérfræðingur frá Verksmiðjunum, sem framleiða dælurnar, General Motors í Bandaríkjunum, kominn hingað til að reyna að leysa úr þessum vanda. Ekki er gert ráð fyrir að búið verði að losa síldina úr Rubistar fyrr en á sunnudag. Þetta var fyrsta ferð Rubistar með síld til Suðvesturlands og fyrsta skiptið, sem síld hefur verið flutt með tankskipi til hafna við Faxaflóa. — K.G.

************************************************

„Haförninn“ kemur í dag „HAFÖRNINN“, hið nýja síldarflutningaskip Síldarverksmiöja ríkisins, er væntanlegt til Seyðisfjarðar í dag. Hingað kemur skipið frá Bremerhaven, þar sem það var afhent SR í lok s.l. mánaðar. „Haförninn" er 3700 tonn að stærð, og ber í hverri ferð 3.300 lestir síldar. Það heldur á síldar miðin við fyrsta tækifæri.
Skipstjóri á „Haferninum“ verður Sigurður Þorsteinsson en hann var áður skipstjóri á Dagstjömuinni", síldarflutningaskipi Einar Guðfinnssonar í Bolungarvík.

Alþýðublaðið - 07. ágúst 1965

45. árgangur 1965, 174. Tölublað, Blaðsíða 3

Lögreglan greip þá til þess að stöðva síldarflutninga með þeim bílum, sem ekki var unnt að gera nægilega þétta.
Til þess er heimild í 54. grein umferðarlaga, þar sem kveðið er á um, að farmur á bílum megi ekki valda hættu, truflun eða óþrifnaði í umferð.
Sumir bílanna voru í góðu lagi að þessu leyti, og aðra var hægt að þétta með því að líma gúmmílista á skjólborð, en sumir urðu að hætta akstri.

Magnús Einarsson í Umferðardeild lögreglunnar skýrði Mbl. svo frá í gær, að lögreglan vildi helzt, að síldin væri flutt í sérstökum málm- eða plasthylkjum á bíl pöllunum. Að öðrum kosti yrði að þétta þá með öðru móti, og bezt væri að hafa skilrúm á pallinum, svo a síldin gæti ekki runnið til. í gær þildi gaflþil á einum bílanna ekki þrýstinginn, þegar síldin kastaðist til á pallinum, og rann heill farmur á götuna. Þetta var á Skúlagötunni, rétt við gatnamót Geirsgötu.

Vesturland - 20. nóvember 1965

42. Árgangur 1965, 29.-30. Tölublað, Blaðsíða 8

Dagstjarnan lagði af stað af síldarmiðunum með um 6.600 mál á miðvikudagskvöld.
**********************************************

Alþýðublaðið - 23. nóvember 1965   (Hannes á horninu)

45. árgangur 1965, 266. Tölublað, Blaðsíða 4

SJÓMAÐIJR SKRIFAR:

„Nú vantar illa flutningaskip til að flytja síldina frá Austfjörðum til Norðurlandsins t.d. til Siglufjarðar Skagastrandar eða Húsavikur eða bara til Raufarhafnar.

SÍLDARVERKSMIÐAN í Reykjavík hefir skip, sitt eigið skip, sem mun líklega koma til með að skila 150—200 þúsund málum að austan hingað suður og fullvíst má telja að megnið af þessari síld hefði aldrei verið veidd eða svip að magn ef þetta ágæta flutninga skip hefði ekki verið keypt.

Þá voru aðrar verksmiðjur hér syðra með skip, sem eitthvað flutti af síld að austan, en mun nú hætt. DAGSTJARNAN, áður Þyrill, nú eign Bolvíkinga, hefir alltaf verið í flutningum síðan það kom heim í sumar.

Krossanes og Hjalteyri höfðu og hafa skip til flutninganna og sagt er að það sé leigt til n.k. mánaðamóta. En hvað hafa Síldarverksmiðjur ríkisins flutt mikið af austurmiðum til Norður landshafna?

ÞAÐ MUN ENTTHVAÐ vera, en allt of lítið. Þær eiga ekkert skip til þessara flutninga, en munu hafa haft koppa s.l. sumar um takmarkaðan tíman. Þeir voru forsjálli Reykvíkingarnir að kaupa 20.000 mála skip til þessara flutninga heldur en stjórn ríkisverksmiðjanna.

Stærsta fyrirtækið í þessari starfs grein hefir þarna orðið illa aftur úr. Mundi þó ekki hafa af veitt, að flutt hefði verið til Siglufjarðar eða Skagastrandar hrá hráefni, til þess að veita starfslitlu fólki á þessum stöðum atvinnu. SÍLDIN, skip Reykvíkinganna mun hafa bjargað í þjóðarbúið tugum milljóna króna í beinhörðum gjaldeyri. Þannig hefðu ríkis verksmiðjurnar einnig getað gert en þar virðist, hafa vantað útsjón og áræði, sem Reykvíkingarnir höfðu til að bera.

STJÓRN verksmiðjanna ætti strax að fara á stúfana og hefja undirbúning fyrir næstá sumar, ekki eingöngu leigja skip heldur reyna að eignast tankskip svipað að  stærð og Reykvíkingarnir. Og útbúa það þannig að það geti dælt síldinni úr skipum úti á miðun um. Annars tel ég alveg bráð nauðsynlegt að endurskoða lögin um þetta ágæta fyrirtæki, Síldarveksmiðjur ríkisins og koma þar inn veigamiklum atriðum til hagræðis, bæði fyrir fyrirtækið sjálft og viðskiptamennina, sem eiga mikið undir að það þjóni sínum upphaflega tilgangi, án þess þó að skerða grundvallarhugsjón þeirra mætu manna, sem hornstein inn lögðu að þessu mikla þjóðþrifa fyrirtæki í upphafi."
**************************************

Vísir - 04. desember 1965

55. árgangur 1965, 278. Tölublað, Blaðsíða 16

Síldarflutningar virðast gefa góð raun.

Síldarflutningaskipin hafa í sumar flutt á fjórða hundrað þúsund mál af síld frá miðunum við Austurland og Jan Mayen til hafna á SV-Iandi og til Bolungarvíkur í sumar. Reynslan af þessum flutningum hefur verið góð frá almennu sjónarmiði, en útgerðarmenn, sem blaðið hafði samband við í morgun kváðust ekki geta sagt enn um hvort flutningar þessir eru hagkvæmir fyrir þá.

Síldarflutningaskipið Síldin hefur flutt langmest af þessari síld í 10 ferðum sínum hingað eða nær 185 þús. Mál, sem aðallega hafa farið í bræðslu í síldarverksmiðjunni í Örfirisey. Verðmæti þessarar síldar til útflutnings er einhvers staðar í nánd við 80 millj. króna, en skipið kostaði 29 milljónir, þegar það var keypt.

Ekki kvað Jónas Jónsson forstjóri Síldar og fiskimjölsverksmiðjunnar enn ákveðið hvort Síldin verður notuð í vetur til lýsisflutninga, en það fer eftir því hve lengi síldveiðar halda áfram eystra.
Dagstjarnan, áður Þyrill, hefur flutt 50 þús. mál til Bolungarvíkur og 10 þús. til Ísafjarðar í sumar. Skipið hefur og farið nokkrar ferðir með olíu við ströndina og fyrir 4 dögum fór skipið til Þýzkalands með 900 tonn af lýsi.

Jónatan Einarsson á Bolungarvík sagði, að allt hefði gengið eftir vonum með flutningana og niðurstaðan væri góð enda þótt rekstur skipsins væri langt frá því hagkvæmur því fram kvæma þurfti viðgerðir á þilfari og nýir spíralar settir í það.

Í Bolungarvík hefur verksmiðjan unnið um 100 þús. mál í sumar af síld og loðnu. Fjórir aðilar á SV-landi tóku saman 2 erlend tankskip í síldarflutninga og voru það aðilar frá Akranesi, Hafnarfirði, Sandgerði og Keflavík.

Skip þessi voru Ruby Star og Laura Terkol. Þessir flutningar gengu ekki sem bezt. Skipin hættu um það bil, sem síldveiðin byrjaði fyrir alvöru, en mjög illa gekk að losa skipin, en það var gert með dælum. Segja menn að „krabbarnir“ séu eina rétta aðferðin við að losa síldarflutningaskipin. Allir útgerðarmennirnir, sem blaðið hafði samband við í morgun voru sammála um það, að sú síld, sem þannig er flutt með flutningaskipum, sé aukning á veiðinni, enda sé ekkert tekið frá Austfjarðahöfnum með þessu, heldur aðeins greitt úr því þegar verulegt magn veiðist þá sé það reynslan að bátamir hrannist upp í löndunarhöfnunum og þurfi oft að eyða miklum tíma í löndun.
*******************************************

Morgunblaðið - 07. desember 1965

52. árg., 1965, 280. tölublað, Blaðsíða 3

Síldarflutningar hafa gengið skínandi vel
- en lengri reynslu þörf til að sjá hvort þeir séu arðbærir
MORGUNBLAÐIÐ átti í gær tal við Jónas Jónsson, framkvæmda stjóra Sildar- og fiskimjölsverksmiðjunnar h.f. og spurðist fyrir um, hvernig sildarflutningar fyrirtækisins hefðu gengið í sumar.

Jónas sagði, að fyrirtækið hefði keypt tankskipið Síldina, og hefði |það komið til landsins í ágústmánuði í sumar. Flutningarnir hefðu gengið skínandi vel í öllum aðalatriðum og gefið tæknilega séð góða raun. Síldin hefði þegar flutt til Reykjavíkur 185 þúsund mál í 10 ferðum, en skipið ber alls um 20 þúsund mál.

Nú væri verið að taka síld í 11. ferðina og væri ætlunin að fylla skipið. Jónas sagði, að síldin væri orðin mun lélegra hráefni en sumarsíldin og því ekki eins hagkvæmt að vinna hana.

Frá sjónarmiði þjóðardeildarinnar væru síldarflutningarnir nauðsynlegir og í því sambandi mætti minna á, að mikill hluti aflans, sem Síldin hefur flutt, hefði ekki veiðzt annars. Síldin hefði m.a. flutt tvo farma frá Jan Mayen og sparað þannig veiðiskipunum langar og tímafrekar siglingar. Jónas sagði, að það væri aftur á móti annað mál, hvort síldarflutningarnir væru arðbærir fyrir fyrirtækið.

Um það væri ekki unnt að segja ennþá. Lengri reynslu væri þörf til að skera úr því.

Alþýðublaðið - 24. desember 1965

45. árgangur 1965, 293. Tölublað, Blaðsíða 2

Dagstjarnan hefur flutt 60.000 mál

Bolungarvík, GE, GO.

Síldarflutningaskipið Dagstjarnan hefur flutt 60.000 mál á síldar vertíðinni og hefur þetta maga verið brætt ýmist á Bolungarvík, eða ísafirði. Skipið liggur nú á Bolungarvík og lestar þar 600 tonn af lýsi og ætlunin er að taka 300 tonn til viðbótar, ef til vill á ísafirði. Skipið siglir svo með lýsið til Þýzkalands rétt fyrir nýárið.

Fjórir Bolungarvíkurbátar hafa verið á síldveiðum í sumar og haust, en þeir eru allir komnir heim. 6 bátar hafa stundað línu veiðar í haust og aflað sæmilega einnig hefur verið mikil rækjuafli í ísafjarðardjúpi.
1 bátur hefur ver ið með þorskanet, en afli hefur verið tregur.
**************************************
Morgunblaðið - 28. desember 1965

52. árg., 1965, 296. tölublað, Blaðsíða 28

………….. Olíuskipið Dagstjarnan hefur legið hér í höfn um jólin. Skipið kom hingað vestur með olíufarm fyrir jól og er nú búið að lesta eitthvað af síldarlýsi í Bolungarvík og tekur einnig lýsi hér og flytur til Þýzkalands. Að öðru leyti hefur allt verið hér með kyrrum kjörum. ýmsir kvarta undan því að þeir hafi ekki notið jóladagskrár útvarpsins, sem skyldi, því að tíðar eru truflanir frá Lóranstöðinni á Snæfellsnesi.
— Högni.

Árið 1966

Vesturland - 15. janúar 1966

43. Árgangur 1966, 1.-2. Tölublað, Blaðsíða 8

…………………Dagstjarnan lestaði síldarlýsi I Bolungarvík og á Ísafirði á milli jóla og nýárs og lagði af stað til Rotterdam 2. des. Er þetta önnur ferð Dagstjörnunnar til útlanda, en hún fór í byrjun desember til Noregs og Þýzkalands með fullfermi af síldarlýsi. Vel hefur gengið afskipun á lýsi í Bolungarvík og sömuleiðis afskipun á síldarmjöli………………..
*******************************************
Morgunblaðið - 19. janúar 1966

53. árg., 1966, 14. tölublað, Blaðsíða 27

Síldarverksmiðjan í Bolungarvík kaupir síld í Skotlandi
  Mikil síld í Norðursjó.

BLAÐIÐ hafði af því spurnir að Síldarverksmiðja Einars Guðfinnssonar í Bolungarvík hefði látið síldarflutningaskip sitt, Dagstjörnuna, kaupa síld af síldveiðiskipum við Skotland og myndi flytja hráefnið hingað heim og bræða vestur í Bolungarvík.

Blaðið sneri sér til Guðfinns Einarssonar og spurði hann um málið. Hann skýrði svo frá: — Síldar- og olíuflutningaskip okkar Dagstjarnan (ex Þyrill) flutti fyrir skemmstu út lýsi til Amsterdam, en í þann mund, er skipið var á leið heim aftur, höfðum við haft spurnir af miklum síldveiðum í Norðursjó. Var skipinu því haldið til Skotlands og fékkst umsvifalaust leyfi til að kaupa síld af skozkum síldarbátum, enda hafði þá borizt svo mikið af síld á land að Skotar voru í vandræðum með að nýta hana.

Skipið tekur þarna 9000 tunnur síldar og flytur til Bolungarvíkur þar sem farmurinn verður bræddur. Dagstjarnan dælir síld inni upp úr skozku bátunum og voru Skotar ánægðir með að losna við síldina á þennan hátt. Skipið verður fullt í kvöld (þriðjudagskvöld). Verðið, sem greitt er fyrir Norðursjávarsíldina er 120 kr. á tunnuna, en þetta er fremur smá síld og 12—14% feit. Við höfum látið okkur detta í hug að halda þessu áfram ef við getum fengið síldina.

Dagstjarnan mun nú þegar eftir heimkomuna fara með annan lýsisfarm út og tekur í bakaleið síld hvar sem hún fær hana, ef ekki er of mikið úrleiðis fyrir skipið. Þetta er mjög auðvelt. Ekki tekur meira einn dag að hreinsa skipið til að taka lýsi um borð og ekkert þarf að hreinsa það áður en síldin er tekin um borð.

Svo hefir skipið sjálft dælutækin til að dæla síldinni um borð eins og kunnugt er. Við vitum að sjálfsögðu ekki hvernig þetta tekst til en við vonum að allt fari að óskum og sjálfsagt var að gera þessa tilraun. í vetur verður svo keypt síld af íslenzkum skipum ef hún verður fáanleg, sagði Guðfinnur að lokum.
**************************************

Morgunblaðið - 25. janúar 1966

53. árg., 1966, 19. tölublað, Blaðsíða 2

Dagstjarnan komin heim með 6500 mál, tekin úr skozkum smábátum

Bruni í verksmiðjunni getur tafið bræðslu

BOLUNGARVÍK, 24. jan.

Dagstjarnan kom í nótt með fullfermi af síld, sem hún tók af skozkum bátum norðan við Aberdeen. Síldin er mjög smá, eiginlega bara kræða. Var verið að landa henni hér í dag. Jafnframt var verið að búa síldarverksmiðjuna undir að hefja bræðslu, þegar kviknaði í mjölblásara og getur það tafið bræðslu nokkuð. Var mikill eldur í blásaranum um tíma, en hann barst ekki út fyrir blásarann. Síldveiðar á 25 tonna bátum.

Dagstjarnan var með 6500 mál síldar, sem tekin var beint úr skozku bátunum innanfjarðar. En Skotar stunda þessar veiðar á 25 tonna bátum og eru tveir saman um einhverskonar troll. Hafa íslenzku sjómennirnir aldrei séð svona veiðar áður. Var unnið á daginn við að taka síldina úr bátunum og gekk það mjög vel, tók ekki nema tvo daga að fylla skipið.

Hugsa Dagstjörnumenn sér gott til glóðarinnar að taka aftur síld á sama hátt I næstu ferð. Um leið og þeir eru búnir að landa, taka þeir hér lýsi og sigla með það til Þýzkalands. Í leiðinni heim taka þeir skozku síldina. Siglingin heim gekk vel.

Eldur í síldarverksmiðjunni.

Seinni hluta dags í dag kviknaði í síldarverksmiðjunni, sem verið var að búa undir bræðslu. Kom eldur upp í mjölblásara frá öðrum þurrkaranum og var þar mikill eldur um tíma. Slökkviliðið var kvatt á vettvang og tókst að ráða niðurlögum eldsins, sem ekki breiddist út. En þessi tæki öll eru úr járni og hætt við að þau hafi skekkst og skemmzt í eldinum. Getur það tafið bræðslu á nýkomnu síldinni, ef þau þurfa mikillar viðgerðar við. En það er ekki orðið ljóst enn þá. —
Hallur
****************************************
Morgunblaðið - 27. janúar 1966

53. árg., 1966, 21. tölublað, Blaðsíða 8

Erfiðleikar við síldarlosun í Bolungarvík

Brunatjónið á síldarverksmiðjunni minna en talið var

Bolungarvík, 25. janúar.
BRUNINN í síldarverksmiðjunni hér s.l. mánudag var ekki eins alvarlegur og talið var í fyrstu. Skemmdir eru óverulegar og mun vinnsla ekki teljast að neinu ráði.
Tjón hefur ekki verið metið ennþá. Síldarflutningaskipið Dagstjarnan, sem nú er að losa síld af skozkum smábátum, hefur átt í erfiðleikum við losun vegna frosta.
Vill frjósa í leiðslunum, þegar sælt er í land. Hafa verulegar tafir hlotizt af þessu, því aðeins er hægt að dæla í land 5 tonnum á klst. í stað 25 tonna.
þá gerðist það og í morgun að norðaustan stinningskalda gerði hér og varð Dagstjarnan að fara til Ísafjarðar vegna sjógangs við bryggjuna í Bolungarvík. Verður að aka síldinni á bílum hingað frá Ísafirði. —
Hallur.
*******************************************
Morgunblaðið - 30. janúar 1966

53. árg., 1966, 24. tölublað, Blaðsíða 31

Bolungavíkurbátar fóru til Ísafjarðar. Bolungarvík. — Hér gengur á með byljum. Ekki mikil snjókoma en rok. Bátarnir fóru til Ísafjarðar þegar von var á óveðrinu, því höfnin hér er enn léleg. Engar skemmdir hafa orðið svo vitað sé um.
Dagstjarnan fór til ísafjarðar. Þegar frostið minnkaði gekk ágætlega að losa hana, svo lítil síld var eftir í henni, þegar hún þurfti að flýja vegna veðurs.
(Sama veðurofsi um Norðurland og víðar, sk)
****************************************************************

Morgunblaðið - 08. janúar 1966

53. árg., 1966, 5. tölublað, Blaðsíða 3

STAKSTEINAR
Þyrill, Emil Jónsson, ráðherra, skrifaði glögga grein í Alþýðublaðið í gær um sölu olíuskipsins Þyrils, í tilefni af rógsherferð Tímans og Framsóknarmanna vegna þeirrar sölu.

Í grein sinni segir Emil Jónsson:

„Vorið 1964 kom að máli við mig Haraldur Ásgeirsson verkfræðingur. Tjáði hann mér, að hann og Einar Guðfinnsson í Bolungarvík, hefðu hug á að reyna síldarflutninga með nýjum hætti. Væri hugmynd þeirra að fá tankskip til flutninganna og dæla síldinni úr síldveiðiskipunum, í stað þess, að áður höfðu síldarflutningar farið þannig fram, að venjulegt flutningaskip tók síldina úr landi.

Þóttist ég sjá, að hér væri um gagnmerka nýjung að ræða. Hafði Haraldur séð um hina tæknilegu hlið málsins og virtist allur undirbúningur í góðu lagi.
Fóru þeir fram á að fá Þyril á leigu til þess að gera tilraunina. Með hliðsjón af því, að síldveiðin var nú öll fyrir Austurlandi, en verksmiðjukostur þar takmarkaður og hinsvegar fjöldi verksmiðja annars staðar á landinu hráefnislaus, taldi ég sjálfsagt að freista þess, hvort ekki væri hægt á þennan hátt að leysa þennan vanda með hinni nýju flutningaaðferð, sem sýnilega hafði marga kosti.

Samþykkti ég því að leigja Þyril til flutninganna, ríkisstjórnin og fiskimálanefnd samþykktu einnig að styðja tilraunina. Var ákveðið að skipið yrði leigt fyrir 25 þúsund krónur á dag. Árið 1963, eða árið áður höfðu brúttótekjur skipsins verið tæpar 20 þúsund krónur á dag að meðaltali, og var því þessi leigumáli talinn full forsvaranlegur fyrir Skipaútgerðina.“

Sala skipsins
Emil Jónsson rekur síðan aðdragandann að sölu Þyrils til Einars Guðfinnssonar og segir:

„Nokkru eftir að leigutímabili skipsins Iauk, bárust um það tilmæli frá leigutökum og fleirum, að selja skipið til síldarflutninga. Með hliðsjón af hinum vafasömu afkomuhorfum skipsins til olíuflutninga innanlands, sem lýst er í bréfum forstjórans hér að framan, og ennfremur með hliðsjón af því, að verkefni fyrir skipið við síldarflutninga virtust miklu meiri og loks með tilliti til þess brautryðjendastarfs, sem unnið hafði verið af leigutökum og kostnaði, sem þeir höfðu lagt í við breytingar á skipinu, var ákveðið, að þeir skyldu fá skipið keypt. Var skipaskoðunarstjóra falið að meta skipið til verðs, þar sem hann var bæði hlutlaus kunnáttumaður á þessu sviði og embættismaður ríkisins. Var mat hans 5 milljónir króna og var skipið selt fyrir það verð“
Rekstur Skipaútgerðarinnar

Í lok greinar sinnar skýrir Emil Jónsson frá því, að rekstrarhalli Skipaútgerðar hafi farið að nálgast 100 þúsund krónur á dag, og segir síðan:

„Allt yfirklór Tímans til þess að verja þennan hneykslanlega reksturshalla, svo notað sé orðalag blaðsins sjálfs, blekkir engan. Mitt síðasta verk áður en ég lét af starfi siglingamálaráðherra, var að skipa nefnd til að athuga allan rekstur Skipaútgerðar ríkisins og er vonandi að henni takizt það, sem Guðjóni Teitssyni hefur aldrei tekizt, að koma rekstri fyrirtækisins í skynsamlegt horf“
*********************************************
Morgunblaðið - 23. janúar 1966

53. árg., 1966, 18. tölublað, Blaðsíða 17

Furðulegur embættismaður
Af mörgum starfsmönnum íslenzka ríkisins er sennilega forstjóri Skipaútgerðar ríkisins, furðulegastur.
Hann hefur rekið fyrirtæki sitt með þeim endemum, að lengi verður til vitnað.
Eitt af áhugaefnum hans árum saman, var að selja tankskipið Þyril. Þegar loksins var orðið við hinum margítrekuðu tillögum hans um það, þá brást hann svo við, að hann efndi til rógsherferðar gegn fyrrverandi yfirboðara sínum, Emil Jónssyni.

Fjárveitinganefnd var skrifað rógsbréf. Þingmaður Framsóknar var sendur út af örkinni til að ráðast á Emil og Tíminn birti rógskrif, sem ekki leyndi sér hvaðan voru upp runnin. Emil svaraði með rækilegri frásögn af því sem gerzt hafði. Þá voru viðbrögðin þau, að forstjórinn skrifaði botnlausa langloku, fulla af einskisverðu skvaldri. Herferðin gegn Emil sýnir við hvílíka hollustu ráðherra hefur þurft að búa af hálfu þessa undirmanns síns. Þarna kemur ljóslega fram valdahrokinn, sem ennþá býr með þeim, sem ómögulegt eiga með að skilja, að einræðisdagar Framsóknar eru úr sögunni. —

Lubbalegust er þó viðleitnin til að gera Einar Guðfinnsson og þá Bolungarvíkurfeðga tortryggilega í sambandi við þetta mál. Tilraun þeirra með síldarflutninga sumarið 1964 er eitt af stórvirkjum í íslenzkri atvinnusögu. Sú tilraun er líkleg til þess að marka þáttaskil og eiga drjúgan þátt í að létta af þeim vandræðum, sem síldarleysið hefur valdið ýmsum byggðarlögum, ekki sízt á Norðurlandi.

Síldarverksmiðjur

Mikill hugur er nú í mönnum um að fjölga síldarverksmiðjum á Austfjörðum. Um slíkt er ekki nema gott eitt að segja. En eðlilegt er, að þessar framkvæmdir séu felldar í heildarkerfi, a.m.k. að svo miklu leyti sem aðilar þurfa á aðstoð ríkis og ríkisbanka að halda, enda þurfa allir að gæta þess, að þeir lendi ekki í ani með framkvæmdir sínar vegna ónógs undirbúnings. Verkið vinnst því aðeins sæmilega, að menn ætli sér nægan tíma og verði ekki uppiskroppa með fjármagn í miðjum klíðum. Á meðan ónotaður er verksmiðjukostur víðsvegar um landið sýnist og eðlilegt að greitt sé fyrir síldarflutningum.

Þess varð raunar vart í fyrra, að Austfirðingar sumir a.m.k., voru síldarflutningum andvígir og töldu þeim beint gegn sér. Slíkt er auðvitað hinn mesti misskilningur, enda ætti reynslan að vera búin að sannfæra menn um að engin trygging er fyrir áframhaldandi vist síldarinnar úti fyrir Austfjörðum. Hún getur áður en varir lagt leið sína að Norður og Vesturlandi, eins og hún gerði áratugum saman. Þá mundu síldarflutningar ekki síður Austfirðingum til hags, en öðrum nú. Næg er hættan af því, sem ætíð vofir yfir, að síldin leggi leið sína frá landinu eða að síldarstofninn þoli ekki þá miklu veiði, sem nú er stunduð bæði hér við land og annars staðar, þar sem til hennar næst.
**********************************************

Alþýðumaðurinn - 27. janúar 1966

36. Árgangur 1966, 3. Tölublað, Blaðsíða 4 – (Upphaf greinar)

Stjórn Síldarverksmiðja ríkisins og samtök síldarsaltenda á Norðurlandi

 ÞAÐ VAR skoðun almennings um allt Norðurland á sl. sumri, að stjórn Síldarverksmiðja ríkisins hefði sofið á verðinum, hvað snerti öflun hráefnis til verksmiðjanna á Siglufirði og Skagaströnd.
Á sama athafnaleysissagan að endurtaka sig að sumri? spyrja Norðlendingar.

KROSSANESVERKSMIÐJA og Hjalteyrarverksmiðjan héldu uppi síldarflutningum til sín allt sl. sumar með góðum árangri, og verksmiðja Einars Guðfinnssonar í Bolungarvík vestur, en Síldarverksmiðjur ríkisins nudduðu aðeins nokkrum förmum til Siglufjarðar, engum til Skagastrandar. Þó var næga síld að fá til flutnings og bræðslu, og verksmiðjur við Faxaflóa fluttu drjúgan til sín af austurmiðum.

ÞETTA sinnuleysi Síldarverksmiðja ríkisins fór ekki framhjá neinum og skæðar tungur sögðu, að formaður Síldarverksmiðja ríkisins hefði annarra hagsmuna meir að gæta en verksmiðjanna. Nú viljum vér ekki trúa því, að hér hafi verið um framkvæmdaleysi af ráðnum hug og í eigin hagsmunaskyni að ræða, en hitt blasir við, að sama sagan má ekki endurtaka sig í ár.
Stjórn Síldarverksmiðja ríkisins verður. að reka af sér slyðruorðið og taka forystu um skipulagða síldarflutninga yfir sumarið til verksmiðjanna á Siglufirði og Skagaströnd, meðan síldveiðin liggur fyrir austan, og hún verður að hefja undirbúninginn strax. Það er krafa allra Norðlendinga.

EN HVAÐ þá um flutning á síld á norðurhafnir til söltunar? Þar eiga samtök síldarsaltenda að hafa forystu, þótt ugglaust verði þau að njóta verulegs stuðnings hins opinbera, meðan kerfið er að komast á laggir og mótast…………………..
**********************************************

Alþýðublaðið - 04. febrúar 1966

46. árgangur 1966, 28. Tölublað, Blaðsíða 4

Sefur SR?
SÍLDARVERKSMIÐJUR RÍKISINS hafa valdið þjóðinni — en þó sérstaklega Norðlendingum — miklum vonbrigðum undanfarin 2—3 ár. Þetta volduga ríkisfyrirtæki hefði átt að hafa forustu um síldarflutninga til Norðurlands, en hefur sýnt ótrúlega íhaldssemi í því máli.
Þess vegna hafa staðir eins og Siglufjörður og Skagaströnd búið við enn verra atvinnuástand en vera þyrfti.

Afkoma SR hefur verið með ágætum undanfarin ár og gróði verksmiðjanna telst í tugum milljóna. Sit á verksmiðjur á Siglufirði og Skagaströnd. svo að augljóst virðist, að stofnuninni sjálfri hafi verið hagsmunamál að flytja til þeirra síld. Af einhverjum óskiljanlegum ástæðum hafa stjórn og framkvæmdastjórar SR sofið á verðinum. Að vísu hefur fulltrúi Alþýðuflokksins í stjórninni, Jóhann Möller, tvívegis flutt tillögur um aukna síldarflutninga, 19G4 og 1965, en þeim hefur ekki verið sinnt. Nú fyrst er einhver hreyfing á þessu máli, enda hefur verið lagt fast að SR úr ýmsum áttum að gera betur en undanfarin ár.

Aðrir aðilar hafa unnið það brautryðjendastarf í síldarflutningum, sem SR átti að gegna. Síld hefur verið flutt í stórum stíl til Faxaflóa, Vestfjarða og Eyjafjarðar. Augljósasta leiðin til að bæta nokkuð úr atvinnuvandræðum á Norðurlandi er að stór auka síldarflutninga þangað. Því hlutverki má SR ekki bregðast lengur.
********************************************

Morgunblaðið - 13. febrúar 1966

53. árg., 1966, 36. tölublað, Blaðsíða 3

Góð loðnuveiði Akranesi, 10. febrúar.
  LOÐNAN heldur áfram för sinni. Nú er hún komin langleiðina vestur af Jökli. Haraldur hefur veitt í þremur róðrum 4665 tunnur af loðnu, fyrst 1700, í gær 1365 (gert við nótina, sem rifnaði í þriðja kasti meðan landað var), og í dag kemur hann með 1600 tunnur af loðnu. Óskar Halldórsson landaði hér í gær 2000 tunnum af loðnu. M.s. Dagstjarnan er hér í dag, og tekur 210 tonn af síldarlýsi hjá Síldar- og fiskimjölsverksmiðjunni. Afli línubátanna hér í gær var fró 6 tonnum til 7,2 tonn. Þetta er með skárra móti og jafnar en oft áður. Rán var aflahæst. —
Oddur
********************************************

Morgunblaðið - 17. febrúar 1966

53. árg., 1966, 39. tölublað, Blaðsíða 2

Loðna til Bolungavíkur Bolungavík, 15. feb. —

HÉR eru tveir bátar í dag að landa loðnu. Sólrún lagði hér upp 1700 tunnur, en Sigurkarfi frá Grindavík kom með 1100 tunnur. Þennan afla fengu þeir út af Ólafsvík. Dagstjarnan var að lesta lýsi til útlanda og er farin. Askja lestaði síldarmjöl á laugardag og Langá fiskimjöli á mánudag. Hefur verið mikið um skipakomur að undanförnu.
Hallur.
*****************************************

Vesturland - 17. febrúar 1966

43. Árgangur 1966, 5. Tölublað, Blaðsíða 2

……………. Dagstjarnan kom hingað í síðustu viku með olíu og tók 100 lestir af síldarlýsi til útflutnings. Hér komu einnig Askja og Langá og lestuðu fiskimjöl og síldarmjöl. ………………….
FTH

*****************************************
Fiskiþing var haldið í febrúar 1966 og gefin út heljarmikil  skýrsla eftir fundinn eins og venjulega. Næstu daga fluttu dagblöðin úrdrætti skýrslunnar, sumir skýrsluna í heild, Og að auki fjölmargir einstaklingar skrifuðu um einstök atriði skýrslunnar í bland við óánægju með þetta og hitt og svo því sem hugvit greinarhöfunda um hvað hefði og mætti betur fara……….. eins og gera má ráð fyrir þá er í skýrslunni minnst á allt sem fiskveiðar snerti og ekki síður um síld og síldarflutninga. Ekki tel ég ástæðu til að sækja neitt í ofanrituð skrif. En bendi á að ef farið er inn á timarit.is  og skrifa þar í leitarstreng „Fiskiþing“ þá kemur allt á skjáinn sem fiskiþini við kemur.
Steingrímur Kristinsson

*****************************************

Vísir - 01. mars 1966

56. árgangur 1966, 50. Tölublað, Blaðsíða 9  „Úrdráttur úr viðtali við Sigurð Jónsson verksmiðjustjóra Keflavík“.

……………Hafið þið þá enga síld brætt á s.l. ári? — Ekki Faxasíld svo teljandi sé. En það var byrjað á því að flytja síld hingað á Faxaflóahafnir frá Austurlandi s.l. sumar. —
Gafst það fyrirkomulag vel? — Já, að mestu leyti. í fyrra var stofnað sérstakt félag sem Akurnesingar, Hafnfirðingar, Njarðvíkingar, Keflvíkingar og Sandgerðingar voru aðilar að.
Það leigði tvö síldarflutningaskip, sem voru stöðugt í förum af austursvæðinu og fluttu síldina til skiptis á viðkomandi Faxaflóahafnir. Þetta gaf á ýmsan hátt góða raun og myndaði starfsgrundvöll hjá verksmiðjunum á meðan flutningamir stóðu yfir, einkum síðari hluta sumars. Síldinni var dælt úr bátunum upp i skipin, en gallinn var sá að sömu dælur voru svo notaðar til að dæla úr síldarflutningaskipunum, og það var helzt til tafsamt. Þar verður að gripa til annarra ráða ef síldarflutningar halda áfram í áþekkri mynd milli landshluta. —

Og núna er loðnan komin í staðinn fyrir síldina?
— Já þetta er í rauninni ný atvinnugrein sem ekki hefur þekkzt áður í þessari mynd. En hvað sem því liður hefur loðnuvinnslan skapað aðal rekstrar grundvöll undir rekstur síldarverksmiðjanna á útmánuðum síðustu árin. Sérstaklega þó í fyrra og svo aftur núna. —

Hvenær kom fyrsta loðnan til vinnslu hjá ykkur í vetur? —

Þann 9. febrúar var henni fyrst landað hjá okkur og fjórum dögum síðar tók verksmiðjan til starfa. Hún kom viku fyrr upp að landinu £ ár heldur en í fyrra…………………………

**************************************

Vísir - 02. mars 1966

56. árgangur 1966, 51. Tölublað, Blaðsíða 6

Nýjar tolla reglur
…………………….. Tollskoðunin gekk sem sagt vel og enginn var stöðvaður eða tekinn. Hefði farþegi verið tekinn fyrir smygl hefði mátt færa slíkt í annála, því að eftir upplýsingum Eiríks tollvarðar þá hafa aðeins þrír farþegar verið teknir fyrir smygl í Reykjavík í þau 25 ár sem hann hefur verið tollvörður.

Fyrstu skipin komu inn í fyrrinótt, voru Dagstjarnan og Karlsefni, og voru þau afgreidd samkvæmt nýju reglugerðinni og voru skipsmenn ekki sérlega ánægðir. Fannst þeim hlutur sinn mikið skertur — að fá ekki að fara með meira en eina eða tvær flöskur (eftir lengd útivistar og miðast þar við 20 daga) af áfengi og eitt eða tvö karton af sígarettum og 48 bjórflöskur, það næði ekki nokkurri átt.
Einkum eru útgerðarmenn og skipstjórar uggandi, og reikna þeir með að erfiðleikar á að fá menn og halda mönnum batni ekki með þessu.
Gullfoss kom að utan á mánudagskvöld, rétt fyrir miðnætti og fór því „gegnum tollinn“ samkvæmt gömlu reglunum.
*********************************************

Alþýðublaðið - 03. mars 1966

46. árgangur 1966, 51. Tölublað, Blaðsíða 10

Hannes á horninu

EN ÞRÁTT FYRIR góða afkomu allra, sem þessar síldveiðar hafa stundað og stunda áfram, hvílir sá skuggi yfir, að verið gæti að ofveiði ætti sér stað, ef veiði þessi verður stunduð framvegis í enn ríkari mæli, á fleiri skipum og með meiri afsetnings möguleikum, sem gera má ráð fyrir, þar sem heyrst hefir að S.R. ætli að kaupa 2 síldarflutninga skip.
En meðal annarra orða: Ætli hefði nokkuð verið á móti því að S.R. hefði nú þegar átt þessi flutningaskip og fært t.d. verksmiðjunni á Skagaströnd nokkra farma til að hressa upp á atvinnu þar?

***************************************

Morgunblaðið - 12. mars 1966

53. árg., 1966, 59. tölublað, Blaðsíða 26

20 þús. málum af loðnu landað úr Síldinni

Í gær var unnið að því að landa loðnu úr síldarflutningaskipinu Síldinni, sem eins og kunnugt er, er í eigu Síldar- og fiskimjölsverksmiðjunnar að Kletti.
Síldin kom með loðnuna til Reykjavíkur í s.l. viku, og var farmurinn rúm 20 þús. mál. Hefur ekki gefizt tími til þess að losa úr skipinu fyrr en nú, vegna annríkis verksmiðjunnar. Var áætlað, að lokið yrði við affermingu skipsins í gærkveldi. Loðnan var fyrst flutt í verksmiðjuna að Kletti, en síðari hluta dags í gær var farið að landa henni í verksmiðjuna á Grandagarði

*********************************************

Ægir - 1966

59. Árgangur 1966, 6. Tölublað, Blaðsíða 109
(upplýsingar um bræðsluverksmiðjur og síldarflutninga)

Síldarflutningar. s.l. sumar 1965 fóru fram meiri flutningar a bræðslusíld með flutningaskipum til síldarverksmiðjanna á Norðurlandi, við Ísafjarðardjúp og Faxaflóa en nokkurntíma áður.
Alls voru flutt 572.047 mál, sem skiptast þannig á einstök flutningaskip og Verksmiðjur:

SR Seyðisfirði til Siglufjarðar með 4 flutningaskipum á vegum S. R... 44.730 mál
M/s Gulla, flutningaskip til Rauðku, Siglufirði; um…............................ 25.000 — Askita, flutningaskip Kveldúlfs h/f, Hjalteyri.......................................... 33.600 — /s Polana, tankskip til Krossanesverksmiðju, um.................................... 109.000 — /s Laura Terkol, tankskip til verksm. við Faxafl.......................................... 34.182 — /s Rubistar, tankskip til sildarv. á á Austfjörðum.......................................... 7.897 — /s Rubistar, tankskip til síldarv. við Faxaflóa............................................. 48.300 — /s Síldin, tankskip til Reykjavikur, 11 ferðir.............................................. 207.400 — s Dagstjarnan, tankskip (Þyrill) Bolungavíkur og Ísafjarðar …………… .. 61.938 —
Samtals 572.047 mál
***************************************
Ægir - 1966  1. apríl

59. Árgangur 1966, 6. Tölublað, Blaðsíða 101

Sveinn Benediktsson:
Síldarverksmiðjurnar á Norður- og Austurlandi 1965

https://timarit.is/page/4871131?iabr=on#page/n5/mode/2up/search/s%C3%ADldarflutninga/inflections/true

***************************************

Vesturland - 07. maí 1966

43. Árgangur 1966, 11.-12. Tölublað, Blaðsíða 2

……………………… Síldarflutningarskipið Dagstjarnan er nú í flokkunarviðgerð á lsafirði og er m.a. verið að setja í skipið nýjan löndunarbúnað þannig að greiðlegar gangi að landa úr skipinu en verið hefur. Er búizt við að Dagstjarnan fari á síldarmiðin í lok þessa mán aðar…………
FTH

***************************************

Morgunblaðið - 14. maí 1966

53. árg., 1966, 108. tölublað, Blaðsíða 32

SR kaupa skip til síldarflutninga

IINDANFARNAR vikur hafa staðið yfir samningar milli Síldarveksmiðju ríkisins og norska skipafélagsins AS. Odfjell í Bergen, að S.R. keyptu tankskipið m.s. „Lönn“, sem er að stærð 3700 D.W. tonn og getur lestað um 22000 mál síldar. Samningar um þessi kaup tókust í gær og verður skipið afhent Síldarveksmiðjum ríkisins í Hamborg eða Rotterdam um næstu mánaðamót. Gert er ráð fyrir að breytingar á skipinu taki um mánaðartíma og það geti hafið síMarflutninga í byrjun júlímánaðar. Skipið er byggt árið 1957 og fyrir mánuði var lokið á því 8 ára flokkun. Í tankskipinu er Burmeister Og Wain dieselvél og er ganghraðinn 11—12 sjómílur á klukku stund. Djúprista skipsins fullhlaðins er 18 fet og 9 þumlungar og lengd þess 100 metrar. Skipið er ætlað til flutninga á bræðslusíld frá síldveiðiflotanum á fjarlægum miðum til Síldarverksmiðja ríkisins.
**************************************

Við fengum þessa síld i gærkveldi, sagði Þorsteinn, á tímabilinu frá því klukkan um átta og fram til miðnættis- Áður höfð um við búmmað tvisvar sinnum, en þessi 1600 mál fengum við í fjórum köstum. Vorum á leiðinni á þann stað þar sem síldarleitar skipið Hafþór fann síld um daginn, en það er um eitt hundrað mílur lengra.

Þessi staður er ekki langt frá því þar sem Færeyingarnir voru að fá síld fyrir nokkru og þess má geta, að hér eru þó nokkur rússnesk veiðiskip. Þau virðast ekki vera við veiðar, þar sem engin veiðarfæri eru sjáanleg, heldur virðast þau vera að leita fyrir sér hér í kring. — Það má þá segja að þið nafnið komið beint í síldina?

— Já, það má segja það. Annars virðist síldin vera hér á nokkuð stóru svæði, en við getum ekkert aðhafzt núna vegna veðurs. Það er mikil rauðáta í síldinni sem við fengum núna og hún kom upp á allt að fimm föðmum. Ef veðrið skánar ekki núna og á næstu klukkustundum förum við með þennan afla til Eskifjarðar.

og búumst við að verða þar um hádegið á morgun. Sjómannadagurinn er svo á sunnudaginn og hann höldum við auðvitað hátíðlegan, en förum svo út aftur á mánudaginn. Blaðið hafði samband við frétta ritara sinn á Eskifirði, Kristján Sigurðsson, og sagði hann, að allt væri tilbúið til að taka við fyrstu síld sumarsins úr Jóni Kjartanssyni. Það er gamla bræðslan, sem er tilbúin, en verið er að koma upp nýrri bræðslu.

Undanfarnar vikur hafa staðið yfir samningar milli Síldarverksmiðju ríkisins og norska skipafélagsins A/S Odfjell í Bergen um að S.R. keyptu tankskipið m.s. „Lønn”, sem er að stærð 3700 D.W. tonn og getur lestað um 22000 mál síldar. Samningar um kaupin tókust í gær og verður skipið afhent S.R. í Hamborg eða Rotterdam um næstkomandi mánaðamót. Gert er ráð fyrir, að breytingar á skipinu taki um mánaðartíma og það geti hafið síldarflutninga í byrjun júlímánaðar. Skipið er byggt 1957 og fyrir mánuði síðan var lokið á því 8 ára flokkun. f skipinu er Burmeister og Wain dieselvél og er ganghraðinn 11 til 12 sjómílur á klukkustund. Djúp rista skipsins fullhlaðins er 18 fet og 9 þumlungar og lengd þess er 100 metrar. Skipið er( ætlað til flutninga á bræðslusíld frá síldveiðiflotanum á fjarlægum miðum til Síldarverk smiðja ríkisins á Norðurlandi.

Alþýðublaðið - 15. maí 1966

46. árgangur 1966, 109. Tölublað, Blaðsíða 4 

SR kaupir tankskip

Undanfarnar vikur hafa staðið yfir samningar milli Síldarverksmiðja ríkisins og norska skipa félagsins A.S. Odfjell í Bergen um að S.R. keyptu tankskipið m. s. „Lönn”, sem er að stærð 3700 D.W. tonn og getur lestað um 22000 mál síldar. Samningar um kaupin tókust í gær og verður skipið afhent S.R. í Hamborg eða Rotterdam um næstkomandi mánaðamót. Gert er ráð fyrir að breytingar á skipinu taki um mánaðartíma og það geti hafið síldarflutninga í byrjun júlí mánaðar. Skipið er byggt 1957 og fyrir mánuði síðan var lokið á því 8 ára flokkun. Djúprista skipsins" fullhlaðins er 18 fet og 9 þumlungar og lengd þess 100 metrar. Skipið er ætlað til flutninga á bræðslusíld frá síldveiðiflotanum á fjarlægum miðum til síldarverksmiðja ríkisins á Norðurlandi. í skipinu er Burmeister og Wain dieselvél og er ganghraðinn 11 til 12 sjómílur á klukkustund.

*************************************

„Fjármálaráðherra hefur tjáð mér, að brýna nauðsyn beri til að setja bráðabirgðalög um heimild fyrir ríkisstjórnina til að ábyrgjast lán fyrir Síldarverksmiðjur ríkisins til kaupa á skipi til síldarflutninga á hafnir norðanlands svo og til endurbóta á löndunartækjum verksmiðjanna o. fl. Fyrir því eru hér með sett bráðabirgðalög, samkvæmt 28. gr. stjórnarskrárinnar, á þessa leið:
1. gr. Ríkisstjórninni er heimilt að takast á hendur sjálfskuldarábyrgð á láni að upphæð allt að 52 milljón krónur, eða jafnvirði þess í erlendri mynt, sem Síldarverksmiðjur ríkisins munu taka til kaupa á síldarflutningaskipi og til endurbóta á löndunartækjum o. fl.
2. gr. Lög þessi öðlast þegar gildi".
*****************************************************
Neisti - 16. maí 1966  

34. árgangur 1966, 2. tölublað, Blaðsíða 2

S. R. kaupa tankskip til síldarflutninga
Síldarverksmiðjur ríkisins hafa fest kaup á tankskipi, m.s. Lønn frá Bergen, til síldarflutninga. Skipið verður einnig notað til lýsisflutninga og verður það afhent SR um næstu mánaðamót. M.s. Lönn er byggt í Haugasundi árið 1957, og er nú nýkomið úr 8 ára flokkunarviðgerð í Hollandi. Skipið er um 3700 lestir að stærð og getur flutt um 22 þúsund mál af síld auk nokkurs magns af brennsluolíu og vatni fyrir síldveiðiskipin. Það er 100 m á lengd 131/2 m á breidd og ristir fullhlaðið 5,7 m. 1 skipinu er 2100 hestafla vél frá Burmeister & Wain, en ganghraði skipsins er 11—12 mílur á klst. SR. munu yfirtaka skipið um næstu mánaðamót, og verður þá hafizt handa um að útbúa skipið til síldarflutninganna. í skipið verða settir tvær síldardælur til lestunar skipsins og kranalyftur til losunar. Búizt er við, að það verk muni taka um mánaðartíma, svo að skipið geti komið á síldarmiðin í byrjun júlímánaðar. Heimahöfn skipsins verður Siglufjörður

S.R. taka skip á leigu
Stjórn SR hefur samþykkt að heimila framkvæmdastj., Sigurði Jónssyni, að leigja tvö síldarflutningaskip, er lesti 4000—7000 mál hvort, enda verði skipin tilbúin að hefja síldarflutninga um miðjan júní n.k.

****************************************

Alþýðublaðið - 17. maí 1966

46. árgangur 1966, 110. Tölublað, Blaðsíða 5

Eitt mesta framfaratímabil í sögu íslenzkrar útgerðar
Ræða Eggerts G. Þorsteinssonar á Sjómannadag (þar minnst á síldarflutninga)
https://timarit.is/files/47080712#search=%22s%C3%ADldarflutninga%20s%C3%ADldarflutninga%22
******************************************   

Mjölnir - 17. maí 1966

29. árgangur 1966, 7. tölublað, Blaðsíða 1

……………………Atvinnumálin hefðu vafalaust átt að vera þar efst á blaði. Við hefðum þurft að ná samstöðu um raunhæfar aðgerðir í atvinnumálum, og síðan hefðu allir átt að leggjast á eitt að knýja þær fram. I fyrsta lagi hljótum við að krefjast þess, að þau atvinnutæki sem fyrir eru á staðnum séu nýtt til fulls, t. d. að hafnir verði síldarflutningar til Skagastrandar í stað þess að flytja síldina í stórum stíl til Faxaflóahafna, þar sem mestur skortur er á vinnuafli sem ganga gegn hagsmunum þeirra, eins og bezt sást í síldar verkfallinu í fyrrasumar. ………………….
******************************************

Einherji - 1966

35. árgangur 1966, 7. tölublað, Blaðsíða 4

SÍLDARFLUTNINGASKIP Þau góðu tíðindi hafa nú gerzt, að SR hafa fest kaup á tankskipi til síldarflutninga, sem tekur um 20 þús. mál. Þessi skip þyrftu að vera tvö, en þetta er góð byrjun til hráefnisaukningar síldarverksmiðjanna. Nú þarf Síldarútvegsnefnd að gera eins, kaupa hentugt og vel búið skip til flutninga á síld til söltunar. Reynslan af b/v Þorskabít í fyrra, þó lítil væri, sannar að þetta er hægt með góðum útbúnaði.

Einnig þarf að bjóða stærri síldveiðiskipum, sem geta komið með síld af fjarlægum miðum, svipaða greiðslu, pr. mál, fyrir flutninginn, og kostar að flytja síld með flutningaskipum. Þá eru miklar líkur til að stærri skipin komi hingað með síld af fjarlægari miðum. Síldarsaltendur í Siglufirði og nálægum síldarsöltunarstöðurn ættu að bindast samtökum til að hrinda þessu máli fram. Þó ég hafi nú aðeins minnzt á þrjú mál, sem varðar afkomu Siglfirðinga og bæjarfélagsins mjög ! mikið, eru málin mikið fleiri, sem þarf að marka skýra stefnu í og fylgja henni fram. Vísa ég til stefnuskrár okkar Framsóknarmanna hér á öðrum stað í blaðinu.

******************************************

Vísir - 24. maí 1966
56. árgangur 1966, 116. Tölublað, Blaðsíða 16

DAGSTJARNAN ENDURBÆTT FYRIR VERTÍÐINA
Um þessar mundir liggur síldarflutningaskipið Dagstjarnan hér í Reykjavíkurhöfn og er verið að gera á skipinu nokkrar lagfæringar undir síldarvertíðina i sumar.
Helzta nýmælið er það að færa legum gálga verður komið, fyrir yfir lestaropi og verður með honum hægt að halda uppi slöngunum, sem síldin fer eftir við losun og fermingu. Dagstjarnan er eign hlutafélags, sem að standa síldarverksmiðjurnar í Bolungarvík og á ísafirði. Það var áður olíuflutningaskipið Þyrill eins og kunnugt er.
Í fyrrasumar og fram til áramóta flutti I skipið um 62 þúsund mál af síld og auk þess eitthvað af olíu. Skipstjóri á Dagstjörnunni hefur verið Sigurður Þorsteinsson.

Lét hann hið bezta vfir útbúnaði skipsins til síldarflutninga. Með því sem nú væri verið að gera þyrfti enga krana við landanir. Dælan, sem dælir síldinni úr skipinu og í, er eins konar þrýstidæla, þ.e.a.s. sérstakar dælur dæla lofti úr slöngunum svo að loftþrýstingurinn þrýstir síldinni upp í þær og afköstin eru 3—600 mál á klst. Þannig er hægt að ná síldinni algjörlega óskemmdri um borð. Hins vegar skemmist hún í „sniglunum" sem flytja hana milli tanka í skipinu. Sigurður taldi lítil vandkvæði á því að hægt yrði að koma fyrir dælukerfi milli tanka í slíkum skipum og gera þannig unnt að koma síldinni óskemmdri á áfangastað. Um þetta hefði lítið verið hugsað, þar eð eingöngu hefði verið farið út í að flytja síld þannig til bræðslu.

— Í jan. í vetur fór Dagstjarnan til Skotlands til þess að ná þangað í kreðu, sem veiddist þá mikið af um þær mundir á Marinfirði við lestuðum þar 6500 mál úr meira en 100 bátum, sagði Sigurður. Það vakti athygli mína að í Skotlandi er aðeins ein síldarverksmiðja upp á 500 mál á sólarhring.

Kreðan fór til Bolungarvíkur, en löndunin gekk illa vegna veðráttunnar, svo að hráefnið varð meira og minna ónýtt. 

Má því segja, að ekki hafi beint tekizt vel til með þessa innflutningstilraun á fiski. En eftir því sem blaðið bezt veit er þetta fyrsti beini innflutningur á fiski sem hráefni. Sigurður mun taka við skipstjón á hinu nýja og glæsilega síldarflutningaskipi ríkisverksmiðjanna og fylgir honum nokkuð af mannskapnum af Dagstjönunni, en við henni tekur Bogi Ólafsson. ingforsháskóla fyrir 30. maí n.k.

Vísir - 25. júlí 1966

56. árgangur 1966, 166. Tölublað, Blaðsíða 1

FÉLL FYRIR BORÐ Í OFVIÐRINU OG DRUKKNAÐI
Sildarflutningaskip hallaðist ískyggilega
Í óveðrinu á laugardaginn áttu mörg skip á síldarmiðunum fyrir austan í erfiðleikum. Mörg skipanna leituðu vars við Jan Mayen, en önnur héldu til hafna. Þegar síldarflutningaskipið Askida, sem Hjalteyrar verksmiðjunnar hafa á leigu var á leið til lands með fullfermi af síld, varð það slys um 50 mílur norður af Raufarhöfn að einn skipverjanna féll fyrir borð og drukknaði.
Sneri skipið strax við til þess að leita hans og kall aði fleiri báta til aðstoðar, en leitin bar ekki árangur. Við þessa snúninga losnaði um yfirbreiðslur yfir lest skipsins en þær voru fullar af síld. Komst þá sjór í lestina og hallaði skipið ískyggilega, en þó tókst að rétta það við aftur og snúa upp í vindinn. Tveir síldarbátar komu strax á vettvang til þess að veita aðstoð ef með þyrfti, en auk þess sneri flutningaskipið Dagstjarnan við, en hún var á leið til Jan Mayen. En Askida rétti sig þó við af eigin rammleik og komst til Raufarhafnar í gær.
***********************************************

Þjóðviljinn - 26. júlí 1966

31. árgangur 1966, 164. tölublað, Blaðsíða 1

Féll útbyrðis og drukknaði
Í hvassviðrinu sl. laugardag varð það slys að einn skipverja af síldarflutningaskipinu Askida tók út er skipið var statt um 50 sjómílur út af Raufarhöfn og tókst ekki að bjarga manninum.

Skipinu var strax snúið er maðurinn féll útbyrðis en við það lagðist skipið á hliðina og komst sjór í lestamar sem voru fullar af síld og átti skipið í miklum erfiðleikum með að rétta sig við. Tvö síldveiðiskip, Hávarður frá Ísafirði og Ólafur Friðbertsson frá Súgandafirði komu strax á vettvang til þess að veita aðstoð ef með þyrfti og einnig kom síldarflutningaskipið Dagstjarnan til aðstoðar.

Tókst um síðir að rétta skipið við og biðu skipin átekta um nóttina meðan veðrið gekk yfir en héldu inn til Raufarhafnar á sunnudaginn. Lá Askida þar í gær og munu sjópróf vegna slyssins fara þar fram í dag. Askida er norskt skip sem síldarverksmiðjan .á Hjalteyri hefur á leigu til síldarflutninga. Skipverjinn sem drukknaði var hins vegar íslenzkur. frá Reykhúsum í Eyjafirði. Hann var 22 ára að aldri.
*******************************************

Tíminn - 14. ágúst 1966

50. árgangur 1966, 183. Tölublað, Blaðsíða 1

— Hve mikið getur það tekið?

— Með fullfermi tekur það 3200 tonn af síld og með þennan farm myndi skipið vera léttlestað.

— Hvernig er með móttöku síldarinnar úti á hafi?

— Skipið er með þrjár dælur, tvær amerískar vacumdælur og eina norska hydrostal-dælu. Hver vacuum-dæla afkastar um 60 tonnum á klukkust., en hydrostaldæluna hefur ekki gefizt tækifæri til þess að reyna enn þá, en hún á að geta afkastað feiknalega miklu sennilega um 200 tonnum á klukkustund.

— Hvernig hefur skipið reynzt í síldarflutningum til þessa?

— Skipið hefur reynzt mjög vel og einnig þau tæki, sem við höfum notað til þessa. Skipið er frekar erfitt til að halda því við í sjó, en ef fiskibátarnir hjálpa til og einhver báturinn, sem bíður eftir löndun, andæfir upp í með okkar skipi í slefi, þá höfum við fengið þá reynslu, að það er hægt að halda áfram að minnsta kosti svo lengi, sem fiskibátarnir geta verið að veðurs vegna.

— Mér þykir rétt að taka það fram, að við höfum aðstoðað bátana með vistir og vatn og einnig er ætlunin að geta framkvæmt smáviðgerðir um borð í okkar skipi fyrir bátana.

— Búizt þið við því að vera í síldarflutningum fram á haust?

— Já, á meðan síld fæst, en annars er hægt að breyta um með litlum fyrirvara og taka upp flutninga á hráolíu eða lýsi. En við skulum vona, að síldveiðin haldist sem lengst og að þetta skip fullnægi sem bezt því hlutverki, sem því er ætlað, þ. e. síldarflutningum.

— Hvernig er vistarverum og aðbúnaði skipverja háttað?

— Hvort tveggja verður að teljast með því bezta, sem hér þekkist. Áhöfnin, en hún  er 22 menn. Býr við óvenju góð skilyrði bæði hvað snertir hreinlæti og annað. Allir búa í eins manns klefum að undanteknum einum klefanum, þar búa tveir. Hvað snertir búnað skipsins frekar, þá er það að segja, að það er búið venjulegum siglingatækjum og uppfyllir aðrar slíkar kröfur, sem gerðar eru nú til dags.

— Hvernig er löndunarskilyrðum á síldinni í höfn farið?

— A því sviði er skipið búið fullkomnustu og fljótvirkustu tækjum sem nú þekkjast og hefur ekkert skip, sem annazt hefur síldarflutninga við Ísland verið búið slíkum tækjum til þessa. Skipið er útbúið þremur svokölluðum dönskum ryksugum sem hver um sig getur afkastað 100 tonnum á klukkustund. Skipið færir sjálft síldina frá borði að færibandi verksmiðjunnar og koma engin flutningatæki svo sem bílar þar nærri. Öll þessi tæki eru knúin með raforku frá skipinu sjálfu. Við fyrstu löndun reyndust þessi tæki í alla staði prýðilega. Hafnarskilyrði hér á Siglufirði hafa verið stórlega bætt að undanförnu og er nú auðvelt að leggjast hér að með þetta stóra skip, en svo var ekki áður.

— Og að lokum, Sigurður, er það eitthvað sérstakt, sem þú vildir segja um skip þitt?

— Já, mig langar til þess að taka það fram, að skipið virðist vera mjög skemmtilegt, gangmikið og gott í sjó og einnig má geta þess, að það er feikilega gaman að komast í snertingu við fiskimennina og fiskveiðarnar sjálfar, þannig að okkur finnst sem við séum að veiða líka.

Stefán Friðbjarnarson

Alþýðublaðið - 31. ágúst 1966

46. árgangur 1966, 195. Tölublað, Blaðsíða 2

LÁNUÐU RAFAL í HAFÖRNINN

Rvík, ÓTJ.
HUNDRAÐ kílóvatta rafall í eigu varnarliðsins, hefur bjargað tveggja til þriggja vikna síldveiði á Siglufirði. Hann var fenginn að láni þegar 150 kílóvatta rafall um borð í síldarflutningaskipinu Haferninum, bilaði.
Haförninn er notaður til þess að flytja síld frá bátum á hafi úti, til síldarverksmiðja ríkisins á Siglufirði.

Haft var samband við varnarliðið og það beðið um aðstoð til þess að skipið ekki stöðvaðist. Þegar leyfi var fengið frá yfirmönnum varnarliðsins var rafallinn fluttur norður á flutningabíl og settur í.
Þó að láns rafallinn sé töluvert minni en sá upprunalegi er afkastageta skipsins um 70 prósent af því sem áður var. Verið er að gera við þann sem bilaði, en hann var notaður til að knýja dæluna sem síldinni er dælt með.
************************************************

Tíminn - 31. ágúst 1966

50. árgangur 1966, 197. Tölublað, Blaðsíða 16

Síldarsaltendur á Djúpavogi, Breiðdalsvík og Stöðvarfirði óánægðir:
HAFA ENGA SÍLD FENGIÐ ÞRÁTT FYRIR MIKLA VEIÐI

ÞS—Djúpavogi, þriðjudag.

Síldarsaltendum og öðrum hér um slóðir finnst það alvarleg þróun, hve síldarflutningaskipin taka mikið síldarmagn á miðunum. I hrotunni um helgina kom t.d. engin engin síld til Djúpavogs, Breiðdalsvíkur og Stöðvarfjarðar, þótt skipin væru að veiðum tiltölulega skammt undan. Nokkur skip biðu allt að 8—10 klst eftir að losa í síldarflutninga skip, eða álíka tíma og það hefði tekið að sigla með síldina til framangreindra hafna. Svo virðist sem metnaður skipstjóranna sé að veiða sem mest magn og hafa sem bezta stöðu á síldarskýrslum, skaði þá sjálfa og síldarsaltendur því að þeir fá mun betra verð fyrir síldina í salt en bræðslu.

Er hér um að ræða mál sem nauðsynlegt er að taka afstöðu til og ræða, því að augljóst er, að það nær engri átt að síldarflutníngaskipin hafi heimild til að taka ótakmarkaða síld á meðan söltunarstöðvar fá enga síld til vinnslu.

************************************************
Tíminn - 31. ágúst 1966

50. árgangur 1966, 197. Tölublað, Blaðsíða 2

Varnarliðið hljóp undir bagga með síldarflutningaskipi
SJ-Reykjavík, þriðjudag.

Á fimmtudaginn i sl. viku bilaði 150 watta rafall í síldarflutningaskipinu Haförninn og fóru eigendur skipsins þess á leit við Varnarliðið í samráði við íslenzku ríkisstjórnina, að það léði því rafal í staðinn.
Samdægurs var sendur 100 watta rafall til Siglufjarðar, og starfar skipið nú með 70% afköstum, en rafall inn sem bilaði var notaður við dælurnar, sem skipið notar til lestunar, og losunar. Samkvæmt tilkynningu frá fréttaþjónustu NATO, er álitið, að skipið hefði stöðvazt í tvær til þrjár vikur, ef aðstoðar Varnar liðsins hefði ekki notið við.
***********************************************

Morgunblaðið - 04. september 1966

53. árg., 1966, 201. tölublað, Blaðsíða 32

Flutningarnir veita mikla atvinnu
Siglufirði 3. september.
SÍLDARFLUTNINGASKIP SR, Haförninn, hefur verið hér að losa síld af Austfjarðamiðum. Var skipið með 2500 tonn af síld, sem fóru til vinnslu í SR 46. Þetta er fjórði farmurinn, sem Haförninn kemur með í sumar, og hefur það veitt allt að 100 manns atvinnu.
— S.K.

***********************************************

Dagur - 10. september 1966

49. árgangur 1966, 63. tölublað, Blaðsíða 4

Nokkrar ályktanir kjördæmisþingsins á Laugum
Um framkvæmdaáætlun Norðurlands.

………………………. Um síldarflutninga.
Þingið leggur áherzlu á nauðsyn skipulegra síldarflutninga til þeirra síldarhafna á Norðurlandi, sem skortir hráefni. Leggur þingið sérstaka áherzlu á forgangsrétt Norðurlands í þessu efni, umfram ýmsa aðra landshluta. Þá telur þingið aðkallandi að gangskör verði gerð að því, að athuguð verði niðursuða og niðurlagning ýmissa sjávarafurða og bendir í því sambandi t. d. á framleiðslu á „kaviar“ úr grásleppuhrognum. Þingið leggur áherzlu á að gerð verði og framkvæmd áætlun um að ljúka uppbyggingu fyrirhugaðra fiski- og verzlunarhafna hér í kjördæminu, t.d. á næstu 5 árum. Telur þingið að ríkissjóður verði framvegis að greiða mun hærri hundraðshluta af framkvæmdakostnaði við hafnargerðir en hann gerir samkvæmt núgildandi hafnarlögum.
****************************************

Tíminn - 15. september 1966

50. árgangur 1966, 209. Tölublað, Blaðsíða 16

……………… SJ-Reykjavík, miðvikudag.

Meðan sérfræðingar hér fyrir sunnan bollaleggja framtíðarmöguleika Húnaflóasvæðisins svo nefnda, eru íbúarnir á Skaga strönd að missa alla von um að þar geti orðið lífvænlegt í framtíðinni. Menn bundu miklar vonir við síldarflutningana í sumar, ekki sízt, þar sem sagt var á framboðsfundum, að ráðamenn lofuðu að síld myndi verða flutt í sumar til verksmiðjunnar á Skagaströnd.

Síldarverksmiðjan var yfirfarin í sumar, og hefur undanfarið verið tilbúin til að taka á móti síld, en hingað til hefur ekki komið eitt einasta skip með síld………

*****************************************

Morgunblaðið - 18. september 1966

53. árg., 1966, 213. tölublað, Blaðsíða 15

Austurland - 04. nóvember 1966

16. árgangur 1966, 39. tölublað, Blaðsíða 1

Góð veiði, en stirðar gæftir

Síldveiði er enn mjög góð í Reyðarfjarðardýpi. Gæftir hafa hinsvegar verið mjög stirðar lengi, en það kemur lítt að sök, því bræðslunar hafa ekki undan að vinna úr því, sem að landi berst, og það þó síldarflutningaskipin Síldin og Haförninn haldi áfram að taka síld á miðunum. Það er ljóst, að enn vantar mikið á, að bræðslukostur sé nægur á Austurlandi. Bót er það í máli, að þegar nýju bræðslurnar á Seyðisfirði og Norðfirði taka til starfa, sem væntanlega verður að vori, eykst afkastagetan til mikilla muna.
**************************************

Morgunblaðið - 10. nóvember 1966

53. árg., 1966, 258. tölublað, Blaðsíða 25

Vandræðaástand í síldarverksmiðjum
vegna rafmagnsleysisins

RAFMAGNSLEYSI hrjáir nú síldarverksmiðjur á flestum fjörðum Austanlands, eins og kemur fram á öðrum stað í blaðinu. Eru báðar verksmiðjurnar á Seyðisfirði lokaðar af þessum sökum, og ein á hverjum hinna fjarðanna. Hefur þetta komið sér mjög illa fyrir verksmiðjurnar og ekki síður fyrir bátanna, sem ekki hafa getað landað af þessum sökum. 

Samkvæmt upplýsingum fréttaritara Mbl. á Seyðisfirði, Sveins Guðmundssonar, komu margir bátar þangað til hafnar með samtals um 2 þús. tonn síðdegis í fyrradag, en þá var búizt við að lokið yrði við vinnslu úr þróm síðari hluta dags í gær.

Klukkan 7 í gærmorgun var verksmiðjunum tilkynnt um að þær yrðu að hætta vinnslu vegna rafmagnsskorts, og er það fréttist ákváðu skipstjórarnir að leita annað með farma sína. Höfðu margir í hyggju að fara til Vopna fjarðar, en einnig ráðgerðu einhverjir að reyna að losa í Síldarflutníngaskipið Haförninn, sem lá í fyrradag út í Seyðisfirði.

Ekki var þá vitað, hvort af því hefði orðið, þar sem ekki var ljóst hvort skipið væri farið áleiðis til Siglufjarðar. Sveinn kvaðst hafa haft tal af Stefáni Erni framkvæmdastjóra SR á Seyðisfirði, og hefði hann tjáð sér að rafmagnstruflanir þessar myndu valda verksmiðjunum miklum vandræðum og hætt við að hráefni myndi súrna í tönkunum. Hann taldi á hinn bóginn ekki hættu að vélar myndu skemmast sökum frosta, þar sem, þar sem dieselvél væri í verksmiðjunni, og því hægt að halda gufu á kötlunum. Stefán sagði ennfremur að rafstöðin myndi láta sig vita kl. 9 árdegis í dag, hvort verksmiðjan mætti byrja bræðslu aftur, en hann sagði einnig, að ekki yrði hægt að taka á móti fyrr en um sólarhring eftir að þeir fengju rafmagnið. 

Síldarverksmiðja Hafsilfurs gat á hinn bóginn tekið á móti 1200 tonnum úr bátum, þar sem þrær þar voru ekki fullar. Svipað er ástandið á Eskifirði, þar var verksmiðjan lokuð, en á hinn bóginn munu engir bátar hafa komið þangað inn með afla eftir að verksmiðjan varð að hætta bræðslu. Á Neskaupstað höfðu allmargir bátar lent í rafmagnsleysinu, og höfðu nokkrir reynt að fara inn á aðra firði í von um að þar væri enn þróarrými, en margir biðu enn eftir að landa á Neskaupstað síðari hluta dags í gær.

***************************************

Alþýðublaðið - 11. nóvember 1966

46. árgangur 1966, 252. Tölublað, Blaðsíða 3

HAFÖRNINN FLUTTI 110 ÞÚSUND MÁL Í SEX FERDUM

Reykjavík, — EG.
Haförninn, síldarflutningaskip Síldarverksmiðja ríkisins, flutti í sumar samtals 110 þúsund mál af síld að austan og til Siglufjarðar. Var þetta magn flutt í sex ferðum. Komu þessa upplýsingar fram í ræðu Jóns Þorsteinssonar (A) í gær, er hann mælti fyrir nefndaráliti við 2. umræðu frumvarps til staðfestingar bráðabirgðalögum, sem gefin voru út í sumar vegna ríkisábyrgðar í sambandi við kaup á skipinu.

Jón sagði. að Haförninn væri stærsta síldarflutningaskipið í eigu Íslendinga og hefði það ásamt breytingum og búnaði kost að um 52 milljónir króna. Reksturskostnaður skipsins væri áætlaður um 70 þúsund krónur á dag að fyrningu meðtalinni. Þegar ekki er þörf fyrir síldarflutninga má nota Haförninn til að flytja síldarlýsi. Siglufjörður er eina síldarverksmiðju höfnin norðanlands þar sem skipið getur lagst fullhlaðið að bryggju, sagði Jón, og mætti segja, að Siglfirðingum veitti ekki af að sitja að því, meðan síldin héldi sig fyrir austan. en afkastageta síldarverksmiðjanna á Siglufirði væri geysilega mikil. 

Á hitt bæri þó einnig að líta, að aðrir staðir með hráefnalitlar síldarverksmiðjur ættu einnig heimtingu á, að þeim væri liðsinnt. Gat Jón síðan þess, að fyrirheit hefði verið gefið um síldar flutninga til Skagastrandar. en efndir á því orðið heldur slakar, því þangað hefðu aðeins komið tveir farmar, þegar langt hefði verið liðið á haust. Taldi Jón, að bezt yrði stuðlað að lausn atvinnumálanna á Skagaströnd með því að fá skip til að flytja síld þangað beint af miðunum. Jón Þorsteinsson lagði að lokum áherzlu á, að kappkosta bæri að efla síldarflutningana, sem hefðu ekki aðeins þýðingu fyrir þá staði, sem síldin væri flutt til, heldur fyrir sjávarútveginn í heild.
***************************************

Tíminn - 11. nóvember 1966

50. árgangur 1966, 258. Tölublað, Blaðsíða 15

Stórtap vegna rafmagnsskorts eystra

SJ-Reykjavík, fimmtudag.
Mikið vandræðaástand ríkir nú fyrir austan vegna sífelldra truflana á rafmagni. Síldarverksmiðjurnar á  veitusvæði Grímsárvirkjunar voru látnar stöðva rekstur sinn í gærmorgun, í annað sinn, og voru ekki komnar í gang aftur um kvöldmatarleytið í dag, en gert ráð fyrir að hægt yrði að hefja bræðslu aftur síðar í kvöld. Önnur nýja dísilvélin á Seyðisfirði var komin í gang í dag, en í nótt bilaði önnur 700 kílówattavélin á Norðfirði, en vonir standa til að fljótlega verði hægt að gera við þá bilun með því að nota stykki úr vélinni sem bilaði fyrir helgi!
Framkvæmdastjóri Síldarverk smiðja ríkisins á Seyðisfirði sagði að þetta væri afleitt ástand og hefði verksmiðjan tapað miklu magni af síld auk vinnslustöðvunar á þeim tíma sem allar þrær verksmiðjunnar væru fullar. Margit bátar, sem komu til Seyðisfjarðar í gær og í dag, snéru við og lönduðu hjá síldarverksmiðjunum á Vopnafirði, Bakkafirði og á Borgarfirði eystra í dag var lokið við að landa úr Haferninum á Siglufirði og mun hann halda aftur á miðin, Síldin er á leið suður með fullfermi.
***************************************

Morgunblaðið - 11. nóvember 1966

53. árg., 1966, 259. tölublað 

Siglufjörður, 10. nóv. SÍLDARFLUTNINGASKIP S.R. Haförninn losaði 1100 tonn síldar af Austfjarðarmiðum í gærkvöldi. Gekk yfirleitt vel að losa skipið þrátt fyrir mikið frost framan af.
Skipið heldur héðan á miðnætti í nótt á sömu slóðir. Ágætis veður er á Siglufirði í dag og frostleysa.
— Steingrímur.

***************************************

Alþýðublaðið - 11. nóvember 1966

46. árgangur 1966, 252. Tölublað, Blaðsíða 3

HAFÖRNINN FLUTTI 110 ÞÚSUND MÁLI Í SEX FERDUM

Reykjavík, — EG.
Haförninn, síldarflutningaskip Síldarverksmiðja ríkisins, flutti í sumar samtals 110 þúsund mál af síld að austan og til Siglufjarðar. Var þetta magn flutt í sex ferðum. Komu þessa upplýsingar fram í ræðu Jóns Þorsteinssonar (A) í gær, er hann mælti fyrir nefndar áliti við 2. umræðu frumvarps til staðfestingar bráðabirgðalögum, sem gefin voru út í sumar vegna ríkisábyrgðar í sambandi við kaup á skipinu.

Jón sagði. að Haförninn væri stærsta síldarflutningaskipið í eigu íslendinga og hefði það ásamt breytingum og búnaði kost að um 52 milljónir króna. Reksturskostnaður skipsins væri áætlaður um 70 þúsund krónur á dag að fyrningu meðtalinni. Þegar ekki er þörf fyrir síldarflutninga má nota Haförninn til að flytja síldarlýsi. Siglufjörður er eina síldarverksmiðjuhöfnin norðanlands þar sem skipið getur lagst fullhlaðið að bryggju, sagði Jón, og mætti segja, að Siglfirðingum veitti ekki af að sitja að því, meðan síldin héldi sig fyrir austan. en afkastageta síldarverksmiðjanna á Siglufirði væri geysilega mikil. 

Á hitt bæri þó einnig að líta, að aðrir staðir með hráefnalitlar síldarverksmiðjur ættu einnig heimtingu á, að þeim væri liðsinnt. Gat Jón síðan þess, að fyrirheit hefði verið gefið um síldar flutninga til Skagastrandar., en efndir á því orðið heldur slakar, því þangað hefðu aðeins komið tveir farmar, þegar langt hefði verið liðið á haust.
Taldi Jón, að bezt yrði stuðlað að lausn atvinnumálanna á Skagaströnd með því að fá skip til að flytja síld þangað beint af miðunum. Jón Þorsteinsson lagði að lokum áherzlu á, að kappkosta bæri að efla síldarflutningana, sem hefðu ekki aðeins þýðingu fyrir þá staði, sem síldin væri flutt til, heldur fyrir sjávarútveginn í heild.
******************************************

Mjölnir - 25. nóvember 1966

29. árgangur 1966, 13. tölublað, Blaðsíða 8

Kaupa Siglfirðingar skip til að flytja söltunarsíld?

Undanfarin síldarleysisár hefur margt verið ritað og rætt um, hvað gera megi til að bæta úr þeim margvíslega vanda, sem skapazt hefur, við það að síldin hefur fært sig á fjarlægari mið. Margar hugmyndir hafa komið fram, misjafnlega skynsamlegar eins og gengur og gerist, en litið hefur orðið úr framkvæmdum enda ekki skapazt einhugur um neitt sérstakt mál — neitt sérstakt stórútak í þessu efni. Ein hugmynd, um úrbætur i vandamálum Siglfirðinga, er sú, að útvega flutningaskip, sem gæti flutt tíu til tólf þúsund tunnur af ísaðri síld, láta það kaupa síld úti á fjarlægum miðum og flytja hana til söltunar á Siglufirði. Þessari hugmynd hefur verið að vaxið fylgi og er málið nú þegar komið á nokkurn rekspöl……………………
Grenin er talsvert lengri. Sækja má greinina Hérna: https://timarit.is/files/56444397#search=%22s%C3%ADldarflutninga%22
***************************************

Morgunblaðið - 18. desember 1966

53. árg., 1966, 291. tölublað, Blaðsíða 3
ÚR VERINU EFTIR EINAR SIGURÐSSON (hluti greinar)

Síldarútflutningur Norðmanna

………………..Það er gaman fyrir íslendinga, hvernig þeir urðu á undan frænd um okkar á Norðurlöndum að veiða síld með kraftblökk. Nú er nótinni, sem kunnugt er, kastað af síldarskipinu. Áður var hún höfð í nótabátum. Var það miklu mannfrekari og seinlegri aðferð. Íslendingar höfðu líka forystu með hliðarskrúfurnar og yfirleitt með smíði nýtízku síldarskipa.

Í fyrra, raunar var gerð tilraun árið áður, hófu íslendingar síldarflutninga í tankskipum með dæluútbúnaði til að taka síldina úr síldarbátunum á miðunum og jafnvel nótunum, þegar báturinn gat ekki rúmað kastið. Þetta gafst svo vel, sérstaklega hjá „Síldinni“, raunar líka hjá Dagstjörnunni, að 3ja síldarflutningaskipið var keypt til landsins í ár, Haförninn. Nú fyrst eru Norðmenn að fara af stað með slíka flutninga og hafa stofnað til þess hlutafélag með 25 millj. kr. (hlutafé). 

Á þessum tímum hins ritaða máls, útvarps og sjónvarps, hefur mörgu verið eytt í meiri óþarfa en þótt maður væri fenginn til þess að rita samtíma atvinnusögu þjóðarinnar og festa á segulband og filmu það, sem máli þætti skipta að varðveita sem mest óbrenglað fyrir seinni ómögulegt er að bæta, ef látið er hjá líða að halda því til haga jafnóðum og það fellur til.
***************************************

Neisti - 22. desember 1966

34. árgangur 1966, 4. tölublað, Blaðsíða 5

Verður keypt skip er flytji síld til Siglufjarðar til söltunar?

Á vegum síldarsaltenda í Siglufirði og bæjarstjórnarinnar er nú starfandi 5 manna nefnd, sem athugar möguleika á að stofna hlutafélag, til að kaupa og reka síldarflutninga er flytji síld hingað til söltunar af fjarlægum miðum.
Hlutafjársöfnun stendur nú yfir og er leitað fyrst til síldarsaltenda og þeim boðið forgangsréttur á 5% af söltunarsíld, sem skipið kann að flytja, gegn 75 þús. kr. hlutafjárframlagi. Fyrst í stað fær þó enginn einn síldarsaltandi að kaupa nema tvo hluti með þessum forréttindum. 'Neisti telur að þarna sé á ferðinni merkilegt málefni, er varði mjög afkomu bæjarfélagsins og Siglfirðinga, og hvetur til stórátaks þessu máli til stuðnings
****************************************

Dagur - 15. febrúar 1967

50. árgangur 1967, 12. tölublað, Blaðsíða 8

AFSKIPANIR GANGA GREIÐLEGA Raufarhöfn 14. febrúar. Afskipanir síldarafurða ganga nú betur en oftast áður. Haförninn kom hér nýlega og tók 1700 tonn af lýsi en var búinn að koma áður og tók þá fullfermi. Á síðasta hálfum mánuði hafa þrjú flutningaskip tekið hér síldarmjöl og eitt skip tók saltsíld. Efth- eru um 1000 tonn af mjöli og önnur 1000 tonn af lýsi. Lýsið tekur Haförninn í næstu ferð. Hér hefur þorrinn verið góður, og má kalla einmuna tíð. Lítið hefur verið róið, einkum vegna ógæfta. H. H.
*****************************************
Siglfirðingur - 08. maí 1967

40. árgangur 1967, 18. tölublað, Blaðsíða 6

Síldarflutningar Haförninn, hið nýja flutningaskip SR, gaf þá raun á sl. sumri, að búast má við stórauknum síldarflutningum til bræðslu hér á sumri komanda. Vaxin er úr grasi öflug hreyfing síldarsaltenda o.fl., um kaup á skipi til flutninga á síld til söltunar.
Verðuppbætur á síld er veiðiskip flytja af fjarlægum miðum á Norðurlands hafnir lofa og góðu, a.m.k. hvað snertir hin stærri síldveiðiskip. Kaup á Gylfanum, sem verður stærsta síldveiðiskip íslenzka síldveiðiflotans er einnig spor í rétta átt í þessu sambandi.
*****************************************

Morgunblaðið - 09. maí 1967

54. árg., 1967, 102. tölublað, Blaðsíða 12

Sveinn Benediktsson: Síldarverksmiðjurnar á Norður og Austurlandi 1966
Yfirgripsmikil grein eftir Svein Ben:

https://timarit.is/page/1384610?iabr=on#page/n11/mode/2up/search/dagstjarnan/inflections/true
******************************************

Mjölnir - 19. maí 1967

30. árgangur 1967, 8. tölublað, Blaðsíða 4

Verður síldarflutningaskipið komið fyrir vertíð 1968
Bráðabirgðastjórnin hefur sótt um fyrirgreiðslu og heimildir til bygginga á nýju skipi, 10—1100 smálestir, sem yrði tilbúið fyrir síldarvertíð 1968

Eins og áður hefur verið skýrt frá hér í blaðinu, var á sínum tíma kosin níu manna bráðabirgðastjórn í félaginu, sem hér var stofnað til kaupa á skipi til flutnings á söltunarsíld. Bráðabirgðastjórnin hefur staðið í sambandi við ríkisstjórnina og trúnaðarmenn hennar undanfarið, þá Jónas Haralz forstjóra Efnahagsstofnunarinnar og Þór Guðmundsson framkvæmdastjóra Atvinnujöfnunarsjóðs. 

Bráðabirgðastjórnin hefur í samráði við sérfróðra menn gert áætlun um rekstur skips, er væri í síldarflutningum þrjá mánuði ársins, en vöruflutningum í níu mánuði. Samkvæmt þeim er um ábatasaman rekstur að ræða, sem á að geta staðið vel undir sér. En aðalhagnaðurinn væri sá óbeini gróði, sem yrði af flutningi síldar hingað og söltun hennar hér. Stendur málið þannig í dag, að fyrir liggur hjá ráðherra umsókn stjórnarinnar um aðstoð til að láta byggja 11—1200 tonna skip, sem yrði tilbúið fyrir síldarvertíð 1968. 

Gert er ráð fyrir, að skipið með öllum útbúnaði kosti um 35 milljónir kr. Hefur stjórnin óskað eftir því við ráðherrann, að svar ríkisstjórnarinnar bærist fyrir næstu mánaðamót, því þá munu vera síðustu forvöð að semja um smíði skipsins, og mikil hætta á að það yrði ekki tilbúið fyrir vertíðina 1968, ef samningar drægjust lengur. Vinsamlegar undirtektir Er nú beðið eftir svari ríkisstjórnarinnar. Þess skal getið, að undirtektir fjármálaráðherra voru mjög vinsamlegar, og sama er að segja um þá trúnaðarmenn ríkisstjórnarinnar, sem um málið fjölluðu. Ýmsir munu vera bjartsýnir á framgang málsins, vegna loforða ríkisstjórnarinnar í sambandi við Framkvæmdaáætlun Norðurlands. Hvort sú bjartsýni reynist á rökum reist, verður skorið úr nú á næstunni, væntanlega fyrir eða um næstu mánaðamót, samkvæmt því, sem sagt var hér að framan.

************************************

Dagur - 30. maí 1967

50. árgangur 1967, 43. tölublað, Blaðsíða 6

Varla minnzl á síldarsöltun á Siglufirði

…………………S. R. mun hefja móttöku síldar nú um mánaðamótin og er þá gert ráð fyrir að flutningaskipið Haförninn fari strax á miðin til síldarflutninga. Allt er í óvissu með síldarsöltun og heyrist varla nokkur maður minnast á hana.
Nokkrar söltunarstöðvar munu þó vera tilbúnar að taka á móti síld, en lítið mun vera ráðið af fólki á stöðvarnar, að minnsta kosti enn sem komið er. Byrjað er að moka Skarðið og unnið báðum megin frá, á vöktum.
Geysilegur snjór er í Skarðinu, en talið líklegt að það muni opnast næstu daga……………
**********************************************
Mjölnir - 06. júní 1967

30. árgangur 1967, 11. tölublað, Blaðsíða 6

Sjómannadagurinn á Siglufirði.
……………..Eftir hádegi safnaðist fólk svo saman í Sundhöll Siglufjarðar og fór þar fram keppni í stakkasundi, og báru skipverjar af m.s. Haförninn sigur úr býtum. Knattspyrnukappleikur milli skipverja á Haferninum og starfsmanna Efrafalls s.e.f. fór fram á íþróttaleikvellinum og sigruðu Efrafallsmenn
**********************************************
Ægir - 1967   15. júní 1967

60. Árgangur 1967, 11. Tölublað, Blaðsíða 209

Síldarverð norðan- og austanlands

Verðlagsráð sjávarútvegsins og yfirnefnd þess hafa ákveðið eftirfarandi lágmarksverð á síld í bræðslu veiddri við Norður- og Austurland, þ. e. frá Rit norður um að Hornafirði, frá og með 1. júní til og með 31. júlí 1967. Hvert kg....................kr. 1.21

Verðið er miðað við, að síldin sé komin í löndunartæki verksmiðjanna, eða umhleðslutæki sérstakra síldarflutningaskipa, er flytji síldina til fjarlægjandi innlendra verksmiðja.
Heimilt er að greiða kr. 0.22 lægra verð á kg fyrir síld, sem tekin er úr veiðiskipi í flutningaskip utan hafna. 

Sé síldin ekki vegin, gilda eftirfarandi reglur:
a) Að því er snertir afhendingu síldar í síldarflutningaskipið Síldina, þá skal vera vigtað frá mælitækjum skipsins úr nægilega mörgum sturtum til þess að ganga úr skugga um hver meðalvigtin er á hverjum hektólítra síldar og skal vigt hektólítra vera reiknuð yfir í kíló og verð síldarinnar greitt eftir því, sem Verðlagsráð ákveður verð hennar per kíló á hverju verðlagstímabili fyrir bræðslusíld í flutningaskip.

b) Hvað snertir afhendingu í síldarflutningaskip S.R. Haförninn, þá mælist síldin í tönkum skipsins, í hektólítrum eftir hinum staðfestu töflum um rúmmál einstakra geyma þess, en til þess að finna hlutfallið á milli rúmmáls og vigtar, skal vigtað úr einum tanka skipsins. Skal kílóatalið sem þannig fæst úr hektólítra lagt til grundvallar fyrir mótteknu magni, sem greiðist eftir kílóafjölda með því verði, sem ákveðið hefur verið fyrir bræðslusíld í flutningaskip á því tímabili, sem lestun fer fram. c) Verði um önnur flutningaskip að ræða, skal önnur hvor framangreind regla gilda eftir því sem við á. Athuganir þessar skulu gerðar af löggildingarstofu voga og mælitækja við fyrstu ferð hvers skips á sumarsíldarvertíð, síðan við fyrstu ferð í ágúst og við fyrstu ferð í október.
Reykjavík, 31. maí 1967. Verðlagsráð sjávarútvegsins.

**********************************************
Vísir - 21. júní 1967

57. árgangur 1967, 138. Tölublað, Blaðsíða 16

Síldarflutningaskipið Haförninn komið á miðin
  — 13 skip með afla i nótt

13 skip tilkynntu um síldveiði í nótt, samtals 2290 lestir. Ágætis veður er á miðunum, en síldin stendur djúpt og er erfið viðfangs, Þær torfur, sem komu upp f kastfæri voru þykkar. Lítil hreyfing er á síldinni, en þó virðist hún hreyfast í vestur. Síldarflutningaskipið Haförninn kom á miðin í morgun, og mun ekki af veita, því að allt að eins og hálfs sólarhrings sigling er til hafna með aflann. Eftirtalin skip tilkynntu um afla í nótt: Gjafar 130 lestir (allar tölur eru miðaðar við lestir), Jörundur III. 300, Örn 290, Arnar 180, Guðrún 100, Auðunn 80. Höfrungur III. 180, Víkingur IlI Arnfirðingur 130, Hrafn Sveinbjörson, 220, Sigurður Jónsson 180, Ásþór 130 og Börkur 240.
**********************************************

Alþýðublaðið - 22. júní 1967

48. árgangur 1967, 203. Tölublað, Blaðsíða 3

…………….S.l. sólarhring tilkynntu 18 skip um aflamark, samtals 2.229 lestir. Veður var ágætt á miðunum, en síldin stóð djúpt. Síldarflutningaskipið Haförninn er kominn á miðin, en þangað er rúmlega sólarhrings sigling……………..

*************************************************
Vísir - 27. júní 1967

57. árgangur 1967, 143. Tölublað, Blaðsíða 16

Góð veiði 80 mílur suður af Jan Mayen
Tvö flutningaskip komin á miðin

Síld veiddist drjúgan síðasta sólarhring og höfðu 20 skip tilkynnt síldarleit um afla klukkan sjö f morgun, 4810 tonn. Flotinn heldur sig nú 60—80 mílur SSA af Jan Mayen. Þar eru síldarleitarskipin Ægir og Hafþór einnig og kanna síldargöngunnar. — Flutningaskip ríkisverksmiðjanna, Haförninn fór af miðunum með hálffermi og var í morgun á leið til Siglufjarðar, en Síldin, flutningaskip Reykjavikur verksmiðjanna var væntanleg á miðin i dag. — Stór flutningaskip koma nú æ meira til sögunnar við síldveiði okkar.

þar sem síldin virðist ætla að halda sig mikinn hluta ársins langa vegu frá landi. Tvö skip hafa að undanförnu leitað fyrir sér við Hjaltland og fengið þar einhvern afla, en þangað er mun styttri sigling en norður á þær slóðir, sem síldin hélzt á í byrjun vertíðar. Undanfarna daga hefur síldin verið nokkuð kyrrstæð á þessum slóðum suður af Jan Mayen, en hún stendur djúpt og erfitt reynist að ná henni í næturnar. 

— Oft kasta þeir daginn langan þar norður frá án þess að sjá svo mikið sem bröndu. Hins vegar fást oft góð köst þegar næst utan um torfu.
**********************************************

Tímarit Verkfræðingafélags Íslands - 1967

52. árgangur 1967, 1-6. tölublað, Blaðsíða 51

TÍMARIT V.F.l. 1967

UM SÍLDARFLUTNINGA

Haraldur Ásgeirsson, verkfræðingur

Tengill til greinarinnar, sem er mjög löng og ítarleg. Nokkrar blaðsíður.

https://timarit.is/page/5467721?iabr=on#page/n51/mode/2up/search/dagstjarnan/inflections/true
****************************************************

Alþýðublaðið - 28. júlí 1967

48. árgangur 1967, 168. Tölublað, Blaðsíða 2

Dauft hljóðið á Raufarhöfn

MJÖG er nú dauft yfir mönnum á Raufarhöfn þessa dagana. Veldur því bæði síldarleysi og leiðinda tíð. Blaðið hafði tal af fréttaritaranum á staðnum í gær og sagði hann allt atvinnulíf í dróma.
Síldarverksmiðjan hefur nú tekið við tæplega 20 þúsund lestum síldar til bræðslu það sem af er sumri.

Síldarflutningaskipið Haförninn kemur aldrei til Raufarhafnar og er því öll síldin úr skipum, sem hafa siglt til hafnar með afla sinn. Síldarsöltunarstöðvarnar eru reiðubúnar til að taka á móti síld til söltunar og hafa á launum nokkra menn til að hafa tryggan vinnukraft, þegar atið hefst.
Síldarstúlkur munu hins vegar ekki lífga upp á staðinn fyrr en síldarsöltun verður leyfð.
Í gær kom Stígandi frá Ólafsfirði til Raufarhafnar með slatta, sem allur fór í bræðslu.

***************************************

Vísir - 03. júlí 1967

57. árgangur 1967, 148. Tölublað, Blaðsíða 16

 Alþýðublaðið - 30. júlí 1967

48. árgangur 1967, 170. Tölublað, Blaðsíða 14

Haförn með fullfermi HAFÖRNINN kom í fyrrinótt úr fimmtu ferð sinni af síldarmiðunum til Siglufjarðar og er nú búinn að flytja þangað um 18 þúsund tonn alls. Ferðin á miðin tekur alls fimm sólarhringa og hafa flutningarnir gengið mjög vel, þótt leiðin sé löng. Haförninn hefur fært síldveiðiskipunum bæði vistir og olíu og má sem dæmi um gagnsemi þessara flutningaskipa, sem sækja síldina, að í ferðinni á undan seldi Haförninn síldveiðiflotanum 143 þúsund lítra af olíu
***************************************

Morgunblaðið - 30. júlí 1967

54. árg., 1967, 169. tölublað, Blaðsíða 32

Haförninn með fullfermi Siglufirði, 29. júlí. HAFÖRNINN kom inn í nótt með fullfermi síldar frá Jan Mayen, tæpar 3300 lestir.

Byrjað var að landa um hálf þrjúleytið í nótt og lýkur væntanlega um kl. 10—11 í kvöld. Síldin fer öll í vinnslu hjá Síldarverksmiðjum ríkisins á Siglufirði.

í gærkvöldi fréttist um allmikla síldveiði norður undir Svalbarða og var vitað að Haförninn, síldartöku skip ríkisverksmiðjanna hafði fengið fullfermi úr veiðiskipunum og búið var að tilkynna um 700 tonn í flutningaskipið Síldina. Líklega hafa bátarnir fengið þennan afla í gær og eitthvað í fyrradag, en erfitt er að ná talstöðvarsambandi við þá vegna vega lengdarinnar, sem orðin er meira en 800 mílur frá Austfjörðum. Jón Kjartansson tilkynnti um 250 lestir, sem hann fékk í Norðursjó og sigldi með til Þýzkalands. Þar eru enn þá fimm eða sex íslenzk skip að veiðum og eitthvað mun vera þar af síld, en erfitt er að fá fréttir þaðan.
***************************************
Vísir - 04. ágúst 1967

57. árgangur 1967, 176. Tölublað, Blaðsíða 1

Góð veiði við SVALBARÐA Síldartökuskipið Haförninn með fullfermi og 700 tonn i Síldina
***************************************
Alþýðublaðið - 05. ágúst 1967

48. árgangur 1967, 174. Tölublað, Blaðsíða 2

Góður afli 800 mílur frá landinu undanfarna tvo sólarhringa hefur afli síldveiðiskipanna verið' góður. Ekki hefur frétzt um afla einstakra skipa, enda eigi unnt að ná talstöðvarsambandi við þau, þar sem aðalveiði svæðið er um 50 mílur suð vestur af suðurodda Spitzbergen, en frá þeim stað eru um 800 sjómílur til Dalatanga, f gærmorgun voru síldarflutningaskipin Haförninn og Síldin búin að fá fullfermi eða samtals 6000 1. Þá var kunnugt um að JónKjartansson frá Eskifirði hafði fengið 250 lestir í Norðursjó.
***************************************
Morgunblaðið - 05. ágúst 1967

54. árg., 1967, 174. tölublað, Blaðsíða 3

Síldveiðin 800 mílur frá landi

Í SÍLDARFRÉTTUM frá LÍÚ, sem Morgunblaðinu bárust í gær, segir að Haförninn og Síldin séu á leið til lands með fullfermi. Sl. sólarhring var góður afli hjá síldveiðiskipunum, 50 mílur SV. af suðurodda Spitzbergen. Frá þeim stað og að Dalatanga eru um 800 sjómílur. Ekki hafði frétzt um afla einstakra skipa, þar eð eigi er unnt að hafa tálstöðvarsamband við þau, en í morgun var búið að tilkynna um fullfermi í flutningaskipin Haförninn og Síldina um 6000 lestir. Þá var kunnugt um að Jón Kjartansson SU. hafði fengið 250 lestir í Norðursjó.
***************************************
Vísir - 08. ágúst 1967

57. árgangur 1967, 178. Tölublað, Blaðsíða 16

SÍLDARHROTA VIÐ SVALBARÐA
YFIR HELGINA

30 skip með 430 lestir hvert að meðaltali

VERZLUNARMANNAHIELGIN var gjöful á fleira en góða skemmtun að þessu sinni. Rúmar átta hundruð mílur norður í hafi, eða norður undir suðurodda Svalbarða, hafa síldarskipin verið í mokveiði þessa daga og mörg þeirra fengu tvisvar sinnum fullfermi. Bæði síldartökuskipin eru á landleið með fullfermi. Haförninn var væntanlegur til Siglufjarðar í dag og Síldin lagði af stað frá miðunum fyrir stuttu. Auk þess eru flest veiðiskipanna á landleið, en fá skip eru nú á miðunum þar norður frá. 

— Aflinn, sem fékkst í þessari helgarhrotu, var samtals hátt í þrettán þúsund tonn hjá 30 skipum eða að meðaltali nær 430 lestir á hvert skip. Þetta er mjög góður afli miðað við hversu fá skip eru að veiðum þar nyrðra, en það eru einungis allra stærstu síldveiðiskipin. Síldarleitinni hefur reynzt erfitt að ná sambandi við skipin á þessum slóðum. Sem dæmi um þessa örðugleika má nefna það, að síldarleitin á Dalatanga þurfti nauðsynlega að ná sambandi við Gullver NK, sem staddur var norður undir Svalbarða í morgun varð þá fyrst að kalla uppi síldarleitarskipið Snæfugl, sem statt var við Jan Mayen, en það kallaði upp skip, sem var á hafinu milli Jan Mayen og Svalbarða og þaðan náðist loks samband við Gullver á miðunum og báru skipin síðan skilaboðin á milli. Lítið hefur frétzt af þeim fáu skipum sem stunda veiðarnar í Norðursjó, en í morgun heyrðist í þeim norður af Hanstholm í Danmörku. 

— Sum skipanna, sem þar eru hafa ekki komið til landsins í margar vikur, enda landa þeir aflanum ýmist í Þýzkalandi, á Hjaltlandi eða f Færeyjum. Skrá yfir skipin, sem tilkynntu um afla yfir helgina fer hér á eftir: Laugardagur. Hannes Hafstein 500, Dagfari 500, Ásbjörn 280, Ásberg 300, Náttfari 280, Ljósfari 550. Samtals 2410. Sunnudagur. Sig. Bjarnason 350, Hafrún 420, Guðrún Guðlaugsd. 500, Örn 550, Jón Garðar 580, Margrét 370, Náttfari 250, Helgi Flóventsson 220, Héðinn 530, Arnar 340, Magnús Ólafsson 460, Siglfirðingur 315, Sigurborg 220, Björgúlfur 350, Hannes Hafstein 250, Guðrún Þorkelsdóttir 400, Sléttanes 530, Bjartur 400.
Samtals 7035 lestir.

Mánudagur. Fylkir 750, Helga Guðmundsd. 450, Fífill 320, Kristján Valgeir 360. Helga II 300, Sigurvon 210 Guðbjörg ÍS 750. Gunnar 250. Samtals 3390 lestir. Alls er þá aflinn yfir helgina 12.835 lestir hjá þrjátíu skipum eða nærri 430 lestir á skip að meðaltali.
***************************************
Morgunblaðið - 11. ágúst 1967

54. árg., 1967, 178. tölublað, Blaðsíða 28

2 skipverjar á Haferninum meiddust —
Og skipið laskaðist er verið var að ferma síld á miðunum.

Siglufirði, 10. ágúst. HAFÖRNINN losaði hér í gær 3300 tonn síldar af Svalbarðamiðum. Erfiðlega gekk að losa síðustu veiðiskipin vegna óhagstæðs veðurs á miðunum. Meðal annars varð Haförninn fyrir nokkrum skemmdum af völdum þess.

T.d. urðu miklar skemmdir á handriðum á dekki, er um 30— 40 metra löngum kafla stjórnborðsmegin sópaði af. Einnig brotnuðu tvö kýraugu á setustofu um borð, sjór flæddi um stofu, matsal og ganga með þeim afleiðingum, að skilrúmsveggur milli setustofu og gangs brast, og fleira gekk úr skorðum. Tveir hásetar meiddust lítillega er sjór tók þá og henti þeim undir göngubrú. 8—9 vind stig voru, mikill sjór og snjókoma.

Alls hefur Haförninn á þessari vertíð farið sjö ferðir, á miðin og flutt á land síld til SR á Siglufirði 20.700 tonn.
— Steingrímur.
*****************************************

Morgunblaðið - 13. ágúst 1967

54. árg., 1967, 180. tölublað, Blaðsíða 32

Síldin færist nær landinu
  — Sæmileg síldveiði í fyrrinótt SÆMILEG síldveiði var á miðunum suðvestur af Svalbarða á föstudag og í fyrrinótt, samkvæmt upplýsingum Síldarleitar innar á Dalatanga, en til lands er um 800 sjómílna stím. Síldin hefur þó færzt nær íslandi eða um 80 mílur síðustu þrjá sólarhringa. Fá skip voru að veiðum í gær, en skip sem boðað höfðu ,.löndun“ í Haförninn höfðu til samans afla, sem fylla mun skipið. Nokkur skip voru og að leggja af stað til lands. Mörg skip komu til lands í síðastliðinni viku og mun það orsök þess, hversu fá eru nú á miðunum. Ekki hafði Síldarleitin á takteinum tölur um fjölda skipanna.
***************************************
Morgunblaðið - 24. ágúst 1967