Horfin hús 2

Ljósmynd: Steingrímur Kristinsson

Siglufjörður er líklega það bæjarfélag á Íslandi sem útlitslega hefur breyst mest. Það sem við sjáum með okkar fullorðnu augum í dag er eitthvað svo ótrúlega mikið öðruvísi en það sem við ólumst upp við. Reykjavík hefur vissulega breyst mikið en þær breytingar snúast mest um að borgin hefur stækkað í allar áttir.
Á Siglufirði eru horfin hús, verksmiðjur, brakkar og bryggjur óteljandi og mest lítið hefur fyllt upp í auðu sárin í bæjarskipulags myndinni.

Það sem hefur þó komið í staðin er samt fallegt og passar vel inn í ímynd og sögu Siglufjarðar.

Í seinni hlutanum förum við víða um völl og höldum áfram að kíkja á myndir úr horfnum æskuheimi. Við förum t.d. niður á Hafnarbryggju, útí Bakka, framá fjörð og svo förum við yfrum í lokin. Myndirnar og myndaskýringa textar tala sínu eigin máli.

HAFNARBRYGGJA, GRÁNA, RAUÐKA OG SLIPPURINN…

… og allt þar um kring hafa orðið gríðarlegar breytingar þar sem stórar og miklar byggingar hafa horfið og orðið tímans tönn að bráð.

Tjarnargata og Hafnarbryggjan. Mörg horfin hús á þessari mynd
Ljósmynd: Steingrímur Kristinsson

Hafnarhúsið og
Ljósmynd: Steingrímur Kristinsson

Tunnufarmurinn er hærri en sjálft Hafnarhúsið.
Ljósmynd: Kristfinnur Guðjónsson. 

Hafnarhúsið illa leikið eftir óveður veturinn 1966. Það var stundum kallað Skagfirðingaveðrið, vegna þess að þorrablót Skagfirðinga var eða átti að halda þegar þetta veður skall á.
Ljósmynd: Steingrímur Kristinsson

Ljósmynd: Steingrímur Kristinsson

Hafnarbryggjan   (Valbjörn Steingrímsson í kerrunni)
Ljósmynd: Steingrímur Kristinsson

Gránufélagshúsið (GOOS-húsið) þegar það var uppá sitt besta.
Ljósmynd: Snorri Stefánsson. 

Grána og strompurinn frægi.
Ljósmynd: Ólafur Thorarensen. 

Grána.
Ljósmynd: Kristfinnur Guðjónsson. 

Gráunfélagsbrakkinn. Ljósmyndari óþekktur. 

Rauðkusvæðið séð frá Tjarnargötu
Ljósmynd: Steingrímur Kristinsson

Rauðkusvæðið séð frá  bílkrana toppi (F-77)
Ljósmynd: Steingrímur Kristinsson

Gamla Slippstöðin. Flóabáturinn Drangur, uppi í slippnum
Ljósmynd: Steingrímur Kristinsson 

Slippurinn og nágrenni, það mesta er nú horfið undir sjávarvarnargarða og uppfyllingar.
Séð frá  bílkrana toppi (F-77)
Ljósmynd: Steingrímur Kristinsson 

Við Slippinn.
Ljósmynd: Steingrímur Kristinsson
-----------------------------------

SR SVÆÐIÐ…

… og allt það umhverfi hefur breyst mikið.

SR verksmiðjur og bryggjur
Ljósmynd: Steingrímur Kristinsson 

SR Löndunarkranar og síldarplön í bakgrunninum
Ljósmynd: Steingrímur Kristinsson 

SR bræðsluverksmiðja
Ljósmynd: Steingrímur Kristinsson 

TÚNGATA OG NÁGRENNI

17 Júní skrúðganga á Túngötunni.
Ljósmynd: Kristfinnur Guðjónsson 

Norður hluti Túngötu við gatnamót Ránargötu.
Ljósmynd: Steingrímur Kristinsson

Ásgeirsbrakkinn við Túngötu 4#.
Ljósmynd: Hjörtur Karlsson 

Túngata 22, verið er að rífa húsið, eftir lát Jóns Víglundssonar sem þar bjó lengst af með móður sinni
Ljósmynd: Steingrímur Kristinsson

Upplýsingar frá Helgu Ottósdóttur: Þessa mynd tók Jón Kristján móðurbróðir minn þegar hann var í sinni árlegu sumarheimsókn til mömmu sinnar ( ömmu Jónu) líklega ‘55 eða ‘56 Ég, vel uppfærð og glaðhlakkanleg í fínum “skoskum” heimasaumuðum kjól (eftir mömmu) með slaufu í ljósu hárinu. Mér þykir vænt um þessa mynd, kannski vegna þess að ég man eftir þessu. Ég sný baki í húsin sem stóðu fyrir norðan okkar hús i Túngötu 20. Ég er næstum viss um að ekki eru til margar myndir af þessum húsum, sem nú eru löngu horfin í tímans vél. Í hvíta húsinu í bakgrunninum bjó Jón Víglundsson ásamt móður sinni Maríu.

Jóakim Ottósson með nýju gormabindinga skíðin, stendur á hlaðinu bakatil við Túngötu 20. Í baksýn er gamla góða Alþýðuhúsið. Það var oft á snjóþungum vetrum rennt sér á skíðum eða sleðum ofan af þaki hússins. Myndin er líklega síðan 1958 -59. Ljósmyndari óþekktur. Upplýsingar og ljósmynd lánuð frá Helgu Ottósdóttur. 

Rétt fyrir ofan gatnamótin Túngata/Þormóðsgata, stóð þetta stóra hús, oft kallað Sölvahús í denn og fékk fótbolta frá gamla Malarvellinum í andlitið alla daga sumarsins.
Ljósmynd: Steingrímur Kristinsson.

Stóra húsið Hólakot til hægri stendur enn. Pistlahöfundur man ekki hvort að þetta hús var skráð á Hvanneyrarbrautina eða Þormóðsgötuna? Viðbótarupplýsingar frá Jóni Karlssyni. “Myndin af Sölvahúsi, þar sem afi minn og sonur hans Björn bjuggu var Þormóðsgata 18.“

Gatnamótin Túngata/Ránargata.
Ljósmynd: Steingrímur Kristinsson

Fremst á myndinni var fyrsta aðsetur Vélaverkstæði Jóns og ErlIngs.
Síðar íbúðarhús þar sem Guðjón Jóhannsson vélsmiður og kona hans Valgerður Halldórsdóttir búa í dag.
Húsið þar fyrir norðan var ma. áður heimili Björns Einarssonar og Steinunnar konu hans og fjölskyldu, en í dag bílageymsla Sigurður Jónssonar Eyri.  Ómálaða steinhúsið sem sést þar aðeins ofar og norðar byggði Kristinn Guðmundsson útvarpsvirki árið 1933 - þar fæddist Steingrímur Kristinsson árið 1934
Hvíta húsið ár fyrir sunnan hafa margir búið. Sæmundur Dúason, Emel Andersen, Björn Einarsson, síðast minnir mig var þar sunnan við er hús sem nefnt var Kambur
Stóra fallega Fógetahúsið með tilheyrandi túni í bakgrunninum. Þar fyrir ofan, horfið hús sem bæði kindur, svín og kýr nutu dvalar á efri hæð, skíta úrgangur dýranna var á neðri hæðinni.
Síðar var þar Netaverkstæði Jóns Jóhannssonar  (Jón halti - Jón neta) 

Bæjarfógetahúsið, heimili fógeta og skrifstofa.
Ljósmynd: Steingrímur Kristinsson

Hvanneyrarkrókurinn Gamli "Lúuskurinn" (kölluðu guttarnir í Villimannahverfinu)
Ljósmynd: Steingrímur Kristinsson

Síðar bílaverkstæði og smurstöð. "Villimannasvæðið" Bakksvæðið við Hvanneyrarkrókinn og út með strönd

Á leiðinni útí Bakka fórum við framhjá gamla Sjúkrahúsinu
Ljósmynd: Steingrímur Kristinsson

Bakki. ATH. takið eftir veg í fjallinu upp að gamalli grjótnámu.
Þar fyrir neðan svínabú og minkabú. - Lengst til vinstri á myndinni eru tvö lítil hús sem Friðrik Stefánsson byggði, minna húsið var flutt í heilu lagi sem sumarbústaður (ekki á Sigló)  Hitt stendur enn mikið breitt og stækkað við Hvanneyrarbraut 65. Næst fyrir norðan er húsið við Hvanneyrarbraut 66 sem í dag er "sumarhús"
Þar fyrir norðan er húsið BAKKI og þar neðar brakkinn sem einu sinni var í eigu Óskars Halldórssonar og Íshúsið þar norðan við. Þar ofan við er húsið sem Axelína byggði.
Ljósmyndari: Kristfinnur Guðjónsson. 

Upplýsingar frá Steingrími Kristins: Brennandi hús í Bakka
Ljósmynd: Steingrímur Kristinsson
Þar var áður verbúð söltunarstöðvar Óskars Halldórssonar. Þarna hóf ég minn fjölskyldu búskap árið1956 -
Á þeim tíma bjuggu þar Þorsteinn Aðalbjörnsson og fjsk. og Sæmundur Dúason og frú  á efri hæðinni. Á neðri hæð bjuggu Baldvin Jóhannsson og fjsk. í norðurenda, og ég sk í suðurenda, ég leigði hjá Helga Kristjánssyni sem hafði flutt suður.
Húsið var notað til brunaæfingar af "brunaliði" Siglufjarðar árið 1984 og brennt til kaldra kola. Á þeim tíma hafði brim smátt og smátt brotið niður stóra steinbryggju, og sjór hafði oft eftir það, skvetst inn í kjarann.

Íshúsið í Bakka
Ljósmynd: Steingrímur Kristinsson

Fjárhúsahverfi.
Ljósmynd: Steingrímur Kristinsson. 

Byggingarvinna við hitaveitutanka, fjárhús og Brekkuhverfið í bakgrunninum.
Ljósmynd: Steingrímur Kristinsson. 

Fjárhús eftir snjóflóð, og í vinstra horni neðst, húsið hennar Stínu á Túninu, en hún og dóttir hennar bjuggu bókstaflega á túninu, því það lá lengi vel engin gata að húsinu.
Tilheyrir samt miðjuhlutanum af Hávegi.
Ljósmynd: Steingrímur Kristinsson. 

Sjá fleiri myndir og sögur frá þessum bæjarhluta hér:

GÖNGUTÚR UM HEIMAHAGA. 3 hluti, ÖMMUR
sksiglo.is | Greinar | 10.03.2017 | Jón Ólafur Björgvinsson 

UNDIR HAFNARGÖTUBAKKA OG FRAM Á FIRÐI…

… hefur margt og mikið breyst og þarna undir bakkanum voru líka langstærstu síldarplönin, stundum spiluðum við fótbolta þarna snemma á vorin. Snjórinn bráðnaði oftast fyrst á þessum risastóru plönum.

Bryggju-knattspyrna á eyrinni við Söltunarstöð Kristins Halldórs.
Ljósmynd: Þórdís Jóhannesdóttir

NÖF. Mörg horfin hús hér. Á milli húsanna sést í lítinn kofa á horni á Suðurgötu og Hafnargötu.
Þetta gæti verið vinnuskúr sem langafi minn Sigurður í Leyningi byggði.
Ljósmyndari óþekktur. 

Síldarplan Skafta á Nöf var stórt og mikið og plönin þar sunnan við enn þá stærri.
Ljósmynd: Steingrímur Kristinsson.

Söltunarstöðin Nöf og bryggjur.
Ljósmynd: Steingrímur Kristinsson.

Ísfirðingaplan og Landmarkshúsið stóra í bakgrunninum
Ljósmynd: Steingrímur Kristinsson.

Landmarkshúsið stendur enn á sama stað við Hafnargötuna.
Ljósmyndari óþekktur. 

Séð framá fjörð. Skreiðarhjallar og heysátur í bakgrunninum.
Hafnartún 2-6 til í byggingu (myndin er líklega tekin sumarið 1966)
og þar sunnan við hesthús/fjárhús Helga Dan og stórir tunnustaflar undir Hafnargötu bakkanum
Ljósmynd: Steingrímur Kristinsson.

Hafnartún 2-6, fyrir framan nr. 6 sem í nóvember 1967
verður heimili pistlahöfundar, stendur gamli Gráni Hrímnis vörubíllinn
Ljósmynd: Steingrímur Kristinsson.

Snorragata. Svarti skúrinn og stóra horfna
“Beinið,” sem lagðist á hliðina í miklum vetrarstormi í bakgrunninum.
Ljósmynd: Steingrímur Kristinsson.

Leikskálar.
Margir eiga sér skemmtilegar barnæskuminningar tengdum þessu húsi sem hvarf í stóru snjóflóði. Ljósmynd: Ljósmynd: Kristfinnur Guðjónsson 

Skíðaborg.
Skíðaskáli Nýja félagsins og var hann norðan og ofan við Steinaflati, en seinna sameinaðist Nýja og Gamla félagið í Skíðafélagið Skíðaborg Siglufirði.
Óskar Sveinsson teiknaði húsið, og var byggt af sjálfboðaliðum þ.m. Helga Sveinssyni og fl.
Húsið fauk seinna af grunninum og eyðilagst af þeim sökum.
Ljósmynd: Haraldur Sigurðsson. 

Slysavarnaskýlið í Siglufjarðar skarði.
Ljósmynd: Steingrímur Kristinsson.

Í forgrunninum sjáum við Skútu sveitabæinn, gamla skátaheimilið lengst til vinstri og í bakgrunninum þil sem marka byrjun Leirutanga og þar á sama stað mótar fyrir gamalli bryggjueyju sem var kallað Annleggið.
Ljósmynd: Kristfinnur Guðjónsson. 

Árós.
Bústaður Magga á Ásnum. í bakgrunninum nótabátar, reiðvöllur hestamanna og hús Nörgaard
Ljósmynd: Steingrímur Kristinsson.

Þetta er hús og bú Aage Nörgaard, verkamaður við virki sitt Norðurgarður á Siglufirði, hús hans í bakgrunni.
Takið eftir einkennilegu formi hússins, sem hann kveikti í þegar hann flutti heim til Danmerkur.
En bænum var boðið að kaupa eignina, sem var afþakkað.
Þessi maður var dugnaðarforkur, vann hjá SR, seldi hænuegg, kjúklinga og ýmsa garðávexti.
Ljósmynd: Kristfinnur Guðjónsson 

Aage Nörgaard við garðræktar múrinn sinn og hús.
Allt þetta byggði hann sjálfur, einhentur maðurinn.
Ljósmynd: Kristfinnur Guðjónsson  

Sagan segir að einhver málaferli hafi orðið út af þessari íkveikju á eigin eign og að þessi maður hafi málað heilmikið níð um Ísland á húsgaflinn hjá sér úti í Danmörku. Hann mun einnig hafa skrifað sérkennilega þéttskrifað þakklætis “dulmáls bréf” sem hann sendi til Magga á Ásnum, vinar síns og fyrrverandi nágranna.

Frábærlega vel hannað hús við Hafnargötu 4. það er bæði Siglfirskt og Skandinavískt. Það er eins og að þetta hús hafi alltaf staðið þarna. Ljósmyndari: Jón Ólafur Björgvinsson.