Árið 1936 - Fréttir

Verksmiðjustjórnin er réttur aðili í því máli sem hér er um að ræða og óska ég því að mér verði haldið utan við þær deilur, er um það kunna að verða.

Gísli Halldórsson.

----------------------------------------------------------------------------

Neisti, 3. júní 1936 

Kolaskip er nú að losa hér til Ríkisverksmiðjunar, en losar ekki nema lítið af farminum hér. Héðan fer skipið til Raufarhafnar með það sem eftir verður af kolunum.

-----------------------------------------------------------------------------

Neisti, 3. júní 1936  

Flestir togaranna eru nú hættir veiðum og er verið að útbúa suma þeirra á síldveiðar.

---------------------------------------------------------------------------

Neisti, 24. júní 1936 

Mörg skip eru nú komin hingað til síldveiða og hafa nokkur þeirra legið hér inni undanfarið vegna storms. En nú eru þau flest farinn út aftur og hafa nokkur komið með síld nú síðustu daga. Þessi skip hafa nú komið með síld:

Til ríkisverksmiðjanna (S.R.P.) :  Samtals 1.813 mál 

Raufarhöfn Samtals 1.258 mál

Til Gránuverksmiðjunnar: Samtals 1.645 mál

Nú nokkra undanfarna daga hefir verið bræla úti fyrir og þar af leiðandi lítil síld komið.

------------------------------------------------------------------- 

Siglfirðingur, 20. júlí 1936 

Síldveiðin hefir gengið með besta móti þegar á allt er litið. Síðastliðna viku varð þó nokkurt hlé á veiðunum vegna norðaustangarra, en í fyrrinótt hlýnaði og birti og varð þá þegar mikillar síldar vart á Grímseyjarsundi. 

Söltun yfir sunnudagssólarhringinn er sem hér segir:

1.211 heilar og 725 hálfar tunnur matjessíld, 2.725 tunnur, venjuleg saltsíld, 268 tunnur, magadregin saltsíld, 1.118 tunnur, hausskorin kryddsíld, 100 tunnur, hausskorin og magadregin, 342 tunnur sykursöltuð. Hér af aðeins 9 tunnur reknetasíld. 

Hefir þá alls verið saltað hér í Siglufirði til kl. 12 sl. nótt 18.048 tunnur.

---------------------------------------------------------

Siglfirðingur, 1. ágúst 1936 

Síldveiðin 

Undanfarna viku hefir verið tregt um síld nema austur við Langanes og þaðan vestur að Sléttu. Hefir því lítið borist að of söltunarsíld, og bræðslusíldin lögð upp á Raufarhöfn meðan hægt var að taka á móti þar. 

Á fimmtudag voru þrærnar þar fullar. Hefir mest allur veiðiflotinn verið þarna austurfrá síðustu daga og flest skipin fengið góða veiði. Hér voru þrær verksmiðjanna sama sem tæmdar á fimmtudag og tvær Ríkisverksmiðjurnar stöðvaðar vegna síldarleysis. En á fimmtudag og föstudagsnótt stefndi flotinn hingað með veiði sína austan að og hafa þessi skip komið til Ríkisverksmiðjanna frá því á föstudagskvöld til hádegis í dag: 

Örn 800 mál, Síldin 600 - Sæfari 700 - Minnie 600 - Freyja og Ófeigur 600 - Gullfoss 1400 - Gunnbjörn 550 - Ísbjörn 550 - Ármann Bíldudal 1100 - Jón Þorláksson 700 - Njáll 500 - Már 700 - Ólafur Bjarnason 12011 - Ágústa 500 - Árni Árnason 550 - Björgvin 450 - Fróði 700 - Valbjörn 550 - Hvítingur 400 - Rifsnes 1200 - Ásbjörn 550 - Hrönn 600 - Fjölnir 800 - Hafþór& Muninn 450 - Sjöfn 400 - Hilmir 550 - Vébjörn 550 - Draupnir&Brúni 500 - Ármann Rvk 900 - Frigg 500 - Kolbeinn ungi 400 –

Til Snorra og Hjaltalin: Huginn I 600 má1, Huginn II  600 – Huginn III 600 - Freyja Rvk 700 - Bjarki 1100 – Hringur 900 - 

Enda þótt sumt af tölunum sé áætlað, munu þær láta svo nærri sanni, að litlu eða engu muni á heildarupphæðinni. 

Síld hefir verið hér á Grímseyjarsundi, og eigi alllítil, því skip er þangað hafa sótt nú síðustu daga hafa fengið ágæta veiði, en flotinn hefir haldið sig austurfrá, enda hefir þar verið miklu meiri síldargengd. t.d. hefir Huginn frá Hafnarfirði fengið á Sundinu um 2.000 tunnur af söltunarsíld á þrem dægrum. 

Veður hefir ekki verið sem hagstæðast, en þó betra austar. Söltun hefir ekki mátt kallast mikil. 

Á fimmtudagskvöld var söltun á landinu öllu sem hér segir: 

Siglufirði 43.058 tunnur Eyjafirði 11.409 - Hólmavík 3.377 - Húsavík 1.450 - Ingólfsfirði 8.977 - Reykjafirði 5.096 - Sauðárkróki 678 - Skagaströnd 4.968 - eða alls 79.014 tunnur. 

Í gær var saltað hér á Siglufirði 1.001 tunna herpinótasíld og 133 tunnur reknetasíld. Hefir reknetaveiði heldur glæðst síðustu daga. 

Fitumagn síldar er síðast var mælt frá Rauðunúpum var 19 %. en mesta fitumagn er mælt hefir verið var úr síld frá Kálfshamarsvík 24. júlí og reyndist rúm 24 %

-------------------------------------------------------------------- 

Siglfirðingur 1. ágúst 1936 

Vegna þess hve mikið berst nú að af síld. Verður unnið i Ríkisverksmiðjunum allan sunnudagssólarhringinn. Nú um klukkan 8 er blaðið er að fara í pressuna munu vera komin að bryggjum verksmiðjanna yfir 20 þúsund mál síðan í gærkvöldi.

------------------------------------------------------------------

Einherji, 6. ágúst 1936 

Síldveiðin.

Landburður af síld hefir verið undanfarna sólarhringa í bræðslu og salt. 

Undanfarandi dægur hefir geysimikil síld borist hingað, svo að á flestum söltunarstöðvum hefir verið unnið svo að segja dag og nótt. 

Auk þess hefir mikið borist að í bræðslu.

Í gærkvöldi höfðu Síldarverksmiðjur ríkisins tekið á móti síld sem hér, sagir:

Raufarhöfn     38.300 mál 

Þrjú hæstu skip hjá S.R.:

• Es. Ólafur Bjarnason  9.550 mál

• M.s. Eldborg-            9.350  --

• E.s.  Alden               7.050  -- 

Í fyrrakvöld höfðu verksmiðjur Steindórs Hjaltalíns tekið í móti:

Rauðka 34.591 mál

Grána    18.271 - 

Í gærkvöldi var heildarsöltun á öllu landinu orðnar 113.195 tunnur. Af því hafa verið saltaðar hér á Siglufirði 61,839 tunnur.

----------------------------------------------------------

Siglfirðingur, 8. ágúst 1936

Síldveiðin

A fimmtudagskvöld hafði verið saltað alls á landinu sem hér segir: 

Eyjafirði 21.977 tunnur, Hólmavík 6.538 tunnur, Húsavík 1.977 tunnur,  Ingólfsfjörður 12.930 tunnur,  Reykjarfjörður 10.445 tunnur,  Sauðárkrókur 1.295 tunnur,  Siglufjörður 70.875 tunnur,  Skagaströnd 7.988 tunnur,  Vestfirðir 381 tunnur,  Raufarhöfn   561 tunnur, 

Alls 13.4970 tunnur.

Ríkisverksmiðjurnar höfðu í gærkvöldi tekið á móti síld sem hér segir: 

• S.R.30 105.155 mál, 

• S.R.P. 61.715 mál, 

• S.R.N. 85.497 mál, (4. ág.) 

• S.R.R. 38.297 mál

----------------------------------------------------------------- 

Neisti, 9. september 1936

Síldveiðin.

Nú i langan tíma hefir ekkert verið lagt upp af síld í verksmiðjurnar og hafa þær fengið síld í bræðslu á þessu sumri sem hér segir: 

(Til samanburðar er hér sagt frá aflanum til jafnlengdar í fyrra). 

Magn í málum talið.

Siglfirðingur, 31. október 1936

Gísli Halldórsson framkvæmdarstjóri, fór utan með "Íslandinu" í erindum Ríkisverksmiðjanna. Mun hann verða í þessu ferðalagi fram undir áramót.

-----------------------------------------------------

Einherji, 26. nóvember 1936 

Það óhapp vildi nýlega til hér við Ríkisverksmiðjurnar að allmikið af lýsi var af vangá dælt í sjóinn. 

Átti upphaflega að dæla lýsið á milli tanka, en leiðslur þær sem liggja frá verksmiðjunni og fram á bryggjurnar höfðu, þá nýlega verið notaðar og láðst að skrúfa fyrir þær, rann því alimikið af lýsinu í sjóinn. 

Réttarhöld hafa staðið yfir í málinu, en enn sem komið er hefir blaðið ekkert af þeim frétt.--------------------