Hestakonur

sksiglo.is | Íþróttir | 26.07.2015 | 07:00 | Jón Ólafur Björgvinsson

Hitað upp fyrir reiðtúrinn

Þegar fréttaritari kom suður að hesthúsum á föstudag voru þar 25 glaðar konur á öllum aldri að gera sig klára fyrir reiðtúr.

Þær höfðu tekið yfir hestamannafélagið í dag og voru alsráðandi í öllu.

Sumar voru greinilega atvinnumenn í þessu en aðrar nýbyrjendur og hjálpuðust allir að svo allt yrði tilbúið í tíma.

Síðan reið þessi fagri flokkur í norðurátt, framhjá Steinaflötum og rétt fyrir norðan Stóra-Bola beygðu þær upp í fjall og hurfu úr sýn.

Það var einstaklega gaman að sjá hversu samheldnar og hjálpsamar allar þessar dömur voru og sí hlæjandi og með bros á vor allan tíman.

Hér koma nokkrar myndir frá þessum skemmtilega degi.

Þarna var hún "Ólöf Mín" líka, glöð og hýr á brá.

Maddý Þórðar sat bara þarna lengi, enda var hesturinn bæði í frígír og handbremsu.

Þessi unga dama var þrælvön hestakona og örugglega eitthvað tengd Herdísi á Sauðanesi.

Þessi sæti strákur var búinn að skríða sig upp úr stígvélunum og var ekkert að skipta sér af þessu hestabrölti.

Célia frá Frakklandi hefur aldrei komið á hestbak og þorði ekki með í þennan túr, þrátt fyrir að hestarnir væru góðir við hana.

Halló, á bara að klappa þeim og greiða og bursta eða ætlið þið að fara í reiðtúr ?

Loksins, allar klárar og nú er haldið af stað í norður.

Fögur er sveitin, hópurinn nálgast varnargarðinn Stóra Bola.

Við Bolatjörn sunnan við snjóflóðavarnargarðinn. (Stórabola)

Og svo hurfu þær upp í fjall.

Myndir og texti: Jón Ólafur Björgvinsson - Fréttasími: 842 - 0089

Tengdar fréttir

Page updated

Google Sites

Report abuse