Stefán Baldvinsson 

Stefán Baldvinsson fyrrverandi póstfulltrúi í Siglufirði er látinn, starfsfélagi minn og vinur. 

Stefán Baldvinsson, andaðist á Skagen í Danmörku 18. september 1963., rúmlega fimmtugur.
Mig langar til að skrifa um hann látinn nokkur orð. Stefán Baldvinsson starfaði sem fulltrúi hjá pósti og síma í Siglufirði mörg ár, og var mjög vel liðinn af samstarfsfólki og húsbændum öllum. 

Hann var hvers manns hugljúfi. Menntunar þorsti hans og manndómur var einstakur, útþráin var Stefáni í blóð borin, enda kom að því að hann kvaddi Siglufjörð — en þó ekki með öllu, því hugur hans var oft heima. 

Æfi Stefáns Baldvinssonar var á margan háfet óvenjuleg. Móður sína missir hann 8 ára gamall, og var þá tekinn í fóstur af þeim frábæru hjónum, sem eldri Siglfirðingar muna eftir, Sigmundi Sigurðssyni og Kristjönu, konu hans í Hrísey. 

Þegar Stefán var 12 ára gamall fluttist hann til Siglufjarðar með fósturforeldrum sínum. Önnur hjón í Siglufirði gerðu Stefáni léttari æskusporin, þau Ottó Jörgensen og hans góða kona, Þórunn. Við, sem þekktum Stefán Baldvinsson og störfuðum með honum, söknum nú vinar í stað. Stefán fór utan skömmu fyrir síðari heimsstyrjöldina og fór víða. 

Hann kvæntist í Danmörku eftirlifandi konu sinni, frú Ingu, dóttur P. A. Anifchoniesen, útgerðarmanns og fiskútflytjanda á Skagen, árið 1947. Frú Inga bjó Stefáni fallegt heimili og var honum í erfiðu starfi mikill styrkur. Heiður hennar var það.