Framkvæmdir út um...

Við suðurhlið Siglunes Gesthouse,
í gamla Billaportinu er komin þessi fína aðstaða til að fá sér kaffi eða Kaldan úr krana.
Þrír gluggar og hurð eru nú á suðurvegg matsalar og er þar nú bjart og notalegt.
Ljósmynd: Jón Ólafur Björgvinsson

Verið er að hreinsa til í gamla Gagnfræðaskólanum áður en honum verður breytt í íbúðarhúsnæði.
Ljósmynd: Jón Ólafur Björgvinsson

 Unnið að kappi við að fegra umhverfið sunnan við Hótel Sigló.
Ljósmynd: Jón Ólafur Björgvinsson

 Vesturhlið Hótel Sigló séð frá Suðurgötu.
Ljósmynd: Jón Ólafur Björgvinsson

 Áframhaldandi vinna við snjóflóðavarnir í fjallinu norðan við Fífladal og ofan við Gimbrakletta
Ljósmynd: Jón Ólafur Björgvinsson

 Allt þetta og meira til á eftir að fljúga með þyrlu upp í fjall. 
Ljósmynd: Jón Ólafur Björgvinsson

Sumarvinnuskóla krakkar að fegra hornið á Suðurgötu og Lindargötu.
Ljósmynd: Jón Ólafur Björgvinsson

Kristján Hauksson er að byggja sér sumarhús ofarlega á ásnum fyrir handan fjörð.  
Ljósmynd: Jón Ólafur Björgvinsson

Við norðurenda Laugarvegs. Malbikunarvélar í hádegismat.  
Ljósmynd: Jón Ólafur Björgvinsson

Suðurendi Laugarvegs. Allt á fullu, malbikun og umhverfis snyrting.
Suðurgatan verður tekin í gegn þar á eftir.
Ljósmynd: Jón Ólafur Björgvinsson

Alltaf eitthvað vesen á þessum sláttur orfum. Hafnartún 38 í bakgrunninum.   
Ljósmynd: Jón Ólafur Björgvinsson

Reitir eru að byrja og þá verða alltaf til allskonar byggingar við Alþýðuhúsið.
Ljósmynd: Jón Ólafur Björgvinsson

Vernharður Skarphéðinsson er að byggja lítið hús á lóðinni við Hafnargötu 4.
Þar stóð áður hús  þeirra heiðurshjóna Jónu og Christians Ludviks Möller.
(Langamma og langafi greinarhöfundar.)  
Ljósmynd: Jón Ólafur Björgvinsson

Áframhaldandi vinna við hin glæsilega golfvöll í Hólsdal sem vonandi verður tilbúinn sumarið 2016.
Ljósmynd: Jón Ólafur Björgvinsson

Ofan við gamla malarvöllinn er verið að laga þetta gamla bárujárnshús. Hvanneyrarbraut 15 ?
Er ekki alveg viss á götunúmerinu.
Ljósmynd: Jón Ólafur Björgvinsson

Vinna við "Salthúsið" hjá Síldarminjasafninu heldur áfram í sumar.
Ljósmynd: Jón Ólafur Björgvinsson

Gamli malarvöllurinn er núna grasi gróinn.
Ljósmynd: Jón Ólafur Björgvinsson

Aðalgatan er lokuð við Lækjargötu. Verið er að endurnýja skólplagnir og fleira í Lækjargötunni.
Ljósmynd: Jón Ólafur Björgvinsson

Neðst til vinstri á myndinni sést hinn sögufrægi Álalækur, en hvelfing án botns var steypt yfir þennan læk sem rann í gegnum alla eyrina hér áður fyrr, áður en fyllt var yfir hann og hús og götur byggð á eyrinni.

Bæjarstarfsmenn sögu að þó að þessi lausn hefði enst okkur vel þá væri nú kominn tími til að lækurinn færi í nútíma rör, það rennur skólp úr húsum í hann og svo er líka rangur halli á honum á kafla sem hefur valdið bakflæði í stórum rigningaveðrum eins og flóðið við Alþýðuhúsið í fyrra sumar.

P.S Af hverju hét þessi lækur ÁLALÆKUR? Liðaðist hann um eyrina eins og áll eða gengu álar upp í þennan læk? Einhver sem veit meira um þennan læk? 

Strákur að mála austurvegginn á því sem áður var söltunarstöðin Hrímnir.  
Ljósmynd: Jón Ólafur Björgvinsson

Verið að laga þakið á Rammanum, fáni Gautaborgar blaktir við hún hjá Valgeiri í Harbour House.
Ljósmynd: Jón Ólafur Björgvinsson

Fallegt hús við Suðurgötu 80 fær smá sumar upplyftingu.
Ljósmynd: Jón Ólafur Björgvinsson