Bátalistaverk og

Myndirnar sem Sigurbjörg Þ Óskarsdóttir vinkona pistlahöfundar tók á sýningunni, tala sínu eigin máli og eigum við öllum þessum völundasmiðum sem leggja ómældan tíma í að varðveita bátasöguna okkar sameiginlegu mikið að þakka. Sjá t.d. meira hér um þekkta Siglfirska bátalíkanasmiði:

Og

Snillingar bæjarins! Bátasmiðurinn Njörður
sksiglo.is | Okkar fólk | 17.07.2014 | Jón Ólafur Björgvinsson

BÁTAVÉLASAFN OG BÁTAVÉLAHLJÓÐ

Listamaðurinn Åke Arnold er með vinnuaðstöðu hjá félaginu L. Laurin og það félag rekur bæði bátavélasafnið SKANDIAMUSEET og dráttarbátinn – M/S HARRY.

Félagskapurinn L. Laurin, var stofnaður 1993 og aðal driffjöðrin í því var góðkunningi pistlahöfundar, Stig Selander sem sem lést í fyrrasumar. Sjá meira hér um Stig:

PÅ VÄG MOT ISLAND…. á heimaslóðum sænskra síldveiðimanna! Lysekil (25 myndir)
sksiglo.is | Greinar | 28.07.2017 | Jón Ólafur Björgvinsson 

Á safninu SKANDIAMUSEET er sýndur fjöldin allur af uppgerðum bátavélum sem herra L. Laurin hannaði og framleiddi í Skandiaverket í Lysekil. Þetta eru flestar tveggja takta litlar bátavélar sem eru kallaðar “TÄNDKULEMOTOR” á sænsku (glóðarhettumótor á Íslensku) og gáfu þær frá sér mjög svo róandi taktfast bátavélahljóð. Dunk… dunk… dunk.. og það getur hljómað einkennilega, en fólki finnst það sjarmerandi að fá að heyra þetta hljóð og árlega streymir fólk að til að fá að sjá og heyra í þessum gömlu frægu vélum á TÄNDKULEMOTORNS DAG.

Félagið L. Laurin hefur einnig hljóðritað þessi vélarhljóð og selur geisladiska út um allan heim, en hér á heimasíðu félagsins er hægt að hlusta á nokkur ókeypis dæmi: Lyssna på härligt dunk…  …⚓ 🎵 🎵 🎵…

Mynda albúm 2: Hálfir bátar og skrokkar

Upplýsingar frá Steingrím (árið 2024) vegna myndar hér fyrir ofan.
Fyrsta myndin: Báturinn Brúni SI 7, frásögn; Gísli J. Sigurðsson:
Brúni SI 7 sökk eftir árekstur við m/s Dronning Alexandrine, sem sigldi á bátinn.

Drottningin ætlaði ekki að bjarga neinu. Garðar GK var með bátinn í togi því stýrið á Brúna var brotið, og vegna þess hve slæmt var í sjóinn þá var haft langt í tauginni á milli skipa.

Drottningin stefndi á milli skipana og þá var slakað á tauginni til að hún gæti farið á milli, en Drottningin keyrði á Brúna miðjan, braut og ruddi á undan sér.

Einar Bjarnason kallaði á menn sem voru á Drottningunni og sagði þeim að henda kaðli til að bjarga þeim og klifraði síðan upp kaðalinn og fékk stýrimann á Drottningunni og Íslenska farþega til að hjálpa sér við að setja út bát til að bjarga þeim sem voru í sjónum, en þeir voru 4.

Skipstjórinn á Drottningunni var sem steinrunnin þegar Einar kom þar um borð en hafðist ekkert að.

Getið lesið góða lýsingu á þessu í Mbl. frá 11.12. 1991 eða í bókinni Brotsjór rís Lífssigling Einars Bjarnasonar.

(Einar Bjarnason var bróðir Kjartans Bjarnasonar sparisjóðsstjóra).

Myndina tók Guðbjartur Ásgeirsson sem var á Garðari.
=======================================================