Kristinn Guðmundsson útvarpsviki

Systkinin samfeðra, voru:

1) Kristmann Borgfjörð Guðmundsson  (Kristmann Guðmundsson) rithöfundur. Fæddur á Þverfelli í Lundarreykjadal, Borg. 23. október 1901 - Látinn í Hafnarfirði 20. nóvember 1983 – Hann var rithöfundur og skáld. Síðast búsettur í Reykjavík. Kristmann gifti sig níu sinnum.

2) Jónas Thorvald Guðmundsson 1903 - 1963

3) Ingibjörg Guðmundsdóttir 1907 - 1997

4) Lára Sigríður Guðmundsdóttir 1912 - 1997

5) Kristinn Guðmundsson 1914 - 1980

6) Jón Guðmundsson 1915 – 1991

Sistkyni Kristins, sammæðra voru: 

1) Garðar Steingrímur Friðbjörn Hannesson 1901 – 1960  - Garðar Hannesson var ætíð trillusjómaður, en starfaði á sumrin í Síldarverksmiðjunni Gránu, þar aðllaga við síldarpressu. En þá voru í upphafi notaðar svokallaðar pokapressur, sem voru handknúnar, en Garðar var mjög vel að menni. Hann var nokkuð drykkfelldur, sem háði honum seinnihluta ævi sinnar.

Garðar átti einn son: 

Hannes Garðarsson (Hannes Boy) Fæddur á Siglufirði 1. janúar 1930 - Látinn 18. janúar 1999 -

Barnsmóðir Garðars var Hallfríður Anna Pálsdóttir 1907 - 1989 -

Þau áttu einnig annan son;  

Einar Alfred Garðarsson 1931 - 1947 

2) Marsilína Friðbjörg Hannesdóttir 1904 - 1975 – Bogga eins og hún var alltaf kölluð var verkakona, sem stundaði síld á sumrin eins og flestar vinnandi konur gerðu á þeim tímum. Einnig sá hún í áratugi, um þrif á Póst og Símstöðinni á Siglufirði.

En síðustu áratugi æfi sinnar var hún einnig ráðskona hjá Kristján Sæby (Stjáni Sæby) í húsinu sem nú er friðað, undir nafniniu Sæbyhús, sem er við. Norðurgötu 3 á Siglufirði, ásamt móður sinni sem hjá henni bjó í Sæbyhúsinu og eldaði og þvoði af þeim; Stjána, Garðari bróðir sínum sem einnig bjó í sama húsi.

Samhliða sá hún ásamt móðir sinni, Björgu um ungan son hennar;  Hannes og hálfbróðir sinn; Kristinn Guðmundsson.

Kristinn fór snemma að vinna fyrir sér, fyrst við ýmis sendla störf, en síðar 10-11 ára hóf hann að vinna fyrir Hinrik Thorarensen við Nýja Bíó og fleira sem „Tóri“ stundaði sem var margt eins og flestir vita ! Hann dvaldi mikið í sýningarklefa bíðósins og var farinn að sýna í Nýja Bíó árið 1928, sem tiltækur í forföllum aðeins 14-15 ára –

Á svipuðum tíma var hann og Kristján Þorkelsson jafnaldri hans sem sáu um raforkuframleiðslu fyrir bíóið, rafal sem knúinn var 5-10 hesta

Bulunder steinolíuvél.

Þegar hann var rúmlega 16 ára, fékk Thórarensen hann til að sjá um bókhaldið fyrir Tóbaksverslun ríkisins sem Tóri var umboðsmaður fyrir á þeim tíma. Kristinn Hafði mjög fagra og vel læsilega skrift og hafði aflað sér þekkingar á bókhaldi í og utan skóla.

Þá var hann í námi í útvarpsvirkjun í norskum bréfaskóla í um tvö ár, ásamt því að lesa reglulega nokkur norsk tímarit um útvarpsfræði.

Á þeim var lítið um að útvarpstæki væru til á Siglufirði, en Kristinn sá að þarna var framtíðin

Til þess að afla sér réttinda sem útvarpsvirki, dvaldi hann í rúmt ár hjá hjá Landsímanum í Reykjavík, áður en hann gekkst undir próf í iðngrein sinni.

Eftir heimkomuna tók hann að sér að gera við útvarpstæki og öðru því tengt í hjáverkum, en hann fast réð sig hjá Nýja Bíó upp frá því sem sýningarmaður, Síðan stofnaði hann sitt eigið fyrirtæki Útvarpsviðgerðir Kristins Guðmundssonar, sem var í upphafi til húsa við enda Aðalgötu, í húsi sem nefnt var Bristol og var við Tjarnargötuna. Þá í eigu Thórarensen, sem rak þar austan við, söltunarstöð um tíma, en leigði svo manni að nafni Sigfús Baldvinsson, stöðina sem rak hana æ síðan undir nafninu, Söltunarstöð Sigfúsar Baldvinssonar.

Sjálfur vissi Kristinn Guðmundsson, faðir minn ekki annað en að hann væri fæddur árið 1914, eins og móðir hans hafði sagt honum. (samber leyfisbeiðni um að fá að gifta sig  20 ára)
Sem og einnig hefur verið skráð í heimildir um föður hans Guðmund Jónsson Helgustaða - Sem var lögregluþjónn á Siglufirði.