Anleggið 2

Númer Gook-85 - Undirskrá - Arthur Gook - Gerð Svart/hvít negatíf – Þurrnegatíf Gler -
Gefandi: Irene Gook

Önnur útgáfa í lit frá Steingrími Kristins. Ljósmynd: Arthur Gook.

“Heimildir

Ljósmyndasafn Arthur Gook var afhent af dóttur hans Irene Gook. Í því eru bæði filmur og glerplötur, teknar á því tímabil sem Arthur var búsettur á Íslandi frá 1905 til 1955. Þær eru teknar á Íslandi, í Bretlandi og víðar. Arthur Gook framkallaði sjálfur allar sína glerplötur og filmur og gerði síðan kópíur á pappír.
Til þess hafði hann myrkraherbergi í Sjónarhæð, Hafnarstræti 63. Hann bjó til skyggnur á glerplötur til þess að halda sýningar af myndum sínum bæði á Íslandi og erlendis.
Einn tilgangur Arthur með þessum myndatökum var að sýna styrktaraðilum trúboðsins í Englandi mannlífið og aðstæður manna á Akureyri, og til þess að viðhalda fjárstreymi til ýmissa mikilvægra verkefna gangandi.
Þetta varð til þess að hann tók myndir af ýmsu því sem engir aðrir voru að mynda á þeim tíma og þótti of ómerkilegt eða hluti af daglegu lífi sem enginn tók eftir.

Tekin voru viðtöl við Irene Gook 16.2.2005 og 2.3.2005 þar sem hún hjálpaði við greiningu myndanna, og eru þær upplýsingar notaðar við skráninguna.” (Sarpur.is, Minjasafn Akureyrar)

Hér kemur ein til viðbótar sem Steingrímur fann og litaði fyrir okkur.

Á myndinni sjást leifar eftir land tengda göngubryggjubrú.
Ljósmynd: Jón og Vigfús . Minjasafn Akureyrar.

Siglufjörður 1938-1944.
Ljósmynd: Jón og Vigfús. 

Siglufjörður 1935-40.
Ljósmynd:Jón og Vigfús.

Síðan kemur hér undir dularfull ljósmynd af land tengdri bryggjueyju og spurningin er:
Er þetta önnur bryggjueyja með mjórri göngubryggju tengingu við land.?
Því sjálft Anleggið virðist vera sjáanlegt í bakgrunninum.

Ljósmynd: Jón og Vigfús. Minjasafn Akureyrar.

Steingrímur Kristinsson er mér ætíð hjálplegur í öllu mínu sögugrúski og hann sendi mér þessa ljósmynd af skipulags kortinu hér fyrir neðan (Ártal óþekkt)
Hann afritaði þetta skipulagskort með ljósmynd , en kortið er hægt að sjá uppá vegg í Bátahúsinu í Síldarminjasafni Íslands.

En á þessu korti sem Örlygur Kristfinnsson teiknaði eru allar þekktar bryggjur og söltunarstöðvar fjarðarins taldar upp frá þeirri nyrstu, (1) sem er bryggja við Bakka norðan við Hvanneyrarkrók (sést ekki á þessari mynd) og alla leið suður að Anlegginu sem er sú syðsta og þá bryggjupláss númer 42. Takið eftir að númer 41 er líklega bryggjueyjan sem við sjáum á myndinni hér fyrir ofan. 

Bryggjukort, óþekkt ártal.
Hér sjáum við nákvæmari staðsetningu á Anlegginu (42) sem og strikalínu sem sýnir gamla landtengingu og einnig aðra tengingu skáhalt í norður við aðra “bryggjueyju. (41) 

Bryggjueyjan (41) og Anleggið (42).
Ljósmynd: Jón og Vigfús. Minjasafn Akureyrar. 

Bryggjueyjan (41) og gamlir yfirgefnir staurar frá göngubrú út í Anleggið.
Ljósmyndari: Jón og Vigfús. 

Göngubryggjubrú!
Ljósmyndari óþekktur. 

Bryggjueyjan (41) og gamlir staurar sem sýna gamla tengingu við Anleggið.
Ljósmyndari óþekktur.

Sögulegar viðbótar upplýsingar um bryggjueyju (41) bárust eftir birtingu frá Ólöfu Benediktsdóttur og vísar hún þar í orð sem Siglufjarðar fræðimaðurinn /Barnaskóla kennarinn og faðir hennar Benedikt Sigurðsson skráði:

“Merkilegar þessar gömlu myndir. Segir Ólöf.
Það var Ásgeir Pétursson sem byggði löngu bryggjuna (nr 41) fram af Ásgeirsstöð undir Hafnarbökkum. Hún var með stórum bryggjuhaus eða plani fremst og þar reisti hann hús sem hafði verið flutt vestan frá Ingólfsfirði. (B.S.)”

Í bakgrunninum sjáum við bryggjueyju (41) sem nú virðist vera búin að tapa sinni langtengingu og fullt af stökum staurum.
Ljósmyndari óþekktur.
Bryggju landskap Siglufjarðar virðist breytast mikið á milli ára.
Hafís og vetrarstormar brjóta allt og bramla.

Nokkrum árum seinna lítur sama svæði út á þennan máta. Bryggjueyjan (41) sést að hluta til lengst til hægri.

Langar bryggjur og risastór síldarsöltunarplön neðan við Hafnargötubakkann. Plássleysið er svo mikið að sjá má í fljótandi geymslupláss fyrir tómar tunnur lengst til hægri fyrir miðri mynd.
Ljósmyndari: Jón og Vigfús. Minjasafn Akureyrar.

En síðan sýna aðrar stórmerkilegar gamlar ljósmyndir að bryggjueyjur eru alls ekki sjaldséðar í hér áður fyrr mjög svo grunnri innrihöfn Siglufjarðar.

Innrihöfn Siglufjarðar. Bryggjueyja með landtengingu til norðurs á sunnanverðri eyrinni sem seinna stækkar með landfyllingum. Myndin er greinilega tekinn fyrir snjóflóðið mikla 1919, því í bakgrunninum sjáum við Evanger verksmiðjuna stóru, bryggjur og önnur hús fyrir handan fjörð.
Ljósmyndari óþekktur.

AÐ LOKUM…dularfull ljósmynd…

… DAUÐIR HÁHYRNINGAR Í HÖFNINNI