Helga Ingófsdóttir

Minning um yndislega hjúkrunarkonu +  handverkskona

Helga Ingólfsdóttir   f. 28. september  1946 – d. 19 mars 2017

Ég kynntist Helgu Ingólfsdóttir (Ingólfur Arnarsson rafvirki) fyrst árið 1972 +/- er mér hafði verið komið fyrir á Sjúkrahúsi Siglufjarðar vegna óbærilegra bakverkja, sjúkrahúslega sem endaði með því að ég var sendur suður á Landspítalann, þar sem ég var skorinn, með góðum árangri og góðum bata 

En á meðan ég dvaldi á sjúkrahúsinu á Siglufirði kom Helga daglega til mín í frípásum sínum án beiðni, og nuddaði á mér fæturnar, sem og bættu verulega líðan mína, (og minnkuðu  pirring minn) auk þess sem við spjölluðum saman um alla heima og geima. Yndisleg hjúkrunarkona, sem var allra sjúklinga hugleikin auk stafsmanna Sjúkrahússins.

Árið 1976 lenti ég í alvarlegu vinnuslysi í Fljótum

Mér var hjálpað frá vettvangi og var svo heppin að bóndakonan á bænum sem við vorum að steypa hjá var hjúkrunarkona og var hún sótt hið snarasta.

Þetta var Helga Ingólfsdóttir, dóttir Ingólfs Arnarssonar rafvirkjameistara. Helga hlúði að mér á meðan beðið var eftir sjúkrabíl frá Siglufirði og gaf mér jafnframt kvalastillandi sprautu (morfín eða eitthvað svipað)
En kvalirnar voru þar áður, að gera „út af við mig“ Ég hélt þó rænu allan tímann.