Ava Gardner

Ava Lavinia Gardner, Brogdenen jaio zen 1922ko abenduaren 24an eta Londresen hil zen 1990eko urtarrilaren 25ean. Oscar sarietara izendatua izan zen zine klasikoko aktore esatatubatuarra zen. Zazpigarren arteko mito eta XX. mendeko izar handia kontsideratzen zuten. Bere edertasun oparo eta fotogenikoagatik

zen ezaguna, "munduko animalirik ederrena" izan zela esaten zen.

Haurtzaro eta gaztaroa

Ava Gardner 1922an jaio zen Brogdeneko komunitate txikian, Ipar Carolinako estatuan. Landa inguruan hazi zen, tabakoa eta kotoia hazten zuen sei anai-

arrebez osatetutako familia txiro batean. Ava sei anai-arrebetatik gazteena zen. Bere ama, Molly, emakume bataiatzailea zen, jatorri irlandar-eskoziar eta ingelesak zeukana eta aita, Jonas Bailey Gardner, gizon katolikoa zen jatorri irlandar eta amerindiarrekoa. Bere senideak txikiak zirenean, Gardner familiak Brogdenen zuen jabetza galdu zuen, honen ondorioz, Jonas Gardner zerrategi batean lan egitera ikusi zen behartua eta ama, Molly, sukaldari eta Brogdenekoikastetxe nagusian giltzain modura.

13 urte bete zituenean, Newport Newsera, Virginiako estatura, lekualdatu ziren familia osoa, beren zortea hobetzearren. Baina, denbora gutxira, lana aurkitzearen zailtasunaren aurrean, Rock Ridgera, Wilsoneko auzo pobre batera, bueltatu beharrean izan ziren. 1935.urtean, bere aita, Jonas Gardner, bronkitisak jota hil zen eta Ava eta bere zenbait anai-arreba Rock Ridgeko eskolara joatea erabaki zuten, graduatzeko helburuarekin. Modu honetan, denbora baten ondoren, Ava Atlantic City Christian College-era joan ahal izan zen idazkaritza-ikasketak egitera.

Karrera zinematografikoa

Zazpigarren artean hastapena

18 urterekin, Ava begi berde eta gaztaina-koloreko ilajea zuen gazte ederrean bilakatu zen. Honela, 1941ean, bere aizpa zen Beatriz bisitatzera joan zenean New Yorkera, argazkilaria zen bere senarrak, argazki batzuk egiteko baimena eskatu zion. Beatrizen senarra, egindako lanarekin pozik gelditzean, Bosgarren

Etorbidean zuen fotografia-estudioko erakusleihoan zintzilikatu zituen.

Kasualitatez, bere argazkiak koinatuaren establezimenduan ikusgai zeuden bitartean, Metro-Goldwyn-Mayer estudioetako Bernard "Barney" Duhan talentu berrien bilatzaileak, argazkiak ikusi zituen eta berarekin jarri zen kontaktuan. Duhan dendan sartu eta bere telefono zenbakia eskatu zuen, baina ez zuen lortu inork ematea. Beraz, norbaitek Avari buruzko informazioa MGM-ra bidali behar zuela esan zuten, eta bere aizpak berehala eraman zuen. Denbora gutxira, Ava,

oraindik Atlantik Christian Collegeko ikaslea zena, New Yorkera joan zen MGMko zuzendariekin elkarrizketa bat izateko. Urte hartan bertan, zazpi urterako kontratua egin zioten konpainian. 1941ean, eskola utzi eta Hollywoodera joan zen bere aizpa Beatrizekin batera. Lehenik eta behin arte dramatikoko klaseetan eman zuen izena, baita ahoskera klaseetan ere, bere Ipar Carolinako doinua ulertezina baitzen.

1942. urtean hasi zen pelikuletan protagonista modura azaltzen eta hainbat produkziotan hartu zuen parte, hala nola, "La casa encantada" (1943), Béla Lugosiren gainbeheraren garaiari dagokion komedia beldurgarrian edo "Three men in white" (1944), Van Johnson eta Lionel Barrymorek parte hartuko duten komedia eta dramaren arteko film batean.

Urrezko urteak

Bere aukerarik onena 1946an iritsi zen bi titulurekin: "Thriller Whistle Stop", non, lehen mailako papera izan zuen George Raft aktorearekin batera eta "Los asesinos" Ernest Hemingwayen oinarritutako drama istorio bat, Burt Lancaster eta Edmond O'Brienekin batera. Azken pelikula hau, Hollywoodeko industrian sartu zuen flima izan zen.

Hurrengo urteetan, "The hucksters", Clark Gablerekin; "Venus era mujer" komedian eta "Soborno" (1949), Robert Taylorrekin aritu zen thriller dramatikoan nabarmendu zen.

Hemendik aurrera, nagusigoa hartzen joan zen izar modura, hainbat estudio garrantzitsuk eskeinitako lanak hartuz eta gomutagarri izango ziren hainbat interpretazio burutuz. Nabarmenduenak ondorengoak izan ziren: "El gran pecador", drama moral bat da Gregory Peck eta Ethel Barrymoren lan bikainekin, non, Ava oso ederra agertzen den gidoi ezinhobe batekin; "Mundos opuestos" (1949), James Mason, Barbara Stanwyck eta Van Heflinekin; "Pandora y el holandés errante" (1951), drama oniriko abangoardista liluragarri bat, non, Avak James Mason eta Mario Cabré toreatzailearekin hartu zuen parte, gainera, errodajearen zati handi bat Espainian izan zen eta garaiko prentsako titular guztietan azaldu ziren. Garai honetan, Espainiara sartzen hasi zen, Madril eta b