Freddie Mercury

Asko ikasi zuen. Hala ere, nahiago zuen bizitza eskolarraren alderdi estetikoa alde mundukoia b aino. Arteko klasean nota maximoa lortu zuen inongo arazorik gabe eta 1966ko udaberrian joan zen Isleworthetik. Bere notek eta talentuak urte hartako irailean Ealing College of Art-en onartua izango zela ziurtatzen zuten.1967an, Jimi Hendrix (bere miresle handia zen Freddie liluratua zuen) eszenatokietan aritzen hasi zenean, Freddiek denbora asko pasa zuen bere heroia imitatzen eta marrazten. Marrazki horiek markoztatu eta bere lagun Chris Smith-ek errentan hartu zuen pisuko paretak apaintzeko erabiltzen zituen; izan ere, bertara etxe aldatu zen Freddie bere familiaren Felthameko etxea utzi ondoren. Garai hartan Kensington artearen leku garrantzitsua zen, bertan aurkitzen zen Biba boutique famatua eta Kensington merkatuaren jaiotze lekua zen.Ealing unibertsitatean zuen ikaskide bat, Tim Staffel, Freddieren oso lagun ona bilakatu zen. Lagun honek Smile izeneko taldean baxua jotzen zuen taldekide bezala Brian May gitarran eta Roger Taylor baterian zituelarik. Freddie entsegu askotara eraman zuen eta hau oso ondo eramaten zen bai Brian eta bai Rogerrekin. Gainera, asko gustatu zitzaion talde hark zuen soinua. Hauengandik inspiratua Freddie lehen aldiz hasi zen musikarekin esperimentatzen India utzi zuenetik.

Hasieran, Tim-ekin, Nigerl Foster izena zuen beste arte ikasle batekin eta Chris Smith-ekin hasi zen musika jotzen. Chris-ek Freddie lehenengo aldiz abesten entzun zuenean hunkitu egin zela oroitzen du.

Chris-en arabera: Laster abesti zatiak idazten hasi ginen Freddie eta ni, ondoren elkarrekin lotzen saiatzen ginenak. "Bohemian Rhapsody" abestian pentsatuta ulertzen da hau. Interesgarria izan zen abesti batetik atera eta beste batean sartzeko genuen modua, baina, egia esan, ez dut uste inoiz ezer bukatzen genuenik. Freddiek asko irakatsi zidan saio haietan. Doinuaren zentzu handia zuen, naturala, segituan nabaritu nuen nik hori. Nik uste hau zela egiten ari zenaren alderdirik interesgarriena.

Freddiek 1969ko ekainean bukatu zituen ikasketak Ealing unibertsitatean, diseinuan eta arte grafikoan diploma bat eskuratuz. Tokiko egunkarietan hainbat lan eskaini zizkioten zenbait iragarkien diseinurako. Uda hartan Roger Taylorren pisura aldatu zen eta bien artean Kensington-eko merkatuan postu txiki bat ireki zuten. Bertan , hasiera batean, berak eta berekin Ealingen ikasitako kide batzuek egindako artelanak saltzen zituzten. Beranduago victoriar estiloko arropa saltzen hasi ziren, bai berria eta bai bigarren eskukoa. Aurkitzen zuten edozer gauza ere bertan saltzen saiatzen ziren.

1969ko udaran Londresera ospea lortzeko asmoarekin joan zen Liverpooleko talde bat ezagutu zuen Freddiek, The Ibex izenekoa. Talde hau hiru musikoz osatzen zen: Mike Bersin gitarrista, John Tupp Taylor baxua eta Mick Miffer Smith bateria-jolea. Beraiekin managerra aurkitzen zen, baina ez zuen esperientzia handirik lan hartan eta zama bat besterik ez zen beraientzat. Geoff Higgins baxuak ere batzuetan beraiekin jotzen zuen, Tupp-ek (Jethro Tull taldearen mireslea) flauta jotzea erabakitzen zuenean, hain zuzen ere. Abuztuaren 13an ezagutu zituen zehazki eta hain beste gustatu zitzaion taldea non 10 egun barru hauen musika-lan guztiak ikasiak zituen, abesti berriak konposatu zituen eta taldearekin bidaiatu zuen Bolton-era (Lancashire-ko konderrian) bertan kontzertu batean lehen aldiz debutatuz. Lehenengo aldi hori abuztuaren 23an izan z

en hiriko Octogon Theatre-n egiten zen Bluesogía izeneko kontzertu sorta batean. 25ean irekieran hartu zuen parte Ibex taldeak, Boltoneko Queen Park-en egin zen estali gabeko ikuskizun batean. Bertako Evening News egunkariak kontzertu honen prestake

ten berri izan zuen eta horri buruzko albistea argitaratzean Freddieren argazki bat ere txertatu zuen.

Freddiek Ibex taldearekin Bolton-era egindako bidaiaren oroitzapen bezala argazki bat geratu zen eta taldearen agerketaren oroitzapen bezala zinta bat geratu zen, non manifestuan jartzen dute Ibex taldekoek Cream, Jimi Hendrix eta Led Zeppelin-ekiko duten mirespena. Azken hau Freddieren talde gogokoena zen garai hartan.

1969ko irailaren 9aren eta urriaren bukaeraren artean Ibex-ak agerpen txikiren bat egin zuten Freddiek konbentzituta.

Mike Bersin-ek dioenez: Freddiek taldeari "Wreckage" izena jarri nahi zion baina taldeko beste kideok ez genuen oso gustuko izen hura. Egun batean telefonoz deitu zidan gauean hau esanez: Besteei ez zaie axola, zer iruditzen zaizu zuri?. Eta nik zera esna nuen: Besteak ados badaude aurrera. Besteekin hortaz hitz egin nuenerako Freddiek dagoeneko galdera berdina egina zien.

Izena aldatu zuten une berean Mike Miffer Smith-ek bere bateria postua utzi eta taldetik alde egin zuen. Richard Thompsonek ordezkatu zuen, 1984an Brian May-en taldean jotzen zuen bateriak. Talde hark potentzial handia zuela ematen zuen, baina 60ko hamarkadaren amaierak Wreckage taldearen amaiera ekarri zuen. Oso kontzertu gutxi eta elkarrengandik oso aldenduak egin zituzten. Gainera John Taylor, Richard Thompson eta Freddie Londresen zeuden bitartean Mike Bersin-ek Liverpooleko unibertsitatean ikasteko konpromisoa hartu zuen bere gurasoei agindu bezala. Ezin izan zuen inork eragotzi, taldea desegin egin zen.

Freddie beste talde baten bila hasi zen eta Sour Milk Sea-k aurkitu zituen Melody Maker egunkarian - abeslaria behar da- iragarkia ikusi ondoren.

Freddiek primerako ahotsa zuen, barietate ugarikoa. Baian ez zen bere ahotsa soilik ikuskizunak jendearentzako erakargarriak egiten zituenak. Ken Testi-k oroitzen du: Freddie Mercuryk ikuskizun bat nola antolatu zekien. Bere nortasuna adierazteko modu bat zen. Queen taldearekin eszenatokian egiten zuen guztia Ibex taldearekin emandako lehen kontzertuan ere egina zuen. Ez zen ikasi ahal zen zerbait, karisma baizik, bere ahotsarekin, itxurarekin, gustu delikatuarekin eta bere musikari kalitatearekin harmonian zegoen dohain bat zen.

Bere lehen taldeko liderra

Lana eskaini zioten eta 1969aren amaieran Sour Milk Sea taldearen liderra bihurtu zen. Taldeko gainerako kideak Chris Chesney abeslari eta gitarra-joletzat, Paul Milne baxutzat, Jeremy Rubber Gallop erritmozko gitarra-joletzat eta Rob Tyrell bateria-joletzat ziren. Zenbait entsegu egin eta kontzertu batzuk eman zituzten Oxford-en (Chrisen jatorrizko hiria). Freddie eta Chris oso lagun onak egin ziren eta hau Freddiek Smilekin Ferry Road-en (Barnes) partekatzen zuen etxera joan zen bizitzera. Taldeko gainerako kideak zertxobait haserre zeuden, Freddiek eta Chrisek denbora gehiegi pasatzen baitzuten elkarrekin eta ez zekiten zein izango zen taldearen etorkizuna. Bi hilabete geroago Jeremy-k, ekipamenduaren gehiengoaren jabeak, tresneria bereganatu eta taldea desegitea erabaki zuen.

1970ean Tim Staffell-ek Smile taldea uztea erabaki zuen eta Freddiek hauekin elkartzea erabaki zuen abeslari nagusi berria izateko. Freddiek taldearen izena aldatzea erabaki zuen eta Queen izatera igaro zen. Bere lehen abizena ere aldatu zuen, momentu hartatik aurrera Freddie Mercury bilakatuz.

1970ean Mary Austin ezagutu zuen eta berekin zazpi urte bizi izan zen bikote bezala. Freddie Mercuryren gainontzeko biografia Queen taldearen historia da basikoki.

Queen-ekin igarotako aldia

Erlazionaturiko artikulua: Queen