Пан - апора наша

1. Пан  ̶  апора наша,  свету Валадар,

Сёння верным слугам Ён прыносіць дар: 

Утаёны ў хлебе аддае Сябе,

Грэшнікам збаўленне ў  міласці дае. 

Рэф.: Хлеб і віно з Богам лучаць нас.

2. У Святой Камуніі скрыты Бог жывы,

Лечыць душы дарам Цела і Крыві.

З Гостыі сыходзіць Божае Святло,

У праўдзівым Хлебе - вечнае жыццё. 

Рэф.: Хлеб і віно з Богам лучаць нас.

   3. Пан - аслона наша, Пан даруе грэх.

   Прымем Яго сэрцам - ўбачым свет суцех.

   Хоць шляхі цярністы, у спакусаў час

   Езусава Цела адраджае нас. 

Рэф.: Хлеб і віно з Богам лучаць нас.

4. Езу, Ты Крыніца ўсякага дабра,

Ясная Дарога нашага жыцця.

Асвяці наш розум, сэрцы запалі,

Нас Тваёй апекай, Езу, адары. 

Рэф.: Хлеб і віно з Богам лучаць нас.

   5. Будзем у пакоры літасці прасіць.

   Бог наш міласэрны нам благаславіць.

   Праз святую споведзь сэрца ачышчаць,

   Цела Таямніцу годна спажываць.  

Рэф.: Хлеб і віно з Богам лучаць нас.

6. Ўсемагутны Божа неба і зямлі,

На гаротных ласку міласці спашлі.

Адары надзеяй, веру ў душы ўлі,

Радасці праменнем свет наш азары. 

Рэф.: Хлеб і віно з Богам лучаць нас.

   7. Дай нам, Езу Хрысце, да Цябе прыйсці,

   Добрую дарогу у жыцці знайсці.

   Жыць у супакоі, Пане, памажы,

   Ад спакусаў свету нас абарані. 

Рэф.: Хлеб і віно з Богам лучаць нас.