Salve Regina, вітай

1. Salve, Regina, вітай Валадарка!

Зоркай нязгаснаю свеціш нам ярка.

Вітай, о, Маці вечнага Сына,

Наша Ты надзея Salve, Regina.

2. У Міласэрнай чакаем мы літасць,

Прагнем жыцця і вымольваем міласць.

Слодычы поўная, Маці адзіна,

Наша Заступніца - Salve, Regina.

3. Грэшныя, плачам, да Маці ўздыхаем,

Дзеці Адама, Цябе прызываем.

Глянь жа ласкава на слёз даліну,

О, Міласэрная - Salve, Regina.

4. А калі скончыцца наша выгнанне,

Дай нам шчасліва з Табою спатканне,

Каб нам убачыць Цябе й Твайго Сына,

Дзева Прачыстая - Salve, Regina.