Хто да ясляў

1.  Хто  да  ясляў  бэтлеемскіх  да  Дзіцятка  паспяшыць 

 Богу  шчыра  пакланіцца,  што  сышоў  між  намі жыць!

Пастушкі,  вы  прыбягайце  і  з  удзячнасцю  іграйце:

Збаўца ў ясельках ляжыць!

2. Мы і самі ўслед за вамі з песняй радаснай ідзём. 

Там Самога сына Бога ўбачым і хвалу ўзнясём. 

Што за беднасць і нястача! Ён ў халоднай стайні плача. 

Суцяшэнне мы нясём. 

3. Хай усюды радасць з цудаў будзе ў свеце панаваць. 

Ён пасланы, людзям даны, каб грахоўны свет збаўляць. 

Бога радасна вітаем і з анёламі спяваем, 

Каб ў вышынях славу ўзняць!

4. Будзь вітаны наш чаканы, Ты, што роскашы нябёс. 

Ты пакінуў і ў нізіны к нам сышоў і мір прынёс. 

To любоў Твая стварае, верных Богу уздымае 

І нябесным робіць лёс. 

5. Ў жалабочку, а не ў ложку  месца Сыну Божаму, 

Не з князямі, а з валамі у сянцо паложаны. 

Грэшнік з сенам параўнаны ды жывёлаю названы,

Збаўлен ласкай Божаю.

6.Свет паданы, Божа слаўны ўжо Табе спрадвеку быў. 

Ты як кветка на палетках — ўсё ж к сабе Ён не пусціў. 

Бо часовыя выгоды сталі свету да спадобы; 

Крыжам Збаўцу, адарыў. 

7. Ў Раме слёзы і ў нябёсы голас смутку шле Рахэль: 

Для сыночкаў, галубочкаў ўжо крывавая купель. 

Горшае выпрабаванне, у крывавым акіяне 

Выцерпіць Эмануэль. 

8. І з усходу з той нагоды Каралі ідуць туды, 

Дзе з’явіўся, нарадзіўся Збаўца свету, Бог святы. 

Там дары Яму складаюць, там Дзіцятка пацяшаюць - 

Дасць ім радасць назаўжды.