Дзень той гневу

1. Дзень той гневу, дзень нябылы, 

у ім свет цэлы стане пылам — 

сведчаць так Давід з Сыбілай.

Як вялікі страх на­ стане,

калі Бог неспадзявана

ў таём­насць сэрц загляне.

2. Трубаў голас страшным тонам

ўмерлых збудзіць ўсіх старонаў, 

і паставіць іх прад тронам.

Смерць і свет з падзівам гляне,

калі ўмерлы з гробу ўстане

для Суддзі рахунку дання.

3. Кнігу ўбачым, дзе спісана

ўсіх правіннасць, хоць нязнана,

прысуд свету стуль ад Пана.

Што пачну я, нешчаслівы?

Абаронца дзе праўдзівы?

Калі ў страху справядлівы!

4. З-за мяне быў катаваны

Езус мой і ўкрыжаваны,

атрымаў цяжкія раны.

Суддзя, Божа справядлівы,

покуль прыйдзе суд страшлівы,

будзь цяпер мне літасцівы!

5. З жахам бачу грахоў хмары,

сорам залівае твар мне.

Божа добры, збаў ад кары!

Дараваў Ты Магдалене, 

даў злачынцы прабачэнне,

мне - надзею на збаўленне.

6. Прад Тваім малюся тронам

сэрцам суму, болю поўным,

маёй смерці будзь Патронам.

Ў судны дзень, калі з магілы

ўстану даць рахунак з вінаў,

да мяне будзь літасцівы!