О, Творца Дух

1.О, Творца Дух, прыйдзі да нас, 

Наведай верных ў добры час. 

Усё стварыла моц Твая, 

О Найсвяцейшы дар жыцця!

2. Ты, Суцяшыцель дарагі, 

Свет божай ласкі з вышыні, 

Жыцця Крыніца і Любоў, 

Наш Скарб і Даўца ўсіх дароў.

3. Твае паўсюдна сем праяў, 

О, Палец Божы, Веліч спраў 

Цябе Айцец меў ласку даць 

Нам мовай новай прамаўляць.

4. Святло Сваё ў нас запалі, 

Любоў у сэрцах ажыві 

І нашы целы ўмацуй, 

Ўлі сілу, ласкамі шчыруй.

5. Ад нас шатана прагані, 

Дары спакоем ва ўсе дні, 

Каб мы, асветлены Табой 

Не ўпалі ў грэх спакусай злой.

6. Айца, Валадара нябёс 

І Збаўцу Сына, што ўваскрос, 

Цябе абодвух, Дух Святы, 

Ўслаўляем песнямі назаўжды.