О, мой народзе

О, мой народзе, што табе зрабіў я?

Ў чым вінаваты прад табою быў я?

1. Я цябе вывеў з моцы фараона,

а ты прызначыў крыж мне на рамёны.

О, мой народзе, што табе зрабіў я?

Ў чым вінаваты прад табою быў я?

2. Я вёў цябе у край сонечны і хлебны,

ты ж Мне прызначыў смерці знак ганебны. 

О, мой народзе, што табе зрабіў я?

Ў чым вінаваты прад табою быў я?

3. Я цябе выбраў Божаю лазою, 

а ты Мне воцат даў замест напою. 

О, мой народзе, што табе зрабіў я?

Ў чым вінаваты прад табою быў я?

4. Я над Эгіптам здзейсьніў пакаранне,

а Мяне выдаў ты на бічаванне. 

О, мой народзе, што табе зрабіў я?

Ў чым вінаваты прад табою быў я?

5. Я за палон твой помсціў фараону,

ты ж учыніў Мне суд Сынэдрыёну. 

О, мой народзе, што табе зрабіў я?

Ў чым вінаваты прад табою быў я?

6. Я прад табою раскрыў мора хвалі,

а ты Мне дзідай бок раскрыў без жалю. 

О, мой народзе, што табе зрабіў я?

Ў чым вінаваты прад табою быў я?

7. Я ў аблоку вёў цябе дахаты,

ты ж Мяне з крыкам вёў на суд Пілата. 

О, мой народзе, што табе зрабіў я?

Ў чым вінаваты прад табою быў я?

8. Я цябе маннай накарміў ў пустыні,

ты ж Мне аддзячыў поўхамі сваімі. 

О, мой народзе, што табе зрабіў я?

Ў чым вінаваты прад табою быў я?

9. Я табе з камня даў вады крыніцу,

а ты Мне горкай жоўці даў напіцца. 

О, мой народзе, што табе зрабіў я?

Ў чым вінаваты прад табою быў я?

10. Я хананэяў збіў Сваёю сілай,

ты ж галаву Мне моцна збіў трысцінай. 

О, мой народзе, што табе зрабіў я?

Ў чым вінаваты прад табою быў я?

11. Я даў падставы Юдзінаму трону,

а ты Мне з церняў узлажыў карону. 

О, мой народзе, што табе зрабіў я?

Ў чым вінаваты прад табою быў я?

12. Я цябе ўзвысіў, людзе Мой абраны,

а ты Мяне ўзняў на крыжы драўляным. 

О, мой народзе, што табе зрабіў я?

Ў чым вінаваты прад табою быў я?