(ВЯЧЭРНЯЯ ПЕСНЯ):

1. А як дзень ужо мінае,

Кожны з нас не забывае

Чэсць аддаць з падзякай Богу

За прабыту ўдзень дарогу.

2. Усе нашы дзённы справы

Прымі міла, Божа правы,

Пакіруй нам на збаўленне, 

А на Тваё выслаўленне.

3. А калі паснём уночы,

Май над намі Твае вочы,

Сцеражы ад злой прыгоды,

Барані ад кожнай шкоды.

3. Хай здаровы заўтра ўстанем

І служыць Табе зноў станем:

Душой, сэрцам, як хто можа, 

Працай на Тваю чэсць, Божа!

4. Барані нас ад зграшэння,

Каб не страцілі збаўлення,

Але неба атрымалі,

Цябе вечна праслаўлялі.

5. Цябе, Ойча, наш Стварыцель,

Сыне Божы - Адкупіцель,

Духу-Суцяшыцель Божа,

Праслаўляем, колькі можам.