Ойча наш нябесны

1.  Ойча наш нябесны, глянь на нас ласкава:

Цемрай свет пакрыты,  зло  запанавала. 

На  зыходзе  нашы  сілы,  не  пакінь нас, Божа мілы

Рэфрэн: Збаўца наш, мы Цябе чакаем. 

2. Просіць люд бяздольны, грэшны і пакутны. 

      З цемры грэху звольні, Збаўца наш магутны. 

      Адхілі свой гнеў і кару ад нас, Божа-Валадару. 

Рэфрэн: Збаўца наш, мы Цябе чакаем. 

     3. Хай слязьмі абмыем мы свае правіны. 

     Да Цябе ўсклікаем, Збаўца наш адзіны. 

     Дай нам слёзы ачышчэння і спашлі Тваё збаўленне. 

Рэфрэн: Збаўца наш, мы Цябе чакаем. 

     4. Хай святлом заззяе Збаўцы нараджэнне - 

     З краю і да краю людзям на збаўленне. 

     Твая ласка хай пальецца ў нашы сем’і, ў нашы сэрцы. 

Рэфрэн: Збаўца наш, мы Цябе чакаем.