Матачка Божая

1.  Матачка  Божая,  Матачка  добрая,

Бедныя дзеці, мы клічам Цябе; 

Песняй пакорнаю  мольбы  складаючы, 

Сэрцы свае аддаём мы Табе.

2. Вылеч Ты сэрца нам, раны глыбокія, 

Міласцяй чыстаю нас запалі, 

Каб слава Божая, не жальба вечная, 

Ў неба ляцела, ляцела з зямлі.

3. Нас, сваіх дзетачак, што ў Цябе просяцца, 

Матачка добрая, Ты пашкадуй; 

Ласкай ажыўчаю Бога Спрадвечнага, 

Матачка Божая, нас абдаруй.

4. Нашы галовы святлом Божай мудрасці 

Матачка Божая, Ты асвяці, 

Каб мы пазналі ўсе праўду адвечную, 

Богу служылі тут верна ў жыцці.

5. Дай жа дарогу нам, дзетачкам, простую, 

Смерці хвіліну шчаслівую дай. 

Вядзі нас, Матачка, зоранька ясная, 

Да вечнай радасці, у цудны рай.