(РАНІШНЯЯ ПЕСНЯ):

1. Ледзь узойдзе заранніца,

Цябе хваліць ўся зямліца,

Ўсё пяе, як толькі можа:

«Чэсць Табе, Магутны Божа».

2. Я, што створаны Табою,

Злучаны жыццём з зямлёю,

Песню ўдзячную спяваю,

Бога ў Тройцы праслаўляю.

3. Як на ранку абуджуся,

Шчыра так Табе малюся:

«Божа-Збаўца, будзь ласкавы,

Блаславі ўсе мае справы».

4. Шмат хто ўчора паляглі спаць,

Сёння рана не змаглі ўстаць,

Я ж дзень новы пачынаю,

Сэрцы да Цябе ўздымаю.

5. Цябе, Ойча, наш Стварыцель,

Сыне Божы - Адкупіцель,

Духу-Суцяшыцель Божа,

Праслаўляем, колькі можам.