О, Марыя, Маці Бога

1. О Марыя, Маці Бога, 

Ты не гардзіш анікога,

Хто  ў  нядолі  ці  ў  патрэбе

Звернецца прад трон Твой у небе. 

Рэф.: О Марыя, малі Сына.

Ты – надзея грэшных адзіна.

2. Дык і я, грэшнік нягодны, 

Як сын да матулі роднай,

Да Цябе, Маці ласкава, 

Шлю пакорнай просьбы слова. 

Рэф.: О Марыя, малі Сына.

Ты – надзея грэшных адзіна.

3. О Матуля Найсвяцейша, 

У рай дарога найпрасцейша, 

Упрасі мне быць цнат­лівым

І заўсёды справядлівым. 

Рэф.: О Марыя, малі Сына.

Ты – надзея грэшных адзіна.

4. Сцеражы ад злых прыгодаў,

ад ду­шы і цела шкодаў, 

Голад, мор, вайну, пажары – 

Адвярні ўсе Божы кары. 

Рэф.: О Марыя, малі Сына.

Ты – надзея грэшных адзіна.

5.  А  па  смерці  няхай  Бога,

У  Святой Тройцы адзінага,

І Цябе, Нябесна Пані, 

Славім у небе з Анёламі. 

Рэф.: О Марыя, малі Сына.

Ты – надзея грэшных адзіна.

(2 варыянт тэксту)

1. О Марыя, Маці Бога, 

Не адкінеш ты нікога,

Хто  ў  нядолі  ці  ў  патрэбе

Звернецца прад трон Твой у небе. 

Рэф.: О Марыя, малі Сына.

Ты – надзея грэшных адзіна.

2. Вызнаём Цябе, Марыя, 

нашай Матачкай адзінай: 

Ты ў смутку пацяшаеш, 

супакоем адараеш.  

Рэф.: О Марыя, малі Сына.

Ты – надзея грэшных адзіна.  

3. Хочам мы Табе, о Маці, 

думкі ўсе свае аддаці.

У дар прымі, Марыя, сэрца, 

да Цябе яно імкнецца.

Рэф.: О Марыя, малі Сына.

Ты – надзея грэшных адзіна.

4. I ў ліхой, цяжкой гадзіне

ласкі поўная Марыя 

Ўсіх гаротных супакоіць, 

душы міласцю спатоліць. 

Рэф.: О Марыя, малі Сына.

Ты – надзея грэшных адзіна.

5. Сцеражы ад злых прыгодаў, 

ад душы і цела шкодаў, 

Войны, голад, мор, пажары 

— адвярні ўсе Божы кары. 

Рэф.: О Марыя, малі Сына.

Ты – надзея грэшных адзіна.

6. А калі па волі Пана 

скон жыцця майго настане, 

Памажы тады мне Маці, 

у ласцы Божай паміраці. 

Рэф.: О Марыя, малі Сына.

Ты – надзея грэшных адзіна.