О, Езу наш любы

1. О, Езу наш любы, Ты - Крыніца ласк,

Ты свет асвятляеш, нібы сонца бляск.

Тваё Сэрца, Езу, ранай ззяе мне, 

за Муку, за сум Твой дзякуем Табе.

2. Зышоў на зямлю Ты, Езу уначы,

Каб цемру і холад душ перамагчы.

Каб даць свету згоду, братнюю любоў,

Каб кожны прабачыў ворагу наноў.

3. На светлай вячэры ногі нам Ты мыў.

У садзе Ты плакаў і самотны быў.

Прабач мне, о Езу, здрадзіў я Цябе.

Прашу са слязамі, дык даруй жа мне.

4. Чакаю з надзеяй я той светлы дзень,

Калі праміне боль і  мой сум, як цень

І Маці Святая, і мая радня

Сустрэнуць ля брамы грэшнае дзіця.