О, Мудрасць

1.О, Мудрасць, Божых вуснаў дар,

Што агарнула ўвесь абшар,

Што правіш мудра ўсім, прыйдзі,

Шляхам разважнасці вядзі.

2. О, Ізраэля Правадыр,

Што прамаўляў ў агні святым

І на Сінаі права даў,

Рукой магутнаю нас збаў.

3. О, Корань Ессэ, знак людзям,

Вусны замкнуў Ты каралям.

Будуць маліцца да Цябе,

Прыйдзі, суцеш нас у журбе.

4. О, Ключ Давідаў! Не адкрыць

Тое, што хочаш Ты закрыць.

Што адкрываеш - не замкнуць.

Прыйдзі, ратункам вязням будзь.

5. О, Ўсходзе, вечнае святло

І справядлівасці жытло,

Бляскам цудоўным асвяці

Тых, хто у цемры зла сядзіць.

6. О, Валадар народаў ўсіх,

Вечнае Ты прагненне іх,

Камень, што ўсё ў адно злучыў,

Збаў тых, каго з зямлі стварыў.

7. О, «З намі Бог», Эмануэль!

Мае Закон Твой Ізраэль.

Вось надышоў збаўлення час,

Божа, прыйдзі хутчэй да нас!