Бог прыходзіць

1. Бог прыходзіць, моц трухлее,

Усемагутны Бог спрадвекам.

Агонь крэпне, бляск цямнее,

Стаў Бязмежны чалавекам.

Занядбаны, знатны славай.

Смяротны Пан над вякамі.

Творцы слова Целам стала

І жыло паміж намі!

2. Бог нябесны край пакінуў, 

Бог сваё пакінуў шчасце.

Да людзей прыйшоў любімых

Зведаць гора і напасці.

Што цярпеў, цярпеў нямала, 

Вінаватыя мы самі.

Творцы слова Целам стала

І жыло паміж намі!

3. Ў беднай стайні нараджэнне, 

Дзе замест калыскі - жолаб.

А якое акружэнне? 

Сена, пастухі, жывёлы.

Людзі бедныя віталі 

Свайго Бога прад панамі.

Творцы слова Целам стала 

І жыло паміж намі!

4. Руку падымі, Дзіцятка, 

Блаславі Ты край наш мілы,

Нашы справы і парадкі

Умацуй сваёю сілай.

Падтрымай народ трывалы 

І ўсе вёскі з гарадамі

Творцы слова Целам стала 

І жыло паміж намі!