Збаўца свету, завітай

1.  Збаўца свету, завітай,

Нам з'яўленне бачыць дай.

Хай жа дзівіцца зямля 

Прыйсцю Божага Дзіця. 

2. І не з семя мужа там,

А праз сілу Духа Пан

З Слова Целам стаць хацеў - 

Плод улоння заквітнеў.

3. Панна носіць ўжо Дзіця,

Захавана й чысціня.

Ўвысь штандары перамог,

У святыні Госпад Бог.

4. Хай з пакою выйдзе Той,

З каралеўскай чысцінёй

Волат праўды у вяках,

Каб пачаць Свой Збаўчы шлях.

5. Роўны Ты Айцу Свайму,

Творцу, Богу аднаму.

Целы нашы умацуй

І Збаўленне нам даруй.

6. Ззяюць яслі ўжо Твае,

Неба новы свет нам шле.

Хай не гасне ўноч і ўдзень

Веры нашае прамень.

7. Хрысце, свету Валадар,

Дух, што ласкі шле нам дар,

І Табе, Айцец Святы,

Хай хвала гучыць заўжды.