Ён жыве, наш Пан

1. Ён жыве, наш Пан паверце,

хоць прайшоў праз браму смерці.

Збаўцу вывела з грабніцы

Божа сіла. Аллелюя!

2. Адкупіў Хрыстос Адама

І ўвесь род людскі таксама, 

Адчыніў нам брамы неба 

Збаўца свету. Аллелюя!

3. Вы што, варта, сцеражэце? 

Перамог Ён сілу смерці!

Сам адолеў перашкоды - 

Бог прыроды. Аллелюя!

4. Пан глядзіць на наша племя, 

На зямлю ў святле прамення,

Так яно святлом прыбрана - 

Бляскам Пана. Аллелюя!

5. Праз Тваё з мёртвых паўстанне 

Дай грахоў нам дараванне, 

Каб з Табой жыць вечна Пане, 

Аллелюя. Аллелюя!