На зямлю спусціце з неба

1. На зямлю спусціце з неба 

Збаўцу да нас, аблокі.
Ад грахоў свет нешчаслівы 

Клікаў з начы глыбокай. 

Свет пракляты быў праз Бога,

Панам чорт стаў, смерць. трывога,

А цяжар людзкіх грахоў 

Не пускаў з тых кайданоў.

2. Ды Айцец меў злітаванне 

Над беднай людской доляй:

Стаўся Сын ахвяраваннем, 

Каб споўнілася воля.

На зямлю Анёл зыходзіў 

І Марыі так даводзіў,

Што праз Духа Святога 

Зачне Божага Сына.

3. Панна са святой пакорай 

Слухае голас смелы,

І прымае, бо ад Бога 

Станецца Слова Целам.

Весяліся, род Адамаў. 

Збаўца змые твае плямы.

Пекла страціць сваю моц - 

Смерць Ён кіне смела ў ноч.