Глянь на нас, дзетачак

1. Глянь на нас, дзетачак, Маці святая, 

Светач  вачэй  Тваіх  хай  нам  заззяе. 

Сваёй апекаю Ты нас атулі,

За ўсіх дзяцей Тваіх Бога малі, Бога малі.

2. Матачка добрая, ў сэрцы пяшчотным 

Верны прытулак дай дзеткам гаротным. 

Духа нячыстага ад нас аддалі, — 

За бедных грэшнікаў Бога малі, Бога малі!

3. Ты на Кальварыі ў скрусе стаяла, 

Маці для кожнага з вернікаў стала, 

Не пакідай жа нас, дзе б мы не былі, 

І за святы Касцёл Бога малі, Бога малі!

4. Ты, што у Будславе і ў Вострай Браме 

Любові матчынай слынеш дарамі, 

Доляю лепшаю наш люд надзялі, 

За беларускі край Бога малі, Бога малі!

5. Табе пакорныя зямля й нябёсы, 

Мы аддаем Табе нашыя лёсы. 

Будзь нам Заступніцай вернай на зямлі 

І ў смерці нашай час Бога малі, Бога малі!