Пад Твае прыходзім дзверы

1. Пад  Твае  прыходзім  дзверы  

Шчырым  сэрцам,  поўны  веры, 

Што пад відам скрыты хлеба,

Ты ёсць Бог праўдзівы з неба.

2. Зразумець нам трудна гэта, 

Каб Сын Божы — Збаўца свету

Аж так скрыўся ўсім на дзіва 

I ў Гостыі жыў праўдзіва.

3. Міласць Бога заяснела,

Як змяніў хлеб ў сваё цела —

Нам пакінуў спажываці,

Каб праз гэта нас збаўляці.

4. Несмяротны, моцны Божа, 

Зразумець Цябе хто можа? 

Ты для грэшных справядлівы 

I для добрых міласцівы.

5. Хоць Анёлы ў небе блізка,

Прад Табою паўшы нізка,

Усцяж на твар Твой спаглядаюць,

Чым ёсць Бог аднак, не знаюць. 

6. І анёлам Бог спрадвеку 

Так не даў, як чалавеку! 

Прыступаць да Бога смела, 

Спажываць Ягона цела.

7. Я таго нягодзен, Пане,

Каб ва мне меў прабыванне — 

Скажы толькі адно слова,

I душу мне збавіш знова.

8. Б’ю паклоны прад Табою,

Ласку май над грэшным мною.

Хай жывы з Табою, Панам,

Аж на векі вечны. Амэн.