Змілуйся, Божа, над грэшным народам

1.Змілуйся, Божа, над грэшным народам,

Ён Цябе просіць у часе пакуты,

Выслухай нашы малітвы ласкава,

Бо іх узносім мы скрушаным сэрцам.

2. Ведаеш Ты нашу волю і слабасць, 

Бачыш глыбіні душы чалавечай,

Дык пакажы ўсім Сваю міласэрнасць, 

Хто прад Табою стаіць у пакоры

3. Нават, калі вельмі моцна зграшылі,

Выбач, бо толькі Табе давяраем;

Вылечы хворых, якіх прыгнятаюць

Грэху цяжары і слабасць людская

4. Дай сілы, просім, у часе пакуты,

Каб мы ачысцілі цела і думкі,

Злыя спакусы няхай нас пакінуць,

Да вечнай згубы хай нас не штурхаюць.

5. Божа Спрадвечны, у Тройцы адзіны,

Дай, каб пакутаю і вырачэннем

Мы заслужылі Тваё прабачэнне

І праслаўлялі Цябе са святымі. Амэн.