На развітанне

1.  На развітанне Езус сваім вучням 

Казаў: «Калі хто верна Мяне любіць, 

Хай захавае праўду майго слова, 

І да яго з Айцом мы прыйдзем разам.

I стане нам прытулкам Яго Сэрца,

Гарыць якое полымем салодкім,

І будзе жыць напоўнены спакоем

Нашай любові, нашай любові».

2. Любоўю жыць - жыццём Твайму падобным,

О Пан хвалы, выбраных Ты багацце; 

Ты для мяне жывы ў Гостыі белай.

І для Цябе я прагну быць укрытым,

Бо прагнуць быць узлюбленыя разам, 

Каб дзень і ноч гарнуцца к сэрцу сэрцам.

Твой позірк для мяне раскошай стаўся - 

Жыву любоўю, жыву любоўю. 

3. Любоўю жыць - каштоўны скарб захоўваць

У сэрцы, нібы ў чашы з крохкай гліны,

Пустыя рукі маю прад Табою,

Слабым бязмерна бачыш мяне, Езу.

Калі я падаю на кожным кроку,

На дапамогу мне прыходзіш, Пане,

Сваёю ласкай стала надзяляеш - 

Жыву любоўю, жыву любоўю.

4. Любоўю жыць - сябе даваць без меры,

Калі за гэта платы не чакаеш.

Усё аддаць, не лічачы нічога,

Любоў сваёй карысці не шукае.

Божаму Сэрцу, поўнаму пяшчоты,

Усё аддаў і з лёгкасцю бягу я;

Не маю ўжо нічога, толькі прагну

Жыць у любові, жыць у любові.