З нараджэннем Пана

1. З нараджэннем Пана сёння дзень вясёлы

Пану ўзносяць хвалу людзі і жывёлы.

Ззяе радасць, смутак гіне. Анёл будзіць у даліне 

Пастухоў, што спалі, каб усталі з долу.

2. Глянуў раптам ноччу агеньчык з-за хмаркі,

Пастушкі ў здзіўленні: «Што гэта за знакі?»

Ўсе пытаюць аб падзеі: «Ці то золак, ці то днее?»

Чаму месяц свеціць так надзвычай ярка?

3. Як Анёла голас пастушкі пазналі,

Ў Бэтлеем адразу хутка паспяшалі.

На калені там пасталі, шчыра Бога прывіталі,

І дары паклалі, што з сабой ўзялі.