Нова радасць стала

1. Нова радасць стала, 

Што яшчэ не бывала:

Над Бэтлеем зорка ясна

Свету зазіяла.

2. Дзе Хрыстос радзіўся, 

З Панны ўцелавіўся, 

Нібы чалавек убогі 

Ў пялюшкі спавіўся. 

3. Пастушкі з ягняткам 

Перад тым Дзіцяткам 

Упадаюць на калені 

Для Яго ўслаўлення.

4. I мы заспявайма, 

Хрыста праслаўляйма, 

Нараджонага з Марыі 

Пакорна ўпрашайма.

5. Просім Цябе, Божа, 

Просім мы, як можам: 

Дай нам у небе жыццё шчасна, 

На зямлі прыгожа.