Для збаўлення чалавека

1.  Для збаўлення чалавека,

А такі план быў спрадвеку,

Наша грэшнае падзенне 

Бог змяняе на збаўленне. 

2. Тройца так пакіравала,

Каб грахі, а іх нямала,

Змылі праз уцелаўленне,

Справай Духа асвячэння.

3. Богам праз вякі абрану

Арханёл вітае Панну.

То паважная прычына:

Стане Маці Бога-Сына.

4. Кажа Арханёл да Панны:

«Будзь, Марыя, прывітана,

Ласкі поўна, Бог заўсёды

Выбавіць Цябе з нягоды.

5. Вось пачнеш Ты Сына-Творцу,

Ён магутны і бясконцы.

І народзіш Духа сілай,

Станеш Богу гэтым мілай.

6. Дзева поўна неспакою,

Чуе першы раз такое.

Волю Божую прымае

Панна чыстая, святая.

7. Гэта выслухала, ўстала

І Пасланцу так сказала:

«Я - слуга Яго, хай стане

Так, як весціць прывітанне».

8. Вось адразу Дух сыходзіць,

Асвячэнне надыходзіць.

Слова Бога Целам стала,

Хвіля радасці настала.

9. І ў навіне той прыемнай,

Што сказаў Анёл таемна,

Чутны веснікі Збаўлення,

Што прыйдзе праз Нараджэнне.