Вострабрамска Маці Божа

1. Вострабрамска Маці Божа,

Ты прачыстая, прыгожа. 

Міласэрнасць Тваёй волі 

Свеціць Вільні ў нядолі.

2. На Радзіме Ты у чэсці, 

З неба шлеш нам добры весці! 

Шчасце, мір і згоду ў краі 

Нам даеш ад Бога з раю!

3. Ўся Цябе Русь славіць Бела 

І Літва, і Польшча цэла, 

Бо Ты, Маці, міласціва, 

Сваім дзеткам дабратліва.

4. Іх у смутку пацяшаеш, 

Хворых Ты аздараўляеш.

Да Цябе хто толькі прыйдзе, 

Той без радасці не выйдзе.

5. Ты так кожнаму дагодзіш, 

Што надзею ў сэрцы зродзіш;

Праз Цябе ўсе правіны 

Сын даруе Твой адзіны!