Маці Божая Будслаўская

1. У Адраджэння век залаты

Узнікла раптам у Рыме Ты,

Шляхам цудоўным з дальніх краёў

Прыйшла да нас, беларусоў.

Рэфр.: Маці Будслаўская, Маці святая,

Перад Табою галовы схіляем:

Нас да сябе Ты прыгарні,

Ад зла і бед абарані!

Радзімы край абарані!

2. Тваёй малітвы светлая сіла

Храм у Будславе уваскрасіла.

Ад рук бязбожных у страшны час

Ты зберагла веру для нас.

Рэфр.: Маці Будслаўская, Маці святая,

Перад Табою галовы схіляем:

Нас да сябе Ты прыгарні,

Ад зла і бед абарані!

Радзімы край абарані!

3. Дзева Марыя, Юзаф святы,

Вельмі патрэбны для маладых

Прыклад цярплівай вашай любві,

Ў якой сакрэт шчасця сям`і.

Рэфр.: Маці Будслаўская, Маці святая,

Перад Табою галовы схіляем:

Нас да сябе Ты прыгарні,

Ад зла і бед абарані!

Радзімы край абарані!

4. Ад злой Чарнобыльскае бяды

Прыкрый гаротных дзетачак Ты

І Беларускі збалелы край

Не пакідай, не пакідай.

Рэфр.: Маці Будслаўская, Маці святая,

Перад Табою галовы схіляем:

Нас да сябе Ты прыгарні,

Ад зла і бед абарані!

Радзімы край абарані!

5. Мы да Будслаўскай крочым святыні,

Просім заступніцтва перад Сынам.

Каяцца ёсць у чым нам усім,

Хрыста за нас перапрасі!

Рэфр.: Маці Будслаўская, Маці святая,

Перад Табою галовы схіляем:

Нас да сябе Ты прыгарні,

Ад зла і бед абарані!

Радзімы край абарані!