Божая тайна

1.Божая тайна, ціхая стайня,

Выгляд яе цудоўны.

Хлопчык маленькі ў_беднай стаенцы

Богу самому роўны.

2. Над Ім Анёлы - іх гурт вясёлы,

Іх валасы, як сонца.

Белыя шаты ззяюць, іскрацца

Пад залатой вясёлкай.

3. Што за здарэнне? Ад захаплення

Нават і неба святлее.

Мудрасці мудрасць, светласці светласць

У чалавечым целе.

4. Бедныя людзі, холад іх студзіць,

Беглі на Пана глянуць.

Маюць натхненне, вераць збаўленню,

Міру й любові прагнуць.

5. Доўга чакалі, цяжка ўздыхалі,

Глянуў на нас Бог з неба.

Пекла замкнута, а ў ім пакуты - 

Слова прымае Цела.