Вітай, Марыя

1.  Вітай,  Марыя,  Хрыстова  Маці,  

Дазволь нам, грэшным, Табе чэсць даці. 

Прымі Ты нашы просьбы нізкія,

за нас маліся – вітай, Марыя!

2.  Прачыста  Дзева,  без  грэху  плямы, 

Усцеражы  нас  хвароб,  заганы.

Найпрыгажэйша  райска  Лілея, 

Будзь нам узорам – вітай, Марыя!

3.  Ты,  што  карміла  свету  Збаўленне, 

І нам як Маці дай пажыўленне. 

Ад голаду нас няхай укрые 

Твая апека – вітай, Марыя!

4.  Горкі  жаль  мела  над  смерцю  Сына. 

Праз  Твае  слёзы,  Маці  адзіна, 

Хай нам  хвіліны  смерці  цяжкія 

спакойны будуць – вітай, Марыя!

5. О Пані наша між херувімаў, 

Пачуй маленне, неба Княгіня, 

Што йдзе прад стопы Твае  святыя, 

За  нас маліся – вітай, Марыя!

6. Прыклад  пакоры, поўна  лагоды, 

Дай  Беларусі спакой  і  згоду;  

Між  нас хай згінуць сваркі ліхія, 

Крый нас ад войнаў – вітай, Марыя! 

7. О Найсвяцейша, без  ценю грэху,  

У кожным часе будзь нам пацехай; 

Твая апека хай нас укрые 

Ад гневу Бога – вітай, Марыя!

2 варыянт тэксту

1.  Вітай,  Марыя,  Хрыстова  Маці,  

Дазволь нам, грэшным, Табе чэсць даці. 

Прымі Ты нашы просьбы нізкія,

за нас маліся – вітай, Марыя!

2. Ты, што карміла свету Збаўленне, 

І нам, як Маці, дай пажыўленне, 

Ад голаду нас няхай укрые 

Твая апека — вітай, Марыя!

3. Чысцейша Панна, без грэху сказы, 

Усцеражы нас хвароб, заразы, 

Ты — найстрайнейша райска Лілея, 

Ачысць паветра — вітай, Марыя!

4. Цяжкі жаль мела над смерцю Сына. 

Праз боль і слёзы, Маці адзіна, 

Хай нам хвіліны смерці цяжкія 

Спакойны будуць — вітай, Марыя!

5. Прыклад пакоры, поўна лагоды 

Дай Беларусі спакой і згоду; 

Між нас хай згінуць сваркі ліхія, 

Крый нас ад войнаў — вітай, Марыя!

6. О, Найсвяцейша, без ценю грэху, 

У кожным часе будзь нам пацехай; 

Твая апека хай нас укрые 

Ад гневу Бога — вітай, Марыя!