Пастушкам Анёл сказаў

1.  Пастушкам Анёл сказаў:

"Нарадзіўся Хрыстус вам, 

у  месцы  тым,  у  Бэтлееме  святым,

Нарадзіўся, людзі, усім стварэнняў Валадар. 

2. Каб пасланне то спазнаць, 

Трэба ў Бэтлеем спяшаць. 

Вось яны хуценька туды прыйшлі, 

Ў жолабе Дзіця знайшлі,  Марыю з Юзафам. 

3. Годны славы, моцны Бог 

Знізіцца з вышыняў змог. 

I Сабе Ён палацаў не прыдбаў, 

А ў стаенцы празябаў Збаўца і Божа наш.

4. Нараджэнне дзіўнае, 

Светам не спазнанае. 

Ў чысціні Сына Панна пачала, 

Ласкі поўная была ў бязгрэшнасці Сваёй. 

5. Пэўна наступіў для нас 

Абяцанняў Божых час: 

Бо была кветкаю Аронавай, 

З ружамі цудоўнымі,  пладамі поўная. 

6.  Слухайце ж усе Айца,

Што збаўленне абяцаў.

Гэта Сын, што зышоў да нас з нябѐс,

Збаўца свету, Бог Хрыстос — слухайцеся Яго. 

7. Узносім Богу чэсць, хвалу, 

Ахвяруемся Яму. 

Як Айцу, так і Сыну Божаму, 

Духу ў славе роўнаму, у Тройцы Адзінаму.