Дух Найсвяцейшы

1.Дух Найсвяцейшы, вуснам дай натхненне,

каб справам Божым слалі праслаўленне. 

Дух Найсвяцейшы, сам прыйдзі да сэрца, 

хай домам Божым хутка назавецца.

2. Дух Найсвяцейшы, дары спасылаеш,

І ад грахоў нас ласкай ачышчаеш.

Дух Найсвяцейшы, глянь жа на бядоту,

Так шчыра прагнем ад Цябе дабротаў.

3. Дух Найсвяцейшы, хай Тваё праменне

У сэрцах будзіць святасці прагненне.

Дух Найсвяцейшы, будзь да нас ласкавы 

І асвячай нам думкі і ўсе справы.