Радуйся, Марыя!

1.  Радуйся, Марыя! 

Ты - нябѐс Лілея,

Богам Ты абрана, 

о, Святая Панна!

Збаўцу свету нам дала,

ласкі поўная была! 

 2. Габрыэль пасланы 

Да Цябе, о Панна. 

Весціць Ён навіну. 

З гэтае прычыны 

Ў радасці ўся зямля — 

Заклік вечнага жыцця.

  3. Слухаеш вітанне, 

Ласкі прадказанне, 

Ты ў хвалявані 

І ў разважанні.  

І з пакораю тады 

Славу не прымаеш Ты.

  4. Ты не бойся болей, 

Госпад Бог з Табою, 

Вось зачнеш Ты Сына 

І народзіш дзіўна — 

Будзеш чыстаю заўжды, 

Хоць і Маці станеш Ты. 

5. Знішчыць грэх Адама 

Той Месія слаўны. 

На пасад узыйдзе 

Слаўнага Давіда 

І ў Якуба доме 

Валадарства зойме!

  6. Панна ў хваляванні 

І ў святым маўчанні. 

Мы аб згодзе просім, 

Мольбы ў неба ўзносім, 

Поўны радасці святой, 

Што дае душы спакой. 

  7. Я слуга, хай стане, 

Як у прывітанні 

Мне распавядаў Ты 

І што абяцаў Ты. 

Я шчаслівая ў вяках, 

Што сказала Богу так!

1. Радуйся, Марыя, 

Панна найчысцейша 

Выбраная Богам, 

О нябёс лілея! 

Ты - прытулак бедных душ, 

Маці найсвяцейша!

2. Ласкі поўна Божай, 

Чысціні анельскай, 

Тваё нараджэнне - 

Свету суцяшэнне, 

Ты надзею нам дала, 

Маці беззаганна.

3. Пан з Табою, Дзева, 

Новая ты Ева. 

Наша апякунка - 

Грэшных прытулак. 

Маці міласэрная, 

Усцяж за нас маліся!

4. Ты благаславёна, 

Панна хвалы годна. 

Пачала ад Духа 

Божага Ты Сына 

Нарадзіла ў чыстасці, 

Дзевай засталася.

5. Між жанчын адзіна, 

Маці непавінна, 

Неба каралева, 

Велічная Дзева. 

Шлях праўдзівы да Хрыста 

Памажы знайсці нам.

6. І благаславёны 

Плод Твайго ўлоння, 

Езус Хрыстус, наш Пан, 

Сын жывога Бога. 

Ён прыйшоў, каб збавіць нас: 

Чэсць Яму і слава!