Ноч надыходзіць

1.Ноч надыходзіць, засынае ўвесь свет, цемра акутала зямлю,

Дзіўная зорка ярка свеціць на небе, мудрацоў вядзе ў Бэтлеем!

Там, у пячоры Бог прыходзіць на свет, стайня – палац Валадара,

Цудныя спевы пастухі чуюць з неба, ў яслях ціха спіць Немаўля!

2. Юзаф з Марыяй адаруюць Яго, кленчаць пакорна пастухі,

Магі спяшаюцца прызнаць Бога ўладу і зямны паклон аддаюць! 

Доўгачаканы Збаўца свету – Хрыстос, будзь прывітаны на зямлі,

Многа тут сэрц, якія прагнуць збаўлення і любоў палюбяць тваю!

3. Сыне Марыі, Сыне Бога Айца, Князь супакою, моцны Бог,

Ты дзеля нас стаў чалавекам убогім і пакорай Боскай здзівіў!

Манна з нябёс, Хлеб Божы - Эммануэль, радасць нябесная ў Табе,

Сам да людзей прыходзіш, верым – свет не пакінеш, з намі будзь да канца!

Т. і м.: кс. Тадэвуш Крыштопік