Цешся, Зямліца

1. Цешся, зямліца Госць прыходзіць з неба,

Што Бога з людам, люд памірыць з Богам.

З_цяжкай няволі ўсіх дзяцей Адама

Збавіць ад злога.

2. Цешся, зямліца, гімн спявай анёлаў.

Слаў Пана Бога ды ўсклікай вясёла,

Бо ты ўжо стала не Яго падножжам, - 

А тронам Божым.

3. Цешся, зямліца, бо ўжо сонца ўсходзіць,

Кожнага з цемры на святло выводзіць.

Неба яснее, новы дзень світае, - 

Страх прападае.

4. Цешся, зямліца, бо прымаеш Бога,

Творцу сусвету і ўсяго зямнога,

Згоды, спакою, міласці і ладу,

Ён мае ўладу.

5. Цешся, зямліца, зведай захапленне,

Людзі, выходзьце, станьце на калені.

Бог сам прыходзіць, з ласкай нараджэння,

Дорыць Збаўленне.