Будзь прывітана

1. Будзь прывітана, Сэрца Пана Бога, — 

верным апора, грэшным дапамога. 

Шчыра паклоны мы Табе складаем, 

з жалем, у пакоры міласці чакаем. 

2. Поўніцца Сэрца Божай дабрынёю, 

Каб мы не зналі злога грэху болей. 

Хай Кроў Святая душы нам абмые,

Свет Божай праўды й чысціні адкрые.

3. Болей за дзіду лютага Лангіна 

Божае Сэрца раняць нашы віны. 

Ў скрусе прымаю я Святую рану: 

Ў ёй — паратунак, з ёй шчаслівым стану.

4. З ранай святою хочам жыць, уміраці; 

Мудрасць адвечну з верай спазнаваці, 

Душы ачысціць, з Богам у небе жыці, 

Сэрца Святое праз вякі хваліці.