Божа, Творца ясных зорак

1. Божа, Творца ясных зорак, 

Ты святло для тых, хто верыць!

Адкупіцель чалавека,  

О, пачуй мальбу пакорных!

2. Змілаваўся Ты над намі, —

 Бо ўсім гібель пагражала.

 Найкаштоўнейшы нам лек даў, — 

Каб гаіць знямоглых раны.

3. Свет ужо сыходзіў у цемру, — 

Божы Сын, як сонца ясна,

Нарадзіўся з чыстай Панны, — 

Каб нас ратаваць ад згубы.

4. Просім, літасцівы Пане — 

І суддзя ўсіх справядлівы,

Памажы нам у змаганні — 

З лютым ворагам збаўлення.

5. Хрыстэ, Валадар лагодны,  

Хай Табе з Айцом і Духам

Будзе вечная падзяка — 

Праз усе вякі, бясконца!

Т: Гімн св. Амброзія;

м: старажытная

пераклад: кс. Тадэвуш Крыштопік