europarbatasunarenfuntzionamenduariburuz
Europar Batasunaren Funtzionamenduari buruzko Tratatua (testu baterabildua)
Itzultzaile Zerbitzu Ofiziala
EUROPAR BATASUNAREN FUNTZIONAMENDUARI BURUZKO TRATATUA
(testu baterabilbua)
ATARIKOA
BELGIARREN ERREGE JAUN GURENAK, ALEMANIAKO ERREPUBLIKA FEDERALEKO
LEHENDAKARIAK, FRANTZIAKO ERREPUBLIKAKO LEHENDAKARIAK, ITALIAKO
ERREPUBLIKAKO LEHENDAKARIAK, LUXENBURGOKO DUKESA GOIEN ANDREAK,
HERBEHEREETAKO ERREGINA ANDRE GURENAK1,
ERABAKI dute Europako herrien arteko batasun gero eta estuago baterako oinarriak jartzea,
DELIBERATU dute bakoitzak bere estatuaren ekonomiaren eta gizartearen aurrerapena
bermatzea, ekintza bateratu baten bidez, Europa zatitzen duten oztopoak kenduz,
FINKATU dute beren herrietako bizitzako eta laneko baldintzak etengabe hobetzea dela beren
eginahalen helburua,
AINTZATETSI dute ekonomiaren garapen egonkorra, merkataritzako trukaketa orekatua eta
lehia leiala bermatuko dituen ekintzak hitzartua izan behar duela, dauden oztopoak kentzeko,
KEZKA daukate beren ekonomien batasuna indartu eta ekonomia horien garapen
harmoniatsua bermatzeko, eskualdeen arteko diferentziak eta onurarik gutxieneko eskualdeen
atzerapena gutxituz,
NAHI IZANIK nazioarteko trukaketetarako dauden murrizketak arian-arian kentzen laguntzea,
merkataritza-politika erkidea eginez,
ASMOA daukate itsasoz haraindiko herrialdeekin Europak daukan elkartasuna indartzeko, eta
nahi dute herrialdeon oparotasunaren garapena bermatzea, Nazio Batuen Gutuneko
printzipioekin bat etorriz,
ERABAKI dute, baliabide-multzo hau eratuz, bakearen eta askatasunaren defentsa sendotzea,
eta hori bera gura duten Europako beste herriei ere eginahaletan berekin elkartzeko gonbita
egiten diete,
1 Geroago, Bulgariako Errepublika, Txekiar Errepublika, Danimarkako Erresuma, Estoniako Errepublika, Irlanda,
Heleniar Errepublika, Espainiako Erresuma, Zipreko Errepublika, Letoniako Errepublika, Lituaniako Errepublika,
Hungariako Errepublika, Maltako Errepublika, Austriako Errepublika, Poloniako Errepublika, Portugalgo
Errepublika, Errumania, Esloveniako Errepublika, Eslovakiako Errepublika, Finlandiako Errepublika, Suediako
Erresuma eta Britainia Handiko eta Ipar Irlandako Erresuma Batua Europar Batasuneko kide egin ziren.
3
DELIBERATU dute ahal denik eta jakintza-mailarik handienaren garapena sustatzea beren
herrientzat, hezkuntzara iristeko bideak zabalduz, eta jakintzak etengabe eguneratuz, eta
Xede horrekin, ahal osoko IZENDATU DITUZTE:
(ez da ahal osokoen zerrenda jaso)
PERTSONA HORIEK, beren ahal osoak, egoki eta behar bezala aitorturik, elkarri agertu ondoren,
ondorengo xedapen hauek hitzartu dituzte:
LEHENENGO ZATIA
PRINTZIPIOAK
1. artikulua
1. Tratatu honek Batasunaren funtzionamendua antolatzen du, eta Batasunak dituen
eskumenak zein eremu, banaketa eta baldintzatan baliatu behar diren zehazten du.
2. Tratatu hau eta Europar Batasunaren Tratatua dira Batasunaren oinarrizko tratatuak.
Bi tratatu horiek balio juridiko berbera dute eta «Tratatuak» adierazpenarekin izendatuko
dira.
I. TITULUA
BATASUNAREN ESKUMEN-KATEGORIAK ETA EREMUAK.
2. artikulua
1. Tratatuek eremu jakin batean Batasunari eskumen esklusiboa ematen diotenean,
Batasunak berak bakarrik egin ahal izango ditu legeak eta berak bakarrik onartu ahal izango
ditu zuzenbidearen arabera lotura-indarra duten egintzak, eta estatu kideek, berriz, estatu kide
diren aldetik, Batasunak horretarako ahalmena ematen badie edo Batasunaren egintzak
aplikatzeko bada, orduan bakarrik egin ahal izango dute hori.
2. Tratatuek eremu jakin batean Batasunari estatu kideekin batera partekatutako
eskumena ematen diotenean, Batasunak eta estatu kideek legeak egin eta zuzenbidearen
arabera lotura-indarra duten egintzak onartu ahal izango dituzte eremu horretan. Batasunak
bere eskumena baliatu ez duen neurrian baliatuko dute estatu kideek beren eskumena.
Batasunak bere eskumena baliatzeari uztea erabaki duen neurrian baliatuko dute estatu kideek
beren eskumena.
3. Estatu kideek beren ekonomia- eta enplegu-politikak koordinatuko dituzte tratatu
honetan ezarritako moduen arabera; modu horiek definitzeko eskumena izango du Batasunak.
4
4. Batasunak eskumena izango du atzerri- eta segurtasun-politika erkidea zehazteko eta
aplikatzeko, Europar Batasunaren Tratatuan xedatutakoaren arabera, defentsa-politika erkidea
arian-arian eratzea ere barnean hartuta.
5. Eremu jakin batzuetan eta Tratatuetan ezarritako baldintzetan, Batasunak ekintzak
burutzeko eskumena izango du estatu kideen zeregina koordinatu, lagundu edo osatze aldera,
Batasunak, baina, berea egin gabe estatu kideek eremu horietan duten eskumena.
Batasunak, Tratatuetan ezarritako xedapenen indarrez, eremu horiei buruz onartzen dituen
egintzek, zuzenbidearen arabera lotura-indarra dutela, ezin izango dute estatu kideetako
legezko eta erregelamenduzko xedapenen ezein harmonizaziorik ekarri.
6. Batasunak dituen eskumenak norainokoak diren eta zein baldintzatan baliatu behar
diren, Tratatuetako xedapenetan zehaztuko da eremu bakoitzari dagokionez.
3. artikulua
1. Batasunak eskumen esklusiboa izango du honako eremu hauetan:
a) aduana-batasuna;
b) barne-merkatuak funtziona dezan lehiari buruz beharrezko diren arauak ezartzeko
zeregina;
c) diru gisa euroa darabilten estatu kideen diru-politika;
d) arrantza-politika erkideari lotuta, itsasoko baliabide biologikoak jagoteko zeregina;
e) merkataritza-politika erkidea.
2. Era berean, Batasunak eskumen esklusiboa izango du nazioarteko akordioak sinatzeko
orduan, betiere, hori egiteko aukera Batasunaren lege-egintza batean jasota dagoenean, bere
barneko eskumena baliatu ahal izateko hitzarmen hori beharrezko denean, eta arau erkideetan
eragina izan dezakeen edo arauon indarra aldaraz dezakeen neurrian.
4. artikulua
1. Tratatuek Batasunari 3. eta 6. artikuluetan aipatutako eremuei ez dagokien eskumen
bat ematen badiote, eskumen hori Batasunak estatu kideekin partekatutakoa izango da.
2. Batasunak eta estatu kideek elkarrekin partekatuta dituzten eskumenak honako eremu
nagusi hauetan aplikatuko dira:
a) barne-merkatua;
5
b) gizarte-politika, tratatu honetan zehaztutako gaiei dagokienez;
c) ekonomia-, gizarte- eta lurralde-kohesioa;
d) nekazaritza eta arrantza, itsasoko baliabide biologikoak jagoteko zeregina albo batera
utzita;
e) ingurumena;
f) kontsumitzaileen babesa;
g) garraioak;
h) Europa barruko sareak;
i) energia;
j) askatasun-, segurtasun- eta justizia-esparrua
k) osasun publikoaren arloan segurtasuna bermatzeko gai erkideak, tratatu honetan
zehaztutako arloei dagokienez.
3. Ikerketari, teknologia-garapenari eta espazioari dagozkien eremuetan, Batasunak
ekintzak burutzeko eskumena izango du, bereziki, programak definitu eta egiteko jardunak
burutzeko eskumena; eskumen hori baliatzeak, ordea, ez du inola ere eragotziko estatu kideek
euren eskumena baliatu ahal izatea.
4. Garapenerako lankidetzari eta laguntza humanitarioari dagozkien eremuetan,
Batasunak ekintzak burutzeko eta politika erkidea egiteko eskumena izango du; eskumen hori
baliatzeak, ordea, ez du inola ere eragotziko estatu kideek euren eskumena baliatu ahal izatea.
5. artikulua
1. Estatu kideek beren ekonomia-politikak koordinatuko dituzte Batasunaren baitan.
Helburu hori betetzeko, Kontseiluak neurriak hartuko ditu, bereziki, politika horiek izan
behar dituzten norabide nagusiei dagokienez.
Xedapen bereziak aplikatuko zaizkie diru gisa euroa duten estatu kideei.
2. Batasunak estatu kideen enplegu-politiken koordinazioa bermatzeko neurriak hartuko
ditu, bereziki, politika horiek izan behar dituzten norabideak zehaztuta.
3. Estatu kideen gizarte-politikak koordinatuko direla bermatzeko ekimenak onartu ahal
izango ditu Batasunak.
6
6. artikulua
Batasunak ekintzak burutzeko eskumena izango du estatu kideen zeregina koordinatu, lagundu
edo osatze aldera. Honako hauek izango dira ekintza horien eremuak, Europa helburu dela:
a) giza osasunaren babesa eta hobekuntza;
b) industria;
c) kultura;
d) turismoa;
e) hezkuntza, lanbide-heziketa, gazteria eta kirola;
f) babes zibila;
g) administrazioen arteko lankidetza.
II. TITULUA
APLIKAZIO OROKORREKO XEDAPENAK
7. artikulua
Batasunak bere politikak eta ekintzak beren artean koherenteak izan daitezen jagongo du,
bere helburuak multzoan denak batera aintzakotzat hartuta eta eskumenak emateko
printzipioa errespetatuta.
8. artikulua
(lehengo 3. artikulua, 2. paragrafoa EET)1
Ekintza guztietan, emakumezkoen eta gizonezkoen arteko desberdintasunak kendu eta
berdintasuna sustatzea izango du helburu Batasunak.
9. artikulua
Politika eta ekintzak zehaztu eta gauzatzeko lanetan, Batasunak kontuan hartuko ditu honako
arlo hauei lotutako eskakizunak: enplegu-maila handia sustatzea, gizarte-babes egokia
bermatzea, gizarteko bazterkeriaren kontra borrokatzea, eta hezkuntzan, prestakuntzan eta
1 Erreferentzia hau ohartarazteko da. Informazio zabalagoa izateko, ikusi tratatuen lehengo eta oraingo
zenbakikuntzaren arteko korrespondentzia-taulak.
7
giza osasunaren babesean maila handia lortzea.
10. artikulua
Politika eta ekintzak zehaztu eta gauzatzeko lanetan, sexua, arraza edo jatorri etnikoa, erlijioa
edo uste sendoak, ezgaitasuna, adina edo sexu-joera arrazoi dituen bereizkeria ororen kontra
borrokatzen ahaleginduko da Batasuna.
11. artikulua
(lehengo 6 artikulua EET)
Batasuneko politikak eta ekintzak zehaztu eta gauzatzerakoan, ingurumenaren babeserako
eskakizunak sartu behar dira bertan, batez ere garapen iraunkorra sustatzeko.
12. artikulua
(lehengo 153. artikulua, 2. paragrafoa, EET)
Batasuneko beste politika eta ekintza batzuk zehaztu eta gauzatzerakoan, kontsumitzaileen
babeserako eskakizunak hartu behar dira kontuan.
13. artikulua
Nekazaritza, arrantza, garraioak, barne-merkatua, ikerkuntza, teknologia-garapena eta
espazioa direla-eta Batasunak dituen politikak zehaztu eta burutzean, Batasunak eta estatu
kideek erabat aintzakotzat hartuko dituzte animalien ongizateak dakartzan eskakizunak,
sentitzen duten izakiak direnez gero, eta, aldi berean, estatu kideetako lege- eta administrazioxedapenak
eta ohiturak errespetatuko dituzte, batez ere erlijio-errituei, kultura-tradizioei eta
eskualdeetako ondareei dagokienez.
14. artikulua
(lehengo 16. artikulua EET)
Batasunak eta Batasuneko estatuek, bakoitzak bere eskumenen arabera, Tratatuen aplikazioeremuan
eta Europar Batasunaren Tratatuaren 4. artikuluaren eta tratatu honen 93., 106. eta
107. artikuluei kalterik egin gabe, eta Batasunaren balio erkideen artean ekonomia-interes
orokorreko zerbitzuek betetzen duten tokia, eta gizarte- eta lurralde-kohesioa sustatzeko
zerbitzuok jokatzen duten papera ikusita, aipatutako zerbitzuok beren eginkizunak betetzeko
moduko printzipioen eta baldintzen arabera (ekonomia- eta finantza-arlokoak batez ere)
jardun dezaten jagongo dute. Europako Parlamentuak eta Kontseiluak ezarriko dituzte
printzipio eta baldintza horiek erregelamendu bidez, legegintzako prozedura arruntari
jarraituz eta estatu kideek, tratatuak errespetatuz, zerbitzu horiek emateko, gauzatzeko eta
finantzatzeko duten eskumenei kalterik egin gabe.
8
15. artikulua
(lehengo 255. artikulua EET)
1. Gobernamendu ona sustatzeko eta gizarte zibilak parte hartuko duela bermatzeko,
Batasuneko instituzioek, organoek eta organismoek irekitasun-printzipioa ahalik eta gehien
errespetatuta jardungo dute.
2. Europako Parlamentuko bilkurak jendaurrekoak izango dira, baita Kontseiluarenak
ere, lege-egintza proiektu bati buruz eztabaidatu eta botoa eman behar duenean.
3. Batasuneko herritar guztiek, eta estatu kideren batean bizi edo baltzu-egoitza daukaten
pertsona fisiko edo juridiko guztiek, Batasuneko instituzio, organo eta organismoetako
agiriak eskuratzeko eskubidea daukate, euskarria edozein dela ere, paragrafo honekin bat
etorriz ezarriko diren printzipio eta baldintzen arabera.
Europako Parlamentuak eta Kontseiluak agiriak eskuratzeko eskubide hori gauzatzeko modua
arautuko duten printzipio orokorrak ezarriko dituzte, eta interes publiko edo pribatuko
arrazoiak direla medio, baita mugak ere. Erregelamendu bitartez egingo du hori, legegintzako
prozedura arruntari jarraituz.
Instituzio, organo edo organismo bakoitzak bere lanen gardentasuna bermatuko du eta bere
agirietara iristeko berariazko xedapenak jarriko ditu barne-erregelamenduan, bigarren
lerrokadan jasotako erregelamenduetan ezarritako baldintzetan.
Europar Batasuneko Justizia Auzitegia, Europako Banku Zentrala eta Europako Inbertsio
Bankua administrazio-eginkizunak betetzen dituztenean bakarrik egongo dira paragrafo
honek xedatzen duenari lotuta.
Europako Parlamentuak eta Kontseiluak legegintza-prozedurei buruzko agirien publikotasuna
ziurtatuko dute, bigarren lerrokadan jasotako erregelamenduetan ezarritako baldintzetan.
16. artikulua
(lehengo 286. artikulua EET)
1. Pertsona orok du berari dagozkion datu pertsonalak babestuta izateko eskubidea.
2. Batasuneko instituzio, organo eta organismoek nahiz estatu kideek Batasuneko
Zuzenbidearen aplikazio-eremuan burutzen dituzten jardueretan datu pertsonalei buruz bete
behar dituzten arauak Europako Parlamentuak eta Kontseiluak finkatuko dituzte legegintzako
prozedura arruntaren arabera, baita datu horien zirkulazio askerako arauak ere. Arau horiek
errespetatzen diren ala ez agintaritza independente batek kontrolatuko du.
Artikulu honen indarrez onartzen diren arauak Europar Batasunaren Tratatuaren 39.
artikuluan aurreikusitako arau zehatzei kalterik egin gabe ulertuko dira.
9
17. artikulua
1. Batasunak errespetatu egingo du, eta ez du baldintzapean jarriko, estatu kideek,
bakoitzak bere barne-zuzenbidearen arabera, elizei eta erlijio-elkarte edo -komunitateei
aitortzen dieten estatutua.
2. Era berean, Batasunak errespetatu egingo du estatu kideek, barne-zuzenbidearen
arabera, erakunde filosofikoei eta konfesionalak ez diren erakundeei aitortutako estatutua.
3. Beren nortasuna eta berariazko ekarpenak aitortuta, Batasunak eliza eta erakunde
horiekin elkarrizketa irekia eta gardena izango du aldiro-aldiro.
BIGARREN ZATIA
BEREIZKERIARIK EZA ETA BATASUNEKO HERRITARTASUNA
18. artikulua
(lehengo 12. artikulua EET)
Tratatuen aplikazio-eremuan, eta horietan aurreikusitako xedapen bereziei kalterik egin gabe,
nazionalitatean oinarritutako edozein bereizkeria debekatuta dago.
Europako Parlamentuak eta Kontseiluak, legegintzako prozedura arruntaren arabera,
aipatutako bereizkeriak debekatzeko beharrezko arau guztiak ezar ditzakete.
19. artikulua
(lehengo 13. artikulua EET)
1. Tratatuetako beste xedapenei kalterik egin gabe, eta Tratatuek Batasunari emandako
eskumenen mugen barruan, Kontseiluak, aho batez, legegintzako prozedura berezi baten
bidez eta Europako Parlamentuak onartu ondoren, sexua, arraza edo jatorria, erlijioa edo
sinisteak, ezgaitasuna, adina edo joera sexuala arrazoi dituen bereizkeriaren kontra
borrokatzeko egokiak diren ekintzak onar ditzake.
2. Artikulu honen 1. paragrafoan xedatutakoa gorabehera, Europako Parlamentuak eta
Kontseiluak, legegintzako prozedura arruntaren arabera, Batasunak emandako sustapenneurrien
oinarrizko printzipioak ezarri eta neurri horiek definitu ahal izango dituzte, hartara
estatu kideek 1. paragrafoan aipatutako helburuak lortzen laguntzeagatik hasitako ekintzen
alde egiteko, betiere, estatuon legezko eta erregelamenduzko xedapenen harmonizazio oro
albo batera utzita.
20. artikulua
10
(lehengo 17. artikulua EET)
1. Batasuneko herritartasuna sortzen da. Batasuneko estatu kideren bateko nazionalitatea
daukan pertsona oro izango da Batasuneko herritar. Batasuneko herritartasuna erantsi egiten
zaio estatu kide bakoitzeko herritar izaerari, ordeztu gabe.
2. Batasuneko herritarrak Tratatuetan ezarritako eskubideen titular eta eginbeharren
menpeko dira. Besteak beste, eskubide hauek dituzte:
a) estatu kideetako lurraldean askatasunez zirkulatzeko eta bertan bizilekua hartzeko
eskubidea dute;
b) hautesle zein hautagai izateko eskubidea dute, bai Europako Parlamenturako
hauteskundeetan, bai eta bizileku duten estatu kideetako udal-hauteskundeetan ere,
estatu horretako herritarrek dituzten baldintza berberetan;
c) herritar direneko estatu kideak ordezkaritzarik ez daukan hirugarren herrialderen baten
lurraldean, beste edozein estatu kidetako agintari diplomatiko eta kontsularren babesa
hartzeko eskubidea dute estatu horretako herritarren baldintza berberetan.
d) Tratatuen hizkuntzetako bat erabiltzeko eta erantzuna hizkuntza horrexetan jasotzeko
eskubidea dute, Europako Parlamentuari eskaerak egin, Europako Arartekoarengana jo
eta Batasuneko instituzio eta organo aholku-emaileei zuzentzean.
Eskubide horiek baliatzeko orduan badira baldintza eta muga batzuk, Tratatuek ezarritakoak
eta Tratatuak aplikatuta hartutako neurriek finkatutakoak.
21. artikulua
(lehengo 18. artikulua EET)
1. Batasuneko herritar orok estatu kideetako lurraldean aske ibili eta bizi izateko
eskubidea du, Tratatuetan eta Tratatuak aplikatzeko onartutako xedapenetan aurreikusitako
mugekin eta baldintzetan.
2. Helburu hori lortu ahal izateko Batasunaren ekintzaren bat beharrezkoa denean, 1.
paragrafoan aipatutako eskubideak gauzatzeko bideratutako xedapenak onar ditzakete
Europako Parlamentuak eta Kontseiluak, legegintzako prozedura arruntaren arabera,
Tratatuek gai horretan ekiteko ahalmenak aurreikusi ez badituzte.
3. Aurreko 1. paragrafoan aurreikusitako ondorioetarako, eta Tratatuek horretarako
jarduteko ahalak ezartzen dituztenean izan ezik, Kontseiluak hartu ahal izango ditu,
legegintzako prozedura berezi baten arabera, gizarte-segurantzaren edo gizarte-babesaren
inguruko neurriak. Kontseiluak, Europako Parlamentuari aurretiaz kontsulta eginda, aho
batez erabakiko du.
11
22. artikulua
(lehengo 19. artikulua EET)
1. Batasuneko herritar orok, bera bizi den Batasuneko estatuan bertako herritar izan ez
arren, bizi den estatuko udal-hauteskundeetan hautesle eta hautagai izateko eskubidea dauka,
estatu kide horretako herritarren baldintza berberetan. Eskubide hori, erabili, Batzordearen
proposamenez eta Europako Parlamentuari kontsulta egin ondoren Kontseiluak aho batez eta
legegintzako prozedura berezi baten bidez onar ditzan modalitateei kalterik egin gabe
erabiliko da; modalitate horietan salbuespenak ezar daitezke Batasuneko estaturen bateko
arazo bereziak nahiko arrazoi badira.
2. Tratatu honetako 223. artikuluko 1. paragrafoan eta hori aplikatzeko onartu diren
arauetan xedatutakoari kalterik egin gabe, Batasuneko herritar orok, bera bizi den Batasuneko
estatuan bertako herritar izan ez arren, bizi den estatu kideko Europako Parlamenturako
hauteskundeetan hautesle eta hautagai izateko eskubidea dauka, estatu horretako herritarren
baldintza berberetan. Eskubide hori, erabili, Batzordearen proposamenez eta Europako
Parlamentuari kontsulta egin ondoren Kontseiluak aho batez eta legegintzako prozedura
berezi baten bidez onar ditzan modalitateei kalterik egin gabe erabiliko da; modalitate
horietan salbuespenak ezar daitezke Batasuneko estaturen bateko arazo bereziak nahiko
arrazoi badira.
23. artikulua
(lehengo 20. artikulua EET)
Batasuneko herritar orok, herritar deneko estatu kideak ordezkaritzarik ez badu hirugarren
herrialderen batean, beste edozein estatu kidetako agintari diplomatiko eta kontsularren
babesa jaso ahal izango du, estatu horretako herritarrentzako baldintza berberetan. Estatu
kideek beharrezko diren xedapenak onartuko dituzte eta beharrezko nazioarteko negoziazioak
egingo dituzte babes hori bermatzeko.
Kontseiluak legegintzako prozedura berezi baten arabera eta Europako Parlamentuari
aurretiaz kontsulta eginda onartu ahal izango ditu babes hori errazteko beharrezkoak diren
koordinazio- eta lankidetza-neurriak ezartzen dituzten zuzentarauak.
24. artikulua
(lehengo 21. artikulua EET)
Europako Parlamentuak eta Kontseiluak, erregelamendu-bidez, legegintzako prozedura
arruntari jarraituz onartuko dituzte nahitaezko prozedura eta baldintzei buruzko xedapenak
herritar-ekimenen aurkezpenerako, Europar Batasunaren Tratatuaren 11. artikuluarekin bat,
baita ekimena aurkezten duten herritarren jatorri diren estatu kideen kopuru minimoa
finkatzeko ere.
Batasuneko herritar orok Europako Parlamentuari eskariak egiteko eskubidea edukiko du,
12
227. artikuluan xedatutakoaren arabera.
Batasuneko herritar orok, halaber, 228. artikuluan xedatutakoaren indarrez eratutako
Arartekoarengana jo dezake.
Batasuneko herritar orok, bestalde, artikulu honetan eta Europar Batasunaren Tratatuaren 13.
artikuluan aipatutako edozein instituzio, organo edo erakundetara jo dezake idatziz, tratatu
horretako 55. artikuluko 1. paragrafoan aipatutako hizkuntzetakoren batean, eta hizkuntza
berean jaso erantzuna.
25. artikulua
(lehengo 22. artikulua EET)
Batzordeak, hiru urtean behin zati honen xedapenen aplikazioari buruz txostena emango die
Europako Parlamentuari, Kontseiluari, eta Ekonomia eta Gizarte Komiteari. Txosten horretan
Batasunaren bilakaera hartu behar da kontuan.
Hori oinarri dela, eta Tratatuen gainerako xedapenei kalterik egin gabe, Kontseiluak, aho
batez, legegintzako prozedura berezi baten arabera eta Europako Parlamentuak onartu
ondoren, 20. artikuluko 2. paragrafoan adierazitako eskubideak osatzera bideratutako
xedapenak onar ditzake. Xedapen horiek indarrean sartzeko, estatu kideek onartu egin behar
dituzte, nork bere konstituzio-arauen arabera.
HIRUGARREN ZATIA
BATASUNAREN BARNEKO POLITIKAK ETA EGINTZAK
I. TITULUA
BARNE-MERKATUA
26. artikulua
(lehengo 14. artikulua EET)
1. Batasunak hartu beharreko neurriak hartuko ditu barne-merkatua ezartzeko edo barnemerkatuaren
funtzionamendua bermatzeko, aintzat hartu beharreko tratatu-xedapenen
arabera.
2. Barne-merkatuak barruko mugarik gabeko esparrua sortaraziko du, eta Tratatuetako
xedapenen arabera bermatuko da bertan salgaien, pertsonen, zerbitzuen eta kapitalen
zirkulazio askea.
3. Aipatutako arlo guztietan aurrerapena orekatua izango dela bermatzeko norabideak eta
beharrezko baldintzak zehaztuko ditu Kontseiluak Batzordearen proposamenaren gainean.
13
27. artikulua
(lehengo 15. artikulua EET)
Goiko 26 bis artikuluan aipatutako helburuak lortzeko bideratutako proposamenak
egiterakoan, Batzordeak kontuan hartu behar du zein izango den garapen-maila diferentea
daukaten zenbait ekonomiek barne-merkatua ezartzeko egin beharko duten ahaleginaren
tamaina, eta horretarako egokiak diren xedapenak proposatu ahal izango ditu.
Esandako xedapenak salbuespen moduan onartzen badira, aldi baterako izan beharko dira, eta
ahal denik eta gutxien nahastu beharko dute barne-merkatuaren funtzionamendua.
II. TITULUA
SALGAIEN ZIRKULAZIO ASKEA
28. artikulua
(lehengo 23. artikulua EET)
1. Batasunak aduana-batasuna izango du bere baitan, eta horrek salgaien trukaketa
guztiak hartuko ditu, eta estatu kideen arteko inportazio-esportazioetako aduana-tarifak eta
ondorio baliokideak dituzten beste ordainarazpen guztiak debekatzea ekarriko du, baita
hirugarren herrialdeekiko harremanetarako aduana-tarifa erkidea onartzea ere.
2. Tratatu honetako 30. artikuluko eta titulu honetako 3. kapituluko xedapenak estatu
kideetako produktuei eta hirugarren herrialdeetatik etorritakoak izan arren estatu kideetan
truke askean dabiltzan produktuei aplikatuko zaizkie.
29. artikulua
(lehengo 24. artikulua EET)
Hirugarren herrialdeetatik etorritako produktuak estatu kideren batean truke askean daudela
ulertuko da, baldin eta, estatu kide horretan, inportaziorako izapideak bete, eta aduana-sariak
eta ondorio baliokideak dituen beste edozein ordainarazpen ordaindu bada, eta eskubide eta
ordainarazpen guztiak edo zati batzuk itzultzea dakarren onurarik jaso ez badute.
1. KAPITULUA
ADUANA-BATASUNA
30. artikulua
(lehengo 25. artikulua EET)
Estatu kideen artean debeku izango dira inportazio-esportazioetako aduana-zergak eta
ondorio baliokideak dituzten ordainarazpenak. Izaera fiskaleko aduana-zergen eskubideei ere
14
debeku hau aplikatuko zaie.
31. artikulua
(lehengo 26. artikulua EET)
Kontseiluak finkatuko ditu aduana-tarifa erkidearen eskubideak Batzordearen proposamenez.
32. artikulua
(lehengo 27. artikulua EET)
Kapitulu honetan emandako eginkizunak betetzeko, Batzordeak hauek izango ditu gidari:
a) estatu kideen eta hirugarren herrialdeen artean merkataritzako trukaketak sustatu behar
dira;
b) lehia-baldintzak aldatuz joango dira Batasunaren barruan, betiere, bilakaera horrek
enpresen lehiakortasun-gaitasuna gehitzea dakarren neurrian;
c) Batasunaren hornidura-premiak, lehen gaietan eta erdi elaboratutako produktuetan,
hain zuzen amaitutako produktuen lehia-baldintzak faltsutu ez daitezen estatu kideen
artean;
d) estatu kideen ekonomian nahasmendu larriak ekidin behar dira, eta Batasunean
ekoizpena zentzuz garatzea eta kontsumoa zabaltzea bermatu behar da.
2. KAPITULUA
ADUANETAKO LANKIDETZA
33. artikulua
(lehengo 135. artikulua EET)
Tratatuen aplikazio eremuan, Europako Parlamentuak eta Kontseiluak, legegintzako
prozedura arruntaren arabera, Batasuneko estatuen arteko eta estatuon eta Batzordearen
arteko aduanetako lankidetza indartzeko neurriak hartuko dituzte.
3. KAPITULUA
KOPURUAK MURRIZTEKO DEBEKUA ERKIDEGOKO ESTATUEN ARTEAN
34. artikulua
(lehengo 28. artikulua EET)
Estatu kideen artean debekatuta dago inportaziorako kopuruak murriztea, baita ondorio
15
baliokideak dauzkaten beste neurri guztiak ere.
35. artikulua
(lehengo 29. artikulua EET)
Estatu kideen artean debekatuta dago esportaziorako kopuruak murriztea, baita ondorio
baliokideak dauzkaten beste neurri guztiak ere.
36. artikulua
(lehengo 30. artikulua EET)
34. eta 35. artikuluetako xedapenak ez dira oztopo izango inportazioa, esportazioa edo
iragaitea debekatu edo murrizteko, baldin eta jokabide hori hartzeko arrazoi badira ordena
publikoa; moraltasuna eta segurtasun publikoa; pertsonen nahiz animalien osasuna eta bizitza
babestea edo landaretza zaintzea; estatuko arte, historia edo arkeologiako ondarea babestea,
edo industria eta merkataritzako jabetza babestea. Hala ere, debeku edo murrizketa horiek
ezin dira bidegabeko bereizkeria-moduak izan, ez eta estatu kideen artean merkataritza
murrizteko ezkutuko bideak ere.
37. artikulua
(lehengo 31. artikulua EET)
1. Estatu kideek egokitu egin behar dituzte estatuko merkataritza-monopolioak, estatu
kideetako herritarren artean bereizkeria guztiak ezabatuko direla bermatzeko, hornidurako eta
merkatuko baldintzei dagokienez.
Baldin eta estatu kideren batek, de iure edo de facto, zuzenean edo zeharka, estatu kideen
arteko inportazioak edo esportazioak kontrolatu, zuzendu edo horietan nabarmen eragiteko,
organismoren bat erabiltzen badu, artikulu honetako xedapenak aplikatuko zaizkio organismo
horri. Estatuak hirugarrenei utzitako monopolioei ere berdin aplikatuko zaizkie xedapen
hauek.
2. Estatu kideek ez dute parte hartuko 1. paragrafoan aipatutako printzipioen kontrako
ezein neurri berritan, ez eta estatu kideen arteko aduana-zergak nahiz kopuru-murrizketak
debekatzeko artikuluen edukia murrizteko ezein neurritan ere.
3. Merkataritza-monopolioren batek nekazaritzako produktuen merkaturatzea erraztu edo
errentagarritasuna hobetzeko araudirik badarama berarekin batera, artikulu honetako arauak
aplikatuz berme baliokideak ziurtatzeko beharrezkoak diren neurriak hartu beharko dira,
horrekin zerikusia daukaten ekoizleen enplegurako eta bizitzaren mailarako.
III. TITULUA
NEKAZARITZA ETA ARRANTZA
16
38. artikulua
(lehengo 32. artikulua EET)
1. Batasunak nekazaritza- eta arrantza-politika erkidea zehaztu eta aplikatuko du.
Barne-merkatuak nekazaritza, arrantza eta nekazaritzako produktuen merkataritza hartuko
ditu bere barruan. Nekazaritzako produktu dira lurreko, abeltzaintzako eta arrantzako
produktuak, baita haiekin zuzeneko zerikusia izanik lehenengo transformaziokoak diren
produktuak ere. Nekazaritza-politika erkidea eta nekazaritza aipatzen direnean, eta orobat
«nekazaritza» hitza erabiltzen denean, arrantza ere hor sartzen dela ulertuko da, sektore
horren ezaugarri bereziak aintzat hartuta.
2. Barne-merkatuaren ezarpenari edo haren funtzionamenduari begira ezarritako arauak
aplikatuko zaizkie nekazaritzako produktuei ere, 39tik 44ra bitarteko artikuluetan, biak barne
direla, kontrakorik xedatu ezean.
3. Tratatuetako I. eranskineko zerrendan datozen produktuei 39. artikulutik 44. artikulura
bitartekoak aplikatuko zaizkie, biak barne.
4. Nekazaritza-politika erkidea ezartzearen eskutik joan beharko dute nekazaritzako
produktuen barne-merkatuaren funtzionamenduak eta garapenak.
39. artikulua
(lehengo 33. artikulua EET)
1. Nekazaritza-politika erkidearen helburuak hauek dira:
a) nekazaritzako produktibitatea gehitzea, aurrerapen teknikoa sustatuz, eta
nekazaritzako ekoizpena zentzuz garatu eta ekoizpen-faktoreak, batez ere, esku-lana,
ahal denik eta ondoen erabil daitezela bermatuz;
b) nekazaritzako biztanleei bizitza-maila egokia bermatzea, batez ere nekazaritzan lan
egiten duen bakoitzaren errenta gehituz;
c) merkatuak egonkor bihurtzea;
d) horniketak ziurtatzea;
e) kontsumitzaileari hornigaiak zentzuzko prezioetan bermatzea.
2. Nekazaritza-politika erkidea eta horrek eska ditzakeen metodo bereziak gauzatzeko,
kontuan hartu beharrekoak dira:
17
a) nekazaritzako jarduerak ezaugarri bereziak dauzkala, nekazaritzaren gizarte-egituratik
eta nekazaritzako eskualdeen arteko berezko eta egiturazko desberdintasunetatik
sortuta;
b) egokitzapenak pausoka egin behar direla;
c) estatu kide bakoitzaren barruan ekonomia osoarekin estu lotuta dagoen arloa dela
nekazaritza.
40. artikulua
(lehengo 34. artikulua EET)
1. Goiko 39. artikuluan aurreikusitako helburuak lortzeko, nekazaritza-merkatuen
antolakunde erkidea sortzen da
Produktuen arabera, modu hauetakoren bat hartuko du antolaketak:
a) lehiakortasunari buruzko arau erkideak;
b) estatuetako merkatu-antolaketen derrigorrezko koordinazioa;
c) Europako merkatu-antolaketa.
2. Goiko 39. artikuluan zehaztutako helburuak lortzeko beharrezko neurri guztiak bil
ditzake bere baitan 1. paragrafoan aipatutako moduren batean ezarritako antolakunde
erkideak, bereziki: prezioak arautzea, produktuak ekoitzi eta merkaturatzeko diru-laguntzak;
biltegiratzeko sistemak eta gerakinak konpentsatzeko sistemak; eta inportazioak edo
esportazioak egonkor bihurtzeko tresna erkideak.
Goiko 39. artikuluan aipatutako helburuak lortzera mugatu behar da antolakunde erkidea, eta
ezabatu egin behar ditu Batasuneko ekoizleen edo kontsumitzaileen arteko bereizkeria
guztiak.
Prezioen politika erkidea, zein ere den, irizpide erkideetan eta era bereko kalkulu-metodoetan
oinarritu behar da.
3. Artikulu honetako 1. paragrafoan aipatutako antolakunde erkideak bere helburuak
lortu ahal izan ditzan, nekazaritza bideratu eta bermatzeko funts bat edo gehiago sortu ahal
izango dira.
41. artikulua
(lehengo 35. artikulua EET)
Goiko 39. artikuluan zehaztutako helburuak lortzeko, neurri hauek aurreikus daitezke
18
nekazaritzako politika erkidean:
a) agronomiako jakintza-gaien lanbide-heziketan, ikerketan eta zabalkundean hasitako
ahaleginen koordinazio eraginkorra, batera finantzatutako proiektuak edo instituzioak
barne hartuta;
b) zenbait produkturen kontsumoa sustatzeko ekintza erkideak.
42. artikulua
(lehengo 36. artikulua EET)
Lehiakortasun-arauei buruzko kapituluko xedapenak nekazaritzako produktuak ekoitzi eta
merkaturatzeari ere aplikatu ahal izango zaizkie, baina Europako Parlamentuak eta
Kontseiluak zehaztutako neurrian, eta 43. artikuluko 2 paragrafoko xedapenen eremuan eta
bertan aurreikusitako prozedurarekin bat etorriz baino ez, betiere 39. artikuluan aipatutako
helburuak kontuan direla.
Kontseiluak, batzordeak proposatuta, laguntzak ematea onetsi ahal izango du:
a) naturari dagozkion baldintzak edo egitura-baldintzak direla-eta onurarik gutxien
daukaten ustiategiak babesteko;
b) ekonomiaren garapenerako programen esparruan.
43. artikulua
(lehengo 37. artikulua EET)
1. Batzordeak proposamenak aurkeztuko ditu nekazaritza-politika erkidea prestatu eta
gauzatzeari buruz, baita estatuen antolakundeak 40. artikuluaren 1. paragrafoan jasotako
antolakunde erkideekin ordezteari buruz ere, eta titulu honetan zehazten diren neurriak
ezartzeari buruz ere bai.
Titulu honetan aipatutako nekazaritzako gaien elkarren arteko mendekotasuna eduki behar
dute kontuan proposamen horiek.
2. Europako Parlamentuak eta Kontseiluak, legegintzako prozedura arruntaren arabera
eta Ekonomia eta Gizarte Komiteari aurrez kontsultatuta, 40. artikuluko 1. paragrafoan
aurreikusitako nekazaritza-merkatuen antolakunde erkidea ezarriko dute, eta bai nekazaritzaeta
arrantza-politika erkidearen helburuak lortzeko beharrezkoak diren gainerako xedapenak
ere.
3. Kontseiluak, Batzordeak proposatuta, gai hauei buruzko neurriak hartuko ditu:
prezioak ezartzea, ordainarazpenak, laguntzak eta kantitateen mugatzea, bai eta arrantzaaukeren
zehaztea eta banatzea ere.
19
4. Estatuetako merkatu-antolakundeak 40. artikuluaren 1. paragrafoan aurreikusitako
antolakunde erkideekin ordeztu ahal izango dira, artikulu honetako 1. paragrafoan ezarritako
baldintzak betez:
a) baldin eta antolakunde erkidearekin, neurri horren kontra jarri eta kasuan kasuko
ekoizpenerako estatu barruko erakunde bat daukaten estatu kideei, ekoizleen
enplegurako eta bizi-mailarako berme baliokideak ematen bazaizkie, betiere,
menturazko egokitzapenen eta beharrezko berezitasunen erritmoa kontuan hartuta, eta
b) baldin eta aipatutako antolaketa erkidearekin, Batasunaren barruko trukaketetarako,
estatuko merkatuan dauden antzeko baldintzak bermatzen badira.
5. Zenbait lehengaitarako antolakunde erkidea sortzen bada, eta horien eraldaketaz
sortutako produktuetarako oraindik antolakunde erkiderik ez badago, Batasunaren kanpotik
inportatu ahal izango dira hirugarren herrialdeetara esportatzeko eraldatuko diren
produktuetan erabiltzeko lehengai horiek.
44. artikulua
(lehengo 38. artikulua EET)
Baldin eta Erkidegoko estaturen batean produkturen bat estatuko merkatu-antolaketa bati
lotuta badago, edo ondorio baliokideko barruko edozein araudiri lotuta badago, eta horrela
Erkidegoko beste estaturen bateko antzerako ekoizpenen baten lehiari eragiten badio, beste
estatuek konpentsazio-karga bat ezarriko diote goian aipatutako antolaketa edo araudia
daukan estatutik datorren produktuari, produktu horren irteeran, dagokion estatuak berak
konpentsazio-kargarik aplikatu ezik.
Batzordeak finkatuko du karga horien zenbatekoa, oreka jartzeko beharrezkoa den heinean;
eta beste neurri batzuk hartzeko baimena ere eman dezake, berak zehaztutako baldintza eta
moduetan.
IV. TITULUA
PERTSONA, ZERBITZU ETA KAPITALEN ZIRKULAZIO ASKEA
1. KAPITULUA
LANGILEAK
45. artikulua
(lehengo 39. artikulua EET)
1. Langileei bermatu egiten zaie zirkulazio askea, Batasunaren barruan.
20
2. Estatu kideetako langileen artean, nazionalitatean oinarritutako bereizkeria guztien
abolizioa dakar zirkulazio askeak, enpleguari, soldatei eta gainerako baldintzei dagokienez.
3. Ordena publikoa, segurtasun publikoa eta osasun publikoa arrazoi direla jarritako
mugapenei kalterik egin gabe, langileen zirkulazio askeak eskubide hauek dakartza:
a) benetako lan-eskaintzei erantzuteko eskubidea;
b) helburu horretarako, estatu kideetako lurraldean aske ibiltzeko eskubidea;
c) estatu kideetakoren batean bizilekua finkatzeko eskubidea, bertan lan egin ahal
izateko, estatu horretako langileen enpleguari aplika dakizkiokeen legezko,
erregelamenduzko eta administraziozko xedapenen arabera;
d) estatu kideren bateko lurraldean enplegua eduki ondoren, bertan jarraitzeko eskubidea,
Batzordeak ezarritako erregelamenduetan aurreikusitako baldintzetan.
4. Artikulu honetako xedapenak ezin izango zaizkie aplikatu administrazio publikoko
enpleguei.
46. artikulua
(lehengo 40. artikulua EET)
Europako Parlamentuak eta Kontseiluak, legegintzako prozedura arruntaren arabera eta
Ekonomia eta Gizarte Komiteari kontsulta egin ondoren, langileen zirkulazio askea benetan
gauzatzeko beharrezko neurriak hartuko dituzte, zuzentarau edo erregelamendu bidez, 45.
artikuluan zehaztutako modukoa izan dadin; bereziki
a) estatuetako lan-administrazioen artean lankidetza estua ziurtatuko du;
b) estatuko legeriaren ondorioz edo estatu kideen artean lehendik sinatutako akordioen
ondorioz langileen mugimenduak askatzeko edota aukeran dauden enpleguetara
sartzeko eragozpen diren administrazio-prozedurak eta -jarduerak badaude, kendu
egingo dituzte;
c) estatuko legedietan edo estatuen artean aurrez lotutako akordioetan aurreikusitako epe
guztiak eta gainerako murrizpenak kendu egingo dituzte, baldin eta Batasuneko beste
estatuetako langileei, enpleguren bat askatasunez aukeratzeko, estatu horretako
langileei ezarritako baldintzen ordez bestelakoak ezartzen badizkiete;
d) enplegu-eskaintzak eta enplegu-eskariak elkarren artean lotzeko eta orekatzeko egoki
diren tresnak ezarriko ditu, eskualde eta industria batzuetako nahiz besteetako
21
bizi-maila eta enplegu-maila arrisku larrian jar ez daitezen.
47. artikulua
(lehengo 41. artikulua EET)
Estatu kideek, programa erkide batean, langile gazteak elkarren artean trukatzeko aukerak
zabalduko dituzte.
48. artikulua
(lehengo 42. artikulua EET)
Europako Parlamentuak eta Kontseiluak, legegintzako prozedura arruntaren arabera,
langileen zirkulazio askea ezartzeko beharrezko neurriak hartuko dituzte gizarte-segurantzako
gaietan, eta, bereziki, langile etorkinei, inoren kontura zein beren kontura lanean dihardutela,
eta beren eskubidedunei ondorengo puntuak bermatzeko sistema sortuko dute:
a) estatu bakoitzeko legedietan kontuan hartutako lan-aldi guztiak metatzea, gizarteprestazioetarako
eskubidea sortu eta gordetzeko, baita prestazioak kalkulatzeko ere;
b) Erkidegoko estatuetako lurraldeetan egoitza daukaten pertsonei prestazioak
ordaintzea.
Kontseiluko kide batek deklaratzen badu lehenengo lerrokadan aurreikusitako lege-egintzako
proiekturen batek bere gizarte-segurantzako osagai garrantzitsuei kalte egiten diela —hala
nola, aplikazio-eremuari, kostuari edo finantza-egiturari— edo sistema horren finantzaorekari
eragiten diola, gai hori Kontseilu Europarrera bidaltzea eskatu ahal izango du; hori
gertatuz gero, legegintzako prozedura arrunta etenda geratuko da. Gaia eztabaidatu ondoren,
prozedura eten eta lau hilabeteko epean, Kontseilu Europarrak:
a) proiektua berriz ere Kontseiluari itzuliko dio, eta, horrela, legegintzako prozedura
arruntaren etenaldia bukatuko da; edo, bestela,
b) ez du erabakirik hartuko edo Batzordeari beste proposamen bat aurkezteko eskatuko
dio. Horrelakoetan, hasieran proposatutako egintza onartugabetzat joko da.
2. KAPITULUA
KOKATZEKO ESKUBIDEA
49. artikulua
(lehengo 43. artikulua EET)
Ondorengo xedapenen eremuan, debekatuta egongo dira estatu kide bateko herritarrek beste
estatu kide bateko lurraldean kokatzeko daukaten askatasunaren kontrako murrizketak.
22
Debeku hori, halaber, estatu kide bateko lurraldean kokatuta dauden beste estatu kide bateko
herritarrek agentziak, sukurtsalak edo filialak irekitzeko daukaten askatasunaren murrizketen
kontra ere badoa.
Kokatzeko askatasunak berekin dakar bakoitzak bere konturako enplegua sortu eta horretan
aritu ahal izatea, baita enpresak eratu eta kudeatzea ere, batez ere, sozietateak, 54. artikuluko
bigarren lerrokadan zehaztuta dauden moduan, bertako herritarrentzat herrialde bakoitzeko
legediek jarritako baldintzetan, kapitalei buruzko kapituluko xedapenei kalterik egin gabe.
50. artikulua
(lehengo 44. artikulua EET)
1. Jarduera zehatz batean kokatzeko askatasuna lortzeari begira, erabakia Europako
Parlamentuari eta Kontseiluari dagokie, eta zuzentarau bidez hartuko dute erabakia,
legegintzako prozedura arruntaren arabera eta Ekonomia eta Gizarte Komiteari kontsulta egin
ondoren.
2. Europako Parlamentuak, Kontseiluak eta Batzordeak aurreko xedapenetan agindutako
eginkizunak bete behar dituzte, batez ere:
a) orokorrean, lehentasuna emango diete ekoizpena eta trukaketak gehitzeko lagungarri
diren jarduerei, kokatzeko askatasuna berariazko moduz horretarako baliagarria den
heinean;
b) estatuetako administrazio eskudunen arteko lankidetza estua izango dela bermatu
behar dute, hain zuzen, Batasunaren barruan, eragindako jardueren egoera
partikularrak ezagutu ahal izateko;
c) estatuko legedietatik edo estatuen artean aurrez lotutako akordioetatik sortutako
administrazioko prozedurak eta jarduerak ezabatu egin behar dituzte, baldin eta horiei
eusteak oztopoak jartzen badizkio kokatzeko askatasunari;
d) Erkidegoko estaturen bateko soldatapeko langile izanda, eta beste estaturen bateko
lurraldean enplegatuta egonik, norbere kontura lanean jarri nahi duten langileek
lurralde horretan jarraitu ahal izan dezaten jagon behar dute Kontseiluak eta
Batzordeak, beti ere delako jarduera hori hasi nahi duten unean estatu horretan sartuko
balira eskatuko litzaizkiekeen baldintzak betetzen badituzte;
e) estatu kideren estaturen bateko lurraldean kokatutako jabetza higiezinak beste estatu
bateko herritarren batek erosi eta aprobetxatzeko moduak aukeran utzi behar dituzte,
39. artikuluko 2. paragrafoan ezarritako printzipioak hausten ez diren bitartean;
f) kokatzeko askatasunari jarritako murrizpenak arian-arian ezabatu egin behar dituzte,
aipatutako jarduera-adar guztietan, bai estatu kideetako lurraldeetan agentziak,
23
sukurtsalak edo filialak zabaltzeko baldintzei dagokienez, bai baltzu nagusiko
langileak bere agentzia, sukurtsal edo filialetako kudeaketa edo kontroleko organoetan
onartzeko baldintzei dagokienez ere;
g) 54. artikuluko bigarren lerrokadan zehaztutako sozietateei estatu kideetan eskatutako
bermeak koordinatu egin behar dituzte, beharrezkoa den neurrian, baliokideak izan
daitezen, eta, hala, kideen eta hirugarrenen interesak babesteko;
h) eta neurriak hartu behar dituzte kokatzeko baldintzak faltsutu ez daitezen estatu kideek
emandako laguntzekin.
51. artikulua
(lehengo 45. artikulua EET)
Kapitulu honetako xedapenak ez zaizkie aplikatuko, estatu kide interesdunari dagokionez,
estatu horretan botere publikoa gauzatzearekin zerikusia daukaten jarduerei, nahiz eta
zerikusi hori noizean behingoa izan.
Europako Parlamentuak eta Kontseiluak, legegintzako prozedura arruntaren arabera, kapitulu
honetako xedapenen aplikaziotik kanpo utz ditzakete zenbait jarduera.
52. artikulua
(lehengo 46. artikulua EET)
1. Kapitulu honetako xedapenek eta xedapenon indarrez hartutako neurriek ez dute
zalantzan jarriko atzerritarrentzat araubide berezia ezartzen duten legezko, erregelamenduzko
eta administraziozko xedapenak aplikatu daitezkeen ala ez, baldin eta ordena publikoa,
segurtasun publikoa eta osasun publikoa direla-eta xedapenok arrazoizkoak badira.
2. Europako Parlamentuak eta Kontseiluak, legegintzako prozedura arruntaren arabera,
aipatutako xedapenak koordinatzeko zuzentarauak onartuko dituzte.
53. artikulua
(lehengo 47. artikulua EET)
1. Pertsona bakoitzari bere konturako jarduerak sortu eta betetzeko erraztasunak
emateko, Europako Parlamentuak eta Kontseiluak, legegintzako prozedura arruntari jarraituz,
zuzentarauak onartuko dituzte batak bestearen diplomak, ziurtagiriak eta beste titulu batzuk
onartzeko, eta nork bere konturako jarduerak sortzeko eta horietan aritzeko estatu kideek
dauzkaten lege-, erregelamendu- eta administrazio-xedapenak koordinatzeko.
2. Medikuntza, paramedikuntza eta farmaziako lanbideei dagokienez, arian-arian
murrizpenak gutxitzen joateko, aurrez koordinatu egin behar dira estatu kideetan lanbideok
betetzeko eskatutako baldintzak.
24
54. artikulua
(lehengo 48. artikulua EET)
Baldin eta estatu kideren bateko legearen arabera eratutako sozietateek beren egoitza nagusia,
administrazio nagusia edo jarduera nagusiko zentroa Batasunean badaukate, estatu kideetako
herritar diren pertsona fisikoen parean jarriko dira, kapitulu honetako xedapenak aplikatzeko.
Sozietateak esatean zuzenbide zibileko edo merkataritza-zuzenbideko sozietateak ulertu
behar dira, kooperatibak barne, baita zuzenbide publiko edo pribatuko gainerako pertsona
juridikoak ere, irabazteko xederik ez daukatenak salbuespen izanda.
55. artikulua
(lehengo 294. artikulua EET)
Batasuneko estatuek beren herritarrei ematen dieten tratua emango diete Batasuneko beste
estatuetako herritarrei ere, 54. artikuluan zehaztutako sozietateetako kapitalean finantzapartaidetza
izateari dagokionez, Tratatuetako gainerako xedapenak aplikatu beharra albo
batera utzi gabe.
3. KAPITULUA
ZERBITZUAK
56. artikulua
(lehengo 49. artikulua EET)
Hurrengo xedapenen eremuan, debekatuta utziko dira Batasuneko herrialde batean kokatuta
dauden Batasuneko estaturen bateko herritarrei estatu kide batean zerbitzuak aske emateko
murrizpenak, nahiz eta herrialde hori ez izan prestazio-hartzailea.
Europako Parlamentuak eta Kontseiluak, legegintzako prozedura arruntaren arabera,
hirugarren estatu bateko herritarrak izan eta Batasunean kokatuta dauden zerbitzu-emaileei
zabaldu ahal izango dizkiete kapitulu honetako xedapenen onurak.
57. artikulua
(lehengo 50. artikulua EET)
Tratatuen arabera, zerbitzutzat hartuko dira normalean ordainketa baten truke egindako
prestazioak, baldin eta salgai, kapital eta pertsonen zirkulazio askeari buruzko xedapenek
arautzen ez badituzte.
Zerbitzuon artean sartzen dira, bereziki:
25
a) industriako jarduerak;
b) merkataritzako jarduerak;
c) eskulangintzako jarduerak;
d) lanbide liberaletako jarduerak.
Kokatze-eskubideari buruzko kapituluko xedapenei kalterik egin gabe, zerbitzu-emaileak,
prestazio hori gauzatzeko, prestazioa burutzen ari den estatu kidean bete dezake bere jarduera
aldi batean, estatu kide horrek bertako herritarrei ezar diezazkien baldintza berberetan.
58. artikulua
(lehengo 51. artikulua EET)
1. Garraioei buruzko zerbitzuak aske emateko, garraioei buruzko tituluko xedapenak
izango dira arautzaile.
2. Kapitalen zirkulazioaren liberalizazioarekin harmonizatuta egingo da kapitalmugimenduei
lotutako banku- eta aseguru-zerbitzuen liberalizazioa.
59. artikulua
(lehengo 52. artikulua EET)
1. Zerbitzu jakin baten liberalizazioa lortzeko, Europako Parlamentuak eta Kontseiluak
zuzentarau bidez erabakiko dute, legegintzako prozedura arruntaren arabera eta Ekonomia eta
Gizarte Komiteari kontsulta egin ondoren.
2. Goiko 1. paragrafoan aurreikusitako zuzentarauak, orokorrean, lehentasunez
ekoizpen-kostuetan eragin zuzena daukaten zerbitzuei buruzkoak izango dira, baita,
liberalizatuta, salgaien trukaketa errazten duten zerbitzuei buruzkoak ere.
60. artikulua
(lehengo 53. artikulua EET)
Batasuneko estatuek ahaleginak egingo dituzte 59. artikuluko 1. paragrafoa aplikatuz
onartutako zuzentarauen indarrez eskatutako zerbitzu-liberalizazioa baino liberalizazio
handiagoa ezartzeko, baldin eta beren ekonomiaren egoera orokorrak eta kasuan kasuko
sektoreko egoerak uzten badiete.
Batzordeak, helburu horrekin, gomendioak egingo dizkie interesdun diren estatuei.
61. artikulua
(lehengo 54. artikulua EET)
26
Harik eta zerbitzuak aske betetzeko murrizpenak ezabatu arte, 56. artikuluko lehenengo
lerrokadan aipatutako zerbitzu-emaile guztiei aplika diezazkieke murrizpenok estatu kide
bakoitzak, nazionalitaterik edo egoitzarik kontuan hartu gabe.
62. artikulua
(lehengo 55. artikulua EET)
Biok barne direla, 51. artikulutik 54. artikulura artekoetako xedapenak aplika dakizkieke
kapitulu honetan araututako gaiei.
4. KAPITULUA
KAPITALA ETA ORDAINKETAK
63. artikulua
(lehengo 56. artikulua EET)
1. Kapitulu honetako xedapenen eremuan, debekatuta dago estatu kideen arteko eta
estatu kideen eta hirugarren herrialdeen arteko kapitalen mugimenduei edozein murrizketa
jartzea.
2. Kapitulu honetako xedapenen eremuan, debekatuta dago estatu kideen arteko eta
estatu kideen eta hirugarren herrialdeen arteko ordainketei edozein murrizketa jartzea.
64. artikulua
(lehengo 57. artikulua EET)
1. Estatu bakoitzeko zuzenbidearen arabera zein Batasuneko zuzenbidearen arabera,
kapitalen mugimenduen gainean 1993ko abenduaren 31n zeuden murrizketak hirugarren
herrialdeei aplikatzeari kalterik egin gabe ulertu behar da 63. artikulua, berdin delarik
kapitalok hirugarren herrialdeetara bidaltzen diren edo herrialde horietatik datozen eta,
betiere, baldin eta zuzeneko inbertsioak badira —ondasun higiezinetakoak barne—, edota
kokatzeko, finantza-zerbitzuak emateko edo kapitalen merkatuetan balio-tituluak onartzeko
badira. Bulgariako, Estoniako eta Hungariako estatuetako legeriaren indarrez dauden
murrizketei dagokienez, kontuan hartuko den eguna 1999ko abenduaren 31 izango da.
2. Estatu kideen eta hirugarren herrialdeen arteko kapitalen zirkulazio askeari ahal den
mailarik gorenean eutsi nahi izanda ere, eta tratatuetako gainerako kapituluetan xedatutakoari
kalterik egin gabe, Europako Parlamentuak eta Kontseiluak, legegintzako prozedura
arruntaren arabera, neurriak hartuko dituzte kapitalen mugimenduei buruz, bai beste herrialde
batzuetara badoaz, bai herrialde horietatik badatoz , baldin eta zuzeneko inbertsioak badira —
ondasun higiezinetakoak barne— eta kokatzeko, finantza-zerbitzuak emateko edo kapitalen
merkatuetan baloreak onartzeko badira.
27
3. Kapitalen mugimenduen liberalizazioari dagokionez, kapitalak hirugarren
herrialdeetara joan nahiz herrialde horietatik etorri, Batasunaren zuzenbidean atzerakadaren
bat gertatu ahal izateko, Kontseiluaren legegintzako prozedura berezi baten arabera, aho batez
eta Europako Parlamentuari aurretiaz kontsulta eginda bakarrik ezarri ahal izango ditu
neurriak, 2. paragrafoan xedatutakoa gorabehera.
65. artikulua
(lehengo 58. artikulua EET)
1. 63. artikuluan xedatutakoa gorabehera, estatu kideek beretzat gordeko dute:
a) bizilekuaren arabera edo kapitala inbertituta dagoen tokiaren arabera egoera
desberdinetan aurkitzen direla-eta zergadunen arteko bereizketa egiten duten zergazuzenbideko
xedapenak aplikatzeko eskubidea;
b) estatu bakoitzeko zuzenbidea eta araubidea haustea galarazteko beharrezko neurriak
hartzeko eskubidea, bereziki zerga-arloan eta finantza-erakundeen zuhurtziazko
ikuskapen-arloan; administrazioko edo estatistikako informazioa lortzea xede izanik,
kapitalen mugimenduen aitorpenak egiteko prozedurak ezartzeko eskubidea; edo
ordena publikoa edo segurtasun publikoa dela-eta bidezkoak diren neurriak hartzeko
eskubidea.
2. Kapitulu honetako xedapenak ez dira oztopo izango kokatze-eskubideari buruz
Tratatuekin bateragarri diren murrizketak aplikatzeko.
3. Goiko 1. eta 2. paragrafoetan aipatutako neurriak eta prozedurak ezin izango dira izan
ez bidegabekeriazko bereizkeria-modu bat, ez 63. artikuluan zehaztu den kapitalen eta
ordainketen zirkulazio askea murrizteko estalki bat ere.
4. Batzordeak, 64. artikuluko 3. paragrafoan jasotakoaren araberako aplikazio-neurririk
ezean, edo Kontseiluak, estatu kide interesdunak eskaera egin eta hiru hilabeteko epean
Batzordeak erabakirik hartu ez badu, erabakia hartu ahal izango dute, horren bidez aitortzeko,
estatu kide batek hirugarren herrialdeekiko hartutako zerga-neurri murrizgarriak Tratatuekin
bateragarritzat joko direla, Batasunaren xedeetakoren batek hori justifikatzen duen neurrian
eta barne-merkatuaren funtzionamendu egokiarekin bateragarriak diren heinean. Kontseiluak
aho batez erabakiko du, estatu kide batek eskaera egin ondoren.
66. artikulua
(lehengo 59. artikulua EET)
Baldin eta, salbuespeneko egoeretan, kapitalen mugimenduek, bai hirugarren herrialdeetara
doazenak, bai herrialde horietatik datozenak, ekonomia eta diru batasunaren
funtzionamendurako zailtasun larriak sortzen badituzte, edo sortzeko mehatxua agertzen
badute, Kontseiluak Batzordeak proposatuta eta Europako Banku Zentralari kontsulta egin
28
ondoren, sei hilabete baino luzeago joko ez duen eperako, behar-beharrezko diren babesneurriak
har ditzake hirugarren herrialdeekiko.
V. TITULUA
ASKATASUN-, SEGURTASUN- ETA JUSTIZIA-ESPARRUA
1. KAPITULUA
XEDAPEN OROKORRAK
67. artikulua
(Lehengo 61. artikulua EET eta 29. artikulua EBT)
1. Batasuna askatasun-, segurtasun- eta justizia-esparrua da, oinarrizko eskubideen
errespetuaren itzalpean eta estatu kideen sistema eta tradizio juridikoen errespetuaren
itzalpean.
2. Batasunak barruko mugetan pertsonen kontrolik ez dela egongo bermatuko du, eta
asilo-, immigrazio- eta kanpoko mugetarako kontrol-politika erkidea garatuko du, estatu
kideen arteko elkartasunean oinarriturik, eta hirugarren herrialdeetako herritarrei dagokienez
ekitatiboa izango dena. Titulu honetako ondorioetarako, aberrigabeak hirugarren
herrialdeetako herritarren parekoak izango dira.
3. Batasuna segurtasun-maila handia lortzen saiatuko da, eta, horretarako, delinkuentzia,
arrazakeria eta xenofobia saihesteko eta borrokatzeko neurriak eta polizia-agintarien,
auzietarako agintarien eta beste agintari eskudunen artean koordinazioa eta lankidetza
lortzeko neurriak erabiliko ditu eta, gainera, batak bestearen zigor-arloko ebazpen judizialak
onartuko ditu, eta, beharrezkoa bada, zigor-arloko legediak batak bestera hurbilduko dituzte.
4. Batasuna babes judizialaren bidea zabaltzen saiatuko da, eta, batez ere, arlo zibileko
ebazpen judizialak eta estrajudizialak elkarri aitortzeko printzipioa bermatuko du.
68. artikulua
Askatasun-, segurtasun- eta justizia-esparru horretan, legegintzako programazioaren eta
programazio operatiboaren norabide estrategikoak Kontseilu Europarrak definituko ditu.
69. artikulua
Laugarren eta bosgarren kapituluen esparruan aurkezten diren legegintzako proposamenak eta
ekimenak direla-eta, estatuetako parlamentuen ardura izango da subsidiariotasun-printzipioa
errespetatu beharra zaintzea, subsidiariotasun- eta heinekotasun-printzipioak aplikatzeari
buruzko protokoloaren arabera.
29
70. artikulua
Titulu honetan zehaztutako Batasunaren politikak estatu kideetako agintariek nola aplikatzen
dituzten balioetsiko da, objektiboki eta alderdikeriarik gabe, Kontseiluaren lankidetzarekin.
Horretarako, estatu kideek prozedura batzuk bete beharko dituzte, eta, prozedura horiek
zehazteko, 258., 259. eta 260. artikuluei kalterik egin gabe, Kontseiluak, Batzordearen
proposamenez, neurriak hartu ahal izango ditu, batez ere elkarri aitortzeko printzipioa betebetean
aplikatzen laguntze aldera. Balioespen horren edukia eta emaitzak Europako
Parlamentuari eta estatuetako parlamentuei jakinarazi beharko zaizkie.
71. artikulua
(lehengo 36. artikulua EBT)
Batasunaren segurtasun-kontuetan lankidetza operatiboa sustatu eta indartu egingo direla
bermatzeko, Kontseiluan horretarako komite iraunkorra osatuko da. Komite horrek, 240.
artikuluari kalterik egin gabe, estatu kideetako agintari eskudunen lanaren koordinazioa
errazteko ardura izango du. Batasuneko organo eta organismoen artetik, eraginpean direnek
ere parte hartu ahal izango dute. Europako Parlamentua eta estatuetako parlamentuak lan
horien jakinaren gainean eduki behar dira.
72. artikulua
(Lehengo 64. artikuluaren 1. paragrafoa EET eta 33. artikulua EBT)
Titulu hau halaxe izango da, estatu kideek ordena publikoa zaindu eta barne-segurtasuna
babesteko dituzten erantzukizunak gauzatzeari kalterik egin gabe.
73. artikulua
Estatu kideek aukera izango dute elkarren artean eta beren erantzukizunpean lankidetza- eta
koordinazio-motak antolatzeko, egoki iritzitako neurrian, beren estatuko segurtasuna
babesteko erantzukizuna duten administrazioetan eskumena duten zerbitzuen artean.
74. artikulua
(lehengo 66. artikulua EET)
Kapitulu honetan aipaturik dauden eremuetan, estatu kideen zerbitzu eskudunen arteko
administrazioen arteko lankidetza bermatzeko, Kontseiluak neurriak onetsiko ditu, baita
zerbitzu horiek eta batzordearen arteko lankidetza bermatzeko ere. Batzordeak proposaturik
erabakiko du, Europako Parlamentuari aurretiaz kontsulta eginda, eta 76. artikuluari kalterik
egin gabe.
75. artikulua
(lehengo 60. artikulua EET)
30
Terrorismoaren eta horri lotutako jardunen aurkako prebentzio-lanari eta borrokari
dagokienez, 67. artikuluan jasotako helburuak lortzeko beharrezko denean, Europako
Parlamentuak eta Kontseiluak, legegintzako prozedura arruntaren arabera, administrazioneurrien
esparrua zehaztuko dute kapitalen mugimenduei eta ordainketei buruz, hala nola
funtsak, finantza-aktiboak eta onura ekonomikoak ibilgetzeko aukera, betiere, horien jabetza,
edukitza edo ukaitea pertsona fisiko zein juridikoena, taldeena edo estatuz besteko
erakundeena denean.
Batzordeak proposatuta, Kontseiluak neurriak hartuko ditu lehenengo lerrokadan aipatzen
den esparrua aplikatzeko.
Berme juridikoei dagokienez, artikulu honetan jasotako egintzek beharrezko xedapen guztiak
jasoko dituzte.
76. artikulua
Laugarren eta bosgarren kapituluetan aipaturiko egintzak, eta, kapitulu horietan aipaturiko
eremuetan administrazioen arteko lankidetza bermatzen badute, 74. artikuluan aipaturiko
neurriak ere bai, honela onartuko dira:
a) Batzordeak proposaturik, edo
b) estatu kideen laurdenaren ekimenez.
2. KAPITULUA
MUGETAKO KONTROLEI, ASILOARI ETA IMMIGRAZIOARI BURUZKO
POLITIKAK
77. artikulua
(lehengo 62. artikulua EET)
1. Batasunak garatuko duen politikak helburu hauek izango ditu:
a) barruko mugak igaro behar dituztenean, pertsonek, edozein nazionalitate dutelarik ere,
kontrolik ez dutela izango bermatzea;
b) kanpoko mugak igaro behar dituztenean, pertsonen kontrolak eta zaintza eraginkorra
bermatzea;
c) arian-arian, kanpoko mugak kudeatzeko sistema integratu bat ezartzea.
2. Lehenengo paragrafoaren ondorioetarako, Europako Parlamentuak eta Kontseiluak
31
ondorengo hauei buruzko neurriak hartuko dituzte, legegintzako prozedura arruntaren
arabera:
a) bisei buruzko eta denbora laburrerako beste bizileku-baimen batzuei buruzko politika
erkidea;
b) kanpoko mugak igarotzen dituzten pertsonei pasarazi beharreko kontrolak;
c) hirugarren herrialdeetako herritarrek zein baldintzatan zirkulatu ahal izango duten
askatasunez, aldi labur batean, Batasunean barrena;
d) arian-arian kanpoko mugak kudeatzeko sistema integratu bat ezartzeko beharrezkoa
den edozein neurri;
e) barruko mugak igaro behar dituztenean, pertsonek, edozein nazionalitatekoak direlarik
ere, inolako kontrolik ez izatea.
3. Baldin eta, 20. artikuluaren 2. paragrafoko a) idatz-zatian ezarritako eskubidea
baliatzeko bidea egite aldera, Batasunak ekintzara jotzea beharrezkoa bada, eta Tratatuek
jarduteko ahalik xedatu ez badute horretarako, Kontseiluak ezarri ahal izango ditu,
legegintzako prozedura berezi baten arabera, pasaporteen, nortasun-agirien, egoitza-baimenen
zein antzeko beste edozein agiriren gaineko xedapenak. Kontseiluak, Europako Parlamentuari
aurretiaz kontsulta eginda, aho batez erabakiko du.
4. Estatu kideena da beren mugak geografikoki zedarritzeko eskumena, nazioarteko
zuzenbidearekin bat, eta artikulu honek ez du eskumen hori ukitzen.
78. artikulua
(lehengo 63. artikulua, 1. eta 2. puntuak, eta 64. artikuluko 2. paragrafoa EET)
1. Asilo-, ordezko babes- eta aldi baterako babes-kontuetan, Batasunak politika erkidea
garatuko du, nazioarteko babesa behar duten hirugarren herrialdeetako herritarrei estatutu
egoki bat eskaintzeko eta hara itzularazi beharrik ez dagoela dioen printzipioa errespetatzeko.
Politika horrek izan beharko du 1951ko uztailaren 28ko Genevako Hitzarmenaren eta
Iheslarien estatutuari buruzko 1967ko urtarrilaren 31ko protokoloaren araberakoa, baita bete
beharreko gainerako tratatuen araberakoa ere.
2. Lehenengo paragrafoaren ondorioetarako, Europako Parlamentuak eta Kontseiluak
asilorako Europako sistema erkide bati buruzko neurriak hartuko dituzte, legegintzako
prozedura arruntaren arabera; honako hauek hartuko ditu barne:
a) hirugarren herrialdeetako herritarrentzako era bereko asilo-estatutua, Batasun osorako
balioko duena;
b) asilo europarra lortu ez izanagatik nazioarteko babesa behar duten hirugarren
32
herrialdeetako herritarrei ordezko babesa emateko era bereko asilo-estatutua;
c) oldeka datozenerako, lekuz aldatu behar izan diren pertsonentzako aldi baterako
babes-sistema erkide bat;
d) era bereko asilo-estatutu hori edo ordezko babes-estatutu hori emateko edo kentzeko
prozedura erkideak;
e) asilo-eskari bat edo ordezko babes-eskari bat aztertzeko ardura zein estatu kidek duen
zehazteko irizpideak eta tresnak;
f) asiloa edo ordezko babesa eskatu dutenak hartzeko baldintzei buruzko arauak;
g) asiloa, ordezko babesa edo aldi baterako babesa eskatzen duen jende-etorria
kudeatzeko, hirugarren herrialdeekin elkartzea eta lankidetzan aritzea.
3. Hirugarren herrialdeetako herritarrak ustekabean etorri direla-eta, estatu kide bat edo
batzuk larritasun-egoeran badaude, Kontseiluak estatu kide horiei laguntzeko behin-behineko
neurriak hartu ahal izango ditu, Batzordeak proposaturik. Europako Parlamentuari aurretiaz
kontsulta eginda erabakiko du Kontseiluak.
79. artikulua
(lehengo 63. artikulua, 3. eta 4. puntuak, EET)
1. Batasunak immigrazio-politika erkidea garatuko du, beti bermatuta egon dadin
migrazio-fluxuak modu eragingarrian kudeatuko direla, estatu kideetan legez bizilekua duten
hirugarren herrialdeetako herritarrak berdintasun-legez tratatuko direla, eta, bai legez
kanpoko immigrazioa, bai gizakien salerosketa, saihestuko dela eta horien aurkako borroka
indartu egingo dela.
2. Lehenengo paragrafoaren ondorioetarako, Europako Parlamentuak eta Kontseiluak
neurriak hartuko dituzte, legegintzako prozedura arruntaren arabera. Hona hemen hartuko
dituzten esparruak:
a) estatu kideetan sartu eta bizilekua hartzeko baldintzak, eta estatu kideek denbora
luzerako bisak eta bizileku-baimenak emateko arauak, familiak biltzeko balio dutenak
barne direla;
b) estatu kide batean bizilekua legez duten hirugarren herrialde bateko herritarren
eskubideen definizioa, askatasunez zirkulatzeko eta bizilekua gainerako estatu
kideetan hartzeko baldintzak barne;
c) legez kanpoko immigrazioa eta legez kanpo bizilekua hartzea, baita legez kanpoko
egoiliarrak kanpora botatzea eta atzera beren herrialdeetara itzultzea ere;
33
d) gizakien salerosketaren aurkako borroka, batez ere emakumeena eta haurrena bada.
3. Batasunak hirugarren herrialdeekin akordioak sinatu ahal izango ditu, hirugarren
herrialdeetako herritarrak beren jatorrizko edo abiaburuko herrialdeetan berriz har ditzaten,
baldin eta, estatu kideetako baten lurraldean sartzeko, egoteko edo bizilekua hartzeko
baldintzak betetzen ez badituzte, edo, lehen bete arren, orain betetzen ez badituzte.
4. Europako Parlamentuak eta Kontseiluak, legegintzako prozedura arruntaren arabera,
hainbat neurri ezar dezakete estatu kideei beren lurraldean legezko bizilekua duten hirugarren
herrialdeetako herritarrak integratzeko egiten dituzten ekintzetan laguntzeko, baina ez dute
izango estatu kideetako legezko eta erregelamenduzko xedapenak harmonizatzeko inongo
biderik.
5. Estatu kideek hirugarren herrialdeetatik lan bila datozkien kanpoko herritarretako
zenbat onartu zehazteko eskubidea dute, berdin norberaren edo beste inoren konturako lan
bila datozen, eta artikulu honek ez du eskubide hori ukitzen.
80. artikulua
Estatu kideen arteko elkartasun-printzipioa eta ardurak ekitatez banatzeko printzipioa izango
da nagusi kapitulu honetan aipaturik dauden Batasunaren politiketan eta politika horiek
gauzatzean, baita finantzei dagokienean ere. Beharrezkoa den bakoitzean, Batasunak kapitulu
honen ondorioz onartzen dituen egintzek barne hartuko dituzte printzipio horiek aplikatzeko
hainbat neurri egoki.
3. KAPITULUA
ARLO ZIBILEKO LANKIDETZA JUDIZIALA
81. artikulua
(lehengo 65. artikulua EET)
1. Arlo zibileko gaietan, Batasunak garatuko duen lankidetza judizialak mugaz
haraindiko eragina izango du, ebazpen judizialak eta estrajudizialak elkarri aitortzeko
printzipioan oinarrituta. Lankidetza horren barruan estatu kideetako legezko eta
erregelamenduzko xedapenak hurbiltzeko neurriak ere sartu ahal izango dira.
2. Lehenengo paragrafoaren ondorioetarako, Europako Parlamentuak eta Kontseiluak
neurriak hartuko dituzte, legegintzako prozedura arruntaren arabera, honako hauek
bermatzeko, batez ere barne-merkatuak ondo funtzionatzeko beharrezkoa bada:
a) estatu kideen artean, ebazpen judizialak eta estrajudizialak elkarri aitortzea, baita
betearazpena ere;
34
b) agiri judizialak eta estrajudizialak mugez haraindi jakinaraztea eta lekuz aldatzea;
c) lege-gatazkei eta jurisdikzio-gatazkei buruz estatu kideetan aplikatu beharrekoak diren
arauen bateragarritasuna;
d) frogak lortzeko lankidetza;
e) babes judizial eragingarria;
f) prozedura zibilek ondo funtzionatzeko oztopoak kentzea, hain zuzen estatu kideetan
prozedura zibilean aplikatu beharrekoak diren arauen bateragarritasuna sustatuz,
premiazkoa izanez gero;
g) auziak ebazteko beste bide batzuk garatzea;
h) magistratuen eta justizia-administrazioko langileen prestakuntzaren alde egitea.
3. Mugaz haraindiko eragina duten Familia Zuzenbideari buruzko neurriak, 2.
paragrafoan xedatutakoa gorabehera, Kontseiluak ezarriko ditu, legegintzako prozedura
berezi baten arabera. Kontseiluak, Europako Parlamentuari aurretiaz kontsulta eginda, aho
batez erabakiko du.
Kontseiluak, Batzordearen proposamenez, erabaki bat hartu ahal izango du, zehazteko
Familia Zuzenbidearen baitako alderdien artetik mugaz haraindiko eragina dutenetako
zeintzuk gauzatu daitezkeen legegintzako prozedura arruntaren arabera onartutako egintzak
erabilita. Kontseiluak, Europako Parlamentuari aurretiaz kontsulta eginda, aho batez
erabakiko du.
Bigarren lerrokadan adierazten den proposamena estatu kideetako parlamentuei jakinaraziko
zaie . Estatuko Parlamenturen batek jakinarazpena egin zaionetik sei hilabeteko epean kontra
dagoela adierazten badu, ez da erabakia hartuko. Kontra dagoenik egon ezean, Kontseiluak
erabakia hartu ahal izango du.
4. KAPITULUA.
ZIGOR-ARLOKO LANKIDETZA JUDIZIALA.
82. artikulua
(lehengo 31. artikulua EBT)
1. Batasunean, epaiak eta ebazpen judizialak elkarri aitortzeko printzipioa izango da
35
zigor-arloko gaietako lankidetza judizialaren oinarria, eta horren barnean egongo da estatu
kideetako legezko eta erregelamenduzko xedapenen hurbilketa ere, 2. paragrafoan eta 83.
artikuluan aipaturiko esparruetan.
Europako Parlamentuak eta Kontseiluak ondorengo hauei buruzko neurriak hartuko dituzte,
legegintzako prozedura arruntaren arabera:
a) epai eta ebazpen judizialak, edozein formatakoak direlarik ere, Batasun osoan
aitortuko dituztela bermatzeko arauak eta prozedurak zehaztea;
b) estatu kideen arteko jurisdikzio-auziei aurrea hartzea eta ebazpena ematea;
c) magistratuen eta justizia-administrazioko langileen prestakuntzaren alde egitea;
d) prozedura penalari eta ebazpenak betearazteari dagokien esparruan, estatu kideetako
agintari judizialen edo baliokideen arteko lankidetzari bidea erraztea.
2. Epaiak eta ebazpen judizialak elkarri aitortzeko, eta mugaz haraindiko zigor-arloan
polizia-lankidetza eta lankidetza judiziala bideratzeko beharrezkoa den neurrian, Europako
Parlamentuak eta Kontseiluak gutxieneko arau batzuk ezar ditzakete, legegintzako prozedura
arrunta erabiliz onartzen diren zuzentarauen bitartez. Baina estatu kideen tradizioen eta
sistema judizialen arteko aldeak ere kontuan izan beharko dituzte gutxieneko arau horiek.
Honako hauek dira arau horien gaiak:
a) estatu kideen artean, frogak elkarri onartzea;
b) prozedura penalean pertsonek zein eskubide izango dituzten;
c) delituen biktimen eskubideak;
d) prozedura penalaren beste osagai jakin batzuk; Kontseiluak erabaki baten bitartez
aurretiaz zehaztuak. Kontseiluak erabaki hori aho batez hartuko du, Europako
Parlamentuak aurretiaz onespena emanda.
Paragrafo honetan aipaturiko gutxieneko arau horiek zehazturik egonagatik ere, horrek ez du
esan nahi estatu kideek ezinezkoa dutenik pertsonentzako babes-maila handiagoa mantentzea
edo ezartzea.
3. Kontseiluko kide batek uste badu 2. paragrafoan jasotako zuzentaraua proiektu
horietako batek estatu horretako zigor-arloko justizia-sistemaren funtsezko alderdiak ukitzen
dituela, gai hori Kontseilu Europarrera bidaltzeko eska dezake, eta, halakoetan, legegintzako
prozedura arrunta, aplikatzekoa izatekotan, etenda geratuko da. Gaia eztabaidatu ondoren,
36
adostasuna lortzen bada, Kontseilu Europarrak prozedura hori eten eta lau hilabeteko epean
proiektua berriz ere Kontseiluari itzuliko dio, eta, horrela, legegintzako prozedura arruntaren
etenaldia bukatuko da.
Epe horren barruan adostasunik lortzen ez bada, eta gutxienez bederatzi estatu kidek
lankidetza indartua ezarri nahi badute, dagokion zuzentarau-proiektuarekin bat, Europako
Parlamentuari, Kontseiluari eta Batzordeari jakinaraziko diete. Halakoetan, Europar
Batasunaren Tratatuaren 20. artikuluko 2. paragrafoan eta tratatu honetako 329. artikuluaren
1. paragrafoan aipaturik dagoen lankidetza indartu horri hasiera emateko baimena emanda
dagoela ulertuko dute, eta lankidetza indartuari dagozkion xedapenak aplikatu beharko dira.
83. artikulua
(lehengo 31. artikulua EBT)
1. Delitu-eremu batzuetan, Europako Parlamentuak eta Kontseiluak gutxieneko arau
batzuk ezarri ahal izango dituzte, Legegintzako prozedura arrunta erabiliz onartzen diren
zuzentarauen bitartez, arau-hauste penalen eta zehapenen definizioari buruz, baldin eta delituesparru
horiek bereziki larriak badira eta mugaz haraindiko dimentsioa badute, arau-hausteak
halakoxeak direlako edo ondorio larriak dakartzatelako, edo, irizpide erkideen arabera,
bereziki jazarri beharrekoak direlako.
Hauek dira delitu-eremu horiek: terrorismoa, gizakien salerosketa eta emakume eta haurren
esplotazio sexuala, legez kanpoko droga-trafikoa, legez kanpoko arma-trafikoa, kapitalzuriketa,
ustelkeria, ordainbideak faltsutzea, delinkuentzia informatikoa eta delinkuentzia
antolatua.
Delinkuentziaren bilakaera kontuan izanda, Kontseiluak erabaki bat hartu ahal izango du,
paragrafo honetan ezarritako irizpideen arabera beste delitu-eremu batzuk zehazteko. Aho
batez hartuko du erabaki hori, Europako Parlamentuak aurretiaz onespena emanda.
2. Baldin eta, hainbat harmonizazio-neurri hartu diren eremu batean, Batasunaren
politika eraginkortasunez gauzatuko dela bermatzekotan, ezinbestekoa bada estatu kideen
zigor-arloko legezko eta erregelamenduzko xedapenak hurbiltzea, zuzentarauen bidez
gutxieneko arau batzuk ezarri ahal izango dira, kasuan kasuko eremu horretako arau-hauste
penalen eta zehapenen definizioari buruz. Harmonizazio-neurri horiek hartzeko erabili zen
prozedura berbera erabiliko da zuzentarau horiek legegintzako prozedura arruntaren edo
bereziaren arabera hartzeko ere, 76. artikuluari kalterik egin gabe.
3. Kontseiluko kide batek uste badu 1. edo 2. paragrafoan jasotako zuzentarau-proiektu
horietako batek estatu horretako zigor-arloko justizia-sistemaren funtsezko alderdiak ukitzen
dituela, gai hori Kontseilu Europarrera bidaltzeko eska dezake, eta, halakoetan, legegintzako
prozedura arrunta etenda geratuko da. Gaia eztabaidatu ondoren, adostasuna lortzen bada,
Kontseilu Europarrak prozedura hori eten eta lau hilabeteko epean proiektua berriz ere
Kontseiluari itzuliko dio, eta, horrela, legegintzako prozedura arruntaren etenaldia bukatuko
37
da.
Epe horren barruan adostasunik lortzen ez bada, eta gutxienez bederatzi estatu kidek
lankidetza indartua ezarri nahi badute, dagokion zuzentarau-proiektuarekin bat, Europako
Parlamentuari, Kontseiluari eta Batzordeari jakinaraziko diete. Halakoetan, Europar
Batasunaren Tratatuaren 20. artikuluko 2. paragrafoan eta tratatu honetako 329. artikuluaren
1. paragrafoan aipaturik dagoen lankidetza indartu horri hasiera emateko baimena emanda
dagoela ulertuko dute, eta lankidetza indartuari dagozkion xedapenak aplikatu beharko dira.
84. artikulua
Europako Parlamentuak eta Kontseiluak hainbat neurri zehatz dezakete, legegintzako
prozedura arrunta erabiliz, estatu kideek delinkuentziari aurrea hartzeko egiten duten lana
bultzatzeko eta babesteko, estatu kideetako legezko eta erregelamenduzko xedapenak
harmonizatzeko ahalegin oro albo batera utzita.
85. artikulua
(lehengo 31. artikulua EBT)
1. Bi estatu kideri edo gehiagori eragiten dien edo irizpide erkideen arabera jazarri
beharrekoa den delinkuentzia larria ikertzeko eta jazartzeko ardura duten estatu-agintarien
arteko koordinazioari eta lankidetzari laguntza ematea eta bultzada bat ematea da Eurojusten
eginkizuna. Estatu kideetako agintariek eta Europolek egindako operazioetan eta emandako
informazioan oinarrituko da horretarako.
Horretarako, Europako Parlamentuak eta Kontseiluak legegintzako prozedura arruntaren
arabera onartutako erregelamendu bidez egongo dira zehazturik Eurojusten egitura,
funtzionamendua, jarduteko eremua eta eskumenak. Eskumen horien artean, hauek egon
daitezke:
a) ikerketa penaletarako eginbideak hastea, eta estatuetako agintari eskudunek prozedura
penalak hasteko proposamena egitea, batez ere, Batasunaren finantza-interesen kalterako
diren arau-hausteei buruzkoak;
b) aurreko a) idatz-zatian aipaturiko ikerketak eta prozedurak koordinatzea;
c) lankidetza judiziala indartzea, besteak beste jurisdikzio-auziak ebatziz eta Europako
Justizia Sarearekin lankidetza estuan arituz.
Erregelamendu horietan egongo da zehazturik, era berean, zein prozedura erabili beharko den
Europako Parlamentuak eta estatuetako parlamentuek Eurojusten jarduerak balioesteko.
2. Aurreko 1. paragrafoan jasota dauden akzio penaletan, eta 86. artikuluari kalterik egin
38
gabe, estatuetako funtzionario eskudunen ardura izango da prozesuko egintza formalak
aurrera eramatea.
86. artikulua
1. Batasunaren finantza-interesei kalte egiten dieten arau-hausteen aurka egiteko,
Kontseiluak legegintzako prozedura berezia erabiliz onartutako erregelamenduen bidez,
Europako Fiskaltza sortu ahal izango du Eurojustetik abiatuta. Kontseiluak aho batez
erabakiko du, Europako Parlamentuak aurretiaz onespena emanda.
Aho batez erabakirik hartu ezean, gutxienez bederatzi estatu kidek osatutako multzo batek
erregelamendu proiektua Kontseilu Europarrera bidaltzeko eska dezake eta, halakoetan,
prozedura etenda geratuko da Kontseiluan. Gaia eztabaidatu ondoren, adostasuna lortzen
bada, Kontseilu Europarrak prozedura hori eten eta lau hilabeteko epean proiektua berriz ere
Kontseiluari itzuliko dio, erabakia har dezan.
Epe horren barruan adostasunik lortzen ez bada, eta gutxienez bederatzi estatu kidek
lankidetza indartua ezarri nahi badute, dagokion erregelamendu-proiektuarekin bat, Europako
Parlamentuari, Kontseiluari eta Batzordeari jakinaraziko diete. Halakoetan, Europar
Batasunaren Tratatuaren 20. artikuluko 2. paragrafoan eta tratatu honetako 329. artikuluaren
1. paragrafoan aipaturik dagoen lankidetza indartu horri hasiera emateko baimena emanda
dagoela ulertuko dute, eta lankidetza indartuari dagozkion xedapenak aplikatu beharko dira.
2. Europako Fiskaltzak eskumena izango du, hala dagokionean, Europolekin lankidetzan,
Batasunaren finantza-interesen aurkako arau-hausteen egileak eta sopikunak aurkitzeko,
prozedura penalari hasiera emateko, eta haien aurkako epaiketa has dadin eskatzeko; lehen
paragrafoan aipaturik dagoen erregelamenduan daude definiturik arau-hauste horiek.
Europako Fiskaltzak arau-hauste horiei dagokien akzio penala eramango du aurrera, estatu
kideen jurisdikzio-organo eskudunetan.
3. Goragoko 1. paragrafoan aipaturiko erregelamenduetan zehaztuko dira Europako
Fiskaltzaren estatutua, bere eginkizunak gauzatzeko bete behar dituen baldintzak, fiskaltzaren
jardueretan aplikatu beharreko prozedura-arauak, zein froga onartu eta zein ez onartu jakiteko
arauak, eta bere eginkizunak betetzeko orduan gauzatzen dituen prozesuko egintzen
jurisdikzio-kontrolerako arauak.
4. Aldi berean edo beranduago, Kontseilu Europarrak erabaki bat har dezake 1. paragrafo
hori aldatzeko, Europako Fiskaltzaren eskumenak mugaz haraindiko delinkuentzia larriaren
aurka zabaltze aldera. Erabaki horrek 2. paragrafoa aldatu beharra ekarriko du delitu astunen
egile eta sopikunei dagokienez, delitu horiek estatu kide bati baino gehiagori eragiten
dietenean. Kontseilu Europarrak aho batez erabakiko du, Europako Parlamentuak aurretiaz
onespena emanda eta Batzordeari aurretiaz kontsulta eginda.
5. KAPITULUA
39
POLIZIA-LANKIDETZA
87. artikulua
(lehengo 30. artikulua EBT)
1. Batasunak polizia-lankidetza garatuko du, eta, lankidetza horretan, estatu kideen
agintari eskudun guztiek hartuko dute parte, polizia-zerbitzuak eta aduanakoak ere barnean
direla, baita, eginkizun hertsatzaileak izanik, arau-hauste penalei aurrea hartzeko,
antzemateko eta halakoak ikertzeko espezializaturik dauden zerbitzuak ere.
2. Lehenengo paragrafoaren ondorioetarako, Europako Parlamentuak eta Kontseiluak
ondorengo hauei buruzko neurriak hartu ahal izango dituzte, legegintzako prozedura
arruntaren arabera:
a) beharrezko informazioa biltzea, gordetzea, tratatzea, aztertzea eta elkar trukatzea;
b) langileen prestakuntzaren alde egitea, eta langileak, ekipoak eta polizien ikerketa
zientifikoa elkar trukatzeko lankidetza;
c) antolaturiko delinkuentzia-modu larriei antzematearekin zerikusia duten ikerketateknika
erkideak.
3. Kontseiluak ezarri ahal izango du, legegintzako prozedura berezi baten arabera,
artikulu honetan adierazten diren agintarien arteko lankidetza eraginkorrari buruzko neurriak.
Kontseiluak, Europako Parlamentuari aurretiaz kontsulta eginda, aho batez erabakiko du.
Aho batez erabakirik hartu ezean, gutxienez bederatzi estatu kidek osatutako multzo batek
neurrien proiektua Kontseilu Europarrera bidaltzeko eska dezake eta, halakoetan, prozedura
etenda geratuko da Kontseiluan. Gaia eztabaidatu ondoren, adostasuna lortzen bada,
Kontseilu Europarrak prozedura hori eten eta lau hilabeteko epean proiektua berriz ere
Kontseiluari itzuliko dio, erabakia har dezan.
Epe horren barruan adostasunik lortzen ez bada, eta gutxienez bederatzi estatu kidek
lankidetza indartua ezarri nahi badute, dagokion neurri-proiektuarekin bat, Europako
Parlamentuari, Kontseiluari eta Batzordeari jakinaraziko diete. Halakoetan, Europar
Batasunaren Tratatuaren 20. artikuluko 2. paragrafoan eta tratatu honetako 329. artikuluaren
1. paragrafoan aipaturik dagoen lankidetza indartu horri hasiera emateko baimena emanda
dagoela ulertuko dute, eta lankidetza indartuari dagozkion xedapenak aplikatu beharko dira.
Bigarren eta hirugarren lerrokadetan ezarritako prozedura berezia ez zaie aplikaziokoa izango
Schengengo altxorra garatzen duten egintzei.
88. artikulua
40
(lehengo 30. artikulua EBT)
1. Europolen eginkizuna da estatu kideetako polizia-agintarien eta eginkizun
hertsatzaileak dituzten gainerako zerbitzuen lana, eta euren arteko lankidetza babestea eta
indartzea, hartara, bi estatu kideri edo gehiagori eragiten dieten delinkuentzia larriari eta
terrorismoari aurrea hartzeko, eta Batasunaren politika baten bidez bideratutako interes
erkidea kaltetzen duten delinkuentzia-moduei aurrea hartzeko, baita horien guztien aurka
borroka egiteko ere.
2. Europako Parlamentuak eta Kontseiluak legegintzako prozedura arruntaren arabera
onartutako erregelamendu bidez egongo dira zehazturik Europolen egitura, funtzionamendua,
jarduteko eremua eta eskumenak. Eskumen horien artean, hauek egon daitezke:
a) informazioa biltzea, gordetzea, tratatzea, aztertzea eta elkar trukatzea, batez ere estatu
kideetako agintariengandik datorrena, edo hirugarren herrialdeetako edo hirugarren
instantzietako agintariengandik datorrena.
b) ikerlanak eta aktibitate operatiboak koordinatzea, antolatzea eta aurrera eramatea,
estatu kideetako agintari eskudunekin batera eginda badaude edo elkarrekin osaturiko
ikerketa-taldeek eginda badaude, hala dagokionean, Eurojustekin lankidetzan.
Europako Parlamentuak Europolen jarduera kontrolatzeko zein prozedura erabili beharko den
ere erregelamendu horietan etorriko da zehazturik, eta estatuetako parlamentuek ere parte
hartuko dute kontrol horretan.
3. Europolen jarduera operatibo oro jarduera horrek lurraldez ukitzen duen estatu
kideetako agintariekin harremanetan eta haiekin adosturik egin beharko da. Estatuko agintari
eskudunen ardura izango da, eta ez beste inorena, neurri hertsatzaileak aplikatzea.
89. artikulua
(lehengo 32. artikulua EBT)
Kontseiluak, legegintzako prozedura berezi baten arabera zehaztuko ditu estatu kideen
agintari eskudunek zein baldintzapean eta zein mugapean jardun dezaketen beste estatu kide
baten lurraldean, harekin harremanetan eta jarduna harekin adosturik; agintari eskudun horiek
82. eta 87. artikuluetan daude zehazturik. Kontseiluak, Europako Parlamentuari aurretiaz
kontsulta eginda, aho batez erabakiko du.
VI. TITULUA
GARRAIOAK
90. artikulua
(lehengo 70. artikulua EET)
41
Atal honetan arauturik dauden gaietan, garraio-politika erkide baten esparruan lortzekoak
izango dira Tratatuetako helburuak.
91. artikulua
(lehengo 71. artikulua EET)
1. Aurreko 90. artikulua aplikatu ahal izateko, eta garraioen sektorearen berezitasunak
kontuan hartuta, Europako Parlamentuak eta Kontseiluak, legegintzako prozedura arruntaren
arabera, eta Ekonomia eta Gizarte Komiteari eta Eskualdeetako Komiteari kontsulta egin
ondoren, hauek ezarriko dituzte:
a) estatu kideren bateko lurraldetik abiatuta edo bertara sartuta, edo estatu kideren bateko
edo gehiagoko lurraldean barrena egindako nazioarteko garraioei aplika dakizkiekeen arau
bateratuak;
b) egoiliarrak ez diren garraiolariek estatu kide batean garraio-zerbitzuak egiteko bete
behar dituzten baldintzak;
c) garraioetan segurtasuna hobetzeko diren neurriak;
d) beste edozein xedapen egoki.
2. Aintzakotzat hartuko da, 1. paragrafoko neurriak onestean, hori aplikatzeak zein
kasutan ekar ditzakeen eragin larriak eskualde batzuetako bizi-mailarako eta enplegurako,
baita garraio-materialaren ustiaketarako ere.
92. artikulua
(lehengo 72. artikulua EET)
Tratatu honetako 91. artikuluko 1. paragrafoan aipatutako xedapenak onartu artean, eta
Kontseiluak aho batez salbuespen bat ematen duen neurririk hartu ezean, estatu kide batek ere
ezin izango ditu onura gutxiagoko bihurtu, ez zuzenean ez zeharka, gainerako estatu
kideetako garraiolarien kaltetan eta estatu horretako garraiolarien mesederako, 1958ko
urtarrilaren 1etik gai hori arautzen duten xedapenak, edo, geroago atxikitako estatuen kasuan,
atxikipen egunetik arautzen dutenak.
93. artikulua
(lehengo 73. artikulua EET)
Tratatuekin bateragarriak izan beharko dira, bai garraioak koordinatzeko premiei erantzuteko
diren laguntzak, bai zerbitzu publikoak berarekin dakartzan betebehar batzuei dagozkien diruitzulketarako
laguntzak.
42
94. artikulua
(lehengo 74. artikulua EET)
Tratatuen eremuan garraioaren prezioei eta baldintzei buruz hartutako neurri guztiek
garraiolarien ekonomiaren egoera eduki behar dute kontuan.
95. artikulua
(lehengo 75. artikulua EET)
1. Batasunaren barruko trafikoan debekaturik dago, salgaiak eta trafiko-harremanak
berberak izanik, salneurri edo garraio-baldintza ezberdinak aplikatzea, eta, beraz,
garraiaturiko produktuak zein herrialdetatik datozen edo zein estatu kidetara doazen ez da
inoiz bereizkeria egiteko arrazoi izango.
2. Goiko 1. paragrafoan esandakoak ez du kentzen Europako Parlamentuak eta
Kontseiluak 91. artikuluko 1. paragrafoa aplikatuz beste neurri batzuk hartu ahal izatea.
3. Kontseiluak, Batzordearen proposamenez eta Europako Parlamentuari eta Ekonomia
eta Gizarte Komiteari kontsulta egin ondoren, 1. paragrafoan xedatutakoa aplikatuko dela
bermatzeko arauak ezarriko ditu.
Kontseiluak beharrezko xedapenak onartu ahal izango ditu, bereziki, Batasuneko instituzioek
1. paragrafoan xedatuta dagoena betetzen dela kontrola dezaten, eta xedapen horren onura
osoak erabiltzaileei berma diezazkieten.
4. Batzordeak, bere ekimenez edo estatu kideren baten eskariz, 1. paragrafoan aipatu
diren bereizkeria kasu guztiak aztertuko ditu, eta, interesdun diren estatu kide guztiei
kontsulta egin ondoren, beharrezko iritzitako erabakiak hartuko ditu ezarritako arauen
eremuan, 3. paragrafoan xedatutakoarekin bat etorriz.
96. artikulua
(lehengo 76. artikulua EET)
1. Debeku da estatu kide batek enpresa edo industria jakin bati edo gehiagori edozein
eratako babesa edo laguntza dakarkioten prezioak eta baldintzak ezartzea Batasunaren
barruko garraioan, laguntza hori edozelakoa izanda ere, Batzordearen baimenez ezarritakoa
ez bada.
2. Batzordeak, bere ekimenez edo estatu kideren baten eskariz, 1. paragrafoan aipatutako
prezioak eta baldintzak aztertuko ditu, eta bereziki kontuan hartuko ditu, alde batetik, bai
eskualdeetako ekonomia-politika egokia egiteak dakartzan eskakizunak, bai gutxi garatutako
eskualdeen premiak eta bai gorabehera politikoek larri kaltetutako eskualdeen arazoak ere,
eta, bestetik, prezio eta baldintza horiek garraio-mota guztien arteko lehian daukaten eragina.
Interesdun diren estatu kide guztiei kontsulta egin ondoren, Batzordeak hartuko ditu
43
beharrezko erabakiak.
3. Aurreko 1. paragrafoan aipatutako debekuak ez dauka eraginik lehiako tarifetan.
97. artikulua
(lehengo 77. artikulua EET)
Garraioko prezioak albo batera utzita, mugak zeharkatzeagatik garraiolariek eskatutako
eskubideak edo kanonak ezin izango dira arrazoizko maila batetik gorakoak izan, betiere
muga horietatik pasatzeak benetan sor ditzan gastuak kontuan hartuta.
Estatu kideak gastu horiek pixkanaka gutxitzen saiatu behar dira.
Batzordeak gomendioak egin ahal izango dizkie estatu kideei artikulu hau aplikatzeko.
98. artikulua
(lehengo 78. artikulua EET)
Titulu honetako xedapenak ez dira eragozpen izango Alemaniako Errepublika Federalean
hartutako neurrientzat, baldin eta Alemaniak izandako banaketak Errepublika Federaleko
zenbait eskualdetako ekonomiari sortutako desabantaila ekonomikoak orekatzeko badira
neurriok, orduko banaketaren eraginpean dauden eskualdeetan. Lisboako Tratatua indarrean
jarri eta bost urtera, Kontseiluak, Batzordeak proposaturik, artikulu hau indarrik gabe uzteko
erabaki bat hartu ahal izango du.
99. artikulua
(lehengo 79. artikulua EET)
Batzordeari atxikita, Aholku Komitea sortu da, estatu kideetako gobernuek izendatutako
adituz osatua. Garraio-kontuetan, Batzordeak komite horri kontsulta egingo dio, hala komeni
dela uste duen guztietan.
100. artikulua
(lehengo 80. artikulua EET)
1. Titulu honetako xedapenak trenbide, errepide eta bide nabigagarrietako garraioei
aplikatuko zaizkie.
2. Europako Parlamentuak eta Kontseiluak ezarri ahal izango dituzte, legegintzako
prozedura arruntaren arabera, itsasoko eta aireko nabigaziorako xedapen egokiak. Ekonomia
eta Gizarte Komiteari eta Eskualdeetako Komiteari aurretiaz kontsulta eginda erabakiko dute
lege edo esparru-lege hori.
VII. TITULUA
44
LEHIARI, ZERGA-ARLOARI, ETA LEGEDIAK HURBILTZEARI BURUZKO ARAU
ERKIDEAK
1. KAPITULUA.
LEHIARI BURUZKO ARAUAK
LEHENENGO ATALA
ENPRESEI APLIKA DAKIZKIEKEEN XEDAPENAK
101. artikulua
(lehengo 81. artikulua EET)
1. Barne-merkatuarekin bateraezinak diren heinean, debeku dira: estatu kideen arteko
merkataritzari eragin diezaioketen eta helburu edo ondorio moduan barne-merkatuaren baitan
lehiaren jokoa eragotzi, murriztu edo faltsutu nahi duten enpresa arteko akordio guztiak,
enpresa-elkarteen erabaki guztiak eta itundutako jarduera guztiak; eta, bereziki, hauek:
a) salerosketa-prezioak edo beste eragiketa-baldintza batzuk zuzenean edo zeharka
finkatzea;
b) ekoizpena, merkatua, garapen teknikoa edo inbertsioak mugatu edo kontrolatzea;
c) merkatuak edo hornidura-iturriak elkarren artean banatzea;
d) beste kontratatzaile batzuei baldintza diferenteak aplikatzea prestazio
baliokideetarako, kontratatzaile horiei lehiarako desabantailak sorraraziz;
e) kontratuak egin ahal izateko, berez eta merkataritzako ohituren arabera kontratu
horiekin inolako loturarik ez duten beste prestazio osagarri batzuk onartu beharraren
menpe jartzea beste kontratatzaileak.
2. Artikulu honetan debekatutako akordio edo erabakiak erabat deusezak izango dira.
3. Halere, 1. paragrafoko xedapenak ondorengo hauei ezin zaizkiela aplikatu deklaratu
ahal izango da:
— enpresen arteko edozein akordiori edo edozein akordio-kategoriari,
— enpresa-elkarteen edozein erabakiri edo edozein erabaki-kategoriari,
45
— itundutako edozein jarduni edo itundutako edozein jardun-kategoriari,
baldin eta produktuen ekoizpena edo banaketa hobetzeko badira, edo teknikaren edo
ekonomiaren aurrerapena sustatzeko badira, eta, aldi berean, lortutako irabazietako bidezko
parte bat erabiltzaileei gordetzen badiete; eta
a) horretan zerikusia duten enpresei helburu horiek lortzeko ezinbesteko ez diren
murrizketak ezartzen ez badizkiete, eta
b) enpresa horiei, kasuan kasuko produktuen zati handi bati dagokionez, lehia ezabatzeko
aukerarik ematen ez badiete.
102. artikulua
(lehengo 82. artikulua EET)
Estatu kideen arteko merkataritzari eragin diezaiokeen heinean, barne-merkatuarekin
bateraezina izango da, eta debekatu egingo da gehiegikeriaz egindako ustiapen oro, baldin eta
enpresaren batek edo gehiagok barne-merkatuan edo merkatu horretako funtsezko zati baten
gainean nagusitasun-egoeratik jardun badu.
Gehiegikeriazko jokaera horiek, bereziki, hauek izango dira:
a) zuzenean edo zeharka, bidezkoak ez diren salerosketa-prezioak edo beste eragiketabaldintza
batzuk ezartzea;
b) ekoizpena, merkatua edo garapen teknikoa kontsumitzaileen kalterako mugatzea;
c) beste kontratatzaile batzuei baldintza desberdinak aplikatzea prestazio
baliokideetarako, kontratatzaile horiei lehiarako desabantailak sorraraziz;
d) kontratuak egin ahal izateko, berez eta merkataritzako ohituren arabera kontratu horiekin
inolako loturarik ez duten beste prestazio osagarri batzuk onartu beharraren menpe jartzea
beste kontratatzaileak.
103. artikulua
(lehengo 83. artikulua EET)
1. Kontseiluak, Batzordearen proposamenez eta Europako Parlamentuari kontsulta egin
ondoren, 101. eta 102. artikuluetan aipatutako printzipioak aplikatzeko egokiak diren
erregelamendu edo zuzentarauak onartuko ditu.
2. Goiko 1. paragrafoan aipatutako xedapenen helburuak, bereziki, hauek dira:
a) 101. artikuluko 1. paragrafoan eta 102. artikuluan aipatutako debekuak beteko direla
46
bermatzea, isunak eta hertsatzeko isunak ezarriz;
b) 101. artikuluko 3. paragrafoa aplikatzeko moduak finkatzea, alde batetik zaintza
eraginkorra bermatzeko betebeharra kontuan hartuta, eta ahal den neurrian
administrazioaren kontrola errazteko;
c) premiarik balego, 101. eta 102. artikuluen aplikazio-eremua zehaztea, ekonomiako
arlo guztietarako;
d) Europar Batasuneko Batzordeak eta Justizia Auzitegiak bakoitzak dauzkan
eginkizunak zehaztea, paragrafo honetan ezarritako xedapenak aplikatzeko ordurako;
e) alde batetik, estatu bakoitzeko legedien artean, eta, bestetik, atal honetako xedapenen
eta artikulu hau aplikatuz onartutakoen artean dauden loturak zehaztea.
104. artikulua
(lehengo 84. artikulua EET)
Harik eta 103. artikulua aplikatuz onartutako xedapenak indarrean sartu arte, estatu kideetako
agintariek erabakiko dute ea akordioak, erabakiak eta itundutako jarduerak onargarriak diren
ala ez, eta, era berean, barne-merkatuan nagusitasun egoeraz baliatuta gehiegikeriazko
ustiapenik egin den ala ez, bakoitzak bere zuzenbidearen arabera eta 101. artikuluko
xedapenekin bat etorriz, bereziki 3. paragrafokoekin, eta 102. artikulukoekin.
105. artikulua
(lehengo 85. artikulua EET)
1. Aurreko 104. artikuluan xedatutakoari kalterik egin gabe, 101 eta 102. artikuluetan
finkatutako printzipioak aplikatzeko ardura hartuko du Batzordeak. Estatu kideren baten
eskariz edo ofizioz, eta estatu bakoitzean eskumenak dauzkaten agintariekin lankidetzan
arituz, laguntza emango baitiote agintariek Batzordeari, Batzordeak ikertuko du lehen
aipatutako printzipioen gainean arau-hausterik egin ote den. Arau-hausterik egon dela
egiaztatzen badu, jokabide horrekin amaitzeko egokiak diren neurriak proposatuko ditu.
2. Arau-hausteari amaierarik ematen ez bazaio, arau-haustea dagoela utziko du erasota
Batzordeak, erabaki arrazoitu baten bitartez. Erabaki hori argitaratu egin ahal izango du, baita
estatu kideei egoera hori konpontzeko beharrezko diren neurriak hartzeko baimena eman ere,
berak zehaztutako baldintza eta moduetan.
3. Kontseiluak 103. artikuluko 2. paragrafoaren b) idatz-zatiaren arabera akordiokategoria
batzuei buruz erregelamenduren edo zuzentarauren bat onartzen duenean,
Batzordeak erregelamenduak onartu ahal izango ditu erabaki-maila horiei dagokienez.
106. artikulua
(lehengo 86. artikulua EET)
47
1. Estatu kideek, eskubide berezi edo esklusiboak onartzen dizkieten enpresei eta enpresa
publikoei dagokienez, ezin izango dute Tratatuetako arauen kontrako inolako neurririk ez
hartu ez halakoei eutsi, bereziki 18. artikuluan eta, biok barne, 101. artikulutik 109. artikulura
bitartekoetan aurreikusitako arauen kontrakorik.
2. Ekonomiaren interes orokorreko zerbitzuak kudeatzeko ardura duten enpresak edo
monopolio fiskala duten enpresak Tratatuen arauen menpe egongo dira, batez ere lehiari
buruzko arauen menpe, aipatutako arauok, de iure edo de facto, enpresoi esleitutako
berariazko misioa betetzeko eragozpen ez diren heinean. Trukaketen garapenari ezin izango
zaio eragin Batasunaren interesen kontra.
3. Batzordea arduratuko da artikulu honetako xedapenak aplikatzeaz, eta, beharrezkoa
den heinean, egokiak diren zuzentarauak edo erabakiak zuzenduko dizkie estatu kideei.
BIGARREN ATALA
ESTATUEK EMANDAKO LAGUNTZAK
107. artikulua
(lehengo 87. artikulua EET)
1. Tratatuetan besterik xedatu ezik, estatu kideek emandako laguntzak edo estatuko
funtsen bidez emandakoak, edozein modutakoak izanda ere, barne-merkatuarekin
bateraezinak izango dira estatu kideen arteko trukaketei eragiten dieten heinean, baldin eta,
zenbait enpresa edo ekoizpenen alde eginez, lehia faltsutzen badute edo faltsutzeko
modukoak badira.
2. Barne-merkatuarekin bateragarriak izango dira:
a) banakako kontsumitzaileei emandako gizarte-laguntzak, produktuen jatorrian
oinarritutako bereizkeriarik gabe ematen badira;
b) hondamendi naturalek edo salbuespeneko beste gertaera batzuek sortutako kalteak
konpontzeko emandako laguntzak;
c) Alemaniako Errepublika Federaleko zenbait eskualdetako ekonomiaren alde egiteko
emandako laguntzak, Alemaniak izandako banaketaren ondorioz sortutako
desabantaila ekonomikoak orekatzeko beharrezkoak diren heinean, orduko
banaketaren eraginpean dauden eskualdeetan. Lisboako Tratatua indarrean jarri eta
bost urtera, Kontseiluak, Batzordeak proposaturik, idatz-zati hau indarrik gabe uzteko
erabaki bat hartu ahal izango du.
3. Barne-merkatuarekin bateragarritzat jo ahal izango dira:
48
a) bizi-maila nabarmen apala duten eskualdeetako, edo azpienplegu-egoera larria jasaten
duten eskualdeetako ekonomia garatzeko laguntzak, baita 349. artikuluan jasotako
eskualdeetako ekonomia garatzeko laguntzak ere, egitura, ekonomia eta gizarte aldetik
duten egoera aintzakotzat hartuta;
b) Europarentzat interes erkidekoa den proiektu garrantzitsuren bat sustatzeko laguntzak, edo
estatu kideren bateko ekonomiaren nahasmendu larriren bat konpontzeko laguntzak;
c) ekonomiako zenbait jardueraren edo zenbait eskualderen garapena sustatzeko laguntzak,
baldin eta trukaketen baldintzak interes erkidearen kontra jartzen ez badira;
d) kultura sustatu eta ondarea zaintzeko laguntzak, Batasuneko trukaketetarako eta
lehiarako baldintzak interes erkidearen kontra jartzen ez badira;
e) Kontseiluak Batzordearen proposamenaren gainean hartutako erabakiz zehaztutako
gainerako laguntza-motak.
108. artikulua
(lehengo 88. artikulua EET)
1. Batzordeak, estatu kideekin batera, etenik gabe aztertuko ditu estatu kide horietan
dauden laguntza-sistemak. Barne-merkatuaren funtzionamenduak edo arian-arian egindako
garapenak eskatzen duten neurri egokiak proposatuko dizkie estatu kideei.
2. Baldin eta, interesdunei beren oharpenak egiteko dei egin ondoren, estatuak zuzenean
edo estatuko funtsen bidez emandako laguntzaren bat 107. artikuluaren indarrez barnemerkatuarekin
batera ezina dela, edo gehiegikeriaz aplikatzen dela frogatzen badu
Batzordeak, berak zehaztutako epean hura ezabaraztea edo aldaraztea eskatuko dio estatu
horri.
Dena delako estatuak erabaki hori betetzen ez badu ezarritako epean, Batzordeak edo interesa
daukan beste edozein estatu kidek jo dezake zuzenean Europar Batasuneko Justizia
Auzitegira, 258. eta 259. artikuluetan xedatutakoa gorabehera.
Estatu kideren batek eskatuta, Kontseiluak aho batez erabaki ahal izango du, 107. artikuluan
xedatutakoa edo 109. artikuluan aurreikusitako erregelamenduetan xedatutakoa gorabehera,
estatu horrek eman duen edo emateko duen laguntza barne-merkatuarekin bateragarria dela,
salbuespeneko gorabeherek bidezko egiten badute halako erabakia. Baldin eta Batzordeak,
laguntza horri buruz, paragrafo honetako lehenengo lerrokadan aurreikusitako prozedura hasi
badu, kasuan kasuko estatu kideak Kontseiluari egindako eskariak prozedura hura etetea
ekarriko du, harik eta Kontseiluak gai horretaz duen jarrera agertu arte.
Halere, eskaera egin eta hurrengo hiru hilabeteetan Kontseiluak erabakirik hartu ezik,
49
Batzordeak hartuko du horren erabakia.
3. Laguntzak emateko edo aldarazteko proiektuen berri emango zaio Batzordeari, behar
besteko aurrerapenarekin oharrak aurkeztu ahal izan ditzan. Baldin eta Batzordeak
proiekturen bati 107. artikuluaren arabera barne-merkatuarekin bateraezina dela irizten badio,
aurreko paragrafoan ezarritako prozedurari ekingo dio luzamendurik gabe. Estatu kide horrek
ezin izango ditu gauzatu bere proiektuko neurriak, harik eta esandako prozeduran behin
betiko erabakia hartu arte.
4. Batzordeak erregelamenduak onartu ahal izango ditu zenbait laguntza-kategoria
publikori buruz, baldin eta Kontseiluak, 109. artikuluaren arabera, laguntza-kategoria publiko
horiek artikulu honetako 3. paragrafoan ezarritako prozeduratik salbuetsita gera daitezkeela
ebatzi badu.
109. artikulua
(lehengo 89. artikulua EET)
Kontseiluak Batzordearen proposamenaren gainean eta Europako Parlamentuari kontsulta
egin ondoren, 107. eta 108. artikuluak aplikatzeko egokiak diren erregelamenduak onartu
ahal izango ditu, baita 108. artikuluko 3. paragrafoa aplikatzeko baldintzak eta prozedura
horretatik kanpo uzten diren laguntza-motak zehaztu ere.
2. KAPITULUA
ZERGA-ARLOKO XEDAPENAK
110. artikulua
(lehengo 90. artikulua EET)
Estatu kide batek ere ezin izango die ez zeharka ez zuzenean kargarik ezarri beste estatu
kideetako produktuei, estatu barruko antzerako produktuei zuzenean edo zeharka ezartzen dizkien
barruko tributuak baino handiagoak erabiliz, tributuok edozelakoak izanda ere.
Era berean, estatu kide batek ere ezin izango die kargarik ezarri beste estatu kideetako
produktuei, zeharka bada ere beste ekoizpen batzuk babes ditzaketen barruko tributuak
erabiltzen baditu.
111. artikulua
(lehengo 91. artikulua EET)
Estatu kide baten lurraldera esportatutako produktuek ezin izango dute barruko zergen
inolako itzulketa-onurarik jaso, produktuok zuzenean nahiz zeharka jaso duten kargaren
zenbatekotik gora.
50
112. artikulua
(lehengo 92. artikulua EET)
Negozioen guztizkoaren gaineko zergak, kontsumo-produktu jakin batzuen gaineko zergak
eta zeharkako beste zergak albo batera utzita, gainerako tributuei dagokienez ezin izango da
kargarik arindu ez diru-itzulketarik egin beste estatu kideetara egindako esportazioengatik, ez
eta beste estatu kideetatik etorritako inportazioei konpentsazio-kargarik ezarri ere,
Kontseiluak, Batzordearen proposamenaren gainean, proiektuan jasotako neurriok denbora
mugatu baterako aurrez onartutakoak izan ezik.
113. artikulua
(lehengo 93. artikulua EET)
Kontseiluak, aho batez, legegintzako prozedura berezi baten arabera eta Europako
Parlamentuari eta Ekonomia eta Gizarte Komiteari kontsulta egin ondoren, negozioen
guztizkoaren gaineko zergei, kontsumo-produktu jakin batzuen gaineko zergei eta zeharkako
beste zergei buruzko legediak harmonizatzeko xedapenak onartuko ditu, aipatutako
harmonizazioa beharrezkoa den heinean, barne-merkatuaren ezarpena eta funtzionamendua
bermatzeko, eta lehian distortsiorik ez egoteko.
3. KAPITULUA
LEGEDIAK ELKARRI HURBILTZEA
114. artikulua
(lehengo 95. artikulua EET)
1. Tratatuek besterik xedatu ezean, ondorengo xedapenak aplikatuko dira 26. artikuluan
aipatutako helburuak lortzeko. Europako Parlamentuak eta Kontseiluak, legegintzako
prozedura arruntaren arabera, eta Ekonomia eta Gizarte Komiteari kontsulta egin ondoren,
estatu kideetako legezko, erregelamenduzko eta administraziozko xedapenak elkarri
hurbiltzeko neurriak hartuko dituzte, barne-merkatua ezarri edo jardunean jartzeko helburua
daukatenean.
2. Goiko 1. paragrafoa ez zaie aplikatuko xedapen fiskalei, ez pertsonen zirkulazio
askeari buruzko xedapenei, ez inoren kontura lanean diharduten langileen eskubide eta
interesei buruzkoei ere.
3. Osasunari, segurtasunari, ingurumenaren babesari eta kontsumitzaileen babesari buruz
1. paragrafoan aurreikusitako proposamenak egiteko, babes-maila handian oinarritu behar da
Batzordea, gertaera zientifikoetan errotutako edozein berrikuntza bereziki kontuan hartuta.
Europako Parlamentua eta Kontseilua ere helburu hori lortzen saiatu behar dira, bakoitza bere
eskumenen esparruan.
4. Baldin eta, Europako Parlamentuak eta Kontseiluak, Kontseiluak edo Batzordeak
51
harmonizaziorako neurriren bat hartu ondoren, estatu kideren batek estatuko xedapenei eustea
beharrezkoa dela uste badu, betiere 36. artikuluan aipatutako garrantzizko arrazoiren batean
edo lana edo ingurumena babestearekin zerikusia daukatenetan nahiko arrazoi hartuta,
aipatutako estatuak Batzordeari eman behar dio xedapen horien berri, baita haiei eusteko
dauzkan arrazoiena ere.
5. Era berean, eta 4. paragrafoari kalterik egin gabe, Europako Parlamentuak eta
Kontseiluak, Kontseiluak edo Batzordeak harmonizaziorako neurriren bat hartu ondoren,
estatu kideren batek estaturako xedapen berriak ezartzea beharrezkoa dela uste badu, betiere
lana edo ingurumena babestearekin zerikusia daukaten berrikuntza zientifikoetan arrazoi
hartuta, eta harmonizaziorako neurria onartu ondoren estatu kide horretan sortutako arazo
jakin bati aurre egiteko, aipatutako estatuak Batzordeari eman behar dio aurreikusitako
xedapenen berri, baita horiek onartzeko dauzkan arrazoiena ere.
6. Goiko 4 eta 5. paragrafoetan aipatutako jakinarazpenetatik sei hilabeteko epean,
Batzordeak onartu edo baztertu egingo ditu aipatutako estatu barruko xedapenak, estatu
kideen arteko merkataritzarako bidegabekeriazko bereizkeria edo murrizketa estalia egiteko
modua diren ala ez egiaztatu ondoren, eta barne-merkatuaren funtzionamendurako eragozpen
diren ala ez egiaztatu ondoren.
Aipatutako epean Batzordeak erabakirik adierazten ez badu, onartutzat emango dira 4. eta 5.
paragrafoetan aipatutako estatu barruko xedapenak.
Gaiaren konplexutasuna nahikoa arrazoi denean, eta giza osasunerako arriskurik ez
dagoenean, paragrafo zati honetan aipatutako epea beste sei hilabeterainoko aldi gehigarri
batez luzatzen dela jakinarazi ahal izango dio Batzordeak dagokion estatu kideari.
7. Goiko 6. paragrafoarekin bat etorriz, harmonizazio-neurri batetik urruntzen diren estatu
barruko xedapenei eusteko edo xedapen berriak ezartzeko baimena ematen bazaio estatu kideren
bati, Batzordeak berehala aztertuko du neurri hori egokitzea proposa daitekeen.
8. Aldez aurretik harmonizazio-neurriak jaso dituen eremuren batean osasun publikoko
arazo zehatzen bat planteatzen badu estatu kideren batek, Batzordeari eman behar dio horren
berri, eta Batzordeak berehala aztertu behar du ea egokiak diren neurriak Kontseiluari
proposatzea komeni den.
9. 258. eta 259. artikuluetan aurreikusitako prozeduraren salbuespen moduan, bai
Batzordeak bai edozein estatu kidek jo dezake zuzenean Europar Batasuneko Justizia
Auzitegira, baldin eta beste estatu kideren batek, bere ustez, artikulu honetan jasotako
ahalmenak gehiegikeriaz erabiltzen baditu.
10. Goian aipatutako harmonizazio-neurriek, dagozkien kasuetan, salbuespen-klausula bat
edukiko dute, estatu kideei behin-behineko neurriak hartzeko baimena emateko, 36.
artikuluan aipatu eta ekonomiakoa ez den arrazoiren bat edo gehiagorengatik denean, eta
52
Batasuneko kontrol-prozedura baten menpe egongo dira.
115. artikulua
(lehengo 94. artikulua EET)
114. artikuluari kalterik egin gabe, Kontseiluak, aho batez, legegintzako prozedura berezi
baten arabera eta Europako Parlamentuari eta Ekonomia eta Gizarte Komiteari kontsulta egin
ondoren, estatu kideetako legezko, erregelamenduzko eta administraziozko arloetako
xedapenak elkarri hurbiltzeko zuzentarauak onartuko ditu, barne-merkatuaren ezarpenean edo
funtzionamenduan eragin zuzena daukatenean.
116. artikulua
(lehengo 96. artikulua EET)
Baldin eta, estatu kideetako legezko, erregelamenduzko edo administraziozko xedapenen
artean, desadostasunen batek barne-merkatuaren barruko lehia-baldintzak faltsutzen dituela,
eta, hori dela eta, kendu beharreko distortsioren bat sortzen duela frogatzen badu Batzordeak,
kontsultak egingo ditu kasuan kasuko estatuekin.
Kontsulta horiek egin arren, aipatutako distortsioa kentzeko akordiorik lortzen ez bada,
Europako Parlamentuak eta Kontseiluak, legegintzako prozedura arruntaren arabera, helburu
horretarako beharrezko zuzentarauak onartuko dituzte. Tratatuek ezarritako bestelako neurri
egokietarik beste edozein ere hartu ahal izango da.
117. artikulua
(lehengo 97. artikulua EET)
1. Baldin eta lege-, erregelamendu- edo administrazio-xedapenen bat onetsita edo
aldatuta 96. artikuluan zehaztutako moduko distortsioren bat sor daitekeela-eta beldur izateko
arrazoirik badago, neurri horiek hartu nahi dituen estatu kideak kontsulta egingo dio
Batzordeari. Batzordeak, estatu kideekin kontsultatu ondoren, distortsio hori saihesteko egoki
diren neurriei buruzko gomendioa egingo die estatu kide interesdunei.
2. Baldin eta estatu barruko xedapenak onetsi edo aldatu nahi dituen estatuak Batzordeak
egin dion gomendioari jaramonik egiten ez badio, beste estatu kideei ezin izango zaie eskatu,
116. artikulua aplikatuz, bakoitzak bere estatu barruko xedapenak alda ditzan, aipatutako
distortsioa kentzeko. Batzordearen gomendioa kontuan hartu ez duen estatu kideak
distortsioren bat sortzen badu, eta bere kalterako bada huts-hutsik, ez dira aplikatzekoak
izango 116. artikuluko xedapenak.
118. artikulua
Barne-merkatuaren ezarpen eta funtzionamenduaren eremuan, Europako Parlamentuak eta
Kontseiluak, legegintzako prozedura arruntaren arabera, neurriak ezarriko dituzte, batetik,
53
Europako tituluak sortzeari buruz, Batasunean jabetza intelektualaren eta industrialaren
eskubideak era batera babestuko direla bermatzeko, eta, bestetik, Batasun osoari dagokionez
titulu horiek baimentzeko, koordinatzeko eta kontrolatzeko sistema zentralizatuak ezartzeari
buruz.
Kontseiluak, legegintzako prozedura berezi baten arabera, erregelamenduen bidez ezarriko
ditu Europako tituluen hizkuntza-araubideak. Kontseiluak, Europako Parlamentuari aurretiaz
kontsulta eginda, aho batez erabakiko du.
VIII. TITULUA
EKONOMIARI ETA DIRUARI BURUZKO POLITIKA
119. artikulua
(lehengo 4. artikulua EET)
1. Europar Batasunaren Tratatuko 3. artikuluan aipatutako helburuak lortzeko, estatu
kideen eta Batasunaren ekintzak berekin ekarriko du, Tratatuek aurreikusitako baldintzen
arabera, estatu kideen ekonomia-politiken arteko koordinazio estuan, barne-merkatuan eta
helburu erkideak adostean oinarritutako ekonomia-politika ezartzea, betiere, lehia askeko
merkatu-ekonomia irekiaren printzipioa errespetatuta.
2. Ildo beretik joanda, Tratatuetan aurreikusitako prozeduren eta baldintzen arabera,
ekintza horrek esan nahi du diru bakar bat izango dela, hots, euroa, eta diruari buruz zein
truke-tasei buruz politika bat bakarra zehaztu eta aplikatuko dela; horren helburu nagusia
prezioen egonkortasunari eustea izango da, eta, xede horri kalterik egin gabe, Batasunaren
ekonomia-politika orokorrari laguntzea, betiere, lehia askeko merkatu-ekonomia irekiaren
printzipioen arabera.
3. Estatu kideen eta Batasunaren ekintza horiek berekin dakarte printzipio gidari hauek
errespetatzea: prezio egonkorrak, finantza publiko eta diru-baldintza sendoak, eta ordainketabalantza
egonkorra.
1. KAPITULUA
EKONOMIA-POLITIKA
120. artikulua
(lehengo 98. artikulua EET)
Europar Batasunaren Tratatuko 3. artikuluan zehaztu diren Batasunaren helburuak betetzen
laguntzeko egingo dituzte estatu kideek beren ekonomia-politikak, 121. artikuluko 2.
paragrafoan adierazitako orientabide orokorren esparruan. Estatu kideek eta Batasunak lehia
askeko merkatu-ekonomia irekiaren printzipioa errespetatuz jardun behar dute, esleitutako
54
baliabideak eraginkorrak izan daitezen, 119. artikuluan aipatutako printzipioen arabera.
121. artikulua
(lehengo 99. artikulua EET)
1. Estatu kideek interes orokorreko gaitzat hartu behar dute ekonomiari buruz bakoitzak
daukan politika, eta Kontseiluaren baitan koordinatu behar dituzte elkarrenak, 120. artikuluan
xedatutakoaren arabera.
2. Kontseiluak, Batzordearen gomendioren bat oinarri dela, ekonomia-politiketarako
orientabide nagusien proiektua egingo du estatu kideentzat eta Batasunarentzat, eta Kontseilu
Europarrari aurkeztuko dio horri buruzko txostena.
Kontseiluaren txostena oinarri dela, estatu kideek eta Batasunak beren ekonomia-politiken
orientabide nagusien gaineko ondorioak eztabaidatuko ditu Kontseilu Europarrak.
Ondorio horien arabera, Kontseiluak gomendioa emango du, eta aipatutako orientabideak
finkatuko ditu bertan. Kontseiluak Europako Parlamentuari emango dio gomendio horren
berri.
3. Ekonomia-politiken arteko koordinazioa estuagoa dela bermatzeko, eta estatu kideen
ekonomiaren emaitzen elkarganatzea iraunkorra dela bermatzeko, Kontseiluak, Batzordeak
aurkeztutako txostenetan oinarrituta, estatu kide bakoitzaren eta Batasunaren ekonomiaren
bilakaera ikuskatuko du, baita ekonomia-politiken eta 2. paragrafoan adierazitako orientabide
nagusien arteko koherentzia ere, eta ebaluazio orokor bat egingo du aldian-aldian.
Alderdi askotako ikuskapen horren ondorioetarako, estatu kideek ekonomia-politikaren
gainean hartutako garrantzizko neurrien berri eman behar diote Batzordeari, baita beharrezko
iritzitako beste alderdi guztien berri ere.
4. Baldin eta, 3. paragrafoan ezarritako prozeduraren arabera, estatu kideren bateko
ekonomia-politika 2. paragrafoan aipatutako orientabide nagusiekin kontraesanean dagoela
egiaztatzen bada, edo ekonomia- eta diru-batasunak zuzen funtzionatu ahal izateko arriskua
dakarrela egiaztatzen bada, Batzordeak ohartarazpena egin ahal izango dio estatu kide horri.
Kontseiluak, Batzordearen gomendioa oinarri duela, beharrezko diren gomendioak egin ahal
izango dizkio dena delako estatu kide horri. Kontseiluak, Batzordeak proposatuta, gomendio
horiek jendaurrera ateratzea erabaki ahal izango du.
Paragrafo honen ondorioetarako, Kontseiluak erabakiko du, kasuan kasuko estatu kideak
Kontseiluan duen ordezkariaren botoa aintzat hartu gabe.
Kontseiluko gainerako kideen gehiengo kualifikatua 238. artikuluko 3. paragrafoaren a)
idatz-zatiaren arabera zehaztuko da.
55
5. Kontseiluko lehendakariak eta Batzordeak Europako Parlamentuari emango diote
alderdi askotako ikuskapenaren emaitzen berri. Kontseiluak bere gomendioak argitara
emanda badauzka, Kontseiluko lehendakariari gonbit egin ahal izango zaio Europako
Parlamentuan eskumenak dauzkan batzordean ager dadin.
6. Europako Parlamentuak eta Kontseiluak neurriak hartu ahal izango dituzte,
legegintzako prozedura arruntaren arabera, erregelamenduen bidez, 3. eta 4. paragrafoetan
adierazten diren alderdi askotako ikuskapenerako prozedura-moduen gainean.
122. artikulua
(lehengo 100. artikulua EET)
1. Tratatuetan ezarritako gainerako prozedurei kalterik egin gabe, Kontseiluak,
Batzordearen proposamenaren gainean, ekonomiaren egoerari buruz egoki diren neurriak
erabaki ahal izango ditu, estatu kideen arteko elkartasuna bultzatzeko, batez ere, zenbait
produktu hornitzean zailtasun larriak sortzen badira, bereziki energiaren arloan.
2. Baldin eta estatu kideren batek, berak kontrolatu ezin dituen naturako hondamendien
nahiz salbuespeneko gertaeren eraginez, zailtasunak badauzka edo zailtasun larriak
edukitzeko arrisku bizian aurkitzen bada, Kontseiluak, Batzordearen proposamenaren
gainean, estatu kide horri, baldintza batzuen menpe, Batasuneko finantza-laguntza bat ematea
erabaki dezake. Kontseiluko lehendakariak emango dio Europako Parlamentuari hartutako
erabakiaren berri.
123. artikulua
(lehengo 101. artikulua EET)
1. Debeku da Europako Banku Zentralak eta estatu kideetako banku zentralek, horietako
bakoitzari “estatuko banku zentrala” deituko zaio aurrerantzean, zorpekoak onartzea edo
beste edozein kreditu-mota ematea Batasuneko instituzio, organo eta organismoei, gobernu
zentralei, eskualdeko edo tokian tokiko agintariei edo beste agintari publiko batzuei, eta
estatu kideetako zuzenbide publikoko erakunde zein enpresa publikoei; debeku da, halaber,
Europako Banku Zentralak edo estatuetako banku zentralek aurreko guztiei zor-tresnak
zuzenean erostea ere.
2. Goiko 1. paragrafoko xedapenek ez dute eraginik izango kreditu-etxe publikoetan,
hain zuzen, Banku Zentralek erreserbetarako hornidura egiterakoan, kreditu-etxe pribatuen
modu-moduko tratua jaso behar baitute estatuetako banku zentralen eta Europako Banku
Zentralaren aldetik.
124. artikulua
(lehengo 102. artikulua EET)
Debekatuta dago zuhurtziazko kontsiderazioetan oinarritzen ez den edozein neurri, baldin eta
56
Batasuneko instituzio, organo edo organismoei, gobernu zentralei, eskualdeko edo tokian
tokiko agintariei edo beste agintari publiko batzuei, eta estatu kideetako zuzenbide publikoko
erakunde zein enpresa publikoei finantza-etxeetara pribilejioz iristeko bide ematen badie.
125. artikulua
(lehengo 103. artikulua EET)
1. Batasunak ez du ardurarik bereganatuko, eta ez du erantzukizunik hartuko, estatu
kideetako gobernu zentralen, eskualdeko edo tokian tokiko agintarien edo beste agintari
publiko batzuen, eta zuzenbide publikoko erakunde zein enpresa publikoen konpromisoen
gainean, betiere, proiektu jakin batzuk elkarrekin egiteko elkarrenganako finantza-bermeei
kalterik egin gabe. Estatu kideek ez dute ardurarik bereganatuko, eta ez dute erantzukizunik
hartuko, estatu kideetako gobernu zentralen, eskualdeko edo tokian tokiko agintarien edo
beste agintari publiko batzuen, eta beste zuzenbide publikoko erakunde zein enpresa
publikoen konpromisoen gainean, betiere, proiektu jakin batzuk elkarrekin egiteko
elkarrenganako finantza-bermeei kalterik egin gabe.
2. Beharrezkoa izanez gero, Kontseiluak definizioak zehaztu ahal izango ditu,
Batzordeak proposaturik eta Europako Parlamentuari aurretiaz kontsulta eginda, 123. eta 124.
artikuluetan eta artikulu honetan aipatutako debekuak aplikatzeko.
126. artikulua
(lehengo 104. artikulua EET)
1. Estatu kideek gehiegizko defizit publikoak saihestuko dituzte.
2. Batzordeak aurrekontu-egoeraren eta estatu kideen zorpetze publikoaren mailaren
bilakaera ikuskatuko du, huts nabariak aurkitu ahal izateko. Batez ere, aurrekontuei buruzko
diziplina betetzen den aztertuko du, irizpide bi hauek kontuan hartuta:
a) begiratu behar da aurrez ikusitako edo benetan izandako defizit publikoaren eta barneproduktu
gordinaren arteko proportzioak erreferentziako balioa gainditzen duen, ez
bada behintzat,
— proportzioa funtsean eta jarraian jaitsi dela, eta erreferentziako baliora hurbildu
dela; edo
— erreferentziako balioa salbuespenez eta aldi baterako baino ez dela gainditzen,
eta proportzioa erreferentziako baliotik hurbil zaintzen dela;
b) ea zor publikoaren eta barne-produktu gordinaren arteko proportzioak erreferentziako
balioa gainditzen duen, ez bada behintzat proportzioa behar beste jaisten dela, eta
erreferentziako baliora erritmo egokian hurbiltzen ari dela.
57
Gehiegizko defizit kasuetan aplika daitekeen prozedurari buruz Tratatuei erantsita doan
protokoloan zehazten dira erreferentziako balioak.
3. Estatu kideren batek irizpide horietako bateko edo bietako baldintzak bete ezik,
Batzordeak txostena egingo du. Batzordearen txostenak, batetik, defizit publikoarekin
inbertsioetako gastu publikoak gainditzen ote diren aztertuko du, eta, bestetik, dagozkion
gainerako faktore guztiak hartuko ditu kontuan, estatu kide horren epe ertaineko ekonomiaren
eta aurrekontuaren egoera barnean hartuta.
Nahiz eta bi irizpide horiei darizkien baldintzak bete, Batzordeak txostena egin dezake estatu
kideren bat gehiegizko defizita izateko arriskuan dagoela uste badu.
4. Ekonomia eta Finantza Komiteak irizpena emango du Batzordearen txosten horri
buruz.
5. Batzordeak, baldin eta estatu kideren batek gehiegizko defizita daukala edo eduki
dezakeela uste badu, irizpena emango dio estatu kide horri, eta Kontseiluari emango dio
horren berri.
6. Kontseiluak, Batzordearen proposamenez, kasuan kasuko estatu kideak egindako
oharpenak kontuan hartu, eta balioespen orokorra egin ondoren, berak erabakiko du
gehiegizko defizitik dagoen ala ez.
7. Aurreko 6. paragrafoarekin bat etorriz, Kontseiluak gehiegizko defizita dagoela
deklaratzea erabakitzen duenean, kasuan kasuko estatu kideari zuzendutako gomendioak
onetsiko ditu, justifikaziorik gabeko luzamendurik gabe eta Batzordearen gomendio batean
oinarrituta, estatu kide horrek epe jakin batean egoera hori konpon dezan. Gomendio horiek,
8. paragrafoan xedatutakoa salbuespen dela, ez dira jendaurrera aterako.
8. Baldin eta, finkatutako epean, Kontseiluak egindako gomendioak benetan bete ez
direla egiaztatzen badu, jendaurrera atera ahal izango ditu.
9. Baldin eta estatu kideren bat Kontseiluaren gomendioak bete gabe uzten tematzen
bada, estatu kide horri ohartarazpena egiteko erabakia har dezake Kontseiluak, egoera
konpontzeko, Kontseiluaren iritziz beharrezkoa den defizit-murriztapena lortzeko neurriak
har ditzan, zehaztutako epe batean.
Kasu horretan, berariazko egutegi baten arabera txostenak aurkezteko eskatu ahal izango dio
Kontseiluak dena delako estatu kideari, estatu horrek egokitzeko egindako ahaleginak aztertu
ahal izateko.
10. Artikulu honetako 1. paragrafotik 9. paragrafora artekoen eremuan, ezin izango da
baliatu 258. eta 259. artikuluetan aurreikusitako errekurtso-eskubideaz.
11. Estatu kideren batek bete gabe utziko balu 9. paragrafoaren arabera onartutako
58
erabakiren bat, neurri hauetakoren bat edo gehiago aplikatzea, edo beharrezkoa bada,
indartzea erabaki lezake Kontseiluak:
— obligazioak eta baloreak jaulki aurretik, Kontseiluak berak zehaztu behar duen
informazio gehigarriren bat argitaratzea eska diezaioke dena delako estatu kideari;
— gomendioa egin diezaioke EIBri, dena delako estatu kideari buruz daukan mailegupolitika
berrazter dezan;
— Batasunaren izenean gordailu bat jartzea eska diezaioke dena delako estatu kideari,
interesik sortuko ez duen kopuru egoki batez, harik eta Kontseiluak gehiegizko
defizita konpondu dela iritzi arte;
— egoerari dagokion mailako isunak ezar diezazkioke.
Kontseiluko lehendakariak Europako Parlamentuari eman behar dio hartutako erabakien
berri.
12. Kontseiluak indargabetu egingo ditu 6., 7., 8., 9 eta 11. paragrafoetan aipatutako bere
erabaki edo gomendio batzuk edo guztiak, bere ustez kasuan kasuko estatu kidearen
gehiegizko defizita konpondu bada. Baldin eta Kontseiluak aurrez bere gomendioak
jendaurrera atera baditu, orduan, 8. paragrafoaren indarrez hartutako erabakia
indargabetutakoan, jendaurrean adierazpena egingo du dagokion estatu kidean gehiegizko
defizita desagertu dela baieztatzeko.
13. Aurreko 8, 9, 11 eta 12. paragrafoetan aipatutako erabakiei edo gomendioei
dagokienez, Batzordearen gomendioren bat oinarri dela hartuko ditu Kontseiluak erabakiak.
Kontseiluak 6.etik 9.era bitarteko paragrafoetan, 11.ean eta 12.ean jasotako neurriak hartzen
baditu, Kontseiluak erabakiko du, kasuan kasuko estatu kideak Kontseiluan duen
ordezkariaren botoa aintzat hartu gabe.
Kontseiluko gainerako kideen gehiengo kualifikatua 238. artikuluko 3. paragrafoaren a)
idatz-zatiaren arabera zehaztuko da.
14. Gehiegizko defizit-kasuetan aplikagarri den prozedurari buruzko protokoloan jasotzen
dira artikulu honetan adierazitako prozedura aplikatzearekin zerikusia daukaten xedapen
gehigarriak, eta Tratatuei erantsita dator protokolo hori.
Kontseiluak, aho batez, legegintzako prozedura berezi baten bidez, eta aldez aurretik
Europako Parlamentuari eta Europako Banku Zentralari kontsulta eginda, aipatutako
protokoloaren ordezkoak diren xedapen egokiak onartuko ditu.
Paragrafo honetako gainerako xedapenei kalterik egin gabe, Kontseiluak, aipatutako
59
protokoloko xedapenak aplikatzeko garapen-arauak eta definizioak zehaztu behar ditu,
Batzordearen proposamenaren gainean eta aldez aurretik Europako Parlamentuari kontsulta
eginda.
2. KAPITULUA.
DIRUARI BURUZKO POLITIKA
127. artikulua
(lehengo 105. artikulua EET)
1. Prezioen egonkortasunari eustea izango da Banku Zentralen Europako Sistemaren
(aurrerantzean «BZES) helburu nagusia. Helburu horri kalterik egin gabe, eta Batasunaren
helburuak gauzatzen laguntzeko, BZESk babesa emango die Europar Batasunaren Tratatuko
3. artikuluan zehazten diren Batasunaren ekonomia-politika orokorrei. Lehia askeko merkatuekonomia
irekia printzipio duela jardungo du BZESk, baliabideen esleipen eraginkorra
sustatuz eta 119. artikuluan azaldutako printzipioekin bat etorriz.
2. Hauek dira BZESk egin behar dituen oinarrizko eginkizunak:
— Batasunak daukan diru-politika zehaztu eta gauzatzea,
— 219. artikuluko xedapenekin koherentzian dauden dibisetako eragiketak egitea;
— estatu kideen dibisen erreserba ofizialak gorde eta kudeatzea;
— ordainketa-sistemek ondo funtziona dezaten sustatzea.
3. Goiko 2. paragrafoko hirugarren marran xedatutakoa ez doa estatu kideetako
gobernuek dibisatan laneko kapitalak eduki eta kudeatzearen kontra.
4. Europako Banku Zentralari kontsulta egingo zaio:
— bere eskumenen eremuan sartzen diren Batasuneko egintzei buruzko edozein
proposamenen gainean;
— estatu bakoitzeko agintariek ere eskatuko diote aholkua, beren eskumenen eremuan
sartzen diren legezko xedapenei buruzko edozein proiekturen gainean, 129. artikuluko
4. paragrafoan aurreikusitako prozeduraren arabera Kontseiluak ezarritako muga eta
baldintzen barruan.
Europako Banku Zentralak zuzenean aurkeztu ahal izango dizkie irizpenak Batasuneko
instituzio, organo edo organismoei edo estatuetako kasuan kasuko agintariei, bere eskumenen
60
eremuan sartzen diren gaiei buruz.
5. Agintari eskudunek burututako politiken kudeaketa ona izan dadin laguntasuna
emango du BZESk, kreditu-etxeen zuhurtziazko ikuskapenari eta finantza-sistemaren
egonkortasunari buruz.
6. Kontseiluak, legegintzako prozedura berezia erabiliz onartutako erregelamenduen
bidez, aho batez, Europako Parlamentuari eta Europako Banku Zentralari aurretiaz kontsulta
eginda, zeregin zehatzak agindu ahal izango dizkio Europako Banku Zentralari kreditu-etxeen
eta beste finantza-etxe batzuen zuhurtziazko ikuskapenarekin zerikusia duten politiken
gainean; aseguru-etxeak hortik kanpo uzten dira.
128. artikulua
(lehengo 106. artikulua EET)
1. Europako Banku Zentralak eskubide esklusiboa izango du Batasunean bankuko
billeteak eurotan jaulkitzeko baimena emateko. Europako Banku Zentralak eta estatuetako
banku zentralek jaulki ditzakete billeteak. Europako Banku Zentralak eta estatuetako banku
zentralek jaulkitako billeteak izango dira Batasunean legez onartu beharreko billete bakarrak.
2. Estatu kideek txanponak jaulki ditzakete, eurotan, baina Europako Banku Zentralaren
onarpena beharko dute jaulkipenaren guztizkoari dagokionez. Kontseiluak, Batzordeak
proposaturik, eta Europako Parlamentuari eta Europako Banku Zentralari aurretiaz kontsulta
eginda, hartu ahal izango ditu zirkulazioan jarritako txanpon guztien balio izendatuak eta
zehaztasun teknikoak harmonizatzeko neurriak, Batasunaren baitan ondo zirkulatzeko
beharrezkoa den heinean.
129. artikulua
(lehengo 107. artikulua EET)
1. Europako Banku Zentraleko organo artezkariek zuzenduko dute BZES, hau da,
Gobernu Kontseiluak eta Batzorde Betearazleak.
2. Banku Zentralen Europako Sistemaren eta Europako Banku Zentralaren estatutuak,
aurrerantzean «BZESren eta EBZaren estatutuak», Tratatuei erantsitako protokolo batean
azaltzen dira.
3. BZESren eta EBZaren estatutuetako 5.1, 5.2, 5.3, 17, 18, 19.1, 22, 23, 24, 26, 32.2,
32.3, 32.4, 32.6, 33.1 a) eta 36. artikuluak alda ditzakete Europako Parlamentuak eta
Kontseiluak, legegintzako prozedura arruntaren arabera. Erabakiko dute, bai Europako Banku
Zentralaren gomendio batean oinarrituta eta Batzordeari aurretiaz kontsulta eginda, bai
Batzordeak proposaturik eta Europako Banku Zentralari aurretiaz kontsulta eginda.
4. Kontseiluak, bai Batzordearen proposamenaren gainean eta aldez aurretik Europako
Parlamentuari eta Europako Banku Zentralari kontsulta eginda, bai Europako Banku
61
Zentralaren gomendioren baten gainean eta aldez aurretik Europako Parlamentuari eta
Batzordeari kontsulta eginda, BZESren eta EBZaren estatutuetako 4, 5.4, 19.2, 20, 28.1, 29.2,
30.4 eta 34.3. artikuluetan aipatutako xedapenak onartuko ditu.
130. artikulua
(lehengo 108. artikulua EET)
Tratatuek eta BZESren eta EBZaren estatutuek ematen dizkieten ahalmenak baliatzean, eta
horiek esleitzen dizkieten eginkizunak eta betebeharrak betetzean, ez Europako Banku
Zentralak, ez estatuetako banku zentralek, ez artezkaritza-organoetako kide batek ere, ezin
izango dute eskatu, ez eta onartu ere, Batasuneko instituzio, organo edo organismoen
jarraibiderik, ez estatu kideetako gobernuenik ez beste inolako organorenik ere. Batasuneko
instituzio, organo edo organismoek, eta estatu kideetako gobernuek, printzipio hori
errespetatzeko konpromisoaz batera, beren eginkizunak gauzatzean, Europako Banku
Zentraleko eta estatuetako banku zentraletako artezkaritza-organoetako kideengan eraginik ez
sortzeko konpromisoa ere hartzen dute.
131. artikulua
(lehengo 109. artikulua EET)
Estatu kide bakoitzak bere estatuko legedia, estatuko banku zentralaren estatutuak barne
direla, Tratatuekin eta BZESren eta EBZaren estatutuekin bateragarria izateko ardura hartuko
du.
132. artikulua
(lehengo 110. artikulua EET)
1. BZESri agindutako eginkizunak betetzeko, Europako Banku Zentralak, Tratatuetako
xedapenen arabera, eta BZESren eta EBZaren estatutuetan aurreikusitako baldintzetan:
— erregelamenduak egingo ditu, BZESren eta EBZaren estatutuetako 3.1 artikuluko
lehenengo marran eta 19.1, 22 eta 25.2 artikuluetan zehaztutako eginkizunak
betetzeko beharrezkoa denean, eta 129. artikuluko 4. paragrafoan aipatu eta
Kontseiluak egindako egintzetan ezarritako kasuetan;
— Tratatuetan eta BZESren eta EBZaren estatutuetan BZESri agindutako eginkizunak
betetzeko beharrezkoak diren erabakiak hartuko ditu;
— gomendioak egin eta irizpenak emango ditu.
2. Europako Banku Zentralak berak emandako erabakiak, gomendioak eta irizpenak
jendaurrera ateratzea erabaki dezake.
3 Tratatu honetako 129. artikuluko 4. paragrafoan ezarritako prozeduraren arabera
Kontseiluak finkatutako mugen barruan eta baldintzetan, Europako Banku Zentralaren
62
erregelamenduei eta erabakiei dagozkien betebeharrak betetzen ez dituzten enpresei isunak
eta hertsatzeko isunak ezartzeko baimena dauka EBZak.
133. artikulua
Europako Banku Zentralak dituen eskurantzei kalterik egin gabe, Europako Parlamentuak eta
Kontseiluak, legegintzako prozedura arruntaren arabera, beharrezko diren neurriak ezarriko
dituzte diru bakar modura euroa erabil dadin. Neurri horiek Europako Banku Zentralari
aurretiaz kontsulta eginda hartuko dira.
3. KAPITULUA
INSTITUZIOEI BURUZKO XEDAPENAK
134. artikulua
(lehengo 114. artikulua EET)
1. Barne-merkatuaren funtzionamendurako beharrezkoa den neurrian, estatu kideen
politiken koordinazioa sustatzeko, Ekonomia eta Finantza Komitea sortu da.
2. Ekonomia eta Finantza Komiteak eginkizun hauek edukiko ditu:
— irizpenak ematea, bai Kontseiluak edo Batzordeak eskatuta, bai bere ekimenez,
aipatutako instituzio horientzat;
— Batasunak eta bere estatuek daukaten ekonomia-eta finantza-egoeraren jarraipena
egitea, eta aldian-aldian Kontseiluari eta Batzordeari berri ematea, batez ere hirugarren
herrialdeekin eta nazioarteko instituzioekin izandako finantza-harremanak direla-eta;
— tratatu honetako 240. artikuluan xedatutakoari kalterik egin gabe, 66. eta 75.
artikuluetan, 121. artikuluko 2., 3., 4., eta 6. paragrafoetan, 122., 124., 125. eta 126.
artikuluetan, 127. artikuluko 6. paragrafoan, 128. artikuluko 2. paragrafoan, 129.
artikuluko 3. eta 4. paragrafoetan, 138. artikuluan, 140. artikuluko 2. eta 3.
paragrafoetan, 143. artikuluan, 144. artikuluko 2. eta 3. paragrafoetan eta 219.
artikuluan aipatutako lanak prestatzen Kontseiluari laguntzea, eta Kontseiluak
agindutako kontsulta eta prestaketako beste lanak burutzea;
— Tratatuak aplikatzetik eta Kontseiluak hartutako neurrien ondorioz datozen kapitalmugimenduei
eta ordainketa-askatasunari buruzko egoera aztertzea, urtean behin
gutxienez. Kapitalen mugimenduei eta ordainketei buruzko neurri guztiak hartuko ditu
bere baitan azterketa horrek. Komiteak Batzordeari eta Kontseiluari emango die
azterketa horren emaitzari buruzko txostena.
Estatu kideetako bakoitzak, Batzordeak, eta Europako Banku Zentralak gehienez ere bina
kide izendatuko dituzte Komiterako.
63
3. Kontseiluak, Batzordearen proposamenaren gainean eta Europako Banku Zentralari
eta artikulu honetan aipatutako Komiteari kontsulta egin ondoren, Ekonomia eta Finantza
Komitearen osaerari buruzko garapen-arauak finkatu behar ditu. Kontseiluko lehendakariak
emango dio erabaki horren berri Europako Parlamentuari.
4. Goiko 2. paragrafoan adierazitako eginkizunez gain, baldin eta estatu kideren bat edo
gehiago badaude 139. artikuluaren araberako salbuespenen bati helduta, eta hala dauden
bitartean, aipatutako estatu kideen diru- eta finantza-egoera, eta ordainketen sistema orokorra
ikuskatuko ditu komiteak, eta aldian-aldian emango die horri buruzko txostena Kontseiluari
eta Batzordeari.
135. artikulua
(lehengo 115. artikulua EET)
Kontseiluak edo estatu kideetako batek Batzordeari eska diezaioke, kasuan kasu,
gomendioren bat edo proposamenen bat aurkezteko, 121. artikuluko 4. paragrafoaren, 126.
artikuluaren (14. paragrafoa salbu dela), 138. artikuluaren, 140. artikuluko 1. paragrafoaren,
140. artikuluko 2. paragrafoko 1. lerrokadaren, 140. artikuluko 3. paragrafoaren eta 219.
artikuluaren aplikazio-eremuan sartzen diren gaiei dagokienez. Batzordeak eskabidea
aztertuko du, eta luzamendurik gabe aurkeztuko dizkio Kontseiluari bere ondorioak.
4. KAPITULUA
DIRU GISA EUROA DARABILTEN ESTATU KIDEENTZAKO BERARIAZKO
XEDAPENAK
136. artikulua
1. Ekonomia- eta diru-batasunak zuzen funtziona dezan laguntzeko, Tratatuetan arlo
horri dagozkion xedapenekin bat etorrita, eta, betiere, 121. eta 126. artikuluetan ezarritako
prozeduretatik dagokiona erabiliz —126. artikuluko 14. paragrafoan ezarritakoa izan ezik—,
Kontseiluak diru gisa euroa darabilten estatu kideei buruzko neurriak hartuko ditu, helburuak
honako hauek izanik:
a) aurrekontuei buruzko diziplina koordinatzeko eta ikuskatzeko lanak indartzea;
b) estatu kide horiei dagokienez, ekonomia-politikan bete beharreko norabideak
zehaztea, Batasun osorako onartutako norabideekin bateragarriak izan daitezen
zainduta, eta norabide horiek jagongo direla bermatzea.
2. Diru gisa euroa darabilten estatu kideetako ordezkari diren Kontseilukideek bakarrik
hartuko dute parte 1. paragrafoan jasotako neurriei buruzko bozketetan.
64
Kide horien gehiengo kualifikatua 238. artikuluko 3. paragrafoaren a) idatz-zatiaren arabera
zehaztuko da.
137. artikulua
Eurotaldeari buruzko protokoloan daude ezarrita diru gisa euroa darabilten estatu kideetako
ministroen arteko bilera-motak.
138. artikulua
(lehengo 111. artikulua, 4. paragrafoa, EET)
1. Euroak nazioarteko diru-sisteman duen lekua bermatzeko, Kontseiluak, Batzordeak
proposatutakoaren gainean, erabakia hartuko du; arlo horretan eskumenak dituzten
nazioarteko finantza-instituzioei eta -biltzarrei begira, jarrera erkideak zehaztuko dira europar
erabaki horretan, ekonomia- eta diru-batasunarentzat interes berezia duten gaiei buruz.
Kontseiluak Europako Banku Zentralari aurretiaz kontsulta eginda erabakiko du.
2. Kontseiluak, Batzordeak proposatuta, neurri egokiak hartu ahal izango ditu,
nazioarteko finantza-instituzio eta -biltzarretan ordezkaritza bakarra izateko. Kontseiluak
Europako Banku Zentralari aurretiaz kontsulta eginda erabakiko du.
3. Diru gisa euroa darabilten estatu kideetako ordezkari diren Kontseilukideek bakarrik
hartuko dute parte 1. eta 2. paragrafoetan jasotako neurriei buruzko bozketetan.
Kide horien gehiengo kualifikatua 238. artikuluko 3. paragrafoaren a) idatz-zatiaren arabera
zehaztuko da.
5. KAPITULUA.
XEDAPEN IRAGANKORRAK
139. artikulua
1. Diru gisa euroa erabiltzeko beharrezko baldintzak betetzen ote dituzten, Kontseiluak
oraindik erabaki gabe dituen estatu kideek, aurrerantzean, “salbuespen bati helduta dauden
estatu kideak” izendapena hartuko dute.
2. Tratatuetako xedapen hauek ez zaizkie aplikatuko salbuespen bati heldutako estatu
kideei:
a) ekonomia-politiketarako norabide nagusiak finkatzeko zatien onespena, zati horiek
euro-eremuari orokorrean eragiten diotenean (121. artikuluko 2. paragrafoa);
b) gehiegizko defizitak konpontzeko bitarteko zorrotzak (126. artikuluko 9. eta 11.
paragrafoak);
65
c) BZESren xedeak eta eginkizunak (127. artikuluko 1., 2., 3. eta 5. paragrafoak);
d) euroaren jaulkipena (128. artikulua);
e) Europako Banku Zentralaren egintzak (132. artikulua);
f) euroaren erabilerari buruzko neurriak (133. artikulua);
g) diru-arloko akordioak eta truke-tasen politikari buruzko bestelako neurriak (219.
artikulua);
h) Europako Banku Zentralaren Batzorde Betearazleko kideen izendapena (283.
artikuluko 2. paragrafoa);
i) arlo horretan eskumenak dituzten nazioarteko finantza-instituzioei eta -biltzarrei
begira, ekonomia- eta diru-batasunarentzat interes berezia duten gaiei buruz jarrera
erkideak zehazteko erabakiak (138. artikuluko 1. paragrafoa);
j) nazioarteko finantza-instituzio eta -biltzarretan ordezkaritza bakarra izateko neurriak
(138. artikuluko 2. paragrafoa).
Horrenbestez, a) idatz-zatitik j) idatz-zatira bitartean aipatutako artikuluek «estatu kide»
esaten dutenean, diru gisa euroa darabilten estatu kideak direla ulertu behar da.
3. Salbuespen bati heldutako estatu kideak eta beren banku zentralak BZESren esparruko
eskubideetatik eta betebeharretatik kanpo egongo dira, BZESren eta EBZaren estatutuetako
IX. kapituluan xedatutakoaren arabera
4. Salbuespen bati heldutako estatu kideen ordezkari diren Kontseilukideen botoeskubideak
etenda geratuko dira, Kontseiluak 2. paragrafoan aipatzen diren artikuluetan
jasotako neurriak onesten dituenean, baita honako kasu hauetan ere:
a) diru gisa euroa darabilten estatu kideei, alderdi askotako ikuskapenaren esparruan,
gomendioak egiten zaizkienean, egonkortasun-programei buruzko gomendioak eta
ohartarazpenak ere barnean direla (121. artikuluko 4. paragrafoa);
b) diru gisa euroa darabilten estatu kideei eragiten dieten gehiegizko defizitei buruzko
neurriak direnean (126. artikuluko 6., 7., 8. , 12. eta 13. paragrafoak).
Kontseiluko gainerako kideen gehiengo kualifikatua 238. artikuluko 3. paragrafoaren a)
idatz-zatiaren arabera zehaztuko da.
140. artikulua
(lehengo 121. artikuluko 1. paragrafoa, lehengo 122. artikuluko 2. paragrafoa, bigarren esaldia eta lehengo 123.
66
artikuluko 5. paragrafoa, EET)
1. Gutxienez urte bitik behin, edo salbuespen bati helduta dauden estatu kideetatik
edozeinek eskatuta, Batzordeak eta Europako Banku Zentralak txostenak aurkeztuko dizkiote
Kontseiluari, salbuespen bati lotuta dauden estatu kideek ekonomia- eta diru-batasuna
lortzeko dituzten betebeharrak betetzean estatuok egindako aurrerapenei buruz. Txosten
horiek azterketa bat ere jasoko dute, ea estatu kide bakoitzaren legedia, estatuko Banku
Zentralaren estatutuak barne direla, 130. eta 131. artikuluekin eta BZESren eta EBZaren
estatutuekin bateragarria den zehazteko. Txosten horietan, halaber, elkarganatze iraunkorra
maila handian lortu ote den ere aztertuko da, estatu kide horietako bakoitzak ondorengo
irizpideok zenbateraino bete dituen aintzakotzat hartuta:
— prezioen egonkortasun-maila handia lortu behar da, horretarako, erreferentziatzat
hartuko da prezioen egonkortasunari hobekien eusten dioten gehienez ere hiru estatu
kideen inflazio-tasa; eta estatuarenak horretatik hurbil egon beharko du;
— finantza publikoak egoera iraunkorrean aurkitu behar dira: larregiko defizit publikorik
gabeko aurrekontu-egoera lortzean frogatuko da hori, 126. artikuluko 6. paragrafoan
xedatutakoarekin bat etorriz zehaztuta dagoen moduan;
— Europako diru-sistemaren truke-tasen mekanismoan aurreikusitako fluktuazioko tarte
arruntei bi urtez gutxienez eutsi behar zaie, euroarekiko debaluaziorik egin gabe;
— epe luzerako interes-tasen mailetan agertu behar da, batetik, salbuespen bati heldutako
estatu kideak lortutako elkarganatzea iraunkorra dela, eta, bestetik, estatu horrek
truke-tasen mekanismoan daukan partaidetza ere iraunkorra dela.
Paragrafo honetan aipatutako lau irizpideak, eta irizpide horietako bakoitza betetzeko
finkatutako aldiak, tratatuei erantsita doan protokolo batean zehazten dira gehiago.
Batzordearen eta EDIren txostenetan kontuan hartu beharko dira, halaber, merkatuak batera
biltzean lortutako emaitzak, kontu korronteko ordainketa-balantzeen egoera eta bilakaera, eta
unitatezko lan-kostuen eta beste prezio-indize batzuen bilakaerari buruzko azterlana.
2. Europako Parlamentuari aurretiaz kontsulta eginda, eta arazoa Kontseilu Europarrean
eztabaidatu eta gero, Batzordeak proposaturik, Kontseiluak erabakiko du zein diren
salbuespen bati heldutako estatu kideetatik 1. paragrafoan adierazitako irizpideen arabera
beharrezko baldintzak betetzen dituztenak, eta dagokien estatu kideei salbuespena ezabatuko
die.
Kontseiluak erabakiko du, bere kideen gehiengo kualifikatuak gomendioa egin ondoren. Kide
horiek diru gisa euroa darabilten estatu kideen ordezkariak izan beharko dira. Kontseiluak
Batzordearen proposamena jaso eta sei hilabeteko epean erabakiko dute estatu kide horiek.
Bigarren lerrokadan adierazten diren kideen gehiengo kualifikatua 238. artikuluko 3.
67
paragrafoaren a) idatz-zatiaren arabera zehaztuko da.
3. Baldin eta 2. paragrafoan ezarritako prozeduraren arabera, salbuespenen bat kentzeko
erabakia hartzen bada, Kontseiluak, diru gisa euroa darabilten estatu kideen eta dena delako
estatu kidearen aho batezkoarekin, Batzordearen proposamenez eta Europako Banku
Zentralari kontsulta egin ondoren, dena delako estatu kideko dirua euroarekin ordezkatzeko
tasa onartuko du behin betiko, baita euroa Batasuneko estatu horretako diru bakar moduan
sartzeko beharrezko gainerako neurriak ere.
141. artikulua
(lehengo 123. artikuluko 3. paragrafoa eta lehengo 117. artikuluko 2. paragrafoaren lehenengo bost gidoiak, EET)
1. Batasuneko estaturen bat salbuespen bati lotuta badago, eta harik eta hala dagoen
bitartean, 129. artikuluko 1. paragrafoari kalterik egin gabe, BZESren eta EBZaren
estatutuetako 44. artikuluan aipatutako Europako Banku Zentralaren Kontseilu Nagusia
Europako Banku Zentraleko hirugarren organo erabakitzaile moduan eratuko da.
2. Salbuespen bati heldutako estatu kideak dauden artean, Europako Banku Zentralak,
estatu kide horiei dagokienez:
— estatuetako Banku Zentralen arteko lankidetza indartuko du;
— estatu kideen diru-politiken koordinazioa indartuko du, prezioen egonkortasuna
bermatzeko;
— truke-tasen mekanismoaren funtzionamendua ikuskatuko du.
— kontsultak egingo ditu estatuetako Banku Zentralen eskumenekoak izan eta finantzaetxeen
eta finantza-merkatuen egonkortasunari eragiten dieten gaiei buruz;
— Diru Lankidetzako Europako Funtsarenak ziren eginkizunak beteko ditu, lehenago
Europako Diru Institutuak bere gain hartu zituenak.
142. artikulua
(lehengo 124. artikulua, 1. paragrafoa, EET)
Salbuespen bati helduta dagoen estatu kide bakoitzak interes erkideko gaitzat hartu behar du
bere truke-politika. Hori egiteko, truke-tasen mekanismoaren eremuan izandako lankidetzaz
lortutako eskarmentuak hartu behar dituzte kontuan Batasuneko estatuek
143. artikulua
(lehengo 119. artikulua EET)
1. Baldin eta salbuespen bati heldutako estatu kideren batek ordainketa-balantzan
zailtasunak badauzka edo zailtasunak edukitzeko mehatxu larriren baten pean badago, eta
68
zailtasun horiek balantza horren desoreka orokorraren eraginez edo estatu horrek dauzkan
dibisa-moten ondorioz sortu badira, eta, bereziki, barne-merkatuaren funtzionamendua edo
merkataritza-politika erkidea egitea arriskuan jartzen dutenak badira, Batzordeak, bere eskura
dauzkan baliabide guztiak erabiliz, luzamendurik gabe aztertuko du estatu horren egoera,
baita Tratatuetan xedatutakoaren arabera estatu horrek hasi duen edo hasi dezakeen ekintza
ere. Batzordeak adieraziko du zer neurri gomendatzen dion estatu interesdunari.
Salbuespen bati helduta dagoen estatu kideak hasitako ekintza eta Batzordeak proposatutako
neurriak nahikoak ez badira aurkitutako zailtasunak edo zailtasun-mehatxuak gainditzeko,
elkarren arteko laguntza eta metodo egokiak proposatuko dizkio Batzordeak Kontseiluari,
aurretiaz Ekonomia eta Finantza Komiteari kontsulta eginda.
Batzordeak egoeraren eta bilakaeraren berri eman behar dio Kontseiluari aldian-aldian.
2. Kontseiluak goian aipatutako elkarren laguntza onartuko du, eta laguntzaren
baldintzak eta laguntza-motak zehazteko zuzentarauak edo erabakiak hartuko ditu. Elkarren
arteko laguntza era hauetakoa izan daiteke, bereziki:
a) nazioarteko beste erakunde batzuekin itundutako ekintza bat, salbuespen bati helduta
dauden estatu kideek erabil dezaketena;
b) merkataritza-trafikoaren desbideraketak saihesteko beharrezko neurriak, baldin eta
salbuespen bati helduta dagoen estatu kideak zailtasunak badauzka eta hirugarren
herrialdeekiko kopuru-murrizketei eusten badie edo berriro indarrean jartzen baditu;
c) beste estatu kide batzuek kreditu mugatuak ematea, betiere, estatuon adostasunez.
3. Baldin eta Batzordeak gomendatutako elkarren arteko laguntza Kontseiluak onartzen
ez badu, edo onartutako elkarren arteko laguntza eta hartutako neurriak nahikoak ez badira,
babes-neurriak hartzeko baimena emango dio Batzordeak, salbuespen bati helduta egonda,
zailtasunak dauzkan estatu kideari, betiere, Batzordeak berak zehaztutako baldintzetan eta
moduan.
Kontseiluak kendu egin dezake baimen hori, bai eta haren baldintzak eta moduak aldatu ere.
144. artikulua
(lehengo 120. artikulua EET)
1. Ordainketa-balantzan bat-bateko krisiren bat gertatu, eta, 143. artikuluko 2.
paragrafoan ezarritakoarekin bat etorriz berehala erabaki bat hartu ezik, salbuespen bati
helduta dagoen estatu kideak beharrezko babes-neurriak hartu ahal izango ditu, kautela
moduan. Neurri horiek ahalik eta nahasmendurik txikiena sortu behar dute barne-merkatuaren
funtzionamenduan, eta bat-batean sortutako zailtasunak gainditzeko ezinbestekoa eta behar69
beharrezkoa dena baino helmen handiagoa ez dute izango.
2. Babes-neurri horien berri jaso beharko dute Batzordeak eta estatu kideek,
beranduenean ere, indarrean jartzen diren unean. Batzordeak ahalmena du Kontseiluari
gomendatzeko 143. artikuluan ezarritakoaren arabera elkarri laguntza eman diezaiotela.
3. Kontseiluak, Batzordearen gomendioz, eta Ekonomia eta Finantza Komiteari aurretiaz
kontsulta eginda, erabaki dezake estatu kide interesdunak babes-neurri horiek aldatu, eten edo
ezabatu behar dituela.
IX. TITULUA
ENPLEGUA
145. artikulua
(lehengo 125. artikulua EET)
Batasuneko estatuak eta Batasuna, titulu honekin bat etorriz, enplegurako estrategia
koordinatua garatzen ahaleginduko dira, batez ere langile gaitu, prestatu eta egokitu-errazak
lortzeko, eta ekonomiaren aldaketei erantzuteko gai diren lan-merkatuak sustatzeko, Europar
Batasunaren Tratatuaren 3. artikuluan zehaztutako helburuak lortu ahal izan daitezen.
146. artikulua
(lehengo 126. artikulua EET)
1. Batasuneko estatuek, enplegurako beren politiken bidez, 145. artikuluan aipatutako
helburuak lortzen lagunduko dute, 121. artikuluko 2. paragrafoaren arabera Batasuneko
estatuek eta Batasunak ekonomiaren politikari buruz onartutako orientabide orokorrekin bat
etorriz.
2. Estatu bakoitzaren barruan lan-munduko ordezkariek dituzten erantzukizunei buruzko
jokaerak kontuan hartuta, estatu kideek interes erkideko gaitzat hartu behar dute enpleguaren
sustapena, eta Kontseiluaren baitan koordinatu behar dituzte gai horren inguruko beren
jarduerak, 148. artikuluan xedatutakoarekin bat etorriz.
147. artikulua
(lehengo 127. artikulua EET)
1. Enplegu-maila handia lortzeko lagunduko du Batasunak, estatu kideen arteko
lankidetza sustatuz, eta bakoitzaren jarduerei lagunduz, eta, premiazkoa bada, beren jarduteak
osatuz. Hori egitean, estatu kideen eskumenak errespetatuko dira.
2. Batasuneko politikak eta neurriak zehaztu eta aplikatzerakoan enplegu-maila handia
lortzea da kontuan hartu beharreko helburua.
70
148. artikulua
(lehengo 128. artikulua EET)
1. Kontseilu Europarrak urtero aztertuko du zein den enpleguaren egoera Batasunean, eta
horren gaineko ondorioak aterako ditu, Kontseiluak eta Batzordeak batera urtero egindako
txostenean oinarrituta.
2. Kontseilu Europarraren ondorioetan oinarrituta, Kontseiluak, Batzordearen
proposamenaren gainean, Europako Parlamentuari, Ekonomia eta Gizarte Komiteari,
Eskualdeetako Komiteari eta 150. artikuluan aurreikusitako Enplegu Komiteari kontsulta egin
ondoren, orientabideak emango ditu urtero, eta kontuan hartu beharko dituzte estatu kideek,
bakoitzak enplegurako bere politika egiterakoan. Orientabide horiek bateragarri izango dira
121. artikuluaren 2. paragrafoan xedatutakoaren arabera onetsitako orientabide orokorrekin.
3. Estatu kide bakoitzak txosten bana emango die urtero Kontseiluari eta Batzordeari,
bakoitzak enplegurako bere politika martxan jartzeko hartutako neurri nagusien gainean, 2.
paragrafoan enpleguari buruz jasotako orientabideak kontuan hartuta.
4. Kontseiluak, 3. paragrafoan aipatutako txostenak oinarritzat hartuta, eta Enplegu
Komitearen iritziak jaso ondoren, azterketa egingo du urtero estatu kideen enplegu-politiken
aplikazioari buruz, enplegurako emandako orientabideen ikuspuntutik. Kontseiluak,
Batzordearen gomendioa oinarri dela, gomendioak egin ahal izango dizkie Batasuneko
estatuei, aipatutako azterketa ikusita bidezkoa baderitzo.
5. Aipatutako azterketaren emaitzak oinarri direla, Kontseiluak eta Batzordeak txostena
prestatuko dute batera urtero Kontseilu Europarrarentzat, Batasuneko enpleguaren egoera
zein den eta enplegurako orientabideen aplikazio-maila zein den agertzeko.
149. artikulua
(lehengo 129. artikulua EET)
Europako Parlamentuak eta Kontseiluak, legegintzako prozedura arruntaren arabera, eta
Ekonomia eta Gizarte Komiteari eta Eskualdeetako Komiteari kontsulta egin ondoren,
sustapen-neurriak hartu ahal izango dituzte Batasuneko estatuen arteko lankidetza bultzatzeko
eta estatuok enplegu-gaietan daukaten jarduerari laguntzeko, informazioa eta jardunbide
egokiak elkarren artean trukatzera zuzendutako ekimenen bidez, konparazioko analisiak eta
aholkularitza emanez, eta planteamendu berritzaileak sustatu eta esperientziak ebaluatuz,
bereziki proiektu pilotuez baliatuz.
Neurri horiek ez dute inolako harmonizaziorik ekarriko estatu kideetako legezko eta
erregelamenduzko xedapenei dagokienez.
150. artikulua
(lehengo 130. artikulua EET)
71
Kontseiluak, Europako Parlamentuari aurretiaz kontsulta eginda, gehiengo soilez, Enplegu
Komitea sortuko du; komite hori aholku-emailea izango da, eta horren bidez estatu kideek
enpleguaren eta lan-merkatuaren arloan dituzten politiken koordinazioa sustatuko da. Hauek
dira komite horren eginkizunak:
— Estatu kideetan eta Batasunean enpleguak daukan egoera eta batzuek eta besteak
enpleguari buruz dauzkaten politikak zeintzuk diren ikuskatzea;
— tratatu honetako 240. artikuluan xedatutakoari kalterik egin gabe, Kontseiluaren edo
Batzordearen eskariz, edo bere ekimenez, irizpenak ematea, eta 148. artikuluan
aipatutako neurriak prestatzen Kontseiluari laguntzea.
Agindutakoak betetzeko, Komiteak kontsulta egin behar die lan-munduko ordezkariei.
Estatu kideetako bakoitzak eta Batzordeak kide bina izendatuko dituzte Komitea osatzeko.
X. TITULUA
GIZARTE-POLITIKA
151. artikulua
(lehengo 136. artikulua EET)
1961eko urriaren 18an Turinen izenpetutako Europako Gutun Sozialean eta Langileen
oinarrizko eskubide sozialen Batasunaren 1989ko Gutunean aipatutako oinarrizko eskubide
sozialak gogoan hartuta, Batasunak eta estatu kideek helburu hauek dauzkate: enplegua
sustatzea; bizitzako eta laneko baldintzak hobetzea, aurrerapenen bidetik langileak
parekatzeko; gizarte-babes egokia; elkarrizketa soziala; giza baliabideen garapena, enplegumaila
handia eta iraunkorra lortzeko; eta bazterkeriaren kontra borrokatzea.
Helburu horretarako, estatuetako jokaera desberdinak kontuan hartuko dituzten ekintzak
egingo dituzte Batasunak eta estatu kideek, batez ere hitzartutako harremanetan; kontuan
hartu behar dute, halaber, Batasunaren ekonomiaren lehiakortasuna zaindu beharra ere.
Batasunak eta Batasuneko estatuek uste dutenez, bilakaera hori, batetik, barne-merkatuaren
funtzionamendutik etorriko da, gizarte-sistemak harmonizatzea erraztuko baitu, eta bestetik,
Tratatuetan aurreikusitako prozeduretatik eta legezko, erregelamenduzko eta
administraziozko xedapenak elkarri hurbiltzetik.
152. artikulua
Batasunak lan-munduko ordezkariek beren eremuetan duten zeregina aitortu eta sustatuko du,
estatu kideetako sistemen aniztasuna aintzakotzat hartuta. Beren artean elkarrizketa sustatzen
lagunduko du, beren autonomia errespetatuta.
72
Hazkundea eta enplegua sustatzeko hiruko goi-bilera sozialak gizarte-elkarrizketa sustatzen
lagunduko du.
153. artikulua
(lehengo 137. artikulua EET)
1. Aurreko 151. artikuluko helburuak lortzeko, Batasuneko estatuen ekintza babestu eta
osatuko du Batasunak eremu hauetan:
a) zehazki, lan-giroa hobetzen, langileen osasuna eta segurtasuna babesteko;
b) lan-baldintzetan;
c) langileen gizarte-segurantzan eta gizarte-babesean;
d) langileak babesten, lan-kontratuak deuseztatzen direnean;
e) langileei informazioa ematen eta kontsulta egiten;
f) langileen eta enpresarien ordezkaritza egin eta guztion interesen defentsa egiten,
kogestioa barne, 5. paragrafoan xedatutakoari kalterik egin gabe;
g) Batasuneko lurraldean legezko bizilekua duten baina hirugarren herrialde batekoak
diren herritarren enplegu-baldintzetan;
h) lan-merkatutik kanpo dauden pertsonak lan-merkatuan sartzen, 166. artikuluari
kalterik egin gabe;
i) gizonen eta emakumeen arteko berdintasunean, lan-merkatuko aukerei eta laneko
tratuari dagokienez;
j) gizarte-bazterkeriaren kontrako borrokan;
k) gizarte-babeseko sistemak modernizatzen, c) idatz-zatian esandakoari kalterik egin
gabe.
2. Horretarako, Europako Parlamentuak eta Kontseiluak:
a) Estatu kideen artean lankidetza sustatzeko neurriak hartu ahal izango dituzte, jakintza
hobetzeko, informazioa eta jardunbide egokiak elkarren artean trukatzeko, berrikuntza
formulak sustatzeko eta elkarren esperientzia baloratzeko ekimenak bultzatuz, betiere
Estatu kideetako legezko eta erregelamenduzko xedapenak inola ere harmonizatu
gabe;
73
b) goiko 1. paragrafoaren a) idatz-zatitik i) idatz-zatira artekoek aipatutako eremuetan,
zuzentarau-bidez xedapenak onartu ahal izango dituzte, arian-arian aplikatzeko, estatu
kide bakoitzean dauden baldintza eta araudi teknikoak kontuan hartuta. Zuzentarau
horiek saihestu egingo dituzte enpresa txiki eta ertainak sortu eta garatzeko oztopo
izan daitezkeen eragozpenak, administrazio-, finantza- eta lege-arloetakoak.
Europako Parlamentuak eta Kontseiluak legegintzako prozedura arruntaren arabera erabakiko
dute, Ekonomia eta Gizarte Komiteari eta Eskualdeetako Komiteari aurretiaz kontsulta
eginda.
Artikulu honetako 1. paragrafoaren c), d), f) eta g) idatz-zatietan adierazitako eremuetan,
Kontseiluak legegintzako prozedura berezi baten arabera erabakiko du, aho batez, eta aurretik
Europako Parlamentuari eta komite horiei kontsulta eginda.
Kontseiluak, aho batez, Batzordeak proposatuta eta Europako Parlamentuari aurretiaz
kontsulta eginda, erabaki bat onartu ahal izango du legegintzako prozedura arrunta 1.
paragrafoko d), f) eta g) idatz-zatiei aplikatu ahal izateko.
3. Estatu kide oro lan-munduko ordezkarien esku utz dezake 2. paragrafoaren indarrez
onartutako zuzentarauen aplikazioa, lan-munduko ordezkariek batera eskatzen badute, edo,
hala dagokionean, 155. artikuluaren arabera onetsitako europar erabaki baten aplikazioa.
Kasu horretan, zuzentarau edo erabaki bat aldatu edo aplikatu behar denean beranduenean
ere, lan-munduko ordezkariek, adostasunez, beharrezko xedapenak ezarrita dauzkatela
ziurtatu behar du; estatu kide horrek aipatutako zuzentarau edo erabaki horrekin finkatutako
emaitzak une oro bermatu ahal izateko beharrezko xedapen guztiak onartu beharko ditu.
4. Artikulu honen indarrez onartutako xedapenek:
— ez dute eraginik izan behar Erkidegoko estatu bakoitzak bere gizarte-segurantzako
sistemaren oinarrizko printzipioak zehazteko daukan eskumenaren gainean, ez eta
estatu bakoitzaren finantza-orekaren gainean eragin nabarmenik izan ere;
— eta ez dute eragozpen izan behar estatu kideek Tratatuekin bateragarriak diren babesneurri
estuagoei eutsi diezaieten, edo halakoak sartzen has daitezen.
5. Artikulu honetako xedapenak ez zaizkie aplikatuko ez lansariei, ez elkartzeko eta
sindikatuko kide izateko eskubideari, ez greba-eskubideari, ez eta ugazabek itxiera ezartzeko
eskubideari ere.
154. artikulua
(lehengo 138. artikulua EET)
1. Batzordeak lan-munduko ordezkariei Batasun osorako gaiak direla-eta aholkua eska
74
dakien sustapen-lana egingo du, bai eta elkarren arteko elkarrizketa errazteko beharrezko
xedapenak onartzeko ere; eta alderdi biek laguntza orekatua lor dezaten jagon behar du.
2. Horretarako, Batzordeak, gizarte-politikako proposamenak aurkeztu aurretik, lanmunduko
ordezkariei kontsulta egin behar die, Batasunaren ekintzen nondik norakoari buruz.
3. Aurreko puntuan aipatutako kontsulta egin ostean, Batzordearen iritziz Batasunak
ekintza bat egitea komeni bada, lan-munduko ordezkariei eskatuko die aholkua
aurreikusitako proposamenaren edukiaz. Lan-munduko ordezkariek irizpena, edo, hala
badagokio, gomendioa, bidaliko diote Batzordeari.
4. Aurreko 2. eta 3. paragrafo horietan aipatutako kontsulta horien karietara, lanmunduko
ordezkariek 155. paragrafoan jasotako prozesua hasteko borondatea jakinarazi ahal
izango diote Batzordeari. Prozesu horrek ezingo du iraun bederatzi hilabete baino gehiago,
non eta eragindako lan-munduko ordezkariek Batzordearekin ados jarrita ez duten
erabakitzen prozesu hori luzatzea.
155. artikulua
(lehengo 139. artikulua EET)
1. Lan-munduko ordezkarien arteko elkarrizketa Batasun osorako denean, berek nahi
badute, hitzartutako harremanak ezartzera iritsi daiteke, akordioak barne hartuta.
2. Batasun osoari begira lotutako akordioen aplikazioa bi modutan egin daiteke:edo lanmunduko
ordezkariek eurek eta estatu kideek berezko dituzten prozedura eta ohituren
arabera, edo, 153. artikuluari lotuta dauden arloetan, akordioa sinatu duten aldeek batera
eskatzen badute, Batzordeak proposatuta Kontseiluak hartutako erabaki baten bitartez.
Europako Parlamentuari horren berri emango zaio.
Kontseiluak aho batez erabakiko du, baldin eta aipatutako akordio horretan xedapenen bat
edo batzuk baldin badaude 153. artikuluaren 2. paragrafoaren ondorioz aho batez onetsi
beharrekoak diren arloei buruz.
156. artikulua
(lehengo 140. artikulua EET)
Tratatuetako 151. artikuluan adierazitako helburuak lortzeko, eta tratatu honetako beste
xedapenei kalterik egin gabe, Batzordeak estatu kideen arteko lankidetza sustatuko du, eta
beren ekintzen koordinazioa erraztuko, kapitulu honetan gizarte-politika dela-eta landutako
eremuetan, batez ere puntu hauekin zerikusia daukaten gaietan:
— enpleguarekin;
— Lan-zuzenbidearekin eta lan-baldintzekin;
75
— lanbide-heziketa eta lanbide-hobekuntzarekin;
— gizarte-segurantzarekin;
— laneko istripuen eta lanbide-gaixotasunen kontrako babesarekin;
— laneko higienearekin;
— sindikatuko kide izateko eskubidearekin, eta enpresaburuen eta langileen arteko
negoziazio kolektiboekin.
Helburu horretarako, Batzordeak estatuekin harreman estuan jardungo du, azterlanen eta
irizpenen bidez eta kontsultak antolatuz, bai estatu barruan sortutako arazoetarako, zein
nazioarteko antolakundeei dagozkienetarako; batez ere honako hauek izango ditu baliabide:
orientabideak eta adierazleak ezartzeko ekimenak, jardunbide egokienen elkartrukea
antolatzea, eta aldika-aldika egin beharreko kontrola eta ebaluazioa egiteko behar diren
tresnak prestatzea. Horren guztiaren berri emango zaio osoki Europako Parlamentuari.
Artikulu honetan aurreikusitako irizpenak eman aurretik, Batzordeak Ekonomia eta Gizarte
Komiteari egingo dio kontsulta.
157. artikulua
(lehengo 141. artikulua EET)
1. Estatu kide bakoitzak, lan berdinarengatik edo balio bereko lanarengatik gizonek
nahiz emakumeek lansari berdina jaso behar dutelako printzipioa aplikatuko zaiela bermatu
behar du.
2. Artikulu honen arabera, enpresaburuak lan-harremanak direla-eta langileari emandako
oinarrizko edo gutxieneko soldata edo alokairua, eta, zuzenean edo zeharka, dirutan zein
gauzatan emandako beste eskersari guztiak dira lansari.
Sexu-bereizkeriarik gabe, lansari berdina dela esaterakoan hau adierazi nahi da:
a) egindako lan-unitateka ordaindutako lan berdinerako ezarritako lansaria neurri-unitate
berbera oinarri dela finkatu behar dela;
b) denbora-unitateetan neurtzen den lanaren lansaria berdina izango da lanpostu
berdinetarako.
3. Europako Parlamentuak eta Kontseiluak, legegintzako prozedura arruntaren arabera,
eta Ekonomia eta Gizarte Komiteari kontsulta egin ondoren, enpleguaren eta okupazioaren
arloan emakume eta gizonentzako aukera-berdintasunaren eta tratu-berdintasunaren
printzipioa aplikatzen zaiela bermatzeko neurriak hartuko dituzte, lan berdinarengatik edo
balio bereko lanarengatik gizonek nahiz emakumeek lansari berdina jaso behar dutelako
76
printzipioa barne.
4. Lan-bizitzak dirauen artean gizonen eta emakumeen arteko berdintasuna benetakoa eta
osoa izango dela bermatzeko, tratu-berdintasunaren printzipioak ez dio ezein estatu kideri
eragozpenik jarriko, baldin eta, ordezkaritza txikiena duen sexuaren alde, neurri jakin batzuk
hartzea erabakitzen badu, lanbide-jardueretan parte hartzeko erraztasunak jartzeko edo
lanbide-karreran dauzkaten desabantailak saihestu edo orekatzeko.
158. artikulua
(lehengo 142. artikulua EET)
Ordaindutako oporrei buruzko araubideen artean dagoen baliokidetasunari eusten saiatuko
dira estatu kideak.
159. artikulua
(lehengo 143. artikulua EET)
Batzordeak txostena egingo du urtero, 151. artikuluko helburuak lortzeko izandako
bilakaerari buruz, eta Batasuneko demografiaren egoera jasoko du bertan. Batzordeak
Europako Parlamentuari, Kontseiluari, eta Ekonomia eta Gizarte Komiteari bidaliko die
txosten hori.
160. artikulua
(lehengo 144. artikulua EET)
Kontseiluak, gehiengo soilez, Europako Parlamentuari kontsulta egin ondoren, Gizarte
Babeseko Komite aholku-emaile bat sortuko du, estatu kideen eta Batzordearen artean
gizarte-babeserako lankidetza sustatzeko. Eta komitearen eginkizun izango dira:
— gizarte-egoera ikuskatuko du, bai eta Batasunaren eta estatu kideen gizarte-babeserako
politiken bilakaera ere;
— estatu kideen artean eta Batzordearekin batera informazioa, esperientziak eta
jardunbide egokiak trukatzeko moduak bideratuko ditu;
— tratatu honetako 240. artikuluan xedatutakoari kalterik egin gabe, txostenak egitea,
irizpenak ematea nahiz jarduera egokiak egitea bere eskumeneko eremuetan, bai
Kontseiluak zein Batzordeak eskatuta, bai bere ekimenez ere.
Komitea, berari agindu zaiona betetzeko, harreman egokietan lotuko da lan-munduko
ordezkariekin.
Estatu kideetako bakoitzak eta Batzordeak kide bina izendatuko dituzte Komitea osatzeko.
161. artikulua
(lehengo 145. artikulua EET)
77
Batzordeak Europako Parlamentuari urtero egin behar dion txostenean kapitulu berezi bat
emango dio Batasuneko egoera sozialaren bilakaerari.
Europako Parlamentuak gonbitea egin ahal izango dio Batzordeari egoera sozialari buruzko
arazo zehatzen gainean txostenak egin ditzan.
XI. TITULUA
EUROPAKO GIZARTE FUNTSA
162. artikulua
(lehengo 146. artikulua EET)
Langileek barne-merkatuan enplegatzeko aukera hobeak izan ditzaten, eta horrela bizitzaren
maila igotzeko, hurrengo xedapenen eremuan, Europako Gizarte Funtsa sortzen da, langileak
Batasunaren barruan enplegatzeko aukerak sustatzeko eta langileen toki- eta lanbidemugigarritasuna
sustatzeko, eta industrien eraldaketetara eta ekoizpen-sistemen aldaketetara
langileak errazago egokitu daitezen, batez ere lanbide-heziketaren bidez, eta lanbidea
birmoldatuz.
163. artikulua
(lehengo 147. artikulua EET)
Batzordeari dagokio Funtsa administratzea.
Lan horretan, Batzordeak komite baten laguntza edukiko du; Batzordeko kide bat izango da
lehendakari, eta gobernuetako, langileen sindikatuetako eta enpresaburuen elkarteetako
ordezkariek osatuko dute.
164. artikulua
(lehengo 148. artikulua EET)
Europako Parlamentuak eta Kontseiluak legegintzako prozedura arruntaren arabera eta
Ekonomia eta Gizarte Komiteari eta Eskualdeetako Komiteari kontsulta egin ondoren,
Europako Gizarte Funtsari aplikatzeko diren erregelamenduak onartuko dituzte.
XII. TITULUA
HEZKUNTZA, LANBIDE-HEZIKETA, GAZTERIA ETA KIROLA
165. artikulua
(lehengo 149. artikulua EET)
78
1. Batasunak kalitatezko hezkuntza garatzen lagunduko du, estatu kideen arteko
lankidetza sustatuz, eta, premiazkoa izanez gero, estatuon ekintza bultzatuz eta osatuz, betiere
estatuen erantzukizunak errespetatuz irakaskuntzaren edukiei eta hezkuntza-sistemaren
antolamenduari dagokienez, eta kultura- eta hizkuntza-aniztasuna errespetatuz.
Kirola dela-eta, Batasunak kirolaren alderdi europarrak sustatzen lagunduko du, bertako
ezaugarri bereziak, boluntarioetan oinarritutako kirol-egiturak eta eginkizun soziala eta
hezitzailea kontuan izanik.
2. Batasunaren ekintzak puntu hauek ditu jomuga:
— irakaskuntzan europartasuna garatzea, batez ere Erkidegoko estatuetako hizkuntzak
ikasiz eta zabalduz;
— ikasleen eta irakasleen mugigarritasuna erraztea, batez ere tituluen eta ikastaldien
onespen akademikoa sustatuz;
— ikastetxeen arteko lankidetza sustatzea;
— Erkidegoko estatuetako heziketa-sistemetan dauden arazo berdinei buruzko
informazioa eta eskarmentuak elkarren artean trukatzeko moduak garatzea;
— gazteen eta gizarte-hezkuntzetako eragileen arteko trukaketak gehitzeko moduak
erraztea, eta gazteak Europako bizitza demokratikoan parte hartzera bultzatzea;
— urrutiko hezkuntza garatzeko bideak sustatzea;
— kirolaren europartasuna garatzea, eta, horretarako, lehiaketetan ekitatea eta
zabaltasun-joera bultzatzea, kirolaren ardura duten erakundeen arteko lankidetza
bultzatzea, eta kirolarien osotasun fisikoa eta morala babestea, batez ere gazteena.
3. Batasunak eta estatu kideek lankidetza bultzatuko dute, batetik, hirugarren
herrialdeekin, bestetik, hezkuntza- eta kirol-gaietan eskumenak dauzkaten nazioarteko
erakundeekin, eta batez ere Europako Kontseiluarekin.
4. Artikulu honetan azaldutako helburuak lortzen laguntzeko:
— Europako Parlamentuak eta Kontseiluak, legegintzako prozedura arruntaren arabera,
eta Ekonomia eta Gizarte Komiteari eta Eskualdeetako Komiteari kontsulta egin
ondoren, sustapen-neurriak hartuko dituzte, estatu kideetako legezko eta
erregelamenduzko xedapenak harmonizatzeko ahaleginak albo batera utzita;
— Batzordeak proposaturik, Kontseiluak gomendioak emango ditu.
166. artikulua
79
(lehengo 150. artikulua EET)
1. Estatu kideen ekintzak indartzeko eta osatzeko politika garatuko du Batasunak
lanbide-heziketari dagokionez, lanbide-heziketaren edukiari eta antolamenduari buruz
estatuek daukaten erantzukizuna osorik errespetatuz.
2. Batasunaren ekintzak puntu hauek ditu jomuga:
— industriaren eraldaketetara egokitzeko modua erraztea, batez ere lanbide-heziketaren
bidez eta lanbidea birmoldatuz;
— hasierako lanbide-heziketa eta etengabeko prestakuntza hobetzea, lan-merkatuan
lehenengo aldiz eta hurrengoetan lanbideratzea errazteko;
— lanbide-heziketan sartzea erraztea, eta hezitzaileen eta prestakuntza-aldian aurkitzen
direnen mugigarritasuna bultzatzea, batez ere gazteena;
— ikastetxeen eta enpresen arteko lankidetza akuilatzea, prestakuntza gaietan;
— Estatu kideetako heziketa-sistemetan dauden arazo berdinei buruzko informazioa eta
esperientziak elkarren artean trukatzeko moduak garatzea.
3. Batasunak eta estatu kideek lankidetza bultzatuko dute, batetik, hirugarren
herrialdeekin, eta, bestetik, lanbide-heziketari dagozkion gaietan eskumenak dituzten
nazioarteko erakundeekin.
4. Europako Parlamentuak eta Kontseiluak, legegintzako prozedura arruntaren arabera,
eta Ekonomia eta Gizarte Komiteari eta Eskualdeetako Komiteari kontsulta egin ondoren,
artikulu honetan ezarritako helburuak lortzen laguntzeko neurriak hartuko dituzte, estatu
kideetako legezko eta erregelamenduzko xedapenak harmonizatzeko ahaleginak albo batera
utzita, eta Batzordeak proposaturik, Kontseiluak gomendioak emango ditu.
XIII. TITULUA
KULTURA
167. artikulua
(lehengo 151. artikulua EET)
1. Estatu kideetako kulturak suspertzen lagunduko du Batasunak, barruko nazio eta
eskualdeen aniztasuna errespetatuz, eta, aldi berean, kultura-ondare erkidea nabarmenduz.
2. Batasunaren ekintzak estatu kideen arteko lankidetza suspertuko du, eta, beharrezkoa
izanez gero, estatuon ekintza bultzatu eta osatuko du eremu hauetan:
80
— Europako herrien kultura eta historia hobeto ezagutu eta zabaltzen;
— Europarako garrantzizkoa den kultura-ondarea zaindu eta babesten;
— merkataritzakoak ez diren kultura-trukaketak egiten;
— arte eta literaturako sorkuntzan, ikus-entzunezkoen arloa barnean hartuta.
3. Batasunak eta estatu kideek lankidetza sustatuko dute, batetik, hirugarren
herrialdeekin, bestetik, kultura-gaietan eskumenak dituzten nazioarteko erakundeekin, eta
batez ere Europako Kontseiluarekin.
4. Tratatu honetako beste xedapenen indarrez jardun behar duenean, Batasunak kulturaikuspegiak
hartuko ditu kontuan, bereziki bertako kultura-aniztasuna errespetatu eta
sustatzeko.
5. Errazagoa izan dadin artikulu honetako helburuak lortzea:
— Europako Parlamentuak eta Kontseiluak, legegintzako prozedura arruntaren arabera,
eta Eskualdeetako Komiteari kontsulta egin ondoren, sustapen-neurriak hartuko
dituzte, estatu kideetako legezko eta erregelamenduzko xedapenak harmonizatzeko
ahaleginak albo batera utzita.
— Batzordeak proposaturik, Kontseiluak gomendioak emango ditu.
XIV. TITULUA
OSASUN PUBLIKOA
168. artikulua
(lehengo 152. artikulua EET)
1. Batasunaren politika eta ekintza guztiak zehaztu eta gauzatzean, giza osasunaren
babes-maila handia bermatuko da.
Batasunaren ekintzak, estatuen politikak osatzeko izango dela kontuan hartuta, osasun
publikoa hobetzea, giza gaixotasunei aurrea hartzea eta giza osasun fisikorako eta
psikikorako arrisku-iturriak saihestea izango ditu jomuga. Gaixotasunik larrienen eta
zabalduen dauden gaixotasunen kontra borrokatzeko izango da ekintza hori, gaixotasunon
etiologiaren, kutsatzeko moduaren eta prebentzioaren ikerketa bultzatuz eta, era berean,
osasunari buruzko informazioa eta heziketa emanez, mugak gainditzen dituzten osasunerako
mehatxu larriak zainduz eta mehatxu horietako alertak zabalduz eta horien aurka borrokatuz.
Drogek osasunari eragindako kalteak gutxitze aldera, estatu kideen ekintza osatu egingo du
Batasunak, informazioa zabalduz eta kalteari aurrea hartuz.
81
2. Estatu kideen arteko lankidetza suspertuko du Batasunak, artikulu honetan
adierazitako eremuetarako, eta, beharrezkoa izanez gero, laguntza emango dio estatuon
ekintzari. Estatu kideen lankidetza-moten artetik, mugako eskualdeetan osasun-zerbitzuen
osagarritasuna hobetzeko lankidetza suspertuko du bereziki.
Estatu kideek, Batzordearekin lankidetzan arituz, beren politikak eta programak koordinatuko
dituzte elkarren artean, 1. paragrafoan aipatutako eremuetan. Batzordeak, estatu kideekin
lotura estuan arituz, aipatutako koordinazioa sustatzeko era guztietako ekimen baliagarriak
onar ditzake, batez ere honako hauek izango ditu baliabide: orientabideak eta adierazleak
ezartzeko ekimenak, jardunbide egokienen elkartrukea antolatzea, eta aldika-aldika egin
beharreko kontrola eta ebaluazioa egiteko behar diren tresnak. Horren guztiaren berri emango
zaio osoki Europako Parlamentuari.
3. Batasunak eta estatu kideek lankidetza bultzatuko dute, batetik, hirugarren
herrialdeekin, eta, bestetik, osasun publikoari dagozkion gaietan eskumenak dauzkaten
nazioarteko erakundeekin.
4. Aurreko 2. artikuluko 5. paragrafoan eta 6. artikuluko a) idatz-zatian xedatutakoa
gorabehera, eta 4. artikuluko 2. paragrafoko k) idatz-zatiarekin bat, Europako Parlamentuak
eta Kontseiluak, legegintzako prozedura arruntaren arabera eta Ekonomia eta Gizarte
Komiteari eta Eskualdeetako Komiteari kontsulta egin ondoren, artikulu honetan zehazturik
dauden helburuak betetzen lagunduko dute, eta, horretarako, neurri hauek hartuko dituzte,
segurtasun-arazo erkideei aurre egiteko:
a) giza organoen eta substantzien, eta odolaren eta odoletik eratorritakoen kalitatea eta
segurtasuna maila handikoak izateko neurriak; neurri horiek ez diote estatu kide bati ere
eragotziko babes-neurri estuagoak jartzen jarraitzea edo sartzea;
b) albaitaritzan eta arlo fitosanitarioan, zuzenean osasun publikoa babesteko diren
neurriak;
c) sendagai eta produktu sanitarioetarako, kalitate eta segurtasun handia lortzeko arauak
ezartzeko neurriak;
5. Europako Parlamentuak eta Kontseiluak, legegintzako prozedura arruntaren arabera,
eta Ekonomia eta Gizarte Komiteari eta Eskualdeetako Komiteari kontsulta egin ondoren,
giza osasunaren babeserako eta hobetzeko neurririk ere har dezakete, mugaz gaindiko
pandemien aurka egiteko bereziki, baita zuzen-zuzenean tabako-kontsumoaren aurrean eta
gehiegizko alkohol-kontsumoaren aurrean osasun publikoa babesteko den neurririk ere, estatu
kideetako legezko eta erregelamenduzko xedapenak harmonizatzeko ahalegin oro albo batera
utzita.
6. Kontseiluak, Batzordearen proposamenaren gainean, artikulu honetan ezarri diren
helburuetarako gomendioak ere onar ditzake.
82
7. Estatuen osasun-politika definitzeari dagokionez eta osasun-zerbitzuak eta medikuarreta
antolatzeari eta eskaintzeari dagokionez, Batasunak osasun publikoaren arloan aurrera
daraman lanak estatu kideen ardurak errespetatu beharko ditu. Estatu kideen arduren artean
dago osasun-zerbitzuak eta mediku-arretako zerbitzuak kudeatzea, eta zerbitzu horietan
erabili beharreko baliabideak izendatzea Organoak eta odola emateari dagokionez, edo
organo eta odol horien erabilera medikoari dagokionez, estatuek dituzten xedapenei kalterik
egin gabe ulertu behar dira 4. paragrafoko a) idatz-zatian jasotako neurriak.
XV. TITULUA
KONTSUMITZAILEEN BABESA
169. artikulua
(lehengo 153. artikulua EET)
1. Kontsumitzaileen interesak sustatzeko, eta kontsumitzaileei babes-maila handia
bermatzeko, Batasunak kontsumitzaileen osasuna, segurtasuna eta interes ekonomikoak
babesten lagunduko du, baita kontsumitzaileok informazioa eta hezkuntza jasotzeko duten
eskubidea sustatzen, eta, beren interesak babeste aldera, beren artean antolatzeko duten
eskubidea babesten ere.
2. Goiko 1. paragrafoan aipatutako helburuak lortzen lagunduko du Batasunak:
a) barne-merkatua gauzatzeko, 114. artikuluaren indarrez onar ditzan neurriak hartuz;
b) estatu kideek egindako politika bultzatu, osatu eta gainetik ikuskatzeko neurriak
hartuz.
3. Europako Parlamentuak eta Kontseiluak, legegintzako prozedura arruntaren arabera
eta Ekonomia eta Gizarte Komiteari kontsulta egin ondoren, 2. paragrafoko b) idatz-zatian
aipatutako neurriak hartuko dituzte.
4. Goiko 3. paragrafoaren indarrez onartutako neurriak ez dira eragozpen izango
Batasuneko estatu bakoitzak babes gehiagoko neurriak erabiltzen jarraitzeko eta hasteko.
Tratatuekin bateragarriak izan behar dira neurri horiek. Batzordeari eman behar zaio neurrion
berri.
XVI. TITULUA
EUROPA BARRUKO SAREAK
170. artikulua
(lehengo 154. artikulua EET)
83
1. Tratatu honetako 26. eta 174. artikuluetan azaldutako helburuak lortzen laguntzeko,
eta barruko mugarik gabeko eremu bat sortzeak dakartzan onuretan Batasuneko herritarrek,
eragile ekonomikoek eta eskualdeetako eta tokian tokiko erakundeek oso-osorik parte hartu
ahal izan dezaten, Europa barruko sareak ezarri eta garatzen lagunduko du Batasunak,
garraio, telekomunikazio eta energiako azpiegituretan.
2. Merkatu ireki eta lehiakorren sistemaren baitan, estatuetako sareak elkarren artean
lotzeko eta elkarreragile bihurtzeko, eta sareotara iritsi ahal izateko bideratuko da
Batasunaren ekintza. Ekintza horrek bereziki hartuko du kontuan, Batasuneko uharteek,
kostarik gabeko eskualdeek eta eskualde periferikoek eta erdialdeko eskualdeek beren artean
lotzeko daukaten premia.
171. artikulua
(lehengo 151. artikulua EET)
1. Tratatu honetako 170. artikuluan aipatutako helburuak lortzeko, Batasunak:
— Europa barruko sareak direla-eta aurreikusitako ekintzen helburuei, lehentasunei eta
gida-lerroei buruzko orientabide-multzo bat egingo du; interes orokorreko proiektuak
sartuko dira orientabide horietan;
— sareak elkarreragile izango direla bermatzeko beharrezko ekintzak egingo ditu, batez
ere arau teknikoak harmonizatuz;
— lehenengo marran aipatutako orientabideen arabera zehaztu eta estatu kideek
bultzatutako interes erkideko proiektuak bultzatu ahal izango ditu, batez ere
bideragarritasun-azterlanak eginez, mailegu-bermeak emanez, edo interesetarako
hobariak eskainiz; 177. artikuluan xedatutakoarekin bat etorriz sortutako Kohesio
Funtsaren bidez dirulaguntzak ere eman ditzake Batasunak, Batasuneko estatuen
proiektu zehatzetarako, garraio-azpiegituren eremuan.
Batasunaren ekintzak kontuan izango du, bestalde, proiektuok ekonomiaren aldetik
bideragarriak diren ala ez.
2. Estatu kideek, Batzordearekin lankidetzan arituz, estatu barruan aplikatzen dituzten
politikak koordinatuko dituzte beren artean, 170. artikuluan aurreikusitako helburuak
betetzeko eragin nabaririk izan badezakete. Batzordeak, estatu kideekin lankidetza estuan
arituz, aipatutako koordinazioa sustatzeko baliagarri den edozein ekimen onar dezake.
3. Batasunak hirugarren herrialdeekin lankidetzan aritzea erabaki dezake, interes
orokorreko proiektuak sustatzeko eta sareak elkarreragile direla bermatzeko.
172. artikulua
(lehengo 156. artikulua EET)
84
Europako Parlamentuak eta Kontseiluak Ekonomia eta Gizarte Komiteari eta Eskualdeetako
Komiteari kontsulta egin ondoren eta legegintzako prozedura arruntaren arabera, 171.
artikuluko 1. paragrafoan aurreikusitako orientabideak eta gainerako neurriak onartuko
dituzte.
Estatu kide bateko lurraldeari dagozkion interes orokorreko orientabideak eta proiektuak
onartzeko, dena delako estatu kidearen onarpena behar da.
XVII. TITULUA
INDUSTRIA
173. artikulua
(lehengo 157. artikulua EET)
1. Batasunaren eta estatu kideen ardura izango da Batasuneko industria lehiatzeko gai
izan dadin beharrezkoak diren baldintzak ziurtatzea.
Helburu horrekin, merkatu ireki eta lehiakorren sistemaren baitan, hauek izango dira bere
ekintzaren xedeak:
— egituren aldaketetara industria egokitzeko modua bizkortzea;
— Batasun osoko enpresen ekimen eta garapenerako egokia den giroa sustatzea, batez
ere, enpresa txiki eta ertainetarako;
— enpresen arteko lankidetzarako egokia den giroa sustatzea;
— teknologiaren berrikuntzarako, ikerketarako eta garapenerako politiken industriapotentziala
hobeto aprobetxatzeko erraztasunak ematea.
2. Estatu kideek elkarri kontsulta egingo diote, Batzordearekin lankidetzan arituz, eta,
beharrezkoa denean, koordinatu egingo dituzte beren ekintzak. Koordinazio hori sustatzeko,
Batzordeak edozein ekimen egoki eraman dezake aurrera, eta, batez ere, orientabideak eta
adierazleak zehazteko ekimenak, jardunbide egokienak elkarren artean trukatzeko ekimenak,
eta aldian aldiko kontrolerako eta balioespenerako beharrezko elementuak prestatzeko
ekimenak. Horren guztiaren berri emango zaio osoki Europako Parlamentuari.
3. Batasunak, Tratatu honetako beste xedapen batzuen arabera burututako politiken eta
jardueren bidez, 1. paragrafoan ezarritako helburuak lortzen lagunduko du. Europako
Parlamentuak eta Kontseiluak, legegintzako prozedura arruntaren arabera eta Ekonomia eta
Gizarte Komiteari kontsulta egin ondoren neurri bereziak har ditzakete, 1. paragrafoan
aipatutako helburuak gauzatzeko Batasuneko estatuek burututako ekintzei laguntza emateko,
estatu kideetako legezko eta erregelamenduzko xedapenak harmonizatzeko ahalegin oro albo
batera utzita.
85
Titulu hau ez da oinarri izango Batasunak lehiakortasuna faltsutzeko neurriak hartu ahal
izateko, ez eta soldatako langileen eskubide eta interesei buruzko neurriak hartzeko edota
zerga-xedapenak sortzeko moduko neurriak hartzeko.
XVIII. TITULUA
EKONOMIA-, GIZARTE- ETA LURRALDE-KOHESIOA
174. artikulua
(lehengo 158. artikulua EET)
Batasun osoan garapen harmoniatsua sustatze aldera, ekonomiaren eta gizartearen kohesioa
indartzeko ekintza gauzatuko du Batasunak, eta horretan jarraituko du.
Batasuna, bereziki, eskualdeen garapen-mailen arteko diferentziak gutxitzen ahaleginduko da,
baita eskualde ahulenen atzerapena gutxitzen ere.
Garapen-mailan atzerapena jasaten duten eskualdeen artean, arreta berezia jarriko zaie landaeremuei,
industria-eraldaketa jasan dutenei, eta naturarengatik edo demografiarengatik
desabantaila larriak eta iraunkorrak jasaten dituztenei, hala nola ipar-iparrean dauden eta
bizilagun-dentsitate urria duten eskualdeei, eta uharte-eskualdeei, mugaz haraindiko
eskualdeei eta mendialdeko eskualdeei.
175. artikulua
(lehengo 159. artikulua EET)
Estatu kideek ekonomiari buruz bideratu eta koordinatuko duten politika, 174. artikuluan
aipatutako helburuak lortzeko ere izango da. Batasunaren politikak eta ekintzak egin eta
garatzerakoan, eta barne-merkatua garatzerakoan, 174. artikuluan aipatutako helburuak
hartuko dira kontuan, eta horiek lortzen hartuko dute parte. Batasunak, halaber, helburu
horiek lortzen lagunduko du, egiturak helburu dituzten funtsekin egindako jardueren bidez
(Nekazaritza Bideratu eta Bermatzeko Europako Funtsa, "Bideratze" saila; Europako Gizarte
Funtsa; Eskualde-garapenerako Europako Funtsa), Europako Inbertsio Bankuaren bidez, eta
egon dauden beste finantza-tresnak erabiliz.
Hiru urtetik behin, Batzordeak txostena aurkeztuko die Europako Parlamentuari,
Kontseiluari, Ekonomia eta Gizarte Komiteari, eta Eskualdeetako Komiteari, ekonomia-,
gizarte- eta lurralde-kohesioa lortzeko egindako aitzinamenduei buruz, eta artikulu honetan
finkatutako baliabideek aitzinamenduok lortzen nola lagundu duten adierazteko. Beharrezkoa
izanez gero, egokiak diren proposamenak gehituko zaizkio txosten horri.
Funtsetatik aparte berariazko ekintzak egiteko premiarik agertuko balitz, eta Batasunaren
beste politiken esparruan erabakitako neurrien kontra jarri gabe, Europako Parlamentuak eta
Kontseiluak legegintzako prozedura arruntarekin bat etorriz onar ditzakete ekintza horiek,
86
Ekonomia eta Gizarte Komiteari eta Eskualdeetako Komiteari kontsulta egin ondoren.
176. artikulua
(lehengo 160. artikulua EET)
Eskualde-garapenerako Europako Funtsa Batasunaren barruko eskualdeen arteko desoreka
nagusiak zuzentzen laguntzeko da, eskualde ahulenen garapenean eta egituren
egokitzapenean, eta gainbeheran dauden industria-eskualdeen birmoldaketan parte hartuz.
177. artikulua
(lehengo 161. artikulua EET)
Europako Parlamentuak eta Kontseiluak, 178. artikuluan ezarritakoari kalterik egin gabe,
legegintzako prozedura arruntaren arabera onartutako erregelamendu bidez, eta Ekonomia eta
Gizarte Komiteari eta Eskualdeetako Komiteari kontsulta egin ondoren, egitura-helburuak
dituzten funtsen eginkizunak, eta funtsen lehentasunezko helburuak eta antolaketa zehaztuko
dituzte; eta ondorioz, metatu egin ahal izango dira funtsak Prozedura berberari jarraituz,
funtsei aplika dakizkiekeen arau orokorrak ere zehaztuko ditu, baita funtsen eraginkortasuna
bermatzeko beharrezko xedapenak, eta funtsak beren artean eta egon dauden beste finantzatresnekin
koordinatzeko xedapenak ere.
Prozedura berberari jarraituz sortutako Kohesio Funts batek finantza-laguntzak emango ditu
ingurumen-arloetako proiektuetarako, eta Europa barruko sareetarako, garraio-azpiegiturei
dagokienean.
178. artikulua
(lehengo 162. artikulua EET)
Europako Parlamentuak eta Kontseiluak onartuko dituzte Eskualde-garapenerako Europako
Funtsari buruz aplikagarri diren erregelamenduak, legegintzako prozedura arruntaren arabera
eta Ekonomia eta Gizarte Komiteari eta Eskualdeetako Komiteari kontsulta egin ondoren.
Nekazaritza Bideratzeko eta Bermatzeko Europako Funtsaren «Bideratze» sailari, eta
Europako Gizarte Funtsari dagokienez, hurrenez hurren 43. eta 164. artikuluetako xedapenek
jarraituko dute aplikagarri izaten.
XIX. TITULUA
IKERKETA ETA GARAPEN TEKNOLOGIKOA, ETA ESPAZIOA
179. artikulua
(lehengo 163. artikulua EET)
1. Batasunaren helburu izango da bere oinarri zientifikoak eta teknologikoak sendotzea,
Europako ikerketa-esparrua gauzatuz —esparru horretan, ikertzaileek, ezagutza zientifikoek
eta teknologiek askatasunez zirkulatuko dute—; lehiatzeko gaitasuna indartzea —baita
87
industriarena ere—, eta Tratatuetako gainerako kapituluen arabera beharrezkotzat jotzen
diren ikerketa-ekintzak sustatzea.
2. Horretarako, enpresak —baita txikiak eta ertainak ere—, ikerketa-zentroak eta
unibertsitateak puntako ikerketa-ahaleginetan eta teknologia garatzeko ahaleginetan gogopizteko
ardura hartuko du Batasunak, eta haien lankidetza-ahaleginen alde egingo du,
honetarako batez ere: ikertzaileak mugez gaindi inongo oztoporik gabe aritu ahal izan
daitezen lankidetzan, eta enpresak barruko merkatuaren aukerez balia daitezen, bereziki,
kontratazio publiko nazionala zabalduz, arau erkideak definituz eta lankidetza horren aurkako
legezko oztopoak eta zerga-oztopoak ezabatuz.
3. Tratatuen indarrez ikerketan eta teknologiaren garapenean egin daitezen Batasuneko
ekintza guztiak, erakusketak barne, titulu honetan xedatutakoarekin bat etorriz erabaki eta
gauzatuko dira.
180. artikulua
(lehengo 164. artikulua EET)
Aipatutako helburuak lortzeko, Batasunak ekintza hauek egingo ditu, eta estatu kideetan
hasitako ekintzak osatzeko izango dira:
a) ikerketarako, teknologiaren garapenerako eta erakusketarako programak egitea,
enpresekin, ikerketa-zentroekin eta unibertsitateekin lankidetzan arituz, eta entitateon
arteko lankidetza sustatuz;
b) Batasuneko ikerketa, teknologiaren garapena eta erakustaldiak direla-eta hirugarren
herrialdeekin eta nazioarteko erakundeekin lankidetzan aritzeko joera sustatuko du;
c) Batasuneko ikerketa, teknologiaren garapena eta erakusketa direla-eta egindako
jardueren emaitzak zabaldu eta ustiatzea;
d) Batasuneko ikertzaileen prestakuntza eta mugigarritasuna bultzatuko ditu.
181. artikulua
(lehengo 165. artikulua EET)
1. Ikerketa-gaietan eta teknologia garatzeko gaietan, Batasunak eta estatu kideek
koordinatu egingo dute beren jarduera, estatuen politiken eta Batasunaren politikaren arteko
koherentzia bermatzeko.
2. Goiko 1. paragrafoan jasota dagoen koordinazio hori sustatzeko, Batzordeak edozein
ekimen egoki gauza dezake, estatu kideekiko lankidetza estuan, eta, batez ere, helburu hauek
lortzeko: orientabideak eta adierazleak ezartzeko, jardunbide egokienen elkartrukea
antolatzeko, eta aldian aldiko kontrolerako eta ebaluaketarako beharrezko osagaiak
prestatzeko. Horren guztiaren berri emango zaio osoki Europako Parlamentuari.
88
182. artikulua
(lehengo 166. artikulua EET)
1. Europako Parlamentuak eta Kontseiluak, legegintzako prozedura arruntaren arabera,
eta Ekonomia eta Gizarte Komiteari kontsulta egin ondoren, urte anitzeko esparru-programa
finkatuko dute, Batasunaren ekintza guztiak barne hartuta.
Esparru-programak:
— Tratatu honetako 180. artikuluan aipatutako ekintzen bidez lortu behar diren zientziateknologietako
helburuak eta dagozkien lehentasunak finkatuko ditu,
— ekintza horien gida-lerro nagusiak adieraziko ditu,
— batetik, esparru-programaren gehienezko zenbateko osoa, eta, bestetik, Batasunak
horren finantzaketan izango duen partea finkatuko ditu, baita aurreikusitako ekintza
bakoitzari dagokion proportzioa ere.
2. Egoeren bilakaeraren arabera egokitu edo osatuko da esparru-programa orokorra.
3. Ekintza bakoitzaren barruan garatutako berariazko programen bidez gauzatuko da
esparru-programa. Berariazko programa bakoitzak zehaztuko ditu bera gauzatzeko moduak,
baita iraupena finkatu eta beharrezko iritzitako baliabideak aurreikusi ere. Berariazko
programetarako zehaztu eta beharrezko iritzitako zenbatekoen batuketak ezin izango du
gainditu esparru-programarako eta ekintza bakoitzerako finkatutako gehienezko zenbateko
osoa.
4. Kontseiluak onartuko ditu berariazko programak, legegintzako prozedura berezi baten
bidez, eta Europako Parlamentuari eta Ekonomia eta Gizarte Komiteari kontsulta egin
ondoren.
5. Urte anitzeko esparru-programan jasotako ekintzen osagarri, Europako Parlamentuak
eta Kontseiluak, legegintzako prozedura arruntaren arabera eta Ekonomia eta Gizarte
Komiteari aurretiaz kontsulta eginda, Europako ikerketa-eremua gauzatzeko beharrezko
neurriak zehaztuko dituzte.
183. artikulua
(lehengo 167. artikulua EET)
Urte anitzeko esparru-programa gauzatzeko, Batasunak:
— enpresek, ikerketa-zentroek eta unibertsitateek parte hartzeko arauak finkatuko ditu;
— ikerketaren emaitzak zabaltzeko aplikatu ahal izango diren arauak finkatuko ditu.
89
184. artikulua
(lehengo 168. artikulua EET)
Urte anitzeko esparru-programa gauzatzean, programa osagarriak onartu ahal izango dira,
baina programon finantzaketa berma dezaten Batasuneko estatuek baino ezin izango dute
parte hartu horietan, nahiz eta agian Batasunak parte hartu ahal izango duen.
Batasunak ezarriko ditu programa osagarriei aplikatzeko arauak, batez ere ezagupenak
zabaltzeko denean, eta Batasuneko beste estatu batzuk horietara iristeko denean.
185. artikulua
(lehengo 169. artikulua EET)
Urte anitzeko esparru-programa gauzatzean, Batasunak, horretan interesa daukaten estatu
kideekin bat etorriz, zenbait estatu kideren artean hasitako ikerketako eta garapeneko
programetan parte hartzea aurreikus dezake, aipatutako programak gauzatzeko sortutako
egituretan parte hartzea barne dela.
186. artikulua
(lehengo 170. artikulua EET)
Urte anitzeko esparru-programa gauzatzean, Batasunak hirugarren herrialdeekin edo
nazioarteko erakundeekin lankidetzan aritzea aurreikus dezake Batasuneko ikerketaren,
teknologia-garapenaren eta erakusketaren esparruan.
Lankidetza hori gauzatzeko, modalitate batean zein bestean izan, Batasunaren eta hirugarren
herrialdeen arteko akordioak sina daitezke.
187. artikulua
(lehengo 171. artikulua EET)
Batasunak enpresa erkideak sor ditzake, edo beste edozein egitura, baldin eta Batasuneko
ikerketarako, teknologiaren garapenerako eta erakusketarako programak zuzen gauzatzeko
beharrezkotzat jotzen badira.
188. artikulua
(lehengo 172. artikulua EET)
Kontseiluak Batzordearen proposamenaren gainean, eta Europako Parlamentuari eta
Ekonomia eta Gizarte Komiteari kontsulta egin ondoren, 187. artikuluan aurreikusitako
xedapenak onartuko ditu.
Europako Parlamentuak eta Kontseiluak, legegintzako prozedura arruntaren arabera eta
Ekonomia eta Gizarte Komiteari kontsulta egin ondoren, 183, 184 eta 185. artikuluetan
adierazitako xedapenak onartuko dituzte. Programa osagarriak onartzeko, horretan interesa
90
daukaten estatu kideen adostasuna behar da.
189. artikulua
1. Batasunak espazio-politika europarra osatuko du, horrela, aurrerapen zientifikoa eta
teknikoa, industriaren lehiatzeko gaitasuna eta bere politiken aplikazioa errazteko.
Horretarako, bere esku izango du ekimen erkideak bultzatzea, ikerketa eta garapen
teknologikoari laguntzea, eta espazioa esploratzeko eta erabiltzeko beharrezko ahaleginak
koordinatzea.
2. Aurreko paragrafoan aipaturiko helburuak lortzen laguntzeko, Europako Parlamentuak
eta Kontseiluak beharrezko diren neurriak ezarriko dituzte legegintzako prozedura arruntaren
arabera; neurri horiek, forma aldetik, espazio-programa europar batean gauza daitezke, estatu
kideetako legezko eta erregelamenduzko xedapenak harmonizatzeko ahalegin oro albo batera
utzita.
3. Batasunak berak ikusiko du zein harreman-modu izan Europako Espazio
Agentziarekin.
4. Artikulu hau titulu honetako gainerako xedapenei kalterik egin gabe ulertu behar da.
190. artikulua
(lehengo 173. artikulua EET)
Urte bakoitzaren hasieran, Batzordeak txosten bat aurkeztuko die Europako Parlamentuari eta
Kontseiluari. Txosten horrek, bereziki, aurreko urtean teknologiaren ikerketan eta garapenean
eta emaitzen zabalkundean egindako jarduerak aipatuko ditu, baita uneko urterako
prestatutako lan-programa ere.
XX. TITULUA
INGURUMENA
191. artikulua
(lehengo 174. artikulua EET)
1. Batasunaren politika, ingurumena dela-eta, helburu hauek lortzeko izango da:
— ingurumena zaindu eta babestea, eta ingurumenaren kalitatea hobetzea;
— pertsonen osasuna babestea;
— naturako baliabideak zuhurtziaz eta zentzuz erabiltzea;
— ingurumena dela-eta munduan edo eskualdeka dauden arazoei aurre egiteko neurriak
91
sustatzea nazioartean, bereziki klima-aldaketaren aurka borrokatzeko.
2. Ingurumena dela-eta Batasunaren politikak helburu izango du babes-maila handia
lortzea, betiere, Batasunaren eskualdeetan askotariko egoerak ageri direla kontuan hartuta.
Printzipio hauek izango dira oinarri: batetik, zuhurtasun-printzipioa eta prebentziozko
ekintzaren printzipioak; bestetik, ahal bada, ingurumenaren kontrako erasoak jatorrian bertan
zuzentzeko printzipioa; eta, hurren, kutsatzen duenak ordaindu egingo duela dioen
printzipioa.
Alde horretatik, ingurumenaren babeserako eskakizunei erantzuteko beharrezkoak diren
harmonizazio-neurrien artean, bidezkoa denean, salbuespen-klausula bat sartuko da, estatu
kideei ingurumenari dagozkion arrazoiengatik –ez ekonomiari dagozkionengatik– behinbehineko
neurriak hartzeko baimena emateko; neurri horiek Batasunaren kontrolprozeduraren
baten pean egongo dira.
3. Ingurumenari buruzko politika prestatzerakoan, Batasunak kontuan edukiko ditu:
— eskuragarri dauden zientzia-tekniketako datuak;
— ingurumenaren egoera Batasuneko eskualdeetan;
— ekintzak egitearen edo ez egitearen ondorioz sor daitezkeen abantailak eta kostuak;
— Batasun osoaren ekonomia- eta gizarte-garapena, eta Batasuneko eskualdeen garapen
orekatua.
4. Batasuna eta estatu kideak, bakoitza bere eskumenen esparruan, lankidetzan arituko
dira hirugarren herrialdeekin eta eskumena duten nazioarteko erakundeekin. Batasunaren eta
interesa duten hirugarren aldeen arteko akordio bidez zehaztu ahal izango dira Batasunaren
lankidetza horren moduak.
Aurreko lerrokadaren esanahia ez doa estatu kideek nazioarteko erakundeetan negoziatzeko
eta nazioarteko akordioak lotzeko dauzkaten eskumenen kontra.
192. artikulua
(lehengo 175. artikulua EET)
1. Europako Parlamentuak eta Kontseiluak, legegintzako prozedura arruntaren arabera,
eta Ekonomia eta Gizarte Komiteari eta Eskualdeetako Komiteari kontsulta egin ondoren,
191. artikuluan finkatutako helburuak lortzeko asmoz Batasunak egin beharreko ekintzak
erabakiko dituzte.
2. Goiko 1. paragrafoan erabakiak hartzeko jasotzen den prozedura ahaztu gabe, eta 114.
artikuluari kalterik egin gabe, Kontseiluak, aho batez, legegintzako prozedura berezi baten
arabera, neurri eta erabaki hauek hartuko ditu, Batzordearen proposamenez, Europako
92
Parlamentuari, Ekonomia eta Gizarte Komiteari eta Eskualdeetako Komiteari kontsulta egin
ondoren:
a) batez ere izaera fiskaleko xedapenak badakartzate;
b) gai hauei buruzko neurriak:
— lurralde-antolamenduari eragiten diotenak;
— ur-baliabideen kudeaketa kuantitatiboari buruzkoak nahiz baliabide horien
erabilgarritasunari zuzenean zein zeharka eragiten diotenak;
— eta lurraren erabilpenari buruzko neurriak, hondakinen kudeaketa salbuespen dela;
c) estatu kideren batek hainbat energia-iturriren artean aukeratzeko orduan eta estatu
horretako energia-horniduraren egitura orokorrean eragin nabaria daukaten neurriak
badakartzate.
Kontseiluak, aho batez, Batzordearen proposamenaren gainean, Europako Parlamentuari,
Ekonomia eta Gizarte Komiteari eta Eskualdeetako Komiteari kontsulta egin ondoren, xedatu
ahal izango du legegintzako prozedura arrunta lehenengo lerrokadan aipatutako eremuetan
aplikagarria izan dadin.
3. Europako Parlamentuak eta Kontseiluak, legegintzako prozedura arruntaren arabera,
eta Ekonomia eta Gizarte Komiteari eta Eskualdeetako Komiteari kontsulta ondoren, lortu
beharreko lehentasunezko helburuak finkatuko dituzten ekintza-programa orokorrak onartuko
ditu.
Kasuan kasu, 1. paragrafoan edo 2. paragrafoan jasotako baldintzen arabera hartuko dira
programa horiek betearazteko beharrezko neurriak.
4. Batasun osorako zenbait neurriri kalterik egin gabe, Batasuneko estatuek beren
kontura edukiko dute ingurumenari buruzko politika finantzatu eta gauzatzea.
5. Kutsatzen duenak ordaindu egingo duela dioen printzipioari kalterik egin gabe, 1.
paragrafoan xedatutakoaren arabera hartutako neurriren batek sortutako kostuak estatu
kideren bateko agintari publikoentzat tamainaz kanpokoak direla uste izanez gero, neurri
horrek egokiak diren beste xedapen batzuk onartuko ditu:
— aldi baterako salbuespenak,
— edo finantza-laguntzak emanez, 177. artikuluan xedatutakoarekin bat etorriz sortutako
Kohesio Funtsaren pentzutan; edo aukera biak onar ditzake.
193. artikulua
93
(lehengo 176. artikulua EET)
192. artikuluaren indarrez hartutako babes-neurriak ez dira eragozpen izango estatu kide
bakoitzak babes gehiagoko neurriak erabiltzen jarraitzeko eta halakoak hartzeko. Aipatutako
neurriak Tratatuekin bateratzeko modukoak izan behar dira, eta Batzordeari eman behar zaio
horien berri.
XXI. TITULUA
ENERGIA
194. artikulua
1. Barne merkatuaren ezarpena edo funtzionamendua delarik esparrua, eta ingurumena
zaindu eta hobetzeko eskakizuna dagoela kontuan izanik, Batasunaren energia-politikak
helburu hauek izango ditu, estatu kideen arteko elkartasunez:
a) energiaren merkatuaren funtzionamendua bermatzea;
b) Batasunaren energia-horniduraren segurtasuna bermatzea;
c) eraginkortasun energetikoa eta energia aurreztea bultzatzea, eta energia berri eta
berriztagarrien garapena bultzatzea; eta
d) energia-sareak elkarren artean lotu daitezen sustatzea.
2. Tratatuetako beste xedapen batzuk aplikatzeari kalterik egin gabe, Europako
Parlamentuak eta Kontseiluak legegintzako prozedura arruntaren arabera zehaztuko dituzte 1.
paragrafoan aipaturiko helburuak lortzeko beharrezko neurriak. Ekonomia eta Gizarte
Komiteari eta Eskualdeetako Komiteari aurretiaz kontsulta eginda onetsiko dira neurri horiek.
Hala ere, estatu kideek ez dute galduko eskubidea beren energia-baliabideak ustiatzeko
baldintzak zehazteko, energia-iturri bat edo bestea hautatzeko eta energia-hornidurarako zein
egitura orokor nahi duten hautatzeko, 192. artikuluko 2. paragrafoko c) idatz-zatiari kalterik
egin gabe.
3. Goiko 2. paragrafoan xedatutakoa gorabehera, Kontseiluak, legegintzako prozedura
berezi baten arabera, aho batez eta Europako Parlamentuari kontsulta egin ondoren ezarriko
ditu paragrafo horretan aipaturiko neurriak, batez ere izaera fiskalekoak badira.
XXII. TITULUA
TURISMOA
195. artikulua
94
1. Turismo-arloan, Batasunak estatu kideen ekintza osatuko du, Batasuneko arlo
horretako enpresen lehiatzeko gaitasuna sustatuz, batez ere.
Horretarako, Batasunak helburu hau izango du:
a) arlo horretako enpresak garatzeko inguru egokia sortzeko bultzada;
b) estatu kideen arteko lankidetzari bidea zabaltzea, jardunbide egokiak elkartrukatuz
batez ere.
2. Estatu kideek artikulu honetan aipaturik dauden helburuak lortzeko egiten dituzten
ekintzak osatze aldera, Europako Parlamentuak eta Kontseiluak, legegintzako prozedura
arruntaren arabera berariazko hainbat neurri zehatz ditzakete, estatu kideetako legezko eta
erregelamenduzko xedapenak harmonizatzeko ahalegin oro albo batera utzita.
XXIII. TITULUA
BABES ZIBILA
196. artikulua
1. Batasunak estatu kideen arteko lankidetza sustatuko du, naturak nahiz gizakiak
eragindako hondamendiei aurrea hartzeko eta hondamendi horietatik babesteko sistemek hobeto
lan egitea lortzeko.
Batasunaren ekintzak helburu hauek izango ditu:
a) estatuetan, eskualdeetan eta herrietan, estatu kideen ekintza babestea eta osatzea,
arriskuei aurrea hartzeko, estatu kideetan babes zibilaren ardura duten pertsonak
prestatzeko, eta, Batasunean naturak edo gizakiek eragindako hondamendirik gertatuz
gero, esku hartzeko;
b) Batasunaren barruan, estatuetako babes zibileko zerbitzuen artean lankidetza operatibo
bizkorra eta eraginkorra sustatzea;
c) babes zibilaren inguruan nazioartean hasitako ekintzen koherentzia sustatzea.
2. Goiko 1. paragrafoko helburu horiek lortzen laguntzeko, Europako Parlamentuak eta
Kontseiluak, legegintzako prozedura arruntaren arabera, beharrezko diren neurriak ezarriko
dituzte, estatu kideetako legezko eta erregelamenduzko xedapenak harmonizatzeko ahalegin
oro albo batera utzita.
XXIV. TITULUA
95
ADMINISTRAZIOEN ARTEKO LANKIDETZA
197. artikulua
1. Interes erkideko gaitzat hartuko da estatu kideek Batasuneko Zuzenbidea benetan
aplikatzea, ezinbestekoa baita Batasunak ondo funtziona dezan.
2. Estatu kideek, Batasuneko Zuzenbidea aplikatze aldera, beren administrazio-gaitasuna
areagotzeko egiten dituzten ahaleginak babestu ahal izango ditu Batasunak. Laguntza hori,
batez ere, informazioa eta funtzionarioak trukatzeko izango da, baita prestakuntza-programak
babesteko ere. Estatu kide bat ere ez dago laguntza horretaz baliatzera beharturik. Europako
Parlamentuak eta Kontseiluak, legegintzako prozedura arruntaren arabera onartutako
erregelamenduen bidez, horretarako beharrezkoak diren neurriak hartuko dituzte, Batasuneko
estatuetako legezko eta erregelamenduzko xedapenak harmonizatzeko ahaleginak albo batera
utzita.
3. Artikulu honetan adierazitakoa halaxe izango da, betiere, kalterik egin gabe estatu
kideek Batasuneko Zuzenbidea aplikatzeko betebeharrari, ezta Batzordearen eginbeharrei eta
prerrogatibei ere. Era berean, halaxe izango da, estatu kideen artean eta estatu horien eta
Batasunaren artean administrazio-lankidetza egon dadin Tratatuetan jasotako gainerako
xedapenei ere kalterik egin gabe.
LAUGARREN ZATIA
ITSASOZ HARAINDIKO HERRIALDE ETA LURRALDEAK BATASUNAREKIN
ELKARTZEA
198. artikulua
(lehengo 182. artikulua EET)
Europakoak izan gabe, Danimarkarekin, Frantziarekin, Herbeherekin eta Erresuma
Batuarekin harreman bereziak dauzkaten herrialdeak eta lurraldeak Batasunarekin elkartzea
erabaki dute Batasuneko estatuek. Herrialde eta lurralde horiek “herrialde eta lurralde”
izendapena izango dute aurrerantzean, eta II. eranskina osatzen duen zerrendan datoz
zehazturik.
Elkartearen helburua herrialdeen eta lurraldeen ekonomiaren eta gizartearen garapena
sustatzea izango da, baita herrialde eta lurraldeok eta Batasun osoak elkarren artean
ekonomiari buruz harreman estuak ezartzea ere.
Tratatu honetako atarikoan adierazitako printzipioekin bat etorriz, elkarteak, lehenengo eta
behin, herrialde eta lurralde horietako biztanleen interesak eta oparotasuna gehitzen lagundu
behar du, lortu nahi duten garapena iritsi dezaten ekonomian, gizartean eta kulturan.
199. artikulua
(lehengo 183. artikulua EET)
96
Elkartea helburu hauek lortzen ahaleginduko da:
1) Estatu kideek, herrialde eta lurralde horiekiko merkataritzako trukaketetan, Tratatuen
indarrez elkarren arterako onartutako trukaketa-sistema aplikatuko dute;
2) Herrialde edo lurralde bakoitzak berarekin harreman bereziak dauzkan Europako
estatuari aplikatzen dion trukaketa-sistema aplikatuko du estatu kideekin eta beste
herrialde eta lurraldeekin izango dituen merkataritzako trukaketetan ere;
3) Herrialde eta lurralde horiek arian-arian garatzeko behar diren inbertsioak egiten
lagunduko diete lurraldeoi estatu kideek.
4) Batasunak finantzatutako inbertsioen kasuan, estatu kideetako edo herrialde eta
lurralde horietako nazionalitatea daukaten pertsona fisiko eta juridiko guztiei irekitzen
zaie, baldintza berberetan, lanak, zerbitzuak eta hornidura esleitzeko deialdietan parte
hartzeko aukera.
5) Estatu kideen eta herrialde eta lurralde horien arteko harremanetan, herritarrek eta
sozietateek kokatzeko daukaten eskubidea kokatze-eskubideari buruzko kapituluan
aurreikusitako xedapenekin eta prozedura-arauekin bat etorriz arautuko da,
bereizkeriarik eza oinarri dela, eta 203. artikuluaren indarrez onar daitezen xedapen
bereziei kalterik egin gabe.
200. artikulua
(lehengo 184. artikulua EET)
1. Herrialde eta lurralde horietako salgaien inportazioek, Batasuneko estatuetan sartzen
direnean, Tratatuetako xedapenekin bat etorriz Batasuneko estatuen artean aduana-sariei
ezarritako debekuaren onurak izango dituzte.
2. Herrialde eta lurralde horietako bakoitzean estatu kideetako eta beste herrialde eta
lurraldeetako inportazioak sartzen direnean, inportazioak kargatzeko diren aduana-zergak
debekatuta utziko dira, 30. artikuluan xedatutakoarekin bat etorriz.
3. Hala ere, herrialde eta lurralde horiek aduana-zergak jaso ahal izango dituzte, beren
garapen-premiak betetzeko eta beren industrializazioaren beharrizanak betetzeko badira, edo
zerga izaerako sariak jaso ahal izango dituzte beren aurrekontuak hornitzeko badira.
Aurreko lerrokadan aipatutako eskubideak ezin dira izan herrialde edo lurralde bakoitzarekin
harreman bereziak dauzkan estatu kideko produktuen inportazioak kargatzeko aplikatzen
direnak baino handiagoak.
4. Nazioarteko betebehar berezietara lotuta daudela-eta bereizkeriarik gabeko aduanatarifak
aplikatzen ari diren herrialde eta lurraldeei ez zaie aplikatuko 2. paragrafoa.
97
5. Herrialde eta lurralde horiek inportatutako salgaiak kargatzeko aduana-zergak
ezartzearekin edo aldatzearekin ez da zuzeneko edo zeharkako bereizkeriarik sortu behar,
egitez edo zuzenbidez, estatu kideetako inportazioen artean.
201. artikulua
(lehengo 185. artikulua EET)
Baldin eta beste hirugarren herrialde bateko salgaiak herrialde edo lurralde horietakoren
batera sartzean aplika dakizkiekeen aduana-sarien zenbatekoa, 200. artikuluko 1. paragrafoan
xedatutakoa kontuan hartuta, estatu kideren baten kaltetan merkataritzako trafikoa
desbiderarazteko bestekoa bada, estatu horrek eskabidea egin ahal izango dio Batzordeari,
beste estatu kideei egoera hura zuzentzeko beharrezko neurriak hartzeko proposamena egin
diezaien.
202. artikulua
(lehengo 186. artikulua EET)
Osasun publikoari eta segurtasun publikoari nahiz ordena publikoari buruzko xedapenei
kalterik egin gabe, 203. artikuluaren arabera onartutako egintzek arautuko dute langileen
zirkulatzeko askatasuna, bai herrialde eta lurralde horietako langileak estatu kideetan
ibiltzeko, bai estatu kideetakoak herrialde eta lurralde horietan ibiltzeko.
203. artikulua
(lehengo 187. artikulua EET)
Herrialde eta lurralde horiek Batasunarekin elkartzetik sortutako esparruan lortutako emaitzak
ikusita, eta Tratatuetan jasotako printzipioak oinarri direla, Kontseiluak, aho batez,
Batzordeak proposaturik, herrialde eta lurralde horiek Batasunarekin elkartzeko moduei eta
prozedurari buruzko xedapenak onartuko ditu. Kontseiluak legegintzako prozedura berezi
baten arabera xedapen horiek hartzen dituenean, aho batez hartuko du erabakia, Batzordeak
proposatuta eta aurretik Europako Parlamentuari kontsulta eginda.
204. artikulua
(lehengo 188. artikulua EET)
Tratatu honetako 198. artikulutik 203. artikulura artekoetako xedapenak Groenlandiari
aplikatu ahal izango zaizkio, Groenlandiari aplika dakiokeen araubide bereziari buruzko
Protokoloan Groenlandiarako ageri diren berariazko xedapenei kalterik egin gabe;
Tratatuetako eranskin moduan dator protokoloa.
BOSGARREN ZATIA
BATASUNAREN ATZERRI-EKINTZA
I. TITULUA
98
BATASUNAREN ATZERRI-EKINTZARI BURUZKO XEDAPEN OROKORRAK
205. artikulua
Zati honen indarrez, Europar Batasunaren Tratatuaren V. tituluaren 1. kapituluan ezarritako
xedapen orokorretako printzipioak izango dira Batasunaren ekintzaren oinarri nazioartean
diharduenean; Batasunaren ekintzak xedapen horien helburua bilatuko du eta xedapen horien
arabera egingo da.
II. TITULUA
MERKATARITZA POLITIKA ERKIDEA
206. artikulua
(lehengo 131. artikulua EET)
Batasunak, 28.etik 32.era bitarteko artikuluek dioten moduan aduana-batasuna ezarriz,
lagunduko du, interes erkiderako, munduko merkataritza harmonian garatzen, nazioarteko
trukaketetan eta atzerriko zuzeneko inbertsioetan ezarritako murrizketak arian-arian
ezabatzen eta aduanako tarifetan eta bestelakoetan sorturiko oztopoak gutxitzen.
207. artikulua
(lehengo 133. artikulua EET)
1. Merkataritza-politika erkidea printzipio uniformeetan oinarrituko da, batez ere,
aduanako tarifak aldatu behar direnean; salgai- eta zerbitzu-trukatzeaz eta jabetza intelektual
nahiz industrialaren alderdi komertzialez akordioak lotu behar direnean aduanako tarifei eta
merkataritzari buruz; atzerriko zuzeneko inbertsioez ebatzi behar denean; liberalizazioneurriak
berdindu behar direnean; esportazio-politika zehaztu behar denean; eta merkataritza
babesteko neurriak hartu behar direnean, besteak beste, dumping-a eta diru-laguntzak tartean
egonez gero. Batasunaren atzerri-ekintzarako printzipioen eta helburuen esparruan gauzatu
beharko da merkataritza-politika erkidea.
2. Europako Parlamentuak eta Kontseiluak erregelamenduen bidez hartuko dituzte,
legegintzako prozedura arruntaren arabera, merkataritza-politika erkidea aplikatzeko esparrua
zehaztuko duten neurriak.
3. Hirugarren herrialde edo nazioarteko erakunde batekin edo batzuekin akordiorik
negoziatu edo egin behar bada, 218. artikulua aplikatu beharko da, artikulu honetako
berariazko xedapenei kalterik egin gabe.
Batzordeak Kontseiluari gomendioak aurkeztuko dizkio, eta horrek emango dio beharrezko
negoziazioetan hasteko baimena. Kontseiluaren eta Batzordearen ardura izango da
negoziatutako akordioak Batasuneko barneko politika eta arauekin bateragarriak direla
99
zaintzea.
Batzordeak egingo ditu aipatutako negoziazioak, komite berezi bati kontsulta eginda;
Kontseiluak izendatuko du komitea, Batzordeari laguntza eman diezaion, Kontseiluak
emandako ildoen arabera. Aldiro-aldiro, Batzordeak komite bereziari eta Europako
Parlamentuari negoziazioen bilakaerari buruzko txostena emango die.
4. Hirugarren paragrafoan aipaturiko akordioak negoziatzeko eta egiteko, Kontseiluak
gehiengo kualifikatu bidez erabakiko du.
Zerbitzu-merkataritzaren, jabetza intelektualaren eta industrialaren, merkataritza-alderdien
eta atzerriko zuzeneko inbertsioen inguruan akordioak negoziatzeko eta egiteko, barruko
arauak aho batez onartu beharra eskatzen duen xedapenik baldin badago akordio horietan,
Kontseiluak erabakiak aho batez hartu beharko ditu.
Honako akordio hauek negoziatzeko eta egiteko ere, Kontseiluak aho batez hartuko ditu
erabakiak:
a) kulturako eta ikus-entzunezko zerbitzu-merkataritzaren esparruko akordioak, baldin
eta akordio horiek Batasuneko kulturen eta hizkuntzen aniztasunari kalte egin
badiezaiokete;
b) gizarterako, hezkuntzarako eta osasunerako zerbitzu-merkataritzaren esparruko
akordioak, baldin eta akordio horiek zerbitzu horien estatu-antolaketa goitik behera
nahas badezakete eta estatuek zerbitzu horiek eskaintzeko duten erantzukizunari kalte
egin badiezaiokete.
5. Garraioen esparruan, nazioarteko akordioak negoziatzeko eta egiteko, hirugarren
zatiko VI. titulua eta 218. artikulua bete beharko dira.
6. Artikulu honek merkataritza-politika erkidearen eremuan banatzen dituen eskumenak
baliatzeak ez du inolako eraginik izango Batasunaren eta estatu kideen arteko eskumenbanaketan,
eta ez dakar estatu kideetako legezko eta erregelamenduzko xedapenen
harmonizaziorik, Tratatuetan harmonizazio horretarako bidea itxita dagoen heinean.
III. TITULUA
HIRUGARREN HERRIALDEEKIKO LANKIDETZA ETA LAGUNTZA HUMANITARIOA
1. KAPITULUA
GARAPENERAKO LANKIDETZA
208. artikulua
(lehengo 177. artikulua EET)
100
1. Garapenerako lankidetzaren arloan, Batasunaren politika Batasunaren atzerriekintzarako
printzipio eta helburuen esparruan gauzatuko da. Batasunak eta estatu kideek
garapen-arloan dituzten lankidetza-politikak elkarren osagarri eta indargarri izango dira.
Eremu honetan, Batasunaren politikaren helburu nagusia pobrezia gutxiaraztea eta, azkenean,
erauztea izango da. Garatzeko bidean dauden herrialdeetan eragina duten politikak
aplikatzeko orduan, Batasunak garapenerako lankidetzaren helburuak izango ditu kontuan.
2. Batasunak eta estatu kideek Nazio Batuen eta nazioarteko gainerako erakunde
eskudunen esparruan hartu dituzten konpromisoak beteko dituzte, eta esparru horretan adostu
dituzten helburuak izango dituzte kontuan.
209. artikulua
(lehengo 179. artikulua EET)
1. Garapenerako lankidetza-politika egikaritzeko, Europako Parlamentuak eta
Kontseiluak legegintzako prozedura arruntaren arabera hartuko dituzte beharrezko diren
neurriak; neurriotan, garatzeko bidean dauden herrialdeekin lankidetzan aritzeko, urte
anitzeko programak edo gai jakin batean oinarritutakoak hartu ahal izango dira oinarri.
2. Batasunak edozein akordio egin ahal izango du hirugarren herrialdeekin eta
nazioarteko erakunde eskudunekin, Europar Batasunaren Tratatuko 21. artikuluan eta Tratatu
honetako 208. artikuluan aipaturik dauden helburuak lortzeko egoki denean.
Lehen lerrokadan adierazitakoa halaxe izango da, estatu kideek nazioarteko erakundeetan
negoziatzeko eta akordioak egiteko dituzten eskumenei kalterik egin gabe.
3. Europako Inbertsio Bankuak, bere estatutuetan aurreikusitako baldintzetan, 1.
paragrafoan adierazitako ekintzak betetzen lagunduko du.
210. artikulua
(lehengo 180. artikulua EET)
1. Batasunak eta estatu kideek, beren jarduerak elkarren osagarriak eta eragingarriagoak
izan daitezen, garapenerako dituzten lankidetza arloko politikak koordinatu, eta laguntzaprogramak
hitzartuko dituzte elkarrekin, baita nazioarteko erakundeen eta nazioarteko
biltzarren esparruan ere. Ekintza bateratuak ere egin ahal izango dituzte. Estatu kideek,
beharrezkoa bada, Batasunaren laguntza-programak gauzatzen lagunduko dute.
2. Lehen paragrafoan aipatutako koordinazioa sustatzeko egokia den edozein ekimen
onetsi ahal izango du Batzordeak.
211. artikulua
(lehengo 181. artikulua EET)
101
Batasuna eta estatu kideak, bakoitza bere eskumenen esparruan, lankidetzan arituko dira
hirugarren herrialdeekin eta eskumena duten nazioarteko erakundeekin.
2. KAPITULUA
HIRUGARREN HERRIALDEEKIKO LANKIDETZA EKONOMIKO, FINANTZARIO
ETA TEKNIKOA
212. artikulua
(lehengo 181 A artikulua EET)
1. Tratatuetako gainerako xedapenen, eta, bereziki, 208. artikulutik 211. artikulura
bitartekoei kalterik egin gabe, garatzeko bidean ez dauden hirugarren herrialdeekin ere
egingo du Batasunak lankidetza-ekintzarik ekonomia-arloan, finantzen arloan eta teknikaren
arloan, eta, bereziki, finantzen arloko laguntzak emango ditu. Ekintza horiek Batasunaren
garapen-politikarekin koherenteak izan behar dute, eta Batasunak atzerri-ekintzarako dituen
printzipio eta helburuen arabera gauzatu beharko dira. Batasunaren eta estatu kideen ekintzak
osagarriak eta elkar indartzaileak izango dira.
2. Europako Parlamentuak eta Kontseiluak 1. paragrafoa aplikatu ahal izateko
beharrezkoak diren neurriak hartuko dituzte, legegintzako prozedura arruntaren arabera.
3. Bakoitza bere eskumenen eremuan, Batasuna eta estatu kideak lankidetzan arituko
dira hirugarren herrialdeekin eta eskumenak dituzten nazioarteko erakundeekin. Batasunaren
lankidetza-modalitateak akordio bidez zehaztu ahal izango dituzte Batasunak berak eta
hirugarren alde interesdunek.
Lehenengo lerrokadak ez du eraginik izango estatu kideek nazioarteko erakundeekin
negoziatzeko eta nazioarteko akordioak lotzeko dauzkaten eskumenen gainean.
213. artikulua
Hirugarren herrialde bateko egoera zein den ikusita, premiazkoa bada Batasunak berehala
ematea finantza-laguntza, Kontseiluak hartuko ditu hartarako beharrezko erabakiak,
Batzordeak proposaturik.
3. KAPITULUA
LAGUNTZA HUMANITARIOA
214. artikulua
1. Laguntza humanitarioaren eremuan, Batasunaren politika Batasunaren atzerriekintzarako
printzipio eta helburuen esparruan gauzatuko da. Ekintza horien helburu izango
102
dira, kasu jakin batzuetan, hirugarren herrialdeetako biztanleei, naturak nahiz gizakiak
eragindako hondamendi baten biktima direnean, laguntza eta sorospena ematea, eta biztanle
horiek babestea, egoera horietan sortzen diren premia humanitarioei erantzuteko. Batasunaren
eta estatu kideen ekintzak osagarriak eta elkar indartzaileak izango dira.
2. Laguntza humanitarioa emateko ekintzetan, nazioarteko zuzenbidearen printzipioak
eta beste hauek bete beharko dira: inpartzialtasuna, neutraltasuna eta bereizkeriarik eza.
3. Europako Parlamentuak eta Kontseiluak ezarriko dituzte, legegintzako prozedura
arruntaren arabera, Batasunaren laguntza humanitariorako ekintzak gauzatzeko esparrua
zehazteko neurriak.
4. Batasunak edozein akordio egin dezake hirugarren herrialdeekin eta nazioarteko
erakunde eskudunekin, goiko 1. paragrafoan eta Europar Batasunaren Tratatuaren 21.
artikuluan aipaturik dauden helburuak lortzeko egoki denean.
Lehen lerrokadan adierazitakoa halaxe izango da, estatu kideek nazioarteko erakundeetan
negoziatzeko eta akordioak egiteko dituzten eskumenei kalterik egin gabe.
5. Batasunaren laguntza humanitariorako ekintza horietan Europako gazteek ere izan
dezaten ekarpenak non-nola egin, Laguntza Humanitariorako Europako Boluntario Taldea
sortuko da. Europako Parlamentuak eta Kontseiluak, legegintzako prozedura arrunta erabilita,
erregelamenduen bidez ezarriko dituzte beren estatutuak eta funtzionamendu-arauak.
6. Batasunaren eta estatu kideen ekintzen arteko koordinazioa sustatze aldera,
Batzordeak edozein neurri egoki har dezake, hartara, Batasunak eta estatu kideek laguntza
humanitarioa emateko dauzkaten tresnek hobeto lan egitea eta elkarren artean osagarriagoak
izatea lortzeko.
7. Batasunak jagongo du laguntza humanitarioa emateko ekintzak koherenteak izan
daitezen eta ondo koordinatuta egon daitezen nazioarteko instituzio eta organismoenekin,
Nazio Batuen sistema osatzen dutenenekin, batez ere.
IV. TITULUA
NEURRI MUGATZAILEAK
215. artikulua
(lehengo 301. artikulua EET)
1. Europar Batasunaren Tratatuaren V. tituluaren 2. kapituluaren arabera harturiko
erabaki batek jasotzen badu hirugarren herrialde batekiko edo batzuekiko ekonomia- eta
finantza-harremanak, dela erabat edo dela zatiren batean, geldiarazi edo gutxitu egin behar
103
direla, Kontseiluak onartuko ditu, gehiengo kualifikatuz, horretarako beharrezko
erregelamenduak eta erabakiak, Batasuneko atzerri- eta segurtasun-politika erkideko goiordezkariak
eta Batzordeak batera proposaturik. Europako Parlamentuari emango dio gero
horren berri.
2. Baldin eta Europar Batasunaren Tratatuaren V. tituluko 2. kapituluaren arabera
harturiko erabaki batek hala jasotzen badu, Kontseiluak bere esku izango du estatuz kanpoko
pertsona fisikoen, pertsona juridikoen, taldeen edo erakundeen aurkako neurri mugatzaileak
hartzea, 1. paragrafoan jasota dagoen prozeduraren arabera.
3. Berme juridikoei dagokienez, artikulu honetan jasotako egintzek beharrezko xedapen
guztiak jasoko dituzte.
V. TITULUA
NAZIOARTEKO AKORDIOAK
216. artikulua
1. Batasunak hirugarren herrialde edo nazioarteko erakunde batekin edo batzuekin
akordioa sinatu ahal izango du, baldin eta Tratatuetan hala jasota badago, edo, bestela,
Tratatuan jasotako helbururen bat lortzeko, Batasunaren politiken testuinguruan, akordioa
sinatzea beharrezkoa bada, edo Batasunarentzat zuzenbidearen arabera lotura-indarra duen
egintzaren batean jasota badago, edo arau erkideetan eragina izan badezake edo arau horien
helmena alda badezake.
2. Batasunak sinatutako akordioek Batasunaren instituzioak eta estatu kideak lotuko
dituzte.
217. artikulua
(lehengo 310. artikulua EET)
Elkartea sortzeko akordioak lotu ahal izango ditu Batasunak hirugarren herrialde batekin edo
gehiagorekin nahiz nazioarteko erakunde batekin edo gehiagorekin, eta elkarte horrek
elkarrenganako eskubideak eta betebeharrak, ekintza erkideak eta prozedura partikularrak
sortaraziko ditu.
218. artikulua
(lehengo 300. artikulua EET)
1. Batasunaren eta hirugarren herrialde edo nazioarteko erakundeen artean akordioak
negoziatzeko eta sinatzeko, ondoren zehazten den prozedura bete beharko da, 207. artikuluko
xedapen bereziei kalterik egin gabe.
2. Kontseiluak negoziatzen hasteko baimena emango du, negoziaziorako gida-lerroak
104
onartuko ditu, sinadura baimenduko du, eta akordioak sinatuko ditu.
3. Kasuan kasuko akordioa atzerri- eta segurtasun-politika erkideari buruzkoa bada soilsoilik
edo nagusiki, Batzordeak edo Batasuneko atzerri- eta segurtasun-politika erkideko goiordezkariak
Kontseiluari gomendioak aurkeztuko dizkio, eta hark erabaki bat hartuko du,
negoziatzen hasteko baimena emateko, eta Batasunaren negoziatzailea edo negoziatzailetaldeko
burua ere izendatuko du, sinatzekoa den akordioaren gaiaren arabera.
4. Kontseiluak negoziatzaileari gida-lerro batzuk eman ahal izango dizkio, eta komite
berezi bat ere izendatu ahal izango du; horri egin beharko zaio kontsulta negoziazioak dirauen
bitartean.
5. Negoziatzaileak proposatzen badio, Kontseiluak, erabaki baten bidez, akordioa
sinatzeko baimena emango du, eta, hala dagokionean, baita indarrean sartu baino lehenago
behin-behingoz akordioa aplikatzeko baimena ere.
6. Negoziatzaileak proposaturik, Kontseiluak akordioa sinatzeko erabaki bat hartuko du.
Atzerri- eta segurtasun-politika erkideari buruzkoak diren akordioak salbuespen direla,
Kontseiluak hartuko du akordioa sinatzeko erabakia:
a) honako kasu hauetan, Europako Parlamentuak aurretiaz onespena emanda:
i) elkartze-akordioak direnean,
ii) Batasuna Giza Eskubideak eta Oinarrizko Askatasunak Babesteko Europako
Hitzarmenari atxikitzeko denean,
iii) lankidetzarako prozedurak antolatuz, instituzio-esparru berezi bat sortzen duten
akordioak direnean,
iv) Batasunarentzat aurrekontuetan eragin handia duten akordioak direnean,
v) legegintzako prozedura arruntaz bideratzen diren eremuei buruzko edo,
Europako Parlamentuaren onarpena behar bada, legegintzako prozedura
bereziaz bideratzen diren esparruei buruzko akordioak direnean.
Presako kasuetan, Europako Parlamentuak eta Kontseiluak onarpenerako epe-muga
bat adostu ahal izango dute.
b) gainerako kasuetan, Europako Parlamentuari aurretiaz kontsulta eginda. Europako
Parlamentuak epe jakin bat izango du irizpena emateko, eta epe hori Kontseiluak zehaztu
ahal izango du, kasuan kasuko gaiak nolako presa duen. Epe horretan ez badu irizpenik
ematen, Kontseiluak erabaki ahal izango du.
105
7. Dena den, 5., 6. eta 9. paragrafoetan xedatutakoa gorabehera, akordio bat sinatzean,
Kontseiluak negoziatzaileari baimena eman ahal izango dio, Batasunaren izenean, akordio
horren aldaketa batzuk onar ditzan, hala nola, akordio horren arabera prozedura erraztu baten
bidez onartzekoak diren aldaketak, edo akordioak sorturiko organo batek parte hartuta onartu
beharrekoak. Kontseiluak baldintza berezi batzuen pean jar dezake baimen hori.
8. Prozedura osoan zehar, Kontseiluak gehiengo kualifikatuz hartuko ditu erabakiak.
Baina, kasuan kasuko akordioaren eremuan Batasunaren egintzak aho batez onartu
beharrekoak badira, elkartze-akordioetarako bada, edo 212 artikuluaren arabera estatu
atxikigaiekin egin beharreko akordioetarako bada, aho batez hartuko ditu erabakiak. Batasuna
Giza Eskubideak eta Oinarrizko Askatasunak Babesteko Europako Hitzarmenari atxikitzeko
erabakia denean ere, Kontseiluak aho batez hartuko ditu erabakiak; akordio hori hartzeko
erabaki hori ez da indarrean sartuko, harik eta estatu kideek erabakia hartu arte, bakoitzak
bere konstituzioko arauen arabera.
9. Kontseiluak, Batzordeak edo Batasuneko atzerri- eta segurtasun-politika erkideko
goi-ordezkariak proposaturik, erabakia hartuko du; erabaki horren bidez, akordio baten
aplikazioa etenda utziko da, eta Batasunaren izenean zein jarrera hartu behar den zehaztuko
da akordio batez sortutako organismo batean, organismo horrek ondorio juridikoak dakartzan
egintzak onartu behar dituenean, akordioaren instituzio-esparrua osatzen edo aldatzen duten
egintzak salbuespen direla.
10. Europako Parlamentua jakinaren gainean eduki behar da, berehala eta osoki,
prozedura osoan zehar.
11. Aurreikusitako akordioren bat Tratatuekin bat ote datorren jakin nahi badute, estatu
kide batek, Europako Parlamentuak, Kontseiluak edo Batzordeak Justizia Auzitegiaren
irizpena eska dezakete. Justizia Auzitegiaren irizpena aurkakoa bada, akordio hori ezin
izango da indarrean sartu, non eta ez duten zuzentzen edo ez dituzten Tratatuak berrikusten.
219. artikulua
(lehengo 111. artikulua, 1a, 3. eta 5. paragrafoak, EET)
1. 218. artikuluan xedatutakoa gorabehera, Kontseiluak, bai Europako Banku Zentralak
gomendaturik bai Batzordeak gomendaturik, eta Europako Banku Zentralari aurretiaz
kontsulta eginda, bere esku du, prezioen egonkortasuna lortzeko helburuarekin bat etortzeko
moduko adostasuna iritsi nahian, hirugarren herrialdeetako diruaren eta euroaren arteko
truke-tasen sistema baterako akordio formalak sinatzea. Kontseiluak aho batez hartuko ditu
erabakiak, Europako Parlamentuari aurretiaz kontsulta eginda, eta 3. paragrafoan zehazturiko
prozeduraren arabera.
Kontseiluak, Europako Banku Zentralaren edo Batzordearen gomendio bati jarraituz, eta
Europako Banku Zentralari aurretiaz kontsulta eginda, prezioen egonkortasuna lortzeko
helburuarekin bat etortzeko moduko adostasuna iritsi nahian, euroaren tasa nagusiak onartu,
106
egokitu edo alde batera utz ditzake truke-tasen sistemaren baitan. Kontseiluko lehendakariak
Europako Parlamentuari eman behar dio euroaren tasa nagusiak onartu, egokitu edo utzi
izanaren berri.
2. Hirugarren herrialdeetako moneta batekiko edo batzuekiko truke-tasen sistemarik ez
baldin badago —1. paragrafoan jasota dagoen moduan—, Kontseiluak moneta horiekiko
truke-tasen politikari buruzko orientabide orokor batzuk eman ditzake, dela Batzordearen
gomendio batean oinarrituta, eta Europako Banku Zentralari aurretiaz kontsulta eginda, dela
Europako Banku Zentralaren gomendio batean oinarritua. Orientabide orokor horiek ez dira
BZESk prezioen egonkortasuna zaintzeko daukan helburu nagusiaren kontrakoak izango.
3. 218. artikuluan xedatutakoa gorabehera, Batasunak diru-araubideari edo trukearaubideari
buruzko gaien gaineko akordiorik negoziatu behar badu hirugarren herrialde
batekin edo batzuekin edo nazioarteko erakundeekin, Kontseiluak erabakiko du, Batzordearen
gomendio batean oinarrituta eta Europako Banku Zentralari aurretiaz kontsulta eginda, zein
modalitate erabili akordio horiek negoziatzeko eta sinatzeko. Aipatutako negoziazio-modu
horiekin bermatuta utzi behar da Batasunak jarrera bakar bat adieraztea. Batzordea oso-osorik
lotuko zaie negoziazioei.
4. Ekonomia- eta diru-batasunari buruz Batasunak dauzkan eskumenen eta lotutako
akordioei kalterik egin gabe, estatu kideek tratuak egin ditzakete nazioartean, baita
nazioarteko akordioak lotu ere.
VI. TITULUA
BATASUNAK NAZIOARTEKO ERAKUNDEEKIN, HIRUGARREN HERRIALDEEKIN ETA
BATASUNAREN ORDEZKARITZEKIN IZANGO DITUEN HARREMANAK
220. artikulua
(lehengo 302.etik 304.era bitarteko artikuluak EET)
1. Batasunak era guztietako lankidetza egokiak ezarriko ditu Nazio Batuen eta bertako
organismo espezializatuen organoekin, Europako Kontseiluarekin, Europako Segurtasun eta
Lankidetzako Erakundearekin, eta Ekonomia Lankidetza eta Garapenerako Erakundearekin.
Batasunak nazioarteko beste erakunde batzuekin ere izango ditu harreman egokiak.
2. Batasuneko atzerri- eta segurtasun-politika erkideko goi-ordezkariaren eta
Batzordearen ardura izango da artikulu honetan xedaturik dagoena aplikatzea.
221. artikulua
1. Batasunak hirugarren herrialdeetan eta nazioarteko erakundeetan dituen ordezkaritzek
hartuko dute beren gain Batasunaren izenean jarduteko ardura.
107
2. Batasunaren ordezkaritzak Batasuneko atzerri- eta segurtasun-politika erkideko goiordezkariaren
agintaritzapean egongo dira. Estatu kideen ordezkaritza diplomatiko eta
kontsularrekiko lankidetza estuan jardungo dute.
VII. TITULUA
ELKARTASUN-KLAUSULA
222. artikulua
1. Batasunak eta estatu kideek elkarrekin batera jardungo dute elkartasunez, estatu kide
bati eraso terrorista bat eginez gero edo hondamendiren bat, naturala zein gizakiak
eragindakoa, gertatuz gero. Batasunak bere esku dituen tresna guztiak erabiliko ditu, estatu
kideek Batasunaren esku utzitako bitarteko militarrak ere barnean direla, helburuok hauek
izanik:
a) — estatu kideen lurraldean mehatxu terroristari aurrea hartzea;
— instituzio demokratikoak eta herritarrak balizko eraso terroristetatik babestea;
— estatu kide bati, bere lurraldean, laguntza ematea, eraso terroristaren bat
gertatuz gero, bertako agintariek hala eskatuta;
b) estatu kide bati, bere lurraldean, laguntza ematea, naturak zein gizakiak eragindako
hondamendiren bat gertatuz gero, bertako agintariek hala eskatuta.
2. Estatu kideren batean eraso terroristaren bat gertatzen bada edo naturak zein gizakiak
eragindako hondamendiren bat gertatzen bada, eta agintari politikoek hala eskatzen badute,
gainerako estatu kideek lagundu egin beharko diote. Horretarako, Kontseiluan estatu kideak
koordinatu egin beharko dira.
3. Europar erabaki bidez zehaztuko da Batasunak zein modalitate erabil dezakeen
elkartasun-klausula hau aplikatzeko. Kontseiluak hartuko du erabaki hori, Batzordeak eta
Batasuneko atzerri- eta segurtasun-politika erkideko goi-ordezkariak batera proposaturik.
Erabaki horrek defentsaren eremuan inolako eraginik badu, Kontseiluak Europar Batasunaren
Tratatuaren 31. artikuluko 1. paragrafoaren arabera hartuko ditu erabakiak. Europako
Parlamentuari horren berri emango zaio.
Paragrafo honen helburuetarako, eta 240. artikuluari kalterik egin gabe, Kontseiluak lagun
izango ditu, batetik, Politika eta Segurtasun Komitea, segurtasun- eta defentsa-politika
erkidearen esparruan sortutako egituren babesa eta guzti, eta, bestetik, 71. artikuluan jasotako
komitearen laguntza ere bai; hala dagokionean, irizpenak batera aurkeztuko dizkiote
Kontseiluari.
4. Batasunaren eta estatu kideen lana eraginkorra izango dela bermatzeko, Kontseilu
108
Europarrak aldian-aldian aztertuko ditu Batasunak dituen mehatxuak.
SEIGARREN ZATIA
INSTITUZIOEI ETA FINANTZEI BURUZKO XEDAPENAK
I. TITULUA
INSTITUZIOEI BURUZKO XEDAPENAK
1. KAPITULUA
INSTITUZIOAK
LEHENENGO ATALA
EUROPAKO PARLAMENTUA
223. artikulua
(lehengo 190. artikulua, 4. eta 5. paragrafoak, EET)
1. Europako Parlamentuak proiektu bat prestatuko du bere ordezkariak zuzeneko
sufragio unibertsalez hautatu ahal izateko beharrezkoak diren xedapenak ezartzeko asmoz,
hain zuzen estatu kide guztietarako berdina den prozedura baten arabera edo estatu kide
guztietarako jarritako printzipio bateratuen arabera hautatzeko.
Kontseiluak aho batez ezarriko ditu beharrezkoak diren xedapenak, legegintzako prozedura
berezi baten arabera, betiere, aurretiaz Europako Parlamentuak, bere kideen gehiengoaren
erabakiz onespena emanda. Xedapen horiek estatu kideek, bakoitzak bere konstituzioarauetan
ezarritakoari jarraituz, onartu ondoren sartuko dira indarrean.
2. Europako Parlamentuak bere ekimenez finkatuko ditu, legegintzako prozedura berezia
erabiliz onartutako erregelamenduen bidez, bertako kideen eginkizunak betetzeko baldintza
orokorrak eta estatutua, Batzordearen irizpena jaso ondoren, eta Kontseiluak onartuta. Bai
oraingo kideen zein aurretiko kideen zerga-araubideari buruzko arau eta baldintza guztiak
Kontseiluak erabakiko ditu aho batez.
224. artikulua
(lehengo 191. artikulua, 2. lerrokada, EET)
Legegintzako prozedura arruntaren arabera ezarriko dituzte Europako Parlamentuak eta
Kontseiluak, erregelamendu bidez, Europar Batasunaren Tratatuaren 10. artikuluko 4.
paragrafoan aipatzen diren Europa mailako alderdi politikoen estatutua eta, bereziki,
alderdion finantzaketari buruzko arauak.
225. artikulua
109
(lehengo 192. artikulua, 2. lerrokada, EET)
Europako Parlamentuak uste badu Batasunaren egintza bat behar dela gairen batean Tratatuak
aplikatzeko, bertako kideen gehiengoaren erabakiz, Batzordeari gai horri buruzko
proposamen egokiak egin ditzala eska diezaioke. Batzordeak ez badu proposamenik
aurkezten, Europako Parlamentuari jakinarazi beharko dizkio arrazoiak.
226. artikulua
(lehengo 193. artikulua EET)
Europako Parlamentuak, bere zereginak betetzean, eta bertako kideen laurdenek hala
eskatuta, ikerketarako aldi baterako batzordea eratu ahal izango du, Tratatuek beste instituzio
edo organoei emandako eskumenei kalterik egin gabe, Batasuneko Zuzenbidea
aplikatutakoan arau-hausterik edo administrazio okerrik egon den ikusteko aurkeztutako
alegazioak aztertzeko; salbu eta alegatutako egintzen gainean jurisdikzio-organoren batek
badihardu, horrelakoetan jurisdikzio-prozedura amaitu arte itxoingo baita.
Ikerketarako aldi baterako batzordeak txostena aurkezteaz batera desegingo da batzorde hori.
Europako Parlamentuak bere ekimenez onartutako erregelamenduen bidez zehaztuko ditu
ikerketarako eskubidea baliatzeko moduak, legegintzako prozedura berezia erabilita,
Batzordearen eta Kontseiluaren aldez aurreko onespenarekin.
227. artikulua
(lehengo 194. artikulua EET)
Batasuneko edozein herritarrek, eta estatu kideren batean bizi edo egoitza soziala daukan
edozein pertsona fisiko zein juridikok, berak bakarrik edo beste herritar edo pertsona
batzuekin elkartuta, eskubidea dauka Batasunaren jardun-eremuetako edozein gairi buruz
Europako Parlamentuari eskabidea aurkezteko, berari zuzenean dagokion gaia bada.
228. artikulua
(lehengo 195. artikulua EET)
1. Europako Parlamentuak Europako Arartekoa aukeratuko du; eta Batasuneko edozein
herritarren, edo estatu kideren batean bizi den edo egoitza soziala daukan edozein pertsona
fisiko edo juridikoren erreklamazioak jasotzeko ahalmena izango du Arartekoak, Batasuneko
instituzioen, organoen edo organismoen jardunean izandako administrazio txarreko kasuei
buruz; Europar Batasuneko Justizia Auzitegia salbuespen da bere jurisdikzioko eginkizunetan
diharduenean. Erreklamazio horiek aztertu eta irizpena emango du.
Arartekoak, bere xedean, bere ustez nahiko arrazoizkoak diren ikerketak egingo ditu, bai bere
ekimenez, bai zuzenean edo Europako Parlamentuko kide baten bidez jasotako
erreklamazioak oinarri direla, salbu eta alegatutako ekintza horiek jurisdikzio-prozeduraren
baten xede badira edo izan badira. Arartekoak administrazio okerreko kasuren bat egon dela
110
frogatzen badu, jakinaren gainean jarriko du dagokion instituzio, organo edo organismoa, eta
horrek hiru hilabeteko epea edukiko du Arartekoari bere jarrera azaltzeko. Ondoren,
Arartekoak txosten bat igorriko dio Europako Parlamentuari eta kasuan kasuko instituzio,
organo edo organismo horri Erreklamazioa egin duen pertsonari ikerketa horien emaitzaren
berri emango zaio.
Arartekoak urtero aurkeztuko dio Europako Parlamentuari berak egindako ikerketen
emaitzari buruzko txostena.
2. Europako Parlamentua hautatzen den bakoitzean eta hautatu ondoren izendatuko da
Arartekoa, legegintzaldi osorako. Agintaldia berritu egin daiteke.
Europako Parlamentuak eskatuta, Justizia Auzitegiak kargutik kendu lezake Arartekoa,
baldin eta Arartekoak bere eginkizunak betetzeko beharrezko baldintzak betetzeari utzi badio,
edo arau-hauste larriren bat egin badu.
3. Independentzia osoz beteko ditu Europako Arartekoak bere eginkizunak. Eginkizun
horiek betetzeko ez du eskatuko, ez eta onartuko ere, inongo gobernu, instituzio, organo edo
organismoren jarraibiderik. Arartekoa, bere agintaldian, ezin izango da beste inolako lanbidejardueratan
aritu, den ordaindua edo ordaindu gabea.
4. Europako Parlamentuak ezarriko ditu, legegintzako prozedura berezia erabilita bere
ekimenez onartutako erregelamenduen bidez, Arartekoaren eginkizunak betetzeko baldintza
orokorrak eta estatutua, Batzordearen irizpena jaso ondoren eta Kontseiluak onartuta.
229. artikulua
(lehengo 196. artikulua EET)
Europako Parlamentuak bilkura-aldi bat egingo du urtero. Aldez aurretiko deirik egin
beharrik gabe, martxoko bigarren asteartean bilduko da.
Europako Parlamentua ohiz kanpoko bilkura-aldi partzialean bildu ahal izango da, bertako
kideen gehiengoak, Kontseiluak edo Batzordeak eskatuta.
230. artikulua
(lehengo 197. artikulua, bigarren, hirugarren eta laugarren lerrokadak, EET)
Batzordea Europako Parlamentuaren bilkura guztietara joan ahal izango da eta haren aurrean
agertuko da, baldin eta hark eskatzen badio.
Europako Parlamentuak edo bertako kideek egindako galdera guztiei erantzungo die
Batzordeak hitzez edo idatziz.
Kontseilu Europarra eta Kontseilua Europako Parlamentuaren aurrean agertuko dira
Kontseilu Europarraren barne-erregelamenduak eta Kontseiluaren barne-erregelamenduak
111
ezarritako eran.
231. artikulua
(lehengo 198. artikulua EET)
Tratatuetan kontrakorik xedatu ezik, emandako botoen gehiengoz erabakiko du Europako
Parlamentuak.
Barne-erregelamenduak finkatuko du quoruma.
232. artikulua
(lehengo 199. artikulua EET)
Europako Parlamentuak bere barne-erregelamendua finkatuko du, Parlamentua osatzen duten
kideen gehiengoak onartuta.
Europako Parlamentuaren agiriak Tratatuetan eta erregelamendu horretan aurreikusitako
moduan argitaratuko dira.
233. artikulua
(lehengo 200. artikulua EET)
Europako Parlamentuak jendaurreko bilkuran eztabaidatuko du Batzordeak aurkeztuko dion
urteroko txosten orokorra.
234. artikulua
(lehengo 201. artikulua EET)
Europako Parlamentuak, Batzordearen kudeaketari buruzko zentsura-moziorik aurkezten
bazaio, mozioa aurkezten zaionetik gutxienez hiru egun igaro arte ezin izango du erabaki, eta
jendaurreko bozketan erabakiko du.
Baldin eta zentsura-mozioa onartu egiten bada emandako botoen bi hereneko gehiengoarekin,
eta gehiengo hori, aldi berean, Europako Parlamentua osatzen duten diputatuen gehiengoa
baldin bada, orduan, Batzordeko kideek beren karguak utzi beharko dituzte, guztiek batera,
eta Batasuneko atzerri- eta segurtasun-politika erkideko goi-ordezkariak utzi egin beharko du
Batzordean betetzen duen kargua. Hala ere, beren karguetan jarraituko dute eta ohiko
administrazio-gaiak kudeatzen jarraituko dute harik eta Europar Batasunaren Tratatuaren 17.
artikuluaren arabera ordezkatzen dituzten arte. Horrelakoetan, horiek ordezteko izendatutako
Batzordeko kideen agintaldia beren karguak utzi behar izan dituzten beste kide horien
agintaldia amaitzekoa zen egunean amaituko da.
BIGARREN ATALA
KONTSEILU EUROPARRA
112
235. artikulua
1. Kontseilu Europarreko kide bakoitzak, bozketa-kasuetan, beste kideetako bakar baten
ordezkotzan jardun ahal izango du.
Europar Batasunaren Tratatuaren 16. artikuluko 4. paragrafoa eta tratatu honen 238.
artikuluaren 2. paragrafoa Kontseilu Europarrari aplikatuko zaizkio, gehiengo kualifikatuz
erabakia hartzen duenean. Kontseilu Europarreko lehendakariak eta Batzordeko
lehendakariak ez dute parte hartuko Kontseilu Europarreko bozketetan, erabakiak bozketa
bidez hartzen dituenean.
Bertaratutako edo ordezkatutako kideen abstentzioa ez da eragozpen izango aho batez hartu
beharrekoak diren Kontseilu Europarraren akordioak hartzeko.
2. Kontseilu Europarrak Europako Parlamentuko lehendakaria gonbidatu ahal izango du
bere aurrean ager dadin.
3 Kontseilu Europarrak gehiengo soilez erabakiko du prozedura-gaiei buruz, eta,
halaber, gehiengo soilez onartuko bere barne-erregelamendua.
4. Kontseilu Europarrak Kontseiluko Idazkaritza Nagusiaren laguntza izango du.
236. artikulua
Kontseilu Europarrak gehiengo kualifikatuz hartuko ditu:
a) Gai Orokorren eta Atzerri Arazoen osaerez besteko Kontseiluaren osaerak jasotzen
dituen zerrenda ezartzen duen erabakia, Europar Batasunaren Tratatuaren 16.
artikuluko 6. paragrafoarekin bat etorriz;
b) Atzerri Arazoetakoaz besteko Kontseiluaren osaeretako lehendakaritzari buruzko
erabakia, Europar Batasunaren Tratatuaren 9. artikuluko 16. paragrafoaren arabera.
HIRUGARREN ATALA
KONTSEILUA
237. artikulua
(lehengo 204. artikulua EET)
Kontseiluko lehendakariak dei eginda bilduko da Kontseilua, lehendakariaren ekimenez,
kideetako batek eskatuta, edo Batzordeak eskatuta.
238. artikulua
(lehengo 205. artikulua, 1. eta 2. paragrafoak, EET)
113
1. Kontseiluak, erabaki bat gehiengo soilez hartu behar duenean, bera osatzen duten
kideen gehiengoz erabakiko du.
2. Europar Batasunaren Tratatuaren 16. artikuluko 4. paragrafoan xedatutakoa
gorabehera, 2014ko azaroaren 1etik aurrera, xedapen iragankorrei buruzko protokoloan
ezarritako xedapena aparte utzi gabe, Kontseiluak Batzordearen edo Batasuneko atzerri- eta
segurtasun-politika erkideko goi-ordezkariaren proposamenez erabakitzen ez duenean,
gehiengo kualifikatua honela definituko da: gutxienez Kontseiluko kideen % 72, gutxienez
estatu horietako biztanleriaren % 65 biltzen duena.
3. 2014ko azaroaren 1etik aurrera, xedapen iragankorrei buruzko protokoloan ezarritako
xedapenak aparte utzi gabe, tratatuak aplikatzearen ondorioz Kontseiluko kide guztiek parte
hartzen ez duten bozketen kasuetan, gehiengo kualifikatua honela definituko da:
a) Gehiengo kualifikatutzat joko da Kontseiluko kideen % 55 gutxienez lortzen denean,
baldin eta ehuneko horretan, gutxienez, partaide diren estatu kideetako biztanleriaren
% 65 ordezkatuta badago.
Blokeo-gutxiengo batek, berriz, Kontseiluko kideen gutxieneko kopurua batu beharko
du, parte hartzen duten estatu kideen biztanleriaren % 35 ordezkatzen duena, gehi kide
bat gutxienez; horrelakorik ezean, gehiengo kualifikatua lortutzat joko da.
b) Aurreko idatz-zatian xedatutakoa gorabehera, Kontseiluak Batzordearen edo
Batasuneko atzerri- eta segurtasun-politika erkideko goi-ordezkariaren proposamenez
jarduten ez duenean, eskatutako gehiengo kualifikatua honela definituko da: gutxienez
Kontseiluko kideen % 72, gutxienez estatu horietako biztanleriaren % 65 biltzen
duena.
4. Bildutako edo ordezkatutako kideen abstentzioek ez diote eragotziko Kontseiluari aho
batezkoak behar duten akordioak hartzea.
239. artikulua
(lehengo 206. artikulua EET)
Kontseiluko kide bakoitzak, bozketan, beste kideetako bakar baten ordezkotzan baino ezin du
jardun.
240. artikulua
(lehengo 207. artikulua EET)
1. Estatu kideetako Gobernuetako Ordezkari Iraunkorrek osatutako Komitea arduratuko
da Kontseiluaren lanak prestatzeaz eta Kontseiluak bere gain uzten dituen lanak egiteaz.
Komiteak prozeduraren gaineko erabakiak hartu ahal izango ditu, Kontseiluaren barneerregelamenduan
ezarritako kasuetan.
114
2. Idazkaritza Nagusi baten laguntza izango du Kontseiluak; Kontseiluak izendatutako
idazkari nagusi baten ardurapean egongo da Idazkaritza Nagusia.
Kontseiluak erabakiko du, gehiengo soilez, Idazkaritza Nagusiaren antolaketa.
3. Kontseiluak gehiengo soilez erabakiko du prozedura-gaiei buruz, eta, halaber,
gehiengo soilez onartuko bere barne-erregelamendua.
241. artikulua
(lehengo 208. artikulua EET)
Kontseiluak, gehiengo soilez, Batzordeari eskatu ahal izango dio helburu erkideak betetzeko
egoki iritzitako azterlan guztiak egin ditzan, eta egoki diren proposamenak aurkez diezazkion.
Baldin eta Batzordeak ez badu proposamenik aurkezten, horren arrazoiak jakinaraziko dizkio
Kontseiluari.
242. artikulua
(lehengo 209. artikulua EET)
Kontseiluak, gehiengo soilez, Batzordeari kontsulta egin ondoren, tratatuetan aurreikusitako
komiteen estatutuak ezarriko ditu.
243. artikulua
(lehengo 210. artikulua EET)
Kontseiluak ezarriko ditu soldatak, bidaia-sariak eta pentsioak, bai Kontseilu Europarreko
lehendakariarenak zein Batzordeko lehendakariarenak, bai Batasuneko atzerri- eta
segurtasun-politika erkideko goi-ordezkariarenak zein Batzordeko kideenak, bai Europar
Batasuneko Justizia Auzitegiko lehendakari, kide eta idazkarienak, bai eta Kontseiluaren
idazkari nagusiarenak ere. Lansari gisako beste edozein ordainketa ere finkatuko du.
LAUGARREN ATALA
BATZORDEA
244. artikulua
Europar Batasunaren Tratatuaren 17. artikuluko 5. paragrafoaren arabera, Kontseilu
Europarrean aho batez ezarritako berdintasunezko txandakatze-sistema bat erabiliko dute
Batzordeko kideak hautatzeko, honako printzipio hauetan oinarrituta:
a) Estatu kideak berdintasun zorrotzez tratatuko dira, beren herritarrak Batzordeko kide
izendatzeko txanda-hurrenkera eta igarotako denbora zehazteari dagokionez; ondorioz,
bi estatu kide jakinetako herritarrek betetzen dituzten agintaldien guztizko kopuruen
arteko aldea ezingo da inoiz izan batetik gorakoa.
115
b) denborak aurrera egin ahala sortuz joango diren Batzordeetako bakoitza, a) idatzzatian
xedaturikoari atxikiz, estatu kide guztien aniztasun demografiko eta geografikoa
behar bezala islatuta osatuko da.
245. artikulua
(lehengo 213. artikulua EET)
Batzordeko kideek ez dute parte hartuko beren eginkizunen izaerarekin bateraezina den ezein
egintzatan. Estatu kideek errespetatu egingo dute haien independentzia eta ez dira saiatuko
haiengan eragiten, haiek beren eginkizunetan ari direla.
Batzordeko kideak, beren agintaldian, ezin izango dira beste inolako lanbide-jardueratan
aritu, ordaindua izan zein ez. Epaileek, beren eginkizunei ekiten dietenean, beren kargutik
sortutako betebeharrak errespetatuko dituztela aginduko dute zinez, bai beren agintaldiak
dirauen artean eta bai hori amaitu eta gero ere, bereziki beren agintaldia amaitu eta gero
zenbait eginkizun edo onura onartzeko orduan zintzotasun- eta diskrezio-betebeharrak
betetzeko. Betebehar horiek bete ezean, Justizia Auzitegiak Batzordeko kide hori kargutik
kendu ahal izango du, 247. artikuluan jasotako eran, edo interesdunaren pentsiorako
eskubideaz edo horren ordezko beste edozein onuraz gabetu ahal izango du, Kontseiluak,
gehiengo soilez, edo Batzordeak hala eskatzen badiote.
246. artikulua
(lehengo 215. artikulua EET)
Aldikako berrikuntza-kasuak eta heriotza-kasuak albo batera utzita, Batzordeko kideen
agintaldia banan-banan amaituko da, bakoitzak bere borondatez kargua uzten duenean, edo
uztera behartzen denean.
Kargua bere borondatez utzi duen kide hori, edo kargua uztera behartu duten hori edo hil egin
den hori, nazionalitate bereko beste kide berri batek ordeztuko du agintaldia amaitzeko
geratzen den denboran; Kontseiluak izendatuko du, Batzordeko lehendakariarekin ados
jarrita, Europako Parlamentuari aurretiaz kontsulta eginda, eta Europar Batasunaren
Tratatuaren 17. artikuluaren 3. paragrafoaren bigarren lerrokadan ezarritako irizpideen
arabera.
Kontseiluak, aho batez eta Batzordeko lehendakariak proposatuta, ordezkapen hori ez egitea
erabaki ahal izango du, batez ere, hari zegokion agintaldia amaitzeko denbora gutxi geratzen
denean.
Lehendakariak kargua uzten duenean, kargutik kentzen denean, zein hiltzen denean,
agintaldia amaitzeko falta zaion denborarako ordezkatuko da. Eta Europar Batasunaren
Tratatuko 17. artikuluko 7. paragrafoko lehen lerrokadan aurreikusitako prozedura aplikatu
ahal izango da ordezkapen horretarako.
Batasuneko atzerri- eta segurtasun-politika erkideko goi-ordezkariak dimisioa aurkezten
116
badu, edo kargua uztera behartzen badute edo hil egiten bada, ordeztu egingo dute agintaldia
amaitzeko geratzen den denborarako, Europar Batasunaren Tratatuko 18. artikuluko 1.
paragrafoan ezarritakoaren arabera.
Baldin eta Batzordeko kide guztiek beren borondatez dimisioa aurkezten badute, karguan
jarraituko dute ohiko administrazio-kudeaketa egiten, harik eta agintaldia amaitzeko geratzen
den denborarako ordezten dituzten arte, Europar Batasunaren Tratatuaren 17. artikuluan
ezarritakoaren arabera.
247. artikulua
(lehengo 216. artikulua EET)
Kontseiluak, gehiengo soilez, edo Batzordeak eskatzen badute, Justizia Auzitegiak kargutik
kendu lezake Batzordeko edozein kide, baldin eta kide horrek bere eginkizunak betetzeko
beharrezko baldintzak betetzeari utzi badio, edo arau-hauste larriren bat egin badu.
248. artikulua
(lehengo 217. artikulua, 2. paragrafoa, EET)
Batzordeari dagozkion erantzukizunak Batzordeko lehendakariak egituratu eta banatuko ditu
Batzordeko kideen artean, Europar Batasunaren Tratatuaren 17. artikuluko 6. paragrafoan
xedatutakoaren arabera, eta tratatu horretako 18. artikuluko 4. paragrafoari kalterik egin gabe.
Lehendakariak bere agintaldian erantzukizun horiek behin baino gehiagotan berrantolatzeko
ahalmena du. Lehendakariak esleitu dizkien eginkizunak bete beharko dituzte Batzordeko
kideek, haren agintaritzapean.
249. artikulua
(lehengo 218. artikulua, 2. paragrafoa, eta 212. artikulua, EET)
1. Batzordeak barne-erregelamendu bat ezarriko du bere funtzionamendua eta bere
zerbitzuena ziurtatzeko. Batzordeak argitaratu egingo du erregelamendu hori.
2. Batzordeak urtero argitaratuko du Batasunaren jarduerei buruzko txosten orokorra,
Europako Parlamentuko bilkura-aldia ireki baino hilabete lehenago gutxienez.
250. artikulua
(lehengo 219. artikulua EET)
Batzordearen akordioak bertako kideen gehiengoz hartuko dira.
Barne-erregelamenduak ezarriko du zein quorum behar den.
BOSGARREN ATALA
EUROPAR BATASUNEKO JUSTIZIA AUZITEGIA
117
251. artikulua
(lehengo 221. artikulua EET)
Justizia Auzitegiak salatan edo sala handian eratuta jardungo du, Europar Batasuneko Justizia
Auzitegiaren estatutuan horretarako ezarritako arauekin bat etorriz.
Justizia Auzitegiak Osoko Bilkuran eratuta ere jardun lezake, estatutuak hala xedatzen
duenean.
252. artikulua
(lehengo 222. artikulua EET)
Justizia Auzitegiak zortzi abokatu nagusiren laguntza edukiko du. Justizia Auzitegiak
eskatzen badu, Kontseiluak, aho batez, abokatu nagusien kopurua gehitu dezake.
Abokatu nagusiaren eginkizuna hau izango da: inpartzialtasun eta independentzia osoz,
arrazoitutako ondorioak aurkeztea jendaurrean, Europar Batasuneko Justizia Auzitegiaren
estatutuaren arabera abokatu nagusiaren esku-hartzea behar duten auzien gainean.
253. artikulua
(lehengo 223. artikulua EET)
Batasuneko estatuetako gobernuek izendatuko dituzte Justizia Auzitegiko epaileak eta
abokatu nagusiak, gobernu guztiak ados jarrita, sei urterako; independentziaren berme osoa
eskaintzen duten eta, bakoitzak bere herrialdean, jurisdikzioko eginkizunik gorenak betetzeko
eskatutako baldintzak betetzen dituzten edo gaitasun frogatua duten legelarien artean
aukeratuko dira, 255. artikuluan adierazten den komiteari kontsulta egin ondoren.
Hiru urtetik behin aldatuko dira epaileak eta abokatu nagusiak, zatika, Europar Batasuneko
Justizia Auzitegiko estatutuan ezarritako eran.
Epaileek beren artean aukeratuko dute Justizia Auzitegiko lehendakaria, hiru urteko eperako.
Agintaldia berritu egin daiteke.
Berriro izendatu daitezke kargua uzten duten epaileak eta abokatu nagusiak.
Justizia Auzitegiak izendatuko du bertako idazkaria, eta Auzitegiak berak ezarriko du
idazkariaren estatutua.
Justizia Auzitegiak ezarriko du bere prozedura-erregelamendua. Erregelamendua Kontseiluak
onartu beharko du.
254. artikulua
(lehengo 224. artikulua EET)
118
Auzitegi Orokorreko epaile-kopurua Europar Batasuneko Justizia Auzitegiaren estatutuaren
bidez ezarriko da. Auzitegi Orokorrak abokatu nagusien laguntza eduki dezala xeda dezake
estatutuak.
Auzitegi Orokorreko kideak independentzia-bermerik gorena eskain dezaten pertsonen artean
aukeratuko dira, betiere goi jurisdikzioko funtzioak betetzeko beharrezko gaitasunaren jabe
badira. Estatu kideetako gobernuak ados jarrita izendatuko dira, sei urterako, 255. artikuluan
aipatzen den komiteari kontsulta egin ondoren. Hiru urterik behin berrituko da, zatika. Irteten
diren kideak berriz izendatu ahal izango dira.
Epaileek beren artean aukeratuko dute Auzitegi Orokorreko lehendakaria, hiru urterako.
Agintaldia berritu egin daiteke.
Auzitegi Orokorrak izendatuko du bertako idazkaria, eta Auzitegiak berak ezarriko du
idazkariaren estatutua.
Auzitegi Orokorrak bere prozedura-erregelamendua ezarriko du Justizia Auzitegiarekin ados
jarrita. Erregelamendua Kontseiluak onartu beharko du.
Europar Batasuneko Justizia Auzitegiaren estatutuan kontrakorik xedatu ezik, Tratatuetan
Justizia Auzitegiari buruz jarritako xedapenak Auzitegi Orokorrari aplikatu ahal izango
zaizkio.
255. artikulua
Komite bat eratuko da, hautagaiek Justizia Auzitegiko eta Auzitegi Orokorreko epaile eta
abokatu nagusien eginkizunak betetzeko duten egokitasunari buruz iritzia eman dezan estatu
kideetako gobernuek 253. eta 254. artikuluei jarraiki izendapenik egin baino lehen.
Komitea zazpi pertsonak osatuko dute; kideok Justizia Auzitegiko eta Auzitegi Orokorreko
kide ohien, estatu kideetako gorengo jurisdikzio-organoetako kideen eta ospe handiko
legelarien artean aukeratuko dira, eta horietako bat Europako Parlamentuak aukeratuko du.
Kontseiluak erabaki bat onartuko du komitearen funtzionamendu-arauak ezartzeko, eta beste
bat bertako kideak izendatzeko. Kontseiluak Justizia Auzitegiko lehendakariaren ekimenez
erabakiko du.
256. artikulua
(lehengo 225. artikulua EET)
1. Auzitegi Orokorrak izango du 263., 265., 268., 270. eta 272. artikuluetan agertzen
diren errekurtsoez lehen auzialdian arduratzeko eskumena; salbuespen izango dira, hala ere,
257. artikuluaren indarrez sortutako auzitegi espezializatu bati esleitutakoak eta estatutuak
Justizia Auzitegiarentzat gordetakoak. Estatutuak, bestalde, eskumenak eman ahal izango
dizkio Auzitegi Orokorrari beste errekurtso-kategoria batzuetan.
119
Idatz-zati honen indarrez Auzitegi Orokorrak emandako ebazpenen aurka kasazio-errekurtsoa
aurkeztu ahal izango zaio Justizia Auzitegiari, Zuzenbideko gaiei lotuta, estatutuan
finkatutako baldintzetan eta mugen barruan.
2. Auzitegi Orokorrak izango du auzitegi espezializatuen ebazpenen kontra aurkezten
diren errekurtsoez arduratzeko eskumena.
Idatz-zati honen indarrez Auzitegi Orokorrak emandako ebazpenak salbuespenez Justizia
Auzitegiak berraztertu ahal izango ditu, estatutuak finkatutako baldintzetan eta mugen
barruan, Batasuneko zuzenbidearen batasuna nahiz koherentzia hausteko arrisku larririk
badago.
3. Auzitegi Orokorrak izango du 267. artikuluaren indarrez aurkeztutako epaiketa
aurreko arazoez arduratzeko eskumena, betiere estatutuak zehaztutako gai zehatzetan.
Auzitegi Orokorrak, aldiz, gairen batek Batasuneko Zuzenbidearen batasunari edo
koherentziari eragin diezaiokeen printzipiozko ebazpenen bat behar duela irizten badio, gaia
Justizia Auzitegiari bidali ahal izango dio, azken horrek erabaki dezan.
Epaitu aurreko arazoez Auzitegi Orokorrak emandako ebazpenak Justizia Auzitegiak aztertu
ahal izango ditu aparteko izaeraz, estatutuak finkatutako baldintzetan eta bertan ezarritako
mugen barruan, baldin eta Batasuneko Zuzenbidearen batasuna edo koherentzia hausteko
arriskua larria bada.
257. artikulua
(lehengo 225 A artikulua EET)
Europako Parlamentuak eta Kontseiluak legegintzako prozedura arruntaren arabera, Auzitegi
Orokorrari atxikitako auzitegi espezializatuak sortu ahal izango dituzte, gai zehatz batzuei
buruz jarritako zenbait errekurtso-kategoriaz lehen auzialdian arduratu daitezen. Europako
Parlamentuak eta Kontseiluak erregelamenduen bitartez hartuko dituzte erabakiak, bai
Batzordearen proposamenez eta Justizia Auzitegiari aurretiaz kontsulta eginda, bai Justizia
Auzitegiaren eskariz eta Batzordeari aurretiaz kontsulta eginda.
Auzitegi espezializatua sortuko duen erregelamenduan bertan finkatuko dira auzitegi hori
osatzeko moduari buruzko arauak, eta bertan zehaztuko da salari emango zaizkion
eskumenen helmena ere.
Auzitegi espezializatuek emandako ebazpenen aurka kasazio-errekurtsoa jarri ahal izango
zaio Auzitegi Orokorrari, Zuzenbideko gaiei mugatuta; auzitegi espezializatua sortzeko
erregelamenduan jasota badago, gertakariei buruz ere jar daiteke errekurtso hori.
Auzitegi espezializatuetako kideak independentzia-bermerik gorena eskain dezaten pertsonen
artean aukeratuko dira, betiere jurisdikzioko funtzioak betetzeko beharrezko gaitasunaren
jabe badira. Kontseiluak izendatuko ditu, aho batez.
120
Auzitegi espezializatuek Justizia Auzitegiarekin bat etorriz onartuko dute beren prozeduraerregelamendua.
Erregelamendua Kontseiluak onartu beharko du.
Auzitegi espezializatua sorrarazten duen erregelamenduak bestela xedatu ezean, Europar
Batasuneko Justizia Auzitegiari buruz tratatuetan dauden xedapenak eta Europar Batasuneko
Justizia Auzitegiaren estatutuko xedapenak auzitegi espezializatuei aplikatuko zaizkie.
Estatutuko I. titulua eta 64. artikulua beti aplikatuko zaizkie auzitegi espezializatuei.
258. artikulua
(lehengo 226. artikulua EET)
Batzordearen ustez estatu kideren batek Tratatuen indarrez dagokion betebeharren bat bete
gabe utzi badu, irizpen arrazoitua emango du gai horren gainean, aipatutako estatuari bere
oharpenak aurkezteko aukera eman ondoren.
Baldin eta estatu hori, Batzordeak zehaztutako epean, irizpen horretara lotzen ez bada,
Europar Batasuneko Justizia Auzitegira jo dezake Batzordeak.
259. artikulua
(lehengo 227. artikulua EET)
Edozein estatu kidek jo dezake Europar Batasuneko Justizia Auzitegira, baldin eta beste
estatu kideren batek Tratatuen indarrez dagokion betebeharren bat bete gabe utzi duela uste
badu.
Estatu kideren baten ustez beste estatu batek tratatuen indarrez dagokion betebeharren bat
bete gabe utzi badu, Batzordeari aurkeztu behar dio auzia, beste estatu kide horren aurka
errekurtsoa jarri aurretik.
Batzordeak irizpen arrazoitua emango du, interesa daukaten estatuek kontraesan-prozeduraz,
bai idatziz eta bai hitzez, beren oharpenak egiteko aukera izan eta gero.
Irizpena eskatzen denetik hiru hilabeteko epean Batzordeak irizpenik ematen ez badu,
irizpenik eza ez da eragozpen izango Auzitegira jotzeko.
260. artikulua
(lehengo 228. artikulua EET)
1. Baldin eta estatu kideren batek Tratatuen indarrez dagozkion betebeharretakoren bat
bete gabe utzi duela deklaratzen badu Europar Batasuneko Justizia Auzitegiak, Auzitegiaren
epaia betetzeko beharrezko neurriak hartu beharko ditu estatu horrek.
2. Batzordeak irizten badio dagokion estatu kideak ez dituela hartu Auzitegiaren epaia
betetzeko beharrezkoak diren neurriak, Europar Batasuneko Justizia Auzitegiari aurkeztu ahal
121
izango dio auzia, aipatutako estatuari bere oharrak aurkezteko aukera eman ondoren.
Batzordeak zehaztuko du zein den, inguruabarren arabera Batzordeak egoki iritzi, eta estatu
kide horrek ordaindu behar duen oro harreko zenbatekoaren edo hertsatzeko isunaren
zenbatekoa.
Baldin eta Auzitegiak deklaratzen badu estatu kide horrek ez duela Auzitegiaren epaia bete,
oro harreko zenbateko bat edo hertsatzeko isun bat ordaindu beharra ezarri ahal izango dio.
Prozedura hori ez da izango 259. artikuluan xedatutakoaren aurkakoa
3. Batzordeak, 258. artikulua betez, errekurtso bat aurkezten badu Europar Batasuneko
Justizia Auzitegian, Batzordearen ustez dagokion estatu kideak ez duelako bete legegintzako
prozedura baten arabera onartutako zuzentarau baten transposizioa egiteko neurrien berri
emateko betebeharra, bada, Batzordeak, egoki iritziz gero, estatu kide horrek ordaindu behar
duen oro harreko zenbatekoa edo hertsatzeko isunaren zenbatekoa adieraz dezake; zenbateko
hori inguruabarrei egokitu behar zaie Batzordearen iritziz.
Auzitegiak egiaztatuz gero ez dela eginbehar hori bete, oro harreko zenbateko bat edo
hertsatzeko isun bat ordaindu beharra ezar diezaioke estatu kideari, Batzordeak zenbateko
horrentzat adierazitako mugen barruan. Ordaintzeko betebeharra Auzitegiak epaian ezarritako
egunean hasiko da eragina izaten.
261. artikulua
(lehengo 229. artikulua EET)
Europako Parlamentuak eta Kontseiluak batera edo Kontseiluak berak Tratatuetako
xedapenen indarrez onartutako erregelamenduen bidez, jurisdikzioko eskumen osoa eman
dakioke Europar Batasuneko Justizia Auzitegiari erregelamendu horietan aurreikusitako
zigorrei dagokienez.
262. artikulua
(lehengo 229 A artikulua EET)
Tratatuetako gainerako xedapenei kalterik egin gabe, Kontseiluak, aho batez, legegintzako
prozedura berezi baten arabera eta Europako Parlamentuari kontsulta egin ondoren, tratatuak
oinarri direla jabetza intelektualeko edo industrialeko europar tituluak sortzeko egindako
egintzen aplikazioari buruzko auziak erabakitzeko eskumena Europar Batasuneko Justizia
Auzitegiari emateko xedapenak onar ditzake, Kontseiluak zehaztutako neurrian eman ere.
Xedapen horiek estatu kideek, bakoitzak bere konstituzio-arauetan ezarritakoari jarraituz,
onartzen dituztenean sartuko dira indarrean.
263. artikulua
(lehengo 230. artikulua EET)
Europar Batasuneko Justizia Auzitegiak ondokoen legezkotasuna kontrolatuko du: lege122
egintzena; Kontseiluaren, Batzordearen eta Europako Banku Zentralaren egintzena,
gomendioak edo irizpenak ez badira; eta hirugarrenen aurrean ondorio juridikoak
sorrarazteko diren Europako Parlamentuaren eta Kontseilu Europarraren egintzena ere bai.
Batasuneko organo edo organismoek hirugarrenen aurrean ondorio juridikoak sorrarazteko
onartuko dituzten egintzen legezkotasuna ere kontrolatuko dute.
Horretarako, estatu kideren batek, Europako Parlamentuak, Kontseiluak edo Batzordeak
jarritako errekurtsoei buruz ebazteko eskumena izango du Europar Batasuneko Justizia
Auzitegiak, errekurtsoak ondorengo arrazoiengatik jarri badira: eskumenik eza, formazko
funtsezko akatsak, Tratatuak urratzea, edo Tratatuak betetzeko edozein arau juridiko haustea,
edo boterea desbideratzea.
Europar Batasuneko Justizia Auzitegiak, baldintza berberetan, Kontu Auzitegiak eta
Europako Banku Zentralak eta Eskualdeetako Komiteak beren prerrogatibak babesteko
jarritako errekurtsoei buruz erabakitzeko eskumena edukiko du.
Pertsona fisiko edo juridiko orok jar ditzake errekurtsoak, lehenengo eta bigarren
lerrokadetan aurreikusten diren baldintzetan, pertsona horri zuzendutako egintzen kontra edo
berari zuzenean eta bakarrean eragiten diotenen kontra, eta berari zuzenean eragiten dioten
eta betearazteko neurririk ez duten erregelamenduzko egintzen kontra ere bai.
Batasuneko organoak edo organismoak sortzeko egintzetan, baldintza eta prozedura zehatzak
jaso daitezke pertsona fisiko edo juridikoek organo edo organismo horien egintzen aurka
jarritako errekurtsoentzat baldin eta egintzok ondorio juridikoak sorrarazten badituzte
haiengan.
Artikulu honetan aurreikusitako errekurtsoak bi hilabeteko epean aurkeztu behar dira, kasuen
arabera, egintza argitaratu zenetik, errekurtso-jartzaileari jakinarazi zitzaionetik, edo,
jakinarazpenik egin ezean, errekurtso-jartzaileak horren berri izan duenetik kontatzen hasita.
264. artikulua
(lehengo 231. artikulua EET)
Errekurtsoak oinarririk badauka, aurkapena jasotako egintza hori deuseza eta inolako baliorik
eta ondoriorik gabea dela deklaratuko du Europar Batasuneko Justizia Auzitegiak.
Halere, beharrezkoa irizten badio, Auzitegiak adierazita utziko du deusez deklaratutako
egintzatik zein ondorio hartu behar diren behin betikotzat.
265. artikulua
(lehengo 232. artikulua EET)
Baldin eta, Tratatuak urratuz, Europako Parlamentuak, Kontseilu Europarrak, Kontseiluak,
Batzordeak edo Europako Banku Zentralak erabakitzeari huts egiten badiote, estatu kideek
eta Batasuneko gainerako instituzioek Europar Batasuneko Justizia Auzitegian errekurtsoa
123
aurkeztu ahal izango dute, urratze hori gertatu dela deklaratzeko. Erabakitzeari huts egiten
dioten Batasuneko organo eta organismoei aplikatuko zaie artikulu hau, baldintza berberetan.
Kasuan kasuko instituzio, organo edo organismoari jardun dezala aurrez eskatu zaionean,
orduan bakarrik onartu ahal izango da errekurtso hori. Errekerimendu horren ondoren bi
hilabeteko epea igarota, instituzio, organo edo organismoak bere jarrera zehaztu ez badu, bi
hilabeteko beste epe bat izango da errekurtsoa aurkeztu ahal izateko.
Edozein pertsona fisiko edo juridikok kexa-errekurtsoa jar diezaioke Auzitegiari, aurreko
lerrokadetan aipatutako baldintzetan, Batasuneko instituzioetako batek edo organo edo
organismoetako batek gomendioa edo irizpena ez den beste inolako egintzarik zuzendu ez
diolako.
266. artikulua
(lehengo 233. artikulua EET)
Instituzio, organo edo organismo batek erabakitzeari huts egin izana Tratatuen kontrakoa dela
deklaratu denean, edo sortu duen egintza bat deuseztatu denean, nahitaez hartu beharko ditu
Europar Batasuneko Justizia Auzitegiaren epaia betetzeko hartu beharreko neurriak.
Betebehar hori ez doa 340. artikuluko bigarren lerrokada aplikatzetik sor daitekeenaren
kontra.
267. artikulua
(lehengo 234. artikulua EET)
Europar Batasuneko Justizia Auzitegiak eskumena dauka, epaitu aurreko arazoen kasuan,
ebazpena emateko:
a) Tratatuen interpretazioaz
b) Batasuneko instituzio, organo edo organismoek onartutako egintzen baliozkotasunaz
eta interpretazioaz.
Estatu kideren bateko jurisdikzio-organoren bati era horretako arazoren bat aurkezten bazaio,
organo horrek, bere epaitza emateko beharrezkotzat jotzen badu gaiaren gaineko erabakiren
bat, Auzitegiari eska diezaioke arazoaz erabaki bat hartzeko.
Estatu barruko jurisdikzio-organo batean oraindik erabaki gabe dagoen gai baten gainean era
horretako arazoren bat aurkezten denean, eta organo horren ebazpenek barne-zuzenbidean
ezin badute gero beste auzi-bidezko errekurtsorik jaso, Auzitegiaren menpe jarri behar du
auzia organo horrek.
Estatu barruko jurisdikzio-organo batean oraindik erabaki gabe dagoen gai baten gainean era
horretako arazoren bat aurkezten denean askatasun-gabetuta dagoen pertsona bati buruz,
124
Europar Batasuneko Justizia Auzitegiak albait arinen erabaki behar du.
268. artikulua
(lehengo 235. artikulua EET)
Europar Batasuneko Justizia Auzitegia izango da 340. artikuluko bigarren eta hirugarren
lerrokadan aipatutako kalte-ordainei buruzko auziez arduratzeko eskumena edukiko duena.
269. artikulua
Justizia Auzitegiak dauka Kontseilu Europarrak edo Kontseiluak Europar Batasunaren
Tratatuaren 7. artikuluaren indarrez onartutako egintza baten legezkotasunari buruz
erabakitzeko eskumena, baina soilik Kontseilu Europarraren edo Kontseiluaren
egiaztapenaren xede den estatu kideak eskatuta, eta bakarrik aipatutako artikulu horretan
zehaztutako prozedurako xedapenak errespetatu diren ebazteko.
Eskaera hori aurkezteko hilabeteko epea dago, egiaztapenetik zenbatzen hasita. Auzitegiak
hilabeteko epean erabakiko du, eskaera egiten denetik zenbatzen hasita.
270. artikulua
(lehengo 236. artikulua EET)
Europar Batasuneko Justizia Auzitegiak dauka Batasunaren eta bere agenteen artean sor
daitezkeen auzietan erabakitzeko eskumena, Batasuneko funtzionarioen estatutuak eta
Batasuneko beste agenteei aplikatu beharreko erregimenak ezartzen dituzten muga eta
baldintzekin.
271. artikulua
(lehengo 237. artikulua EET)
Europar Batasuneko Justizia Auzitegia izango da auzi hauei buruz erabakitzeko eskumena
edukiko duena, jarraian aipatzen diren mugen barruan nolanahi ere:
a) Europako Inbertsio Bankuaren estatutuen ondorioz, estatu kideek dituzten
betebeharrak bete ote dituzten erabakitzeko. Gai horri buruz, 258. artikuluak
Batzordeari esleitzen dizkion eskumenak edukiko ditu Bankuko administraziokontseiluak;
b) Bankuko gobernadore-kontseiluaren akordioez erabakitzeko. Gai honen gainean, bai
edozein estatu kidek, bai Batzordeak eta Bankuko administrazio-kontseiluak jar
ditzakete errekurtsoak, 263. artikuluan aurreikusitako baldintzetan;
c) Bankuko administrazio-kontseiluaren akordioez erabakitzeko. Akordio horien kontra,
Erkidegoko estatuek edo Batzordeak baino ezin dute errekurtsorik jarri 263. artikuluan
ezarritako baldintzetan, eta Bankuko estatutuetako 19. artikuluko 2., 5., 6. eta 7.
125
paragrafoetan aurreikusitako formazko akatsen bat dela-eta bakarrik.
d) Tratatuen eta BZESko eta EBZeko estatutuen ondorioz estatu bakoitzeko Banku
Zentralek dauzkaten betebeharrak bete ote dituzten erabakitzeko. Gai horri buruz, 258.
artikuluak estatu kideak direla-eta Batzordeari ematen dizkion ahalak edukiko ditu
Europako Banku Zentraleko Gobernu Kontseiluak, estatuetako banku zentralen
gainetik. Baldin eta estatu kideren bateko banku zentralak Tratatuen indarrez
dagozkion betebeharretakoren bat bete gabe utzi duela deklaratzen badu Auzitegiak,
Auzitegiaren epaia betetzeko beharrezko neurriak hartu beharko ditu banku horrek.
272. artikulua
(lehengo 238. artikulua EET)
Europar Batasuneko Justizia Auzitegiak epaitzeko eskumena edukiko du, Batasunak nahiz
Batasunaren kontura egindako Zuzenbide publiko zein Zuzenbide pribatuko kontratu batean
jasotako konpromiso-klausula baten indarrez.
273. artikulua
(lehengo 239. artikulua EET)
Tratatuen xedea dela-eta Erkidegoko estatuen artean sortutako edozein eztabaidaz
erabakitzeko eskumena dauka Justizia Auzitegiak, konpromiso baten indarrez berari
aurkezten bazaio eztabaida hori.
274. artikulua
(lehengo 240. artikulua EET)
Tratatuek Europar Batasuneko Justizia Auzitegiari emandako eskumenei kalterik egin gabe,
Batasuna alderdietako bat dela sortutako auziak, alderdi denez, ezin izango dira estatuen
jurisdikziokoak diren eskumenetatik kanpo utzi.
275. artikulua
Europar Batasuneko Justizia Auzitegiak ez du edukiko eskumenik atzerri- eta segurtasunpolitika
erkidearen inguruko xedapenez erabakitzeko, ez horretan oinarrituta onartutako
egintzei buruz erabakitzeko ere.
Nolanahi ere, Justizia Auzitegiak izango du eskumena Europar Batasunaren Tratatuko 40.
artikulua errespetatzen dela kontrolatzeko, eta tratatu honetako 263. artikuluko laugarren
lerrokadan adierazten diren baldintzetan aurkezten diren errekurtsoez erabakitzeko ere bai.
Errekurtso horiek Kontseiluak, Europar Batasunaren Tratatuko V. tituluko 2. kapituluari
jarraiki, pertsona fisiko edo juridikoen ahalmenak gutxitzeko neurriak ezartze aldera onartzen
dituen erabakien legezkotasunaren kontrolari buruzkoak izango dira.
276. artikulua
126
Askatasun-, segurtasun- eta justizia-esparruari buruzko hirugarren zatiko V. tituluko 4. eta 5.
kapituluetako xedapenak direla-eta dituen eskurantzak gauzatzean, Europar Batasuneko
Justizia Auzitegiak ez dauka eskumenik estatu kideren bateko poliziak edo legea
aplikarazteko ardura daukaten beste zerbitzuek egindako operazioen baliozkotasuna edo
heinekotasuna kontrolatzeko, ezta estatu kideek ordena publikoa zaintzeko eta barnesegurtasuna
babesteko dituzten erantzukizunak betetzean egindakoez erabakitzeko ere.
277. artikulua
(lehengo 241. artikulua EET)
263. artikuluko seigarren lerrokadan jasotako epea amaituta egon arren, Batasuneko
instituzio, organo edo organismo batek onartutako helmen orokorreko egintzaren bat auzitan
jartzen duen auziren batean alderdi den edonork jo ahal izango du Europar Batasuneko
Justizia Auzitegira, 263. artikuluko bigarren lerrokadan jasotako arrazoiak direla-eta egintza
hori aplika ezinezkoa dela alegatuz.
278. artikulua
(lehengo 242. artikulua EET)
Europar Batasuneko Justizia Auzitegiari aurkeztutako errekurtsoek ez dute etete-ondoriorik
edukiko. Hala ere, Auzitegiak, horrela egitea eskatzen duten inguruabarrak daudela irizten
badio, aurkaturiko egintza etetea agindu ahal izango du.
279. artikulua
(lehengo 243. artikulua EET)
Europar Batasuneko Justizia Auzitegiak beharrezkoak diren behin-behineko neurriak har
ditzake berari aurkeztutako arazoetan.
280. artikulua
(lehengo 244. artikulua EET)
Europar Batasuneko Justizia Auzitegiaren epaiek betearazteko indarra edukiko dute 299.
artikuluak ezarritako baldintzetan.
281. artikulua
(lehengo 245. artikulua EET)
Europar Batasuneko Justizia Auzitegiaren estatutua aparteko protokolo batean finkatuko da.
Europako Parlamentuak eta Kontseiluak estatutuaren xedapenak aldatu ahal izango dituzte,
legegintzako prozedura arruntaren bidez, I. titulua eta 64. artikulua izan ezik. Europako
Parlamentuak eta Kontseiluak erabakiak hartuko dituzte bai Justizia Auzitegiaren eskariz eta
Batzordeari aurretiaz kontsulta eginda, bai Batzordearen proposamenez eta Justizia
Auzitegiari aurretiaz kontsulta eginda.
127
SEIGARREN ATALA
EUROPAKO BANKU ZENTRALA
282. artikulua
1. Europako Banku Zentralak eta estatu kideetako banku zentralek osatuko dute Banku
Zentralen Europako Sistema (BZES). Europako Banku Zentralak eta diru gisa euroa
darabilten estatu kideetako banku zentralek, horiek osatzen baitute Eurosistema, Batasunaren
diru-politika zuzenduko dute.
2. Europako Banku Zentralaren artezkaritza-organoek zuzenduko dute BZES. Prezioen
egonkortasunari eustea izango da BZESren helburu nagusia Helburu horri kalterik egin gabe,
Batasunaren ekonomia-politika orokorrei ere laguntza emango die, Batasunaren helburuak
lortzen laguntzeko.
3. Europako Banku Zentralak nortasun juridikoa edukiko du. Berari dagokio, ez beste
inori, euroa jaulkitzeko baimena ematea. Independentziaz jokatuko du bere eskumenak
baliatzean eta bere finantzak kudeatzean. Batasuneko instituzio, organo zein organismoek,
baita estatu kideetako gobernuek ere, errespetatu egin behar dute independentzia hori.
4. Europako Banku Zentralak beharrezko diren neurri guztiak hartuko ditu bere
betebeharrak betetzeko, betiere, 127tik 133ra bitarteko artikuluetan eta 138. artikuluan
jasotakoarekin bat, eta BZESren eta EBZaren estatutuen arabera. Artikulu horien arabera,
diru gisa euroa ez darabilten estatu kideek eta estatu horietako banku zentralek beren
eskumenei eutsiko diete diru-eremuan.
5. Europako Banku Zentralari kontsulta egingo zaio, bere eskurantzei dagozkien
eremuetan, Batasunaren egintza-proiektu guztiei buruz, baita estatu-eremuko araudi-proiektu
guztiei buruz ere; Bankuak irizpenak eman ahal izango ditu.
283. artikulua
(lehengo 112. artikulua EET)
1. Europako Banku Zentraleko Gobernu Kontseilua Europako Banku Zentraleko
Batzorde Betearazleko kideek eta diru gisa euroa darabilten estatu kideetako banku
zentraletako gobernadoreek osatuko dute.
2. Batzorde Betearazlea lehendakariak, lehendakariordeak eta beste lau kidek osatuko
dute.
Lehendakaria, lehendakariordea eta Batzorde Betearazleko gainerako kideak Kontseilu
Europarrak izendatuko ditu, gehiengo kualifikatuz, diru-gaietan edo bankuko gaietan ospe
handia eta lanbide-esperientzia zabala lortu duten pertsonen artean, Kontseiluaren gomendioz
128
eta Europako Parlamentuari eta Europako Banku Zentraleko Gobernu Kontseiluari aurretiaz
kontsulta eginda.
Kideon agintaldia zortzi urtekoa izango da, eta ezin izango da berritu.
Estatu kideetako herritarrak baino ezin dira izan Batzorde Betearazleko kide.
284. artikulua
(lehengo 113. artikulua EET)
1. Kontseiluko lehendakariak eta Batzordeko kide batek Europako Banku Zentraleko
Gobernu Kontseiluaren bileretan parte hartu ahal izango dute, baina boto-eskubiderik gabe.
Kontseiluko lehendakariak mozioa aurkeztu ahal izango dio Europako Banku Zentraleko
Gobernu Kontseiluari, eztabaida dezan.
2. BZESren helburuei eta eginkizunei buruzko gaiak eztabaidatzeko diren Kontseiluko
bileretan parte hartzeko gonbitea egingo zaio Europako Banku Zentraleko lehendakariari.
3. Europako Banku Zentralak urtero txostena bidaliko die Europako Parlamentuari,
Kontseiluari eta Batzordeari, baita Kontseilu Europarrari ere, BZESren jarduerak eta aurreko
urteko eta urte bereko diru-politikak direla-eta. Europako Banku Zentraleko lehendakariak
aurkeztuko die txosten hori Kontseiluari eta Europako Parlamentuari, eta eztabaida orokorra
sortarazi dezake Parlamentuak oinarri horren gainean.
Europako Parlamentuan eskumenak dauzkaten batzordeek Europako Banku Zentraleko
lehendakariari eta Batzorde Betearazleko kideei entzun ahal izango diete, Europako
Parlamentuak eskatuta edo beren ekimenez.
ZAZPIGARREN ATALA
KONTUEN AUZITEGIA
285. artikulua
(lehengo 246. artikulua EET)
Fiskalizazioa, edo Batasunaren kontuen kontrola, Kontuen Auzitegiak egingo du.
Estatu kide bakoitzeko herritar banak osatuko dute Kontu Auzitegia. Kontu Auzitegiko
kideek independentzia osoz beteko dituzte beren eginkizunak, Batasunaren interes
orokorraren alde.
286. artikulua
(lehengo 247. artikulua EET)
1. Estatu bakoitzean kanpo-kontroleko instituzioetan parte hartzen ari diren edo aritu
129
izan diren, zein eginkizun horretarako berariaz prestatutako pertsonen artean hautatuko dira
Kontu Auzitegiko kideak. Independentzia-berme osoa agertu behar dute pertsona horiek.
2. Sei urterako izendatuko dira Kontu Auzitegiko kideak. Kontseiluak Europako
Parlamentuari kontsulta egin ondoren onartuko du estatu kide bakoitzak aurkeztutako
proposamenen arabera ezarritako kide-zerrenda. Kontu Auzitegiko kideen agintaldia berritu
egin ahal izango da, amaitutakoan.
Kideek hautatuko dute Kontu Auzitegiko lehendakaria, beren artean, hiru urterako.
Agintaldia berritu egin daiteke.
3. Kontu Auzitegiko kideek, beren eginkizunak betetzean, ezin dute eskatu ez onartu
inongo gobernuren ez inongo organismoren jarraibiderik. Beren eginkizunekin bateragarri ez
den egintza oro albo batera utziko dute.
4. Kontu Auzitegiko kideek, beren agintaldian, ezin izango dute beste inolako lanbidejarduerarik
burutu, ez ordaindutakorik, ez ordaindu gaberik. Epaileek, beren eginkizunei
ekiten dietenean, zinez aginduko dute beren kargutik sortutako betebeharrak errespetatuko
dituztela, bereziki beren agintaldia amaitu eta gero zenbait eginkizun edo onura onartzeko
orduan erakutsi beharreko zintzotasun- eta diskrezio-eginbeharrak, bai beren agintaldiak
dirauen artean eta bai hori amaitu eta gero ere.
5. Aldikako berrikuntza-kasuak eta heriotza-kasuak albo batera utzita, Kontuen
Auzitegiko kideen agintaldia banan-banan amaituko da, bakoitzak bere borondatez kargua
uzten duenean edo 6. paragrafoan xedatutakoarekin bat etorriz Justizia Auzitegiak kargua
uztera behartzen duenean.
Agintaldia amaitzeko falta zaion denborarako ordezkatuko da interesduna.
Kargua uzten den kasuetan izan ezik, Kontu Auzitegiko kideek karguetan jarraituko dute
harik eta ordezkatuak izan arte.
6. Kontuen Auzitegiko kideak beren eginkizunetatik kentzeko edota pentsioa edo
ordezko beste edozein onura jasotzeko eskubiderik gabe uzteko, kide horiek beharrezko
baldintzak betetzeari utzi diotela edo beren karguen ondoriozko betebeharrak ez dituztela bete
adierazi beharko du Justizia Auzitegiak, Kontuen Auzitegiaren eskariz.
7. Kontseiluak finkatuko ditu Kontu Auzitegiko lehendakariaren eta kideen soldatak,
sariak eta pentsioak. Lansari gisako beste edozein ordainketa ere finkatuko du.
8. Europar Batasuneko Justizia Auzitegiko epaileei aplika dakizkiekeen Europako
Batasunaren pribilejio eta immunitateei buruzko protokoloko xedapenak aplikatuko zaizkie
Kontuen Auzitegiko kideei ere.
287. artikulua
130
(lehengo 248. artikulua EET)
1. Kontu Auzitegiak aztertuko ditu Batasunaren sarrera eta gastu guztien kontuak.
Batasunak sortutako edozein organo edo organismoren sarrera eta gastu guztien kontuak ere
aztertuko ditu, baldin eta organo edo organismo hori eratzeko egintzan azterketa-modu hori
baztertzen ez bada.
Kontu Auzitegiak adierazpena aurkeztuko die Europako Parlamentuari eta Kontseiluari
kontuen fidagarritasunari buruz eta dagozkien eragiketen legezkotasunari eta zuzentasunari
buruz; adierazpen hori Europar Batasunaren Egunkari Ofizialean argitaratuko da.
Batasunaren jardunaren eremu nagusi bakoitzari buruzko ohar zehatzekin osa daiteke arestian
aipatutako adierazpena.
2. Kontu Auzitegiak sarreren eta gastuen legezkotasuna eta zuzentasuna aztertuko ditu,
baita finantzen kudeaketa ona bermatu ere. Hori egitean, bereziki, irregulartasun kasu guztien
berri emango du.
Likidazioak eta Batasunari emandako kopuruak oinarri direla egingo da sarreren kontrola.
Bereganatutako konpromisoak eta egindako ordainketak oinarri direla egingo da gastuen
kontrola.
Kontrol-mota biak dena delako aurrekontu-ekitaldiko kontuak itxi aurretik egin daitezke.
3. Kontabilitateko agirietan oinarrituta egingo da kontrola, eta, beharrezkoa bada,
Batasuneko beste instituzioen bulegoetan, Batasunaren izenean sarrerak edo gastuak
kudeatzen dituen edozein organo edo organismoren bulegoetan eta estatu kideetan,
aurrekontuko funtsak jasotzen dituen edozein pertsona fisiko zein juridikoren bulegoak
barnean hartuta. Kontrola, estatu kideetan, estatuko kontrol-instituzioekin lankidetzan arituz
egingo da, edo, instituzio horiek beharrezko eskumenik ez badaukate, estatuan eskumenak
dauzkaten zerbitzuekin lankidetzan arituz. Kontu Auzitegia eta estatu kideetako
kontrol-instituzioak lankidetzan arituko dira, elkarrenganako konfiantzaz, eta
independentziari eutsiz. Instituzio edo zerbitzu horiek, baldin eta aipatutako kontrola egiten
parte hartzeko asmorik badaukate, Kontu Auzitegiari jakinarazi behar diote.
Kontu Auzitegiak eskatuta, bere eginbeharrak betetzeko beharrezko dituen agiri edo
informazio guztiak emango dizkiote auzitegi horri Batasuneko beste instituzioek,
Batasunaren izenean sarrerak eta gastuak kudeatzen dituzten organo edo organismo guztiek,
aurrekontuko funtsak jasotzen dituzten pertsona fisiko zein juridiko guztiek, eta estatuko
kontrol-instituzioek, edo, instituzio horiek beharrezko eskumenik ez badaukate, estatuan
eskumenak dauzkaten zerbitzuek.
Batasunaren sarrerak eta gastuak kudeatzean Europako Inbertsio Bankuak duen jardunari
dagokionez, Bankuaren informazioetara iristeko Auzitegiak daukan eskubidea Auzitegiaren,
Bankuaren eta Batzordearen artean lotutako akordioan arautuko da. Akordio hori lortu ez
131
arren, Bankuak kudeatutako Batasunaren sarrerak eta gastuak kontrolatzeko beharrezko
informazioetara iritsi ahal izango da Auzitegia.
4. Kontu Auzitegiak, ekitaldi bakoitza itxi eta gero, urteko txostena egingo du. Txosten
hori Batasuneko instituzioetara bidaliko da eta Europar Batasunaren Egunkari Ofizialean
argitaratuko da, Kontu Auzitegiak egindako oharrei instituzio horiek emandako erantzunekin
batera.
Kontu Auzitegiak, halaber, noiznahi aurkez ditzake bere oharpenak, arazo partikularrei
buruzko txosten bereziak eginez, eta irizpenak ere eman ditzake, Batasuneko gainerako
instituzioetakoren batek eskatuta.
Kontu Auzitegiak bere urteko txostenak, txosten bereziak edo irizpenak onartzeko, auzitegia
osatzen duten kideen gehiengoa behar du. Hala ere, salak sor ditzake bere baitan, zenbait
txosten- edo irizpen-kategoria onartzeko, Auzitegiaren barne-erregelamenduan aurreikusitako
baldintzetan.
Kontu Auzitegiak Europako Parlamentuari eta Kontseiluari lagunduko die aurrekontua nola
bete den kontrolatzeko lanetan.
Kontu Auzitegiak landuko du bere barne-erregelamendua. Erregelamendua Kontseiluak
onartu beharko du.
2. KAPITULUA
BATASUNAREN EGINTZA JURIDIKOAK, ONARTZEKO PROZEDURAK ETA
BESTELAKO XEDAPENAK.
LEHENENGO ATALA
BATASUNAREN EGINTZA JURIDIKOAK
288. artikulua
(lehengo 249. artikulua EET)
Batasunaren eskumenak baliatzeko, instituzioek erregelamenduak, zuzentarauak, erabakiak,
gomendioak eta irizpenak onartuko dituzte.
Erregelamenduak helmen orokorra edukiko du. Lege hori osagai guztiei dagokienez bete
beharrekoa eta estatu kide bakoitzean zuzenean aplikatzekoa izango da.
Zuzentaraua jasotzen duen estatu kideari zuzentarauarekin ezartzen zaion betebeharra emaitza
jakin bat lortzea da, baina estatuko agintarien aukeran uzten dira modua eta baliabideak.
Erabakia betebeharrekoa da puntu guztietan. Erabakia betetzeko hartzaile jakin bat izendatzen
132
denean, horrentzat bakarrik izango da bete beharrekoa.
Gomendioak eta irizpenak ez dira lotesleak.
289. artikulua
1. Legegintzako prozedura arrunta honetan datza: Europako Parlamentuak eta
Kontseiluak, Batzordeak proposatuta, erregelamendu bat, zuzentarau bat edo erabaki bat
hartzean. 294. artikuluan zehazten da prozedura hori.
2. Tratatuek zehaztutako berariazko kasuetan, Europako Parlamentuak Kontseiluaren
partaidetzaz onartuko ditu erregelamenduak, zuzentarauak edo erabakiak, edo, bestela,
Kontseiluak onartuko ditu Europako Parlamentuaren partaidetzaz; horri legegintzako
prozedura berezia deritzo.
3. Legegintzako prozeduraren bitartez hartzen diren egintza juridikoak lege-egintzak
izango dira.
4. Tratatuek zehaztutako berariazko kasuetan, lege-egintzak estatu kideen talde baten
edo Europako Parlamentuaren ekimenez onartu ahal izango dira, edota Europako Banku
Zentralaren gomendioz, edo Justizia Auzitegiaren edo Europako Inbertsio Bankuaren eskariz.
290. artikulua
1. Lege-egintza batek Batzordearengan eskuordetu ahal izango ditu helmen orokorra
duen lege-egintzaren funtsezkoak ez diren osagai jakin batzuk osatzen edo aldarazten dituen
legez besteko egintzak hartzeko ahalak.
Lege-egintzek berariaz mugatuko dituzte eskuordetzan emandako ahalen xedeak, edukiak,
helmena eta iraupena. Lege-egintza/lege-egintza batek arautu behar ditu beti eremu bateko
funtsezko elementuak, eta, horrenbestez, zeregin hori betetzeko ahalak ezin izango dira
eskuordetzan eman.
2. Lege-egintzek berariaz finkatuko dute zein baldintzatan eman ahal izango den
eskuordetza; hona hemen baldintzok:
a) Europako Parlamentuak edo Kontseiluak eskuordetza ezestea erabaki ahal izango
dute;
b) eskuordetzan emandako egintza ezin izango da indarrean sartu, baldin eta Europako
Parlamentuak edo Kontseiluak kontrako arrazoiak eman badituzte lege-egintzak
ezarritako epean.
Europako Parlamentuak bere kideen gehiengoz erabakiko du, eta Kontseiluak, berriz,
gehiengo kualifikatuz, a) eta b) idatz-zatiei dagokienez.
133
3. Eskuordetutako egintzen tituluan “eskuordetua” azalduko da.
291. artikulua
1. Estatu kideek barne-zuzenbideko beharrezko diren neurri guztiak hartuko dituzte,
Batasunarentzat zuzenbidearen arabera lotura-indarra duten egintzak betearazteko.
2. Batasunarentzat zuzenbidearen arabera lotura-indarra duten egintzak betearazteko
baldintza uniformeak behar direnean, estatu kideek betearazpen-eskumenak emango dizkiote
Batzordeari edo, behar bezala justifikatutako egoera berezietan eta Europar Batasunaren
Tratatuaren 24. eta 26. artikuluetan ezarritakoetan, Kontseiluari.
3. Horren aurretik, 2. paragrafoaren ondorioetarako, Europako Parlamentuak eta
Kontseiluak legegintzako prozedura arrunta erabilita onartutako erregelamenduen bidez arau
eta printzipio orokorrak ezarriko dira estatu kideen kontrol-moduei dagokienez, Batzordeak
betearazpen-eskumenak nola baliatzen dituen kontrolatzeko.
4. Betearazpen-egintzen tituluan «betearazpenekoa» adierazpidea azalduko da.
292. artikulua
Kontseiluak gomendioak onartuko ditu. Batzordeak proposatuta egingo du hori, baldin eta
Tratatuetan xedatzen bada Kontseiluak Batzordearen proposamenez onartu behar dituela
egintzak. Aho batez hartuko ditu erabakiak Batasunaren egintza bat onartzeko guztien
adostasuna beharrezko den eremuetan. Batzordeak, baita Europako Banku Zentralak ere,
Tratatuek jasotako berariazko egoeretan, gomendioak onartuko dituzte.
BIGARREN ATALA
EGINTZAK ONARTZEKO PROZEDURAK ETA BESTELAKO XEDAPENAK
293. artikulua
(lehengo 250. artikulua EET)
1. Tratatuei jarraiki, Kontseiluak, Batzordeak proposatuta, erabakirik hartzen badu,
proposamen hori soilik aho batez aldatu ahal izango du, salbu eta 294. artikuluko 10. eta 13.
paragrafoetan, 310., 312. eta 314. artikuluetan eta 315. artikuluko bigarren lerrokadan
jasotako kasuetan.
2. Kontseiluak erabakirik hartzen ez duen bitartean, Batzordeak aldatu egin dezake bere
proposamena, Batasuneko egintza bat onartzeko bideratutako prozedurek dirauten artean.
294. artikulua
(lehengo 251. artikulua EET)
134
1. Egintzaren bat onartzeko, tratatuetan legegintzako prozedura arrunta aipatzen denean,
ondorengo prozedura hau aplikatuko da.
2. Batzordeak proposamena aurkeztuko die Europako Parlamentuari eta Kontseiluari.
Lehenengo irakurraldia
3. Europako Parlamentuak lehenengo irakurraldian onartuko du bere jarrera eta
Kontseiluari jakinaraziko dio.
4. Kontseiluak Europako Parlamentuaren jarrera onartuz gero, kasuan kasuko egintza
onartuko da, Europako Parlamentuaren jarrerari dagokion formulazioan.
5. Kontseiluak ez badu Europako Parlamentuaren jarrera onartzen, lehenengo
irakurraldian finkatuko du bere jarrera eta Europako Parlamentuari jakinaraziko dio.
6. Kontseiluak bere jarrera lehenengo irakurraldian hartzeko izan dituen arrazoi guztien
berri emango dio osoki Europako Parlamentuari. Batzordeak bere jarreraren berri emango dio
osoki Europako Parlamentuari.
Bigarren irakurraldia
7. Helarazpen hori gertatu denetik hiru hilabeteko epean, Europako Parlamentuak:
a) lehenengo irakurraldian onartzen badu Kontseiluaren jarrera edo ez badu inolako
erabakirik hartzen, kasuan kasuko egintza onartutzat joko da Kontseiluaren jarrerari
dagokion formulazioan;
b) kideen gehiengoz, atzera botatzen badu Kontseiluak lehenengo irakurraldian
finkatutako jarrera, proposatutako egintza onartugabetzat joko da;
c) kideen gehiengoz, zuzenketak proposatzen baditu lehenengo irakurraldian Kontseiluak
finkatutako jarrerarentzat, horrela aldarazitako testua Kontseiluari eta Batzordeari
helaraziko die, eta azken horrek emango du zuzenketei buruzko irizpena.
8. Europako Parlamentuaren zuzenketak jaso direnetik hiru hilabeteko epean,
Kontseiluak, gehiengo kualifikatuz:
a) zuzenketa horiek guztiak onartzen baditu, kasuan kasuko egintza onartutzat joko da;
b) zuzenketa horiek guztiak onartzen ez baditu, Kontseiluko lehendakariak, Europako
Parlamentuko lehendakariarekin bat etorriz, Adiskidetze Komitearen bilerarako deia
egingo du sei asteko epean.
9. Kontseiluak aho batez hartuko du Batzordearen irizpen negatiboa jaso duten
135
zuzenketei buruzko erabakia.
Adiskidetzea
10. Adiskidetze Komitea Kontseiluko kideek edo horien ordezkariek eta Europako
Parlamentuaren beste horrenbeste ordezkarik osatuko dute, eta bere xedea izango da
Europako Parlamentuaren jarreran eta Kontseiluak bigarren irakurraldian finkatutako jarreran
oinarritutako testu bateratu bati buruzko akordioa lortzea, Komitea deitu zenetik sei asteko
epean, eta Kontseiluko kideen edo horien ordezkarien gehiengo kualifikatuz eta Europako
Parlamentua ordezkatzen duten kideen gehiengoz.
11. Batzordeak Adiskidetze Komitearen lanetan hartuko du parte, eta Europako
Parlamentuaren eta Kontseiluaren jarrerak hurbiltzen laguntzeko beharrezko ekimen guztiak
onartuko ditu.
12. Baldin eta, Komitea deitu zenetik sei asteko epean, Adiskidetze Komiteak testu
bateratua onartzen ez badu, proposatutako egintza hori onartugabetzat joko da.
Hirugarren irakurraldia
13. Baldin eta, epe horretan, Adiskidetze Komiteak testu bateratua onartzen badu,
Europako Parlamentuak eta Kontseiluak, biek ala biek, sei asteko epea izango dute onarpena
gertatu denetik kasuan kasuko egintza testu horrekin bat etorriz onartzeko; Europako
Parlamentuak emandako botoen gehiengoz hartuko du bere erabakia, eta Kontseiluak, berriz,
gehiengo kualifikatuz. Horrelakorik onartu ezean, proposatutako egintza onartugabetzat joko
da.
14. Artikulu honetan ezartzen diren hiru hilabeteko eta sei asteko aldiak luzatu egin ahal
izango dira, gehienez ere hilabetez eta bi astez hurrenez hurren, Europako Parlamentuaren
edo Kontseiluaren eskariz.
Xedapen bereziak
15. Baldin eta, Tratatuek jasotzen dituen kasuetan, lege-egintza bat legegintzako
prozedura arruntaren pean jartzen bada zenbait estatu kideren ekimenez, Europako Banku
Zentralak gomendatuta edo Justizia Auzitegiaren eskariz, ez dira aplikatuko ez 2. paragrafoa,
ez 6. paragrafoko bigarren esaldia, ez 9. paragrafoa.
Kasu horietan, Europako Parlamentuak eta Kontseiluak Batzordeari helaraziko diote
egintzaren proiektua, lehenengo eta bigarren irakurraldietan dituzten jarrerekin batera.
Europako Parlamentuak edo Kontseiluak prozedura osoan zehar eska diezaiokete irizpena
Batzordeari, eta Batzordeak bere ekimenez ere eman dezake. Batzordeak, halaber, eta
beharrezkotzat jotzen badu, Adiskidetze Komitean parte har dezake, 11. paragrafoarekin bat
etorriz.
136
295. artikulua
Europako Parlamentuak, Kontseiluak eta Batzordeak kontsultak egingo dizkiote elkarri, eta
denen artean adostuko dute beren arteko lankidetza nolakoa izango den. Horretarako, eta
Tratatuei zor zaien errespetuaren barruan, instituzioen arteko akordioak egin ahal izango
dituzte, eta horiek lotura-indarra izan ahal izango dute.
296. artikulua
(lehengo 253. artikulua EET)
Tratatuek zein egintza-mota onartu behar den ezartzen ez dutenean, instituzioek erabaki behar
dute, kasuan-kasuan aplikatu beharrekoak diren prozeduren arabera eta heinekotasunprintzipioari
jarraituz.
Egintza juridikoek arrazoietan oinarrituta egon behar dute, eta Tratatuetan jasotako
proposamenak, ekimenak, gomendioak, eskaerak edo irizpenak hartuko dituzte abiaburu.
Lege-egintzaren proiektua aurkezten zaienean, Europako Parlamentuak eta Kontseiluak ez
dute parte hartuko kasuan kasuko eremuan aplikatu beharreko legegintzako prozeduran jasota
ez dagoen ezein egintzaren onarpenean.
297. artikulua
(lehengo 254. artikulua EET)
1. Legegintzako prozedura arrunta erabiliz onartzen diren lege-egintzak Europako
Parlamentuko lehendakariak eta Kontseiluko lehendakariak sinatu behar dituzte.
Legegintzako prozedura berezi baten arabera onartutako lege-egintzak, horiek onartu dituen
instituzioko lehendakariak sinatuko ditu.
Lege-egintzak Europar Batasunaren Egunkari Ofizialean emango dira argitara. Bertan
finkatutako egunean jarriko dira indarrean, eta, egunik jarri ezik, argitaratzen direnetik hogei
egunera.
2. Erregelamendu, zuzentarau eta, hartzailerik adierazten ez dutenean, erabaki moduan
onartutako legez besteko egintzak, onartu dituen instituzioko lehendakariak sinatuko ditu.
Europar Batasunaren Egunkari Ofizialean argitaratuko dira erregelamenduak, Estatu kide
guztientzat diren zuzentarauak eta hartzaile jakinik adierazten ez duten erabakiak. Bertan
finkatutako egunean jarriko dira indarrean, eta, egunik jarri ezik, argitaratzen direnetik hogei
egunera.
Gainerako zuzentarauak eta hartzailea adierazten duten erabakiak, hartzaileei jakinaraziko
zaizkie, eta jakinarazpen hori egindakoan hartuko dute indarra.
137
298. artikulua
1. Beren eginkizunak betetzean, Batasuneko instituzio, organo eta organismoek Europar
administrazio ireki, eragingarri eta independentearen sostengua izango dute.
2. Estatutua eta 336. artikuluarekin bat onartutako erregimena errespetatuta, Europako
Parlamentuak eta Kontseiluak xede horretarako beharrezkoak diren xedapenak ezarriko
dituzte, legegintzako prozedura arruntaz onartutako erregelamendu bidez.
299. artikulua
(lehengo 256. artikulua EET)
Estatuez beste pertsonei diruzko betebeharra ezartzen dieten Kontseiluaren, Batzordearen edo
Europako Banku Zentralaren egintzak betearazpen-tituluak izango dira.
Nahitaezko betearazpena zein lurraldetan gauzatzen den kontuan dela, lurralde hori hartzen
duen estatuan indarrean dagoen prozedura zibileko arauak izango dira betearazpena arautuko
dutenak. Estatu kide bakoitzeko gobernuak izendatu behar ditu betearazteko agindua
gauzatzeko estatu barruko agintariak, eta horiek betearaziko dute agindua, titulua benetakoa
dela egiaztatze hutsarekin; eta Batzordeari eta Europar Batasuneko Justizia Auzitegiari
jakinarazi behar diete gobernuek agintarion izena.
Interesdunak, bere eskariz formalismo horiek bete ondoren, barne Zuzenbidearen arabera
bideratu lezake nahitaezko betearazpena, eskumenak dauzkan organora zuzenean jota.
Europar Batasuneko Justizia Auzitegiaren erabaki baten indarrez baino ezin da eten
nahitaezko betearazpena. Hala ere, estatu bakoitzeko jurisdikzioen eskumenekoa izango da
betearazpen-neurriak Zuzenbidearekin bat datozen kontrolatzea.
3. KAPITULUA
BATASUNEKO ORGANO AHOLKU-EMAILEAK
300. artikulua
1. Europako Parlamentuak, Kontseiluak eta Batzordeak laguntzaile izango dituzte
Ekonomia eta Gizarte Komitea eta Eskualdeetako Komitea, aholkularitza-eginkizunetan
jardungo baitute.
2. Ekonomia eta Gizarte Komitea osatzeko, enpresaburuen eta langileen erakundeetatik
eta gizarte zibilaren ordezkaritza duten beste sektore batzuetatik hartuko dira ordezkariak,
batez ere, eremu sozio-ekonomikotik zein herritar-, lanbide- eta kultura-eremuetatik.
3. Eskualdeetako Komitea eskualdeetako eta tokian tokiko erakundeetako ordezkariz
osatuta egongo da, eskualdeetako edo tokian tokiko erakunderen batean hauteskunde138
manuren baten titular badira, edo hautatutako biltzarren batean erantzukizun politikoa baldin
badute.
4. Ekonomia eta Gizarte Komiteko eta Eskualdeetako Komiteko kideak ez dira inolako
aginduzko manuri lotuta egongo. Independentzia osoz beteko dituzte beren eginkizunak,
Batasunaren interes orokorraren alde.
5. Komiteen osaerari buruz 2. eta 3. paragrafoetan jasotako arauak, aldian-aldian
berrikusiko ditu Kontseiluak, Batasunaren bilakaera ekonomikoa, soziala eta demografikoa
aintzakotzat hartu ahal izateko. Kontseiluak, Batzordeak proposatuta, erabakiak hartuko ditu
gai honetaz.
LEHENENGO ATALA
EKONOMIA ETA GIZARTE KOMITEA
301. artikulua
(lehengo 258. artikulua EET)
Ekonomia eta Gizarte Komiteko kide-kopurua ez da hirurehun eta berrogeita hamarretik
gorakoa izango:
Kontseiluak, aho batez, eta Batzordeak proposatuta, Komitearen osaera ezarriko duen
erabakia hartuko du.
Kontseiluak ezarriko ditu Ekonomia eta Gizarte Komiteko kideen bidaia-sariak.
302. artikulua
(lehengo 259. artikulua EET)
1. Komiteko kideak bost urterako izendatuko dira. Kideen zerrenda estatu kide bakoitzak
proposatutakoekin bat etorriz egingo da, eta Kontseiluak onartuko du. Komiteko kideen
agintaldia berritu egin daiteke.
2. Batzordeari aurretiaz kontsulta eginda erabakiko du Kontseiluak. Batasunaren
jardueretan zerikusia duten ekonomia- eta gizarte-arloen eta gizarte zibilaren ordezkaritza
betetzen duten Europako erakundeen iritzia ere eskatu ahal izango du.
303. artikulua
(lehengo 260. artikulua EET)
Komiteak berak izendatuko ditu bertako kideen artean lehendakaria eta mahaia, bi urte eta
erdirako.
Barne-erregelamendua egingo du.
139
Komiteko lehendakariak egingo du komitearen bileretarako deia, Europako Parlamentuaren,
Kontseiluaren edo Batzordearen eskariz. Komitea bere ekimenez ere bil daiteke.
304. artikulua
(lehengo 262. artikulua EET)
Europako Parlamentuak, Kontseiluak edo Batzordeak kontsulta egingo diote Komiteari,
Tratatuetan jasotako kasuetan. Instituzio horiek bidezko iritzitako gainerako kasu guztietan
ere egin ahal izango diote kontsulta Komiteari. Irizpen bat eman dezake, halaber, egoki
irizten dionean.
Europako Parlamentuak, Kontseiluak edo Batzordeak, beharrezko irizten badiote, epe bat
jarriko diote Komiteari bere irizpena aurkez dezan; epea ez da hilabetetik beherakoa izango,
lehendakariari horretarako jakinarazpena egiten zaionetik zenbatzen hasita. Irizpena jaso gabe
amaitzen bada finkatutako epea, albo batera utzi ahal izango da irizpena.
Ekonomia eta Gizarte Komitearen irizpena Europako Parlamentuari, Kontseiluari eta
Batzordeari bidaliko zaie, eztabaiden aktarekin batera.
BIGARREN ATALA
ESKUALDEETAKO KOMITEA
305. artikulua
(lehengo 263. artikulua, bigarren, hirugarren eta laugarren lerrokadak, EET)
Eskualdeetako Komitearen kide-kopurua ez da hirurehun eta berrogeita hamarretik gorakoa
izango.
Kontseiluak, aho batez, eta Batzordeak proposatuta, Komitearen osaera ezarriko duen
erabakia hartuko du.
Eskualdeetako Komiteko kideak, eta beste horrenbeste ordezko, bost urterako izendatuko
dira. Agintaldia berritu egin daiteke. Kontseiluak onartuko du kideen eta ordezkoen zerrenda,
hain zuzen ere, estatu kide bakoitzak aurkeztutako proposamenekin bat etorriz egingo dena.
300. artikuluko 3. paragrafoan aipatutako agintaldia, kideok proposatzeko beharrezko oinarria
izan zena, amaitzen denean, Komiteko kideen agintaldia berehala eta besterik gabe amaituko
da, eta, prozedura berberari jarraituz, agintaldi horretan gelditzen den gainerako denborarako
ordeztuko dituzte. Eskualdeetako Komiteko kide bat ere ezin da izan aldi berean Europako
Parlamentuko kide.
306. artikulua
(lehengo 264. artikulua EET)
Eskualdeetako Komiteak bertako kideen artean izendatuko ditu lehendakaria eta Mahaia, bi
urte eta erdirako.
140
Barne-erregelamendua egingo du.
Komiteko lehendakariak egingo du komitearen bileretarako deia, Europako Parlamentuaren,
Kontseiluaren edo Batzordearen eskariz. Komitea bere ekimenez ere bil daiteke.
307. artikulua
(lehengo 265. artikulua EET)
Europako Parlamentuak, Kontseiluak edo Batzordeak kontsulta egingo diote Eskualdeetako
Komiteari, Tratatuetan aurreikusitako kasuetan, baita instituzio bi horietako batek bidezko
iritzi diezaion beste edozein kasutan ere, batez ere mugaz haraindiko lankidetzari
dagozkionetan.
Europako Parlamentuak, Kontseiluak edo Batzordeak, beharrezko irizten badiote, epe bat
jarriko diote Komiteari bere irizpena aurkez dezan; epea ez da hilabetetik beherakoa izango,
lehendakariari horretarako jakinarazpena egiten zaionetik zenbatzen hasita. Irizpena jaso gabe
amaitzen bada finkatutako epea, albo batera utzi ahal izango da irizpena.
Ekonomia eta Gizarte Komiteari 304. artikulua aplikatuta aholkua eskatzen zaionean,
Europako Parlamentuak, Kontseiluak edo Batzordeak Eskualdeetako Komiteari jakinaraziko
diote irizpena eskatu dela. Eskualdeetako Komiteak irizpena egin dezake gai horri buruz,
baldin eta eskualdeetako berariazko interesak jokoan daudela irizten badio.
Eskualdeetako Komiteak, bidezko iritzi diezaionean, irizpena eman dezake bere ekimenez.
Ekonomia eta Gizarte Komitearen irizpena Europako Parlamentuari, Kontseiluari eta
Batzordeari bidaliko zaie, eztabaiden aktarekin batera.
4. KAPITULUA
EUROPAKO INBERTSIO BANKUA
308. artikulua
(lehengo 266. artikulua EET)
Europako Inbertsio Bankuak nortasun juridikoa edukiko du.
Estatu kideak izango dira Europako Inbertsio Bankuko kide.
Europako Inbertsio Bankuaren estatutuak tratatuei erantsita doan protokolo batean jasotzen
dira. Kontseiluak, aho batez, legegintzako prozedura berezi baten arabera, Bankuaren
estatutuak aldatu ahal izango ditu, bai Europako Inbertsio Bankuak eskatuta eta Europako
Parlamentuari eta Batzordeari aurretiaz kontsulta eginda, bai Batzordeak proposatuta eta
Europako Parlamentuari eta Europako Inbertsio Bankuari aurretiaz kontsulta eginda.
141
309. artikulua
(lehengo 267. artikulua EET)
Europako Inbertsio Bankuaren eginbeharra hauxe da: Batasunaren interesen alde, kapitalmerkatuez
eta bere baliabide berekiez baliatuz, barne-merkatuaren garapen orekatu eta
egonkorra lortzen laguntzea. Bankuak, helburu horrekin, maileguak eta bermeak emanez, eta
irabazteko xederik gabe, proiektu hauek finantzatzen lagunduko du, ekonomiaren arlo
guztietan:
a) eskualde atzeratuenen garapenerako proiektuak;
b) enpresak berritzeko edo birmoldatzeko proiektuak, edo barne-merkatua ezartzeko edo
horren ezarpenak edo funtzionamenduak eragindako jarduera berriak sortzeko
proiektuak, baldin eta, handiak direlako edo beren izaeragatik, estatu kide bakoitzean
dauden finantzabideekin oso-osorik finantzatu ezin badira;
c) Estatu kide baten baino gehiagoren interes bateratuko proiektuak, baldin eta, handiak
direlako edo beren izaeragatik, Estatu kide bakoitzean dauden finantza-bideekin osoosorik
finantzatu ezin badira.
Bankuak, bere eginbeharrak betetzerakoan, inbertsio-programak finantzatzeko erraztasunak
emango ditu, Batasuneko egitura-funtsetako ekintzekin eta beste finantza-tresna batzuekin
batera.
II. TITULUA
FINANTZA-XEDAPENAK
310. artikulua
(lehengo 268. artikulua EET)
1. Batasunaren sarrera eta gastu guztiak aurrekontu-ekitaldi bakoitzari dagozkion
aurreikuspenetan jaso eta aurrekontuan zehaztuta utzi behar dira.
Europako Parlamentuak eta Kontseiluak ezarriko dute Batasunaren urteko aurrekontua, 314.
artikuluaren arabera.
Sarrerak eta gastuak orekatu egin behar dira aurrekontuan.
2. Aurrekontuan zehaztutako gastuak urteko aurrekontu-ekitaldi osorako onartuko dira,
322. artikuluan adierazitako erregelamenduaren arabera.
3. Aurrekontuan zehaztutako gastuak egin ahal izateko, aurretiaz Batasunaren egintza bat
onartu beharko da, zuzenbidearen arabera lotura-indarra izango duena, egintza horrek
142
emango baitie oinarri juridikoa bere ekintzari eta dagokion gastua gauzatzeari, betiere, 322.
artikuluan adierazitako erregelamenduaren arabera eta erregelamendu horrek ezarritako
salbuespenak salbuespen direla.
4. Aurrekontuei buruzko diziplina bermatzeko, Batasunak ez du egintzarik onartuko,
baldin eta egintza horrek aurrekontuan nabarmen eragin badezake, eta, Batasunaren baliabide
propioen mugaren baitan eta 312. artikuluan aipatutako urte anitzeko finantza-esparruaren
barruan, egintza horretatik etorriko diren gastuak finantzatu ahal izango direla bermatzen ez
badu.
5. Aurrekontua gauzatuko da finantzen kudeaketa ona printzipio arautzaile duela. Estatu
kideak eta Batasuna elkarrekin lankidetzan arituko dira, aurrekontuan jarritako kredituak
printzipio horren arabera erabil daitezen.
6. Batasunak eta estatu kideek, 325. artikuluari jarraituz, iruzurra eragotziko dute, baita
Batasunaren finantza-interesen kaltean izan daitekeen legearen aurkako beste edozein
jarduera ere.
1. KAPITULUA
BATASUNAREN BALIABIDE PROPIOAK
311. artikulua
(lehengo 269. artikulua EET)
Batasunak bere helburuak lortzeko eta bere politikak burutzeko behar dituen baliabideak
bereganatuko ditu.
Beste sarrera batzuk edukitzea baztertu gabe, Batasunaren baliabide propioen pentzutan
finantzatuko da oso-osorik aurrekontua.
Kontseiluak, legegintzako prozedura berezi baten bidez, aho batez, eta aldez aurretik
Europako Parlamentuari kontsulta eginda, Batasunaren baliabide propioen sistemari
buruzko xedapenak ezartzen dituen erabakia hartuko du. Ildo horretatik, baliabide propioetan
beste kategoria batzuk ere ezarri ahal izango dira, edo, daudenetatik, kategoriaren bat kendu.
Estatu kideek onartzen dutenean sartuko da indarrean erabaki hori, eta estatu bakoitzak bere
konstituzio-arauetan ezarritakoari jarraituz onartu beharko du.
Kontseiluak ezarriko ditu, legegintzako prozedura berezi baten arabera, Batasunaren
baliabide propioen sistema betearazteko neurriak, hirugarren lerrokadaren arabera hartutako
erabakiak hala xedatzen duenean. Europako Parlamentuak aurretiaz onespena emanda
erabakiko du Kontseiluak.
2. KAPITULUA
143
URTE ANITZEKO FINANTZA-ESPARRUA
312. artikulua
1. Urte anitzeko finantza-esparruak Batasunaren gastuen bilakaera ordenatua bermatzea
izango du helburu, betiere, bere baliabide propioen mugen barruan.
Bost urteko gutxieneko epea ezarriko da.
Batasunaren urteko aurrekontuak urte anitzeko finantza-esparrua errespetatuko du.
2. Kontseiluak legegintzako prozedura berezi baten arabera onartuko du urte anitzeko
finantza-esparrua ezartzen duen erregelamendua. Kontseiluak aho batez erabakiko du,
betiere, Europako Parlamentuak, bere kideen gehiengoaren erabakiz, aurretiaz onespena
emanda.
Kontseilu Europarrak erabaki bat hartu ahal izango du aho batez, Kontseiluak gehiengo
kualifikatuz erabakitzeko modua izan dezan lehenengo lerrokadan jasotzen den
erregelamendua onartu behar duenean.
3. Finantza-esparruak zehaztuko du zenbatekoak izango diren konpromisoak betetzeko
kredituen urteko gehienezko mugak, gastu-kategorien arabera, baita ordainketetarako
kredituen urteko gehienezko muga ere. Gastu-kategorien kopurua mugatua izan behar da, eta
kategoria horiek bat etorriko dira Batasunaren jardunaren sektore handienekin.
Finantza-esparruak ezarriko ditu urteko aurrekontu-prozedura ondo garatzeko egokiak diren
beste xedapen guztiak.
4. Baldin eta aurreko finantza-esparrua amaitutakoan ez bada artean Kontseiluaren
erregelamendu bat onartu finantza-esparru berri bat ezartzeko, aurreko finantza-esparru
horren azken urteko gehienezko mugak eta gainerako xedapenak ezartzen jarraituko da, harik
eta egintza hori onartzen den arte.
5. Finantza-esparrua onartzeko prozeduraren barruan, onarpen hori errazte aldera
beharrezkoak diren neurri guztiak hartuko dituzte Europako Parlamentuak, Kontseiluak eta
Batzordeak.
3. KAPITULUA
BATASUNAREN URTEKO AURREKONTUA
313. artikulua
(lehengo 272. artikulua, 1. paragrafoa, EET)
Aurrekontu-ekitaldia urtarrilaren 1ean hasiko da, eta abenduaren 31n amaituko.
144
314. artikulua
(lehengo 272. artikulua, 2.etik 10.era bitarteko paragrafoak, EET)
Europako Parlamentuak eta Kontseiluak ezarriko dute Batasunaren urteko aurrekontua,
legegintzako prozedura berezi baten arabera, honako xedapen hauek kontuan hartuta.
1. Instituzio bakoitzak, Europako Banku Zentrala izan ezik, uztailaren 1a baino lehen,
hurrengo aurrekontu-ekitaldirako dituen gastuen aurreikuspena egingo du. Batzordeak
aurreikuspen horiek guztiak batu eta aurrekonturako proiektua egingo du; elkarrengandik
aldentzen diren aurreikuspenak jaso daitezke bertan.
Proiektuan sarreren aurreikuspena eta gastuen aurreikuspena jaso behar dira.
2. Batzordeak aurrekonturako proiektua jasotzen duen proposamena aurkeztu behar die
Europako Parlamentuari eta Kontseiluari, beranduen jota aurrekontua bete aurreko urteko
irailaren 1ean.
Batzordeak, prozeduran zehar, aldatu egin ahal izango du aurrekonturako proiektua, 5.
paragrafoan adierazten den Adiskidetze Komitearen bilera deitu bitartean.
3. Kontseiluak aurrekonturako proiektuari buruzko erabakia hartu eta Europako
Parlamentuari helaraziko dio, beranduen jota aurrekontua bete aurreko urteko urriaren 1ean.
Kontseiluak bere jarrera hartzeko izan dituen arrazoi guztien berri emango dio osoki
Europako Parlamentuari.
4. Helarazpen hori gertatu denetik berrogeita bi eguneko epean, Europako Parlamentuak:
a) Kontseiluaren jarrera onartzen badu, aurrekontua onartu egingo da;
b) ez badu erabakirik hartzen, aurrekontua onartutzat joko da;
c) bertako kideen gehiengoz zuzenketak onartzen baditu, zuzenketak jaso dituen
proiektua Kontseiluari eta Batzordeari helaraziko zaie. Europako Parlamentuko
lehendakariak, Kontseiluko lehendakariarekin bat, luzamendurik gabe deituko du
Adiskidetze Komitea. Alabaina, proiektua helarazi zaionetik hamar eguneko epean
Kontseiluak jakinarazten badio Europako Parlamentuari horrek egin dituen zuzenketa
guztiak onartzen dituela, Adiskidetze Komitea ez da bilduko.
5. Adiskidetze Komitea Kontseiluko kideek edo horien ordezkariek eta Europako
Parlamentuaren beste horrenbeste ordezkarik osatuko dute, eta bere xedea izango da
Europako Parlamentuaren eta Kontseiluaren jarreretan oinarritutako testu bati buruzko
akordioa lortzea, Komitea deitu zenetik hogeita bat eguneko epean, eta Kontseiluko kideen
edo horien ordezkarien gehiengo kualifikatuz eta Europako Parlamentua ordezkatzen duten
kideen gehiengoz.
145
Batzordeak Adiskidetze Komitearen lanetan hartuko du parte, eta Europako Parlamentuaren
eta Kontseiluaren jarrerak hurbiltzen laguntzeko beharrezko ekimen guztiak onartuko ditu.
6. Baldin eta 5. paragrafoan aipatzen den hogeita bat eguneko epean, Adiskidetze
Komiteak testu bateratu bati buruzko akordioa lortzen badu, Europako Parlamentuak eta
Kontseiluak, biek ala biek, hamalau eguneko epea izango dute akordioaren egunetik aurrera
testu bateratua onartzeko.
7. Baldin eta 6. paragrafoan aipatzen den hamalau eguneko epean:
a) Europako Parlamentuak eta Kontseiluak testu bateratua onartzen badute edo ez badute
inolako erabakirik hartzen, edo instituzio horietako batek testu bateratua onartzen
badu eta besteak, aldiz, ez badu inolako erabakirik hartzen, Aurrekontua behin betiko
onartutzat joko da testu bateratuaren arabera, edo
b) Europako Parlamentuak, kideen gehiengoz, eta Kontseiluak atzera botatzen badute
testu bateratua, edo instituzio horietako batek atzera botatzen badu testu bateratua eta
besteak, aldiz, ez badu inolako erabakirik hartzen, Batzordeak aurrekonturako beste
proiektu bat aurkeztuko du, edo
c) Europako Parlamentuak, kideen gehiengoz, atzera botatzen badu testu bateratua eta
Kontseiluak, aldiz, onartu egiten badu, Batzordeak aurrekonturako beste proiektu bat
aurkeztuko du, edo
d) Europako Parlamentuak testu bateratua onartzen badu baina Kontseiluak atzera
botatzen badu, Europako Parlamentuak, Kontseiluak atzera bota duen egunetik
zenbatzen hasita hamalau eguneko epean, osatzen duten kideen gehiengoz eta
emandako botoen hiru bostenaz erabaki dezake erabat edo zati batean berresten dituela
4. paragrafoko c) idatz-zatian aipatzen diren zuzenketak. Europako Parlamentuaren
zuzenketa bat berresten ez bada, zuzenketa egin zaion aurrekontuko partidari buruz
Adiskidetze Komitean hartutako jarrerari eutsiko zaio. Aurrekontua oinarri horren
gain behin betiko hartutzat joko da.
8. Baldin eta 5. paragrafoan aipatzen den hogeita bat eguneko epean Adiskidetze
Komiteak ez badu testu bateratuaren gaineko akordiorik lortzen, Batzordeak aurrekonturako
beste proiektu bat aurkeztuko du.
9. Artikulu honetan ezarritako prozedura amaitu ondoren, aurrekontua behin betiko
onartu dela aldarrikatuko du Europako Parlamentuko lehendakariak.
10. Instituzio bakoitzak artikulu honek esleitzen dizkion eskumenak erabiliko ditu,
Tratatuak eta horiei jarraiki onartutako egintzak errespetatuz, Batasunaren baliabide propioei
eta sarreren eta gastuen arteko orekari dagokienez, bereziki.
146
315. artikulua
(lehengo 273. artikulua EET)
Aurrekontu-ekitaldia hastean oraindik ez badago behin betiko onartuta aurrekontua, gastuak
hilero burutu ahal izango dira, kapituluka, 322. artikuluan jasotako europar legearekin bat,
aurreko ekitaldiko aurrekontuan zehaztutako kredituen hamabirena muga dela, eta ezin
izango da aurrekonturako proiektuko kapitulu berean jasotako kredituen hamabirena gainditu.
Kontseiluak, Batzordearen proposamenez, hamabirenetik gorako gastuak egiteko baimena
eman dezake, lehenengo lerrokadan ezarritako gainerako baldintzak errespetatzen badira,
322. artikuluaren indarrez onartutako erregelamenduaren arabera. Europako Parlamentuari
emango dio bere erabakiaren berri berehala.
Bigarren lerrokadan aipatutako erabakian aurreikusita utzi behar dira artikulu hau aplikatu
ahal izateko baliabideei buruz beharrezkoak diren neurriak, 311. artikuluan adierazten diren
egintzak errespetatuz.
Onartzen denetik hogeita hamar egunera sartuko da indarrean erabaki hori, baldin eta
Europako Parlamentuak, osatzen duten kideen gehiengoz, ez badu, epe horren barruan,
gastuak murriztea erabakitzen.
316. artikulua
(lehengo 271. artikulua EET)
Aurrekontu-ekitaldia amaitzen denean, langileen gastuetarako ez diren kredituak erabili gabe
gelditzen badira, hurrengo ekitaldirako luzatu ahal izango dira, eta ekitaldi horretarako
bakarrik, 322. artikulua aplikatzerakoan zehaztuko diren baldintzak betez.
Kredituak kapituluka zehaztuko dira, eta beren izaera edo zertarakoaren arabera pilatuko dira
gastuak kapituluotan; eta azpitaldeak egingo dira, 322. artikuluaren indarrez onartutako
erregelamenduaren arabera.
Europako Parlamentuaren, Kontseilu Europarraren eta Kontseiluaren, Batzordearen eta
Europar Batasuneko Justizia Auzitegiaren gastuak aurrekontuko aparteko kontuetan agertuko
dira, nahiz eta sistema berezia eduki zenbait gastu bateraturako.
4. KAPITULUA
AURREKONTUA BETEARAZTEA ETA KUDEAKETA ONARTZEA
317. artikulua
(lehengo 274. artikulua EET)
Batzordeak, bere erantzukizunaren pean eta baimendutako kredituen mugen barruan,
Aurrekontua gauzatuko du estatu kideekin lankidetzan, 322. artikuluaren indarrez onartutako
147
erregelamenduetako xedapenen arabera eta finantzen kudeaketa onaren printzipioarekin bat.
Estatu kideek lankidetza eskainiko diote Batzordeari, baimendutako kredituak finantzakudeaketa
onaren printzipioaren arabera erabiliko direla bermatzeko.
Erregelamenduak zehaztuko du zein diren Aurrekontua gauzatzean estatu kideek dituzten
kontrol eta ikuskaritzako betebeharrak, baita horretatik ondorioztatzen diren erantzukizunak
ere. Halaber zehaztuko ditu instituzio bakoitzak bere gastu propioak gauzatzean dituen
erantzukizunak eta horretan parte hartzeko edukiko dituen berariazko moduak.
Aurrekontuaren barruan, Batzordeak kapitulutik kapitulura edo azpiataletik azpiatalera
eskualdatu ahal izango ditu kredituak, 322. artikuluaren indarrez onartutako erregelamenduak
ezarritako mugekin eta baldintzetan.
318. artikulua
(lehengo 275. artikulua EET)
Batzordeak urtero aurkeztuko dizkie amaitutako ekitaldiko aurrekontuko eragiketen kontuak
Europako Parlamentuari eta Kontseiluari. Gainera, Batasunaren aktiboaren eta pasiboaren
finantza-balantzea ere bidaliko die.
Batzordeak, halaber, Batasunaren finantzak aztertzen dituen txostena aurkeztuko die
Europako Parlamentuari eta Kontseiluari, lortutako emaitzetan oinarrituta, bereziki 319.
artikuluari jarraiki Europako Parlamentuak eta Kontseiluak emandako jarraibideei
dagokienez.
319. artikulua
(lehengo 276. artikulua EET)
1. Europako Parlamentuak, Kontseiluaren gomendioz, aurrekontua gauzatzean
Batzordeak izan duen kudeaketa onartuko du. Horretarako, Europako Parlamentuak,
Kontseiluak gauza bera egin ondoren, ondoko agiriak aztertuko ditu: 318. artikuluan
aipatutako kontuak, finantza-balantzea eta azterketa-txostena, Kontu Auzitegiaren urteko
txostena —ikuskaritzapeko instituzioek Kontu Auzitegiaren oharrei emandako erantzunekin
batera—, 287. artikuluko 1. paragrafoko bigarren lerrokadan aipatutako fidagarritasunadierazpena,
eta Kontu Auzitegiaren txosten bereziak.
2. Batzordearen kudeaketa onartu baino lehen, edo Batzordeak aurrekontua gauzatzeko
dauzkan eskurantzez baliatzearekin zerikusia daukan beste edozein helburutarako, Europako
Parlamentuak Batzordeari azalpenak eskatu ahal izango dizkio; agerraldia gastuak
gauzatzeari edo finantzak ikuskatzeko sistemen funtzionatzeko moduari buruzkoa izango da.
Batzordeak beharrezko informazio guztia emango dio Europako Parlamentuari, Europako
Parlamentuak hala eskatzen dionean.
3. Batzordeak behar den guztia egingo du, bai kudeaketa onartzeko erabakiekin batera
doazen oharpenak betetzeko, bai gastuak egiteko modua dela-eta Europako Parlamentuak
148
egindako gainerako oharpenak betetzeko eta Kontseiluak egindako onarpen-gomendioekin
batera doazen iruzkinak betetzeko.
Europako Parlamentuaren edo Kontseiluaren eskariz, aipatutako ohar eta iruzkinen ondorioz
hartutako neurriei buruz txostenak egingo ditu Batzordeak, eta, bereziki, aurrekontua
gauzatzeko ardura daukaten zerbitzuei emandako jarraibideei buruz. Txosten horiek Kontu
Auzitegiari ere bidaliko zaizkio.
5. KAPITULUA
XEDAPEN ERKIDEAK
320. artikulua
(lehengo 277. artikulua EET)
Urte anitzeko finantza-esparrua eta urteko aurrekontua eurotan ezarriko dira.
321. artikulua
(lehengo 278. artikulua EET)
Batzordeak estatu kideren bateko dirura eskualdatu ditzake beste estatu kide bateko dirutan
dauzkan aktiboak, Tratatuek ezarritako helburuetarako erabiliak izateko beharrezkoak diren
heinean, baina, betiere, kasuan kasuko estatu kide interesdunetan eskudun diren agintariei
eman behar die horren berri. Batzordeak, ahal den neurrian, saihestu egingo ditu halako
eskualdaketak, berak behar dituen diruetan aktibo erabilgarriak edo bihurgarriak badauzka.
Estatu kide bakoitzarekin izango ditu harremanak Batzordeak, estatuok izendatutako
agintarien bidez. Finantza-eragiketak egiteko, estatu kide interesduneko jaulkipen-bankura
edo horrek baimendutako beste finantza-instituzio batera joko du Batzordeak.
322. artikulua
(lehengo 279. artikulua EET)
1. Europako Parlamentuak eta Kontseiluak legegintzako prozedura arrunta erabilita
erregelamenduen bidez ezarriko dituzte, Kontu Auzitegiari kontsulta egin ondoren:
a) Aurrekontua ezarri eta gauzatzeko moduak zehaztuko dituzten finantza-arauak eta
kontuak eman eta aztertzeko moduak ezarri behar dituzten finantza-arauak;
b) finantza-agenteen erantzukizunaren kontrola arautuko duten arauak, eta bereziki,
ordainketa-agintzaileena eta kontulariena.
2. Kontseiluak, Batzordearen proposamenaren gainean, Europako Parlamentuari eta
Kontu Auzitegiari kontsulta egin ondoren, Batasuneko baliabide berekien araubidean
aurreikusitako aurrekontu-sarrerak Batzordearen eskura jartzeko moduak eta prozedura
149
finkatuko ditu, eta, premia dagoenerako, altxortegi-beharrizanei aurre egiteko aplikatu
beharreko neurriak zehaztuko ditu.
323. artikulua
Europako Parlamentuak, Kontseiluak eta Batzordeak zainduko dute Batasunak beharrezko
finantza-bitartekoak izan ditzala, hirugarrenen aurrean izan ditzakeen betebehar juridikoak
bete ahal izateko.
324. artikulua
Batzordearen ekimenez, aldian-aldian Europako Parlamentuko, Kontseiluko eta Batzordeko
lehendakarien batzarrak deituko dira, titulu honetan adierazitako aurrekontuko prozeduren
baitan. Lehendakariek beharrezko diren neurri guztiak hartuko dituzte eurak buru diren
instituzioen jarrerak bateratzen eta hurbiltzen laguntzeko, titulu hau aplikatu dadin lortze
aldera.
6. KAPITULUA
IRUZURRAREN KONTRAKO BORROKA
325. artikulua
(lehengo 280. artikulua EET)
1. Batasunak eta estatu kideek Batasunaren finantza-interesak kaltetuko dituzten
iruzurren eta legearen aurkako jarduera guztien aurka borrokatuko dute, artikulu honetan
xedatutakoaren indarrez onartuko diren neurrien bidez. Neurriok disuasioko eragina izan
behar dute eta babes eraginkorra eskaini behar dute estatu kideetan eta Batasuneko instituzio,
organo eta organismoetan.
2. Batasuneko estatuek, Batasunaren finantza-interesei eragiten dien iruzurraren kontra
borrokatzeko, beren finantza-interes berekiei eragiten dien iruzurraren kontra borrokatzeko
har ditzaten neurri berberak hartuko dituzte.
3. Tratatuetako beste xedapen batzuei kalterik egin gabe, Batasunaren finantza-interesak
iruzurretik babesteko bideratutako ekintzak koordinatuko dituzte estatu kideek. Horretarako,
Batzordearekin batera, lankidetza arautu eta estua antolatuko dute agintari eskudunen artean.
4. Europako Parlamentuak eta Kontseiluak, legegintzako prozedura arruntaren arabera,
eta Kontu Auzitegiari kontsulta egin ondoren, ezarriko dituzte Batasunaren finantza-interesak
kaltetzen dituen iruzurrari aurre hartzeko eta iruzur horren kontra borrokatzeko beharrezkoak
diren neurriak, estatu kideetan eta Batasuneko instituzio, organo eta organismoetan babes
eraginkorra eta baliokidea eskaintzeko xedearekin.
5. Batzordeak, estatu kideekin lankidetzan arituz, txostena aurkeztuko die urtero
150
Europako Parlamentuari eta Kontseiluari, artikulu hau aplikatzeko hartutako neurriei buruz.
III. TITULUA
LANKIDETZA INDARTUAK
326. artikulua
(lehengo 27 Aa 27 E, 40 a 40 B eta 43 a 45 artikuluak EBT eta lehengo 11 eta 11 A artikuluak EET)
Lankidetza indartuek Batasuneko Tratatuak eta Zuzenbidea errespetatuko dituzte.
Lankidetza indartuek ez diete kalterik egingo ez barne-merkatuari ez ekonomiaren,
gizartearen eta lurraldearen kohesioari. Estatu kideen arteko trukeetan ez dute ez oztoporik ez
bereizkeriarik eragingo, eta estatu kideen arteko lehia ere ez dute itxuraldatuko.
327. artikulua
(lehengo 27 Aa 27 E, 40 a 40 B eta 43 a 45 artikuluak EBT eta lehengo 11 eta 11 A artikuluak EET)
Lankidetza indartuek errespetatu egingo dituzte lankidetza horretan parte hartzen ez duten
estatu kideen eskumenak, eskubideak eta betebeharrak. Estatuok ez dute eragotziko
lankidetza indartuetan parte hartzen duten estatuek lankidetzok aplikatzea.
328. artikulua
(lehengo 27 Aa 27 E, 40 a 40 B eta 43 a 45 artikuluak EBT eta lehengo 11 eta 11 A artikuluak EET)
1. Lankidetza indartuak, ezartzen diren unetik bertatik zabalik egongo dira estatu kide
guztientzat, baina, betiere, baimena emateko erabakian ezartzen diren balizko parte hartzeko
baldintzak errespetatzen badira. Beste edozein unetan ere zabalik egongo dira, betiere,
aipatutako baldintzez gain, esparru honetan dagoeneko onartutako egintzak errespetatzen
badira.
Batzordeak eta lankidetza indartu batean parte hartzen ari diren estatu kideek ahaleginak
egingo dituzte estatu kide gehienek parte har dezaten lankidetza horretan.
2. Batzordeak eta, hala badagokio, Batasuneko atzerri- eta segurtasun-politika erkideko
goi-ordezkariak aldian-aldian emango diote Europako Parlamentuari eta Kontseiluari
lankidetza indartuen bilakaeraren berri.
329. artikulua
(lehengo 27 A a 27 E, 40 a 40 B eta 43 a 45 artikuluak EBT eta lehengo 11 eta 11 A artikuluak EET)
1. Tratatuetan jasotzen diren eremuetako edozeinetan —eskumen esklusiboko eremuetan
eta atzerri- eta segurtasun-politika erkidean izan ezik— elkarren artean lankidetza indartua
eratu nahi duten estatu kideek eskaera egin behar diote Batzordeari, eta bertan zehaztuko dute
bai aplikazio-eremua, bai aurreikusitako lankidetza indartuak dituen helburuak. Batzordeak
151
horri buruzko proposamena aurkez diezaioke Kontseiluari. Baina inolako proposamenik
aurkeztu ez badu, Batzordeak horrela jokatzeko izandako arrazoiak jakinarazi beharko dizkie
estatu kide interesdunei.
Kontseiluak emango du lehenengo lerrokadan lankidetza indartua aurrera eramateko jasotako
baimena, Batzordeak proposatuta eta Europako Parlamentuak aurretik onespena eman
ondoren.
2. Atzerri- eta segurtasun-politika erkidearen esparruan lankidetza indartua eratu nahi
duten estatu kideen eskaria Kontseiluari zuzendu behar zaio. Eskari hori, batetik, Batasuneko
atzerri- eta segurtasun-politika erkideko goi-ordezkariari helaraziko zaio, aurreikusitako
lankidetza indartuaren eta Batasunaren atzerri- eta segurtasun-politika erkidearen arteko
koherentziaren inguruko irizpena eman dezan, eta, bestetik, Batzordeari, horrek, bereziki,
aurreikusitako lankidetza indartuaren eta Batasunaren gainerako politiken arteko
koherentziaren inguruko irizpena eman dezan. Europako Parlamentuari ere helaraziko zaio,
jakinaren gainean egon dadin.
Lankidetza indartua aurrera eramateko baimena erabaki baten bidez emango du Kontseiluak,
eta hori aho batez eman behar du.
330. artikulua
(lehengo 27 A a 27 E, 40 a 40 B eta 43 a 45 artikuluak EBT eta lehengo 11 eta 11 A artikuluak EET)
Kontseiluko kide guztiek parte hartu ahal izango dute eztabaidan; bozketan, ordea, lankidetza
indartu batean partaide diren estatu kideek Kontseiluan dituzten ordezkariek, horiexek
bakarrik hartu ahal izango dute parte.
Partaide diren estatu kideetako ordezkarien botoekin, horiexekin bakarrik lortu ahal izango da
ahobatezkotasuna.
238. artikuluko 3. paragrafoan ezarritakoaren arabera zehaztuko da gehiengo kualifikatua.
331. artikulua
(lehengo 27 A a 27 E, 40 a 40 B eta 43 a 45 artikuluak EBT eta lehengo 11 eta 11 A artikuluak EET)
1. Aurreko 329. artikuluko 1. paragrafoan jasotako eremuetakoren batean lehenagotik
sortuta dagoen lankidetza indartu batean parte hartu nahi duten estatu kideek Kontseiluari eta
Batzordeari jakinarazi behar diote.
Batzordeak lau hilabeteko epean berretsiko du dagokion estatu kidearen parte-hartzea,
jakinarazpena jasotzen denetik zenbatzen hasita. Hala badagokio, jasota utziko du parte
hartzeko baldintzak betetzen direla, eta lankidetza indartuaren baitan dagoeneko onartutako
egintzak aplikatzeko beharrezko neurri iragankorrak onartuko ditu.
Nolanahi ere, Batzordeak iritziz gero ez direla parte hartzeko baldintzak betetzen, horretarako
152
beharrezkoak diren xedapenak adierazi eta eskaria berriz aztertzeko epea ezarriko du. Epea
amaitutakoan, berriz aztertuko du eskaria, bigarren lerrokadan ezarritako prozeduraren
arabera. Batzordeak iritziz gero oraindik ere ez direla parte hartzeko baldintzak betetzen,
dagokion estatu kideak Kontseiluari aurkez diezaioke auzi hori, eta horrek hartu beharko du
eskariari buruzko erabakia. 330. artikuluaren arabera erabakiko du Kontseiluak. Orobat,
Batzordearen proposamenez, bigarren lerrokadan aipatzen diren neurri iragankorrak hartu
ahal izango ditu.
2. Atzerri- eta segurtasun-politika erkidearen esparruan jadanik martxan dagoen
lankidetza indartu batean parte hartu nahi duten estatu kideek Kontseiluari, Batasuneko
atzerri- eta segurtasun-politika erkideko goi-ordezkariari eta Batzordeari jakinarazi behar
diete.
Kontseiluak berretsiko du dagokion estatu kidearen parte-hartzea; Batasuneko atzerri- eta
segurtasun-politika erkideko goi-ordezkariari aurretiaz kontsulta egingo dio, eta egiaztatuko
du, hala badagokio, estatu horrek parte hartzeko baldintza guztiak betetzen dituela.
Kontseiluak, Batasuneko atzerri- eta segurtasun-politika erkideko goi-ordezkariaren
proposamenez, halaber, lankidetza indartuaren baitan dagoeneko onartu diren egintzak
aplikatzeko beharrezko neurri iragankorrak ere onartu ahal izango ditu. Nolanahi ere,
Kontseiluak baiesten badu ez direla parte hartzeko baldintzak betetzen, horretarako
beharrezkoak diren xedapenak zehaztu, eta parte hartzeko eskaria berriz aztertzeko epea
ezarriko du.
Paragrafo honen ondorioetarako, Kontseiluak aho batez erabakiko du eta 330. artikuluarekin
bat.
332. artikulua
(lehengo 27 Aa 27 E, 40 a 40 B eta 43 a 45 artikuluak EBT eta lehengo 11 eta 11 A artikuluak EET)
Lankidetza indartua aplikatzetik sortutako gastuak, baldin eta instituzioei eragindako
administrazio-gastuak ez badira, lankidetzan parte hartzen duten estatu kideek ordainduko
dituzte, Kontseiluak, bere kide guztiek aho batez eta Europako Parlamentuari kontsulta
eginda, besterik erabaki ezik.
333. artikulua
(lehengo 27 Aa 27 E, 40 a 40 B eta 43 a 45 artikuluak EBT eta lehengo 11 eta 11 A artikuluak EET)
1. Lankidetza indartu baten esparruan aplikagarri den Tratatuetako xedapen batek
ezartzen badu Kontseiluak gehiengoz hartu behar duela erabakia, Kontseiluak gehiengoz onar
dezake, 330. artikuluan xedatutakoarekin bat, erabaki bat, non ezarriko duen erabakia
gehiengo kualifikatuz hartuko duela.
2. Lankidetza indartu baten esparruan aplikagarri den Tratatuetako xedapen batek
ezartzen badu Kontseiluak legegintzako prozedura berezi baten arabera onartu behar dituela
dagozkion egintzak, Kontseiluak aho batez onar dezake, 330. artikuluan xedatutakoarekin
153
bat, erabaki bat, non ezarriko duen erabakia legegintzako prozedura arruntaren arabera
hartuko duela. Europako Parlamentuari aurretiaz kontsulta eginda erabakiko du Kontseiluak.
3. Goiko 1. eta 2. paragrafoak ez zaizkie aplikatuko eremu militarrean edo defentsako
eremuan ondorioak dituzten erabakiei.
334. artikulua
(lehengo 27 A a 27 E, 40 a 40 B eta 43 a 45 artikuluak EBT eta lehengo 11 eta 11 A artikuluak EET)
Kontseiluak eta Batzordeak lankidetza indartu baten esparruan hasitako ekintzen koherentzia
zaindu behar dute, baita ekintza horiek Batasunaren politikekin koherenteak izan daitezen ere,
eta, horretarako, lankidetzan aritu behar dute.
ZAZPIGARREN ZATIA
XEDAPEN OROKORRAK, ETA AZKEN XEDAPENAK
335. artikulua
(lehengo 282. artikulua EET)
Batasunak estatu kide bakoitzean bertako legeriak pertsona juridikoei aitortzen dien gaitasun
juridikorik zabalena izango du; bereziki ondasun higigarriak eta higiezinak erosi edo
besterendu ahal izango ditu, eta epaitegietan agertu ahal izango da. Horretarako, Batzordeak
ordezkatuko du Batasuna. Dena dela, Batasuna instituzio bakoitzak ordezkatuko du,
bakoitzaren administrazio-autonomiari jarraiki, instituzioon funtzionamenduarekin zerikusia
duten gaietarako.
336. artikulua
(lehengo 283. artikulua EET)
Europar Batasuneko funtzionarioen estatutua eta Batasuneko beste agente batzuei aplikatu
beharreko araubidea Europako Parlamentuak eta Kontseiluak ezarriko dute legegintzako
prozedura arruntaren arabera onartutako erregelamenduen bidez eta gainerako instituzio
interesdunei kontsulta egin ondoren.
337. artikulua
(lehengo 284. artikulua EET)
Batzordeak, berari agindutako eginbeharrak betetzeko, era guztietako informazioak eskatu eta
beharrezko egiaztapen guztiak egin ahal izango ditu, Tratatuetako xedapenekin bat etorriz
Kontseiluak gehiengo soilez finkatutako mugekin eta baldintzetan.
338. artikulua
(lehengo 285. artikulua EET)
154
1. Banku Zentralen Europako Sistemaren eta Europako Banku Zentralaren estatutuei
buruzko protokoloko 5. artikuluan xedatutakoari kalterik egin gabe, Europako Parlamentuak
eta Kontseiluak, legegintzako prozedura arruntaren arabera, estatistikak egiteko neurriak
hartuko dituzte, Batasunaren jarduerak burutzeko beharrezkoak direnean.
2. Batasuneko estatistikak egiteko, inpartzialtasuna, fidagarritasuna, objektibotasuna,
independentzia zientifikoa, errentagarritasuna eta estatistikari buruzko isilekotasuna bete
behar dira, eta ez zaie larregiko zamarik sortu behar eragile ekonomikoei.
339. artikulua
(lehengo 287. artikulua EET)
Batasuneko instituzioetako kideak, komiteetako kideak, eta Batasuneko funtzionarioak eta
langileak, guztiok egongo dira behartuta, baita beren karguak utzi eta gero ere, informazioen
izaera dela-eta lanbide-isilpekotasunez babestutako informaziorik ez zabaltzera; batez ere,
enpresen datuak, eta beren merkataritzako harremanei edo beren kostuen osagaiei buruzkoak
direnean.
340. artikulua
(lehengo 288. artikulua EET)
Kasuan kasuko kontratuari aplikatu behar zaion legeak arautuko du Batasunaren kontratuerantzukizuna.
Kontratuz kanpoko erantzukizunari dagokionez, Batasunak bere instituzioek edo bere
agenteek beren eginkizunak betetzean sortutako kalteak konpondu beharko ditu, estatu
kideetako zuzenbideetan komunak diren printzipio orokorrekin bat etorriz.
Bigarren lerrokadan xedatutakoa gorabehera, Europako Banku Zentralak berak edo bere
agenteek beren eginkizunak betetzean sortutako kalteak konpondu beharko dituzte, estatu
kideetako zuzenbideetan komunak diren printzipio orokorrekin bat etorriz.
Langileek Batasunarekiko daukaten erantzukizun pertsonala beren estatutuko edo aplikagarri
zaien araubideko xedapenen arabera arautuko da.
341. artikulua
(lehengo 289. artikulua EET)
Batasuneko instituzioen egoitza estatu kideetako gobernuen adostasunez finkatuko da.
342. artikulua
(lehengo 290. artikulua EET)
Kontseiluak erregelamenduen bitartez finkatuko du Batasuneko instituzioen hizkuntzasistema,
aho batez, Europar Batasuneko Justizia Auzitegiaren estatutuan aurreikusitako
155
xedapenei kalterik egin gabe.
343. artikulua
(lehengo 291. artikulua EET)
Estatu kideen lurraldean bere xedeak betetzeko beharrezko pribilegio eta immunitateak
edukiko ditu Batasunak, Europar Batasunaren pribilegio eta immunitateei buruzko 1965ko
apirilaren 8ko protokoloan ezarritako baldintzetan. Gauza bera aplikatuko zaie Europako
Banku Zentralari eta Europako Inbertsio Bankuari ere.
344. artikulua
(lehengo 292. artikulua EET)
Tratauak interpretatu edo aplikatzeko eztabaidak Tratatuetan aurreikusitakoez bestelako
irtenbide-prozeduraren menpe ez jartzeko konpromisoa hartzen dute estatu kideek.
345. artikulua
(lehengo 295. artikulua EET)
Tratatuek inola ere ez dute zalantzan jartzen estatu kideen jabetza-araubidea.
346. artikulua
(lehengo 296. artikulua EET)
1. Tratatuetako xedapenak ez dira arau hauen kontrako oztopo izango:
a) estatu kideren baten ustez informazioren bat zabaltzea bere segurtasunerako funtsezko
interesen kontra badoa, ezin izango da informazio hori ematera behartu;
b) estatu kide guztiek har ditzakete beren segurtasunerako funtsezko interesak babesteko
beharrezkotzat jo, eta armak, munizioak eta gerrako materialak ekoitzi edo
merkaturatzeko diren neurriak; neurri horiek ezin izango dituzte aldatu barne-merkatuko
lehia-baldintzak, berariaz helburu militarretarako ez diren produktuei dagokienez.
2. Kontseiluak, aho batez, eta Batzordearen proposamenez, aldaketak sar ditzake 1.
paragrafoko b) idatz-zatiko xedapenen menpe dauden produktuekin 1958ko apirilaren 15ean
egin zuen zerrendan.
347. artikulua
(lehengo 297. artikulua EET)
Estatu kideek kontsulta egingo diote elkarri, hartu beharreko neurriak guztien adostasunez
hartzeko, estatu kideren batek, bai bertako ordena publikoa asaldatzea ekar dezaketen barruko
istilu larriek eraginda, zein gerra dela-eta edo nazioartean gerra-mehatxua sorrarazten duen
tentsio-egoera larriak eraginda, nahiz bakea eta nazioarteko segurtasuna zaintzeko
bereganatutako betebeharrei aurre egiteko, nahitaez hartu behar dituen neurriek barne156
merkatuaren funtzionamenduari kalterik sor ez diezaioten.
348. artikulua
(lehengo 298. artikulua EET)
Tratatuetako 346. eta 347. artikuluetan aurreikusitako kasuetan hartutako neurriren batzuek
barne-merkatuko lehia-baldintzak aldatzen badituzte, aipatutako neurriok tratatu honetan
ezarritako arauetara egokitu ahal izateko baldintzak aztertuko ditu Batzordeak horretan
interesa daukan estatuarekin batera.
Tratatu honetako 258. eta 259. artikuluetan aurreikusitako prozeduraren kontra jarri gabe,
Batzordeak edo Erkidegoko edozein estatuk zuzenean jo dezake Justizia Auzitegira, baldin
eta bere ustez Erkidegoko beste estaturen batek gehiegikeriaz erabiltzen baditu 346. eta 347.
artikuluetan aurreikusitako ahalmenak. Justizia Auzitegiak ateak itxita erabakiko du.
349. artikulua
(lehengo 299. artikulua, 2. paragrafoa, bigarren, hirugarren eta laugarren lerrokadak, EET)
Guadalupeko, Guyana Frantseseko, Martinikako, Reunioneko, San Bartolomeko, San
Martineko, Azore uharteetako, Madeirako eta Kanariar uharteetako ekonomiaren eta
gizartearen egituraren egoera kontuan hartuta, hau da, oso urruti daudela, uharteak, azalera
txikikoak, eta erliebe eta egurats gogorrekoak direla, produktu-kopuru txiki baten menpe
daukatela beren ekonomia, eta, alderdi horiek iraunkorrak eta denak batera agertzen direlako,
kalte larria eragiten diotela beren garapenari, horiek guztiok kontuan hartuta, bada,
Kontseiluak, Batzordearen proposamenez eta Europako Parlamentuari kontsulta egin
ondoren, tratatuak eskualde horietan aplikatzeko baldintzak finkatzeko bereziki bideratutako
berariazko neurriak hartuko ditu, politika erkideak barne direla. Kontseiluak ere, legegintzako
prozedura berezi baten bidez berariazko hainbat neurri hartzen dituenean, aho batez hartuko
du erabakia, Batzordeak proposatuta eta aurretik Europako Parlamentuari kontsulta eginda.
Lehenengo lerrokadan jasotako neurriek eremu hauek barnean hartuko dituzte, bereziki:
aduana- eta merkataritza-politikak, zerga-politika, alderdi zerga-gabeak, nekazaritza- eta
arrantza-politikak, lehengaiak eta oinarrizko kontsumo-ondasunak hornitzeko baldintzak,
laguntza publikoak, eta egitura-funtsetara eta Batasunaren programa horizontaletara iristeko
baldintzak.
Kontseiluak, lehenengo lerrokadan jasotako neurriak hartzerakoan, eskualde ultraperiferikoen
ezaugarri eta eskakizun bereziak izango ditu kontuan, baina Batasunaren zuzenbideko
antolamenduaren osotasuna eta koherentzia arriskuan jarri gabe, eta barne-merkatua eta
politika bateratuak tartean direla.
350. artikulua
(lehengo 306. artikulua EET)
Tratatuetako xedapenek ez dute eragotziko Belgikaren eta Luxenburgoren artean, eta
157
Belgikaren, Luxenburgoren eta Herbehereen artean dauden eskualde-batasunak mantentzea
eta hobetzea, eskualde-batasun horien helburuak Tratatuak aplikatuta lortzen ez diren
heinean.
351. artikulua
(lehengo 307. artikulua EET)
Tratatuetako xedapenek ez diete eraginik sortuko estatu kide batek edo gehiagok eta
hirugarren herrialde batek edo gehiagok beren artean lotutako hitzarmenetatik sortzen diren
eskubide eta betebeharrei, baldin eta hitzarmen horiek 1958ko urtarrilaren 1a baino lehenago
lotutakoak badira, edo, geroago atxikitako estatuak direnean, atxikitze-eguna baino lehenago
lotutakoak badira.
Hitzarmen horiek Tratatuekin bateraezinak diren heinean, dena delako estatu kide horrek edo
horiek nabaritu dituen edo dituzten bateraezintasunak kentzeko egokiak diren bitarteko
guztietara joko du edo dute. Beharrezkoa izanez gero, estatu kideek elkarri lagunduko diote
helburu hori lortzeko, eta, hala badagokio, jarrera bateratua hartuko dute.
Lehenengo lerrokadan aipatzen diren hitzarmenak aplikatzerakoan, estatu kideek kontuan
izan behar dute estatu kide bakoitzak Tratatuetan emandako abantailak Batasunaren
eraketaren parte direla eta, horregatik, banatu ezineko moduan daudela lotuta instituzio
erkideak sortzearekin, horiei eskumenak esleitzearekin eta gainerako estatu kideek abantaila
berdinak ematearekin.
352. artikulua
(lehengo 308. artikulua EET)
1. Tratatuetan ezarritako helburuetakoren bat lortze aldera, Tratatuetan zehaztutako
politiken eremuari dagokionez, Batasunak ekintzaren bat egin behar duela beharrezkotzat
jotzen denean, eta horretarako beharrezko diren jarduteko ahalak jaso ez badira, Kontseiluak,
Batzordearen proposamenaren gainean eta Europako Parlamentuak neurrioi aurretiaz
onespena emanda, egoki diren neurriak hartuko ditu aho batez. Kontseiluak legegintzako
prozedura berezi baten arabera xedapen horiek onartzen dituenean, aho batez hartuko du
erabakia, Batzordeak proposatuta eta Europako Parlamentuak onartu ondoren.
2. Batzordeak, Europar Batasunaren Tratatuaren 5. artikuluaren 3. paragrafoan
aipatutako subsidiariotasun-printzipioa kontrolatzeko prozeduraren esparruan, estatu
kideetako parlamentuei jakinaraziko dizkie artikulu honetan oinarritutako proposamenak.
3. Artikulu honetan oinarritutako neurriek ezin izango dute estatu kideetako legezko eta
erregelamenduzko xedapenen inolako harmonizaziorik ekarri, baldin eta Tratatuek
harmonizazio hori baztertzen badute.
4. Artikulu honek ez du balioko atzerri- eta segurtasun-politika erkidearen eremuaren
helburuak lortzeko oinarritzat, eta artikulu honen arabera onartzen den edozein egintzak
158
Europar Batasunaren Tratatuaren 40. artikuluko bigarren lerrokadan ezarritako mugak
errespetatu behar ditu.
353. artikulua
Europar Batasunaren Tratatuaren 48. artikuluko 7. paragrafoa ez zaie aplikatuko honako
xedapen hauei:
— 311. artikuluko hirugarren eta laugarren lerrokadei
— 312. artikuluko 2. paragrafoko lehenengo lerrokadari,
— 352. artikuluari eta
— 354. artikuluari.
354. artikulua
(lehengo 309. artikulua EET)
Batasuneko kide izateak dakartzan eskubide jakin batzuk etenda uzteari buruzko Europar
Batasunaren Tratatuaren 7. artikuluaren ondoreetarako, Kontseilu Europarrean edo
Kontseiluan kasuan kasuko estatu kideak duen ordezkariak ez du bozketa horretan parte
hartuko, eta, era berean, kasuan kasuko estatu hori ez da kontuan hartuko artikulu horretako
1. eta 2. paragrafoetan aipatutako kalkuluak egitean, hots, estatu kideen herena edo lau
bostenak zehazteko orduan. Bertaratu diren kideak edo ordezkatuta daudenak abstenituta ere,
hori ez da eragozpen izango aipaturako artikuluko 2. paragrafoan adierazitako erabakiak
hartzeko.
Europar Batasunaren Tratatuaren 7. artikuluko 3. eta 4. paragrafoetan jasotako erabakiak
hartzeko, 238. artikuluko 3. paragrafoaren b) idatz-zatiaren arabera zehaztuko da gehiengo
kualifikatua.
Kontseiluak, Europar Batasunaren Tratatuaren 7. artikuluko 3. paragrafoaren arabera, botoeskubidea
etenda uzteko erabakia hartu dela-eta, Tratatuetako xedapenetako bati jarraituz
gehiengo kualifikatuz erabaki behar duenean, gehiengo kualifikatu hori tratatu honetako 238.
artikuluko 3. paragrafoko b) idatz-zatiaren arabera zehaztuko da, edo Kontseiluak
Batzordearen edo Batasuneko atzerri- eta segurtasun-politika erkideko goi-ordezkariaren
proposamenez diharduenean, 238. artikuluko 3. paragrafoko a) idatz-zatiaren arabera.
Europar Batasunaren Tratatuko 7. artikuluaren ondoreetarako, Europako Parlamentuak,
erabaki ahal izateko, bertan emandako botoen bi hereneko gehiengoa behar du, betiere, botokopuru
hori Europako Parlamentua osatzen duten kideen gehiengoa izanda.
355. artikulua
(lehengo 299. artikuluko 2. paragrafoko lehenengo lerrokada eta 3a eta 6 paragrafoak, EET)
159
Tratatuetako lurralde-eremuari buruzko Europar Batasunaren Tratatuko 52. artikuluko
xedapenez gain, honako xedapen hauek aplikatuko dira
1. Tratatuetako xedapenak Guadaluperi, Guyana Frantsesari, Martinikari, Reunioni, San
Bartolomeri, San Martini, Azore Uharteei, Madeirari eta Kanariar Uharteei aplikatuko
zaizkie, 349. artikuluan xedatutakoarekin bat.
2. II. eranskinean zerrendatuta dauden itsasoz haraindiko herrialde eta lurraldeak IV.
zatian definitzen den elkartzeko araubide bereziaren menpe egongo dira.
Tratatuak ez zaizkie aplikatuko lehen esandako zerrendan aipatu ez diren, eta Britainia
Handiko eta Ipar Irlandako Erresuma Batuarekin harreman bereziak dauzkaten itsasoz
haraindiko herrialde eta lurraldeei.
3. Batasuneko estatu kide batek Europako lurralderen baten kanpo-harremanak
bereganatuta badauzka, tratatuetako xedapenak aplikatuko zaizkio lurralde horri ere.
4. Åland uharteei ere tratatuetako xedapenak aplikatuko zaizkie, Austriako
Errepublikaren, Finlandiako Errepublikaren eta Suediako Erresumaren atxikipen baldintzei
buruzko Aktako 2. zenbakiko protokoloko xedapenekin bat etorriz.
5. Europar Batasunaren Tratatuko 52. artikuluan eta artikulu honetako 1.tik 4.era
bitarteko paragrafoetan xedatutakoa gorabehera:
a) tratatuak ez zaizkie aplikatuko Faroe uharteei;
b) Tratatuak ez zaizkie aplikatuko Britainia Handiko eta Ipar Irlandako Erresuma Batuak
bere subiranotasunpean Zipren dituen Akrotiri eta Dhekelia eremuei, salbu eta
Britainia Handiko eta Ipar Irlandako Erresuma Batuak bere subiranotasunpean Zipren
dituen eremuei buruzko protokoloan ezarritako xedapenak aplikatuko direla
bermatzeko beharrezkoa bada eta, betiere, protokolo horretan xedatutakoaren arabera.
Protokolo hori Txekiar Errepublika, Estoniako Errepublika, Zipreko Errepublika,
Letoniako Errepublika, Lituaniako Errepublika, Hungariako Errepublika, Maltako
Errepublika, Poloniako Errepublika, Esloveniako Errepublika eta Eslovakiako
Errepublika Europar Batasunari atxikitzeko baldintzei buruzko aktari erantsita dago.
c) Kanaleko uharteei eta Man uharteari tratatuetako xedapenak aplikatuko bazaizkie ere,
Europako Ekonomia Erkidegora eta Energia Atomikoaren Europako Erkidegora estatu
berriak atxikitzeko 1972ko urtarrilaren 22an izenpetutako Tratatuan uharte horietarako
aurreikusitako araubidea aplikatuko zaiela bermatzeko beharrezkoa den heinean
egingo da.
6. Kontseilu Europarrak, dagokion estatu kidearen ekimenez, erabaki bat hartu ahal
izango du 1. eta 2. paragrafoetan aipatzen diren Danimarkako, Frantziako eta Herbehereetako
160
herrialde edo lurraldeek Batasunarekiko duten estatutua aldatzeko. Kontseilu Europarrak,
Batzordeari aurretiaz kontsulta eginda, aho batez erabakiko du.
356. artikulua
(lehengo 312. artikulua EET)
Tratatu hau epe-muga jakinik gabe egiten da.
357. artikulua
(lehengo 313. artikulua EET)
Tratatu hau tratatugile gorenek berretsiko dute, bakoitzak bere konstituzio-arauen arabera.
Berrespen-agiriak Italiako Errepublikako Gobernuak gordeko ditu.
Berrespen-agiria gordailuan azkeneko uzten duen estatu sinatzaileak formalismo hori bete,
eta hurrengo hileko lehenengo egunean sartuko da indarrean tratatu hau. Baina, hurrengo hila
hasteko hamabost egun baino gutxiago falta direla egiten bada gordailua, gordailua egiten
denetik hurrengo bigarren hileko lehenengo egunera arte atzeratuko da tratatu hau indarrean
sartzeko eguna.
358. artikulua
Europar Batasunaren Tratatuaren 55. artikuluko xedapenak tratatu honi aplikatzekoak dira.
HORREN FEDE EMANEZ, beheko sinatzaile ahal osokoek izenpetzen dute tratatu hau.
Erroman egina, mila bederatziehun eta berrogeita hamazazpiko martxoaren hogeita bostean.
(ez da izenpetzaileen zerrenda jaso)